എഴുത്തുകുത്ത്

അഴിമതിക്കെതിരെയുള്ള അക്ഷരമുന്നേറ്റം

തൃശൂർ നഗരസഭയിലെ അഴിമതിക്കഥകളെ തുറന്നുകാണിക്കുന്ന ലേഖനം (ലക്കം: 1366) നമ്മുടെ അധികാര സ്ഥാപനങ്ങളിൽ നടക്കുന്ന കെടുകാര്യസ്ഥതയുടെ അനവധി ഉദാഹരണങ്ങളിൽ ഒന്നുമാത്രമാണ്. ഭരിക്കുന്നവർ വെച്ചുകൊടുക്കുന്ന ഭാരിച്ച നികുതിയാലും താങ്ങാൻ പറ്റാത്ത വിലക്കയറ്റത്താലും നടുനിവർത്താൻ കഴിയാതെ കോടിക്കണക്കിനു ദരിദ്രനാരായണന്മാർ നരകിക്കുന്ന നാട്ടിൽ പൊതുമുതലിന്റെ കാര്യത്തിൽ ഒരുവിധ ഉത്തരവാദിത്തവും കാണിക്കാത്ത രാഷ്ട്രീയ, ഉദ്യോഗസ്ഥ, ലോബിയുടെ പിടിപ്പുകേടുകൾ വല്ലാത്ത തരത്തിൽ ചർച്ചചെയ്യപ്പെടാൻ നമ്മുടെ നാട് വല്ലാതെ കൊതിച്ചുപോകുന്നുണ്ട് എന്നതാണ് സത്യം.

പാതിവഴിയിൽ നിന്നുപോകുന്ന പല പദ്ധതികളുടെയും പിന്നാമ്പുറത്തേക്ക് വെറുതെ ഒന്ന് എത്തിനോക്കിയാൽ കോടികളുടെ കൈയിട്ട് വാരലിന്റെ കഥകേട്ട് നാം അന്തം വിട്ട് നിന്നുപോകും. സ്വാതന്ത്ര്യം ലഭിച്ച നാൾമുതൽ ഇന്നേവരെ അഴിമതി എന്ന ഓമനപ്പേരിൽ നടക്കുന്ന തീവെട്ടിക്കൊള്ള ഒന്നുകൊണ്ടു മാത്രമാണ് നമ്മുടെ നാട് ഇന്നും വികസ്വര രാജ്യങ്ങളുടെ പട്ടികയിൽനിന്നും പുറത്തുകടക്കാൻ കഴിയാതെ ശ്വാസംമുട്ടി നിൽക്കേണ്ടിവരുന്നത്.

ഇതിനെയൊക്കെ ജനങ്ങളുടെ ഭാഗത്ത് നിലകൊണ്ട് തുറന്നെതിർക്കേണ്ട നാലാം തൂണുകൾ പലപ്പോഴും പലതിനു നേരെയും കണ്ണടക്കുന്നു എന്നതും വേദനിപ്പിക്കുന്ന ഒരു വസ്തുതയാണ്. മറ്റു പ്രസിദ്ധീകരണങ്ങൾ മുഖംതിരിക്കുന്ന ഇത്തരം വാർത്തകളെ വെളിച്ചത്തുകൊണ്ടുവരാൻ എന്നും മുന്നിൽ നിന്നിട്ടുള്ള ആഴ്ചപ്പതിപ്പിന് എല്ലാ നന്മകളും നേരുന്നു.

(ഇസ്മായിൽ പതിയാരക്കര, ബഹ്‌റൈൻ)

ഗം​ഭീ​ര ക​ഥ​ക​ൾ

മാ​ധ്യ​മ​ത്തി​ൽ ​മൂ​ന്നു ഗം​ഭീ​ര ക​ഥ​ക​ൾ (ല​ക്കം: 1367). പ്ര​ദീ​പ് പേ​ര​ശ്ശനൂരി​ന്റെ ‘മ​ണി​ക​ണ്ഠ​നും മ​ണി​ക​ണ്ഠ​ൻ മ​ദി​ര​ശ്ശേ​രി’യും, ​വി. പ്ര​വീ​ണ​യു​ടെ ‘ത​ർ​ക്ക​മ​ന്ദി​രം’, സോ​ക്ര​ട്ടീ​സ് കെ.​ വാ​ല​ത്തി​ന്റെ ‘സ്വാ​ത​ന്ത്ര്യ​ത്തെ​ക്കു​റി​ച്ചൊ​രു ആ​ഗോ​ള സി​നി​മ’. പ്ര​ദീ​പി​ന്റെ ക​ഥ വാ​യി​ക്കു​മ്പോ​ൾ ഞാ​നൊ​ക്കെ ഇ​പ്പോ​ഴും ക​ട​ന്നു​പോ​കു​ന്ന/ മ​ന​ഃപൂ​ർ​വം അ​വ​ഗ​ണി​ക്കു​ന്ന കു​റെ അ​ക്കാ​ദ​മി​ക പ​ണ്ഡി​ത​ർ/ ചി​ല രം​ഗ​ങ്ങ​ൾ മ​ന​സ്സി​ലേ​ക്ക് ഓ​ടി​യെ​ത്തി. ത​യ്യ​ൽ​ക്കാ​ര​നാ​യി​രി​ക്കെ ഒ​രു ക​ഥ​യോ ക​വി​ത​യോ വ​ന്നാ​ൽ ന​ല്ല​തെ​ന്നോ ചീത്ത​യെ​ന്നോ പ​റ​യാ​തെ വെ​റും പു​ച്ഛം പ്ര​സ​വി​ക്കു​ന്ന എ​ഴു​ത്തി​ലെ​യും അ​ല്ലാ​തെ​യു​മു​ള്ള മാ​ഷ​ൻ​മാ​രും നി​രൂപ​ക സിം​ഹ​ങ്ങ​ളു​ടെ​യും ഇ​ട​യി​ൽ ജീ​വി​ച്ചുതീ​ർ​ത്ത​ത് ഓ​ർ​ക്കു​മ്പോ​ൾ സ​ങ്ക​ട​മ​ല്ല വാ​ശി​യാ​യി​രു​ന്നു. പി​ന്നീ​ട് ജോ​ലി ല​ഭി​ച്ച​പ്പോ​ഴും അ​ക്കാ​ദ​മി​ക പ​ണ്ഡി​ത​ർ ത​ഴ​ഞ്ഞു. എ​ന്നി​ട്ടും എ​വി​ടെ​യോ ഒ​രു ത​രി ബാ​ക്കി​യു​ള്ള​തി​നാ​ൽ ഇ​പ്പോ​ഴും നി​ല​നി​ൽ​ക്കു​ന്നു. കു​ടും​ബ​മെ​ന്ന​തി​ലെ ക​ള്ള​ത്ത​ര​ങ്ങ​ളും അ​പ​നി​ർ​മാ​ണ​വും കൃ​ത്യ​മാ​യി വ​ര​ച്ചുകാ​ണി​ക്കു​ന്നു പ്ര​വീ​ണ.​ അ​വി​ടെ​യും എ​ഴു​ത്തു​കാ​ര​ൻത​ന്നെ​യാ​ണ് മേ​ലാ​ള​ൻ. ശ​രി​ക്കും ഞെ​ട്ടി​ക്കു​ന്ന​താ​ണ് സോ​ക്ര​ട്ടീ​സി​ന്റെ ക​ഥ. ന​മ്മു​ടെ സ്വ​കാ​ര്യ​ത​ക​ൾ പ​ല​ർ​ക്കും പ​ര​സ്യ​മാ​ണെ​ന്ന ഞെ​ട്ടി​പ്പി​ക്കു​ന്ന കാ​ര്യം ക​ഥ പ​റ​യു​ന്നു. മൂ​ന്നു ക​ഥാ​കൃ​ത്തു​ക്ക​ൾ​ക്കും അ​ഭി​ന​ന്ദ​ന​ങ്ങ​ൾ.​ ഗം​ഭീര ക​വി​ത​ക​ളു​മു​ണ്ട് ആ ​ല​ക്ക​ത്തി​ൽ.

(നാ​രാ​യ​ണ​ൻ അ​മ്പ​ല​ത്ത​റ,ഫേ​സ്​ബു​ക്ക്)

വാ​​​യ​​​ന​​​ക്കാ​​​രെ ഞെ​​​ട്ടി​​​ച്ചു

‘‘നി​​​ങ്ങ​​​ൾ​​​ക്ക് ഭ്രാ​​​ന്താ​​​ണ്. ഞാ​​​നെ​​​ന്തു ചെ​​​യ്യ​​​ണ​​​മെ​​​ന്ന് ഞാ​​​ൻ തീ​​​രു​​​മാ​​​നി​​​ക്കും. എ​​​ന്റെ​​​യാ ന​​​ശി​​​ച്ച ക​​​ല്യാ​​​ണ​​​മൊ​​​ഴി​​​ച്ച് ബാ​​​ക്കി​​​യെ​​​ല്ലാം ഞാ​​​നെ​​​ന്റെ ഇ​​​ഷ്ട​​​ത്തി​​​ലും സ്വാത​​​ന്ത്ര്യ​​​ത്തി​​​ലു​​​മാ​​​ണ് ചെ​​​യ്തു​​​പോ​​​ന്നി​​​ട്ടു​​​ള്ള​​​ത്. ഇ​​​പ്പോ ആ ​​​ക​​​ല്യാ​​​ണ​​​ക്കു​​​രു​​​ക്ക് പൊ​​​ട്ടി​​​ച്ച് ഞാ​​​ൻ ടോ​​​ട്ട​​​ലീ ഫ്രീ​​​യാ​​​യി​​​രി​​​ക്കു​​​ക​​​യാ​​​ണ്. എ​​​ന്റെ ഫ്രീ​​​ഡം വെ​​​ച്ചു ക​​​ളി​​​ക്കാ​​​ൻ ഒ​​​രാ​​​ളും വ​​​ര​​​ണ്ട.’’

റോ​​​സ് മ​​​രി​​​യയു​​​ടെ ഈ പ​​​റ​​​ച്ചി​​​ൽ മാ​​​ധ്യ​​​മം ആ​​​ഴ്ചപ്പ​​​തി​​​പ്പി​​​ലെ സോ​​​ക്ര​​​ട്ടീ​​​സ് കെ. ​​​വാ​​​ല​​​ത്തി​​​ന്റെ ക​​​ഥ (ല​​​ക്കം: 1367) ‘സ്വാ​​​ത​​​ന്ത്വ​​​ത്തെ​​​ക്കു​​​റി​​​ച്ചൊ​​​രു​​​ ആ​​​ഗോ​​​ള സി​​​നി​​​മ​​​യി​​​ലേതാണ്’.

ഓ​​​ർ​​​ബി​​​റ്റ് സ്റ്റു​​​ഡി​​​യോ​​​യി​​​ൽ ഒ​​​രു വെ​​​ബ് സീ​​​രീസി​​​നുവേ​​​ണ്ടി​​​യു​​​ള്ള ഓ​​​ഡി​​​ഷ​​​ൻ ന​​​ട​​​ക്കു​​​ന്ന​​​യിട​​​ത്തേ​​​ക്കാ​​​ണ് ക​​​ഥ​​​യി​​​ലൂ​​​ടെ സോ​​​ക്ര​​​ട്ടീ​​​സ് വാ​​​യ​​​ന​​​ക്കാ​​​രെ കൂ​​​ട്ടി​​​ക്കൊ​​​ണ്ടുപോ​​​കു​​​ന്ന​​​ത്. ഓ​​​ഡി​​​ഷ​​​ന് പോ​​​കു​​​ന്ന റോ​​​സ് മ​​​രി​​​യക്ക് നേ​​​രി​​​ടു​​​ന്ന സം​​​ഭ​​​വ​​​ങ്ങ​​​ൾ മ​​​നോ​​​ഹ​​​ര​​​മാ​​​യി അ​​​വ​​​ത​​​രി​​​പ്പി​​​ച്ചി​​​രി​​​ക്കു​​​ന്നു. ഡി​​​ക്സ​​​ണു​​​മാ​​​യി വാ​​​ക്കാ​​​ൽ വി​​​വാ​​​ഹബ​​​ന്ധം പി​​​രി​​​ഞ്ഞ റോ​​​സ് മ​​​രി​​​യ​​​യു​​​ടെ ജീ​​​വി​​​തം ല​​​ളി​​​ത​​​മാ​​​യ ആ​​​ഖ്യാ​​​ന​​​ത്തി​​​ലൂ​​​ടെ വാ​​​യ​​​ന​​​ക്കാ​​​രെ കാ​​​ണി​​​ച്ചു ത​​​രു​​​ന്നു. റോ​​​സ് മ​​​രി​​​യ​​​യു​​​ടെ സ്വ​​​സ്ഥ​​​ത​​​യി​​​ല്ലാ​​​ത്തൊ​​​രു ദാ​​​മ്പ​​​ത്യബ​​​ന്ധ​​​ത്തി​​​ൽനി​​​ന്ന് ത​​​ത്ത്വത്തി​​​ൽ വി​​​ട്ടുനി​​​ൽ​​​ക്കാ​​​ന​​​ായ​​​തി​​​ന്റെ ആ​​​ശ്വാ​​​സ​​​ത്തി​​​ലൂ​​​ടെ​​​യാ​​​ണ് ക​​​ഥ വ​​​ള​​​രു​​​ന്ന​​​ത്. അ​​​ര​​​യി​​​ൽ താ​​​ക്കോ​​​ൽക്കൂട്ട​​​ത്തി​​​ന്റെ കി​​​ലു​​​ക്ക​​​ത്തി​​​ൽ വേ​​​ണം വീ​​​ടു ച​​​ലി​​​ക്കാ​​​ൻ എ​​​ന്ന് ശ​​​ഠി​​​ക്കു​​​ന്ന ഭ​​​ർ​​​ത്താ​​​ക്ക​​​ന്മാ​​​ർ ദാ​​​മ്പ​​​ത്യബ​​​ന്ധം ത​​​ക​​​ർ​​​ക്കും.

ദാ​​​മ്പ​​​ത്യബ​​​ന്ധം ഒ​​​രു ചി​​​ല്ലുകൊ​​​ട്ടാ​​​രംപോ​​​ലെ​​​യാ​​​ണ്. സൂ​​​ക്ഷി​​​ച്ചു കൈ​​​കാ​​​ര്യംചെ​​​യ്തി​​​ല്ലെ​​​ങ്കി​​​ൽ അ​​​ത് പൊ​​​ട്ടി​​​പ്പോ​​​കും. ക്ലൈ​​​മാ​​​ക്സി​​​ൽ ‘‘മൈ ​​​ലൈ​​​ഫ് ഈ​​​സ് മൈ ​പ്രോപർട്ടി. മൈ പ്രൈ​​​വ​​​റ്റ് പ്രോപർട്ടി’’ എന്ന റോ​​​സ് മ​​​രി​​​യ​​​യു​​​ടെ അ​​​ല​​​റി​​​യു​​​ള്ള പ​​​റ​​​ച്ചി​​​ൽ വാ​​​യ​​​ന​​​ക്കാ​​​രെ ഞെ​​​ട്ടി​​​ക്കും. ആ​​​ദ്യവ​​​സാ​​​നം പി​​​ടി​​​ച്ചി​​​രു​​​ത്തി വാ​​​യി​​​പ്പി​​​ക്കു​​​ന്ന ക​​​ഥ​​​ക്ക് ആ​​​ശം​​​സ​​​ക​​​ൾ. മ​​​നോ​​​ഹ​​​ര ചി​​​ത്രീ​​​ക​​​ര​​​ണ​​​ത്തി​​​ന് തോ​​​ലി​​​ൽ സു​​​രേ​​​ഷി​​​ന്​ അ​​​ഭി​​​ന​​​ന്ദ​​​ന​​​ങ്ങ​​​ൾ.

(സ​​​​ന്തോ​​​ഷ്​ ഇ​​​ല​​​ന്തൂ​​​ർ,ഫേ​​​സ്​ബു​​​ക്ക്)

അതി​ശ​ക്ത​മാ​യ ക​വി​ത

‘ബേ​നി​ച്ചൊ​ങ്ക​ൻ’ അ​ക്ഷ​രാ​ർ​ഥ​ത്തി​ൽ ഒ​രു സ​മ​ര​മാ​ണ് (ല​ക്കം: 1367). തെ​ക്ക​ൻ കേ​ര​ള​ത്തി​ലെ അ​നു​വാ​ച​ക​ർ​ക്ക് പെ​ട്ടെ​ന്ന് ദ​ഹി​ക്കു​ന്ന ഒ​രു വി​ഷ​യ​മ​ല്ല ക​വി​ത കൈയാളു​ന്ന​ത്. തെ​യ്യം കെ​ട്ടും അ​തു​മാ​യി ബ​ന്ധ​പ്പെ​ട്ട ആ​ചാ​ര/​ അ​നാ​ചാ​ര അ​നു​ഷ്ഠാ​ന​ങ്ങ​ളും ഒ​രുപ​ക്ഷേ, കേ​ര​ള​ത്തി​ന്റെ തെ​ക്ക​ൻ ജി​ല്ല​ക​ളി​ൽ അ​ത്ര​യ​ധി​കം രൂ​ക്ഷ​മ​ല്ലാ​ത്ത ജാ​തീ​യ​മാ​യ ഉ​ച്ച​നീ​ച​ത്വ​ങ്ങ​ളു​ടെ വെ​ളി​പ്പെ​ട​ലാ​കു​മ്പോ​ൾ, അ​തി​ന്റെ രാ​ഷ്ട്രീ​യം അ​ത്ര​ക​ണ്ട് മ​ന​സ്സിലാ​ക​ണ​മെ​ന്നി​ല്ല. ഇ​ന്നും ഒ​രു അ​നു​ഷ്ഠാ​ന ക​ലാ​രൂ​പ​ത്തി​ന് ജാ​തീ​യ​മാ​യ ഉ​ന്ന​തി​യെ​ന്നു സ്വ​യം വി​ശ്വ​സി​ക്കു​ന്ന ബ്രാ​ഹ്മ​ണ്യ​ത്തി​ന്റെ ഇ​രി​പ്പി​ട​ങ്ങ​ളി​ൽ പ്ര​വേ​ശ​ന​മി​ല്ലെ​ന്ന അ​റി​വി​ലേ​ക്ക് എ​ത്തു​മ്പോ​ൾ, ബാ​ല​ഗോ​പാ​ല​ന്റെ ഇ​ക്ക​വി​ത ശ​ക്ത​മാ​യ ഒ​രു സ​മ​ര​മ​ല്ലാ​തെ മ​റ്റൊ​ന്നാ​കു​ന്നി​ല്ല.

തെ​യ്യം കെ​ട്ടു​ന്ന കാ​ല​ത്തു മാ​ത്രം പ​ട്ടി​ണി മ​റ​ക്കു​ക​യും അ​തുക​ഴി​ഞ്ഞ് വീ​ണ്ടു​മൊ​രു പ​ട്ടി​ണി​ക്കാ​ല​ത്തേ​ക്ക് എ​ടു​ത്തെ​റി​യ​പ്പെ​ടു​ക​യും ചെ​യ്യു​ന്ന ഒ​രു അ​ധഃ​സ്ഥി​ത വി​ഭാ​ഗ​ത്തി​ന്റെ സ​മ​രാ​യു​ധ​മാ​യി ഈ ​ക​വി​ത മാ​റു​ന്ന​ത് അ​തു​കൊ​ണ്ടാ​ണ്. ബാ​ല​ഗോ​പാ​ല​ന്റെ ക​വി​ത​ക​ളി​ൽ പൊ​തു​വെ കാ​ണു​ന്ന ഉ​ത്ത​ര​ കേ​ര​ള​ത്തി​ലെ ജാ​തീ​യ​ത​യു​ടെ രൂ​ക്ഷരൂ​പം ഈ ​ക​വി​ത​യി​ൽ ഒ​ന്നു​കൂ​ടി ശ​ക്തി​പ്പെ​ടു​ന്നു. ക​വി​താര​ച​ന കേ​വ​ലം ഒ​രു വി​നോ​ദോ​പാ​ധി​യോ മ​നോ​വി​കാ​ര​ങ്ങ​ളു​ടെ ക​വി​ഞ്ഞൊ​ഴു​ക​ലോ അ​ല്ല ഈ ​ക​വി​ക്ക്. പ​ണ്ടെ​ങ്ങോ നാം ​പ​റ​ഞ്ഞ് ഉ​പേ​ക്ഷി​ച്ചുക​ള​ഞ്ഞ, ക​ല ജീ​വി​ത​ത്തി​നുവേ​ണ്ടി​ക്കൂ​ടി​യാ​ണ് എ​ന്ന യാ​ഥാ​ർ​ഥ്യ​ത്തി​ന്റെ ഓ​ർ​മപ്പെ​ടു​ത്ത​ൽകൂ​ടി​യാ​കു​ന്നു ബേ​നി​ച്ചൊ​ങ്ക​ൻ!​ ശാ​രീ​രി​ക​മോ പ്രാ​പ​ഞ്ചി​ക​മോ അ​തി​ന​പ്പു​റ​മോ ഉ​ള്ള മേ​ച്ചി​ൽ​പ്പുറ​ങ്ങ​ളി​ലേ​ക്ക് കാ​വ്യവി​ഷ​യ​ങ്ങ​ൾ അ​ല​സ​വി​ല​സി​ത​രാ​യി സ​ഞ്ച​രി​ക്കു​ന്ന ഇ​ന്ന​ത്തെ മ​ല​യാ​ള കാ​വ്യലോ​ക​ത്ത് ഇ​ത്ത​രം ക​വി​ത​ക​ൾ ഏ​റെ പ്ര​തീ​ക്ഷന​ൽ​കു​ന്നു. പ്ര​ത്യേ​കി​ച്ച്, വ​ർ​ത്ത​മാ​ന ഇ​ന്ത്യ​ൻ രാ​ഷ്ട്രീ​യാ​വ​സ്ഥ​യി​ൽ ഇ​ത്ത​രം സ​മ​രക​വി​ത​ക​ൾ​ക്ക് ഏ​റെ പ്ര​സ​ക്തി​യു​ണ്ട് എ​ന്നു​കൂ​ടി ഞാ​ൻ മ​ന​സ്സിലാ​ക്കു​ന്നു. അ​തി​ശ​ക്ത​മാ​യ ഒ​രു ക​വി​ത ത​ന്ന ബാ​ല​ഗോ​പാ​ല​ൻ കാ​ഞ്ഞ​ങ്ങാ​ടി​ന് ആ​ശം​സ​ക​ൾ!

(കു​റി​ഞ്ചി​ല​ക്കോ​ട്​ ബാ​ല​ച​ന്ദ്ര​ൻ,ഫേ​സ്​ബു​ക്ക്)

കാണാമറയത്തെ എസ്തർ

ആകാംക്ഷയോടെ കാത്തിരുന്ന എം.ജി. രാധാകൃഷ്ണന്റെ ജീവചരിത്രാഖ്യായിക ആരംഭിച്ചു (ലക്കം: 1368). തുടക്കം ഉള്ളുണർത്തുന്ന അനുഭവമാണ്. എസ്തറിന്റെ ജീവിതത്തിന്റെ ആദ്യകാലം കഥാ പശ്ചാത്തലത്തിൽ വരച്ചിട്ടിരിക്കുന്ന ആദ്യഭാഗം തുടർഭാഗങ്ങൾ വായിക്കാൻ പ്രേരണ നൽകുന്നതാണ്. ചരിത്രവും രാഷ്ട്രീയവും സമഞ്ജസമായി സമ്മേളിച്ച എഴുത്തിൽ നൂറ്റാണ്ടു പഴക്കമുള്ള അധിനിവേശ കാലത്തിന്റെ ശേഷിപ്പുകൾ എമ്പാടുമുണ്ട്. വൈദേശികാധിപത്യത്തിന്റെ ഉൾപ്പിരിവുകളും അനുരണനങ്ങളും മറ്റൊരു ദിശയിൽനിന്ന് കാണാൻ ശ്രമിക്കുകയാണ് ഈ ചരിത്രാഖ്യായിക. തിരുക്കോയിലൂർ എന്ന പൈതൃകനഗരം രൂപപ്പെട്ടതിന്റെ ചരിത്രം എസ്തറിന്റെ പശ്ചാത്തലത്തിൽ വായിക്കാൻ കഴിയുന്നത് നവ്യമായ അനുഭവമാണ്. എം.ജി. രാധാകൃഷ്ണനും മാധ്യമം ആഴ്ചപ്പതിപ്പിനും ഭാവുകങ്ങൾ.

(രാജേഷ്, തൃശൂർ)

അനന്യ നൽകുന്ന പ്രഹരം

ലാ​​ളി​​​ത്യമാ​​​ര്‍ന്ന ഭാ​​​ഷ​​​യി​​​ല്‍ എ​​​ഴു​​​തി​​​യ ഒ​​​രു കൊ​​​ച്ചു​​​ക​​​ഥ​​​യാ​​​ണ്‌ അ​​​ന​​​ന്യ ജി​​​യു​​​ടെ ‘ചു​​​റ്റി​​​ക​​​മു​​​ഴ​​​ക്കം’ (ല​​​ക്കം: 1368). പ്ര​​​ശ​​​സ്തി​​​യു​​​ടെ കൊ​​​ടു​​​മു​​​ടി​​​യി​​​ല്‍ നി​​​ല്‍ക്കു​​​ന്ന വ​​​ക്കീ​​​ലി​​​ന് പ്രാ​​​യ​​​മേ​​​റി​​​യ​​​പ്പോ​​​ള്‍ ഒ​​​രാ​​​ഗ്ര​​​ഹം –സ​​​മൂ​​​ഹ​​​ത്തി​​​ല്‍ ഇ​​​പ്പോ​​​ഴു​​​ള്ള നി​​​ല​​​യും വി​​​ല​​​യും നി​​​ല​​​നി​​​ര്‍ത്ത​​​ണ​​​മെ​​​ങ്കി​​​ല്‍ ഒ​​​ന്നു​​​കി​​​ല്‍ രാ​​​ഷ്ട്രീ​​​യ​​​ത്തി​​​ല്‍ ഇ​​​റ​​​ങ്ങ​​​ണം അ​​​ല്ലെ​​​ങ്കി​​​ല്‍ എ​​​ഴു​​​ത്തു​​​കാ​​​ര​​​നാ​​​ക​​​ണം. അ​​​തി​​​ൽ ര​​​ണ്ടാ​​​മ​​​ത്തെ മാ​​​ർ​​​ഗം തി​​​ര​​​ഞ്ഞെ​​​ടു​​​ത്ത വ​​​ക്കീ​​​ൽ സീ​​​രി​​​യ​​​ലു​​​ക​​​ളി​​​ല്‍നി​​​ന്നും കു​​​റെ ക​​​ഥാ​​​പാ​​​ത്ര​​​ങ്ങ​​​ളെ അ​​​ട​​​ര്‍ത്തി​​​യെ​​​ടു​​​ത്ത് ഒ​​​രു ക​​​ഥ​​​യു​​​ണ്ടാ​​​ക്കി ത​​​ന്‍റെ സു​​​ഹൃ​​​ത്തും പ്ര​​​സാ​​​ധ​​​ക​​​നു​​​മാ​​​യ ദി​​​വാ​​​ക​​​ര​​​ന്റെ ‘ഇ​​​ന്ദ്ര​​​രാ​​​ഗം’ വാ​​​രി​​​ക​​​യി​​​ലേ​​​ക്ക്‌ അ​​​യ​​​ച്ചു​​​കൊ​​​ടു​​​ക്കു​​​ന്നു. ദു​​​ർ​​​നട​​​പ്പു​​​കാ​​​ര​​​നാ​​​യ ഭ​​​ർ​​​ത്താ​​​വി​​​നെ ഉ​​​പേ​​​ക്ഷി​​​ച്ചു പോ​​​കു​​​ന്ന ഒ​​​രു സ്ത്രീ​​​യു​​​ടെ ക​​​ഥ​​​യാ​​​യി​​​രു​​​ന്നു അ​​​ത്.

കാ​​​ലം പോ​​​ക​​​വേ അ​​​വ​​​ൾ കാൻ​​​സ​​​ർ ബാ​​​ധി​​​ത​​​യാ​​​കു​​​ന്നു. മ​​​ര​​​ണ​​​വു​​​മാ​​​യി മു​​​ഖാ​​​മു​​​ഖം നി​​​ൽ​​​ക്കു​​​ന്ന അ​​​വ​​​ൾ പ​​​ശ്ചാ​​​ത്ത​​​പി​​​ച്ച് ‘‘ജീ​​​വി​​​ത​​​ക്കോ​​​ട​​​തി എ​​​ന്റെ വി​​​ധി​​​യെ​​​ഴു​​​തി. എ​​​ന്റെ ശി​​​ക്ഷ ആ​​​രം​​​ഭി​​​ച്ചി​​​രി​​​ക്കു​​​ന്നു. തി​​​രി​​​ച്ച​​​റി​​​വി​​​ന്റെ ചു​​​റ്റി​​​ക​​​മു​​​ഴ​​​ക്കം എ​​​നി​​​ക്കി​​​പ്പോ​​​ൾ കേ​​​ൾ​​​ക്കാം’’ എ​​​ന്നും പ​​​റ​​​ഞ്ഞ് ഭ​​​ർ​​​ത്താ​​​വി​​​നോ​​​ട് മാ​​​പ്പി​​​രക്കാ​​​ൻ ഓ​​​ടി​​​യെ​​​ത്തു​​​ന്നു. ക​​​ഥ പ്ര​​​സി​​​ദ്ധീ​​​ക​​​രി​​​ച്ചുവ​​​ന്നു. കാ​​​ശി​​​നു കൊ​​​ള്ളാ​​​ത്ത ക​​​ഥ​​​യാ​​​യ​​​തു​​​കൊ​​​ണ്ട് ആ​​​രും അ​​​ഭി​​​ന​​​ന്ദി​​​ച്ചി​​​ല്ല.

വ​​​ക്കീ​​​ൽ നി​​​രാ​​​ശ​​​നാ​​​യി. അ​​​പ്പോ​​​ഴാ​​​ണ്‌ വാ​​​രി​​​ക​​​യു​​​മാ​​​യി ഒ​​​രു സ്ത്രീ ​​​അ​​​ന്വേ​​​ഷി​​​ച്ചുവ​​​രു​​​ന്ന​​​ത്. അ​​​വ​​​ള്‍ വ​​​ക്കീ​​​ലി​​​നു നീ​​​ട്ടി​​​യ കോ​​​പ്പി​​​യു​​​ടെ പ​​​ല വ​​​രി​​​ക​​​ളും ഹൈ​​​ലൈ​​​റ്റ് ചെ​​​യ്തി​​​ട്ടു​​​ണ്ട്. അ​​​തി​​​ൽ മ​​​ഞ്ഞനി​​​റ​​​ത്തി​​​ല്‍ ഹൈ​​​ലൈ​​​റ്റ് ഭാ​​​ഗം ശ്ര​​​ദ്ധി​​​ച്ച വ​​​ക്കീ​​​ൽ ചോ​​​ദി​​​ച്ചു. ‘‘അ​​​വ​​​സാ​​​ന​​​മാ​​​ണോ കൂ​​​ടു​​​ത​​​ല്‍ ഇ​​​ഷ്ട​​​മാ​​​യ​​​ത്?’’ വ​​​ക്കീ​​​ൽ ചോ​​​ദ്യം മു​​​ഴു​​​മിപ്പി​​​ക്കു​​​ന്ന​​​തി​​​നു മു​​​മ്പ് അ​​​യാ​​​ളു​​​ടെ ക​​​ര​​​ണ​​​ക്കു​​​റ്റി പൊ​​​ട്ടു​​​ന്നു. അ​​​ടി​​​യു​​​ടെ ഒ​​​ച്ച കേ​​​ട്ട് പാ​​​റാ​​​വു​​​കാ​​​ര​​​ന്‍ ഓ​​​ടി​​​വ​​​ന്നു. ഭാ​​​ര്യ​​​യു​​​ടെ കൈ​​​യി​​​ല്‍നി​​​ന്നും ചാ​​​യ​​​ക്ക​​​പ്പ് തെ​​​റി​​​ച്ചുവീ​​​ണ് ചി​​​ന്നി​​​ച്ചി​​​ത​​​റു​​​ന്നു. ‘‘താ​​​നി​​​പ്പോ​​​ള്‍ കേ​​​ട്ട​​​താ​​​ണ് തി​​​രി​​​ച്ച​​​റി​​​വി​​​ന്‍റെ ചു​​​റ്റി​​​ക​​​മു​​​ഴ​​​ക്കം’’ എ​​​ന്ന് ആ​​​ക്രോ​​​ശി​​​ച്ചു​​​കൊ​​​ണ്ട് അ​​​വ​​​ള്‍ സ്ഥ​​​ലംവി​​​ടു​​​ന്നു. ഇ​​​ന്ന​​​ത്തെ ചി​​​ല ക​​​ഥാ​​​കൃ​​​ത്തു​​​ക്ക​​​ള്‍ക്കും സീ​​​രി​​​യ​​​ലുകാ​​​ർ​​​ക്കും അ​​​ന​​​ന്യ ​​​ന​​​ല്‍കു​​​ന്ന പ്ര​​​ഹ​​​ര​​​മാ​​​ണ് ഈ ​​​ക​​​ഥ.

(സ​​​ണ്ണി ജോ​​​സ​​​ഫ്‌,മാ​​​ള)