എഫ്. ഐ. ആർ

വെള്ളവും തണുപ്പും പൊത്തിപ്പിടിച്ച്

ഐസുണ്ടാക്കുന്നു

ഒന്നിച്ചു ജീവിക്കാൻ സമ്മതിക്കില്ലെന്ന്

സൂര്യൻ വെല്ലുവിളിക്കുന്നു

അടച്ചുറപ്പുള്ള ഒരു മുറി

അനുവദിക്കണമേ എന്ന്

അന്റാർട്ടിക്കയുടെ കാലുപിടിക്കുന്നു

ചത്ത് നേരത്തോട് നേരം കഴിഞ്ഞ

മീനുകളുടെ കൂടെ ജോലിചെയ്യാൻ

വ്യവസ്ഥ നിർബന്ധിച്ച് പറഞ്ഞയക്കുന്നു

മരിച്ചവരുടെ മണം സഹിക്കവയ്യാതെ

പലയിടങ്ങളിലായ്

ഒടുക്കം വെയിലിൽ കെട്ടിത്തൂങ്ങുന്നു.