അച്ഛൻ
01അച്ഛനിരുട്ടിലാണെപ്പൊഴും പോരുക! ഇന്നും വരാറു- ണ്ടിരുട്ടു മാറ്റാൻ. അല്ലൽക്കയങ്ങളിൽ വെട്ടവും ശ്വാസവും അത്രയ്ക്ക-കലെയാപ്പോയകാലം. തുഴയുന്ന പക്വത! കാറ്റിലും കോളിലും അഴൽമിന്നിക്കത്തുമപാരശക്തി. എണ്ണിയുമെഴുതിയും പകരുവാനാവാത്ത പാഠങ്ങ-ളെത്ര കുറുക്കിത്തന്നു യൂണിവേഴ്സിറ്റികൾക്കാകാത്ത ജീവിതപാഠങ്ങൾ-ക്കച്ഛൻ ഗുരുപ്രഭാവൻ! വെട്ടമധികരിച്ചും വരാറുണ്ടന്ധകാരം വഴികളിലെൻ മുന്നിൽ ഇന്നുമിരുട്ടിലാണച്ഛൻവരാറുള്ളതതുപോലെ വെട്ടംവേറില്ലതന്നെ! ആകാശമിഴികളേ ആലക്തികങ്ങളേ ആകാനിങ്ങൾക്കീ പദംഗ്രഹിക്കാൻ! 02ഇടവഴിപ്പെണ്ണിന്റെ തേളുകുത്തീയെന്റെ കൈതരിക്കുമ്പൊഴും ‘‘അരുതരുത്! അതുനിന്റെ പെങ്ങൾ!’’...
Your Subscription Supports Independent Journalism
View Plans01
അച്ഛനിരുട്ടിലാണെപ്പൊഴും
പോരുക! ഇന്നും വരാറു-
ണ്ടിരുട്ടു മാറ്റാൻ.
അല്ലൽക്കയങ്ങളിൽ വെട്ടവും ശ്വാസവും അത്രയ്ക്ക
-കലെയാപ്പോയകാലം.
തുഴയുന്ന പക്വത! കാറ്റിലും കോളിലും അഴൽമിന്നി
ക്കത്തുമപാരശക്തി.
എണ്ണിയുമെഴുതിയും പകരുവാനാവാത്ത പാഠങ്ങ-
ളെത്ര കുറുക്കിത്തന്നു
യൂണിവേഴ്സിറ്റികൾക്കാകാത്ത ജീവിതപാഠങ്ങൾ-
ക്കച്ഛൻ ഗുരുപ്രഭാവൻ!
വെട്ടമധികരിച്ചും വരാറുണ്ടന്ധകാരം വഴികളി
ലെൻ മുന്നിൽ
ഇന്നുമിരുട്ടിലാണച്ഛൻ
വരാറുള്ളതതുപോലെ
വെട്ടംവേറില്ലതന്നെ!
ആകാശമിഴികളേ ആലക്തികങ്ങളേ ആകാ
നിങ്ങൾക്കീ പദംഗ്രഹിക്കാൻ!
02
ഇടവഴിപ്പെണ്ണിന്റെ തേളുകുത്തീയെന്റെ
കൈതരിക്കുമ്പൊഴും
‘‘അരുതരുത്! അതു
നിന്റെ പെങ്ങൾ!’’ എന്നെന്റെ
പയ്യനെ കെട്ടിയിട്ടടിയോടടി...
-മുഴങ്ങുന്ന
മര്യാദതച്ഛൻ!
കുറുക്കുവഴിപ്പാഠവഴികളിൽ
നൂറിനു
നൂറ്റൊന്നുവാങ്ങി ഞാൻ
കേമനാവാൻ കൊതി-
പ്പടി ചവിട്ടീടവെ
‘‘വേണ്ടവേണ്ടെ’’ന്നെന്റെ
കൈപിടിച്ചെന്നുമേ
തോല്ക്കുവാൻ
കൂടെ നടന്നതച്ഛൻ!
ചെയ്യാതെ കൊയ്യുവാൻ
കയ്യാളും പൊയ്യുകൾ
തുമ്പിക്കൈ ചുറ്റിവലി
ക്കുന്ന കാലത്തു
വാരിക്കുഴിയിലെൻ
കൊമ്പനെ
വീഴ്ത്തിയുയർത്തിയ
തന്ത്രമച്ഛൻ!
ഇമവെട്ടിയിന്നുമെ-
ന്നാത്മാവിലിടിവെട്ടി
ആന്ധ്യമകറ്റുമാകാശമച്ഛൻ!
എഴുന്നള്ളിക്കാനൊരു
കൊമ്പനും കൊമ്പന്റെ
മേലേയിരുത്താൻ തിടമ്പും
ഞാനെന്റെ മക്കൾക്കു
ഭാഗം കൊടുക്കവെ
ഞാനെന്റെയച്ഛനും
അച്ഛന്റെയച്ഛനും!
