Begin typing your search above and press return to search.
നാല് കവിതകൾ
Posted On date_range 29 Oct 2023 5:43 AM GMT
Updated On date_range 29 Oct 2023 5:43 AM GMT
![നാല് കവിതകൾ നാല് കവിതകൾ](https://www.madhyamam.com/h-upload/2023/10/29/2105022-untitled-1.webp)
വിശ്വസ്തതയോടെ
അത്യാഹിത വിഭാഗത്തിൽ
ആംബുലൻസിനെ അഡ്മിറ്റാക്കി.
‘വെട്ടിപ്പൊളിപ്പാനും തുന്നിക്കെട്ടാനും മാത്രമല്ല
മിടുമിടുക്കനാണെടോ പീഡനത്തിലും.’
എന്ന്, വിശ്വസ്തതയോടെ. സ്വന്തം ഡോക്ടർ. ഒപ്പ്
വിള തിന്ന് തിന്നെന്റെ ചങ്ങാതീ...
വേലി- വിശ്വരൂപത്തെ കടത്തിവെട്ടി!
അർഥന
ഇറങ്ങിവരാൻ അങ്ങനൊരാളില്ല,
എന്നാലും നമ്മൾ ഉള്ളുരുകും... കൈവിടാ
പ്രതീക്ഷയോടെ പ്രാർഥിക്കും...
ആശ്വസിക്കും... ആശ്വസിപ്പിക്കും:
-ല്ലാം കാണാനും കേൾക്കാനും
മോളിലൊരാളുണ്ട്!
സ്നേഹവിചാരം
ഗതി മുട്ടുമ്പോൾ
മരണത്തെ തൊട്ടടുത്ത്
കാണുമ്പം മാത്രല്ലേയുള്ളൂ.
-സ്നേഹവിചാരം?
MYഗുണൻ
നിത്യേന തേച്ച് മിനുക്കി വെക്കുന്നുണ്ട്-
ഞാനെന്റെ പല്ലും നഖവും.
മ്യൂസിയത്തിൽ വെച്ച
ആയുധം പോലെ!