എഴുത്തുകുത്ത്

കോളനി ജീവിതത്തിന്‍റെ പകർപ്പുകൾ

മാ​ധ്യ​മം ആ​ഴ്ച​പ്പ​തി​പ്പ് (ല​ക്കം: 1375) വാ​യി​ച്ചു.​ മു​ഹ​മ്മ​ദ്കു​ട്ടി എ​ള​മ്പി​ലാക്കോ​ട് എ​ഴു​തി​യ ലേ​ഖ​ന​വും ‘ചെ​റു​മ​ൻ’ എ​ന്ന ക​വി​ത​യും കോ​ള​നിജീ​വി​ത​ത്തി​ന്റെ എ​ല്ലാ പ​ക​പ്പു​ക​ളും പ​റി​ച്ചി​ടു​ന്ന​വ​യാ​യി. ഭൂ​മി​ക്ക​വ​കാ​ശി​ക​ളാ​യ അ​ര​വ​യ​ർ നി​റ​യാ​ പ​ട്ടി​ണി​പ്പാ​വ​ങ്ങ​ളാ​യ നി​സ്വ​ജ​ന​ത​യു​ടെ അ​രി​കുവ​ത്കരി​ക്ക​പ്പെ​ട്ടുപോ​യ എ​ല്ലാ വി​ചാ​ര​ങ്ങ​ളു​ടെ​യും ഒ​ന്നൊ​ഴി​യാ​തെ​യു​ള്ള രേ​ഖ​പ്പെ​ടു​ത്ത​ലു​ക​ളാ​യി.​ ഇ​ത്ത​രം മ​നു​ഷ്യ​ജീ​വി​ത​ങ്ങ​ളെ കാ​ണു​മ്പോ​ൾ ഇ​വ​രും മ​നു​ഷ്യ​രാ​ണ്; ക​ണ്ണ് മി​ഴി​ച്ചുനോ​ക്കൂ എ​ന്ന് അ​തി​ശ​ക്ത​മാ​യി​ത്ത​ന്നെ അ​ധി​കാ​ര വ​ർ​ഗത്തോ​ട് വി​ളി​ച്ചുപ​റയാ​ൻ പ്രേ​രി​പ്പി​ക്കു​ന്നു.​ ‘ചെ​റു​മ​ൻ’ എ​ന്ന ക​വി​ത അ​തി​ശ​ക്ത​വും തീ​വ്ര​വു​മാ​യി അ​നു​ഭ​വ​പ്പെ​ട്ടു.

ആ​ദി​വാ​സി​യെ​ന്നും ദ​ലി​ത​നെ​ന്നും മു​ദ്ര​കു​ത്ത​പ്പെ​ട്ട് പോ​യ​വ​ന്, ആ​ര്യ ബ്രാ​ഹ്മ​ണ​നെ​ന്ന് അ​വ​കാ​ശം പ​റ​യു​ന്ന​വന്റെ അ​തേ ഉ​ൾ​പ്പു​ള​ക​ത്തോ​ടെ ഞാ​ൻ ആ​ദി ദ്രാ​വി​ഡ ചെ​റു​മ​ൻ എ​ന്ന് അ​ഭി​മാ​നം പ​റ​യാ​ൻ ഉ​ൾ​ക്ക​രു​ത്ത് പ​ക​രു​ന്നി​ട​ത്ത് ഈ ​ക​വി​ത​യു​ടെ രാ​ഷ്ട്രീ​യം ച​ർ​ച്ചചെ​യ്യ​പ്പെ​ടും. മു​ല​ക്ക​ച്ച പ​റി​ച്ചെ​റി​ഞ്ഞവ​ന്റെ മ​ന​സ്സി​ൽനി​ന്ന് ജാ​തി ഇ​ന്നും തൂ​ത്തെ​റി​യ​പ്പെ​ട്ടി​ട്ടി​ല്ല.​ നാ​യ്ച്ചൂ​ര് തേ​ച്ച് ക​ളി​ക്കു​ന്ന ക​രു​മാ​ടി​ക്കൂ​ട്ട​ത്തി​ന്റെ ക​രി​ങ്ക​ണ്ണ് ത​ട്ടാ​തി​രി​ക്കാ​നെ​ങ്കി​ലും ജാ​തി​മ​തി​ലി​നും മീ​തെ സ്ഥി​തി​സ​മ​ത്വ​ത്തിന്റെ പ​ര​സ്യ​മ​തി​ൽ മ​റ്റൊ​ന്ന് പ​ണി​തു​വെ​ച്ചേ​ക്ക​ണം എ​ന്ന് ക​വി/ ലേ​ഖ​ക​ൻ പ​റ​യു​മ്പോ​ൾ എ​ത്ര വെ​ടി​പ്പാ​ക്കി​യി​ട്ടും കൂ​ടു​ത​ൽ കൂ​ടു​ത​ൽ മ​ന​സ്സു​കൊ​ണ്ട് കു​ടു​സ്സാ​യി ചെ​മ്മീ​നെ​പ്പോ​ലെ കേ​ര​ള​ത്തി​ലെ മ​നു​ഷ്യ​ർ പ​രി​മി​ത​പ്പെ​ട്ടു പോ​കു​ന്ന​തി​നെ സാ​ക്ഷ്യ​പ്പെ​ടു​ത്തു​ക​യാ​ണ്.

ആ​ദി​വാ​സി​ക്കും ദ​ലി​ത​നും വേ​ണ്ടി ശ​ബ്ദി​ക്കു​ന്ന ക​വി​ത എ​ല്ലാ ആ​ദി​വാ​സി ഗോ​ത്രക​വി​ക​ളും വാ​യി​ക്ക​ണം.​ പാ​ഠ​പു​സ്ത​ക​ങ്ങ​ളി​ലും സി​ല​ബസി​ലും ക​യ​റി​പ്പ​റ്റാ​നും പ്ര​ശ​സ്തി​യു​ടെ അന്ധ​കാ​രം ത​ല​ച്ചോ​റി​നെ മ​ത്തുപി​ടി​പ്പി​ക്കു​ക​യും ചെ​യ്യു​മ്പോ​ൾ പി​ട​ഞ്ഞുതീ​രു​ന്ന ദ​ലി​ത​നെ​ ഓർ​​ക്കാ​ൻ, അ​വ​നെ​ക്കു​റി​ച്ച് വി​ളി​ച്ചുപ​റ​യാ​ൻ ചി​ല​രു​ണ്ടാ​കും എ​ന്ന ബോ​ധം ഉ​ണ്ടാ​ക്കു​ന്ന​ത് ന​ല്ല​താ​യി​രി​ക്കും. ആ​ധു​നി​ക ത​മ്പു​രാ​ക്ക​ൻ​മാ​രു​ടെ ആ​ഢ്യ​ക്ക​ട്ടി​ലു​ക​ൾ വ്യാ​മോ​ഹി​പ്പി​ക്കു​മ്പോ​ൾ നി​ങ്ങ​ളൊ​ക്കെ ക​ട​ന്നുവ​ന്ന വ​ഴി​ക​ളെ മ​റ​ക്കാ​തി​രി​ക്ക​ട്ടെ. ‘ചെ​റു​മ​ൻ’ പോ​ലു​ള്ള ക​വി​ത​ക​ൾ നി​ങ്ങ​ൾ​ക്ക് വെ​ളി​ച്ച​മേ​ക​ട്ടെ.

(ബാലഗോപാലൻ കാഞ്ഞങ്ങാട്)

അ​ല​ക്കി​യാ​ലും വെ​ളു​ക്കാ​ത്ത ജാ​തി​മു​ണ്ട്

കാ​ലി​ക ഇ​ന്ത്യ നേ​രി​ടു​ന്ന ഏ​റ്റ​വും ഭ​യാ​ന​ക​മാ​യ വെ​ല്ലു​വി​ളിക​ളി​ൽ ഒ​ന്നാ​ണ് ജാ​തീ​യ​ത. ലോ​ക രാ​ജ്യ​ങ്ങ​ൾ ഉ​റ്റു​നോ​ക്കി​യ ജ​നാ​ധി​പ​ത്യം, ബ​ഹു​സ്വ​ര​ത, മാ​ന​വി​ക​ത എ​ല്ലാം ച​രി​ത്ര താ​ളു​ക​ളു​ടെ ലി​പി​ക​ളാ​യി മാ​റിപ്പോ​കു​ന്ന രൂ​പ​ത്തി​ൽ ഇ​ങ്ങ് അ​ടു​ത്തെ​ത്തി​യി​രി​ക്കു​ന്നു. ‘അ​ല​ക്കി​യാ​ലും അ​ല​ക്കി​യാ​ലും വെ​ളു​ക്കാ​ത്ത ജാ​തി​മു​ണ്ട്’ എ​ന്ന മ​ഹ​ത്താ​യ ബിം​ബക​ൽ​പന​യാ​ണ് ആ​ധു​നി​ക​ ക​വി​ക​ളി​ൽ ശ്ര​ദ്ധേ​യ​യാ​യ പി.എ​സ്. ബി​ന്ദു​മോ​ൾ എ​ഴു​തി​യ ‘കു​ട്ടോ​ത്ത് കു​ളം’ എ​ന്ന ക​വി​ത​യി​ൽ. വി​കാ​രവി​ചാ​ര ഭാ​വ​ന​ക​ളെ തു​ല്യ​തപ്പെ​ടു​ത്തു​മ്പോ​ൾ മാ​ത്ര​മാ​ണ് ഉ​ത്ത​മ സൃ​ഷ്ടി​ക​ൾ രൂ​പ​പ്പെ​ടു​ന്ന​ത്. അ​ത് ചി​ര​സ്ഥാ​യി​യാ​ണ്. വി​കാ​രം മാ​ത്ര​മാ​വു​മ്പോ​ൾ അ​ത് നൈ​മി​ഷി​ക​മാ​ണ്. വി​ചാ​രം കൂ​ടി​യാ​ൽ കു​ട്ടികൃ​ഷ്ണ മാ​രാ​ർ പ​റ​ഞ്ഞപോ​ലെ കൊ​ട്ട​ട​ക്ക​യാ​വും. ഭാ​വ​ന മാ​ത്ര​മാ​യാ​ൽ അ​ത് ചി​റ​കേ​റിപ്പോ​കും.

‘‘കു​ളം കു​ഴി​ക്കു​മ്പോ​ൾ കു​റ്റി പൊ​രി​ക്കേ​ണ്ട’’ എ​ന്ന നാ​ട​ൻചൊ​ല്ല് ഏ​റെ അ​ർഥ​വ​ത്താ​ണ്. ‘കു​ട്ടോത്തു​കു​ളം’ എ​ന്ന ബി​ന്ദു​മോ​ൾ പി.എ​സിന്റെ ​ക​വി​ത​യു​ടെ ശീ​ർ​ഷ​കം മൂ​ർ​ത്ത ബിം​ബ​ങ്ങ​ളു​ടെ അ​മൂ​ർ​ത്ത​ യാ​ത്ര​യാ​ണ്.​ നാ​ടോ​ടി വി​ജ്ഞാ​നീ​യ​ത്തി​ന്റെ ക​ല​വ​റ​യാ​ണ് ഈ ​ക​വി​ത. ഗ്രാ​മീ​ണ ജീ​വി​ത​ത്തി​ന്റെ സ​മ​സ്ത മേ​ഖ​ല​ക​ളെ​യും സ്പ​ർ​ശി​ച്ചു​കൊ​ണ്ട് അ​ടി​വേ​രു​ക​ൾ തേ​ടി​യു​ള്ള യാ​ത്ര​യി​ലാ​ണ് ക​വി. folkloreൽ Folk നാ​ട​ൻ ജ​ന​ത​യും lore വി​ജ്ഞാ​നവു​മാ​ണ്. ഫ്യൂ​ഡ​ൽ വ്യ​വ​സ്ഥ​യി​ൽനി​ന്ന് മു​ത​ലാ​ളി​ത്ത​ത്തി​ലേ​ക്കു ക​ട​ക്കു​മ്പോ​ൾ folk ജ​ന​ത തൊ​ഴി​ലാ​ളി വ​ർ​ഗ​മാ​യി മാ​റു​ന്നു. പ​രി​ണാ​മം ഉ​ൾ​ക്കൊ​ള്ളു​ന്നു എ​ന്ന​താ​ണ് folklore​ന്റെ സ​വി​ശേ​ഷ​ത. അ​ച്ഛ​നെ​ക്കാ​ൾ മ​ക​ൻ വ​ലു​താ​വ​രു​തെ​ന്ന പെ​രുന്ത​ച്ച​ൻ സി​ദ്ധാ​ന്ത​വും പൂ​ക്ക​ൾ വി​രി​ച്ച രാ​ജ​പാ​ത​യി​ൽനി​ന്ന് ബൗ​ദ്ധി​ക​മാ​യി ഉ​ണ​ർ​ന്ന സി​ദ്ധാ​ർ​ഥൻ ബു​ദ്ധ​നാ​യ​തും ദുഃ​ഖമ​യ​മാ​യ ലോ​ക​ത്തി​നു മു​ന്നി​ൽ അ​ഷ്ട മാ​ർ​ഗ​ങ്ങ​ളോ​തി​യ ചി​ന്ത​ക​ളും അ​യ​വി​റ​ക്കു​ക​യാ​ണ്.

വി​ളി​ച്ചി​ട്ടും തി​രി​ഞ്ഞു നോ​ക്കാ​തെ പോ​യ​ത് കേ​ൾ​ക്കാ​ഞ്ഞി​ട്ടാ​വും എ​ന്ന് സ​മാ​ധാ​നി​ക്കു​ന്നു മാ​ധ​വ​ൻ മാ​ഷ്. അ​ദ്ദേ​ഹം വെ​റും മാ​ധ​വ​ൻ മാ​ഷ​ല്ല, ജ്ഞാ​നി​യാ​ണ്, ഗു​രു​വാ​ണ്. നി​ഷ്ക​ള​ങ്ക​മാ​യ ഗ്രാ​മ​ത്തി​ലെ ഇ​രു​ട്ടി​നെ അ​ക​റ്റി വെ​ളി​ച്ചം (ഗു =​ഇ​രു​ട്ട് +രു =​ശ​ത്രു. ഇ​രു​ട്ടി​ന്റെ ശ​ത്രു, വെ​ളി​ച്ചം) പ​ക​രു​ന്ന ആ​ൾ. മ​നു​ഷ്യ ക​ഥാ​പാ​ത്ര​ങ്ങ​ളും മ​നുഷ്യേ​ത​ര ക​ഥാ​പാ​ത്ര​ങ്ങ​ളാ​ലും സ​മ്പ​ന്ന​മാ​ണ് ക​വി​ത.

ക​ള​രി​യ​ഭ്യാ​സ മു​റ​ക​ൾ രൂ​പ​പ്പെ​ടു​ത്തി​യ സം​സ്കാ​ര​വും അ​തോ​ടനു​ബ​ന്ധി​ച്ചു​ള്ള അ​ക്ഷ​രാഭ്യാ​സ​വും സാം​സ്‌​കാ​രി​ക​മാ​യ അ​ധഃ​പ​ത​ന​ത്തി​ന് വി​ല​ങ്ങുത​ടി​യാ​വു​ന്നു. മെ​യ്യ​ഭ്യാ​സ​ത്തോ​ടൊ​പ്പം മാ​ന​വി​ക​ത​യും ഉ​ൾ​ച്ചേ​രു​ന്നു. പ​ഴ​യ സോ​ഷ്യ​ൽ മീ​ഡി​യ​ക​ളാ​യ കു​ള​ക്ക​ട​വു​ക​ൾ എ​ന്നി​ട​ത്തു വർ​ത്ത​മാ​ന​ത്തി​നു നേ​രെ ആ​ക്ഷേ​പ ഹാ​സ്യം ചൊ​രിയു​ന്നു ക​വി. വെ​ള്ളി​ല​യും ക​രി​യും തേ​ച്ചു​മി​നു​ക്കി​യ ഓ​ലപ്പു​ര മ​ല​ബാ​റി​ന്റെ അ​ഥ​വാ ഗ്രാ​മീ​ണ​ത​യു​ടെ പ​ച്ച​യാ​യ ആ​വി​ഷ്കാ​രമാ​ണ്. നി​ത്യ​വും ക​ണ്ടു പ​രി​ച​യി​ച്ച ക​ല്ലു​കൊ​ത്തു​ന്ന രാ​മേ​ട്ട​നും സ്കൂ​ൾകുട്ടി​ക​ളും മു​സ്‍ലിയാ​രും കു​ളം ന​ന്നാ​ക്കു​ന്ന​വ​രും ഗ്രാ​മീ​ണ​ത​യു​ടെ പ്ര​തീ​ക​ങ്ങ​ളാ​വു​ന്നു.

കു​ളം ന​വീ​ക​ര​ണം കൂ​ട്ടാ​യ്മ​യു​ടെ ശ​ക്തി​യാ​ണ്.​ വ​ർ​ത്ത​മാ​നകാ​ല ഇ​ന്ത്യ നേ​രി​ടു​ന്ന ഏ​റ്റ​വും വ​ലി​യ വെ​ല്ലുവി​ളി​യാ​ണ് അ​ല​ക്കി​യാ​ലും വെ​ളു​ക്കാ​ത്ത ജാ​തിമു​ണ്ടെ​ന്ന പ്ര​യോ​ഗം. ബ​ഹു​സ്വ​ര​ത​യു​ടെ​ അ​ഥ​വാ നാ​നാത്വ​ത്തി​ന്റെ ക​ട​യ്ക്ക​ൽ ക​ത്തിവെ​ക്കു​ന്ന ഇ​ന്ത്യ എ​ന്ന മ​ഹ​ത്താ​യ ആ​ശ​യ​ത്തെ ഇ​ല്ലാ​താ​കു​ന്ന അ​ല​ക്ക​ൽ. അ​ത് മാ​ന​വസ​മു​ദാ​യ​ത്തെ വേ​ലി​കെ​ട്ടി തി​രി​ക്കു​ന്ന​താ​ണെ​ന്ന് ഉ​റ​ക്കെ വി​ളി​ച്ചുപ​റ​യാ​ൻ ക​വി​തക്കു ക​ഴി​ഞ്ഞു. ജാ​തി​യും മ​ത​വും വ​ർ​ഗ​വും രാ​ഷ്ട്ര​വും വി​ശ്വ മാ​ന​വ​നെ​ന്ന മ​ഹ​ത്താ​യ ആ​ശ​യ​ത്തെ, ഏ​ക​ലോ​ക ആ​ദ​ർ​ശ​ത്തെ ത​ക​ർ​ക്കു​മെ​ന്ന് ഇ​വി​ടെ തി​രി​ച്ച​റി​വ് ന​ൽ​കു​ന്നു.​

ഇ​വി​ടെ ശി​വ​ദാ​സേ​ട്ട​നും അ​ഭി​മ​ന്യുവും ​മ​നു​ഷ്യ​ത്വ​ത്തി​ന്റെ ഉ​ദാ​ത്ത മാ​തൃ​ക​ക​ളാ​വു​ന്നു. ന​ല്ലൊ​രു നാ​ളെ​യെ സ്വ​പ്നംക​ണ്ടു അ​നീ​തി​ക്കെ​തി​രെ പോ​രാ​ടി ര​ക്തസാ​ക്ഷി​ക​ളാ​യ​വ​രു​ടെ ജ്വ​ലി​ക്കു​ന്ന ഓ​ർമ​ക​ൾ പു​തു​ക്കു​ന്ന പ്ര​ഭാ​തഭേ​രി​യി​ൽനി​ന്നാ​ണ് അ​വ​ർ ഓ​ടി​വ​രു​ന്ന​ത്.​ ഗ്രാ​മീ​ണ​ത​യു​ടെ കൃ​ത്യ​മാ​യ വാ​ങ്മ​യചി​ത്ര​മാ​ണ് ബാ​ല​കൃ​ഷ്ണേ​ട്ട​ന്റെ ചാ​യ​ക്ക​ട. ചാ​യക്കട​യും ബാ​ർ​ബ​ർഷോ​പ്പു​ക​ളും ഗ്രാ​മ​ത്തി​ന്റെ ച​ർ​ച്ചാ കേ​ന്ദ്ര​ങ്ങ​ളാ​യി​രു​ന്നു.​ ബാ​ങ്ക് വി​ളി കാ​തോ​ർ​ക്കു​ന്ന മീ​സാ​ൻ ക​ല്ലു​ക​ൾ ബിം​ബ​ങ്ങ​ളു​ടെ നൊ​മ്പ​രപ്പെ​ടു​ത്തു​ന്ന ഓ​ർ​മ​ക​ളാ​ണ്. ഞ​ങ്ങ​ളു​ടെ നാ​ട്ടി​ലെ കു​ള​മാ​ണെ​ന്ന് പ​റ​ഞ്ഞു ല​ളി​ത​മാ​യി തു​ട​ങ്ങു​ന്ന ക​വി​ത ഒ​രു ജ​ന​ത​യു​ടെ സം​സ്കാ​ര​ത്തെ​യും അ​തി​നു ത​ട​സ്സം നി​ൽ​ക്കു​ന്ന അ​രു​താ​യ്മ​ക​ളെ​യും വ​ർ​ത്ത​മാ​ന ഇ​ന്ത്യ നേ​രി​ടു​ന്ന വെ​ല്ലു​വി​ളി​ക​ളെ​യും അ​ട​യാ​ള​പ്പെ​ടു​ത്തു​ന്ന​തി​ൽ അ​ജ​യ്യ​മാ​യി​ത്തീ​രു​ന്നു.

(ജ​മാ​ലു​ദ്ദീ​ൻ മ​ല​യി​ൽ)

രാ​​ജ്യം അ​​പ്ര​​ഖ്യാ​​പി​​ത അ​​ടി​​യ​​ന്ത​​രാ​​വ​​സ്ഥ​​യി​​ൽ

അ​​രു​​ന്ധ​​തി റോ​​യ് ഏ​​റ്റ​​വും ഒ​​ടു​​വി​​ൽ നേ​​രി​​ട്ട സ​​ർ​​ക്കാ​​ർ പ്രോ​​സി​​ക്യൂ​​ഷ​​ന്റെ പ​​ശ്ചാ​​ത്ത​​ല​​ത്തി​​ൽ എ​​ഴു​​തി​​യ ‘തു​​ട​​ക്കം’ (ല​​ക്കം: 1374) അ​​ടി​​വ​​ര​​യി​​ട്ട് പ​​റ​​യു​​ന്ന​​ത്, മോ​​ദി​​ ഭ​​ര​​ണ​​ത്തി​​ൻ കീ​​ഴി​​ൽ രാ​​ജ്യം അ​​പ്ര​​ഖ്യാ​​പി​​ത അ​​ടി​​യ​​ന്ത​​രാ​​വ​​സ്ഥ​​യി​​ലൂ​​ടെ​​യാ​​ണ് ക​​ട​​ന്നു​​പോ​​കു​​ന്ന​​ത് എ​​ന്നാ​​ണ്.

ലോ​​കം അ​​ട​​യാ​​ള​​പ്പെ​​ടു​​ത്തി​​യ ആ​​ക്ടി​​വി​​സ്റ്റാ​​ണ് അ​​രു​​ന്ധ​​തി റോ​​യ്. നി​​ര​​വ​​ധി ഗ്ര​​ന്ഥ​​ങ്ങ​​ളു​​ടെ ക​​ർ​​ത്താ​​വാ​​യ അ​​വ​​ർ ഇ​​ന്ത്യ​​ൻ ജ​​നാ​​ധി​​പ​​ത്യ​​ത്തി​​ൽ എ​​ന്താ​​ണ് ന​​ട​​ന്നു​​കൊ​​ണ്ടി​​രി​​ക്കു​​ന്ന​​ത് എ​​ന്ന് ഉ​​റ്റുനോ​​ക്കി​​ക്കൊ​​ണ്ടി​​രി​​ക്കു​​ന്നു. സ​​ർ​​വാ​​ധി​​പ​​ത്യ​​സ്വ​​ഭാ​​വ​​മു​​ള്ള ഒ​​രു ഭ​​ര​​ണ​​കൂ​​ട​​ത്തി​​​െന്റ വാ​​ഴ്ച​​യി​​ൽ ജ​​നാ​​ധി​​പ​​ത്യ​​ത്തി​​ന്റെ ഭാ​​വി​​യെ​​ക്കു​​റി​​ച്ച്, ജ​​ന​​ത​​യു​​ടെ മ​​നു​​ഷ്യാ​​വ​​കാ​​ശ​​ങ്ങ​​ളെ​​ക്കു​​റി​​ച്ച്, അ​​നു​​സ്യൂ​​തം ന​​ട​​ക്കു​​ന്ന പ​​രി​​സ്ഥി​​തി​​ഹ​​ത്യ​​യെ​​ക്കു​​റി​​ച്ച്, കോ​​ർ​പ​​റേ​​റ്റ് ഭീ​​ക​​ര​​ത​​ക​​ളെ​​ക്കു​​റി​​ച്ച്, ഇ​​ന്നും അ​​ടി​​ത്ത​​ട്ടി​​ൽ കി​​ട​​ക്കു​​ന്ന ദ​​ലി​​ത് - ആ​​ദി​​വാ​​സി വി​​ഭാ​​ഗ​​ങ്ങ​​ൾ ഭ​​ര​​ണ​​കൂ​​ട പി​​ന്തു​​ണ​​യോ​​ടെ അ​​നു​​ഭ​​വി​​ക്കു​​ന്ന കൊ​​ടി​​യ യാ​​ത​​ന​​ക​​ളെ​​ക്കു​​റി​​ച്ച്, പ​​ശു​​വി​​ന്റെ പേ​​രി​​ലും അ​​ല്ലാ​​തെ​​യും മ​​ത ന്യൂ​​ന​​പ​​ക്ഷ വി​​ഭാ​​ഗ​​ങ്ങ​​ൾ​​ക്കു നേ​​രെ ന​​ട​​ക്കു​​ന്ന ആ​​ൾ​​ക്കൂ​​ട്ട അ​​ക്ര​​മ​​ങ്ങ​​ളെ​​ക്കു​​റി​​ച്ച് –എ​​ന്നു​​വേ​​ണ്ട, രാ​​ജ്യം ഇ​​ന്ന് പ​​ലവി​​ധ​​ത്തി​​ലും അ​​ഭി​​മു​​ഖീ​​ക​​രി​​ക്കു​​ന്ന അ​​പ​​ഭ്രം​​ശ​​ങ്ങ​​ളെ​​ക്കു​​റി​​ച്ച് ന​​മ്മെ ജാ​​ഗ​​രൂ​​ക​​രാ​​ക്കി​​ക്കൊ​​ണ്ടി​​രി​​ക്കു​​ന്നു അരുന്ധതി റോയ്.

ഇ​​ന്ത്യ​​ൻ ജ​​നാ​​ധി​​പ​​ത്യ​​ത്തി​​നു​​ള്ളി​​ൽ ന​​ട​​ക്കു​​ന്ന ഫാ​​ഷി​​സ്റ്റ് പ്ര​​വ​​ണ​​ത​​ക​​ളെ ലോ​​ക​​ത്തി​​നു മു​​മ്പി​​ൽ അ​​വ​​ർ നി​​ർ​​ഭ​​യം തു​​റ​​ന്നി​​ടു​​ക​​യും ചെ​​യ്യു​​ന്നു. ഇ​​തി​​ൽ ഭ​​ര​​ണ​​കൂ​​ടം അ​​സ്വ​​സ്ഥ​​മാ​​ണ്. അ​​തി​​നാ​​ൽത​​ന്നെ​​യാ​​ണ് ‘‘എ​​ന്തെ​​ങ്കി​​ലും പ​​റ​​യു​​ന്ന​​തി​​നേ​​ക്കാ​​ൾ പ്ര​​യാ​​സ​​മാ​​ണ് നി​​ശ്ശ​​ബ്ദ​​ത പാ​​ലി​​ക്ക​​ൽ’’ എ​​ന്ന് ഉ​​റ​​ക്കെ പ​​റ​​യു​​ന്ന അ​​വ​​ർ ഭ​​ര​​ണ​​കൂ​​ട ക​​ണ്ണി​​ലെ ക​​ര​​ടാ​​യി മാ​​റു​​ന്ന​​ത്. ഭ​​ര​​ണാ​​ധി​​കാ​​രി​​ക​​ൾ​​ക്കെ​​തി​​രെ ജ​​നാ​​ധി​​പ​​ത്യ രീ​​തി​​യി​​ൽ സം​​സാ​​രി​​ക്കു​​ന്ന​​വ​​രും പ്ര​​വ​​ർ​​ത്തി​​ക്കു​​ന്ന​​വ​​രുമെ​​ല്ലാം​​ത​​ന്നെ റ​​ഡാ​​റി​​ൽ പി​​ടി​​ക്ക​​പ്പെ​​ടു​​ക​​യും പി​​ന്നീ​​ട് വേ​​ട്ട​​യാ​​ട​​പ്പെ​​ടു​​ക​​യും ചെ​​യ്യു​​ന്ന ദു​​ര​​ന്ത​​ കാ​​ഴ്ച​​യാ​​ണ് നാം ​​ഇ​​ന്ന് കാ​​ണു​​ന്ന​​ത്. ഭീ​​മ കൊ​​റേ​​ഗാ​​വ് സംഭവം വ​​ലി​​യ ഒ​​രു ഗൂ​​ഢാ​​ലോ​​ച​​ന​​യു​​ടെ പ​​രി​​ണി​​ത​​ഫ​​ല​​മാ​​ണ്. രാ​​ജ്യ​​ത്തി​​ന​​ക​​ത്തും പു​​റ​​ത്തും അ​​റി​​യ​​പ്പെ​​ടു​​ന്ന നി​​ര​​വ​​ധി അ​​ക്കാ​​ദ​​മി​​ക്കു​​ക​​ളും ചി​​ന്ത​​ക​​രും എ​​ഴു​​ത്തു​​കാ​​രും ആ​​ക്ടി​​വി​​സ്റ്റു​​ക​​ളും അ​​ട​​ക്ക​​മു​​ള്ള​​വ​​ർ വ​​ർ​​ഷ​​ങ്ങ​​ളാ​​യി വി​​ചാ​​ര​​ണ കൂ​​ടാ​​തെ ന​​മ്മു​​ടെ ജ​​യി​​ലറ​​ക്കു​​ള്ളി​​ല്‍ ക​​ഴി​​യു​​ന്നു.

ഇ​​ത്ത​​രം ഭ​​യ​​പ്പെ​​ടു​​ത്ത​​ലു​​ക​​ളി​​ലൂ​​ടെ അ​​പ​​ച​​യം സം​​ഭ​​വി​​ക്കു​​ന്ന​​ത് ന​​മ്മു​​ടെ ജ​​നാ​​ധി​​പ​​ത്യ മൂ​​ല്യ​​ങ്ങ​​ൾ​​ക്കാ​​ണ്. ഹൈ​​ന്ദ​​വ രാ​​ഷ്ട്രം കെ​​ട്ടി​​പ്പ​​ടു​​ക്ക​​ണ​​മെ​​ന്ന ആ​​വേ​​ശ​​ത്തി​​ൽ ഭ​​ര​​ണ​​കൂ​​ടം ജ​​ന​​ങ്ങ​​ളെ മ​​റ​​ക്കു​​ന്നു. നാം ​​ക​​ഷ്ട​​പ്പെ​​ട്ട് നേ​​ടി​​യെ​​ടു​​ത്ത സ്വാ​​ത​​ന്ത്ര്യം ബ​​ലി​​ക​​ഴി​​ക്ക​​പ്പെ​​ട്ടാ​​ൽ, നാം ​​കെ​​ട്ടി​​പ്പ​​ടു​​ത്ത ജ​​നാ​​ധി​​പ​​ത്യ മൂ​​ല്യ​​ങ്ങ​​ൾ​​ക്ക് അ​​പ​​ച​​യം സം​​ഭ​​വി​​ച്ചാ​​ൽ, ന​​മു​​ക്ക് ന​​ഷ്ട​​പ്പെ​​ടു​​ന്ന​​ത് ന​​മ്മു​​ടെ രാ​​ഷ്ട്ര​​ത്തെ​​ത്ത​​ന്നെ​​യാ​​കും. ‘തു​​ട​​ക്ക’ത്തി​​ൽ എ​​ഴു​​തി​​യ​​ത് പോ​​ലെ, ഫാ​​ഷി​​സം ഒ​​രു വെ​​ല്ലു​​വി​​ളി​​യാ​​ണെ​​ന്നും അ​​തി​​നെ ധീ​​ര​​ത​​യോ​​ടെ ചെ​​റു​​ത്തു​​നി​​ൽ​​ക്കാ​​ത്തപ​​ക്ഷം ഒ​​രു സ​​ർ​​വ​​നാ​​ശ​​ത്തി​​ന്റെ വ​​ക്കി​​ലേ​​ക്ക് രാ​​ജ്യം ന​​ട​​ന്നു​​നീ​​ങ്ങു​​മെ​​ന്നും നാം ​​മു​​ൻ​​കൂ​​ട്ടി ക​​ണ്ട​​റി​​യു​​ക.

“പി​​ങ്കി സൈ​​ക്കി​​ൾ റി​​ക്ഷ​​യി​​ൽനി​​ന്നി​​റ​​ങ്ങി സ്കൂ​​ളി​​ലേ​​ക്ക് ന​​ട​​ന്നു. അ​​പ്പോ​​ൾ തൊ​​ട്ട​​രി​​കി​​ൽ ഒ​​രു വാ​​ൻ വ​​ന്നു നി​​ന്നു. സ​​ർ​​ക്കാ​​ർ ആ​​ശു​​പ​​ത്രി​​യി​​ലെ ശ​​വ​​വ​​ണ്ടി​​യാ​​യി​​രു​​ന്നു അ​​ത്. മൃ​​ത​​ദേ​​ഹ​​ങ്ങ​​ളെ മോ​​ർ​​ച്ച​​റി​​യി​​ൽ കൊ​​ണ്ടു​​പോ​​കാ​​നും പോ​​സ്റ്റ്മോ​​ർ​​ട്ട​​ത്തി​​ന് എ​​ടു​​ക്കാ​​നും ഉ​​പ​​യോ​​ഗി​​ക്കു​​ന്ന ക​​റു​​ത്ത വാ​​ൻ. അ​​ത് ക​​ണ്ട​​പ്പോ​​ൾ അ​​വ​​ളു​​ടെ ച​​ങ്കി​​ടി​​ച്ചു. പി​​ൻ​​വ​​ശ​​ത്തെ വാ​​നി​​ന്റെ വാ​​തി​​ൽ തു​​റ​​ന്ന​​പ്പോ​​ൾ മൂ​​ക്കു​​ക​​യ​​റി​​ട്ട് പി​​ടി​​ച്ച ക​​ന്നു​​കാ​​ലി​​ക​​ളെ​​പ്പോ​​ലെ നാ​​ല​​ഞ്ച് ഗ്രാ​​മീ​​ണ​​ർ അ​​തി​​ൽനി​​ന്നും പു​​റ​​ത്തേ​​ക്കു തെ​​റി​​ച്ചുവീ​​ണു.

അ​​വ​​രു​​ടെ ത​​ല​​മു​​ടി​​യി​​ലും കു​​പ്പാ​​യ​​ത്തി​​ലും വൈ​​ക്കോ​​ൽ തു​​ണ്ടു​​ക​​ളും ക​​രി​​മ്പ് ചെ​​ടി​​യി​​ലെ കീ​​ട​​ങ്ങ​​ളു​​മു​​ണ്ടാ​​യി​​രു​​ന്നു. അ​​വ​​രു​​ടെ പി​​റ​​കെ വാ​​നി​​ൽ നി​​ന്നി​​റ​​ങ്ങി​​യ സ്കൂ​​ൾ ജീ​​വ​​ന​​ക്കാ​​ർ, കു​​ത​​റി​​മാ​​റി ഓ​​ടാ​​ൻ ശ്ര​​മി​​ച്ച ഗ്രാ​​മീ​​ണ​​രെ ബ​​ല​​മാ​​യി കീ​​ഴ്പ്പെ​​ടു​​ത്തി സ്കൂ​​ളി​​ന്റെ ഒ​​രു വ​​ശ​​ത്ത് കെ​​ട്ടി​​യു​​യ​​ർ​​ത്തി​​യ ടെ​​ന്റി​​ലേ​​ക്ക് വ​​ലി​​ച്ചി​​ഴ​​ച്ചു കൊ​​ണ്ടു​​പോ​​യി” -എം. ​​മു​​കു​​ന്ദ​​ന്റെ ‘ദ​​ൽ​​ഹി ഗാ​​ഥ​​ക​​ൾ’ എ​​ന്ന നോ​​വ​​ലി​​ൽനി​​ന്നാ​​ണ് അ​​ടി​​യ​​ന്ത​​രാ​​വ​​സ്ഥ​​യു​​ടെ ഭീ​​ക​​ര​​മു​​ഖം വെ​​ളി​​വാ​​ക്കു​​ന്ന മേ​​ൽ സൂ​​ചി​​പ്പി​​ച്ച വ​​രി​​ക​​ൾ അ​​ട​​ർ​​ത്തി എ​​ഴു​​തി​​യ​​ത്.

അ​​ടി​​യ​​ന്ത​​രാ​​വ​​സ്ഥ കാ​​ലം ഇ​​ന്ത്യ​​ൻ രാ​​ഷ്ട്രീ​​യ-സാ​​മൂ​​ഹി​​ക ജ​​നാ​​ധി​​പ​​ത്യ​​ത്തി​​ൽ ക​​രി​​നി​​ഴ​​ൽ​​ വീ​​ഴ്ത്തി​​യ കാ​​ല​​മാ​​യി​​രു​​ന്നു. ഭ​​ര​​ണ​​ഘ​​ട​​നാ​​പ​​ര​​മാ​​യ അ​​ധി​​കാ​​രം ഉ​​പ​​യോ​​ഗി​​ച്ചാ​​ണ് ഇ​​ന്ദി​​ര ഗാ​​ന്ധി അ​​ടി​​യ​​ന്ത​​രാ​​വ​​സ്ഥ പ്ര​​ഖ്യാ​​പി​​ച്ച​​ത്. ഭ​​ര​​ണ​​ഘ​​ട​​ന​​യി​​ൽത​​ന്നെ വ്യ​​വ​​സ്ഥചെ​​യ്യു​​ന്ന ‘state of exception’ എ​​ന്ന അ​​ധി​​കാ​​ര​​മാ​​ണ് ഭ​​ര​​ണ​​ഘ​​ട​​ന​​യെ താ​​ൽ​​ക്കാ​​ലി​​ക​​മാ​​യി അ​​നി​​ശ്ചി​​താ​​വ​​സ്ഥ​​യി​​ലാ​​ക്കാ​​ൻ പ്ര​​ധാ​​ന​​മ​​ന്ത്രി​​യെ പ്രേ​​രി​​പ്പി​​ച്ച​​ത്.

അ​​ടി​​യ​​ന്ത​​രാ​​വ​​സ്ഥ​​ക്കാ​​ല​​ത്ത് പൗ​​രാ​​വ​​കാ​​ശ​​ങ്ങ​​ളും പ​​ത്ര​​സ്വാ​​ത​​ന്ത്ര്യ​​വും മ​​ര​​വി​​പ്പി​​ച്ചെ​​ങ്കി​​ലും അ​​ത് അ​​താ​​ര്യ​​വും പ​​രോ​​ക്ഷ​​വു​​മാക്കാ​​ൻ ഭ​​ര​​ണ​​കൂ​​ട​​ത്തി​​ന് ക​​ഴി​​ഞ്ഞി​​ല്ല എ​​ന്ന​​താ​​ണ് സ​​ത്യം. ഭ​​ര​​ണ​​ഘ​​ട​​ന പൗ​​ര​​ന്മാ​​ർ​​ക്ക് ന​​ൽ​​കു​​ന്ന മൗ​​ലി​​കാ​​വ​​കാ​​ശ​​ങ്ങ​​ൾ ഇ​​ല്ലാ​​താ​​ക്കി​​യ ഇ​​ന്ദി​​ര ഗാ​​ന്ധി, മ​​റു​​വ​​ശ​​ത്ത് 1976ലെ 42ാം ഭ​​ര​​ണ​​ഘ​​ട​​ന ഭേ​​ദ​​ഗ​​തി​​യി​​ലൂ​​ടെ ഇ​​ന്ത്യ​​യെ ഒ​​രു മ​​തേ​​ത​​ര​​രാ​​ഷ്ട്ര​​മാ​​യി പ്ര​​ഖ്യാ​​പി​​ക്കു​​ക​​യും ചെ​​യ്തു എ​​ന്ന​​ത് സു​​ചി​​ന്തി​​ത​​മാ​​ണ്. ഭ​​ര​​ണ​​കൂ​​ട​​ നി​​യ​​ന്ത്ര​​ണം ഉ​​ദ്യോ​​ഗ​​സ്ഥ​​രി​​ലും പൊ​​ലീ​​സി​​ലും നി​​ക്ഷി​​പ്ത​​മാ​​ക്കി​​യെ​​ങ്കി​​ലും ഭ​​ര​​ണ​​കൂ​​ട വി​​ദ്യാ​​ഭ്യാ​​സ സ്ഥാ​​പ​​ന​​ങ്ങ​​ൾ​​ക്കുമേ​​ൽ അ​​ധി​​നി​​വേ​​ശം ന​​ട​​ത്താ​​ൻ മ​​ത-വ​​ർ​​ഗീ​​യ ശ​​ക്തി​​ക​​ളെ അ​​നു​​വ​​ദി​​ച്ചി​​ല്ല. ജ​​ന​​കീ​​യ സാ​​ധൂ​​ക​​ര​​ണം ഇ​​ല്ലാ​​ത്ത അ​​ടി​​യ​​ന്ത​​രാ​​വ​​സ്ഥ ഇ​​ന്ദി​​ര ഗാ​​ന്ധി​​യു​​ടെ സ്വേ​​ച്ഛാ​​പ​​ര​​മാ​​യ തീ​​രു​​മാ​​ന​​പ്ര​​കാ​​ര​​മു​​ള്ള പ്ര​​ഖ്യാ​​പ​​നമാ​​യി​​രു​​ന്നു.

പ്ര​​മു​​ഖ​​രു​​ടെ എ​​ഴു​​ത്തു​​ക​​ളാ​​ൽ സ​​മ്പ​​ന്ന​​മാ​​യ ആ​​ഴ്ച​​പ്പ​​തി​​പ്പി​​ന്റെ ‘അ​​ടി​​യ​​ന്ത​​രാ​​വ​​സ്ഥ സ്പെ​​ഷ​​ൽ പ​​തി​​പ്പ് ’ എ​​ന്തു​​കൊ​​ണ്ടും വി​​ല​​പ്പെ​​ട്ട ഒ​​രു രേ​​ഖ​​യാ​​ണെ​​ന്ന് പ​​റ​​യാ​​തെ വ​​യ്യ.

(പി.​​ടി. വേ​​ലാ​​യു​​ധ​​ൻ, ഇ​​രി​​ങ്ങ​​ത്ത്, പ​​യ്യോ​​ളി)