എഴുത്തുകുത്ത്

ആ ​ഗാ​നം ല​ഭ്യ​മാ​ണ്

ശ്രീ​കു​മാ​ര​ൻ ത​മ്പി​യു​ടെ ‘സം​ഗീ​ത​യാ​ത്ര​’യി​ൽ (ല​ക്കം: 1368) ‘ശ​ക്തി’ എ​ന്ന 1972 ഡി​സം​ബ​ർ എ​ട്ടി​ന് റി​ലീ​സ് ചെ​യ്ത ചി​ത്ര​ത്തെ​പ്പ​റ്റി​യു​ള്ള അ​ഭി​പ്രാ​യം വാ​യി​ച്ചു. ആ ​സി​നി​മ​യി​ൽ അ​ടൂ​ർ​ ഭാ​സി പാ​ടി​യ ഒ​രു ഹാ​സ്യ​ഗാ​നം ല​ഭ്യ​മ​ല്ല എ​ന്ന് പ​റ​യു​ന്നു. ആ​കാ​ശ​വാ​ണി​യി​​ലോ ദൂ​ര​ദ​ർ​ശ​നി​ലോ ഒ​ന്നും ഇ​തു​വ​രെ കേ​ൾ​ക്കാ​ൻ ക​ഴി​ഞ്ഞി​ട്ടി​ല്ലെ​ങ്കി​ലും പാ​ട്ടു​പു​സ്ത​ക​ത്തി​ൽ ആ ​ഗാ​നം ല​ഭ്യ​മാ​ണ്. ആ ​ഗാ​നം ദീ​ർ​ഘി​ച്ച​താ​ണ്. ആ​ദ്യ​ത്തെ എ​ട്ട് പ​ത്ത് വ​രി​ക​ൾ ഇ​ങ്ങ​നെ​യാ​ണ്:

‘‘മ​ാന്യ​ന്മാ​രെ മ​ഹ​തി​ക​ളെ

മ​ാന്യ സ​ദ​സ്സി​ലെ മൂ​ര​ാച്ചി​ക​ളെ

വാ​രി​വ​ലി​ച്ചു​തൊ​ഴു​ന്നേ​ൻ ന​ട്ടെ-

ല്ലൂ​രി വ​ള​ച്ച് കു​നി​ച്ച് തൊ​ഴു​ന്നേ​ൻ

ചോ​ട്ടാ നേ​താ​വോ​ട്ടി​ന് നി​ങ്ങ​ടെ

വീ​ട്ടി​ൽ രാ​ത്രി വ​രു​ന്ന​തുപോ​ലെ

ആ​ഘോ​ഷ​ക്ക​മ്മ​റ്റി​ക്കാ​ർ രാ​ത്രി

പി​രി​വി​ന്നാ​യെ​ത്തുംപോ​ലെ.’’

സറ്റയർ എ​ന്ന വ​കു​പ്പി​ൽ​പെ​ടു​ത്താ​വു​ന്ന ഇൗ ​ഹാ​സ്യ​ഗാ​ന​വും ‘ശ​ക്തി’​യി​ലെ മ​റ്റ് ഗാ​ന​ങ്ങ​ളും ഗ്രാ​മ​ഫോ​ൺ റെ​ക്കോ​ഡി​നാ​യി ഇ​റ​ങ്ങി​യോ എ​ന്ന​റി​യി​ല്ല. ശേ​ഷം വി​ശേ​ഷാ​ൽ: ‘ശ​ക്തി’ എ​ന്ന പേ​രി​ൽ ജ​യ​നും എം.​എ​ൻ. ന​മ്പ്യാ​രും മ​റ്റും അ​ഭി​ന​യി​ച്ച ഒ​രു ത​ക​ർ​പ്പ​ൻ ഹി​റ്റ് ചി​ത്രം 1979ൽ ​പു​റ​ത്തി​റ​ങ്ങി. ബി​ച്ചു തി​രു​മ​ല​യാ​ണ് അ​തി​ലെ ഗാ​ന​ങ്ങ​ൾ എ​ഴു​തി​യ​ത്. ‘‘മീ​ശ മു​ള​ച്ച​പ്പം​തൊ​ട്ട് ഞ​മ്മ​ടെ വീ​ട്ടി​ന​ടു​ത്തൊ​രു പെ​ണ്ണി​െ​ന പാ​ട്ടി​ലാ​ക്കി​യ’’ എ​ന്നൊ​രു ഹാ​സ്യ​ഗാ​നം ആ ​ര​ണ്ടാം ‘ശ​ക്തി’​യി​ലും ഉ​ണ്ടാ​യി​രു​ന്നു. കെ. ​സു​രേ​ന്ദ്ര​ന്റെ ‘ശ​ക്തി’ എ​ന്ന നോ​വ​ലു​മാ​യി ര​ണ്ട് സി​നി​മ​ക​ൾ​ക്കും ഒരു ബന്ധവുമില്ല.

റ​ഷീ​ദ് പി.​സി പാ​ലം, ന​രി​ക്കു​നി

ഹാ​ൻ കാ​ങ്ങിന് പ്രചോദനം സ്വന്തം ജീവിതം

ദി​വ്യ അ​രു​ൺ ഈ ​വ​ർ​ഷ​ത്തെ സാ​ഹി​ത്യ നൊ​ബേ​ൽ സ​മ്മാ​നം നേ​ടി​യ കൊ​റി​യ​ൻ എ​ഴു​ത്തു​കാ​രി ഹാ​ൻ കാ​ങ്ങി​നെ പ​രി​ച​യ​പ്പെ​ടു​ത്തി​യ ‘മാ​ന​വി​ക​ത​യു​ടെ പ്ര​തി​ഫ​ല​ന​ങ്ങ​ൾ’ (ലക്കം: 1391) വാ​യി​ച്ചു. ഹാ​ൻ കാ​ങ്ങിന്റെ ‘ദി ​വെ​ജി​റ്റേ​റി​യ​ൻ’, ‘ഹ്യൂമ​ൻ ആ​ക്ട്സ്’, ‘ദി ​വൈ​റ്റ് ബു​ക്ക്‌’, ‘ഗ്രീ​ക് ലെ​സ​ൻ​സ്’ എ​ന്നീ കൃ​തി​ക​ളെ ഒ​രു പ​രി​ധിവ​രെ വാ​യ​ന​ക്കാ​രെ പ​രി​ച​യ​പ്പെ​ടു​ത്താ​ൻ ദി​വ്യ​യു​ടെ എ​ഴു​ത്തി​ന് ക​ഴി​ഞ്ഞി​ട്ടു​ണ്ട്. സാ​ഹി​ത്യ​ത്തി​നു​ള്ള നൊ​ബേ​ൽ പു​ര​സ്കാ​രം ല​ഭി​ക്കു​ന്ന പ​തി​നെ​ട്ടാ​മ​ത്തെ വ​നി​ത​യാ​ണ് ഹാ​ൻ കാ​ങ് എ​ന്ന​തും അ​തി​ൽത​ന്നെ ഏ​ഷ്യ​യി​ൽ​നി​ന്ന് പു​ര​സ്കൃ​ത​യാ​കു​ന്ന ആ​ദ്യ വ​നി​ത​യാ​ണ് എ​ന്ന​തും കൗ​തു​കംത​ന്നെ.

താ​ൻ ത​ന്നെ എ​ഴു​തി​യ ‘The fruit of my woman’ എ​ന്ന ചെ​റു​ക​ഥ​യെ അ​ടി​സ്ഥാ​ന​മാ​ക്കി​ ഹാ​ൻ കാ​ങ് ര​ചി​ച്ച The Vegetarian എ​ന്ന നോ​വ​ലി​ലെ ‘വെ​ജി​റ്റേ​റി​യ​ൻ’, ‘മം​ഗോ​ളി​യ​ൻ മാ​ർ​ക്ക്’, ‘ഫ്ല​മി​ങ് ട്രീ’ ​എ​ന്നി​ങ്ങ​നെ​യു​ള്ള ഓ​രോ അ​ധ്യാ​യ​​ത്തെ​ക്കു​റി​ച്ചും ചു​രു​ക്കി​പ്പ​റ​ഞ്ഞുപോ​കു​ന്ന ഭാ​ഗ​ത്തി​ലൂ​ടെ നോ​വ​ലി​ന്റെ ഒ​രേ​ക​ദേ​ശ രൂ​പം വാ​യ​ന​ക്കാ​രി​ലേ​ക്കെ​ത്തി​ക്കാ​ൻ ദി​വ്യ​ക്ക് ക​ഴി​ഞ്ഞി​ട്ടു​ണ്ട്. നോവ​ലി​നെ​ക്കു​റി​ച്ച് കൂ​ടു​ത​ല​റി​യാ​ൻ താ​ൽപ​ര്യ​മു​ള്ള​വ​ർ​ക്ക് ഡെ​ബോ​റാ സ്മി​ത്തി​ന്റെ ഇം​ഗ്ലീ​ഷ് പ​രി​ഭാ​ഷ​യോ സി.​വി. ബാ​ല​കൃ​ഷ്ണ​ന്റെ മ​ല​യാ​ള​ത്തി​ലേ​ക്കു​ള്ള മൊ​ഴി​മാ​റ്റ​മോ വാ​യി​ക്കാ​വു​ന്ന​തു​മാ​ണ​ല്ലോ. കു​ഞ്ഞു സ​ഹോ​ദ​രി ജ​നി​ച്ച് ര​ണ്ടു മ​ണി​ക്കൂ​റി​നു ശേ​ഷം മ​ര​ണ​മ​ട​ഞ്ഞ​തി​നെ​ക്കു​റി​ച്ചു​ള്ള ഓ​ർ​മ​ക​ൾ​ക്കൊ​ടു​വി​ൽ ‘അ​വ​ളു​ണ്ടാ​യി​രു​ന്നെ​ങ്കി​ൽ ഞാ​നു​ണ്ടാ​വു​മാ​യി​രു​ന്നി​ല്ല’ എ​ന്ന തി​രി​ച്ച​റി​വി​ലാ​ണ് ‘The White Book’ന്റെ ​പി​റ​വി. ഈ ​പു​സ്ത​ക​ത്തി​ന്റെ പ്ര​ചോ​ദ​നം ഹാ​ൻ കാ​ങ്ങിന്റെ ജീ​വി​ത​ത്തി​ലെ യ​ഥാ​ർ​ഥ സം​ഭ​വ​ങ്ങ​ളി​ൽനി​ന്നു ത​ന്നെ​യാ​ണ്.

ആ​റു​ വ​ർ​ഷ​ത്തോ​ളം കൊ​റി​യ​ൻ ഭാ​ഷ പ​ഠി​ച്ച​തി​നു​ശേ​ഷ​മാ​ണ് ഡെ​ബോ​റ സ്മി​ത്ത് ‘The Vegetarian’ ഇം​ഗ്ലീ​ഷി​ലേ​ക്ക് ത​ർ​ജമ ചെ​യ്ത​ത്. ‘Greek Lessons’ ഇം​ഗ്ലീ​ഷി​ലേ​ക്ക് മൊ​ഴി​മാ​റ്റം ന​ട​ത്തി​യ​ത് ഡെ​ബോ​റ സ്മി​ത്തും (Deborah Smith) എ​മി​ലി യേ ​വോ​ണും (Emily Yae Won) ചേ​ർ​ന്നാ​ണ്.

എം.എസ്. മുരളീ മനോഹർ പൗഡിക്കോണം

‘പ​ത​മ്പ്’ ജീ​വി​തഗ​ന്ധി​യാ​യ ക​ഥ

ദ​ശാ​ബ്ദ​ങ്ങ​ൾ​ക്കു മു​മ്പ് കേ​ര​ള​ത്തി​ൽ ന​ട​മാ​ടി​യി​രു​ന്ന വ​രേ​ണ്യ മാ​ട​മ്പി​ത്ത​ങ്ങ​ളു​ടെ കൃ​ത്യ​മാ​യ തു​റ​ന്നെ​ഴു​ത്താ​ണ് ‘പ​ത​മ്പ്’ (ല​ക്കം: 1390). അ​ന്ന് അ​വ​ർ​ണ​ർ അ​നു​ഭ​വി​ച്ച ദ​യാര​ഹി​ത​മാ​യ ക്രൂ​രകൃ​ത്യ​ങ്ങ​ളു​ടെ ശ​ക്ത​മാ​യ ക​ഥാ​വി​ഷ്കാ​ര​മാ​ണ​ത്. അ​ബ​ദ്ധ​ത്തി​ൽ അ​മ്പ​ല ന​ട​വ​ഴി​യി​ലൂ​ടെ ന​ട​ന്ന​തി​ന് കാ​ളി​ക്കു​ട്ടി​യോ​ട് കാ​ണി​ച്ച അതിക്രമം ഒ​രുകാ​ല​ത്തെ നി​ത്യ സം​ഭ​വ​വും ത​മ്പ്രാ​ക്ക​ന്മാ​രു​ടെ ക്രൂ​ര വി​നോ​ദ​വു​മാ​യി​രു​ന്നു. നി​ഷ്ക​ള​ങ്ക​നാ​യ കാ​ളി​ക്കു​ട്ടി​യു​ടെ മു​ഖം മ​ന​സ്സി​ൽ മാ​യാ​തെ നി​ൽ​ക്കു​ന്നു.

ദാ​മ്പ​ത്യ​ത്തി​ന്റെ 14 കൊ​ല്ല​ക്കാ​ലം ചോ​രാ​ത്ത വാ​ത്സ​ല്യം പ്ര​ക​ടി​പ്പി​ച്ച പ്രി​യ​ത​മ​നുവേ​ണ്ടി ചി​രു​ത​ക്ക് അ​ത​ല്ലാ​തെ മ​റ്റൊ​ന്നും ചെ​യ്യാ​ൻ ക​ഴി​യു​മാ​യി​രു​ന്നി​ല്ല. ഒ​ടു​വി​ൽ മേ​ലാ​ള ച​ട്ട​മ്പി​യെ ഇ​ല്ലാ​താ​ക്കി​ക്കൊ​ണ്ട് അ​വ​ൾ സ്വ​യം എ​രി​ഞ്ഞൊ​ടു​ങ്ങി; ത​ന്റെ സ്വ​ന്തം കാ​ളി​ക്കു​ട്ടി​ക്ക് വേ​ണ്ടി. ക​ല​വ​റ​യി​ല്ലാ​തെ പ്രി​യ​ത​മ​നെ പ്ര​ണ​യി​ച്ച സ​ഹധ​ർ​മി​ണി​യു​ടെ തി​രി​ച്ചു​ള്ള സ്നേ​ഹ​പ്ര​ക​ട​ന​മാ​യി​രു​ന്നു അ​ത്. ന​ല്ല അ​വ​ത​ര​ണം. മ​നോ​ഹ​ര​മാ​യ ആ​ഖ്യാ​നശൈ​ലി​യി​ലൂ​ടെ വാ​യ​ന​ക്കാ​രെ ഹ​ഠാ​ദാ​ക​ർ​ഷി​ച്ച ക​ഥാകൃ​ത്തി​നും ഇ​ത്ത​ര​മൊ​രു ക​ഥ പ്ര​സി​ദ്ധീ​ക​രി​ക്കാ​ൻ ത​യാ​റാ​യ ആഴ്ചപ്പതിപ്പി​നും അ​ഭി​ന​ന്ദ​ന​ങ്ങ​ൾ.

സി.​പി. മു​സ​മ്മി​ൽ, പു​തി​യ​തെ​രു

ത​ക​രു​ന്ന പ്ര​കാ​ശഗോ​പു​രം

മ​നു​ഷ്യമ​ന​സ്സ് വാ​യി​ച്ചെ​ടു​ക്കാ​നു​ള്ള ഉ​പ​ക​ര​ണ​ങ്ങ​ളോ സാ​​ങ്കേ​തി​ക വി​ദ്യ​യോ വൈ​ദ്യ​ശാ​സ്ത്ര​ത്തി​ന് ക​ണ്ടു​പി​ടി​ക്കാ​ൻ സാ​ധി​ച്ചി​ട്ടി​ല്ല. ഒ​രാ​ളു​ടെ മ​നഃ​ശാ​സ്ത്രം പ​ല​പ്പോ​ഴും അ​പൂ​ർ​ണ​മാ​കു​ന്നു. മാ​ധ്യ​മം ആ​ഴ്ച​പ്പ​തി​പ്പി​ൽ (ല​ക്കം: 1389) വ​ന്ന ധ​ന്യാ​രാ​ജി​ന്റെ ചെ​റു​ക​ഥ ‘ഇ​രു​ട്ടി​ന്റെ​യും വെ​ളി​ച്ച​ത്തി​ന്റെ​യും പ​ര്യാ​യം’ ഈ ​സ​ത്യം വി​ളി​ച്ചോ​തു​ന്നു. ‘ആദിനാ​ഥ​ൻ’ എ​ന്ന വി​ദ്യാ​ർ​ഥി അ​സാ​ധാ​ര​ണ വ്യ​ക്തി​ത്വ​ത്തി​നു​ട​മ​യാ​ണ്. പ​ര​സ​ഹാ​യ​ത്തി​നും അ​ന്യ​ർ​ക്കു​വേ​ണ്ടി​യു​ള്ള ത്യാ​ഗ​ത്തി​നും ഉ​ത്ത​മ​നി​ദ​ർ​ശ​ന​മ​ാണ്. ഹൈ​സ്കൂ​ൾ മു​ത​ൽ സ​ർ​വ​ക​ലാ​ശാ​ല പ​ഠ​നം​വ​​രെ ആ​ദി​നാ​ഥ​ൻ ഒ​ര​ത്ഭു​ത ബ​ാല​നാ​യി​രു​ന്നു. അ​ന്യ​​രെ സ​ഹാ​യി​ക്കാ​ൻ​വേ​ണ്ടി സ്വ​ന്തം ജീ​വ​ൻ​പേ​ാലും ബ​ലി​യ​ർ​പ്പി​ക്കാ​ൻ സ​ദാ​ സ​ന്ന​ദ്ധ​നാ​യ ഒ​രാ​ദ​ർ​ശ​ബിം​ബം. എ​ന്നും ക്ലാ​സി​ൽ ഒ​ന്നാ​മ​ൻ. അ​തു​കൊ​ണ്ടു​ത​ന്നെ ക​ല്യാ​ണി, എ​ലി​സ​ബ​ത്ത്, ഷ​മീ​ന എ​ന്നീ​ വി​ദ്യാ​ർ​ഥി​ക​ൾ ആ​ദി​നാ​ഥ​നെ പ്ര​ണ​യി​ക്കു​ക​യും ആ​രാ​ധി​ക്കു​ക​യുംചെ​യ്തു.

ജോ​ത്സ്ന എ​ന്ന വി​ദ്യാ​ർ​ഥി​നി ആ​ദി​നാ​ഥ​നെ ത​ള്ളി​നീ​ക്കി ഒ​ന്നാം സ്ഥാ​നം ക​ര​സ്ഥ​മാ​ക്കു​മോ എ​ന്ന ഭ​യം​മൂ​ലം ആ ​വി​ദ്യാ​ർ​ഥി​നി​യു​ടെ പു​സ്ത​ക​ങ്ങ​ളും നോ​ട്ടു​ബു​ക്കും പൊ​ന്ത​ക്കാ​ട്ടി​ലേ​ക്ക് ആ​രാ​ധ​നാമൂ​ർ​ത്തി​ക​ളാ​യ മൂ​ന്നു പെ​ൺ​കു​ട്ടി​ക​ളുംകൂ​ടി വ​ലി​ച്ചെ​റി​ഞ്ഞു. വി​വ​ര​മ​റി​ഞ്ഞ അ​ധ്യാ​പ​ക​ൻ കൃ​ത്യം​ചെ​യ്ത കു​റ്റ​വാ​ളി​ക​ളെ ക​ണ്ടു​പി​ടി​ക്കാ​ൻ വേ​ണ്ടി പ്ര​വ​ർ​ത്ത​നം തു​ട​ങ്ങി​യ​ത​റി​ഞ്ഞ് മൂ​വ​രും ച​കി​ത​രാ​യി. വി​വ​രം മ​ന​സ്സി​ലാ​ക്കി​യ ആ​ദി​നാ​ഥ​ൻ കൂ​ട്ടു​കാ​രി​ക​ളെ ര​ക്ഷി​ക്കാ​ൻ​വേ​ണ്ടി കു​റ്റം സ്വ​യം ഏ​റ്റെ​ടു​ത്ത് സ്വ​ന്തം കൈ​വെ​ള്ള​യി​ൽ ശി​ക്ഷ ഏ​റ്റു​വാ​ങ്ങു​ക​യാ​യി​രു​ന്നു. മ​റ്റു​ള്ള​വർ​ക്കു​വേ​ണ്ടി സ്വ​ന്തം ഭാ​വി​യും ജീ​വി​ത​വും ത​​ന്നെ​യും ഹോ​മി​ക്കാ​ൻ ത​യാ​റു​ള്ള ആ​ദ​ർ​ശ​രൂ​പം.

അ​തി​സ​മ​ർ​ഥ​നാ​യ ആ​ദി​നാ​ഥ​ൻ സ​ർ​ക്കാ​ർ ജോ​ലി ക​ര​സ്ഥ​മാ​ക്കി അ​ധി​കം താ​മ​സി​യാ​തെ വി​വാ​ഹം ക​ഴി​ച്ചു സു​നീ​തി​യെ. അ​വ​ൾ കു​റ​ച്ചു​ദി​വ​സം ക​ഴി​ഞ്ഞ​പ്പോ​ൾ ഒ​രു യു​വാ​വു​മൊ​ത്ത് പ​ട്ട​ണ​ത്തി​ൽ ചു​റ്റി​ക്ക​ളി​ക്കു​ന്ന​തു​ ക​ണ്ട​പ്പോ​ൾ മൂ​വ​ർ​ക്കും അ​തി​യാ​യ ദേ​ഷ്യ​മാ​യി. ആ​ദ​ർ​ശ​ബിം​ബ​മാ​യ ആ​ദി​നാ​ഥ​നെ വ​ഞ്ചി​ക്കു​ന്ന​ കാ​ര്യം അ​വ​ർ​ക്ക് ചി​ന്തി​ക്കാ​ൻ​പോ​ലും പ്ര​യാ​സ​മാ​ണ്. അ​തി​നാ​ൽ, മൂ​വ​രും​കൂ​ടി സു​നീ​തി​യെ ചോ​ദ്യം​ചെ​യ്ത​പ്പോ​ഴാ​ണ് അ​വ​ൾ സ​ത്യം​വെ​ളി​പ്പെ​ടു​ത്തി​യ​ത്. അ​വ​ന്റെ ആ​ദ്യ ഭാ​ര്യ അ​ലീ​ന അ​വ​നെ ഉ​പേ​ക്ഷി​ച്ചു​പോ​യ​തെ​ന്തി​ന്. സു​നീ​തി​യെ ചോ​ദ്യംചെ​യ്ത​തോ​ടെ അ​വ​ൾ സ​ത്യം, ആ​ദ​ർ​ശ​ബിം​ബ​ത്തി​ന്റെ യ​ഥാ​ർ​ഥ സ്വ​ഭാ​വം ബോ​ധ്യ​പ്പെ​ടു​ത്തി. സു​നീ​തി​യു​ടെ ക​വി​ളി​ലും ക​ഴു​ത്തി​ലും കാ​ണു​ന്ന മ​ർ​ദ​ന​ത്തി​ന്റെ അ​ട​യാ​ള​ങ്ങ​ളും ആ​ദി​നാ​ഥ​ൻ മ​ർ​ദി​ക്കു​ന്ന​തി​ന്റെ ദൃ​ശ്യ​ങ്ങ​ളും മൊ​ബൈ​ലി​ൽ കാ​ണി​ച്ചു​കൊ​ടു​ത്ത​തോ​ടെ അ​വ​രു​ടെ ആ​ദ​ർ​ശ​ബിം​ബം ത​ക​ർ​ന്നു​വീ​ഴു​ക​യും, ക​രാ​ള​വും ബീഭ​ത്സ​വു​മാ​യ മുഖം അ​നാ​വൃ​ത​മാ​വു​ക​യുംചെ​യ്യു​ന്നു. ഇ​താ​ണ് മ​നു​ഷ്യ​ന്റെ യ​ഥാ​ർ​ഥ മു​ഖം.

പ്ര​സീ​ദ് കൊ​ട്ടാ​ര​ക്ക​ര

'ആ​മ' വി​സ്മ​യി​പ്പി​ക്കു​ന്നു

ക​ഥ​ക​ൾ പൊ​തു​വെ വാ​യ​ന​ക്കാ​രെ ചി​ന്തി​പ്പി​ക്കു​ക​യും ചി​രി​പ്പി​ക്കു​ക​യും വേ​റെ ചി​ല​ത് ആ​കു​ല​പ്പെ​ടു​ത്തു​ക​യും ചെ​യ്യു​മ്പോ​ൾ ആ​ഴ്ച​പ്പ​തി​പ്പ് ല​ക്കം 1392ൽ ​മു​ഹ​മ്മ​ദ് ഷ​ഫീ​ഖ് എ​ഴു​തി​യി​രി​ക്കു​ന്ന ‘ആ​മ’ മ​ന​സ്സി​ന്റെ​യും ഇ​ന്ദ്രി​യ​ങ്ങ​ളു​ടെ​യും പു​തു​വാ​താ​യ​ന​ങ്ങ​ൾ തു​റ​പ്പി​ച്ചു​കൊ​ണ്ട് വാ​യ​ന​ക്കാ​രെ വി​സ്മ​യി​പ്പി​ക്കു​ന്നു. ആ​ദി​യും മധ്യ​വും അ​ന്ത്യ​വും ഉ​ള്ളൊ​രു ക​ഥ​യാ​ണെ​ന്ന​താ​ണ് ഇ​തി​ന്റെ മ​റ്റൊ​രു സ​വി​ശേ​ഷ​ത. ല​ളി​ത​വും ഭാ​വാ​ത്മ​ക​വും സു​ന്ദ​ര​വു​മാ​യ വി​വ​ര​ണ​ങ്ങ​ളോ​ടെ പു​രോ​ഗ​മി​ക്കു​ന്ന ക​ഥ അ​ന്ത്യ​ത്തി​ൽ ഒ​രു കു​ഴി​യ​മി​ട്ടു​പോ​ലെ പൊ​ട്ടു​മ്പോ​ൾ അ​നു​വാ​ച​ക​ർ സ്തം​ഭി​ച്ചുപോ​കു​ന്നു.

കു​വൈ​ത്തി​ൽനി​ന്ന് ഹ്ര​സ്വാ​വ​ധി​ക്കെ​ത്തു​ന്ന രാ​ജീ​വ​ൻ മീ​ൻ​പി​ടി​ത്ത ഭ്ര​മ​ക്കാ​ര​നാ​യ അ​ച്ഛ​ൻ നാ​ണു​വി​ന് വി​ദേ​ശ നി​ർ​മി​ത ചൂ​ണ്ട​ലു​ക​ളും ട​ങ്കീ​സും സ​മ്മാ​നി​ക്കു​ന്നു. അ​തും​കൊ​ണ്ട് ക​ല്യാ​ച്ചേ​രി പു​ഴ​യി​ൽ മീ​ൻ​പി​ടി​ക്കു​ന്ന​തി​നി​ടെ അ​യാ​ളു​ടെ ചൂ​ണ്ട​യി​ൽ ഒ​രു പ്ര​ത്യേ​ക​ത​രം ആ​മ കു​ടു​ങ്ങു​ന്നു. മ​ക്ക​ളാ​യ സ​നീഷ​നും ഷം​ന​യും ഡൈ​ജ​സ്റ്റി​ൽ അ​തി​നെ​ക്കു​റി​ച്ചു​ള്ള വി​വ​ര​ങ്ങ​ൾ പ​ര​തി​യ​പ്പോ​ൾ അ​ന്ത​ാരാ​ഷ്ട്ര മാ​ർ​ക്ക​റ്റി​ൽ കോ​ടി​ക​ൾ വി​ല​മ​തി​ക്കു​ന്ന മ​ഡ​ഗാ​സ്ക​ർ ദ്വീ​പു​ക​ളി​ലെ ആ​മ​ക​ളു​മാ​യി ഇ​തി​ന് സാ​മ്യ​മു​ണ്ടെ​ന്ന് മ​ന​സ്സി​ലാ​ക്കു​ന്നു. പി​ന്നെ ഒ​ട്ടും താ​മ​സി​ച്ചി​ല്ല സ​നീഷ​ൻ അ​തി​ന്റെ നാ​ല​ഞ്ചു ഫോ​ട്ടോ​യെ​ടു​ത്ത് മ​ഡ​ഗാ​സ്ക​ർ മ്യൂ​സി​യ​ത്തി​ലേ​ക്ക് അ​യ​ച്ചു​കൊ​ടു​ക്കു​ന്നു.

ദി​വ​സ​ങ്ങ​ൾ ക​ഴി​ഞ്ഞി​ട്ടും മ​റു​പ​ടി വ​രാ​തെ മ​ടു​ത്ത നാ​ണു​വേ​ട്ട​ൻ ത​ന്റെ ച​ങ്ങാ​തി​യാ​യ കു​ട്ട്യാ​ലി​ക്ക​യോ​ട് ആ​മര​ഹ​സ്യം വെ​ളി​പ്പെ​ടു​ത്തു​ന്നു. അ​യാ​ളു​ടെ മ​ക​ൻ സ​ത്താ​ർ ഇ​രു​ത​ല​മൂ​രി​യെയും വെ​ള്ളി​മൂ​ങ്ങ​യെ​യു​മൊ​ക്കെ കൈ​മാ​റ്റംചെ​യ്യു​ന്ന കോ​യ​മ്പ​ത്തൂ​രി​ലെ ബ്രോ​ക്ക​റാ​ണ്.

അ​യാ​ളു​ടെ നി​ർ​ദേ​ശ​പ്ര​കാ​രം ആ​മ​യെ കോ​യ​മ്പ​ത്തൂ​രി​ലെ​ത്തി​ച്ച​പ്പോ​ഴാ​ണ് ഇ​ത് സാ​ധാ​ര​ണ ആ​മ​യാ​ണെ​ന്നും വി​റ്റാ​ൽ പ​ത്തു​പൈ​സ​പോ​ലും കി​ട്ടി​ല്ലെ​ന്നും അ​റി​യു​ന്ന​ത്. നി​രാ​ശ​നാ​യ സ​ത്താ​ർ ആ​മ​യെ നാ​ണു​വേ​ട്ട​നു ത​ന്നെ തി​രി​ച്ച​യ​ക്കു​ന്നു. ഇ​തി​നി​ട​യി​ൽ നാ​ണു​വേ​ട്ട​ന്റെ മ​ക​ൾ ഷം​ന അ​യ​ൽ​ക്കാ​ര​നാ​യ ര​തി​ലേ​ഷി​നോ​ടൊ​പ്പം ഒ​ളി​ച്ചോ​ടി​പ്പോ​യി ര​ജി​സ്റ്റ​ർ ക​ല്യാ​ണം ന​ട​ത്തി തി​രി​ച്ചെ​ത്തു​ന്നു. അ​തി​ൽ അ​സ്വ​സ്ഥ​രാ​യ വീ​ട്ടു​കാ​രെ സ​മാ​ധാ​നി​പ്പി​ക്കാ​ൻ ന​ട​ത്തി​യ ശ്ര​മ​ങ്ങ​ൾ​ക്കി​ട​യി​ൽ ഷം​ന മ​നു​ഷ്യ​ന്റെ വ്യ​ക്തി​സ്വാ​ത​ന്ത്ര്യ​ത്തെ​ക്കു​റി​ച്ച് വാ​ചാ​ല​യാ​കു​ന്നു. അ​തു​കേ​ട്ട് മ​ന​സ്സ​ലി​ഞ്ഞ നാ​ണു​വേ​ട്ട​ൻ മ​ക​ൾ​ക്കു മാ​പ്പു​കൊ​ടു​ത്ത​തു കൂ​ടാ​തെ മ​നു​ഷ്യ​ർ മാ​ത്ര​മ​ല്ല സ​ർ​വ​ജീ​വ​ജാ​ല​ങ്ങ​ളും സ്വാ​ത​ന്ത്ര്യം അ​ർ​ഹി​ക്കു​ന്നു​വെ​ന്നും മ​ന​സ്സി​ലാ​ക്കി ആ​മ​യെ ക​ല്യാ​ച്ചേ​രി പു​ഴ​യി​ലേ​ക്ക് ഇ​റ​ക്കിവി​ടു​ന്നു.

ഇ​നി​യാ​ണ് ക്ലൈ​മാ​ക്സ്!

മെ​സേ​ജു​ക​ളാ​ൽ നി​റ​ഞ്ഞ ത​ന്റെ ഫോ​ൺ പ​രി​ശോ​ധി​ക്ക​വെ സ​നീ​ഷ് മ​ഡ​ഗാ​സ്ക​റി​ൽനി​ന്നു​ള്ള ഒ​രു മെ​സേ​ജ് കാ​ണു​ന്നു. ‘‘സു​ഹൃ​ത്തേ, താ​ങ്ക​ൾ അ​യ​ച്ച ഫോ​ട്ടോ​വി​ലെ ആ​മ​ക്ക് മ​ഡ​ഗാ​സ്ക​ർ ആ​മ​യു​മാ​യി സാ​മ്യം കാ​ണു​ന്നു. വി​പ​ണി​യി​ൽ നാലു കോ​ടി​യോ​ളം വി​ല​മ​തി​ക്കു​ന്ന ഇ​തി​നെ ഞ​ങ്ങ​ളു​ടെ ഇ​ന്ത്യ​ൻ പ്ര​തി​നി​ധി​യെ ഏ​ൽ​പി​ച്ചാ​ൽ വി​ല​യു​ടെ 50 ശ​ത​മാ​ന​മാ​യ രണ്ടു കോ​ടി രൂ​പ ന​ൽ​കു​ന്ന​താ​യി​രി​ക്കും. ബാ​ക്കി തു​ക ആ​മ​യെ കൈ​പ്പ​റ്റി​യ​തി​നു​ശേ​ഷ​വും ന​ൽ​കും.’’ ഇ​തു വാ​യി​ച്ച് നാ​ണു​വേ​ട്ട​നോ​ടൊ​പ്പം വാ​യ​ന​ക്കാ​രും ഞെ​ട്ടു​ന്നു. ഭാ​വ​ദീ​പ്ത​മാ​യ ക​ഥ​യെ​ഴു​തി​യ ക​ഥാ​കൃ​ത്തി​നും ചി​ത്രീ​ക​ര​ണം ന​ട​ത്തി​യ ക​ന്നി​ക്കും പ്ര​സി​ദ്ധീ​ക​രി​ച്ച ആ​ഴ്ച​പ്പ​തി​പ്പി​നും ന​ന്ദി.

സ​ണ്ണി ജോ​സ​ഫ്, മാ​ള