Begin typing your search above and press return to search.
വൃഥാസ്വപ്നങ്ങൾ പടവിറങ്ങുമ്പോൾ
Posted On date_range 20 Aug 2023 6:40 AM GMT
Updated On date_range 20 Aug 2023 6:40 AM GMT
![വൃഥാസ്വപ്നങ്ങൾ പടവിറങ്ങുമ്പോൾ വൃഥാസ്വപ്നങ്ങൾ പടവിറങ്ങുമ്പോൾ](https://www.madhyamam.com/h-upload/2023/08/20/2050146-untitled-1.webp)
വൃഥാസ്വപ്നങ്ങൾ മനസ്സിന്റെ പടവിറങ്ങുമ്പോൾ
ആശ്വാസത്തിന്റെ കണികാജലം
വായിലിറ്റിയ അനുഭൂതിയാകും.
ലളിതജീവിതസുഗമവീഥികളിൽ
ഓടിക്കളിക്കാൻ തോന്നും.
കഥയില്ലായ്മയുടെ നിഷാദനർത്തനം
അവസാനിക്കും.
കുതിച്ചുചാടുന്ന വിഷാദമാപിനി
നിയന്ത്രിതമാകും.
ഓർമകൾ തടാകത്തിൽ വഞ്ചിയിറക്കും.
നിമ്നോന്നതങ്ങൾ സമതലങ്ങളാകും.
ഒരു ചെറുപൂവുപോലും മന്ദഹാസമണിയിക്കും.
നമ്മൾ ജീവിതത്തിന്റെ കുളിരിലലിയും.
ചുവടുകൾ ആവേശത്തോടെ കുതിക്കും
ജീവിതം പുതുമ തേടുമ്പോഴാണ്
വൃഥാസ്വപ്നങ്ങൾ ഉപേക്ഷിക്കപ്പെടുന്നത്...