കൊ​റി​യ​ൻ ക​മ്യൂ​ണി​സത്തി​ന്റെ ച​രി​ത്രം

കൊ​റി​യ​ൻ എ​ഴു​ത്തു​കാ​ര​നാ​യ ഹ്വാ​ങ് സോ​ക് യോ​ങ് രചിച്ച ‘മാ​റ്റെ​ർ 2-10’ എന്ന നോവലി​ന്റെ വായന.

ഇ​രു​പ​താം നൂ​റ്റാ​ണ്ടി​ൽ കൊ​റി​യ​യി​ൽ സം​ഭ​വി​ച്ച സാ​മ്രാ​ജ്യ​ത്വ അ​ധി​നി​വേ​ശം, തൊ​ഴി​ലാ​ളി പ്ര​സ്ഥാ​ന​ങ്ങ​ൾ, യു​ദ്ധം, വി​ഭ​ജ​നം എ​ന്നി​വ​യു​ടെ ച​രി​ത്രം ഒ​രു തൊ​ഴി​ലാ​ളി​വ​ർ​ഗ കു​ടും​ബ​ത്തി​ന്റെ നാ​ലു ത​ല​മു​റ​ക​ളു​ടെ ക​ഥ​ക​ളി​ലൂ​ടെ അ​ട​യാ​ള​പ്പെ​ടു​ത്തു​ന്ന നോ​വ​ലാ​ണ് ‘മാ​റ്റെ​ർ 2-10’. കൊ​റി​യ​ൻ എ​ഴു​ത്തു​കാ​ര​നാ​യ ഹ്വാ​ങ് സോ​ക് യോ​ങ് ആ​ണ് ‘മാ​റ്റെ​ർ 2-10’ ര​ചി​ച്ചി​രി​ക്കു​ന്ന​ത്. ച​രി​ത്ര​ത്തി​ൽ പേ​ര് രേ​ഖ​പ്പെ​ടു​ത്ത​പ്പെ​ടാ​തെ പോ​യ അ​നേ​കം തൊ​ഴി​ലാ​ളി​ക​ൾ​ക്കു​വേ​ണ്ടി​യാ​ണ് താ​ൻ ഈ ​പു​സ്ത​കം ര​ചി​ച്ചി​രി​ക്കു​ന്ന​തെ​ന്ന് ഹ്വാ​ങ് സോ​ക് യോ​ങ് പ​റ​യു​ന്നു. 2024ലെ ​അ​ന്ത​ർ​ദേ​ശീ​യ ബു​ക്ക​ർ പു​ര​സ്കാ​ര​ത്തി​ന്റെ ചു​രു​ക്ക​പ്പ​ട്ടി​ക​യി​ൽ സ്ഥാ​നം പി​ടി​ച്ച ഈ ​നോ​വ​ൽ ഇം​ഗ്ലീ​ഷി​ലേ​ക്കു മൊ​ഴി​മാ​റ്റം ചെ​യ്​തത്​ സോ​റ കിം ​റ​സ്സ​ൽ, യു​ങ്സെ​യ്‌ ജോ​സെ​ഫി​ൻ ബേ ​എ​ന്നി​വ​ർ ചേ​ർ​ന്നാ​ണ്.

ഫാ​ക്ട​റി തൊ​ഴി​ലാ​ളി​യും യൂ​നി​യ​ൻ ബ്രാ​ഞ്ച് ചീ​ഫു​മാ​യ ഈ ​ജി​നോ (Yi Jino) ഒ​രു ഫാ​ക്ട​റി​യു​ടെ ചി​മ്മി​നി​യു​ടെ മു​ക​ളി​ൽ കു​ത്തി​യി​രി​പ്പു​സ​മ​രം ന​ട​ത്തു​ന്നി​ട​ത്തുനി​ന്നാ​ണ് ‘മാ​റ്റെ​ർ 2-10’ ആ​രം​ഭി​ക്കു​ന്ന​ത്. ഫാ​ക്ട​റി ഉ​ട​മ​ക​ൾ വി​റ്റ​തി​നെ​ത്തു​ട​ർ​ന്ന് ജി​നോ ഉ​ൾ​പ്പെ​ടെ​യു​ള്ള തൊ​ഴി​ലാ​ളി​ക​ൾ​ക്കു ജോ​ലി ന​ഷ്ട​മാ​യി. പി​രി​ച്ചു​വി​ട്ട​വ​രെ തി​രി​ച്ചെ​ടു​ക്ക​ണ​മെ​ന്ന് ആ​വ​ശ്യ​പ്പെ​ട്ടാ​ണ് ജി​നോ​യു​ടെ സ​മ​രം. ചി​മ്മി​നി മു​ക​ളി​ൽ ജി​നോ ഒ​ഴി​ഞ്ഞ പ്ലാ​സ്റ്റി​ക് കു​പ്പി​ക​ളി​ൽ ജീ​വി​ച്ചി​രി​ക്കു​ന്ന​വ​രും മ​രി​ച്ച​വ​രു​മാ​യ ത​ന്റെ പ്രി​യ​പ്പെട്ട​വ​രു​ടെ പേ​രു​ക​ൾ എ​ഴു​തു​ന്നു. രാ​ത്രി​ക​ളി​ൽ അ​വ​ർ ഓ​രോ​രു​ത്ത​രും അ​യാ​ളെ സ​ന്ദ​ർ​ശി​ക്കു​ന്നു​ണ്ട്.

ജി​നോ​യു​ടെ ഓ​ർ​മ​ക​ളാ​യും ചി​മ്മി​നി​ മു​ക​ളി​ൽ ജി​നോ​യെ സ​ന്ദ​ർ​ശി​ക്കാ​നെ​ത്തു​ന്ന ആ​ത്മാ​ക്ക​ളു​ടെ സം​ഭാ​ഷ​ണ​ങ്ങ​ളാ​യും ഇ​രു​പ​താം നൂ​റ്റാ​ണ്ടി​ലെ കൊ​റി​യ​യു​ടെ ച​രി​ത്രം നോ​വ​ലി​ൽ അ​നാ​വൃ​ത​മാ​കു​ന്നു. അ​നേ​കം ക​ഥാ​പാ​ത്ര​ങ്ങ​ളു​ള്ള ഒ​രു ബൃ​ഹ​ത് നോ​വ​ലാ​ണ് ഇത്​. വ​ർ​ത്ത​മാ​ന​കാ​ല വി​വ​ര​ണ​ത്തി​ലൂ​ടെ​യാ​ണ് ആ​രം​ഭി​ക്കു​ന്ന​തെ​ങ്കി​ലും ഭൂ​ത​കാ​ല​ത്തെ​യും വ​ർ​ത്ത​മാ​ന​കാ​ല​ത്തെ​യും സം​ഭ​വ​ങ്ങ​ൾ ഇ​ട​ക​ല​ർ​ത്തി വി​വ​രി​ക്കു​ന്ന ആ​ഖ്യാ​ന​രീ​തി​യി​ലാ​ണ് ക​ഥ പു​രോ​ഗ​മി​ക്കു​ന്ന​ത്. പ​ല​ കാ​ല​ഘ​ട്ട​ങ്ങ​ൾ, സം​ഭ​വ​ങ്ങ​ൾ, സ്ഥ​ല​ങ്ങ​ൾ എ​ന്നി​വ​യി​ലൂ​ടെ​യെ​ല്ലാം നോ​വ​ൽ അ​നാ​യാ​സം സ​ഞ്ച​രി​ക്കു​ന്നു​ണ്ട്.

റെ​യി​ൽ​വേ ബ്യൂ​റോ​യി​ൽ ഉ​ദ്യോ​ഗ​സ്ഥ​നാ​യ, ജി​നോ​യു​ടെ മു​തു​മു​ത്ത​ച്ഛ​ൻ ബെ​ക്മ​ൻ. അ​യാ​ളു​ടെ മൂ​ത്ത​മ​ക​ൻ ഇ​ൽ​ച്ചോ​ൾ ജാ​പ്പ​നീ​സ് ട്രെ​യി​നി​ങ് സ്കൂ​ളി​ൽ പ​രി​ശീ​ല​നം നേ​ടി റെയി​ൽ​വേ​യി​ൽ എ​ൻ​ജി​ൻ ഡ്രൈ​വ​റാ​യ ആ​ളാ​ണ്. ബെ​ക്മ​ന്റെ ഇ​ള​യ​മ​ക​ൻ ഇ​ച്ചോ​ൾ ആ​ക​ട്ടെ ഫാ​ക്ട​റി തൊ​ഴി​ലാ​ളി​യും ക​മ്യൂ​ണി​സ്റ്റ് പ്ര​സ്ഥാ​ന​ത്തി​ന്റെ സ​ജീ​വാം​ഗ​വു​മാ​യി​രു​ന്നു. ഇ​ച്ചോ​ളി​ലൂ​ടെ​യാ​ണ് കൊ​റി​യ​ൻ ക​മ്യൂ​ണി​സ്റ്റ് പ്ര​സ്ഥാ​ന​ത്തി​ന്റെ ച​രി​ത്രം ‘മാ​റ്റെ​ർ 2-10’ പ​റ​യു​ന്ന​ത്.

ബെ​ക്മ​ന്റെ ഭാ​ര്യ ഹു​വാ​ൻ ഡെ​ക്കിന് (Juan-deak) ​മ​ക​ന്റെ ജ​ന​ന​ത്തി​നു​ശേ​ഷം അ​സാ​ധാ​ര​ണ​മാ​യ വി​ശ​പ്പു​ണ്ടാ​യി. ഒ​രു രാ​ത്രി​യി​ൽ പാ​കംചെ​യ്ത മ​ധു​ര​ക്കി​ഴ​ങ്ങ് അ​മി​ത​മാ​യി ക​ഴി​ച്ച് അ​വ​ർ മ​ര​ണ​പ്പെ​ടു​ന്നു. അ​സാ​ധാ​ര​ണ ശ​ക്തി​യു​ള്ള സ്ത്രീ​യാ​യാ​ണ് ഇ​വ​രെ നോ​വ​ലി​ൽ അ​വ​ത​രി​പ്പി​ച്ചി​രി​ക്കു​ന്ന​ത്. ച​ര​ക്കു​വ​ണ്ടി ഉ​യ​ർ​ത്തി അ​തി​ന​ടി​യി​ൽ​പെ​ട്ട ചു​മ​ട്ടു തൊ​ഴി​ലാ​ളി​യെ ര​ക്ഷി​ച്ച​തു​ൾ​പ്പെടെ അ​വ​രു​ടെ ശ​ക്തി​യെ​പ്പ​റ്റി പ​ല​ ക​ഥ​ക​ളും പ്ര​ച​രി​ച്ചി​രു​ന്നു. മാ​ർ​ച്ച് ഒ​ന്ന് സ്വാ​ത​ന്ത്ര്യ​സ​മ​രം രാ​ജ്യ​വ്യാ​പ​ക​മാ​യി പൊ​ട്ടി​പ്പു​റ​പ്പെ​ട്ട​തി​നു​ശേ​ഷ​മു​ള്ള വ​ർ​ഷം നാ​ട്ടി​ൽ പ്ര​ള​യ​മു​ണ്ടാ​യി. പ്ര​ള​യ​ത്തി​ൽ​പ്പെ​ട്ട കു​ട്ടി​ക​ളെ ഹു​വാ​ൻ ഡെ​ക് ത​നി​യെ സു​ര​ക്ഷി​ത​സ്ഥ​ല​ത്ത്‌ എ​ത്തി​ക്കു​ന്നു. പ്ര​ള​യ​ജ​ല​ത്തി​ൽ സാ​ഹ​സി​ക​മാ​യി നീ​ന്തി, ഒ​ഴു​കി​വ​ന്ന മൃ​ഗ​ങ്ങ​ളെ അ​വ​ർ ക​ര​ക്കെ​ത്തി​ക്കു​ന്നു​ണ്ട്.

പ്ര​ള​യ​ത്തി​ൽ​പെ​ട്ടു​പോ​യ ഭ​ർ​ത്താ​വി​നെ​യും അ​വ​ർ ര​ക്ഷി​ക്കു​ന്നു. അ​വ​രു​ടെ മ​ര​ണ​ത്തി​നു​ശേ​ഷം ബെ​ക്മാ​ന്റെ സ​ഹോ​ദ​രി കു​ട്ടി​ക​ളു​ടെ സം​ര​ക്ഷ​ണം ഏ​റ്റെ​ടു​ത്തു. ഹു​വാ​ൻ ഡെ​ക്കി​ന്റെ ആ​ത്മാ​വ് നോ​വ​ലി​ൽ പ​ല​യി​ട​ത്തും പ്ര​ത്യ​ക്ഷ​മാ​കു​ന്നു​ണ്ട്. അ​വ​രു​ടെ മ​ര​ണ​ശേ​ഷ​മു​ണ്ടാ​യ ഒ​രു പ്ര​ള​യ​ത്തി​ലും ഹു​വാ​ൻ ഡെ​ക്കി​ന്റെ ആ​ത്മാ​വ് വ​ന്നു ത​ന്നെ​യും കു​ട്ടി​ക​ളെ​യും ച​ങ്ങാ​ട​ത്തി​ൽ ക​യ​റ്റി ര​ക്ഷ​പ്പെ​ടു​ത്തി​യെ​ന്നു സ​ഹോ​ദ​രി ഓ​ർ​ക്കു​ന്നു. വ്യ​ക്തി​ത്വ​വും തീ​രു​മാ​ന​ങ്ങ​ളെ​ടു​ക്കാ​ൻ പ്രാ​പ്തി​യു​ള്ള​വ​രു​മാ​ണ് നോ​വ​ലി​ലെ സ്ത്രീ ​ക​ഥാ​പാ​ത്ര​ങ്ങ​ൾ.

കൊ​റി​യ​യി​ലെ ചോ​സോ​ൺ രാ​ജ​വം​ശ​ത്തി​ന്റെ (Joseon Dynasty) കാ​ലം മു​ത​ലു​ള്ള ച​രി​ത്ര പ​ശ്ചാ​ത്ത​ല​ത്തി​ലാ​ണ് ‘മാ​റ്റെ​ർ 2-10’ വി​ക​സി​ക്കു​ന്ന​ത്. 1392 മു​ത​ൽ 1910 വ​രെ നീ​ണ്ടു​നി​ന്ന ദീ​ർ​ഘ​കാ​ല​ത്തെ ഭ​ര​ണ​ത്തി​നുശേ​ഷ​മാ​ണ് ചോ​സോ​ൺ രാ​ജ​വം​ശം ജ​പ്പാ​ൻ സാ​മ്രാ​ജ്യ​ത്വ​ത്തി​നു മു​ന്നി​ൽ അ​ടി​യ​റ​വു പ​റ​ഞ്ഞ​ത്. 1904 ഫെ​ബ്രു​വ​രി​യി​ൽ ജ​പ്പാ​ൻ സൈ​ന്യം കൊ​റി​യ​ൻ മ​ണ്ണി​ൽ കാ​ലു​കു​ത്തി. തു​ട​ർ​ന്ന് ചോ​സോ​ൺ ഭ​ര​ണ​കൂ​ടം കൊ​റി​യ-​ജ​പ്പാ​ൻ പ്രോ​ട്ടോ​കോ​ളി​ൽ ഒ​പ്പുവെക്കാ​ൻ നി​ർ​ബ​ന്ധി​ത​രാ​കു​ക​യും അ​തു​പ്ര​കാ​രം കൊ​റി​യ​യി​ൽ ജ​പ്പാ​ന്റെ പ​ട്ടാ​ളം നി​ല​യു​റ​പ്പി​ക്കു​ക​യുംചെ​യ്തു.

1910ൽ ​ജ​പ്പാ​ൻ-കൊ​റി​യ കൂ​ട്ടി​ച്ചേ​ർ​ക്ക​ൽ ഉ​ട​മ്പ​ടി നി​ല​വി​ൽ വ​ന്ന​തോ​ടെ കൊ​റി​യ പൂ​ർ​ണ​മാ​യും ജ​പ്പാ​ന്റെ നി​യ​ന്ത്ര​ണ​ത്തി​ലാ​യി. റ​ഷ്യ​യി​ൽ 1917ലെ ​ബോ​ൾ​ഷെ​വി​ക് വി​പ്ല​വ​ത്തി​ലൂ​ടെ സാ​ർ ച​ക്ര​വ​ർ​ത്തി സിം​ഹാ​സ​ന​ത്തി​ൽ​നി​ന്നു നി​ഷ്കാ​സി​ത​നാ​യി. 1919ൽ ​രൂ​പവത്ക​രി​ക്ക​പ്പെ​ട്ട ക​മ്യൂ​ണി​സ്റ്റ് ഇ​ന്റ​ർ​നാ​ഷ​നൽ (comintern) വ​ഴി ആ​ശ​യ​പ​ര​മാ​യി സാ​മ്രാ​ജ്യ​ത്വത്തി​നെ​തി​രാ​യി​രു​ന്ന സോ​വി​യ​റ്റ് യൂ​നിയ​ൻ കൊ​റി​യ​യി​ൽ ഉ​യ​ർ​ന്നു​വ​ന്ന ക​മ്യൂണി​സ്റ്റ് ചി​ന്താ​ഗ​തി​യെ പി​ന്തു​ണ​ച്ചു.

റെ​യി​ൽപാ​ത​ക​ൾ നി​ർ​മി​ക്കാ​നാ​യി കൊ​റി​യ​യി​ലെ പാ​ട​ങ്ങ​ളും ഗ്രാ​മ​ങ്ങ​ളും വ​ന​ങ്ങ​ളും ജ​പ്പാ​ന്റെ പ​ട്ടാ​ളസൈ​ന്യം പി​ടി​ച്ചെ​ടു​ത്തു. ദേ​ശീ​യ പ​ര​മാ​ധി​കാ​രം ന​ഷ്ട​പ്പെ​ട്ട കൊ​റി​യ​ൻ ഗ​വ​ൺ​മെ​ന്റ് വെ​റും നോ​ക്കു​കു​ത്തി​യാ​യി. തു​ട​ക്ക​ത്തി​ൽ പി​ടി​ച്ചെ​ടു​ക്കു​ന്ന ഭൂ​മി​ക്കു പ​ത്തി​ലൊ​ന്നു വി​ല ന​ൽ​കു​മെ​ന്നു പ​റ​ഞ്ഞി​രു​ന്നെ​ങ്കി​ലും ജ​പ്പാ​ൻ-​റ​ഷ്യ യു​ദ്ധം തു​ട​ങ്ങി​യ​തോ​ടെ ആ ​വാ​ഗ്ദാ​നം വാ​ക്കു​ക​ളി​ൽ മാ​ത്ര​മാ​യി ഒ​തു​ങ്ങി, ത​ങ്ങ​ൾ​ക്കാ​വ​ശ്യ​മു​ള്ള​ത്ര​യും ഭൂ​മി പി​ടി​ച്ചെ​ടു​ക്കു​ക എ​ന്ന​തു മാ​ത്ര​മാ​യി ജ​പ്പാ​ൻ പ​ട്ടാ​ള​ഭ​ര​ണ​കൂ​ട​ത്തി​ന്റെ ന​യം. കൊ​റി​യ​യി​ലെ സാ​ധാ​ര​ണ​ക്കാ​ർ​ക്ക് അ​വ​രു​ടെ വീ​ടും ഭൂ​മി​യും; എ​ന്തി​ന്, പൂ​ർ​വി​ക​രു​ടെ കു​ഴി​മാ​ട​ങ്ങ​ൾ വ​രെ തി​രി​കെ ഒ​ന്നും കൈ​പ്പ​റ്റാ​തെ ന​ഷ്ട​പ്പെ​ടു​ത്തേ​ണ്ടി വ​ന്നു.

രാ​ജ്യ​ത്തെ ആ​രോ​ഗ്യ​മു​ള്ള പു​രു​ഷ​ന്മാ​ർ​ക്ക് നി​ർ​ബ​ന്ധി​ത​മാ​യി റെ​യി​ൽപാ​ത നി​ർ​മാ​ണ​ത്തി​ലേ​ർ​പ്പെ​ടേ​ണ്ടി വ​ന്ന​തോ​ടെ രാ​ജ്യ​ത്തു കൃ​ഷിചെ​യ്യാ​ൻ ആ​ളു​ക​ളി​ല്ലാ​തെ​യാ​യി. യു​ദ്ധ​കാ​ല​ത്ത്‌ നി​ർ​മാ​ണ​പ്ര​വ​ൃത്തി​ക​ൾ ദ്രു​ത​ഗ​തി​യി​ൽ തീ​ർ​ക്കാ​നാ​യി കൊ​റി​യ​ൻ തൊ​ഴി​ലാ​ളി​ക​ളെ തോ​ക്കി​ൻ​മു​ന​യി​ൽ നി​ർ​ത്തി പ​ണി​യെ​ടു​പ്പി​ക്കു​ക​യും ത​ള​ർ​ന്നു​വീ​ഴു​ന്ന​വ​രെ കൊ​ല​പ്പെ​ടു​ത്തു​ക​യുംചെ​യ്തു. അ​ങ്ങ​നെ മ​ര​ണ​പ്പെ​ട്ട​വ​രു​ടെ ആ​ത്മാ​ക്ക​ൾ നി​ർ​മാണ​സ്ഥ​ല​ങ്ങ​ളി​ൽ പ്ര​ത്യ​ക്ഷ​പ്പെ​ടു​മാ​യി​രു​ന്ന​ത്രെ. ആ​ത്മാ​ക്ക​ളു​ടെ പ്ര​ത്യ​ക്ഷ​പ്പെ​ട​ലു​ക​ളും ഭാ​വി​പ്ര​വ​ച​ന​ങ്ങ​ളും ക​ഥ​യി​ലു​ട​നീ​ളം കാ​ണാം. നാ​ടോ​ടി​ക്ക​ഥ​ക​ൾ​ക്കും ദൈ​നം​ദി​ന സം​സാ​ര​രീ​തി​ക​ൾ​ക്കും ഇ​ട​യി​ലു​ള്ള (Mindam Realism) ക​ഥ​പ​റ​ച്ചി​ലെ​ന്നാ​ണ് ത​ന്റെ ശൈ​ലി​യെ നോ​വ​ലി​സ്റ്റ് വി​ശേ​ഷി​പ്പി​ച്ചി​രി​ക്കു​ന്ന​ത്.

ഒ​രി​ക്ക​ൽ ഇ​ച്ചോ​ൾ ജോ​ലിചെ​യ്തി​രു​ന്ന ഫാ​ക്ട​റി​യി​ൽ ഉ​ൽപാ​ദ​ന​ത്തി​ൽ ഒ​രു പി​ഴ​വു പ​റ്റി​യ​തി​നെ​ തുട​ർ​ന്ന് തൊ​ഴി​ലാ​ളി​ക​ൾ​ക്കി​ട​യി​ൽ ത​ർ​ക്ക​മു​ണ്ടാ​യി. ആ ​സ​മ​യം അ​വി​ടെ​യു​ണ്ടാ​യി​രു​ന്ന ഒ​രു മു​തി​ർ​ന്ന തൊ​ഴി​ലാ​ളി ആ ​പി​ഴ​വി​ന്റെ ഉ​ത്ത​ര​വാ​ദി​ത്തം ഏ​റ്റെ​ടു​ക്കു​ന്നു. പി​ന്നീ​ട് ഇ​ച്ചോ​ൾ അ​യാ​ളോ​ട് എ​ന്തു​കൊ​ണ്ടാ​ണ് സ്വ​യം ആ ​ഉ​ത്ത​ര​വാ​ദി​ത്തം ഏ​റ്റെ​ടു​ക്കാ​ൻ ത​യാ​റാ​യ​തെ​ന്ന് അ​ന്വേ​ഷി​ക്കു​ന്നു​ണ്ട്. അ​തി​ന് അ​യാ​ളു​ടെ മ​റു​പ​ടി, ‘‘ഇ​ന്ന​ലെ​യും ഇ​ന്നും നാ​ളെ​യും ത​മ്മി​ൽ വ്യ​ത്യാ​സ​ങ്ങ​ളൊ​ന്നു​മി​ല്ലാ​ത്ത​തു​കൊ​ണ്ട് ഇ​ന്ന് എ​ന്നൊ​ന്ന് സം​ഭ​വി​ച്ചി​ട്ടേ​യി​ല്ലെ​ന്ന് ത​നി​ക്കു ക​രു​താ​ൻ ക​ഴി​യും’’ എ​ന്നാ​യി​രു​ന്നു. തു​ട​ർ​ന്ന് അ​യാ​ൾ അ​തേ​പ്പ​റ്റി വി​ശ​ദീ​ക​രി​ച്ചു. ആ ​ത​ർ​ക്കം പ​റ​ഞ്ഞു തൊ​ഴി​ലാ​ളി​ക​ൾ പ​ര​സ്പ​രം കു​റ്റ​പ്പെ​ടു​ത്തി​യി​രു​ന്നെ​ങ്കി​ൽ അ​വ​രി​ലൊ​രാ​ളെ മാ​നേ​ജ്മെ​ന്റ് പു​റ​ത്താ​ക്കു​മാ​യി​രു​ന്നു.

ജ​പ്പാ​ൻ കൊ​റി​യ​ക്കാ​രെ പ​ര​സ്പ​രം പോ​ര​ടി​പ്പി​ച്ചു ചോ​സോ​ൺ സാ​മ്രാ​ജ്യ​ത്തി​ന്റെ പ​ത​ന​ത്തി​ലെ​ത്തി​ച്ച​തും അ​ങ്ങ​നെ​യാ​യി​രു​ന്നു​വെ​ന്ന് അ​യാ​ൾ അ​ഭി​പ്രാ​യ​പ്പെ​ടു​ന്നു. കൊ​റി​യ​ക്കാ​ർ ഒ​രു​മി​ച്ചു നി​ൽ​​േക്ക​ണ്ട​തിന്റെ പ്രാ​ധാ​ന്യ​ത്തെ​പ്പ​റ്റി​യാ​ണ് അ​യാ​ൾ പ​റ​ഞ്ഞ​ത്. സ്വാ​ത​ന്ത്ര്യ സ​മ​ര​ത്തി​ൽ പ​ങ്കെ​ടു​ത്ത​യാ​ളാ​യി​രു​ന്നു വൂ​ചാ​ങ് എ​ന്ന് പേ​രു​ള്ള ആ ​മ​നു​ഷ്യ​ൻ എ​ന്ന് ഇ​ച്ചോ​ൾ പി​ന്നീ​ടു മ​ന​സ്സി​ലാ​ക്കു​ന്നു. സോ​ഷ്യ​ലി​സ​ത്തി​ന്റെ അ​ടി​സ്ഥാ​ന ആ​ശ​യ​ങ്ങ​ൾ അ​യാ​ളാ​ണ് ഇ​ച്ചോ​ളി​നു പ​ക​ർ​ന്നുന​ൽ​കു​ന്ന​ത്. ‘‘റ​ഷ്യ​യി​ൽ സാ​ർ ച​ക്ര​വ​ർ​ത്തി​യെ നി​ഷ്കാ​സ​നം ചെ​യ്ത് ജ​ന​ങ്ങ​ളു​ടെ സ​ർ​ക്കാ​ർ രൂ​പവത്​ക​രി​ച്ചു ക​ഴി​ഞ്ഞു, മ​ഞ്ചൂ​രി​യ​യി​ൽ കൊ​റി​യ​ൻ ദേ​ശ​സ്നേ​ഹി​ക​ൾ ജ​പ്പാ​നെ​തി​രെ പോ​രാ​ടു​ന്നു. ചോ​സോ​ണി​ലും വി​പ്ല​വ​ത്തി​നു സ​മ​യ​മാ​യി’’ എ​ന്ന് വൂ​ചാ​ങ് ഇ​ച്ചോ​ളി​നെ ഓ​ർ​മ​പ്പെ​ടു​ത്തു​ന്നു.

ആ ​സ​മ​യ​ത്ത് സ്വാ​ത​ന്ത്ര്യം, സ​മ​ത്വം തു​ട​ങ്ങി​യ സോ​ഷ്യ​ലി​സ്റ്റ് ആ​ശ​യ​ങ്ങ​ൾ ചോ​സോ​ണി​ൽ എ​ത്തിക്ക​ഴി​ഞ്ഞി​രു​ന്നു. 1925 ഏ​പ്രി​ലി​ൽ ചോ​സോൺ ക​മ്യൂ​ണി​സ്റ്റ് പാ​ർ​ട്ടി രൂ​പവത്കൃ​ത​മാ​യി. തു​ട​ർ​ന്നു​വ​ന്ന അ​ഞ്ചു​വ​ർ​ഷ​ക്കാ​ല​ത്ത് 12,000ത്തി​നും 30,000ത്തി​നു​ം ഇ​ട​യി​ൽ കൊ​റി​യ​ക്കാ​ർ രാ​ജ്യ​ത്ത് പ​ല​യി​ട​ങ്ങ​ളി​ലാ​യി നൂ​റു​ക​ണ​ക്കി​നു തൊ​ഴി​ൽ സ​മ​ര​ങ്ങ​ളി​ലും കാ​ർ​ഷി​ക സ​മ​ര​ങ്ങ​ളി​ലും പ​ങ്കെ​ടു​ത്തു. പു​സ്ത​ക കൂ​ട്ടാ​യ്മ​ക​ളി​ലൂ​ടെ​യാ​ണ് ആ​ദ്യ​കാ​ല​ങ്ങ​ളി​ൽ ഇ​ച്ചോ​ളും കൂ​ട്ട​രും ഫാ​ക്ട​റി തൊ​ഴി​ലാ​ളി​ക​ളെ സം​ഘ​ടി​പ്പി​ക്കു​ക​യും ക​മ്യൂ​ണി​സ്റ്റ് ആ​ശ​യ​ങ്ങ​ൾ പ്ര​ച​രി​പ്പി​ക്കു​ക​യും ചെ​യ്തി​രു​ന്ന​ത്.

ഇ​ച്ചോ​ളി​നെ​പ്പോ​ലെ സ്വ​ന്ത​മാ​യു​ള്ള​തെ​ല്ലാം രാ​ജ്യ​ത്തി​നു​വേ​ണ്ടി ഉ​പേ​ക്ഷി​ച്ച് കൊ​റി​യ​യു​ടെ സ്വാ​ത​ന്ത്ര്യ​ത്തി​നാ​യി പോ​രാ​ടു​ന്ന ദേ​ശ​സ്നേ​ഹി​ക​ൾ​ക്കൊ​പ്പം പ​ണ​ത്തി​നും അ​ധി​കാ​ര​ത്തി​നും വേ​ണ്ടി സ്വ​ന്തം ജ​ന​ത​യെ സാ​മ്രാ​ജ്യ​ത്വ​ശ​ക്തി​ക്ക് ഒ​റ്റു​കൊ​ടു​ക്കു​ന്ന മ​റ്റൊ​രു വി​ഭാ​ഗ​വും അ​ക്കാ​ല​ത്ത്‌ സ​മൂ​ഹ​ത്തി​ൽ വ​ള​ർ​ന്നു​വ​ന്നു. ജ​പ്പാ​നു​വേ​ണ്ടി സ​മൂ​ഹ​ത്തി​ൽ ചാ​ര​പ്പ​ണി ചെ​യ്യു​ന്ന​വ​രാ​യി​രു​ന്നു അ​ക്കൂ​ട്ട​ർ. അ​വ​ർ സം​ശ​യം തോ​ന്നു​ന്ന​വ​രെ​ക്കു​റി​ച്ചു പൊ​ലീ​സി​ന് അ​റി​വു​കൊ​ടു​ത്തു. ഇ​ങ്ങ​നെ പി​ടി​ക്ക​പ്പെ​ടു​ന്ന ത​ദ്ദേ​ശ​വാ​സി​ക​ൾ​ക്ക് ക​ടു​ത്ത പീ​ഡ​ന​ങ്ങ​ളാ​ണ് നേ​രി​ടേ​ണ്ടി​വ​ന്ന​ത്. ചാ​ട്ട​വാ​റ​ടി മു​ത​ൽ മ​ര​ണംവ​രെ​യു​ള്ള എ​ന്തു ശി​ക്ഷ​യും വി​ചാ​ര​ണ​ കൂ​ട​ാതെ​ത​ന്നെ അ​വ​ർ നേ​രി​ടേ​ണ്ടി​വ​ന്നു.

ഒ​രു ക​മ്യൂണി​സ്റ്റ് ഇ​ല്ലാ​തെ​യാ​യാ​ൽ എ​ന്ത്? (Who cares if a communist dies?) എ​ന്ന​താ​യി​രു​ന്നു അ​ന്വേ​ഷ​ണ​ത്തി​ന്റെ പൊ​തു​സ്വ​ഭാ​വം. ത​ട​വു​കാ​രെ ജീ​വ​നോ​ടെ നി​ല​നി​ർ​ത്തി​യി​രു​ന്ന​തുത​ന്നെ അ​വ​രി​ൽ​നി​ന്ന് ആ​വ​ശ്യ​മാ​യ വി​വ​ര​ങ്ങ​ൾ ശേ​ഖ​രി​ക്കാ​ൻവേ​ണ്ടി മാ​ത്ര​മാ​യി​രു​ന്നു. ചോ​ദ്യംചെ​യ്യ​ലി​നി​ട​യി​ൽ അ​വ​ർ മ​രി​ച്ചാ​ലും അ​ന്വേ​ഷ​ണ​ങ്ങ​ൾ ഉ​ണ്ടാ​കാ​റി​ല്ലാ​യി​രു​ന്നു. വ​ലി​യ ഇ​ര​ക​ളെ പീ​ഡി​പ്പി​ക്കാ​ൻ മാ​ത്ര​മാ​ണ് ജാ​പ്പ​നീ​സ് ഉ​ദ്യോ​ഗ​സ്ഥ​ർ എ​ത്തി​യി​രു​ന്ന​ത്. ചെ​റി​യ തെ​റ്റു​ക​ൾ ചെ​യ്ത​വ​രെ പീ​ഡി​പ്പി​ച്ചു വി​വ​ര​ങ്ങ​ൾ ശേ​ഖ​രി​ക്കേ​ണ്ട ഉ​ത്ത​ര​വാ​ദി​ത്തം കൊ​റി​യ​ക്കാ​രാ​യ ഉ​ദ്യോ​ഗ​സ്ഥ​ർ​ക്കാ​യി​രു​ന്നു. ഇ​ച്ചോ​ളി​നെ പൊ​ലീ​സ് അ​റ​സ്റ്റു​ചെ​യ്യു​ക​യും ജ​യി​ലി​ൽ െവ​ച്ച് അ​യാ​ൾ മ​ര​ണ​പ്പെ​ടു​ക​യുംചെ​യ്യു​ന്നു.

കൊ​റി​യ​ൻ ദേ​ശീ​യ​ത ഇ​ല്ലാ​താ​ക്കി​യാ​ൽ ത​ങ്ങ​ൾ​ക്കു​കീ​ഴി​ൽ കൊ​റി​യ​ക്കാ​രെ ഫ​ല​പ്ര​ദ​മാ​യി അ​ണി​നി​ര​ത്താ​നും സൈ​നി​ക​വ​ത്കരി​ക്കാ​നും ക​ഴി​യു​മെ​ന്ന് സാ​മ്രാ​ജ്യ​ത്വശ​ക്തി​യാ​യ ജ​പ്പാ​ൻ ക​രു​തി. അ​തി​നാ​യി അ​വ​ർ പ​ല​മാ​ർ​ഗങ്ങ​ൾ ഉ​പ​യോ​ഗി​ച്ചു. മാ​ധ്യ​മ​ങ്ങ​ളെ അ​വ​ർ ചൊ​ൽപ​ടി​യി​ൽ​നി​ർ​ത്തി. 1931ൽ ​ചൈ​നീ​സ് കൊ​റി​യ​ൻ ക​ർ​ഷ​ക​ർ​ക്കി​ട​യി​ൽ ചെ​റി​യ ഒ​രു ത​ർ​ക്ക​മു​ണ്ടാ​യി. ഈ ​സം​ഭ​വം കൊ​റി​യ​ക്കാ​ർ​ക്കി​ട​യി​ൽ സം​ഭ്ര​മ​മു​ണ്ടാ​ക്കാ​നാ​യി ഗ​വ​ൺ​മെ​ന്റ് ഉ​പ​യോ​ഗി​ച്ചു. കൊ​റി​യ​ൻ മാ​ധ്യ​മ​ങ്ങ​ളി​ൽ ചൈ​നീ​സ് വി​രു​ദ്ധ​വി​കാ​രം ഉ​ണ​ർ​ത്തു​ന്ന ത​ര​ത്തി​ലു​ള്ള വാ​ർ​ത്ത​ക​ൾ വ​ന്നു. കൊ​റി​യ​ക്കാ​ർ മാ​ധ്യ​മ​ങ്ങ​ളെ വി​ശ്വ​സി​ച്ചു ചൈ​ന​ക്കാ​ർ​ക്കെ​തി​രെ ആ​ക്ര​മ​ണം അ​ഴി​ച്ചു​വി​ടാ​ൻ തു​ട​ങ്ങി. കൊ​റി​യ​ൻ പൗ​ര​സം​ഘ​ട​ന​ക​ൾ ഇ​തി​നെ​തി​രെ ജ​ന​ങ്ങ​ൾ​ക്ക് മു​ന്ന​റി​യി​പ്പ് ന​ൽ​കി​ക്കൊ​ണ്ടു രം​ഗ​ത്തു​വ​ന്നു. ജ​പ്പാ​ൻ ഭ​ര​ണ​ത്തി​ൻ​കീ​ഴി​ൽ കൊ​റി​യ​യു​ടെ ദേ​ശീ​യ​ഭാ​ഷ ജാ​പ്പ​നീ​സ് ആ​യി​മാ​റി.

വി​ദ്യാ​ല​യ​ങ്ങ​ളി​ൽ കു​ട്ടി​ക​ൾ​ക്ക് ജാ​പ്പ​നീ​സ് ഭാ​ഷ പ​ഠി​ക്കേ​ണ്ടി​വ​രു​ന്നു. ഇ​ച്ചോ​ളി​നെ അ​റ​സ്റ്റ് ചെ​യ്യു​ന്ന ര​ഹ​സ്യ​ പൊ​ലീ​സ് ഉ​ദ്യോ​ഗ​സ്ഥ​ൻ ഡാ​ർ​യോ​ങ് ത​ന്റെ പേ​ര് യാ​മാ​ഷി​ത എ​ന്നു മാ​റ്റു​ന്നു​ണ്ട്. ജ​ന​ങ്ങ​ൾ കൊ​റി​യ​ൻ പേ​രു​ക​ൾ മാ​റ്റി ജാ​പ്പ​നീ​സ് പേ​രു​ക​ളി​ലേ​ക്ക് മാ​റാ​ൻ നി​ർ​ബ​ന്ധി​ത​രാ​കു​ന്നു. ഗ​വ​ൺ​മെ​ന്റ് ഓ​ഫി​സു​ക​ളി​ൽ കൊ​റി​യ​ക്കാ​ർ കൊ​റി​യ​ൻ പേ​രു​ക​ളി​ൽ കൊ​ടു​ക്കു​ന്ന അ​പേ​ക്ഷ​ക​ൾ നി​രാ​ക​രി​ക്ക​പ്പെ​ട്ടു, മാ​ത്ര​മ​ല്ല അ​ച്ച​ട​ക്ക​മി​ല്ലാ​ത്ത​വ​ർ എ​ന്ന നി​ല​യി​ൽ അ​വ​ർ നി​രീ​ക്ഷ​ണ​ത്തി​നു വി​ധേ​യ​രാ​കു​ക​യും ചെ​യ്തു. കൊ​റി​യ​ൻ പേ​രു​ക​ളു​ള്ള കൊ​റി​യ​ക്കാ​ർ​ക്ക് ജ​പ്പാ​നി​ലേ​ക്ക് യാ​ത്ര നി​ഷേ​ധി​ക്ക​പ്പെ​ട്ടു. ജാ​പ്പ​നീ​സ് പേ​രി​ല്ലാ​തെ കു​ട്ടി​ക​ളു​ടെ ജ​ന​നം ര​ജി​സ്റ്റ​ർ ചെ​യ്യാ​ൻ ക​ഴി​യാ​തെ വ​ന്നു. സാ​മ്രാ​ജ്യ​ത്വ അ​ധി​നി​വേ​ശം ഒ​രു ജ​ന​ത​യു​ടെ ദേ​ശീ​യ​ബോ​ധ​ത്തെ നി​ർ​വീ​ര്യ​മാ​ക്കാ​നാ​യി സ്വീ​ക​രി​ക്കു​ന്ന ന​ട​പ​ടി​ക​ളി​ൽ പ്ര​ധാ​ന​മാ​യി​രു​ന്നു അ​വ​രു​ടെ സ്വ​ത്വ​ബോ​ധ​ത്തെ ഇ​ല്ലാ​യ്മ ചെ​യ്യ​ുന്ന​ത്.

ര​ണ്ടാം ലോ​കയു​ദ്ധ​ത്തി​ൽ ജ​പ്പാ​ന്റെ പ​ത​ന​ത്തി​നു​ശേ​ഷം മു​പ്പ​ത്തി​യെ​ട്ടാ​മ​ത്‌ അ​ക്ഷാം​ശ​രേ​ഖ​ക്ക് ദ​ക്ഷി​ണ​ഭാ​ഗം അ​മേ​രി​ക്ക​ൻ സൈ​ന്യ​ത്തി​ന്റെ നി​യ​ന്ത്ര​ണ​ത്തി​ലാ​യി. അ​ധി​നി​വേ​ശ​കാ​ല​ത്ത്‌ കൊ​റി​യ​യി​ലെ എ​ൺ​പ​തു​ ശ​ത​മാ​ന​ത്തോ​ളം ഉ​ൽപാ​ദ​നം, മൂ​ല​ധ​നം, സാ​​േങ്ക​തി​ക​വി​ദ്യ, തൊ​ഴി​ലാ​ളി​ക​ൾ എ​ന്നി​വ​യെ​ല്ലാം ജ​പ്പാ​ന്റെ വ​ക​യാ​യി​രു​ന്നു. ജ​പ്പാ​ൻ പി​ന്മാ​റി​യ​തോ​ടെ രാ​ജ്യ​ത്തെ മി​ക്ക ഫാ​ക്ട​റി​ക​ളും അ​ട​ച്ചു​പൂ​ട്ടി. അ​വി​ഭ​ക്ത കൊ​റി​യ​യി​ൽ കൃ​ഷി​ഭൂ​മി ദ​ക്ഷി​ണ​ഭാ​ഗ​ത്തും വ്യ​വ​സാ​യ​ങ്ങ​ൾ ഉ​ത്ത​ര​ഭാ​ഗ​ത്തു​മാ​ണ് കേ​ന്ദ്രീ​ക​രി​ച്ചി​രു​ന്ന​ത്. ഉ​ൽപ​ന്ന​ങ്ങ​ളു​ടെ മൊ​ത്ത​വി​ല മു​പ്പ​തു​ ശ​ത​മാ​ന​ത്തോ​ളം ഉ​യ​ർ​ന്നു.

അ​ക്കാ​ല​ത്ത്‌ ഇ​ച്ചോ​ൾ സ​ഹോ​ദ​ര​ന്റെ പാ​ത പി​ന്തു​ട​ർ​ന്ന് ഇ​ട​തു​പ​ക്ഷ പ്ര​സ്ഥാ​ന​ത്തി​ൽ സ​ജീ​വ​മാ​യി. മു​പ്പ​ത്തി​യെ​ട്ടാ​മ​ത്‌ അ​ക്ഷാം​ശ​രേ​ഖ​ക്ക് അ​പ്പു​റ​ത്തു സോ​വി​യ​റ്റ് യൂ​നി​യ​ന്റെ ആ​ശീ​ർ​വാ​ദ​ത്തോ​ടെ കിം ​ഇ​ൽ സ​ങ്ങി​ന്റെ​യും കിം ​തു ബൊ​ങ്ങിന്റെ​യും നേ​തൃ​ത്വ​ത്തി​ൽ ഉ​ത്ത​ര​ കൊ​റി​യ​ൻ തൊ​ഴി​ലാ​ളി വ​ർ​ഗ പാ​ർ​ട്ടി (Workers’ Party of North Korea) രൂ​പം​കൊ​ണ്ടു. USAMGIK (The United States Army Military Government in Korea) ക​മ്യൂണി​സ്റ്റ് പ്ര​വ​ർ​ത്ത​ക​രെ അ​റ​സ്റ്റു​ചെ​യ്യാ​ൻ ഉ​ത്ത​ര​വി​ട്ട​തോ​ടെ ദ​ക്ഷി​ണ​ കൊ​റി​യ​യി​ലെ സോ​ഷ്യ​ലി​സ്റ്റ് പ്ര​വ​ർ​ത്ത​ക​ർ​ക്ക് ഒ​ളി​വി​ൽ പോ​കേ​ണ്ടി വ​ന്നു. ഇ​ച്ചോ​ൾ ഉ​ത്ത​ര​ കൊ​റി​യ​യി​ലേ​ക്ക് പ​ലാ​യ​നംചെ​യ്യു​ന്നു.

ദ​ക്ഷി​ണ കൊ​റി​യ​യി​ൽ 1948 മേ​യി​ൽ തെര​ഞ്ഞെ​ടു​പ്പ് ന​ട​ത്തു​ക​യും റീ ​സി​ങ്മാ​ൻ (Rhee Syngman) പ്രസി​ഡ​ന്റാ​യി റി​പ്പ​ബ്ലി​ക് ഓ​ഫ് കൊ​റി​യ സ്ഥാ​പി​ക്ക​പ്പെ​ടു​ക​യും ചെ​യ്തു. നാ​ലു​ മാ​സ​ങ്ങ​ൾ​ക്കു​ശേ​ഷം ഉ​ത്ത​ര കൊ​റി​യ​യി​ൽ സു​പ്രീം പീ​പ്ൾ​സ് അ​സം​ബ്ലി (Supreme People’s Assembly) രൂ​പവത്ക​രി​ക്ക​പ്പെ​ടു​ക​യും കിം ​ഇ​ൽ സ​ങ് ഡെ​മോ​ക്രാ​റ്റി​ക്‌ പീ​പ്ൾ​സ് റി​പ്പ​ബ്ലി​ക് ഓ​ഫ് കൊ​റി​യ സ്ഥാ​പി​ക്കു​ക​യുംചെ​യ്തു.

ഇ​ച്ചോ​ളി​ന്റെ മ​ക​ൻ ജി​സാ​ൻ ഉ​ത്ത​ര​ കൊ​റി​യ​യി​ൽ പി​താ​വി​നൊ​പ്പം ചേ​ർ​ന്ന് അ​വി​ടെ ച​ര​ക്കു തീ​വ​ണ്ടി​യി​ൽ എ​ൻ​ജി​നീ​യ​റു​ടെ അ​സി​സ്റ്റ​ന്റാ​യി ഉ​ദ്യോ​ഗം ആ​രം​ഭി​ച്ചു. കൊ​റി​യ​ൻ ആ​ഭ്യ​ന്ത​ര​യു​ദ്ധം ആ​രം​ഭി​ച്ച ദി​വ​സം ജി​സാ​ൻ ഓ​ർ​ത്തെ​ടു​ക്കു​ന്നു​ണ്ട്. എ​ല്ലാ തൊ​ഴി​ലാ​ളി​ക​ൾ​ക്കും ഡോ​ർ​മി​ട്രി​യു​ടെ മു​റ്റ​ത്തു സ​ന്നി​ഹി​ത​രാ​കാ​ൻ ആ​ജ്ഞ ല​ഭി​ച്ചു. ‘കൊ​റി​യ​ൻ ജ​ന​ങ്ങ​ളു​ടെ അ​ജ​യ്യ​രാ​യ സൈ​ന്യം’ (The Invincible Korean People’s Army) മു​പ്പ​ത്തി​യെ​ട്ടാം അ​ക്ഷാം​ശ​രേ​ഖ ക​ട​ന്നു തെ​ക്കു സി​യോ​ളി​ലേ​ക്കു മു​ന്നേ​റി​ക്കൊ​ണ്ടി​രി​ക്കു​ന്നു​വെ​ന്ന വാ​ർ​ത്ത അ​വ​ർ കേ​ൾ​ക്കു​ന്നു.

തു​ട​ർ​ന്ന്, എ​ല്ലാ ​െറ​യി​ൽ​വേ ഉ​ദ്യോ​ഗ​സ്ഥ​ർ​ക്കും യു​ദ്ധ​മു​ന്ന​ണി​യി​ലേ​ക്കു പു​റ​പ്പെ​ടേ​ണ്ടി​വ​രു​ന്നു. അ​ങ്ങ​നെ പ​തി​നെ​ട്ടാ​മ​ത്തെ വ​യ​സ്സി​ൽ ജി​സാ​ൻ ഇ​രു കൊ​റി​യ​ക​ളും ത​മ്മി​ലു​ണ്ടാ​യ യു​ദ്ധ​ത്തി​ൽ പ​ങ്കെ​ടു​ത്തു. ജി​സാ​ൻ മ​ട​ങ്ങി​യെ​ത്തു​മ്പോ​ൾ അ​യാ​ൾ​ക്ക് ഒ​രു കാ​ൽ ന​ഷ്ട​പ്പെ​ട്ടി​രു​ന്നു. ജി​സാ​ന്റെ മ​ക​നാ​ണ് ചി​മ്മി​നി​ക്കു​ മു​ക​ളി​ൽ അ​വ​കാ​ശ​ങ്ങ​ൾ​ക്കാ​യി സ​മ​രം ചെ​യ്യു​ന്ന ജി​നോ. 410 ദി​വ​സ​ങ്ങ​ൾ​ക്കു​ശേ​ഷം ജി​നോ ത​ന്റെ സ​മ​രം അ​വ​സാ​നി​പ്പി​ക്കു​ന്നു, ഫാ​ക്ട​റി മാ​നേ​ജ്‌​മെന്റ് ന​ൽ​കി​യ വാ​ഗ്ദാ​ന​ങ്ങ​ൾ പാ​ലി​ക്ക​പ്പെ​ടാ​തെ പോ​കു​ന്നു.

1943ൽ ​ജ​നി​ച്ച ഹ്വാ​ങ് സോ​ക് യോ​ങ് കൊ​റി​യ​യി​ലെ ഏ​റ്റ​വും പ്ര​ശ​സ്ത​നാ​യ എ​ഴു​ത്തു​കാ​ര​നാ​ണ്. 1993ൽ ​ഉ​ത്തര​-ദ​ക്ഷി​ണ കൊ​റി​യ​ക​ളി​ലെ ക​ലാ​കാ​ര​ന്മാ​ർ​ക്കി​ട​യി​ലു​ള്ള പ​ര​സ്പ​ര​ വി​നി​മ​യ​ങ്ങ​ൾ പ്രോ​ത്സാ​ഹി​പ്പി​ക്കാനാ​യി ഉ​ത്ത​ര​ കൊ​റി​യ​യി​ലേ​ക്ക് യാ​ത്ര​ചെ​യ്ത​തി​നെ​ തുട​ർ​ന്ന് അ​ദ്ദേ​ഹ​ത്തി​ന് ജ​യി​ൽശി​ക്ഷ അ​നു​ഭ​വി​ക്കേ​ണ്ടി​വ​ന്നു. അ​ദ്ദേ​ഹ​ത്തി​​ന്റെ നോ​വ​ലു​ക​ളും ചെ​റു​ക​ഥ​ക​ളും ഉ​ത്ത​ര-ദ​ക്ഷി​ണ കൊ​റി​യ, ജ​പ്പാ​ൻ, ചൈ​ന, ഫ്രാ​ൻ​സ്, ജ​ർ​മ​നി, അ​മേ​രി​ക്ക എ​ന്നി​വി​ട​ങ്ങ​ളി​ൽ പ്ര​സി​ദ്ധീ​ക​രി​ക്ക​പ്പെ​ട്ടി​ട്ടു​ണ്ട്. കൊ​റി​യ​യി​ലെ ഉ​ന്ന​ത​ങ്ങ​ളാ​യ മി​ക്ക സാ​ഹി​ത്യ​ പു​ര​സ്കാ​ര​ങ്ങ​ളും അ​ദ്ദേ​ഹ​ത്തി​നു ല​ഭി​ച്ചി​ട്ടു​ണ്ട്. അ​ദ്ദേ​ഹ​ത്തി​ന്റെ മ​റ്റൊ​രു നോ​വ​ലാ​യ അ​റ്റ് ഡ​സ്ക് (At Dusk) 2019ലെ ​ബു​ക്ക​ർ പു​ര​സ്‌​കാ​ര​ത്തി​നാ​യി നാ​മ​നി​ർ​ദേ​ശം ചെ​യ്യ​പ്പെ​ട്ടി​രു​ന്നു.

‘ആ​ധു​നി​ക​ത​യെ മ​റി​ക​ട​ക്കു​ക’ എ​ന്ന ദൗ​ത്യ​ത്തി​നാ​യി സ്വ​യം സ​മ​ർ​പ്പി​ച്ച ഒ​രു എ​ഴു​ത്തു​കാ​ര​നാ​യി അം​ഗീ​ക​രി​ക്ക​പ്പെ​ടാ​നാ​ണ് ത​ന്റെ ആ​ഗ്ര​ഹ​മെ​ന്ന് ഹ്വാ​ങ് സോ​ക് യോ​ങ് ഒ​രു അ​ഭി​മു​ഖ​ത്തി​ൽ പ​റ​യു​ന്നു​ണ്ട്. ത​​ന്റെ പി​ൽ​ക്കാ​ല കൃ​തി​ക​ളി​ൽ പ​ല​തും ഈ ​രീ​തി​യി​ലാ​ണെ​ന്നും അ​ദ്ദേ​ഹം കൂ​ട്ടി​ച്ചേ​ർ​ക്കു​ന്നു.

‘മാ​റ്റെ​ർ’ (Mater) എ​ന്ന ജാ​പ്പ​നീ​സ് വാ​ക്കി​നു പ​ർ​വ​തം എ​ന്നാ​ണ് അ​ർ​ഥം. കൊ​റി​യ​യി​ൽ കൊ​ളോ​ണി​യ​ൽ കാ​ല​ഘ​ട്ട​ത്തി​ൽ പ്ര​വ​ർ​ത്തി​ച്ചി​രു​ന്ന ഒ​രു തീ​വ​ണ്ടി എ​ൻ​ജി​ന്റെ പേ​രാ​ണ് ‘മാ​റ്റെ​ർ 2-10’. കൊ​റി​യ​ൻ യു​ദ്ധകാ​ല​ത്തു ദ​ക്ഷി​ണ കൊ​റി​യ​ൻ സൈ​ന്യം ‘മാ​റ്റെ​ർ 2-10’ പി​ടി​ച്ചെ​ടു​ത്തു. 2004ൽ ​കൊ​റി​യ​യു​ടെ സാം​സ്‌​കാ​രി​ക പൈ​തൃ​കം സം​ര​ക്ഷി​ക്കു​ന്ന​തി​ന്റെ ഭാ​ഗ​മാ​യി ഇ​തി​നെ പു​ന​രു​ദ്ധാ​ര​ണം ചെ​യ്തു. കൊ​റി​യ​ൻ യു​ദ്ധ​ത്തി​ന്റെ ഇ​ന്നും നി​ല​നി​ൽ​ക്കു​ന്ന പ്ര​തീ​ക​മാ​ണ് ‘മാ​റ്റെ​ർ 2-10’.