ഡുബായി
കേക്ക്ന്ന് ബെല്ല്യോറ്
എണിറ്റിറ്റ് വരും മിന്നെ
ബക്കിച്ചിയേട്ടി ഒണരും.
ബയ്യപ്പർത്തെ
വാതിൽ തുറന്ന്
മിറ്റത്തേക്കീയും
മിറ്റമടിക്കണം
കരക്ക ബെടിപ്പാക്കണം
കറക്കണം
പുല്ലരിയണം
എന്നിറ്റ് ബേണം
കണ്ടത്തില് പൂവാൻ.
മൊളനിപ്പാറമ്മന്ന്
നാല് കെട്ട് തോലരിയണം
ബരടി പറക്കണം
ഇട്ടിട്ടിപ്പൂളിനോട്
മാഞ്ഞാളംപറയണം
നന്ന തായിക്കുമ്പോ
പാറക്കുണ്ടിലെ
ബെള്ളം കുടിക്കണം!
വാതില് തൊറന്ന്
പൊറത്തേക്കീഞ്ഞതും
എരടീറ്റ് തല മതിലിനിടിച്ചു.
മൂന്ന് സെന്റ് വീടിന്
എന്ത് മിറ്റം?
എന്ത് കരക്ക?
കരക്കരയായല്ലോ ദേവറെ!
ഒരു പൊതിപ്പാട്
നെല്ലൊണങ്ങിയ മിറ്റം
ഓറെ നെഞ്മ്മന്ന് പിടച്ചു.
തയഞ്ഞ് പോയ
കുറ്റി മാച്ചിപോലെ
ബക്കിച്ചിയേട്ടി നിന്നു.
അപ്പോഴാണ്
വീട്ടകത്തുനിന്നും
കൊച്ചുമോന്റെ
ഒച്ച പൊങ്ങിയത്
‘‘ഗ്രാൻമാ… ഗ്രാൻമ
വേർ ആർ യൂ?
കം ഫാസ്റ്റ്
ലിറ്റിൽ ചാം ക്രയിംഗ് .’’
