പാ​ത​യോ​ര​ത്തു​നി​ന്ന് ഒ​രു പാ​ഥേ​യം

ഗ​ൾ​ഫ് പ്ര​വാ​സം, പൊ​തു​വെ സ​ർ​ഗ​വാ​സ​ന​ക​ളു​ടെ തീ​നാ​മ്പു​ക​ളെ ത​ല്ലി​ക്കെ​ടു​ത്താ​റാ​ണ് പ​തി​വ്. അ​ത്ര​മേ​ൽ തീ​ക്ഷ്ണ​മാ​യ യാ​ഥാ​ർ​ഥ്യ​ങ്ങ​ളോ​ടാ​ണ് അ​വി​ട​ത്തെ സാ​മ്പ​ത്തി​ക അ​ഭ​യാ​ർ​ഥി​ക​ൾ ഏ​റ്റു​മു​ട്ടേ​ണ്ടി​വ​രു​ന്ന​ത്. അ​വി​ടെ ജീ​വി​ത​മെ​ന്ന​ത് വെ​റും നി​ല​നി​ൽ​പ് മാ​ത്ര​മാ​യി ചു​രു​ങ്ങി​പ്പോ​കു​ന്നു. ക​ഠി​ന കാ​ലാ​വ​സ്ഥ​യും ഒ​റ്റ​പ്പെ​ട​ലും തൊ​ഴി​ലി​ലെ അ​ര​ക്ഷി​ത​ത്വ​വും സ്വ​കാ​ര്യ​ത​യെ മു​ച്ചൂ​ടും ഹ​നി​ക്കു​ന്ന താ​മ​സ​കേ​ന്ദ്ര​ങ്ങ​ളും നാ​ട്ടി​ലെ കാ​ക്ക​ത്തൊ​ള്ളാ​യി​രം ബാ​ധ്യ​ത​ക​ളും ഒ​ക്കെ ചേ​ർ​ന്ന് ഒ​രു മ​നു​ഷ്യ​ജീ​വി​യു​ടെ മൃ​ദു​ല​ഭാ​വ​ങ്ങ​ള​ത്ര​യും ചോ​ർ​ത്തി​ക്ക​ള​യു​ന്നു. പ​തു​ക്ക​പ്പ​തു​ക്കെ സ്വ​പ്ന​ങ്ങ​ളു​ടെ​യും സ​ർ​ഗ​വ്യാ​പാ​ര​ത്തി​ന്റെ​യും ഭാ​ണ്ഡ​ക്കെ​ട്ടു​ക​ൾ വ​ഴി​യോ​ര​ത്തെ​വി​ടെ​യോ ഉ​പേ​ക്ഷി​ച്ച് ആ ​മ​ഹാ​പ്ര​വാ​ഹ​ത്തി​ൽ ല​യി​ച്ചു​ചേ​രാ​ൻ അ​യാ​ൾ/ അ​വ​ൾ നി​ർ​ബ​ന്ധി​ത​രാ​കു​ന്നു. ഒ​രു ബ്ലാ​ക്ക്ഹോ​ൾ പോ​ലെ ആ ​വ്യ​ക്തി നി​ർ​വി​കാ​ര​ത​യു​ടെ കൊ​ടും ത​മ​സ്സി​ലേ​ക്കൊ​ടു​ങ്ങി​പ്പോ​കു​ന്നു.

അ​പൂ​ർ​വം ചി​ല ഭാ​ഗ്യ​ശാ​ലി​ക​ൾ മാ​ത്രം ഈ ​ത​മോ​ഗ​ർ​ത്ത​ത്തി​ൽ​നി​ന്ന് കു​ത​റി​മാ​റി, ത​ന്നി​ലെ സ​ർ​ഗ​വാ​സ​ന​യു​ടെ ന​ക്ഷ​ത്ര​ശോ​ഭ പ്ര​സ​രി​പ്പി​ച്ചു കൊ​ണ്ട് ത​ങ്ങ​ളു​ടെ അ​സ്തി​ത്വ​ത്തി​ന്റെ ഉ​ണ്മ​യെ സാ​ക്ഷാ​ത്ക​രി​ക്കാ​റു​ണ്ട്. അ​ത്ത​ര​ത്തി​ൽ​പെ​ട്ട ഒ​രു ഭാ​ഗ്യ​ശാ​ലി​യാ​ണ് പ​ട്ടാ​മ്പി​ക്കാ​ര​നാ​യ സ​തീ​ഷ് കാ​ക്ക​രാ​ത്ത്.

‘പാ​ത​യോ​ര​ത്തെ ചി​ല​ർ’ എ​ന്ന ഈ ​ക​ഥാ​സ​മാ​ഹാ​ര​ത്തി​ലൂ​ടെ ത​ന്റെ അ​ക്ഷ​ര​പൂ​ജ​യു​ടെ അ​ണ​യാ​ത്ത കൈ​ത്തി​രി സ​ഹൃ​ദ​യ ലോ​ക​ത്തി​നു മു​മ്പാ​കെ വീ​ണ്ടും കൊ​ളു​ത്തി വെ​ക്കു​ക​യാ​ണ​ദ്ദേ​ഹം. ഇ​ത് സ​തീ​ഷി​ന്റെ മൂ​ന്നാ​മ​ത്തെ പു​സ്ത​ക​മാ​ണ്. ഇ​താ ഞാ​നി​വി​ടെ​ത്ത​ന്നെ​യു​ണ്ടെ​ന്ന് ത​നി​ക്കു ചു​റ്റു​മു​ള്ള ലോ​ക​ത്തോ​ട് വി​ളി​ച്ചു പ​റ​യു​ക​യാ​ണ് സ​തീ​ഷ്, ത​ന്റെ ഈ ​കൃ​തി​യി​ലൂ​ടെ​യും.

ത​നി​ക്ക് കാ​ണാ​നും അ​നു​ഭ​വി​ക്കാ​നും ഇ​നി​യും കാ​ഴ്ച​ക​ളേ​റെ​യു​ണ്ടെ​ന്ന് ത​ന്റെ ക​ഥ​ക​ളി​ലൂ​ടെ​യും ക​വി​ത​ക​ളി​ലൂ​ടെ​യും ഈ ​എ​ഴു​ത്തു​കാ​ര​ൻ അ​നു​ഭ​വി​പ്പി​ക്കു​ന്നു. അ​വ​താ​രി​ക ചൂ​ണ്ടി​ക്കാ​ട്ടി​യ പോ​ലെ, നാ​ട്ടു​ഭാ​ഷ​യു​ടെ ച​ന്ത​വും ഓ​ർ​മ​ക​ളു​ടെ മൂ​ർ​ച്ച​യും സ്വ​പ്ന​ങ്ങ​ളു​ടെ ആ​ർ​ദ്ര​ത​യു​മു​ണ്ട് ഈ ​ക​ഥ​ക​ൾ​ക്ക്. ത​ന്റെ സ​ർ​ഗ​ശേ​ഷി​ക്ക് വെ​ള്ള​വും വ​ള​വും ന​ൽ​കു​ന്ന താ​യ് വേ​രു​ക​ളെ ഒ​രി​ക്ക​ലും വി​സ്മ​രി​ക്കാ​തെ​യാ​ണ് തൊ​ഴി​ലു​കൊ​ണ്ട് പ്ര​വാ​സി​യാ​യ സ​തീ​ഷ് സ്വ​ന്തം സ​ർ​ഗ പ്ര​ക്രി​യ​യു​ടെ മ​ധു​ര​ഫ​ല​ങ്ങ​ൾ കാ​ഴ്ച​വെ​ക്കു​ന്ന​ത്. ‘മു​ഖ​ച്ഛാ​യ​ക​ളി​ലെ’ ബീ​പാ​ത്തു​മ്മ​യും ‘പാ​ത​യോ​ര​ത്തെ ചി​ല​രി​ലെ’ വൈ​ശാ​ഖ​ൻ മാ​ഷും ‘താ​ളു​ക​ൾ​ക്കി​ട​യി​ലെ’ ലി​സ​യും ‘ബ​ലി​മൃ​ഗ​ങ്ങ​ളി’​ലെ ആ​ഭി​ചാ​ര​ക്കാ​ര​ൻ ആ​പ്പ​നു​മൊ​ക്കെ അ​തി​ന്റെ ഉ​ത്ത​മോ​ദാ​ഹ​ര​ണ​ങ്ങ​ളാ​ണ്. പ്ര​വാ​സ​ത്തി​ന്റെ വി​ഹ്വ​ല​ത​ക​ൾ ചി​ത്രീ​ക​രി​ക്കു​മ്പോ​ഴാ​ക​ട്ടെ മ​റ്റൊ​രു കാ​ൻ​വാ​സി​ലേ​ക്ക് പ​റി​ച്ചു​ന​ട​പ്പെ​ട്ട​താ​യി തോ​ന്നും അ​നു​വാ​ച​ക​ന്.

എ​ങ്കി​ലും നി​ളാ​തീ​ര​ത്തെ ഗ്രാ​മ​ജീ​വി​ത​വും പൂ​ര​പ്പെ​രു​മ​യും പ്ര​സാ​ദാ​ത്മ​ക​മാ​യ പു​ള്ളി​വെ​യി​ലും കാ​റ്റി​ൽ മ​ന്ത്രം ജ​പി​ക്കു​ന്ന അ​ര​യാ​ലി​ല​ക​ളി​ൽ നി​ന്നു​മൊ​ക്കെ​യാ​ണ് ഈ ​എ​ഴു​ത്തു​കാ​ര​ൻ ത​ന്റെ ഊ​ർ​ജം ആ​വാ​ഹി​ക്കു​ന്ന​തെ​ന്ന് ഈ ​പ​ന്ത്ര​ണ്ട് ക​ഥ​ക​ളും വ്യ​ക്ത​മാ​ക്കു​ന്നു. കാ​ണാ​ക്കാ​ഴ്ച​ക​ൾ​ക്ക​പ്പു​റം ‘നി​സ്സീ​മ​മാ​യ സ്നേ​ഹ​ത്തി​ന്റെ ക​ൽ​പ​ട​വു​ക​ളി​ൽ ഇ​ഹ​ത്തി​നും പ​ര​ത്തി​നും ഉ​ട​യോ​നാ​യ​വ​നെ ക​ണ്ടെ​ത്തു​ന്ന’ തെ​ളി​മ​യാ​ർ​ന്ന ഒ​രു ജീ​വി​ത ദ​ർ​ശ​ന​ത്തി​ന്റെ ഉ​റ​വി​ട​വും മ​റ്റൊ​ന്ന​ല്ല. മ​ല​യാ​ള സാ​ഹി​ത്യ​ത്തി​ൽ മു​ള​പൊ​ട്ടി​ത്തു​ട​ങ്ങി​യ ന​വീ​ന ഭാ​വു​ക​ത്വ​ത്തി​ന്റെ നി​ര​യി​ൽ ത​ന്റെ സ്ഥാ​ന​വും കൂ​ടി ഉ​റ​പ്പി​ക്കു​ക​യാ​ണ് സ​തീ​ഷ് കാ​ക്ക​രാ​ത്ത് ഈ ​പു​തി​യ സ​മാ​ഹാ​ര​ത്തി​ലൂ​ടെ.

l