ഹാഹ!
![ഹാഹ! ഹാഹ!](https://www.madhyamam.com/h-upload/2023/06/15/2001228-5.webp)
സിനിമകൾ കാണാതായ് ഉത്സവങ്ങൾ മേളങ്ങൾ ആനകൾ പൂ വിരിയും കമ്പക്കെട്ട്്് കഥകളി നാടകം കമ്പമില്ലാതായ് പത്രം വരുന്നെങ്കിലും വായന ഇല്ലാതായ് ‘വെള്ളൂ’ന്ന് വിളിയിട്ടാൽ പറന്നു വരും നായ മീന്തല കണ്ടാൽ ഞെക്കു വിളക്കു മിന്നിക്കും പൂച്ച വളർത്തൽ നിറുത്തി മഞ്ഞപ്പു വിരിഞ്ഞ്കായ വട്ടം വയ്ക്കും മത്തൻ പച്ചച്ചിരുണ്ടു പാവക്ക നനുത്ത നക്ഷത്രപ്പൂവിൻ പടവലം ഊണ് അമൃതേത്താക്കും കുഞ്ഞിച്ചീര നടീൽ നന നിറുത്തി ഏതൊന്നിനെ...
Your Subscription Supports Independent Journalism
View Plansസിനിമകൾ കാണാതായ്
ഉത്സവങ്ങൾ
മേളങ്ങൾ ആനകൾ
പൂ വിരിയും കമ്പക്കെട്ട്്്
കഥകളി
നാടകം
കമ്പമില്ലാതായ്
പത്രം വരുന്നെങ്കിലും
വായന ഇല്ലാതായ്
‘വെള്ളൂ’ന്ന് വിളിയിട്ടാൽ
പറന്നു വരും നായ
മീന്തല കണ്ടാൽ
ഞെക്കു വിളക്കു
മിന്നിക്കും പൂച്ച
വളർത്തൽ നിറുത്തി
മഞ്ഞപ്പു വിരിഞ്ഞ്
കായ വട്ടം വയ്ക്കും മത്തൻ
പച്ചച്ചിരുണ്ടു പാവക്ക
നനുത്ത നക്ഷത്രപ്പൂവിൻ പടവലം
ഊണ് അമൃതേത്താക്കും
കുഞ്ഞിച്ചീര
നടീൽ നന
നിറുത്തി
ഏതൊന്നിനെ
നോക്കണോ
കാക്കണോ
ഒളിപ്പോരാളി പോൽ
ഉണർന്നിരിക്കണം
ഓരോ ഞരമ്പും
മിടിപ്പും
തീക്ഷ്ണമായിരിക്കെ
സമചിത്തവുമാകണം
കസേര
ചടങ്ങിന് ഓടും
ടി.വി.
ശകലം കഞ്ഞി മൊളോഷ്യം
വെട്ടിപ്പോകുന്നു
മഹത്തായ ദിവസങ്ങൾ
കൊക്കുന്നു ക്ലോക്ക്
പത്രത്തിൻ കൂടെ വന്ന
നേത്രപരിശോധനാ ക്യാമ്പു
നോട്ടീസിൽ
കുറ്റിപെൻസിൽ
വിറച്ചു കുറിക്കുന്നു:
ഹരിശ്രീ
പാതിയെഴുത്ത്
ഒപ്പിെയടുത്ത്
പൊട്ടിച്ചിരിയോടെ
ചാറ്റ് ജിപിടി പൂർത്തിയാക്കുന്നു
ഗണപതയേ നമഃ
ഒരു കവിതയുമെഴുതിത്തരുന്നു
പിന്നതു വെളുക്കനെ ചിരിച്ചു
കൂവി
നിന്നയാൾ
തീവണ്ടി വന്നപ്പോൾ
ശെയ്ത്താനെന്നു കാറിയ ഗ്രാമീണനായല്ല
ടി.വി തലവിഷമെന്നു ചൊന്നോനായല്ല
അമൃതോ കാളകൂടമോ
ഒന്നാമതെത്തി കുടിപ്പവനായ്
ഏതു ഭൈരവലിംഗവും
ഉൾക്കൊള്ളുന്നവനായി
കാലത്തൊടു ചേരും
വിനയാന്വിതമുഖവുമായ്
സുസ്േമരവദനനായ്
ഹാ ഹ!