ബ്ര​സീ​ലി​യ​ൻ അ​വ​ബോ​ധ​ത്തി​ന്റെ കാ​ൽ​പ​നി​കഛാ​യ​

ബ്ര​സീ​ലി​യ​ൻ സാ​ഹി​ത്യ​കാ​ര​ൻ മാ​രി​യൊ ഡി ​ആ​ൻ​ഡ്രേ​ദി​ന്റെ Macunaima എ​ന്ന ക്ലാ​സി​ക് നോ​വ​ൽ വായിക്കുന്നു.

ക​വി​യും നോ​വ​ലി​സ്റ്റും സാം​സ്കാ​രി​ക നി​രൂ​പ​ക​നും സം​ഗീ​ത​ താ​ര​ത​മ്യ​പ​ഠ​നം ഗവേഷകനുമാ​യി​രു​ന്ന (1893-1945) മാ​രി​യൊ ഡി ​ആ​ൻ​ഡ്രേ​ദ് (Mario de Andrade) ലാ​റ്റി​ന​മേ​രി​ക്ക​ൻ സാ​ഹി​ത്യ​ത്തി​ൽ ആ​ധു​നി​ക​ത​യു​ടെ സ്പ​ർ​ശം ആ​ദ്യ​മാ​യി സ​മ​ന്വ​യി​പ്പി​ച്ച എ​ഴു​ത്തു​കാ​ര​നാ​ണ്. 1922ലെ ​ആ​ധു​നി​ക ക​ലാവാ​രം (Modern Art Week) പ്ര​സ്ഥാ​ന​ത്തി​ന്റെ മു​ഖ്യ പ്രേ​ര​ക​നാ​യും അ​ദ്ദേ​ഹം പ്ര​വ​ർ​ത്തി​ച്ചു. ആ​ധു​നി​ക​ത​യു​ടെ പു​തുയു​ഗ​ ക​ട​ന്നു​വ​ര​വി​ന്റെ സൂ​ച​ന​യും ഇ​തോ​ടെ യാ​ഥാ​ർ​ഥ്യ​മാ​യി.

ജീ​വി​ത​ത്തി​ന്റെ കൂ​ടു​ത​ൽ ഭാ​ഗ​വും അദ്ദേഹം ബ്ര​സീ​ലി​യ​ൻ ഫോ​ക് പാ​ര​മ്പ​ര്യ​ത്തി​ന്റെ നി​ല​നി​ൽ​പി​നു വേ​ണ്ടി​യാ​ണ് ചെ​ല​വ​ഴി​ച്ച​ത്. സാ​വോ​പോ​​േളാ സർവകലാശാല​യി​ലെ സാം​സ്കാ​രി​ക വി​ഭാ​ഗ​ം ത​ല​വ​നു​മാ​യും അ​തി​ന്റെ തു​ട​ക്കംതൊ​ട്ടു​ള്ള ഡ​യ​റ​ക്ട​റാ​യും പ്ര​വ​ർ​ത്തി​ച്ചു. ബ്ര​സീ​ലി​യ​ൻ ക​വി​ത​യു​ടെ ആ​ത്മാ​വി​നെ ക​ണ്ടെ​ത്തി അ​തി​ന്റെ വി​പു​ല​മാ​യ പ്ര​ചാ​ര​ണ​ത്തി​നായി സ്വ​യം നി​യോ​ഗി​ച്ചു. പോ​ർ​ചുഗീ​സ് ഭാ​ഷ​യു​ടെ സാ​ർ​വലൗ​കി​ക​മാ​യ വി​ക​സ​നം സ്വ​ന്തം ര​ച​ന​ക​ളി​ലൂ​ടെ നേ​ടി​യെ​ടു​ക്കാനും അ​ദ്ദേ​ഹ​ത്തി​ന് ക​ഴി​ഞ്ഞു.

ആ​ധു​നി​ക ബ്ര​സീ​ലി​യ​ൻ ക​വി​ത​യു​ടെ പ്ര​ധാ​ന വ​ക്താ​വാ​യി​രു​ന്ന അ​ദ്ദേ​ഹ​ത്തി​ന്റെ കാ​വ്യര​ച​ന​ക​ളി​ൽ 1922ൽ ​പ്ര​സി​ദ്ധീ​ക​രി​ച്ച ‘ഭ്ര​മാ​ത്മ​ക​മാ​യ ന​ഗ​രം’ ഇ​ന്നും ലോ​ക ക​വി​ത​യി​ലെ അ​വി​സ്മ​ര​ണീ​യ​ സാ​ന്നി​ധ്യ​മാ​ണ്. ഇം​ഗ്ലീ​ഷ് ഭാ​ഷ​യി​ലേ​ക്ക് നി​ര​വ​ധി ക​വി​ത​ക​ൾ മൊ​ഴി​മാ​റ്റം ചെ​യ്യ​പ്പെ​ട്ടി​ട്ടു​ണ്ട്. ഇ​ന്ന് ​ലാ​റ്റി​ന​മേ​രി​ക്ക​ൻ ആ​ധു​നി​ക​ത​യെ കു​റി​ച്ചും മാ​ജി​ക്ക​ൽ റി​യ​ലി​സ​ത്തെ കു​റി​ച്ചു​മൊ​ക്കെ പ​റ​യു​മ്പോ​ൾ അത്​ ഗാ​ർ​സ്യാ മാ​ർകേ​സി​ൽ ഒ​തു​ക്കുകയാണ് പതിവ്​. മാ​ർ​കേ​സി​നൊ​ക്കെ എ​ത്ര​യോ മു​മ്പ് അ​വി​ടേ​ക്ക് ആ​ധു​നി​ക​ത​യു​ടെ സ്പ​ർ​ശം കൊ​ണ്ടു​വ​രാ​ൻ മാ​രി​യൊ​ക്ക് ക​ഴി​ഞ്ഞു.

‘മാ​ക്കു​നെ​യ്മ​’യു​ടെ രചനയുടെ ഏ​റ്റ​വും പു​തി​യ പ​രി​ഭാ​ഷ പു​റ​ത്തി​റ​ക്കി​യി​രി​ക്കു​ന്ന​ത് ല​ണ്ട​നി​ലെ ഫി​റ്റ്സ്ക​രാ​ൾ​ദൊ പ്ര​സാ​ധ​ക​രാ​ണ് (Fitzcarraldo Editions London 2023). പോ​ർ​ചുഗീ​സ് ഭാ​ഷ​യി​ൽ​നി​ന്ന്​ ഇം​ഗ്ലീ​ഷി​ലാ​ക്കി​യ​തി​നെ പ​രി​ഭാ​ഷ​പ്പെ​ടു​ത്തി​യി​രി​ക്കു​ന്ന​ത് ക്ലാ​രി​സ് ലി​ഷ് പെ​ക്തോ​റി​ന്റെ സ​മ്പൂ​ർ​ണ ക​ഥ​ക​ൾ പ​രി​ഭാ​ഷ​പ്പെ​ടു​ത്തി​യ ക​ത്രീ​ന ഡോ​ഡ്സ​ണാ​ണ്. വി​ഖ്യാ​ത​ പ​രി​ഭാ​ഷ​ക​ൻ ജോ​ൺ കീ​നി​ന്റെ ആ​മു​ഖ​വും ഇ​തി​ൽ ചേ​ർ​ത്തി​ട്ടു​ണ്ട്. ഇ​തി​ന്റെ അ​മേ​രി​ക്ക​ൻ എ​ഡി​ഷ​ൻ അ​തി​മ​നോ​ഹ​ര​മാ​യി പു​റ​ത്തി​റ​ക്കി​യി​രി​ക്കു​ന്ന​ത് ന്യൂ ​ഡ​യ​റ​ക്ഷ​ൻ​സ് പ്ര​സാ​ധ​ക​രാ​ണ് (New Direction Publishers New York).

1984ൽ ​ഈ നോ​വ​ലി​ന്റെ ആ​ദ്യ​ത്തെ പ​രി​ഭാ​ഷ വ​ന്ന​ത് ഇ.​എ. ഗു​ഡ്‍ലാ​ൻ​ഡി​ന്റെ (E.A. Goodland) പ​രി​ശ്ര​മ​ത്തി​ലൂ​ടെ​യാ​ണ്. ഇ​തി​ന്റെ ഒ​രു കോ​പ്പി 1995 കാ​ല​ത്ത് ഈ ​ലേ​ഖ​ക​ൻ ബോം​ബെ​യി​ലെ സ്ട്രാ​ൻ​ഡ് ബു​ക്ക്സ്റ്റാ​ൾ സ​ന്ദ​ർ​ശി​ച്ച​പ്പോ​ഴാ​യി​രു​ന്നു കണ്ടത്​. ദുഃ​ഖ​ക​ര​മെ​ന്നു പ​റ​യ​ട്ടെ, വാ​യ​ന​ക്കാ​രു​ടെ പ്രി​യ​പ്പെ​ട്ട ആ ​പു​സ്ത​ക​ശാ​ല​യു​ടെ ബോം​ബെ​യി​ലും ബം​ഗ​ളൂ​രു​വി​ലു​മു​ണ്ടാ​യി​രു​ന്ന ശാ​ല​ക​ൾ അ​ട​ച്ചു​പൂ​ട്ടി​യ ച​രി​ത്ര​മാ​ണ് ഓ​ർ​മ​യി​ലു​ള്ള​ത്. അ​വി​ടെ​നി​ന്നും ല​ഭി​ച്ച ലോ​കസാ​ഹി​ത്യ​ത്തി​ൽ​നി​ന്നു​ള്ള ക്ലാ​സി​ക് ര​ച​ന​ക​ൾ ഇ​ന്നും ഓ​ർ​മ​ക​ൾ​ക്കൊ​പ്പം ഭ​ദ്ര​മാ​യി സൂ​ക്ഷി​ച്ചി​രി​ക്കു​ന്നു. ഇ​ന്ന് ഇ​ന്റ​ർ​നെ​റ്റി​ൽ ഇ​വ​യി​ൽ പ​ല​തും ല​ഭ്യ​മ​ല്ല. ഉ​ള്ള​തി​ന് അ​മി​ത​മാ​യ വി​ല​യും കൊ​ടു​ക്കേ​ണ്ട​താ​യിവ​രു​ന്നു.

സ്ട്രാ​ൻ​ഡി​ൽ​നി​ന്നും ല​ഭി​ച്ച ‘മാ​ക്കു​നെ​യ്മ​’യു​ടെ ഹാ​ർ​ഡ് ബൗ​ണ്ടിനു കൊ​ടു​ത്ത​ത് ഇ​രു​നൂ​റ് രൂ​പ മാ​ത്രം. ഈ ​നോ​വ​ലി​ന്റെ പ്രാ​ധാ​ന്യ​ത്തെ കു​റി​ച്ച​ന്ന് വ​ലു​താ​യി​ട്ടൊ​ന്നും അ​റി​ഞ്ഞു​കൂ​ടാ​യി​രു​ന്നു. വാ​യ​ന ശ​രി​ക്കും അ​ത്ഭുത​പ്പെ​ടു​ത്തി. മാ​രി​യൊ ഡി ​ആ​ൻ​ഡ്രേദ് ഏ​റെ പ്രി​യ​പ്പെ​ട്ട എ​ഴു​ത്തു​കാ​ര​നാ​യി മാ​റു​ക​യും ചെ​യ്തു.

നോ​വ​ൽ അ​ന്ന് പ്ര​ഫ. എം. ​കൃ​ഷ്ണ​ൻ നാ​യ​ർ​ക്ക് കൊ​ടു​ത്തു. അ​ദ്ദേ​ഹ​മി​തി​നെ കു​റി​ച്ച് ‘ക​ലാകൗ​മു​ദി’ വാ​രി​ക​യി​ൽ വി​ശ​ദ​മാ​യി എ​ഴു​തി​യ​ത് ഇ​ന്നും ഓ​ർ​മ​യി​ൽ നി​റ​ഞ്ഞു​നി​ൽ​ക്കു​ന്നു: ഏ​താ​യാ​ലും ഇ​ത്ത​രം കൃ​തി​ക​ളു​ടെ പു​തി​യ പ​രി​ഭാ​ഷ​ക​ൾ വ​രു​ന്ന​ത് എ​ന്തു​കൊ​ണ്ടും ന​ല്ല​താ​ണ്. ഒ​ന്നു​കൂ​ടി മി​ക​ച്ച പ​രി​ഭാ​ഷ​യാ​കും മി​ക്ക​പ്പോ​ഴും പു​റ​ത്തു​വ​രു​ന്ന​ത് എ​ന്ന ഗു​ണ​വുമുണ്ട്​.

1962ൽ ​ഇൗ നോവൽ പശ്ചാത്തലമാക്കി ഒ​രു ക്ലാ​സി​ക് സി​നി​മ​ പു​റ​ത്തുവ​ന്നി​ട്ടു​ണ്ട്. പ​ക്ഷേ, അ​തി​ന്റെ പ്ര​മേ​യ​ത്തി​ൽ ചി​ല പ്ര​ധാ​ന​പ്പെ​ട്ട മാ​റ്റ​ങ്ങ​ൾ വ​രു​ത്തി​യി​രു​ന്നു. അത് സം​വി​ധാ​നംചെ​യ്ത​ത് ഷേ​യാ​ക്വിം​ പെ​ഡ്രൊ ഡി ​ആ​ൻ​ഡ്രേദാ​ണ് (Joaquim Padro de Andrade). ക​ഥാഗ​തി​യി​ൽ ചി​ല മാ​റ്റ​ങ്ങ​ൾ വ​രു​ത്തി​യെ​ങ്കി​ലും സി​നി​മ വീ​ണ്ടെ​ടു​ത്ത​ത് യ​ഥാ​ർ​ഥ ആ​ഖ്യാ​ന ഘ​ട​ന​യെ ത​ന്നെ​യാ​ണ്.

1920 കാ​ല​ഘ​ട്ട​ത്തി​ലാ​ണ് മാ​രി​യൊ ആ​ൻ​ഡ്രേ​ദി​ന്റെ നോ​വ​ൽ നി​ല​യു​റ​പ്പി​ച്ചി​രി​ക്കു​ന്ന​ത്. അ​ന്ന് സാ​വോ​പോ​ളോ എ​ന്ന ബ്ര​സീ​ലി​യ​ൻ ന​ഗ​രം വ​ള​രെ വേ​ഗ​ത്തിൽ വി​ക​സി​ച്ചുകൊ​ണ്ടി​രിക്കുകയായിരുന്നു. കാപ്പിക്ക്​ ല​ഭി​ച്ച ​​പ്രാധാന്യമാണ്​ സാവോപോ​ളോയിലെ വ്യവ​സാ​യ വി​ക​സ​ന​ങ്ങ​ൾ​ക്കൊ​ക്കെ പി​ന്തു​ണ കൊ​ടു​ത്തി​രു​ന്ന​ത്. അ​ന്ന​ത്തെ ബ്ര​സീ​ലി​ൽ ഏ​താ​ണ്ട് 17 ശ​ത​മാ​ന​ം തൊ​ഴി​ലാ​ളി​ക​ൾ പു​റ​ത്തു​നി​ന്ന് തൊ​ഴി​ൽതേ​ടി വ​ന്ന​വ​രാ​യി​രു​ന്നു. മാ​ക്കു​നെ​യ്മ പ​റ​യു​ന്ന നി​ര​വ​ധി ക​ഥ​ക​ളും ആ​മ​സോ​ൺ പ​ശ്ചാ​ത്ത​ല​ത്തി​ലു​ള്ള​വ​യാ​ണ്. അ​ദ്ദേ​ഹ​ത്തി​ന്റെ നാ​യ​ക​ർ വിവിധ ഇ​ന്ത്യ​ൻ വ​ർ​ഗ​ങ്ങ​ൾ​ക്കി​ട​യി​ലെ ഒ​രു സ​മ്മി​ശ്ര രൂ​പ​മാ​യി​ട്ടാ​ണ്​ നി​ല​നി​ൽ​ക്കു​ന്ന​ത്.

ശ​രി​ക്കും ബ്ര​സീ​ലി​യ​ൻ ജ​ന​ത​യു​ടെ ഒ​രു പ്ര​തി​നി​ധി​യാ​യി നായക കഥാപാത്രത്തെ രൂ​പ​പ്പെ​ടു​ത്തി​യെ​ടു​ക്ക​ണ​മെ​ന്ന താ​ൽ​പ​ര്യ​മേ നോ​വ​ലി​സ്റ്റി​നു​ണ്ടാ​യി​രു​ന്നു​ള്ളൂ. മാ​ന​വ​രാ​ശി​യു​ടെ ഇ​ന്നു​വ​രെ​യു​ള്ള ച​രി​ത്ര​ത്തി​ലെ ശ​ക്ത​മാ​യ ഒ​രു വ​ർ​ണസ​ങ്ക​ര​മാ​ണ് അ​ദ്ദേ​ഹം ആ​ഗ്ര​ഹി​ച്ച​ത്. അ​ങ്ങ​നെ മാ​ക്കു​നെ​യ്മ​യെ ആ​മ​സോ​ണി​ൽ​നി​ന്ന് സാ​വോ​പോ​ളോ​യി​ലേ​ക്ക് കൊ​ണ്ടു​വന്നു. നി​യോ​ലി​ത്തി​ക് അ​ല്ലെ​ങ്കി​ൽ ശി​ലാ​ കാ​ല​ത്തി​ൽ​നി​ന്നും ഇ​രു​പ​താം നൂ​റ്റാ​ണ്ടി​ലെ ന​ഗ​ര​ത്തി​ലേ​ക്കു​ള്ള ഒ​രു മാ​റ്റ​ം.

‘മാ​ക്കു​നെ​യ്മ​’ എ​ന്ന നോ​വ​ൽ ആ​രം​ഭി​ക്കു​ന്ന​ത് അ​ധി​കാ​ര​മി​ല്ലാ​തെ പ​ദ​വി മാ​ത്ര​മു​ള്ള നാ​യ​ക ക​ഥാ​പാ​ത്ര​ത്തി​ന്റെ ജ​ന​ന​ത്തോ​ടെ​യാ​ണ്. നോ​വ​ലി​ന്റെ ഉ​പ​ശീ​ർ​ഷ​ക​മാ​യി വ​രു​ന്ന ഒ​രു പ്ര​ധാ​ന വാ​ച​ക​മു​ണ്ട് –പ്ര​ത്യേ​കി​ച്ചൊ​രു സ്വ​ഭാ​വ സവി​ശേ​ഷ​വു​മി​ല്ലാ​ത്ത ഒ​രു നാ​യ​ക ക​ഥാ​പാ​ത്രം (The hero with no character). സ്വ​ഭാ​വ വി​ശേ​ഷ​ക്കു​റ​വ് എ​ന്ന​തു​കൊ​ണ്ടു​ദ്ദേ​ശി​ക്കു​ന്ന​ത് സ​ദാ​ചാ​ര ബോ​ധ​ത്തി​ന്റെ മൂ​ല്യ​ക്കു​റ​വു​ള്ള വ്യ​ക്തി​യു​ടെ സ്വ​ഭാ​വ​ത്തി​ലെ ഇ​ര​ട്ട വീ​ക്ഷ​ണ​ത്തെ​യാ​ണ്. പ്ര​ത്യേ​കി​ച്ച് എ​ടു​ത്ത് കാ​ണി​ക്കാ​ൻ ക​ഴി​യു​ന്ന സ്വ​ഭാ​വഗു​ണ​ങ്ങ​ളു​ണ്ടാ​യി​രി​ക്കി​ല്ല. ഇ​ത്ത​രം ഒ​രു സ​ങ്കീ​ർ​ണ​മാ​യ സ്വ​ഭാ​വവൈ​ചി​ത്ര്യം നോ​വ​ലി​ലു​ട​നീ​ളം അ​യാ​ളി​ൽ​നി​ന്നു​മു​ണ്ടാ​വു​ം. ക​ന്യാ​വ​ന​ത്തി​ന്റെ അ​ഗാ​ധ​ത​ക​ൾ​ക്കു​ള്ളി​ൽ നാ​യ​ക​നാ​യ മാ​ക്കു​നെ​യ്മ​യു​ടെ ജ​ന​നം സം​ഭ​വി​ക്കു​ന്നു. മാ​ക്കു​നെ​യ്മ​യെ ‘നാ​യ​ക​ൻ’ എ​ന്ന നി​ല​യി​ലാ​ണ് ക​ഥ​യു​ടെ ബാ​ക്കി ഭാ​ഗ​ങ്ങ​ളി​ൽ വി​ശേ​ഷി​പ്പി​ക്ക​പ്പെ​ടു​ന്ന​ത്. അ​യാ​ളി​ങ്ങ​നെ​യൊ​രു സ്വ​ത്വം നി​ല​നി​ർ​ത്തു​ന്ന​ത് മി​ക്ക​വാ​റും സ്വ​ന്തം ആ​ഹ്ലാ​ദ​ത്തി​നും വി​നോ​ദ​ത്തി​നും വേ​ണ്ടി​യാ​ണ്.

മാ​ക്കു​നെ​യ്മ​ എ​ന്ന ക​ഥാ​പാ​ത്ര​ത്തെ ഒ​രു സാ​ധാ​ര​ണ മ​നു​ഷ്യ​ന്റേതു​മാ​യി തു​ല്യ​പ്പെ​ടു​ത്തി​യി​ട്ടു​ള്ള വീ​ക്ഷ​ണ​ത്തി​ലേ​ക്ക് കൊ​ണ്ടു​വ​രാനും ക​ഴി​യി​ല്ല. ഒ​രി​ക്ക​ലും അ​യാ​ളെ സാ​ധാ​ര​ണ മ​നു​ഷ്യ​ന്റെ രൂ​പ​ത്തി​ലേ​ക്കും ഭാ​വ​ത്തി​ലേ​ക്കും കോ​ർ​ത്തിണ​ക്കു​വാ​നും ക​ഴി​യില്ല. നോ​വ​ലി​ലാ​കെ രൂ​പം​കൊ​ള്ളു​ന്ന ഭ്ര​മാ​ത്മ​ക​മാ​യ സം​ഭ​വ​ങ്ങ​ൾ​ക്കു​ള്ളി​ൽ അ​യാ​ൾ ഏ​തൊ​ക്കെ രീ​തി​യി​ലാ​ണ് പ്ര​തി​ക​രി​ക്കു​ന്ന​തെ​ന്ന് പറയാനാവില്ല. അതിനാണ്​ ഇ​തി​നും പ്രാ​ധാ​ന്യം ക​ൽ​പി​ക്കേ​ണ്ട​ത്. അങ്ങനെ മാ​ജി​ക്ക​ൽ റി​യ​ലി​സ​ത്തി​ന്റെ ആ​ദ്യ​ത്തെ ഏ​കോ​പ​നം ആ​ദ്യ​മാ​യി ലാ​റ്റി​ന​മേ​രി​ക്ക​ൻ നോ​വ​ലി​ൽ കൊ​ണ്ടു​വ​രു​ന്ന​ത് മാ​രി​യൊ ഡി ​ആ​ൻ​ഡ്രേ​ദാ​ണ്.

1920ക​ളി​ൽ മാ​ക്കു​നെ​യ്മ​​യും സ​ഹോ​ദ​ര​രാ​യ മൂ​ന്നു​പേ​രും ചേ​ർ​ന്ന് ജ​ന്മ​നാ​ട്ടി​ൽ​നി​ന്നും സാ​വോപോ​ളോ​യി​ലേ​ക്ക് അ​തി​സാ​ഹ​സി​ക​മാ​യ ഒ​രു യാ​ത്ര ന​ട​ത്തുന്നു. ക​ഥ​യു​ടെ മൊ​ത്ത​ത്തി​ലു​ള്ള ഒ​രാ​വി​ഷ്കാ​രം ഏ​കോ​പി​പ്പി​ച്ചി​രി​ക്കു​ന്ന​ത് അ​വ​രു​ടെ യാ​ത്ര​യു​ടെ ല​ക്ഷ്യം രാ​ക്ഷ​സ​രൂ​പി​ക​ളാ​യി ​ചി​ല​രി​ൽ ത​ട​വി​ലാ​ക്ക​പ്പെ​ട്ട ഒ​രു ര​ക്ഷാ​മ​ന്ത്ര സി​ദ്ധി​ക​ളു​ള്ള രൂ​പ​ത്തെ കു​റി​ച്ചു​ള്ള അ​ന്വേ​ഷ​ണത്തിലാണ്​. ഒ​രു സു​ര​ക്ഷാ മാ​ന്ത്രി​ക യ​ന്ത്ര​ത്തി​ന്റെ രൂ​പ​സാ​ദൃ​ശ്യ​മു​ള്ള അ​ത്​ അ​തി​സാ​ഹ​സികമായി വീണ്ടെടുക്കുന്നു. ആ ക​ഥ ഒ​രു മി​ത്തു​പോ​ലെ, നാ​ടോ​ടി​ക്ക​ഥ​പോ​ലെ ആ​വി​ഷ്ക​രി​ക്കാ​ൻ നോ​വ​ലി​സ്റ്റിന്​ കഴിഞ്ഞു.

ബ്ര​സീ​ലി​യ​ൻ മി​ത്തു​ക​ളി​ലൂ​ടെ​യും ഇ​തി​ഹാ​സ​ങ്ങ​ളി​ലൂ​ടെ​യു​മു​ള്ള ഒ​രു തീ​ർ​ഥ​ാട​നമാണ്​ നോവൽ. മാ​ക്കുനെ​യ്മ​യു​ടെ സാ​ഹ​സി​ക​ത​ക​ൾ ചെ​റി​യ നാ​ടോ​ടി ക​ഥ​ക​ളു​ടെ സ്പ​ർ​ശം പ​ങ്കു​വെ​ക്കു​ന്നു. ഒ​രു സ​മ​യ​ത്ത് അ​യാ​ൾ സൂ​ര്യ​ന്റെ ദേ​വീരൂ​പ​മാ​യ വീ​യി (Vei)യു​മാ​യി വൈവാ​ഹികബ​ന്ധ​ത്തി​നു​ള്ള ഇ​ഴ​ക​ൾ മെന​യു​ന്നു. സം​സാ​ര​ശേ​ഷി​യു​ള്ള ഒരു​ത​രം അ​മേ​രി​ക്ക​ൻ കു​ര​ങ്ങ​ൻ (Spider Monkey) അ​വ​നെ സ്വ​ന്തം വൃ​ഷ​ണ​ത്തി​ൽ പാ​റ​കൊ​ണ്ട് ആ​ഘാ​ത​മേ​ൽ​പിക്കു​ന്ന ത​ര​ത്തി​ലു​ള്ള കെ​ണി​യി​ൽപെ​ടു​ത്തു​ന്നു. ഇ​വ​യൊ​ക്കെ ചെ​യ്തു​തീ​ർ​ക്കു​ന്ന​ത് മ​നു​ഷ്യ​രെ മ​ര​ണ​ത്തി​ൽ​നി​ന്ന്​ ഉ​യി​ർ​ത്തെ​ഴു​ന്നേ​ൽ​പി​ക്കു​ന്ന രീ​തി​യി​ലു​ള്ള ഒ​രു മ​ന്ത്ര​വി​ദ്യ​യു​ടെ സ​ഹാ​യ​ത്താ​ലാ​ണ്.

മാ​ക്കു​നെ​യ്മ സു​ന്ദ​രി​യാ​യ വ​ന​മാ​താ​വ് നീ​യു​മാ​യി ബ​ന്ധ​പ്പെ​ടു​ന്ന ഒ​രു ചി​ത്ര​വും നോ​വ​ലി​ലു​ണ്ട്. ഒ​രു പോ​രാ​ളി​യാ​യ രാ​ജ്ഞിയു​ടെ രൂ​പ​വും ഭാ​വ​വു​മാ​ണ​വ​ർ​ക്കു​ണ്ടാ​യി​രു​ന്ന​ത്. അ​വ​ർ വി​ട്ടു​പി​രി​യു​ന്ന അ​വ​സ​ര​ത്തി​ൽ വ​ന​രാ​ജ്ഞി ആ​കാ​ശസീ​മ​ക​ളി​ലേ​ക്കു​യ​ർ​ന്നുപോ​കു​ന്നു. അ​വി​ടെ​യ​വ​ർ ഒ​രു മ​നു​ഷ്യ​നും കു​തി​ര​യും ഒ​ത്തു​ചേ​ർ​ന്നു​ണ്ടാ​കു​ന്ന സ​ങ്ക​ൽ​പജീ​വി​യാ​യി രൂ​പാ​ന്ത​ര​പ്പെ​ടു​ന്നു. അ​വ​ൾ വി​ട്ടു​പി​രി​യു​ന്ന​തി​നു മു​മ്പ് അ​യാ​ൾ​ക്ക് ഒ​രു മ​ന്ത്ര​വ​ള ര​ക്ഷാ​ക​വ​ച​ത്തി​ന്റെ പ്ര​തീ​ക​മാ​യി സ​മ്മാ​നി​ക്കു​ന്നു​ണ്ട്. ഇ​ത് മാ​ക്കു​നെ​യ്മ​ക്ക് ന​ഷ്ട​മാ​വു​ന്നു. അ​ത് വീ​ണ്ടെ​ടു​ക്കു​വാനയാൾ ​പ​രി​ശ്ര​മി​ക്കു​ന്നു​. ഇ​തെ​ല്ലാം അ​യാ​ളെ കൊ​ണ്ടു ചെ​ന്നെ​ത്തി​ക്കു​ന്ന​ത് സാ​വോ​പോ​ളോ എ​ന്ന വ​ലി​യ ന​ഗ​ര​ത്തി​ലാ​ണ്. അ​യാ​ൾ​ നടത്തുന്നത്​ അ​ധി​നി​വേ​ശ ബ്ര​സീ​ലി​ന്റെ ഇ​രു​ണ്ട ഭൂ​മി​ക​യി​ലൂ​ടെ​യു​ള്ള ഒ​രു അ​പ​ഥ​സ​ഞ്ചാ​ര​മാ​ണ്. അ​ങ്ങ​നെ വൈ​വി​ധ്യ​മാ​ർ​ന്ന ഒ​രു നോ​വ​ൽ സ​ങ്ക​ൽ​പം ന​മു​ക്കു മു​ന്നി​ൽ അ​നാ​വ​ര​ണം ചെ​യ്യ​പ്പെ​ടു​മ്പോ​ൾ നാം ​അ​ത്ഭു​ത​പ്പെ​ട്ടു​പോ​കും. നാ​ട​കീ​യ​മാ​യ ഒ​രു നാ​ടോ​ടിക്കഥ​യി​ലൂ​ടെ​യു​ള്ള യാ​ത്ര​ക​ൾ വി​ശ്വ​സൗ​ന്ദ​ര്യം ആ​വാ​ഹി​ക്കു​ന്ന നോ​വ​ലാ​യി രൂ​പാ​ന്ത​ര​പ്പെ​ടു​ന്നു.

ആ​ത്യ​ന്തി​ക​മാ​യി ഇ​തൊ​രു ബ്ര​സീ​ലി​യ​ൻ നാ​ടോ​ടിക്കഥ​ക​ളു​ടെ സ​മാ​ഹാ​രംത​ന്നെ​യാ​ണ്. അ​തോ​ടൊ​പ്പം അ​ധി​നി​വേ​ശ ച​രി​ത്ര​വു​മാ​യൊ​രു തു​ട​ർ​ച്ച​യാ​യ ഒ​ത്തു​ചേ​ര​ലും നോവൽ നേ​ടി​യെ​ടു​ക്കു​ന്നു​ണ്ട്. ബ്ര​സീ​ലി​യ​ൻ ച​രി​ത്ര​ത്തി​ന്റെ നി​ര​വ​ധി സു​പ്ര​ധാ​ന​ ഏ​ടു​ക​ളും പ്ര​മേ​യ​ത്തി​നൊ​പ്പം പ്ര​തീ​കാ​ത്മ​ക​മാ​യി സ​മ​ന്വ​യി​ക്കു​ന്നു​മു​ണ്ട്. ‘ഇ​ക്കാ​മി​യ ബാ​സി​നു​ള്ള എഴുത്ത്’ എ​ന്ന അ​ധ്യാ​യം ശ​രി​ക്കും ബ്ര​സീ​ലി​യ​ൻ ച​രി​ത്ര​ത്തി​ന്റെ അ​ടി​സ്ഥാ​നങ്ങളുമായി ബ​ന്ധ​പ്പെ​ട്ട ഒ​രു ഹാ​സ്യാ​നു​ക​ര​ണ ര​ച​നത​ന്നെ​യാ​ണ്.

പോ​ർ​ചുഗ​ലി​ലെ രാ​ജാ​വി​ന് ഗോ​ത്ര​വ​ർ​ഗ ത​ല​വ​നാ​യ പി​രൊ വാ​സ്ഡി​ക്കു​ൻ​ഹ എ​ഴു​തി അ​യ​ക്കു​ന്ന ബ്ര​സീ​ലി​യ​ൻ ച​രി​ത്ര​ത്തെ കു​റി​ച്ചു​ള്ള ഡോ​ക്യു​മെ​ന്റാ​യി​ട്ടാ​ണി​തി​നെ വ്യാ​ഖ്യാ​നി​ക്ക​പ്പെ​ട്ടി​രി​ക്കു​ന്ന​ത്. ക​ഥാ​പാ​ത്ര​മി​ല്ലാ​ത്ത ഒ​രു നോ​വ​ലെ​ന്ന് വി​ശേ​ഷി​പ്പി​ക്ക​പ്പെ​ട്ടി​രി​ക്കു​ന്ന ഈ ​നോ​വ​ലി​ൽ ധാ​ർ​മി​ക​ത​യു​ടെ​യും സന്മാർഗത്തി​ന്റെയും സ്പ​ർ​ശം നി​ല​നി​ൽ​ക്കു​ന്ന ക​ഥാ​പാ​ത്ര​മൊ​ന്നും ത​ന്നെ​യി​ല്ല.

ഭാ​ഷ അ​ല്ലെ​ങ്കി​ൽ ഭാ​ഷ​ക​ൾ ശ​രി​ക്കു​മീ നോ​വ​ലി​ന്റെ കേ​ന്ദ്രീകൃ​ത​മാ​യ സ​ങ്ക​ൽ​പ​ത്തി​ന്റെ പ്ര​തീ​ക​മാ​യി വ​രു​ന്നു. മാ​ക്കു​നെ​യ്മ അ​വി​ടെ നി​ല​വി​ലു​ള്ള ര​ണ്ടു ഭാ​ഷ​ക​ളു​ടെ വി​ഭാ​വ​ന​ങ്ങ​ൾ​ക്കൊ​പ്പം നി​ൽ​ക്കാ​ൻ ശ്ര​മി​ക്കു​ന്ന മ​നു​ഷ്യ​നാ​ണ്. അ​തി​നു​വേ​ണ്ടി​യു​ള്ള ഒ​രു കാ​ത്തി​രി​പ്പാ​ണ് അ​യാ​ളു​ടേ​ത്. അ​വി​ടെ സം​സാ​രി​ക്കു​ന്ന ബ്ര​സീ​ലി​ന്റെ ത​ന​താ​യ ഭാ​ഷ​യു​ണ്ട്. ഒ​പ്പംത​ന്നെ എ​ഴു​ത്തി​നെ ഉ​ൾ​ക്കൊ​ള്ളു​ന്ന അ​ധി​നി​വേ​ശ ഭാ​ഷ​യാ​യ പോ​ർ​ചുഗീ​സു​മു​ണ്ട്. മാ​ക്കു​നെ​യ്മ ഇ​വ ര​ണ്ടി​ലു​മാ​യി നി​റ​ഞ്ഞു​നി​ൽ​ക്കു​ന്ന ഒ​രു രൂ​പ​മാ​ണ്. ഇ​തോ​ടൊ​പ്പം ഗോ​ത്രഭാ​ഷ​യു​ടേ​താ​യ ഒ​രു വ​ലി​യ സാ​ന്നി​ധ്യ​വും നോ​വ​ലി​ലു​ണ്ട്.

‘മാ​ക്കു​നെ​യ്മ’ വാ​യി​ച്ചു പോ​കു​മ്പോ​ൾ സ​ർ​റി​യ​ൽ സ​ങ്ക​ൽ​പ​ത്തി​ന്റെ മി​ക​ച്ച സ്പ​ർ​ശ​വും അ​നു​ഭ​വ​പ്പെ​ടു​ന്നു. മാ​ജി​ക്ക​ൽ റി​യ​ലി​സ​മെ​ന്ന പേ​രി​ൽ പി​ൽ​ക്കാ​ല​ത്ത് വി​ശേ​ഷി​പ്പി​ക്ക​പ്പെ​ട്ടി​രി​ക്കു​ന്ന നി​ര​വ​ധി രം​ഗ​ങ്ങ​ൾ നോ​വ​ലി​ൽ ക​ട​ന്നു​വ​രു​ന്നു​ണ്ട്.

നോ​വ​ൽ അ​വ​സാ​നി​ക്കു​മ്പോ​ൾ മ​ര​ണം അ​തി​ന്റെ പ്രി​യ​പ്പെ​ട്ട കീ​ർ​ത്തി​ക്കാ​യി ക​ട​ന്നു​വ​രു​ക​യാ​ണ്. അ​വി​ടെ ആ​രുംത​ന്നെ അ​വ​ശേ​ഷ​ിക്കു​ന്നു​ണ്ടാ​യി​രു​ന്നി​ല്ല. വ​ന​ത്തി​ന്റെ ദു​രൂ​ഹ​മാ​യ വ​ന്യ​ത​ക​ളും മ​രു​ഭൂ​മി​യു​ടെ ഏ​കാ​ന്ത​ത​യും എ​ല്ലാം അ​വി​ടെ ബാ​ക്കി​യാ​വു​ന്നു. ഗോ​ത്ര​വ​ർ​ഗ​ത്തി​ന്റെ ഭാ​ഷ സം​സാ​രി​ക്കാൻ ക​ഴി​യു​ന്ന ആ​രുംത​ന്നെ ഈ ​ഭൂ​മി​യി​ൽ അ​വ​ശേ​ഷി​ക്കു​ന്നു​ണ്ടാ​യി​രു​ന്നി​ല്ല. അ​ങ്ങ​നെ​യാ​വു​മ്പോ​ൾ ആ​ർ​ക്കാ​ണ് നാ​യ​ക​നെക്കുറി​ച്ച് പ​റ​യാൻ ക​ഴി​യു​ക. പ്ര​ത്യേ​കി​ച്ചും ഒ​രു ക​ഥാ​പാ​ത്രം പോ​ലു​മാ​കാ​ത്ത മാ​ക്കു​നെ​യ്മ​യു​ടെ ക​ഥ പ​റ​യു​വാ​നാ​വു​ക.

ജെ​യിം​സ് ജോ​യ്സി​ന്റെ ‘യു​ളീ​സ​സി​’നെപ്പോ​ലെ ഈ ​നോ​വ​ലും കാ​ല​ത്തെ അ​തി​ജീ​വി​ക്കും. ഇ​തി​ന് പു​തി​യ പ​രി​ഭാ​ഷ​ക​ൾ വ​രും. അപ്പോഴും ഇൗ നോവൽ നി​ങ്ങ​ളെ എ​ന്നും മോഹിപ്പിക്കും.