അതൃപ്തരായ ആത്മാക്കൾ -11

കു​റേ​യ​ധി​കം സ​മ​യം ക​ള​ഞ്ഞ് ഏറെനാള​ത്തെ അ​ധ്വാ​നംകൊ​ണ്ട് അ​റി​യാ​ൻ ക​ഴി​ഞ്ഞ ഈ ​ര​ഹ​സ്യം ഡെ​ൽ​ഫി​യു​ടെ ജീ​വി​ത​ത്തി​ൽ എ​ന്തു​നേ​ട്ട​മാ​ണു​ണ്ടാ​ക്കി​യ​ത്. ജെ​ർ​സ​ൻ ഏ​താ​യാ​ലും ഈ ​അ​വ​സ്ഥ​യി​ലാ​യി. അ​നു​ഭ​വി​ക്കാ​നു​ള്ള​ത് മു​ഴു​വ​ൻ അ​നു​ഭ​വി​ച്ചു. ഈ ​ര​ഹ​സ്യ​മ​റി​ഞ്ഞ​തു​കൊ​ണ്ട് ഇ​തിനൊ​ക്കെ എ​ന്തെ​ങ്കി​ലും പ​രി​ഹാ​ര​മോ കു​റ​വോ ഉ​ണ്ടാ​ക്കാ​ൻ ക​ഴി​ഞ്ഞോ എ​ന്ന് അ​ൽ​പം പ​രി​ഹാ​സ​ത്തോ​ടെ ഞാ​ന​വ​രോ​ട് ചോ​ദി​ച്ചു.

പൊ​ലീ​സി​ൽ ഒ​രു പ​രാ​തി​കൊ​ടു​ത്താ​ലോ എ​ന്നാ​ണ് ഡെ​ൽ​ഫി ആ​ദ്യം ചി​ന്തി​ച്ച​ത്. കേ​സ് ജ​യി​ക്കു​മെ​ന്ന് യാ​തൊ​രു ഉ​റ​പ്പു​മി​ല്ല, പി​ന്നെ ഈ ​ര​ഹ​സ്യം ആ​രോ​ടും പ​റ​യി​ല്ലെ​ന്ന് റോ​യി​ക്ക് വാ​ക്കു​കൊ​ടു​ത്ത​ത് പാ​ലി​ക്ക​ണം. അ​തു​കൊ​ണ്ട് കേ​സു​കൊ​ടു​ക്കേ​ണ്ടെ​ന്ന് ഡെ​ൽ​ഫി ആ​ദ്യ​മേ തീ​രു​മാ​നി​ച്ചു. എ​ന്നാ​ൽ, പീ​റ്റ​​പ്പ​നോ​ട് എ​ങ്ങ​നെ​യും പ്ര​തി​കാ​രം ചെ​യ്തി​രി​ക്കു​മെ​ന്ന് ഡെ​ൽ​ഫി ര​ഹ​സ്യം അ​റി​ഞ്ഞ അ​ന്നേ തീ​രു​മാ​ന​മെ​ടു​ത്തി​രു​ന്ന​ത്രേ! കൈ​ത​വേ​ലി കു​ടും​ബ​ത്തി​ലെ ആ​രെ​യെ​ങ്കി​ലും കൊ​ല്ല​ണ​മെ​ന്നാ​ണ് ആ​ദ്യം ക​രു​തി​യ​തെ​ങ്കി​ലും പ്ര​ധാ​നി​യും സൂത്ര​ധാ​ര​നു​മാ​യ പീ​റ്റ​പ്പ​നാ​ണ് ശി​ക്ഷ​ക്ക് ഏ​റ്റ​വും അ​ർ​ഹ​ൻ എ​ന്ന് ഡെ​ൽ​ഫി​ക്ക് തോ​ന്നി.

ഒ​രാ​ളെ കൊ​ല്ലു​ക എ​ന്ന​ത് അ​ത്ര​ക്ക് നി​സ്സാ​ര​മാ​യ ഒ​രു സം​ഗ​തി​യ​ല്ലെ​ന്ന് അ​ന്നേ ഡെ​ൽ​ഫി​ക്ക് തോ​ന്നി​യി​രു​ന്നു. ത​യ്ക്കു​ന്ന​തി​നി​ട​യി​ലും വീ​ട്ടു​ജോ​ലി​ക​ൾ ചെ​യ്യു​മ്പോ​ളു​മൊ​ക്കെ ഡെ​ൽ​ഫി അ​തി​നു​ള്ള ഒ​രു മാ​ർ​ഗ​ത്തെ​ക്കു​റി​ച്ചാ​ലോ​ചി​ച്ച് ത​ല​പു​ക​ച്ചു​കൊ​ണ്ടി​രു​ന്നു. ഇ​നി ക​ഷ്ട​പ്പെ​ട്ട് പീ​റ്റ​പ്പ​നെ കൊ​ന്നാ​ൽ​ത​ന്നെ അ​ക്കാ​ര്യം ഒ​ളി​ച്ചു​വെ​ക്കാ​ൻ അ​തി​ലേ​റെ പ്ര​യാ​സ​മാ​യി​രി​ക്കു​മ​ല്ലോ; ഡെ​ൽ​ഫി​യെ ആ​ശ്ര​യി​ച്ചു​ക​ഴി​യു​ന്ന ജെ​ർ​സ​നെ​യും ബി​നോ​യി​യെ​യും അ​നാ​ഥ​രാ​ക്കി​ക്കൊ​ണ്ട് ജ​യി​ലി​ൽ പോ​യി കി​ട​ക്കാ​ൻവേ​ണ്ടി മാ​ത്രം ഒ​രു പ്ര​തി​കാ​രം ചെ​യ്യേ​ണ്ട​തു​ണ്ടോ എ​ന്ന് ഡെ​ൽ​ഫി ഓ​ർ​ത്തു. എ​ന്നാ​ൽ​പോ​ലും പീ​റ്റ​പ്പ​നെ വെ​റു​തെ​വി​ടു​ന്ന​തെ​ങ്ങ​നെ​യെ​ന്നാ​ലോ​ചി​ക്കു​മ്പോ​ൾ ഡെ​ൽ​ഫി​ക്ക് ഒ​രു മ​ന​സ്സമാ​ധാ​ന​വു​മു​ണ്ടാ​യി​രു​ന്നി​ല്ല അ​ക്കാ​ല​ത്ത്. അ​പ്പോ​ൾ മ​റ്റൊ​രു ചി​ന്ത ഡെ​ൽ​ഫി​യി​ലേ​ക്ക് വ​ന്നു. ജെ​ർ​സ​ന് അ​പ​ക​ടം പ​റ്റി​യ​തി​ന്റെ തി​ക്ത​ഫ​ല​ങ്ങ​ൾ മു​ഴു​വ​നും അ​നു​ഭ​വി​ക്കേ​ണ്ടി​വ​ന്ന​ത് ഡെ​ൽ​ഫി​യും ബി​നോ​യി​യു​മാ​യി​രു​ന്ന​ല്ലോ. അ​ങ്ങ​നെ​യാ​ണെ​ങ്കി​ൽ പീ​റ്റ​പ്പ​നും ഭാ​ര്യ​യും മ​ക്ക​ളു​മു​ള്ള​ത​​ല്ലേ. അ​വ​രു​ടെ കാ​ര്യ​വും ഓ​ർ​ക്കേ​ണ്ട​ത​ല്ലേ.

ആ​ലോ​ചി​ച്ചി​ട്ട് ഒ​രെ​ത്തുംപി​ടി​യും കി​ട്ടാ​താ​യ​പ്പോ​ൾ ഡെ​ൽ​ഫി ഉ​പ​ദേ​ശ​ത്തി​നു​വേ​ണ്ടി റോ​യി​യെ വി​ളി​ച്ചു. അ​ന്ന് ഞാ​നു​മാ​യി ഫോ​ൺ​വി​ളി​യു​ണ്ടാ​യി​രു​ന്നെ​ങ്കി​ൽ എ​ന്നെ​യും ഉ​പ​ദേ​ശം ചോ​ദി​ച്ച് വി​ളി​ക്കു​മാ​യി​രു​ന്നേ​നെ എ​ന്ന് ഡെ​ൽ​ഫി ഇ​തി​നി​ട​യി​ൽ പ​റ​ഞ്ഞു.

അ​ന്ന് ആ​ദ്യ​മാ​യി ഡെ​ൽ​ഫി റോ​യി​യു​ടെ ഫോ​ണി​ലേ​ക്ക് വി​ളി​ച്ച​ത് അ​യാ​ൾ​ക്ക് എ​ന്തു​കൊ​ണ്ടും ആ​ഹ്ലാ​ദ​ത്തി​നും പ്ര​തീ​ക്ഷ​ക്കും വ​ഴി​യു​ള്ള ഒ​ന്നാ​യി​രു​ന്നു. എ​ന്നാ​ൽ, പീറ്റ​പ്പ​നെ കൊ​ല്ലാ​നു​ള്ള ഒ​രു​പ​ദേ​ശ​ത്തി​നോ നീ​ക്ക​ത്തി​നോ റോ​യി ത​യാ​റ​ല്ലെ​ന്ന് അ​യാ​ൾ ഡെ​ൽ​ഫി​യോ​ട് തീ​ർ​ത്തു​പ​റ​ഞ്ഞു. എ​ന്നാ​ൽ, റോ​യി ഒ​രു ചെ​റി​യ വ​ഴി തു​റ​ന്നു​കൊ​ടു​ത്തു.

ഡെ​ൽ​ഫി പീ​റ്റ​പ്പ​ന്റെ ഭാ​ര്യ​യെ​ക്കു​റി​ച്ചോ​ർ​ത്ത് ഉ​ത്ക​ണ്ഠ​യും സ​ഹ​താപ​വും പ്ര​ക​ടി​പ്പി​ച്ച​തി​നാ​ൽ മാ​ത്ര​മാ​ണ് റോ​യി​ക്ക​ങ്ങ​നെ​യൊ​രു ചി​ന്ത​യു​ണ്ടാ​യ​തെ​ന്ന് അ​യാ​ൾ പ​റ​യു​ക​യും ചെ​യ്തു. അ​ൽ​ഫോ​ൺ​സ​യെ​ന്നാ​ണ് പീ​റ്റ​പ്പ​ന്റെ കെ​ട്ടി​യ​വ​ളു​ടെ പേ​ര്. അ​വ​ർ പീ​റ്റ​പ്പ​നു​മാ​യി ന​ല്ല ഒ​രു ബ​ന്ധ​ത്തി​ല​ല്ല​ത്രേ ക​ഴി​യു​ന്ന​ത്. അ​വ​രു​മാ​യി സൗ​ഹൃ​ദ​മു​ണ്ടാ​ക്കി​യാ​ൽ ഡെ​ൽ​ഫി​ക്ക് ഒ​രു തീ​രു​മാ​ന​ത്തി​ലെ​ത്താ​ൻ ക​ഴി​ഞ്ഞേ​ക്കും എ​ന്നു​പ​റ​ഞ്ഞ് റോ​യി അ​ൽ​ഫോ​ൺ​സയു​ടെ ഫോ​ൺ​ന​മ്പ​ർ ഡെ​ൽ​ഫി​ക്ക് കൊ​ടു​ത്തു.

അ​ന്നും സം​ഭാ​ഷ​ണ​ത്തി​നി​ട​ക്ക് റോ​യി അ​വ​ർ​ക്കി​ട​യി​ലു​ണ്ടാ​ക്കി​യി​രു​ന്ന ക​രാ​റി​നെ​ക്കു​റി​ച്ച് ഡെ​ൽ​ഫി​യെ ഓ​ർ​മി​പ്പി​ച്ചു. അ​ത് കേ​ട്ട​താ​യി ഭാ​വി​ക്കാ​തെ അ​വ​ർ ഫോ​ൺ ക​ട്ട് ചെ​യ്തു. ആ ​വാ​ക്ക് പാ​ലി​ക്കാ​ൻ ഡെ​ൽ​ഫി ഏ​താ​യാ​ലും തീ​രു​മാ​നി​ച്ചി​രു​ന്നി​ല്ല​ത്രെ!

റോ​യി അ​ന്ന് ഫോ​ൺ​ന​മ്പ​ർ കൊ​ടു​ക്കു​ന്ന​തി​ന് മു​മ്പേ ഡെ​ൽ​ഫിക്ക് അ​ൽ​ഫോ​ൺ​സ​യെ അ​റി​യാം. മ​ഞ്ഞ​ൾ​പോ​ലെ നി​റ​മു​ള്ള മെ​ലി​ഞ്ഞ് സു​ന്ദ​രി​യാ​യ ഒ​രു പാ​വം സ്ത്രീ​യാ​ണ​വ​ർ. ദുഃ​ഖി​ത​യാ​യ ഒ​രു വി​ധ​വ​യു​ടെ ഭാ​വ​മാ​ണ് അ​ൽ​ഫോ​ൺ​സ​ക്കെ​ന്ന് പ​ള്ളി​യി​ലും മ​റ്റും വെ​ച്ച് അ​വ​രെ ക​ണ്ട​പ്പോ​ളൊ​ക്കെ ഡെ​ൽ​ഫി​ക്ക് തോ​ന്നാ​റു​ണ്ട്. ത​ല​കു​നി​ച്ച്, തോ​ൾ​വ​ഴി സാ​രി​ത്ത​ല​പ്പ് പു​ത​ച്ച് വ​ള​രെ സാ​വ​ധാ​ന​മാ​ണ് അ​വ​ർ എ​പ്പോ​ളും ന​ട​ക്കു​ന്ന​ത്. ഈ​ർ​പ്പം ത​ങ്ങി​നി​ൽ​ക്കു​ന്ന അ​വ​രു​ടെ ക​ണ്ണു​ക​ൾ കാ​ണു​മ്പോ​ൾ തൊ​ട്ടു​മു​മ്പ് അ​വ​ർ ക​ര​ഞ്ഞി​രു​ന്നു എ​ന്ന് തോ​ന്നി​പ്പോ​കാ​റു​ണ്ട് ഡെ​ൽ​ഫി​ക്ക്. അ​ൽ​ഫോ​ൺ​സ ആ​രോ​ടും അ​ധി​കം വ​ർ​ത്ത​മാ​നം പ​റ​യു​ന്ന​തും ഡെ​ൽ​ഫി ക​ണ്ടി​ട്ടി​ല്ല.

ഡെ​ൽ​ഫി ഇ​പ്പോ​ൾ ക​ഥ പ​റ​യു​ന്ന​തി​ൽ ശ്ര​ദ്ധ​യൂ​ന്നി കാ​ര്യ​മാ​ത്ര​പ്ര​സ​ക്ത​മാ​യി സം​സാ​രി​ക്കു​ന്നു എ​ന്നെ​നി​ക്ക് തോ​ന്നി. ക​ഥ​യു​മാ​യി ബ​ന്ധ​മി​ല്ലാ​ത്ത വി​ചി​ത്ര​വും കൗ​തു​ക​ക​ര​വു​മാ​യ അ​വ​രു​ടെ വി​ശേ​ഷ​ങ്ങ​ൾ ഞാ​നി​ഷ്ട​പ്പെ​ട്ടു​തു​ട​ങ്ങി​യി​രു​ന്നു. ക​ഥ മു​ന്നോ​ട്ടു​പോ​കാ​ൻ അ​തു​മാ​ത്രം മ​തി​യാ​കി​ല്ല​ല്ലോ.

ന​ല്ല നോ​വ​ലു​ക​ളു​ടെ ല​ക്ഷ​ണം​ത​ന്നെ അ​വ വെ​റും ക​ഥപ​റ​ച്ചി​ൽ മാ​ത്ര​മ​ല്ല എ​ന്ന​ത​ല്ലേ. ചി​ല അ​ധ്യാ​യ​ങ്ങ​ൾ വാ​യി​ച്ചി​ല്ലെ​ങ്കി​ലും ക​ഥ​യു​ണ്ടെ​ങ്കി​ൽ (അ​ങ്ങ​നെ​യൊ​ന്ന് നി​ർ​ബ​ന്ധ​മ​ല്ല​ല്ലോ) അ​തി​ന്റെ തു​ട​ർ​ച്ച ന​ഷ്ട​പ്പെ​ടാ​റി​ല്ലെ​ന്ന് പ​റ​യാ​റു​മു​ണ്ട്. മ​ല​യാ​ള​ത്തി​ലെ ജ​ന​പ്രി​യ പൈ​ങ്കി​ളി സീ​രി​യ​ലു​ക​ളും അ​ങ്ങ​നെ​യാ​ണ്. ചി​ല എ​പ്പി​സോ​ഡു​ക​ൾ ക​ണ്ടി​ല്ലെ​ങ്കി​ലും പ്ര​ധാ​ന ക​ഥ​യു​ടെ തു​ട​ർ​ച്ച ന​ഷ്ട​പ്പെ​ടി​ല്ല. സീ​രി​യ​ലു​ക​ളി​ലേ​ത് ബാ​ലി​ശ​മാ​യ അ​തി​വൈ​കാ​രി​ക​ത​യു​ടെ ആ​വ​ർ​ത്ത​ന​മാ​ണെ​ന്ന് മാ​ത്രം. ഒ​രൊ​റ്റ സീ​രി​യ​ലു​​പോ​ലും കാ​ണാ​ത്ത അ​പൂ​ർ​വം സ്ത്രീ​ക​ളി​ലൊ​രാ​ളാ​ണ് ഡെ​ൽ​ഫി.

പി​റ്റേ​ന്ന് ജോ​ലി​യെ​ല്ലാ​മൊ​തു​ക്കി​ക്ക​ഴി​ഞ്ഞ് ഡെ​ൽ​ഫി അ​ൽ​ഫോ​ൺ​സ​യെ ഫോ​ണി​ൽ വി​ളി​ച്ചു. ജെ​ർ​സ​ൻ ആ ​നേ​ര​ത്ത് ശാ​ന്ത​മാ​യു​റ​ങ്ങു​ക​യാ​യി​രു​ന്നു. അ​ൽ​ഫോ​ൺ​സ ത​ന്നെ​യാ​ണ് ഫോ​ണെ​ടു​ത്ത​ത്. ഹ​ലോ എ​ന്ന് കേ​ട്ട​പ്പോ​ൾ​ത​ന്നെ മൂല​മ്പി​ള്ളി​യി​ൽ​നി​ന്ന് ഡെ​ൽ​ഫി​യാ​ണെ​ന്ന​വ​ർ പ​റ​ഞ്ഞു. അ​തേ​താ​യാ​ലും ബു​ദ്ധി​യാ​യി​രു​ന്നു എ​ന്ന് ഡെ​ൽ​ഫി പ​റ​യു​ന്നു. അ​ത് കേ​ട്ട​പ്പോ​ൾ അ​ൽ​ഫോ​ൺ​സ​ക്ക് ആ​ളെ മ​ന​സ്സി​ലാ​യി. എ​ന്തി​നാ​ണ് വി​ളി​ച്ച​തെ​ന്ന് അ​ൽ​ഫോ​ൺ​സ ചോ​ദി​ച്ചു. ന​മ്പ​ർ മാ​റി​പ്പോ​യ​താ​ണ്, വേ​റെ ഒ​രാ​ളെ വി​ളി​ച്ച​താ​ണ് താ​ൻ എ​ന്ന് ഡെ​ൽ​ഫി ക​ള​വു​പ​റ​ഞ്ഞു. ഉ​ട​നെ അ​ൽ​ഫോ​ൺ​സ പ​റ​ഞ്ഞ​ത്രേ, ഫോ​ൺ ക​ട്ട് ചെ​യ്യ​ല്ലേ. എ​നി​ക്ക് ചി​ല​ത് ചോ​ദി​ക്കാ​നു​ണ്ട് എ​ന്ന്. അ​വ​ർ സ്വ​യം പ​രി​ച​യ​പ്പെ​ടു​ത്തി. ജെ​ർ​സ​നി​പ്പോ​ൾ എ​ങ്ങ​നെ​യു​ണ്ട്. ആ​ള് സു​ഖ​മാ​യി​രി​ക്കു​ന്നോ? എ​ന്നാ​ണ് അ​ൽ​ഫോ​ൺ​സ ആ​ദ്യം ചോ​ദി​ച്ച​ത്. അ​ത് കേ​ട്ട് ഡെ​ൽ​ഫി അ​ത്ഭു​ത​പ്പെ​ട്ടു​പോ​യ​ത്രേ! ഇ​ത്ര​വേ​ഗം അ​ങ്ങ​നെ​യൊ​ന്ന് അ​വ​ർ പ്ര​തീ​ക്ഷി​ച്ചി​രു​ന്നി​ല്ല​ല്ലോ.

ഡെ​ൽ​ഫി ജെ​ർ​സ​ന്റെ അ​വ​സ്ഥ വി​ശ​ദീ​ക​രി​ച്ചു​ പ​റ​ഞ്ഞു. അ​തു​കേ​ട്ട് അ​ൽ​ഫോ​ൺ​സ​ക്ക് സ​ങ്ക​ടമു​ണ്ടാ​യി എ​ന്ന് ഡെ​ൽ​ഫി​ക്ക് മ​ന​സ്സി​ലാ​യി.

ഒ​രേ ഇ​ട​വ​ക​ക്കാ​രാ​ണെ​ങ്കി​ലും ആ​ദ്യ​മാ​യാ​ണ് ഇ​രു​വ​രും ത​മ്മി​ൽ വ​ർ​ത്ത​മാ​നം പ​റ​യു​ന്ന​ത്. അ​തും ഫോ​ണി​ൽ. അ​ൽ​ഫോ​ൺ​സ​യൊ​ക്കെ തെ​ക്കും​ഭാ​ഗ​ത്തും ഡെ​ൽ​ഫി​യൊ​ക്കെ വ​ട​ക്കേ അ​റ്റ​ത്തു​മു​ള്ള​വ​രാ​ണ​ത്രേ. ക​ണ്ടെ​യ്ന​ർ റോ​ഡ് ഇ​പ്പോ​ള​വ​രെ വി​ഭ​ജി​ച്ചും ക​ഴി​ഞ്ഞി​രി​ക്കു​ന്നു.

പി​റ്റേ​ന്ന് ഉ​ച്ച​ക്ക് അ​ത്യാ​വ​ശ്യ​മു​ള്ള ഒ​രു തു​ണി ത​യ്ച്ചു​കൊ​ണ്ടി​രി​ക്കു​മ്പോ​ളാ​ണ് ഡെ​ൽ​ഫി​ക്ക് അ​ൽഫോ​ൺ​സ​യു​ടെ വി​ളിവ​രു​ന്ന​ത്. ഡെ​ൽ​ഫി​ക്ക് വീ​ണ്ടും അ​ത്ഭുത​മു​ണ്ടാ​യി. ഇ​ന്ന​ലെ ചി​ല പ്ര​ധാ​ന​പ്പെ​ട്ട കാ​ര്യ​ങ്ങ​ൾ ചോ​ദി​ക്കാ​ൻ അ​വ​ർ മ​റ​ന്നു​പോ​യി. ജെ​ർ​സ​ന് അ​പ​ക​ടം പ​റ്റി​യ​തി​നു​ശേ​ഷം ഡെ​ൽ​ഫി​യും മ​ക​നും എ​ങ്ങ​നെ​യാ​ണ് ജീ​വി​ക്കു​ന്ന​തെ​ന്ന് അ​വ​ർ​ക്കറി​യി​ല്ല​ത്രേ.

അ​ന്ന് ഡെ​ൽ​ഫി എ​ല്ലാം വി​ശ​ദ​മാ​യി​ട്ട​വ​രോ​ട് പ​റ​ഞ്ഞു. ഒ​രു​പാ​ടു​ കാ​ല​മാ​യി പ​രി​ച​യ​മു​ള്ള ഒ​രു കൂ​ട്ടു​കാ​രി​യെ​പ്പോ​ലെ അ​ൽ​ഫോ​ൺ​സ മി​ക്ക​പ്പോ​ളും ഡെ​ൽ​ഫി​യെ വി​ളി​ക്കും. പീ​റ്റ​പ്പ​ൻ കാ​ണാ​തെ​യും അ​റി​യാ​തെ​യു​മാ​ണ് വി​ളി​ക്കു​ന്ന​തെ​ന്ന് അ​വ​ർ പ്ര​ത്യേ​കം പ​റ​ഞ്ഞു. അ​ൽ​ഫോ​ൺ​സ അ​വ​രു​ടെ ജീ​വി​തം ഡെ​ൽ​ഫി​യോ​ട് പ​റ​ഞ്ഞു; ഏ​താ​ണ്ട് മു​ഴു​വ​നാ​യി​ത്ത​ന്നെ. അ​ത് വി​സ്ത​രി​ച്ചി​വി​ടെ എ​ഴു​താ​നാ​ണെ​ങ്കി​ൽ പേ​ജു​ക​ൾ കു​റേ​യ​ധി​കം വേ​ണ്ടി​വ​രും. ഏ​റ്റ​വും ചു​രു​ക്കി ഞാ​ന​തി​വി​ടെ എ​ഴു​താ​ൻ ശ്ര​മി​ക്കാം.

വ​ർ​ഷ​ങ്ങ​ൾ​ക്കു​മു​മ്പ് പീ​റ്റ​പ്പ​നും മ​റ്റു​ള്ള​വ​രും പ​റ​ഞ്ഞ് അ​ൽ​ഫോ​ൺ​സ കേ​ട്ടി​രു​ന്നു; ഡാ​ലി​യെ കെ​ട്ട​ണ​മെ​ന്നു​പ​റ​ഞ്ഞ് ജെ​ർ​സ​ൻ പി​റ​കെ ന​ട​ന്ന് അ​വ​ളെ ശ​ല്യം ചെ​യ്തി​രു​ന്ന കാ​ര്യം. അ​തി​നു​ശേ​ഷ​മാ​ണ് ര​ണ്ടു​ വീ​ട്ടു​കാ​രും ത​മ്മി​ൽ ക​ല​ഹ​ങ്ങ​ളു​ണ്ടാ​യി പീ​റ്റ​പ്പ​ൻ റാ​ൻ​സ​ന്റെ കു​ത്തു​കൊ​ണ്ട് വ​യ​റു​കീ​റി ആ​ശു​പ​ത്രി​യി​ൽ കി​ട​ന്ന് നര​കി​ച്ച​തും​ ഒ​ടു​വി​ൽ ക്രി​സ്റ്റ​ഫ​റി​ന്റെ മ​ര​ണ​ത്തി​ൽ ക​ലാ​ശി​ച്ച​തും.

അ​ക്കാ​ല​ത്ത് പീ​റ്റ​പ്പ​നെ ശു​ശ്രൂ​ഷി​ക്കാ​ൻ അ​ൽ​ഫോ​ൺ​സ ഒ​രു​പാ​ട് ക​ഷ്ട​പ്പെ​ട്ടി​രു​ന്നു. വി​വാ​ഹം ക​ഴി​ച്ചു​വ​ന്ന കാ​ലം മു​ത​ൽ ഒ​രു​ദി​വ​സംപോ​ലും പീ​റ്റ​പ്പ​ൻ അ​ൽ​ഫോ​ൺ​സ​ക്ക് സ​മാ​ധാ​ന​വും സ​ന്തോ​ഷ​വും കൊ​ടു​ത്തി​ട്ടി​ല്ല. എന്നും മൂ​ക്ക​റ്റം മ​ദ്യ​പി​ച്ചാ​ണ് അ​യാ​ൾ വീ​ട്ടി​ലെ​ത്തു​ക. വ​ന്നു​ക​യ​റി​യാ​ൽ അ​യാ​ൾ പ​റ​യും: ഉ​പ്പി​ൽ വേ​ക​ണ ക​റി, ത​ന്ത​ക്ക് ജ​നി​ക്കു​ന്ന മ​ക്ക​ൾ, ചെ​മ്മീ​ൻ ചാ​ടി​യാ​ൽ മു​ട്ടോ​ളം പി​ന്നേം ചാ​ടി​യാ​ൽ ച​ട്ടി​യോ​ളം.

ക്രി​സ്റ്റ​ഫ​റി​ന് മൂ​ല​മ്പി​ള്ളി​യി​ൽ ഉ​ണ്ടാ​യി​രു​ന്ന വ​ലി​യ പ​ന്നി​​ ഫാം അ​യാ​ളു​ടെ മ​ര​ണ​ത്തി​നു​ശേ​ഷം​ പീ​റ്റ​പ്പ​നാ​ണ് ഏ​റ്റെ​ടു​ത്ത് ന​ട​ത്തി​ക്കൊ​ണ്ടു​പോ​കു​ന്ന​ത്. ഹോ​ട്ട​ലു​ക​ളി​ൽ​നി​ന്ന് പെ​ട്ടി ഓ​ട്ടോ​റി​ക്ഷ​ക​ളി​ൽ അ​യാ​ൾ​ത​ന്നെ പോ​യി എ​ടു​ത്തു​കൊ​ണ്ടു​വ​രു​ന്ന വേ​സ്റ്റ് തീ​റ്റ​യാ​യി കൊ​ടു​ത്താ​ണ് പീ​റ്റ​പ്പ​ൻ പ​ന്നി​ക​ളെ വ​ള​ർ​ത്തു​ന്ന​ത്. അ​ക്കാ​ര​ണ​ത്താ​ൽ ബി​സി​ന​സി​ൽ അ​യാ​ൾ​ക്ക് ന​ല്ല ലാ​ഭം കി​ട്ടി​യി​രു​ന്നു. പു​ഴ​യോ​ര​ത്താ​യി​രു​ന്നു ഫാം ​എ​ന്ന​തി​നാ​ൽ വേ​സ്റ്റ് ക​ള​യാ​നും കൂ​ട് വൃ​ത്തി​യാ​ക്കാ​നും പീ​റ്റ​പ്പ​ന് എ​ളു​പ്പ​മാ​യി​രു​ന്നു.

ക​ഠി​നാ​ധ്വാ​നി​യാ​യ പീ​റ്റ​പ്പ​ന്റെ സ​മ്പ​ത്തി​നൊ​പ്പം അ​യാ​ളു​ടെ ദു​ശ്ശീ​ല​ങ്ങ​ളും പ​ന്നി​ക​ളെ​പ്പോ​ലെ പെ​രു​കു​ക​യും കൊ​ഴു​ക്കു​ക​യും ചെ​യ്തു എ​ന്ന് ഡെ​ൽ​ഫി സാ​ഹി​ത്യ​ഭാ​ഷ​യി​ൽ​ത​ന്നെ എ​ന്നോ​ട് പ​റ​ഞ്ഞു. ആ​ളു​ക​ളു​മാ​യി സ്ഥി​ര​മാ​യി അ​യാ​ൾ വ​ഴ​ക്കു​കൂ​ടും. അ​ന്യ​സ്ത്രീ​ക​ൾ​ക്കു​വേ​ണ്ടി അ​യാ​ൾ ധാ​രാ​ളം പ​ണം ചെ​ല​വ​ഴി​ക്കും. പ​ല​വ​ഴി​ക്കും അ​ൽ​ഫോ​ൺ​സ പീ​റ്റ​പ്പ​നെ​ക്കു​റി​ച്ചു​ള്ള ക​ഥ​ക​ളെ​ല്ലാം അ​റി​യു​ന്നു​ണ്ടാ​യി​രു​ന്നെ​ങ്കി​ലും ഒ​രി​ക്ക​ലും അ​വ​ർ അ​യാ​ളെ എ​തി​ർ​ക്കു​ക​യോ വ​ഴ​ക്കി​ന് ചെ​ല്ലു​ക​യോ ചെ​യ്തി​ല്ല. പ​ല​ത​വ​ണ അ​ൽ​ഫോ​ൺ​സ മ​നം​നൊ​ന്ത് ആ​ത്മ​ഹ​ത്യ​ക്ക് ശ്ര​മി​ച്ചി​രു​ന്നു. ഒ​രു​ത​വ​ണ കു​പ്പി​യോ​ടെ മ​ണ്ണെ​ണ്ണ എ​ടു​ത്ത് വാ​യി​േ​ല​ക്ക് ക​മ​ഴ്ത്തി; ര​ണ്ടു​മൂ​ന്നു ത​വ​ണ ഉ​റ​ക്ക​ഗു​ളി​ക​ക​ൾ വാ​രി​വി​ഴു​ങ്ങി; ഒ​രു​പ്രാ​വ​ശ്യം ക​യ​ർ ക​ഴു​ത്തി​ൽ കു​രു​ക്കി​ട്ട് തൂ​ങ്ങി. അ​വി​ശ്വ​സ​നീ​യ​മെ​ന്ന് പ​റ​യും ആ​രു​ കേ​ട്ടാ​ലും എ​ന്ന് അ​ൽ​ഫോ​ൺ​സ​ത​ന്നെ പ​റ​ഞ്ഞ​ത്രേ. എ​ല്ലാ​യ്പോ​ളും അ​വ​ർ മ​ര​ണ​ത്തി​ൽ​നി​ന്ന് ക​ഷ്ടി​ച്ച് ര​ക്ഷ​പ്പെ​ട്ടു​പോ​ന്നു. അ​തി​ന്റെ​യൊ​ക്കെ അ​ന​ന്ത​ര​ഫ​ല​മാ​യി അ​ൽ​ഫോ​ൺ​സ ഒ​രു രോ​ഗി​യാ​യി​ത്തീ​ർ​ന്നി​രി​ക്കു​ന്നു ഇ​പ്പോ​ൾ.

വെ​ളു​ത്ത് ന​ല്ല ഉ​യ​ര​വും ആ​രോ​ഗ്യ​വു​മു​ള്ള പീ​റ്റ​പ്പ​ൻ സു​ന്ദ​ര​നാ​ണെ​ന്ന് ഡെ​ൽ​ഫി പ​റ​യു​ന്നു. അ​യാ​ളെ ഡെ​ൽ​ഫി ഒ​രു​പാ​ട് ത​വ​ണ ക​ണ്ടി​ട്ടു​ണ്ട്. അ​പ്പോ​ളൊ​ക്കെ അ​യാ​ൾ ഡെ​ൽ​ഫി​യെ കാ​ണാ​ത്ത​മ​ട്ട് പോ​ക​ാറാ​ണ് പ​തി​വ്. അ​ൽ​ഫോ​ൺ​സ​ക്ക് ര​ണ്ടു പെ​ൺ​മ​ക്ക​ളാ​ണു​ള്ള​ത്. മൂ​ത്ത മ​ക​ളു​ടെ വി​വാ​ഹം ക​ഴി​ഞ്ഞു. അ​വ​ൾ ഒ​രു പെ​ൺ​കു​ഞ്ഞി​നെ​യാ​ണ് പ്ര​സ​വി​ച്ച​ത്. അ​ത് കേ​ട്ട​പ്പോ​ൾ​ത​ന്നെ പീ​റ്റ​പ്പ​ന് ദേ​ഷ്യം വ​ന്ന​ത്രേ. ഒ​രു​ത​വ​ണപോ​ലും അ​യാ​ൾ ആ ​കു​ഞ്ഞി​നെ ത​ന്റെ കൈ​യി​ലെ​ടു​ക്കു​ക​യോ ലാ​ളി​ക്കു​ക​യോ ചെ​യ്തി​ല്ല.

ജോ​ലി​ക്കെ​ന്ന് പ​റ​ഞ്ഞ് പ​ന്നി​ ഫാ​മി​ൽ മൂ​ന്നാ​ല് സു​ന്ദ​രി​ക​ളാ​യ ഹി​ന്ദി​ക്കാ​രി പെ​ണ്ണു​ങ്ങ​ളെ കൊ​ണ്ടു​വ​ന്ന് അ​യാ​ൾ താ​മ​സി​പ്പി​ച്ചി​ട്ടു​ണ്ട​ത്രെ. ആ ​പെ​ണ്ണു​ങ്ങ​ളു​മാ​യൊ​ക്കെ പീ​റ്റ​പ്പ​ന് വ​ഴി​വി​ട്ട ബ​ന്ധ​മു​ണ്ടെ​ന്ന് എ​ല്ലാ​വ​രും പ​റ​യു​ന്നു. ലോ​കം മു​ഴു​വ​ൻ പെ​ണ്ണു​ങ്ങ​ളെ വേ​ട്ട​യാ​ടി​ ന​ട​ക്കു​ന്ന ആ ​പ​ന്നി​ക്ക് സ്വ​ന്തം പേ​ര​ക്കി​ടാ​വ് പെ​ണ്ണാ​യ​ത് ഇ​ഷ്ട​പ്പെ​ട്ടി​ല്ല എ​ന്നു​പ​റ​ഞ്ഞ​പ്പോ​ൾ അ​ൽ​ഫോ​ൺ​സ അ​വ​രു​ടെ പ​ല്ലു​ക​ൾ ദേ​ഷ്യം​കൊ​ണ്ട് ഞെ​രി​ച്ച​ത് ഡെ​ൽ​ഫി ഫോ​ണി​ലൂ​ടെ കേ​ട്ടെ​ന്ന് എ​ന്നോ​ട് പ​റ​ഞ്ഞു അ​ന്ന്.

അ​ൽ​ഫോ​ൺ​സ​യു​ടെ ക​ഥ​ക​ൾ​കൂ​ടി കേ​ട്ട​തോ​ടെ പീ​റ്റ​പ്പ​നോ​ടു​ള്ള ഡെ​ൽ​ഫി​യു​ടെ വെ​റു​പ്പ് ഇ​ര​ട്ടി​യാ​യി. അ​യാ​ൾ ചാ​കേ​ണ്ട​തു​ത​ന്നെ, അ​യാ​ളെ കൊ​ല്ലേ​ണ്ട​തു​ത​ന്നെ എ​ന്ന് ഡെ​ൽ​ഫി ഉ​റ​പ്പി​ച്ചു.

പീ​റ്റ​പ്പ​ൻ ജെ​ർ​സ​നെ കൊ​ല്ലാ​ൻ ​ക്വ​ട്ടേ​ഷ​ൻ കൊ​ടു​ത്ത​തു​പോ​ലെ അ​യാ​ളെ കൊ​ല്ലാ​നും ആ​ർ​ക്കെ​ങ്കി​ലും ക്വ​ട്ടേ​ഷ​ൻ കൊ​ടു​ത്താ​ലോ എ​ന്നാ​ണ് ഡെ​ൽ​ഫി ആ​ദ്യം ചി​ന്തി​ച്ച​ത്. കു​റ​ച്ച് പ​ണം മു​ട​ക്കി​യാ​ൽ, അ​ല്ലെ​ങ്കി​ൽ കു​റ​ച്ച​ധി​കം പ​ണം ചെ​ല​വാ​ക്കി​യാ​ൽ സം​ഗ​തി എ​ളു​പ്പ​മ​ല്ലേ. ത​ന്നെ​പ്പോ​ലൊ​രു പെ​ണ്ണ് ഇ​ത്ത​രം ഇ​ട​പാ​ടു​ക​ൾ​ക്ക് നി​ന്നാ​ൽ ഭാ​വി​യി​ല​ത് ബാ​ധ്യ​ത​യാ​യേ​ക്കും. പ​ദ്ധ​തി​യെ​ങ്ങാ​നും പാ​ളി​​​പ്പോ​യാ​ൽ അ​തും പ്ര​ശ്ന​മ​ല്ലേ എ​ന്നൊ​ക്കെ വി​ചാ​രി​ച്ച് ഡെൽ​ഫി അ​ത് വേ​ണ്ടെ​ന്നു​വെ​ച്ചു.

പീ​റ്റ​പ്പ​നാ​ണ് സ്വ​ന്തം ​അ​പ്പ​നെ അ​പാ​യ​പ്പെ​ടു​ത്താ​ൻ ക്വ​ട്ടേ​ഷ​ൻ കൊ​ടു​ത്ത​തെ​ന്ന് ബി​നോ​യി​യോ​ട് പ​റ​ഞ്ഞാ​ലോ എ​ന്നാ​ണ് ഡെ​ൽ​ഫി പി​ന്നെ ആ​ലോ​ചി​ച്ച​ത്. അ​വ​ൻ ചെ​റു​പ്പ​മാ​ണ്. ജെ​ർ​സ​നെ​പ്പോ​ലെ അ​വ​നും ന​ല്ല ത​ണ്ടും ത​ടി​യു​മു​ണ്ട്. ഒ​രു​പാ​ട് കൂ​ട്ടു​കാ​രു​മു​ണ്ട്. ബി​നോ​യി​ക്ക് എ​ളു​പ്പ​ത്തി​ൽ അ​വ​ന്റെ അ​പ്പ​നു​മ​മ്മ​ക്കും വേ​ണ്ടി പ്ര​തി​കാ​രം ചെ​യ്യാ​ൻ ക​ഴി​യും. എ​ന്നാ​ൽ, എ​ന്തൊ​രു വി​ഡ്ഢി​ത്ത​മാ​ണ് താ​ൻ ആ​ലോ​ചി​ച്ചു​കൂ​ട്ടു​ന്ന​തെ​ന്ന് തൊ​ട്ട​ടു​ത്ത നി​മി​ഷം​ത​ന്നെ ഡെ​ൽ​ഫി​ക്ക് വീ​ണ്ടു​വി​ചാ​ര​മു​ണ്ടാ​യി. സ്വ​ന്തം മ​ക​ന്റെ ഭാ​വി ഒ​രു പ്ര​തി​കാ​രം തീ​ർ​ക്കാ​ൻ​വേ​ണ്ടി തു​ല​ച്ചു​ക​ള​യാ​നു​ള്ള​താ​ണോ? മു​ന്നും പി​ന്നും നോ​ക്കാ​തെ എ​ടു​ത്തു​ചാ​ടി എ​ന്തു സാ​ഹ​സ​വും കാ​ണി​ക്കു​ന്ന പ്രാ​യ​മാ​ണ് ബി​നോ​യി​യു​ടേ​ത്. ഒ​രു കൊ​ല​പാ​ത​കം ന​ട​ത്തേ​ണ്ട​ത് എ​ത്ര ബു​ദ്ധി​പൂ​ർ​വം ആ​സൂ​ത്ര​ണം ന​ട​ത്തി പ​ഴു​തു​ക​ള​ട​ച്ചാ​യി​രി​ക്ക​ണം. ബി​നോ​യി​യു​ടെ പ്രാ​യത്തി​ൽ അ​വ​ൻ അ​ങ്ങ​നെ മു​ന്നാ​ലോ​ച​ന​ക​ൾ ന​ട​ത്തി​ല്ല എ​ന്നു​റ​പ്പാ​ണ്. അ​വ​ൻ ആ ​കൊ​ല​പാ​ത​ക​ത്തി​ന്റെ പേ​രി​ൽ ജ​യി​ലി​ലാ​യാ​ൽ അ​തോ​ടെ അ​വ​ന്റെ ജീ​വി​തം കൂ​ടു​ത​ൽ നി​രാ​ശ​യി​ലാ​കും.

അ​ൽ​ഫോ​ൺ​സ​യു​ടെ ക​ഥ​ക​ൾകൂ​ടി ഡെ​ൽ​ഫി പ​റ​ഞ്ഞ​തോ​ടെ പീ​റ്റ​പ്പ​നോ​ട് എ​നി​ക്കും വെ​റു​പ്പു​തോ​ന്നി. എ​ന്നി​ട്ട​യാ​ളെ ഡെ​ൽ​ഫി കൊ​ന്നോ. അ​ല്ലെ​ങ്കി​ൽ ആ​രെ​ക്കൊ​ണ്ടെ​ങ്കി​ലും കൊ​ല്ലി​ച്ചോ? എ​ന്ന് ഞാ​ൻ ഡെ​ൽ​ഫി​യോ​ട് ചോ​ദി​ച്ചു. ആ ​ര​ഹ​സ്യം അ​റി​യാ​ൻ എ​നി​ക്ക് ധി​റു​തി​യാ​യി സ​ത്യ​ത്തി​ൽ. ആ ​നേ​ര​ത്ത് ഫോ​ണി​ൽ ജെ​ർ​സ​ന്റെ അ​ല​ർ​ച്ച​യും തെ​റി​യും ബ​ഹ​ള​വും ഞാ​ൻ കേ​ട്ടു. മി​ക്ക​പ്പോ​ഴും സം​സാ​ര​ത്തി​നി​ട​ക്ക് ഞാ​ന​ത് കേ​ൾ​ക്കാ​റു​ള്ള​താ​ണ്. ഞാ​ൻ വെക്കട്ടെ. പി​ന്നെ വി​ളി​ക്കാം. ജെ​ർ​സ​ൻ ബ​ഹ​ളംവെ​ക്കു​ന്നു എ​ന്നു​പ​റ​ഞ്ഞ് ഡെ​ൽ​ഫി ഫോ​ൺ ക​ട്ട് ചെ​യ്തു.

അ​ടു​ത്ത​ത​വ​ണ വി​ളി​ച്ച​പ്പോ​ൾ ഡെ​ൽ​ഫി പ​റ​ഞ്ഞു, ജെ​ർ​സ​ൻ ഈ​യി​ടെ​യാ​യി കൂ​ടു​ത​ൽ വ​യ​ല​ന്റാ​കു​ന്നു​ണ്ട്. ഇ​ട​ക്ക് ഫി​റ്റ്സും വ​രു​ന്നു. ജെ​ർ​സ​ന് ഗ്ലാ​സി​ൽ ചാ​യ​യോ വെ​ള്ള​മോ കൊ​ടു​ത്താ​ൽ കു​ടി​ച്ചു​ക​ഴി​യു​മ്പോ​ൾ​ത​ന്നെ നോ​ക്കി​നി​ന്ന് ആ ​ഗ്ലാ​സ് തി​രി​കെ വാ​ങ്ങി​ക്കൊ​ള്ള​ണം. അ​ല്ലെ​ങ്കി​ൽ ജെ​ർ​സ​ൻ അ​ത് ദൂ​രേ​ക്ക് വ​ലി​ച്ചെ​റി​ഞ്ഞു​ക​ള​യും. വീ​ട്ടി​ലു​ള്ള പ​ല​തും പ​ല​പ്പോ​ളാ​യി ജെ​ർ​സ​ൻ വ​ലി​ച്ചെ​റി​ഞ്ഞി​ട്ടു​ണ്ട്. ക​ഴി​ഞ്ഞത​വ​ണ വി​ളി​ച്ചു​കൊ​ണ്ടി​രു​ന്ന​പ്പോ​ൾ കേ​ട്ട​തും അ​താ​ണ്.

ശ​രി​ക്ക് പ​റ​ഞ്ഞാ​ൽ അ​പ്പോ​ളാ​ണ് ഡെ​ൽ​ഫി അ​ക്കാ​ല​ത്ത് ന​ട​ന്ന മ​റ്റൊ​രു പ്ര​ധാ​ന​പ്പെ​ട്ട സം​ഭ​വം ഓ​ർ​ത്ത​ത്. അ​ന്ന് കൈ​ത​വേ​ലി​ക്കാ​രോ​ട് പ്ര​തി​കാ​രം ചെ​യ്യാ​ൻ വ​ഴി​യൊ​ന്നും കാ​ണു​ന്നി​ല്ല​ല്ലോ എ​ന്നോ​ർ​ത്ത് വി​ഷ​മി​ച്ചി​രി​ക്കു​ന്ന സ​മ​യ​ത്താ​ണ് മ​റ്റൊ​രു ദുഃ​ഖ​ക​ര​മാ​യ സം​ഭ​വ​മു​ണ്ടാ​യ​ത്.

ക​ല്യാ​ണം ക​ഴി​ഞ്ഞ് ഡെ​ൽ​ഫി​യെ അ​വ​രു​ടെ വീ​ട്ടി​ൽ​നി​ന്ന് ഉ​ടു​പ്പും അ​ല​മാ​ര​യു​മൊ​ക്കെ​യാ​യി കൂ​ട്ടി​ക്കൊ​ണ്ടു​വ​ന്ന സ​മ​യ​ത്ത് അ​വ​ർ ഒ​പ്പം കൊ​ണ്ടു​വ​ന്ന ഒ​രു തി​രു​ഹൃ​ദ​യ​ത്തി​​െന്റ രൂ​പം വീ​ട്ടി​ലു​ണ്ടാ​യി​രു​ന്നു. മു​മ്പ് ജെ​ർ​സ​ൻ സ്നാനം മുങ്ങിവന്നതിനു ശേഷം മുറ്റത്തിട്ടു തീയിടാൻ ​ശ്രമിച്ചപ്പോൾ ഡെൽഫിയെ​ടു​ത്ത് സൂ​ക്ഷി​ച്ചു​വെ​ച്ചി​രു​ന്ന ആ ​രൂ​പം ജെ​ർ​സ​ന് അ​പ​ക​ടം സം​ഭ​വി​ച്ച​തി​നുശേ​ഷ​മാ​ണ് ന​ട​യി​ൽ എ​ടു​ത്ത് പ്ര​തി​ഷ്ഠി​ച്ച​ത്. ഭ​യ​ങ്ക​ര​മാ​യ സ​ഹ​ന​ങ്ങ​ൾ ഉ​ണ്ടാ​കു​മ്പോ​ൾ ഡെ​ൽ​ഫി ആ ​രൂ​പ​ത്തി​ലേ​ക്ക് ഏ​റെ​നേ​രം നോ​ക്കി​നി​ൽ​ക്കും. ആ ​നേ​ര​ത്ത് ക​ർ​ത്താ​വ് ത​ന്നെ ആ​ശ്വ​സി​പ്പി​ക്കു​ന്ന​താ​യി ഡെ​ൽ​ഫി​ക്ക് തോ​ന്നു​മാ​യി​രു​ന്ന​ത്രേ!

വീ​ട്ടി​ലെ എ​ന്തെ​ങ്കി​ലു​മൊ​ക്കെ ജെ​ർ​സ​ൻ എ​ടു​ത്തെ​റി​യു​മ്പോ​ൾ ഡെ​ൽ​ഫി രൂ​പ​ത്തി​ൽ നോ​ക്കി പ​റ​യു​മാ​യി​രു​ന്നു. ദേ... ​നോ​ക്കീം ക​ണ്ടു​മൊ​ക്കെ​യി​രു​ന്നോ. ജെ​ർ​സ​ൻ ആ​ള് പി​ശ​കാ​ണ്. വ​ലി​ച്ചെ​റി​ഞ്ഞ് പൊ​ട്ടി​ച്ചെ​ന്നൊ​രു പ​രാ​തി എ​ന്നോ​ട് പ​റ​യാ​ൻ പാ​ടി​ല്ല എ​ന്ന്. ത​മാ​ശ​ക്ക് പ​റ​ഞ്ഞു​കൊ​ണ്ടി​രു​ന്ന് ഒ​ടു​വി​ല​തു​ത​ന്നെ സം​ഭ​വി​ച്ച​ത്രെ. ജെ​ർ​സ​ൻ ആ ​രൂ​പം എ​ടു​ത്തെ​റി​ഞ്ഞ് പൊ​ട്ടി​ച്ചു​ക​ള​ഞ്ഞു. അ​വ​ര​ത് ഒ​ട്ടും പ്ര​തീ​ക്ഷി​ച്ചി​ല്ല​ത്രേ! അ​യാ​ളു​ടെ കൈ​യെ​ത്താ​ത്തി​ട​ത്ത് ആ ​രൂ​പം എ​ടു​ത്തു​വെ​ക്കേ​ണ്ട​താ​യി​രു​ന്നു എ​ന്നോ​ർ​ത്ത് ഡെ​ൽ​ഫി അ​ന്ന് ഒ​രു​പാ​ട് സ​ങ്ക​ട​പ്പെ​ട്ടു.

ഏ​തോ വ​ലി​യ ആ​പ​ത്ത് ത​നി​ക്ക് വ​രാ​ൻ പോ​കു​ന്നെ​ന്ന് ഡെ​ൽ​ഫി ഭ​യ​ന്നു. പീ​റ്റ​പ്പ​നെ കൊ​ല്ല​ണ​മെ​ന്ന തീ​രു​മാ​ന​മെ​ടു​ക്കാ​ൻ ക​ഴി​യാ​ത്ത​തി​ന്റെ മ​നോ​വി​ഷ​മ​ത്തി​ലാ​യി​രു​ന്ന ഡെ​ൽ​ഫി അ​ന്ന് ഈ ​സം​ഭ​വ​ത്തോ​ടെ വി​ഷാ​ദ​രോ​ഗ​ത്തി​ലേ​ക്ക് വീ​ണ്ടും വീ​ണു. എ​ന്നാ​ൽ, എ​ല്ലാ​യ്പോ​ളു​മെ​ന്ന​തു​പോ​ലെ ര​ണ്ടേ ര​ണ്ടു ദി​വ​സ​ത്തി​ന​കം അ​വ​ർ ത​ന്റെ ഡി​പ്ര​ഷ​ൻ മാ​റ്റാ​നു​ള്ള വ​ഴി ക​ണ്ടെ​ത്തു​ക​യും ചെ​യ്തു.

ഇ​ത്ത​വ​ണ ഡെ​ൽ​ഫി അ​തി​നാ​യി ആ​ശ്ര​യി​ച്ച​ത് ആ​ല​പ്പു​ഴ​യി​ലെ കൃ​പാ​സ​നം മാ​താ​വി​നെ​യാ​ണ്. കൃ​പാ​സ​ന​ത്തി​ൽ ജൊ​സ്ഫീ​ന​യ​ട​ക്കം പ​ല​രും പോ​കാ​റു​ണ്ട്. എ​ന്നാ​ൽ, ഡെ​ൽ​ഫി​യെ ആ ​പ്ര​തി​സ​ന്ധി​യി​ൽ അ​വി​ടേ​ക്ക് ആ ​സ​മ​യ​ത്ത് പ​റ​ഞ്ഞു​വി​ട്ട​ത് മി​നി​യാ​ണ്. കൃ​പാ​സ​ന​ത്തി​ൽ സ്ഥി​ര​മാ​യി​ട്ട് പോ​കാ​ൻ തു​ട​ങ്ങി​യ​തി​നു​ശേ​ഷം മി​നി​ക്ക് ഒ​രു പ്ര​ത്യേ​ക വ​രം കി​ട്ടി​യ​ത്രേ! മൂ​ല​മ്പി​ള്ളി​യി​ൽ മ​ര​ണ​പ്പെ​ടു​ന്ന​വ​രു​ടെ ആ​ത്മാ​ക്ക​ൾ അ​വ​ർ​ക്കു​വേ​ണ്ടി പ്രാ​ർ​ഥി​ക്ക​ണ​മെ​ന്ന് സ്വ​പ്ന​ത്തി​ൽ മി​നി​യോ​ട് വ​ന്നു​ പ​റ​യാ​ൻ തു​ട​ങ്ങി​യ​ത്രേ. മി​നി ആ​ത്മാ​ക്ക​ളെ പ്രാ​ർ​ഥ​ന​കൊ​ണ്ട് സ​ഹാ​യി​ക്കു​ക​യും സാ​ന്ത്വ​നി​പ്പി​ക്കു​ക​യും ചെ​യ്യാ​റു​ണ്ട്.

വി​ശു​ദ്ധ ജെ​ർ​ത്രൂ​ദി​ന്റെ ഒ​രു പ്ര​ാർ​ഥ​ന​യു​ണ്ട്. ആ ​പ്രാ​ർ​ഥ​ന ചൊ​ല്ലി​യാ​ൽ ഒ​രൊ​റ്റ​ത്ത​വ​ണ​കൊ​ണ്ട് ആ​യി​രം ആ​ത്മാ​ക്ക​ൾ ര​ക്ഷ​പ്പെ​ടു​മെ​ന്നാ​ണ് പ​റ​യു​ന്ന​ത്. അ​ച്ച​ൻ കു​ർ​ബാ​ന​മ​ധ്യേ അ​ൾ​ത്താ​ര​യി​ൽ പ​രി​ക​ർ​മം ചെ​യ്യു​മ്പോ​ൾ അ​വി​ടെ സം​ഭ​വി​ക്കു​ന്ന​തെ​ന്താ​ണെ​ന്ന് അ​റി​യ​ാമോ എ​ന്ന് ഡെ​ൽ​ഫി എ​ന്നോ​ട് ചോ​ദി​ച്ചു. എനി​ക്ക​റി​യി​ല്ലാ​യി​രു​ന്നു. പു​രോ​ഹി​ത​ൻ ഉ​യ​ർ​ത്തി​വാ​ഴ്ത്തു​ന്ന അ​പ്പ​വും വീ​ഞ്ഞും ശ​രി​ക്കും ര​ക്ത​വും മാം​സ​വും ആ​കു​ക​യാ​ണ് ചെ​യ്യു​ന്ന​ത്. ഓ​രോ കു​ർ​ബാ​ന​ക്കും വീ​ഞ്ഞ് ര​ക്ത​മാ​കും. ആ ​ര​ക്ത​ത്തെ പ്ര​തി​ശു​ദ്ധീ​ക​ര​ണ സ്ഥ​ല​ത്ത് മോ​ക്ഷം തേ​ടു​ന്ന കു​റ​ച്ച് ആ​ത്മാ​ക്ക​ളെ ര​ക്ഷി​ക്കാ​ൻ ക​ഴി​യും. അ​ൾ​ത്താ​ര​യി​ൽ അ​ച്ച​ൻ കാ​സ​യു​മാ​യി നി​ൽ​ക്കു​ന്ന സ്ഥ​ല​ത്തി​നും വി​ശ്വാ​സി​ക​ൾ​ക്കു​മി​ട​യി​ൽ എ​പ്പോ​ളും കു​റ​ച്ച് സ്ഥ​ലം ഒ​ഴി​ച്ചി​ട്ടി​ട്ടു​ണ്ടാ​കും. അ​വി​ടെ​യാ​ണ് ആ​ത്മാ​ക്ക​ൾ ര​ക്ത​മാ​യി മാ​റു​ന്ന വീ​ഞ്ഞ് പ​ങ്കു​പ​റ്റാ​ൻ തി​ക്കി​ത്തി​ര​ക്കി നി​ൽ​ക്കു​ന്ന​ത്.

പാ​പ​ബ​ന്ധ​നം​കൊ​ണ്ട് ശു​ദ്ധീ​ക​ര​ണ സ്ഥ​ല​ത്തു​നി​ന്ന് ന​മു​ക്ക് ദൈ​വ​ത്തെ കാ​ണാ​ൻ ക​ഴി​യാ​തെ വ​രും. പ്ര​ധാ​ന​മാ​യും ആ ​സ​ങ്ക​ട​മാ​ണ് ഓ​രോ ആ​ത്മാ​വും അ​വി​ടെ കി​ട​ന്ന് അ​നു​ഭ​വി​ക്കു​ന്ന​തും. ദൈ​വ​ത്തെ കാ​ണ​ണം, കാ​ണ​ണം, കാ​ണ​ണം​ എ​ന്ന ചി​ന്ത ഓ​രോ നി​മി​ഷ​വും അ​വ​രെ ഉ​മി​ത്തീ​യി​ലെ​ന്ന​ മ​ട്ട് അ​ല​ട്ടി​ക്കൊ​ണ്ടി​രി​ക്കും. ജീ​വി​ച്ചി​രി​ക്കെ പാ​പം ചെ​യ്തി​ല്ലാ​യി​രു​ന്നെ​ങ്കി​ൽ എ​നി​ക്കി​പ്പോ​ൾ ദൈ​വ​ത്തെ കാ​ണാ​മാ​യി​രു​ന്നു എ​ന്നോ​ർ​ത്ത് ദുഃ​ഖി​ക്കും.

ഇ​തൊ​ക്കെ ആ​രു​പ​റ​ഞ്ഞാ​ണ് അ​റി​ഞ്ഞി​രു​ന്ന​ത് എ​ന്ന് ഞാ​ൻ ഇ​തി​നി​ട​യി​ൽ ഡെ​ൽ​ഫി​യോ​ട് ചോ​ദി​ച്ചു. കു​റേ​യൊ​ക്കെ ഡെ​ൽ​ഫി​ക്ക​റി​യാ​മാ​യി​രു​ന്നു. എ​ന്നാ​ൽ, യൂ​ട്യൂ​ബി​ൽ ഇ​തി​ന്റെ​യൊ​ക്കെ വി​വ​ര​ണ​ങ്ങ​ൾ കി​ട്ടു​മ​ത്രെ. ആ​ലീ​സ് ഫ്രാ​ൻ​സി​സ് എ​ന്ന് സെ​ർ​ച്ച് ചെ​യ്താ​ൽ കു​റേ വി​വ​ര​ങ്ങ​ൾ കി​ട്ടും.

അ​തു​കേ​ട്ട് ഞാൻ ഡെ​ൽ​ഫി​യോ​ട് പ​റ​ഞ്ഞു, ഞാ​ൻ ക​രു​തി​യ​ത് ഇ​തൊ​ക്കെ നാ​ട്ടി​ൻ​പു​റ​ത്തു​ള്ള ആ​ളു​ക​ൾ​ക്കി​ട​യി​ൽ മാ​ത്ര​മ​ുള്ള വി​ശ്വാ​സ​ങ്ങ​ളെ​ക്കു​റി​ച്ച് അ​വ​രി​ൽ​നി​ന്ന് കേ​ട്ട​റി​ഞ്ഞ​താ​ണെ​ന്നാ​ണ്. യൂ​ട്യൂ​ബി​ലും ഗൂ​ഗി​ളി​ലും സെ​ർ​ച്ച് ചെ​യ്താ​ൽ കി​ട്ടു​ന്ന​ത് നോ​വ​ലി​ൽ എ​ഴു​താ​ൻ ക​ഴി​യി​ല്ല എ​ന്ന് ഞാ​ൻ ഡെ​ൽ​ഫി​യെ ഓ​ർ​മി​പ്പി​ച്ചു. അ​ത് ശ​രി​യാ​യ രീ​തി​യ​ല്ല. എ​ഴു​തിപ്പോ​യ​ത് ഏ​താ​യാ​ലും കി​ട​ക്ക​ട്ടെ. ഇ​നി ഇ​ത്ത​രം വി​വ​ര​ങ്ങ​ൾ പ​റ​യു​മ്പോ​ൾ ചു​രു​ങ്ങി​യ​പ​ക്ഷം എ​ന്നോ​ട് മു​മ്പേ സൂ​ചി​പ്പി​ക്കു​ക​യെ​ങ്കി​ലും വേ​ണ​മെ​ന്ന് ഞാ​ൻ ഡെ​ൽ​ഫി​യോ​ട് പ​റ​ഞ്ഞു.

മി​നി ആ​ത്മാ​ക്ക​ൾ​ക്കു​വേ​ണ്ടി പ്രാ​ർ​ഥി​ക്കു​മാ​യി​രു​ന്നെ​ന്ന് പ​റ​ഞ്ഞ​ല്ലോ. ഒ​രു​ദി​വ​സം അ​വ​രു​ടെ അ​യ​ൽ​വാ​സി​യാ​യ ഒ​രു യു​വാ​വ് മൂ​ല​മ്പി​ള്ളി​യി​ൽ​നി​ന്ന് പി​ഴ​ല​ക്കു​ പോ​കു​ന്ന ക​ട​ത്തി​ന്റെ​യ​ടു​ത്ത് വെ​ള്ള​ത്തി​ൽ വീ​ണ് മ​രി​ച്ചു. അ​വ​ന്റെ ആ​ത്മാ​വ് അ​തി​ന​ടു​ത്ത ദി​വ​സ​ങ്ങ​ളി​ലൊ​ക്കെ രാ​ത്രി​യി​ൽ മി​നി​യു​ടെ അ​ടു​ത്തു​വ​ന്ന് അ​വ​നു​വേ​ണ്ടി പ്രാ​ർ​ഥി​ക്ക​ണ​മെ​ന്ന് പ​റ​ഞ്ഞ് യാ​ചി​ക്കാ​ൻ തു​ട​ങ്ങി. അ​വ​ന്റെ ശ​ല്യം തീ​രെ സ​ഹി​ക്കാ​ൻ ക​ഴി​യു​ന്നു​ണ്ടാ​യി​രു​ന്നി​ല്ല മി​നി​ക്ക്. മി​നി ഇ​ക്കാ​ര്യം ഡെ​ൽ​ഫി​യോ​ട് വ​ന്ന് പ​റ​ഞ്ഞു. എ​ന്നി​ട്ട് മി​നി എ​ന്താ​ണ് അ​വ​നു​വേ​ണ്ടി പ്രാ​ർ​ഥി​ക്കാ​ത്ത​ത് എ​ന്ന് ഡെ​ൽ​ഫി അ​വ​രോ​ട് ചോ​ദി​ച്ചു. കു​റ​ച്ചു​ദി​വ​സം ക​ഴി​യ​ട്ടെ ഡെ​ൽ​ഫീ എ​ന്ന് മി​നി പ​റ​ഞ്ഞു. കാ​ര​ണ​മെ​ന്താ​ണെ​ന്നോ, അ​വ​ൻ അ​വ​ന്റെ അ​പ്പ​നെ​യും അ​മ്മ​യെ​യും ഒ​രു​പാ​ട് ഉ​പ​ദ്ര​വി​ക്കു​മാ​യി​രു​ന്നു. ക​റി​ക്ക​ത്തി​യു​മാ​യി അ​വ​ൻ ആ ​സാ​ധു​ക്ക​ളെ കു​ത്താ​ൻ ഓ​ടി​ച്ചി​ടു​മാ​യി​രു​ന്നു. വീ​ട്ടി​ലെ മു​ഖം​നോ​ക്കു​ന്ന ക​ണ്ണാ​ടി​യി​ൽ കു​റേ​നേ​രം നോ​ക്കി​നി​ന്ന് വ​ർ​ത്ത​മാ​നം പ​റ​ഞ്ഞി​ട്ട് ഒ​ടു​വി​ൽ ക​ണ്ണാ​ടി​യി​ലി​ട്ട​വ​ൻ ഒ​രൊ​റ്റ ഇ​ടി​കൊ​ടു​ക്കും. ക​ണ്ണാ​ടി പൊ​ട്ടി​ച്ചി​ത​റും. അ​താ​യി​രു​ന്നു അ​വ​ന്റെ പ്ര​ധാ​ന വി​നോ​ദം. അ​ത​ു​കൊ​ണ്ടാണ് ശു​ദ്ധീ​ക​ര​ണ സ്ഥ​ല​ത്ത് കി​ട​ന്ന് അ​വ​ൻ കു​റേ അ​നു​ഭ​വി​ക്ക​ട്ടെ എ​ന്ന് മി​നി പ​റ​യു​ന്ന​ത്.

കെ.​എ​സ്.​ആ​ർ.​ടി.​സി ബ​സി​ൽ ഒ​റ്റ​ക്കാ​ണ് ഡെ​ൽ​ഫി കൃ​പാ​സ​ന​ത്തി​ലേ​ക്ക് പോ​യ​ത്. അ​തി​ന് മു​ന്നി​ൽ​ത​ന്നെ ബ​സി​ന് സ്റ്റോ​പ്പു​മു​ണ്ട്. ബ​സ് അ​വി​ടെ നി​ർ​ത്തി​യ​പ്പോ​ൾ യാ​ത്ര​ക്കാ​ർ ഭൂ​രി​ഭാ​ഗം പേ​രും അ​വി​ടെ ഇ​റ​ങ്ങു​ന്ന​ത് ക​ണ്ട​പ്പോ​ൾ​ത​ന്നെ ഡെ​ൽ​ഫി​യു​ടെ ഉ​ള്ളം കോ​രി​ത്ത​രി​ച്ചു​പോ​യി.

പി​ന്നെ​യ​ങ്ങോ​ട്ട് കൃ​പാ​സ​ന​ത്തെ​ക്കു​റി​ച്ചു​ള്ള ഡെ​ൽ​ഫി​യു​ടെ ദീ​ർ​ഘ​മാ​യ വി​വ​ര​ണ​മാ​യി​രു​ന്നു. ഇ​വി​ടെ ഞാ​നെ​ഴു​തു​ന്ന​തി​നേ​ക്കാ​ൾ പ​ത്തി​ര​ട്ടി ഡെ​ൽ​ഫി എ​ന്നോ​ട് പ​റ​ഞ്ഞി​ട്ടു​ണ്ട്. ശ​രി​ക്കും ഞാ​നാ​ സ​മ​യ​ങ്ങ​ളി​ൽ വ​ല്ലാ​തെ ബോ​റ​ടി​ക്കു​ക​യും ചെ​യ്തി​രു​ന്നു.

കൃ​പാ​സ​ന​ത്തെ​ക്കു​റി​ച്ച് ഞാ​നും ഒ​രു​പാ​ട് കേ​ട്ടി​രു​ന്നു അ​ക്കാ​ല​ത്തു​ത​ന്നെ. കൃ​പാ​സ​നം പ​ത്രം ഒ​ട്ടു​മി​ക്ക ക്രി​സ്ത്യ​ൻ ഭ​വ​ന​ങ്ങ​ളി​ലും കാ​ണു​ക​യും ചെ​യ്തി​രു​ന്നു. കൃ​പാ​സ​ന​മാ​താ​വി​ലു​ള്ള വി​ശ്വാ​സം ഡെ​ൽ​ഫി​യെ വ​ല്ലാ​തെ സ്വാ​ധീ​നി​ച്ചു അ​ന്ന്. മാ​താ​വി​നെ ര​ണ്ടു​ത​വ​ണ നേ​രി​ൽ ക​ണ്ടി​ട്ടു​ണ്ടെ​ന്ന് ഉ​റ​പ്പി​ച്ചു​പ​റ​ഞ്ഞ ഒ​രാ​ളെ ആ​യി​ട​ക്ക് ഞാ​ൻ പോ​ഞ്ഞി​ക്ക​ര​യി​ൽ​വെ​ച്ച് നേ​രി​ട്ട് ക​ണ്ടു.

കൃ​പാ​സ​ന​ത്തി​ലേ​ത് സ​ഞ്ചാ​രി​യാ​യ മാ​താ​വ​ാണെ​ന്നാ​ണ് ഡെ​ൽ​ഫി പ​റ​യു​ന്ന​ത്. 2004ൽ ​ഭീ​ക​ര​മാ​യ സൂനാ​മി ഉ​ണ്ടാ​കു​ന്ന​തി​ന് തൊ​ട്ടു​മു​മ്പാ​ണ് സ​ഞ്ച​രി​ച്ച് സ​ഞ്ച​രി​ച്ച് മാ​താ​വ് ആ​ല​പ്പു​ഴ​യി​ലെ കൃപാ​സ​നം അ​ച്ച​ന് മു​ന്നി​ൽ ആ​ദ്യ​മാ​യി പ്ര​ത്യ​ക്ഷ​പ്പെ​ടു​ന്ന​ത്. അ​ന്ന് അ​ച്ച​ന്റെ​യൊ​പ്പ​മു​ണ്ടാ​യി​രു​ന്ന ഒ​രു സ്ത്രീ​ക്കും മാ​താ​വി​നെ നേ​രി​ട്ട് കാ​ണാ​നു​ള്ള ഭാ​ഗ്യ​മു​ണ്ടാ​യി.

ചാ​ര​നി​റ​ത്തി​ലു​ള്ള ഒ​രു വ​സ്ത്ര​മാ​ണ് മാ​താ​വ് അ​ണി​ഞ്ഞി​രു​ന്ന​തെ​ന്നും മാ​താ​വി​ന്റെ ഹൃ​ദ​യ​ഭാ​ഗ​ത്താ​യി ഒ​രു ക്ലോ​ക്ക് മാ​താ​വ് ചേ​ർ​ത്തുപി​ടി​ച്ചി​രു​ന്നെ​ന്നും അ​ച്ച​നും ക​ന്യാ​സ്​​ത്രീ​യും സാ​ക്ഷ്യ​പ്പെ​ടു​ത്തു​ന്നു.

കൃ​പാ​സ​ന​ത്തി​ൽ ചെ​ന്ന ആ​ദ്യ​ദി​വ​സം ത​ന്നെ ഡെ​ൽ​ഫി​ക്ക് ഉ​റ​വി​ട​മെ​വി​ടെ​നി​ന്നെ​ന്ന​റി​യാ​ത്ത മു​ല്ല​പ്പൂ​വി​ന്റെ സ്വ​ർ​ഗീ​യ​സു​ഗ​ന്ധം കി​ട്ടി​യി​രു​ന്നു. അ​ന്ന് പ്രാ​ർ​ഥ​നാ​ഹാ​ളി​ൽ​ മാ​താ​വി​ന് മു​ന്നി​ൽ ഇ​ളം​നീ​ല​സാ​രി ത​ല​വ​ഴി പു​ത​ച്ച് കൈ​യി​ൽ കാ​പ്പി​ക്ക​ള​റി​ലു​ള്ള കൊ​ന്ത​യും വ​ള​ച്ചി​ട്ടു​കൊ​ണ്ട് ഡെ​ൽ​ഫി പ്രാ​ർ​ഥി​ക്കു​മ്പോ​ൾ അ​വു​ടെ അ​ടു​ത്തി​രു​ന്ന ഒ​രു ആ​ൺ​കു​ട്ടി ഡെ​ൽ​ഫി​യെ ചൂ​ണ്ടി​ക്കാ​ട്ടി​യി​ട്ട് അ​വ​ന്റെ അ​മ്മ​യോ​ട് ദേ... ​ആ ചേ​ച്ചി മാ​താ​വി​നെ​പ്പോ​ലെ​യി​രി​ക്കു​ന്നെ​ന്ന് പ​റ​യു​ന്ന​ത് ഡെ​ൽ​ഫി കേ​ട്ടി​രു​ന്നു. ആ ​അ​മ്മ ഡെ​ൽ​ഫി​യെ​ത്ത​ന്നെ സൂ​ക്ഷി​ച്ച് നോ​ക്കി​യ​പ്പോ​ൾ ഡെ​ൽ​ഫി​ക്ക് സ​ന്തോ​ഷ​മ​ല്ല ദുഃ​ഖ​മാ​ണു​ണ്ടാ​യ​ത്. മാ​താ​വ് എ​ന്നൊ​ക്കെ പ​റ​യാ​നു​ള്ള യോ​ഗ്യ​ത​യൊ​ന്നും ത​നി​ക്കി​ല്ലെ​ന്ന് ഡെ​ൽ​ഫി​ക്ക​റി​യാം. അ​തു​കൊ​ണ്ടു​ത​ന്നെ അ​വ​ർ ഗ​മ​കാ​ണി​ച്ച് നി​വ​ർ​ന്നി​രി​ക്കാ​തെ വ​ള​ഞ്ഞു​കൂ​ടി ത​ല​താ​ഴ്ത്തി​യി​രു​ന്നു; ഇ​നി ലോ​ക​ത്തൊ​രാ​ളും ത​ന്നെ മാ​താ​വാ​ണെ​ന്ന് തെ​റ്റി​ദ്ധ​രി​ക്ക​രു​തെ​ന്ന് വി​ചാ​രി​ച്ചു​കൊ​ണ്ട്.

ന​മു​ക്ക് എ​ന്തെ​ങ്കി​ലും ആ​വ​ശ്യ​ങ്ങ​ൾ സാ​ധി​ക്കാ​നു​ണ്ടെ​ങ്കി​ൽ അ​ത് ഇ​ത്ര ദി​വ​സ​ത്തി​നു​ള്ളി​ൽ സാ​ധി​ച്ചു​ത​ര​ണ​മെ​ന്ന് അ​പേ​ക്ഷി​ക്ക​ണം. തീ​ർ​ച്ച​യാ​യും മാ​താ​വ് അ​ത് നി​റ​വേ​റ്റി​ത്ത​രും. കൃ​പാ​സ​ന​ത്തി​ലേ​ത് സ​മ​യ​ത്തെ ക്ര​മീ​ക​രി​ക്കു​ന്ന മാ​താ​വാ​ണ്. അ​വി​ടെ അ​നു​ദി​നം സം​ഭ​വി​ച്ചു​കൊ​ണ്ടി​രു​ന്ന അ​ത്ഭുത​ങ്ങ​ളു​ടെ സാ​ക്ഷ്യ​ങ്ങ​ൾ കേ​ട്ട് ഡെ​ൽ​ഫി അ​ക്കാ​ല​ത്ത് പ​ല​പ്പോ​ഴും അ​റി​യാ​തെ നി​ല​വി​ളി​ച്ചു​പോ​യി​രു​ന്ന​ത്രെ. കൃ​പാ​സ​നം പ​ത്രം തു​റ​ന്നാ​ൽ എ​ണ്ണ​മ​റ്റ സാ​ക്ഷ്യ​ങ്ങ​ൾ, യൂ​ട്യൂ​ബ് നോ​ക്കി​യാ​ൽ അ​വി​ടെ​യും അ​നേ​കം സാ​ക്ഷ്യ​ങ്ങ​ൾ...

അ​തി​രാ​വി​ലെ ചി​ല വീ​ഡി​യോ​ക​ൾ ക​ണ്ട് നി​ല​വി​ളി​ച്ചു​പോ​കു​മ്പോ​ൾ ഡെ​ൽ​ഫി മാ​താ​വി​നോ​ട് ചോ​ദി​ക്കു​മാ​യി​രു​ന്നു, ബാ​ക്കി​യു​ള്ള​വ​നെ കാ​ല​ത്തേ ക​ര​യി​പ്പി​ക്കാ​ൻ കാ​ല​ത്തേ ഓ​രോ സാ​ക്ഷ്യ​ങ്ങ​ൾ ത​രി​ക​യാ​ണ​ല്ലോ മാ​താ​വേ എ​ന്ന്.

കൃ​പാ​സ​ന​ത്തി​ൽ ചെ​ല്ലു​ന്ന​വ​ർ​ക്ക് ലോ​ക്ക​റ്റ്, തൈ​ലം, ഉ​പ്പ്, ഉ​ട​മ്പ​ടി പ​ത്രം എ​ന്നി​വ​യൊ​ക്കെ കൈ​യി​ൽ കൊ​ടു​ത്തു​വി​ടും. ഒ​രി​ക്ക​ലും ന​മു​ക്ക് സാ​ധി​ക്കാ​ൻ ക​ഴി​യി​ല്ലെ​ന്ന് ക​രു​തു​ന്ന കാ​ര്യ​ങ്ങ​ളാ​ണ് ഉ​ട​മ്പ​ടി​യി​ലൂ​ടെ ല​ഭി​ക്കു​ന്ന​ത്. തൊ​ണ്ണൂ​റ് ദി​വ​സ​മാ​ണ് ഉ​ട​മ്പ​ടി​യു​ടെ കാ​ലാ​വ​ധി. ഉ​ട​മ്പ​ടി പ​ത്ര​ത്തി​ൽ ന​മ്മു​ടെ ആ​റ് ആ​വ​ശ്യ​ങ്ങ​ൾ ക്ര​മ​മാ​യി എ​ഴു​താം. അ​വി​ട​ന്ന് ന​മ്മോ​ട് പ​ക​ര​മാ​യി ആ​റ് ഉ​ട​മ്പ​ടി​ക​ൾ നി​ർ​ദേ​ശി​ക്കും.

അ​ച്ച​നു​മാ​യു​ള്ള​ത​ല്ല, മ​നു​ഷ്യ​നും ദൈ​വ​വും​ ത​മ്മി​ലു​ള്ളതാ​ണ് ഈ ​ഉ​ട​മ്പ​ടി. പ​ണ്ട് മോ​ശ​യും ഇ​സ്രാ​യേ​ൽ ജ​ന​ത​യും ത​മ്മി​ൽ ഉ​ണ്ടാ​ക്കി​യ​തു​പോ​ലെ. വാ​ഗ്ദാ​ന​ത്തി​ന്റെ പേ​ട​ക​മാ​യ മാ​ത​ാവാ​ണ​ത് സാ​ധി​ച്ചു​ത​രു​ന്ന​തെ​ന്നുമാ​ത്രം.

രോ​ഗി​ക​ളെ സ​ന്ദ​ർ​ശി​ക്ക​ണം, ദു​ശ്ശീ​ല​ങ്ങ​ൾ ഒ​ഴി​വാ​ക്ക​ണം, വ​ഴ​ക്കു​ക​ൾ അ​വ​സാ​നി​പ്പി​ക്ക​ണം, പാ​വ​പ്പെ​ട്ട​വ​ർ​ക്ക് ഭ​ക്ഷ​ണ​വും വ​സ്ത്ര​വും​ കൊ​ടു​ക്ക​ണം, നി​ർ​ദേ​ശി​ക്ക​പ്പെ​ട്ട പ്രാ​ർ​ഥ​ന​ക​ൾ വെ​ളു​പ്പി​നും രാ​ത്രി​യി​ലും ചൊ​ല്ല​ണം, നേ​ർ​ച്ച​ക്ക​ട​ങ്ങ​ൾ വീ​ട്ട​ണം ഇ​വ​യാ​യി​രി​ക്കും ഉ​ട​മ്പ​ടി നി​ർ​ദേ​ശ​ങ്ങ​ൾ മി​ക്ക​പ്പോ​ളും.

പ്ര​ത്യ​ക്ഷീ​ക​ര​ണ പ്രാ​ർ​ഥ​ന​ക​ൾ തി​രി​ക​ൾ ക​ത്തി​ച്ചു​വേ​ണം ന​ട​ത്താ​ൻ. ഓ​രോ ആ​വ​ശ്യ​ത്തിനും ഓ​രോ നി​റ​ത്തി​ലു​ള്ള മെ​ഴു​കു​തി​രി​ക​ളു​ണ്ട്. പ​ച്ച, മ​ഞ്ഞ, നീ​ല, ചു​വ​പ്പ്, വെ​ളു​പ്പ്, പി​ങ്ക്.

മ​ദ്യ​പാ​ന​ത്തി​ന് അ​ടി​മ​യാ​യ​വ​ർ​ക്ക് അ​വി​ട​ന്ന് കി​ട്ടി​യ ഉ​പ്പ് ചോ​റി​ൽ കു​ഴ​ച്ച് കൊ​ടു​ത്താ​ൽ മ​ദ്യ​പാ​ന ശീ​ലം ഇ​ല്ലാ​താ​കും. എ​ല്ലാ രോ​ഗ​ങ്ങ​ൾ​ക്കു​മു​ള്ള മ​രു​ന്നാ​യി ഉ​പ്പും തൈ​ല​വും ഉ​പ​യോ​ഗി​ക്കാം. കാ​ശു​രൂ​പം ച​ര​ടി​ൽ അ​ല്ലെ​ങ്കി​ൽ മാ​ല​യി​ൽ കോ​ർ​ത്ത് ഭ​യ​മു​ള്ള​വ​ർ​ക്ക് അ​ണി​യാം.

കൃ​പാ​സ​നം ഡെ​ൽ​ഫി​യെ ഡി​പ്ര​ഷ​നി​ൽ​നി​ന്ന് മോ​ചി​പ്പി​ക്കു​ക മാ​ത്ര​മ​ല്ല, പീറ്റ​പ്പ​നെ കൊ​ല്ല​ണ​മെ​ന്ന ചി​ന്ത അ​വ​രി​ൽ​നി​ന്ന് ഇ​ല്ലാ​താ​ക്കു​ക​യും ചെ​യ്തോ എ​ന്ന് ഞാ​നോ​ർ​ത്തു.

അ​തി​ന​ടു​ത്ത ദി​വ​സം ഡെ​ൽ​ഫി എ​ന്നോ​ട് പ​റ​ഞ്ഞു, വ​ള​രെ പ്ര​ധാ​ന​പ്പെ​ട്ട ഒ​രു ര​ഹ​സ്യം എ​ന്നോ​ട് പ​റ​യാ​നു​ണ്ടെ​ന്ന്. ഇ​തു​വ​രെ ഒ​രു സൂ​ച​ന​പോ​ലും ത​രാ​ത്ത ര​ഹ​സ്യം. എ​ന്താ​ണ​ത്? ഞാ​ൻ ചോ​ദി​ച്ചു.

(അടുത്ത ലക്കത്തിൽ അവസാനിക്കും)