മുടിയറകൾ -31

129

ഒ​ടു​വി​ല​ത്തെ ആ​ളും ന​ട​യി​ൽ​നി​ന്നി​റ​ങ്ങി​യ​തോ​ടെ മ​ല​ർ​ക്കെ തു​റ​ന്നു​കി​ട​ന്ന പ​ള്ളി​യു​ടെ ആ​ന​വാ​തി​ൽ ക്ലേ​ശ​ത്തോ​ടെ അ​യാ​ൾ ചേ​ർ​ത്ത​ട​ച്ചു. ഏ​ത് വാ​തി​ൽ ചേ​ർ​ത്ത​ട​ക്കു​മ്പോ​ഴാ​വും ഒ​രു​വ​ന്റെ കാ​ഴ്ച​യി​ൽ​നി​ന്ന് അ​വ​ന്റെ അ​കം മ​റ​യു​ക. വി​റ​യ​ലോ​ടെ അ​ൾ​ത്താ​ര​യി​ലേ​ക്ക് ചെ​ന്നു. ക​ള​ങ്ക​പ്പെ​ട്ട മ​ന​സ്സു​മാ​യി തി​രി​ച്ചി​റ​ങ്ങു​മ്പോ​ൾ അ​തൊ​ന്നും ആ​രും ക​ണ്ടി​ട്ടി​ല്ലെ​ന്നാ​ണ് അ​യാ​ൾ ക​രു​തി​യ​ത്. എ​ന്നി​ട്ടും ചെ​മ്പി​ന്റെ ചെ​വി​ത്തോ​ണ്ടി​യു​ള്ള താ​ക്കോ​ൽ​കൂ​ട്ടം അ​ച്ച​നെ ഏ​ൽ​പി​ക്കു​മ്പോ​ൾ അ​യാ​ളു​ടെ കൈ ​വി​റ​ച്ചു.

“താ​നി​രി​ക്കെ​ടോ.”

സാ​ധാ​ര​ണ താ​ക്കോ​ലും മേ​ടി​ച്ച് അ​ച്ച​ൻ അ​ക​ത്തേ​ക്ക് പോ​വു​ക​യാ​ണ് പ​തി​വ്. ക​യ​റി​യി​രി​ക്കാ​ൻ പ​റ​ഞ്ഞ​തോ​ടെ ക​പ്യാ​രു​ടെ നെ​ഞ്ചി​ടി​പ്പ് കൂ​ടി. പാ​തി​രി ക​ണ്ടി​ട്ടു​ണ്ടാ​വു​മോ. തൊ​ണ്ടി​മു​ത​ലു​മാ​യി പി​ടി​ക്ക​പ്പെ​ട്ട കു​റ്റ​വാ​ളി​യെ​പ്പോ​ലെ ക​സേ​ര​യു​ടെ ചാ​രി​ലേ​ക്ക് ശ​രീ​രം താ​ങ്ങി അ​യാ​ൾ വി​റ​ച്ചു നി​ന്നു.

“എ​ത്ര കാ​ല​മാ​യി ഇ​തു തു​ട​ങ്ങി​യി​ട്ട്..?”

“ആ​ദ്യാ​യി​ട്ടാ​ണ​ച്ചാ.”

“സാ​ര​മി​ല്ല, ത​ന്റെ ബു​ദ്ധി​മു​ട്ടു​ക​ൾ കൊ​ണ്ട​ല്ലേ.”

ത​ടി​യ​ല​മാ​ര​യി​ൽ​നി​ന്ന് പു​ത്ത​ൻ​നോ​ട്ടി​ന്റെ ഒ​രു കെ​ട്ടെ​ടു​ത്ത് അ​തി​ൽ​നി​ന്നും കു​റ​ച്ചു രൂ​പ കൂ​നി​ക്കൂ​ടി​നി​ന്ന​വ​ന്റെ അ​ന്ധാ​ളി​പ്പി​നു മു​ന്നി​ലേ​ക്ക് പാ​തി​രി നീ​ട്ടി.

“ഇ​തി​രി​ക്ക​ട്ടെ. ത​നി​ക്ക് ഞാ​നൊ​ന്നും ത​ന്നി​ട്ടി​ല്ല​ല്ലോ. എ​ന്നോ​ടൊ​ന്നും ആ​വ​ശ്യ​പ്പെ​ടാ​റു​മി​ല്ലാ​യി​രു​ന്നു.”

കു​റ്റ​ബോ​ധ​ത്തോ​ടെ അ​യാ​ൾ ഇ​രു​ട്ടി​ലേ​ക്ക് ഇ​റ​ങ്ങു​ന്ന​തും നോ​ക്കി​നി​ന്നി​ട്ട് അ​ച്ച​ൻ മു​റി​യി​ലേ​ക്ക് ക​യ​റി. അ​ല​മാ​ര പൂ​ട്ടി​യെ​ന്ന് ഒ​ന്നു​കൂ​ടി ഉ​റ​പ്പു​വ​രു​ത്തി​യി​ട്ട് ഹോ​ട്ട്ബാ​ഗു​മാ​യി ക​ട്ടി​ലി​ൽ കി​ട​ന്നു. ഞാ​റ​ക്ക​ട​വ് പ​ള്ളി​യു​ടെ തു​ട​ക്കം മു​ത​ൽ എ​ത്ര​യോ പാ​തി​രി​മാ​ർ കി​ട​ന്നി​ട്ടു​ള്ള ക​ട്ടി​ലാ​ണ്. പാ​പ​ത്തി​ന്റെ ചി​ല പ​ട​ർ​പ്പു​ക​ൾ മേ​ക്ക​ട്ടി​യി​ലൂ​ടെ ഞാ​ന്നി​റ​ങ്ങി ക​ട്ടി​ലി​നെ മ​ലി​ന​പ്പെ​ടു​ത്തി​യി​ട്ടു​ള്ള ക​ഥ​ക​ൾ ക​പ്യാ​രാ​ണ് വെ​ളി​പ്പെ​ടു​ത്താ​റു​ള്ള​ത്. ഒ​രാ​വ​ർ​ത്ത​നം​പോ​ലെ ഇ​നി വ​രു​ന്ന പാ​തി​രി​യോ​ടും അ​യാ​ള​ത് പ​റ​യും.

മേ​ക്ക​ട്ടി​യു​ള്ള ക​ട്ടി​ൽ ആ​ദ്യ​മാ​യി കാ​ണു​ന്ന​ത് സെ​മി​നാ​രി​യി​ൽ​വെ​ച്ചാ​ണ്. എ​ല്ലാ ക​ട്ടി​ലു​ക​ൾ​ക്കും ഓ​രോ ക​ഥ പ​റ​യാ​നു​ണ്ടാ​വു​മെ​ന്ന് അ​വി​ട​ത്തെ കു​ശി​നി​ക്കാ​ര​നും പ​റ​യു​മാ​യി​രു​ന്നു. അ​പ്പ​നോ​ടൊ​പ്പം സെ​മി​നാ​രി​യി​ൽ ചേ​രാ​ൻ പോ​യ ദി​വ​സ​മാ​ണ് കോ​ങ്ക​ണ്ണു​ള്ള അ​യാ​ളെ പ​രി​ച​യ​പ്പെ​ടു​ന്ന​ത്. അ​ന്ന് ന​ല്ല മ​ഴ​യാ​യി​രു​ന്നു. ശീ​ല​ക്കു​ട​യി​ലേ​ക്ക് അ​പ്പ​ൻ ചേ​ർ​ത്തു​പി​ടി​ച്ചി​ട്ടും പു​ത്ത​ൻ​ ഷ​ർ​ട്ടും മു​ണ്ടു​മെ​ല്ലാം ന​ന​ഞ്ഞു. സ​ന്ധ്യ​യാ​യ​തോ​ടെ പ​നി​ച്ചു. കു​രു​മു​ള​കി​ട്ട ചാ​യ​യും ത​ന്ന് കു​ശി​നി​ക്കാ​ര​നാ​ണ് ആ​ശ്വ​സി​പ്പി​ച്ച​ത്.

“വീ​ട്ടി​ൽ​നി​ന്ന് മാ​റി​നി​ൽ​ക്കു​ന്ന​തി​ന്റെ സ​ങ്ക​ട​പ്പ​നി​യാ. മാ​റി​ക്കോ​ളും.”

ആ​രെ നോ​ക്കി​യാ​ണ് സം​സാ​രി​ക്കു​ന്ന​തെ​ന്ന് കൃ​ത്യം മ​ന​സ്സി​ലാ​ക്കാ​ൻ ക​ഴി​യാ​ത്ത അ​യാ​ളു​ടെ ക​ണ്ണു​ക​ളു​ടെ പി​ട​ച്ചി​ൽ അ​ച്ച​ൻ ഓ​ർ​ത്തു. ദൃ​ഷ്ടി​ക​ൾ വി​പ​രീ​ത​ദി​ശ​ക​ളി​ലേ​ക്ക് വി​ക​ല​മാ​യെ​ങ്കി​ലും പാ​ച​കം​പോ​ലെ അ​യാ​ൾ​ക്ക് ജീ​വി​ത​ത്തി​ന്റെ പാ​ക​വും അ​റി​യാ​മാ​യി​രു​ന്നു.

തൂ​ത​പ്പു​ഴ​യി​ൽ​വെ​ച്ച് അ​യാ​ളു​മാ​യി സൗ​ഹൃ​ദ​ത്തി​ലാ​വു​മ്പോ​ൾ മീ​ശ​പോ​ലും കി​ളി​ർ​ത്തി​ട്ടി​ല്ല. ഫി​ലോ​സ​ഫി ക​ഴി​ഞ്ഞി​ട്ടും പൊ​ക്കം വെ​ക്കാ​തെ ഒ​രു കൊ​ച്ചു​പ​യ്യ​നാ​യി തു​ട​ർ​ന്നു. കൊ​ച്ചു​മാ​മ്പ​ള്ളി എ​ന്നാ​യി​രു​ന്നു പ​ട്ടം കി​ട്ടു​ന്ന​തു​വ​രെ എ​ല്ലാ​വ​രും വി​ളി​ച്ചി​രു​ന്ന​ത്. ആ​ഹാ​ര​ത്തി​നൊ​ന്നും മു​ട്ടു​ണ്ടാ​യി​ട്ടി​ല്ല. നാ​ലു​മ​ണി യോ​ടെ ക്ലാ​സ് ക​ഴി​യും. തോ​ട്ട​ത്തി​ൽ എ​ന്തെ​ങ്കി​ലും പ​ണി​യു​ണ്ടാ​വും. അ​തു​ക​ഴി​ഞ്ഞ് ഇ​രു​ട്ടു​വീ​ഴും​വ​രെ തി​മി​ർ​ത്ത് വോ​ളി​ബോ​ൾ ക​ളി​ക്കും. അ​ന്തി​ക്കു​ള്ള പ്രാ​ർ​ഥ​ന​യും അ​ത്താ​ഴ​വും ക​ഴി​ഞ്ഞാ​ൽ പ​ല​വി​ചാ​രം കൂ​ടാ​തെ ത​ള​ർ​ന്നു​റ​ങ്ങും. ചി​ല ദി​വ​സ​ങ്ങ​ളി​ൽ ഇ​തൊ​ക്കെ തെ​റ്റും. നി​വൃ​ത്തി​യി​ല്ലാ​തെ വ​രു​മ്പോ​ൾ കു​ളിമു​റി​യി​ലേ​ക്ക് ക​യ​റി ഷ​വ​റി​ന​ടി​യി​ൽ നി​ൽ​ക്കും. മി​ക്ക​പ്പോ​ഴും എ​ല്ലാം കൈ​വി​ട്ടു​പോ​കും. പാ​പ​ഭാ​ര​ത്തോ​ടെ​യാ​വും ത​ല ന​ന​ച്ചി​റ​ങ്ങു​ക.

പ​ട്ടം കി​ട്ടി​യ​തോ​ടെ വി​ല​ക്കു​ക​ളെ​ല്ലാം മാ​റി. എ​ന്തും ചെ​യ്യാ​നു​ള്ള സ്വാ​ത​ന്ത്ര്യം. അ​ത്ര​യും കാ​ലം അ​ടി​ച്ച​മ​ർ​ത്തി​യ​തൊ​ക്കെ മ​റ​ന്നു​ള്ള തീ​റ്റി​യും കു​ടി​യും. എ​ല്ലാ​റ്റി​നോ​ടും ഒ​രുത​രം ആ​ർ​ത്തി. വീ​ണു​പോ​കു​ന്ന നി​മി​ഷ​ങ്ങ​ൾ. ആ​രും അ​റി​യാ​തെ ചി​ല​തെ​ല്ലാം മൂ​ടി​പ്പൊ​തി​ഞ്ഞു വെ​ക്കു​ന്ന​താ​ണ് വി​ശു​ദ്ധി​യെ​ന്ന് അ​ന്ന് കൂ​ടെ​യു​ള്ള​വ​ർ പ​റ​യു​മാ​യി​രു​ന്നു.

മ​ഴ ക​ന​ത്ത​തോ​ടെ അ​ച്ച​ൻ എ​ഴു​ന്നേ​റ്റ് ജ​നാ​ല ചാ​രി. ഗ്രോ​ട്ടോ​യി​ൽ ക​ത്തി​ച്ചു​വെ​ച്ചി​രു​ന്ന തി​രി​യെ​ല്ലാം കെ​ട്ടു. ഹോ​ട്ട്ബാ​ഗ് നെ​ഞ്ചോ​ട് ചേ​ർ​ത്തു​പി​ടി​ച്ചി​ട്ടും ശ്വാ​സം​മു​ട്ട് കൂ​ടു​ന്ന​തു​പോ​ലെ.

“കി​ട​ന്നു​പോ​കു​ന്ന​തി​നു മു​ന്നേ നീ​യെ​ന്നെ വി​ളി​ക്ക​ണേ.”

കൊ​ന്ത​യെ​ടു​ത്തു. ആ​വ​ർ​ത്തി​ച്ചു​ള്ള പ്രാ​ർ​ഥ​ന​ക​ൾ​ക്കും പ​ല​വി​ചാ​ര​ങ്ങ​ൾ​ക്കും ഇ​ട​യി​ൽ എ​പ്പ​ഴോ ഒ​ന്നു മ​യ​ങ്ങി.

മേ​ക്ക​ട്ടി​യി​ലേ​ക്ക് പ​ട​ർ​ന്ന പാ​പ​ത്തി​ന്റെ വ​ള്ളി​യി​ൽ​നി​ന്നൊ​രു പൂ​വ് വി​ട​രു​ന്ന​ത് ക​ണ്ടി​ട്ടാ​വ​ണം ഉ​റ​ക്ക​ത്തി​ലും അ​ച്ച​ൻ ഞ​ര​ങ്ങി​ക്കൊ​ണ്ടി​രു​ന്നു.

130

പ്രീ​സ്റ്റ് ഹോ​മി​ലേ​ക്ക് പോ​കു​ന്ന​തി​ന്റെ ത​ലേ​ദി​വ​സം രാ​വി​ലെ ദീ​നാ​മ്മ മ​ദ​റും ര​ണ്ടു സി​സ്റ്റേ​ഴ്സും​കൂ​ടി മേ​ട​യി​ലെ​ത്തി.

“ക​പ്യാ​രെ പ​റ​ഞ്ഞു​വി​ട്ടെ​ന്ന് കേ​ട്ടു.”

“അ​യാ​ൾ​ക്ക് തീ​രെ വ​യ്യ മ​ദ​റേ. ഓ​ർ​മ​ക്കു​റ​വു​മു​ണ്ട്. പു​തി​യൊ​രു പ​യ്യ​നെ എ​ടു​ത്തു. അ​വ​നാ​കു​മ്പോ​ൾ ഓ​ടി​ന​ട​ന്ന് ഓ​രോ​ന്നു ചെ​യ്തോ​ളും.”

വ​യ​സ്സാ​യെ​ങ്കി​ലും ചു​റു​ചു​റു​ക്കോ​ടെ ന​ട​ന്നി​രു​ന്ന ആ​ളാ​യി​രു​ന്നു ക​പ്യാ​ര്. അ​ച്ച​ൻ പ​റ​യു​ന്ന​ത് വി​ശ്വാ​സ​മാ​യി​ല്ലെ​ങ്കി​ലും മ​ദ​ർ അ​തി​നെ​ക്കു​റി​ച്ചൊ​ന്നും ചോ​ദി​ക്കാ​ൻ നി​ന്നി​ല്ല.

“എ​നി​ക്കും ഇ​ത്തി​രി ഓ​ർ​മ​ക്കു​റ​വു​ണ്ട​ച്ചാ.”

“അ​തി​പ്പോ വ​യ​സ്സാ​കു​മ്പോ എ​ല്ലാ​വ​ർ​ക്കു​മു​ണ്ടാ​കും. ക​ന്യാ​സ്ത്രീ​ക​ളു​ടെ വാ​ർ​ധ​ക്യ​കാ​ല​മാ കു​റ​ച്ചു​കൂ​ടി ഭേ​ദം. മ​ര​ണം​വ​രെ നി​ങ്ങ​ൾ​ക്ക് മ​ഠ​ത്തി​ൽ ക​ഴി​യാ​ല്ലോ. മേ​ട​യി​ൽ ത​നി​ച്ചു ക​ഴി​യു​ന്ന​വ​നെ ആ​ര് നോ​ക്കാ​നാ​ണ്. വ​യ്യാ​താ​യാ​ൽ ഓ​ൾ​ഡ് ഏ​ജ് ഹോ​മി​ലേ​ക്ക് പോ​വാ​തെ നി​വ​ർ​ത്തി​യി​ല്ല​ല്ലോ.”

കി​ട​ന്നു മു​ള്ളു​ന്ന​തു കാ​ര​ണം അ​ച്ച​ന്റെ മു​റി​യി​ൽ എ​പ്പോ​ഴും മൂ​ത്ര​ത്തി​ന്റെ ഇ​ര​പ്പു​മ​ണ​മു​ണ്ടാ​കും. ഈ​യി​ടെ​യാ​യി മൂ​ത്രം പി​ടി​ച്ചു​നി​ർ​ത്താ​ൻ പാ​ടാ​ണ്. പു​ത്ത​ൻ​വെ​ള്ളം ത​ളി​ക്കാ​ൻ ആ​ള് വ​രു​ന്നു​ണ്ടെ​ന്നും പ​റ​ഞ്ഞ് എ​വി​ടെ ചെ​ന്നാ​ലും കൂ​ടെ​യു​ള്ള​വ​ർ ക​ളി​യാ​ക്കും.

“ഞ​ങ്ങ​ള് കാ​പ്പി ഇ​ട്ടോ​ണ്ടു വ​രാം.”

മു​റി​യി​ലെ ചെ​ടി​പ്പുമ​ണം സ​ഹി​ക്കാ​ൻ വ​യ്യാ​തെ മ​ദ​റി​ന്റെ കൂ​ടെ വ​ന്ന സി​സ്റ്റേ​ഴ്സ് കു​ശി​നി​യി​ലേ​ക്ക് ഇ​റ​ങ്ങി.

ഞാ​റ​ക്ക​ട​വു മ​ഠ​ത്തി​ൽ പു​തി​യ​താ​യി വ​ന്ന​വ​രെ​ല്ലാം ചെ​റു​പ്പ​മാ​ണ്. മ​ഠ​ത്തി​ലേ​ക്ക് പോ​കാ​ത്ത​തു കാ​ര​ണം മി​ക്ക സി​സ്റ്റേ​ഴ്സി​നെ​യും മാ​മ്പ​ള്ളി​യ​ച്ച​ന് പ​രി​ച​യ​മി​ല്ല. ആ​ബേ​ല​മ്മ​യു​ടെ നാ​മ​ക​ര​ണ ന​ട​പ​ടി​ക​ളു​മാ​യി ബ​ന്ധ​പ്പെ​ട്ട് അ​വി​ടെ ഉ​ണ്ടാ​യി​രു​ന്ന​വ​രെ​യെ​ല്ലാം വി​ദേ​ശ​ത്തു​ള്ള കോ​ൺ​വെ​ന്റു​ക​ളി​ലേ​ക്ക് അ​യച്ചി​രു​ന്നു. അ​ക്കൂ​ട്ട​ത്തി​ൽ ലൂ​സി സി​സ്റ്റ​ർ മാ​ത്രം അ​ച്ച​നെ വി​ളി​ച്ച് ഓ​രോ സ​ങ്ക​ട​ങ്ങ​ൾ പ​റ​യും.

മു​ഷി​ഞ്ഞ കി​ട​ക്ക​വി​രി മാ​റ്റി പു​തി​യ​ത് വി​രി​ക്കു​മ്പോ​ൾ മ​ദ​ർ അ​ച്ച​നോ​ട് മ​ഠ​ത്തി​ലെ വി​ശേ​ഷ​ങ്ങ​ൾ പ​റ​യാ​ൻ തു​ട​ങ്ങി.

“പു​തി​യ കു​ട്ടി​ക​ളെ മേ​യി​ക്കാ​ൻ ഇ​ത്തി​രി പാ​ടാ​ണ​ച്ചാ.”

“ഈ ​പ്രാ​യ​ത്തി​ൽ അ​വ​രെ ഇ​ങ്ങ​നെ ത​ള​ച്ചി​ട​രു​തെ​ന്നാ​ണ് എ​ന്റെ അ​ഭി​പ്രാ​യം. സ​ന്യാ​സ​മെ​ന്ന​ത് ജീ​വി​ത​സാ​യാ​ഹ്ന​ത്തി​ൽ തു​ട​ങ്ങേ​ണ്ട ഒ​ന്നാ​ണ്. ജീ​വി​തം എ​ന്തെ​ന്ന് അ​റി​യാ​നും മ​റ്റൊ​രാ​ൾ​ക്ക് അ​തി​നെ​ക്കു​റി​ച്ച് പ​റ​ഞ്ഞു​കൊ​ടു​ക്കാ​നും അ​പ്പോ​ഴേ ക​ഴി​യൂ. ഇ​തൊ​ക്കെ ആ​രോ​ടു പ​റ​യാ​നാ​ണ്.”

പ​തി​വി​ല്ലാ​തെ അ​ച്ച​ൻ അ​ങ്ങ​നെ പ​റ​യു​ന്ന​ത് കേ​ട്ട​പ്പോ​ൾ കാ​ട്ടി​പ്പ​റ​മ്പി​ല​ച്ച​ന്റെ കാ​ര്യം മ​ദ​ർ ഓ​ർ​ത്തു. ക​ല്യാ​ണം ക​ഴി​ക്കാ​ൻ ആ​ഗ്ര​ഹ​മു​ള്ള പാ​തി​രി​മാ​രെ അ​തി​ന് അ​നു​വ​ദി​ക്ക​ണ​മെ​ന്ന് പ്രീ​സ്റ്റ് കോ​ൺ​ഫ​റ​ൻ​സി​ൽ പ​റ​ഞ്ഞ​തി​നാ​യി​രു​ന്നു അ​ച്ച​നെ മി​ഷ​ൻ പ്ര​വ​ർ​ത്ത​ന​ങ്ങ​ൾ​ക്കാ​യി പാ​പ്വ​ന്യൂ​ഗി​നി​യി​ലേ​ക്ക് അ​യ​ച്ച​ത്. ര​ണ്ടു​വ​ർ​ഷം തി​ക​ക്കു​ന്ന​തി​നു മു​ന്നേ അ​വി​ട​ത്തെ കാ​ലാ​വ​സ്ഥ​യും ഭ​ക്ഷ​ണ​വും പി​ടി​ക്കാ​തെ ആ​ള് അ​വ​ശ​നാ​യി നാ​ട്ടി​ലേ​ക്ക് തി​രി​ച്ചു​പോ​ന്നു. പ്രീ​സ്റ്റ് ഹോ​മി​ലെ കു​ടു​സ്സു​മു​റി​യി​ൽ കി​ട​ന്നാ​യി​രു​ന്നു മ​ര​ണം.

ഓ​ൾ​ഡ് ഏ​ജ് പ്രീ​സ്റ്റ് ഹോം ​എ​ന്ന് കേ​ൾ​ക്കു​ന്ന​തേ അ​ച്ച​ൻ​മാ​ർ​ക്ക് പേ​ടി​യാ​ണ്. അ​വി​ടേ​ക്ക് പോ​കാ​നു​ള്ള മ​ടി കാ​ര​ണം ആ​രോ​ഗ്യം ക്ഷ​യി​ച്ചാ​ലും വി​കാ​രി​യ​ച്ച​ൻ​മാ​ർ അ​തൊ​ന്നും പു​റ​ത്തു കാ​ണി​ക്കാ​തെ ന​ര​ച്ച താ​ടി​യും മു​ടി​യും ഡൈ​ചെ​യ്ത് ചെ​റു​പ്പ​മാ​ണെ​ന്ന് ന​ടി​ക്കും. വീ​ണു​പോ​കു​മെ​ന്ന പേ​ടി​യു​ണ്ടെ​ങ്കി​ലും വാ​ക്കി​ങ് സ്റ്റി​ക്ക് ഉ​പ​യോ​ഗി​ക്കി​ല്ല. അ​സു​ഖം വ​ന്നാ​ൽ പു​റ​ത്താ​രോ​ടും പ​റ​യാ​തെ പ​രി​ച​യ​ക്കാ​രാ​യ ഡോ​ക്ട​ർ​മാ​രു​ടെ സ​ഹാ​യ​ത്തോ​ടെ ര​ഹ​സ്യ​മാ​യി ചി​കി​ത്സി​ക്കും.

ത​ട​ഞ്ഞു​നി​ർ​ത്താ​ൻ ക​ഠി​ന​മാ​യി പ​രി​ശ്ര​മി​ച്ചാ​ലും വാ​ർ​ധ​ക്യം ഒ​രു​നാ​ൾ അ​തി​ന്റെ ചു​ളി​വു​വീ​ണ കൈ​കൊ​ണ്ടു വ​ട്ട പി​ടി​ക്കും. വീ​ണു​പോ​കു​ന്ന അ​വ​സ്ഥ​യി​ലാ​ണ് പ​ല​രും പ്രീ​സ്റ്റ് ഹോ​മി​ലേ​ക്കെ​ത്തു​ക.

നി​റ​യെ വ​ർ​ണ​ങ്ങ​ളു​മാ​യി ഒ​രു വ​ലി​യ കാ​ൻ​വാ​സി​ൽ നി​റ​ഞ്ഞു​നി​ന്നി​രു​ന്ന ജീ​വി​തം ഇ​ടു​ങ്ങി​യ മു​റി​യു​ടെ ഷെ​യി​ഡി​ലേ​ക്ക് മാ​റ്റി​വ​ര​ക്ക​പ്പെ​ടേ​ണ്ടി വ​രു​ന്ന​തി​ന്റെ വേ​ദ​ന​ക​ൾ മ​ദ​റി​നോ​ട് പ​റ​ഞ്ഞു​കൊ​ണ്ടി​രി​ക്കു​മ്പോ​ഴാ​ണ് കാ​പ്പി​യു​മാ​യി സി​സ്റ്റേ​ഴ്സ് മു​റി​യി​ലേ​ക്ക് വ​ന്ന​ത്. ക​സേ​ര​പ്പ​ടി​യി​ൽ കൈ ​താ​ങ്ങി ആ​യാ​സ​ത്തോ​ടെ മാ​മ്പ​ള്ളി​യ​ച്ച​ൻ എ​ഴു​ന്നേ​റ്റു.

“ഏ​കാ​ന്ത​ത​യു​ടെ ദ്വീ​പി​ലേ​ക്ക് എ​ന്റെ വ​ഞ്ചി​യ​ടു​ക്കാ​റാ​യി മ​ദ​റേ.”

“അ​ച്ച​ന​ങ്ങ​നെ​യൊ​ന്നും പ​റ​യാ​തെ. വീ​ട്ടി​ലേ​ക്ക് പോ​കാ​നു​ള്ള തീ​രു​മാ​നം എ​ന്തി​നാ​ണ​ച്ചാ ഉ​പേ​ക്ഷി​ച്ച​ത്.”

“കി​ട​പ്പി​ലാ​യ മൂ​ത്ത ചേ​ട്ടാ​യി​യെ ആ ​പി​ള്ളേ​ര് ക​ഷ്ട​പ്പെ​ട്ടാ നോ​ക്കു​ന്ന​ത്. അ​തി​ന്റെ കൂ​ടെ ഞാ​നും. അ​തു ശ​രി​യാ​വി​ല്ല.”

കാ​പ്പി​ച്ചൂ​ട് നെ​ഞ്ചി​ലൂ​ടെ ഇ​റ​ങ്ങി​യ​തി​ന്റെ ആ​ശ്വാ​സ​ത്തോ​ടെ അ​ച്ച​ൻ ചാ​രി​യി​ട്ടി​രു​ന്ന ജ​നാ​ല തുറ​ന്നു.

പു​റ​ത്ത് കാ​ത്തു​നി​ന്ന​വ​ർ മു​ന​വെ​ച്ച് ഓ​രോ​ന്ന് പ​റ​യു​ന്ന​ത് കേ​ട്ട് സി​സ്റ്റ​ർ​മാ​രെ​യും വി​ളി​ച്ച് മ​ദ​ർ വേ​ഗം മേ​ട​യു​ടെ പ​ടി​യി​റ​ങ്ങി.

131

പ്രീ​സ്റ്റ് ഹോ​മി​ലേ​ക്ക് പോ​യി ഒ​രു​മാ​സം ക​ഴി​യും മു​ന്നേ മാ​മ്പ​ള്ളി​യ​ച്ച​നെ ഇ​ട​വ​ക​ക്കാ​ർ മ​റ​ന്നു.

ഓ​ട​ത്ത​ക്ക​ല​ച്ച​ൻ ചെ​റു​പ്പ​മാ​യ​തു​കൊ​ണ്ടു​ത​ന്നെ ഒ​രു പു​ത്ര​വാ​ത്സ​ല്യം ദീ​നാ​മ്മ മ​ദ​റി​നു​ണ്ടാ​യി​രു​ന്നു. മ​ഠ​ത്തി​ൽ​നി​ന്ന് മൂ​ന്നു നേ​ര​വും പ​ള്ളി​യി​ലേ​ക്ക് ഭ​ക്ഷ​ണം കൊ​ടു​ത്തു​വി​ടും. ആ​ഴ്ച​യി​ലൊ​രി​ക്ക​ൽ മേ​ട വൃ​ത്തി​യാ​ക്കും. മൂ​ന്നാ​ലു മാ​സം ക​ഴി​ഞ്ഞ​തോ​ടെ അ​ച്ച​ൻ അ​തെ​ല്ലാം വി​ല​ക്കി.

“ഇ​വി​ടു​ത്തെ കു​ശി​നി​യി​ൽ ആ​ളാ​യി, മ​ഠ​ത്തി​ൽ​നി​ന്ന് ഇ​നി ആ​ഹാ​രം കൊ​ടു​ത്തു വി​ടേ​ണ്ട.”

ക​ർ​മ​ലി​ക്ക് പ​ക​രം തെ​ക്കേ​ച്ചി​റ​യി​ൽ​നി​ന്നൊ​രു പെ​ൺ​കൊ​ച്ചി​നെ അ​ച്ച​ൻ കു​ശി​നി​യി​ൽ നി​ർ​ത്തി​യ കാ​ര്യം മ​ദ​ർ അ​പ്പോ​ഴാ​ണ് അ​റി​ഞ്ഞ​ത്. ക​ർ​മ​ലി​യു​ടെ ക​ല്യാ​ണം ക​ഴി​ഞ്ഞെ​ന്നും അ​വ​ൾ കെ​ട്ടി​യ​വ​നോ​ടൊ​പ്പം ചെ​മ്മീ​ൻകെ​ട്ടി​ലെ പ​ണി​ക്കാ​ണ് പോ​കു​ന്ന​തെ​ന്നും അ​ച്ച​ൻ പ​റ​ഞ്ഞ​പ്പോ​ൾ ഒ​രു​ വാ​ക്ക് പ​റ​യാ​തെ അ​വ​ൾ പോ​യ​ല്ലോ എ​ന്നോ​ർ​ത്ത് മ​ദ​ർ സ​ങ്ക​ട​പ്പെ​ട്ടു.

മേ​ട​യി​ൽ​നി​ന്നും തി​രി​ച്ചെ​ത്തി​യ​തോ​ടെ മ​ദ​റി​നൊ​രു ക്ഷീ​ണം. പാ​ർ​ല​റി​ലേ​ക്ക് ക​യ​റി ഫാ​നി​ന്റെ സ്വി​ച്ചി​ടാ​ൻ സി​സ്റ്റ​റി​നോ​ടു പ​റ​ഞ്ഞ​തും ആ​ള് ത​ല​ചു​റ്റി വീ​ണു. മി​ഷ​നാ​ശു​പ​ത്രി​യി​ൽ മൂ​ന്നാ​ലു ദി​വ​സം കി​ട​ക്കേ​ണ്ടി വ​ന്നു. ഹാ​ർ​ട്ടി​ന്റെ പ​മ്പി​ങ്ങി​നു പ്രോ​ബ്ല​മു​ണ്ടെ​ന്നും പേ​സ് മേ​ക്ക​ർ വെ​ക്ക​ണ​മെ​ന്നും കു​രു​വി​ള ഡോ​ക്ട​ർ പ​റ​യു​ന്ന​ത് കേ​ട്ടു മ​ദ​ർ ചി​രി​ച്ചു.

“ഡോ​ക്ട​ർ​ക്ക് അ​റി​യാ​മ​ല്ലോ മ​ഠ​ത്തി​ലെ കാ​ര്യ​ങ്ങ​ൾ. അ​ച്ച​ൻ​മാ​ർ​ക്ക് അ​ര​മ​ന​യി​ൽ​നി​ന്ന് ചി​കി​ത്സി​ക്കാ​നു​ള്ള പ​ണം അ​നു​വ​ദി​ക്കു​ന്ന​പോ​ലെ അ​ത്ര എ​ളു​പ്പ​മ​ല്ല മ​ഠ​ത്തി​ൽ​നി​ന്ന​ത് കി​ട്ടാ​ൻ. പ്രാ​ർ​ഥി​ച്ചാ​ൽ മാ​റാ​ത്ത ഏ​തു അ​സു​ഖ​മാ​ണ് ലോ​ക​ത്തി​ലു​ള്ള​ത് എ​ന്നാ​ണ് സൂ​പ്പീ​രി​യ​റി​ന്റെ ചോ​ദ്യം. പേ​സ്മേ​ക്ക​ർ വെ​യ്ക്കാ​നു​ള്ള കാ​ശ് ത​ന്നേ പ​റ്റൂ​വെ​ന്ന് ഞാ​നെ​ങ്ങ​നെ പ​റ​യും.”

“മ​ദ​ർ സു​പ്പീ​രി​യ​റി​നോ​ട് ഞാ​ൻ പ​റ​യാം.”

“വേ​ണ്ട ഡോ​ക്ട​റേ. എ​ന്റെ ഹൃ​ദ​യ​ത്തി​ൽ വ​സി​ക്കു​ന്ന​വ​ൻ അ​തി​ന്റെ കേ​ടു​പാ​ടു​ക​ളെ​ല്ലാം തൊ​ട്ടു സു​ഖ​പ്പെ​ടു​ത്തി​ക്കോ​ളും.”

“ഹൃ​ദ​യ​ത്തി​ൽ ആ​രു വ​സി​ച്ചാ​ലും സി​ര​ക​ളി​ലേ​ക്കും ധ​മ​നി​ക​ളി​ലേ​ക്കും ര​ക്തം തു​റ​ന്നു​വി​ടു​ന്ന​ത് വാ​ൽ​വു​ക​ളാ.”

ത​ർ​ക്കി​ച്ചെ​ങ്കി​ലും മ​ന​സ്സി​നെ വി​ഷ​മി​പ്പി​ക്കു​ന്ന ചി​ന്ത​ക​ളും ഭാ​ര​മേ​റി​യ ജോ​ലി​ക​ളും ഒ​ഴി​വാ​ക്ക​ണ​മെ​ന്ന് ഉ​പ​ദേ​ശി​ച്ചാ​ണ് കു​രു​വി​ള ഡോ​ക്ട​ർ മ​ദ​റി​നെ ആ​ശു​പ​ത്രി​യി​ൽ​നി​ന്നു ഡി​സ്ച്ചാ​ർ​ജ് ചെ​യ്ത​ത്.

മ​ഠ​ത്തി​ലെ ജോ​ലി​ക​ളു​ടെ ചു​മ​ത​ല​യി​ൽ​നി​ന്ന് മ​ദ​റി​നെ മാ​റ്റി​യെ​ങ്കി​ലും ആ​ബേ​ല​മ്മ​യെ നാ​മ​ക​ര​ണ ന​ട​പ​ടി​ക​ൾ പൂ​ർ​ത്തി​യാ​കു​ന്ന​തു​വ​രെ മ​ദ​ർ ഞാ​റ​ക്ക​ട​വി​ൽ തു​ട​ര​ണ​മെ​ന്നു​ള്ള നി​ർ​ദേ​ശം ജ​ന​റ​ലൈ​റ്റി​ൽനി​ന്നെ​ത്തി.

“വി​ഷ​മി​ക്കേ​ണ്ട, ഞാ​നെ​ല്ലാം നോ​ക്കി ന​ട​ത്തി​ക്കോ​ളാം. എ​തി​രൊ​ന്നും പ​റ​യാ​തെ മ​ഠം എ​ന്റെ കൂ​ടെ നി​ന്നാ മ​തി.”

ഓ​ട​ത്ത​ക്ക​ല​ച്ച​ന്റെ വാ​ക്കു​ക​ളി​ൽ സാ​ന്ത്വ​ന​മാ​ണോ മു​ന്ന​റി​യി​പ്പാ​ണോ എ​ന്ന​റി​യാ​ൻ ക​ഴി​യാ​തെ ദീ​നാ​മ്മ മ​ദ​ർ വി​ഷ​മി​ച്ചു.

ആ​ബേ​ല​മ്മ​യു​ടെ കു​ഴി​മാ​ട​ത്തി​ൽ പ്രാ​ർ​ഥി​ക്കാ​ൻ വ​രു​ന്ന ആ​ളു​ക​ളു​ടെ എ​ണ്ണം ഓ​രോ ദി​വ​സം ക​ഴി​യു​ന്തോ​റും കൂ​ടി​ക്കൊ​ണ്ടി​രു​ന്നു. നൊ​വേ​ന തു​ട​ങ്ങി​യ​തോ​ടെ ക​പ്പേ​ള​യു​ടെ ഉ​ള്ളി​ൽ​ നി​ൽ​ക്കാ​ൻ ഇ​ട​മി​ല്ലാ​തെ റോ​ഡ​രി​കി​ലേ​ക്കും ആ​ളു​ക​ളു​ടെ നി​ര നീ​ണ്ടു. വി​ശു​ദ്ധ​യാ​യി പ്ര​ഖ്യാ​പി​ക്കാ​തെ ഇ​ങ്ങ​നെ​യു​ള്ള ച​ട​ങ്ങു​ക​ളൊ​ന്നും ന​ട​ത്താ​ൻ പാ​ടി​ല്ലെ​ന്ന് അ​ര​മ​ന​യി​ൽ​നി​ന്ന് അ​റി​യി​ച്ചെ​ങ്കി​ലും നേ​ർ​ച്ച​വ​രു​മാ​നം കൂ​ടി​യ​തോ​ടെ ബി​ഷ​പ് അ​തൊ​ന്നും ക​ണ്ടി​ല്ലെ​ന്ന് ന​ടി​ച്ചു.

ക​പ്പേ​ള​ക്കു ചു​റ്റു​മു​ള്ള സ്ഥ​ല​ങ്ങ​ളെ​ല്ലാം ഏ​തോ മാ​ളു​കാ​ര് വാ​ങ്ങി​യെ​ന്ന് ഓ​ട​ത്ത​ക്ക​ല​ച്ച​ൻ പ​റ​ഞ്ഞു. കാ​ശു മു​ട​ക്കി അ​തെ​ല്ലാം നേ​ര​ത്തേ വാ​ങ്ങി​ച്ചി​ടാ​തി​രു​ന്ന​തി​ന് വെ​റു​തെ ദേ​ഷ്യ​പ്പെ​ടു​ക​യും ചെ​യ്തു. മൂ​ന്നാ​ലു പു​തി​യ കെ.​എ​സ്.​ആ​ർ.​ടി.​സി ബ​സു​ക​ൾ ഞാ​റ​ക്ക​ട​വി​ലേ​ക്ക് ട്രി​പ് തു​ട​ങ്ങി​യ​തോ​ടെ തീ​ർ​ഥാ​ട​ക​രെ സ​ഹാ​യി​ക്കാ​നാ​യി ആ​ബേ​ൽ​പു​രം എ​ന്നെ​ഴു​തി​യ വ​ലി​യ ബോ​ർ​ഡ് പാ​ലം ഇ​റ​ങ്ങി​വ​രു​ന്ന സ്ഥ​ല​ത്ത് ഇ​ട​വ​ക​ക്കാ​ർ സ്ഥാ​പി​ച്ചു. മ​റ്റ് സ​മു​ദാ​യ​ങ്ങ​ളി​ൽ​നി​ന്നും ചി​ല എ​തി​ർ​പ്പു​ക​ൾ ഉ​ണ്ടാ​യെ​ങ്കി​ലും ക​പ്പേ​ള നി​ൽ​ക്കു​ന്ന സ്ഥ​ല​ത്തി​ന്റെ പേ​ര് ആ​ബേ​ൽ​പു​രം എ​ന്ന് അ​റി​യ​പ്പെ​ട്ടുതു​ട​ങ്ങി.

132

“ഊ​ട്ടു​തി​രു​ന്നാ​ൾ ന​മു​ക്കൊ​ന്നൂ​ടെ വി​പു​ല​മാ​ക്ക​ണം. വെ​റു​തെ ഊ​ട്ടു​തി​രു​നാ​ളെ​ന്നു പോ​രാ. ‘അ​ത്ഭു​ത ഊ​ട്ടു​തി​രു​നാ​ൾ’ എ​ന്ന് പോ​സ്റ്റ​റി​ൽ അ​ടി​ക്ക​ണം. ഇ​നി അ​തി​നും സു​പ്പീ​രി​യ​റി​ന്റെ അ​നു​വാ​ദം വേ​ണ്ടി​വ​രു​മോ...’’

ഓ​ട​ത്ത​ക്ക​ല​ച്ച​ന് പെ​ട്ടെ​ന്നാ​ണ് ദേ​ഷ്യം വ​രി​ക. എ​ല്ലാ കാ​ര്യ​ങ്ങ​ളും അ​ച്ച​ന് സ്വ​യം തീ​രു​മാ​നി​ച്ച് ന​ട​ത്ത​ണം. ശ​രി​ക്കും പ​റ​ഞ്ഞാ​ൽ രൂ​പ​ത​യു​ടെ കീ​ഴി​ലു​ള്ള മ​ഠം ആ​യ​തു​പോ​ലെ. മ​ഠ​ത്തി​ന്റെ കാ​ര്യ​ങ്ങ​ളി​ൽ തീ​രു​മാ​ന​മെ​ടു​ക്കേ​ണ്ട​ത് ജ​ന​റ​ലൈ​റ്റി​ൽ​നി​ന്നാ​ണ് അ​ല്ലാ​തെ വി​കാ​രി​യ​ച്ച​ന​ല്ലെ​ന്നും പ​റ​ഞ്ഞാ​ണ് സുപ്പീരി​യ​റി​ന്റെ വ​ഴ​ക്ക്. ര​ണ്ടാ​ളു​ടെ​യും ഇ​ട​യി​ൽ കി​ട​ന്ന് വീ​ർ​പ്പു​മു​ട്ടി​യ ദീ​നാ​മ്മ മ​ദ​റി​ന് എ​ങ്ങ​നെ​യെ​ങ്കി​ലും ഞാ​റ​ക്ക​ട​വി​ലെ ശു​ശ്രൂ​ഷ മ​തി​യാ​ക്കി മ​ല​മു​ക​ളി​ലെ കോ​ൺ​വെ​ന്റി​ലേ​ക്ക് തി​രി​ച്ചു​പോ​യാ​ൽ മ​തി​യെ​ന്നാ​യി.

ജ​ന​റ​ലൈ​റ്റി​ൽ​നി​ന്നും പ​ണം കി​ട്ടാ​നു​ള്ള ബു​ദ്ധി​മു​ട്ടു​ക​ൾ മ​ദ​ർ പ​റ​ഞ്ഞു​നോ​ക്കി​യെ​ങ്കി​ലും ഊ​ട്ടു​തി​രു​നാ​ൾ വി​പു​ല​മാ​യി ന​ട​ത്ത​ണ​മെ​ന്നു​ള്ള തീ​രു​മാ​ന​ത്തി​ൽ ഓ​ട​ത്ത​ക്ക​ല​ച്ച​ൻ ഉ​റ​ച്ചു​നി​ന്നു.

സ്കൂ​ൾ യു​വ​ജ​നോ​ത്സ​വ​ത്തി​നു കെ​ട്ടാ​റു​ള്ള​തു​പോ​ലെ ആ​റേ​ഴു കൂ​റ്റ​ൻ പ​ന്ത​ലു​ക​ളി​ട്ടാ​ണ് ആ​ബേ​ല​മ്മ​യു​ടെ നേ​ർ​ച്ച​സ​ദ്യ വി​ള​മ്പി​യ​ത്. കാ​ര​മേ​ലെ പ്ര​ശ​സ്ത ദേ​ഹ​ണ്ഡ​ക്കാ​ര​നാ​യ എ​മ്പ്രാ​ന്തി​രി​ക്കും കൂ​ട്ട​ർ​ക്കു​മാ​യി​രു​ന്നു പാ​ച​ക​ത്തി​ന്റെ ചു​മ​ത​ല. ഒ​രു ആ​റേ​ഴു ല​ക്ഷം രൂ​പ എ​ല്ലാ​റ്റി​നും കൂ​ടി ചെ​ല​വാ​യി. പ്ര​തീ​ക്ഷ​തു​പോ​ലെ നേ​ർ​ച്ച​പ്പ​ണം കി​ട്ടി​യ​തു​മി​ല്ല.

“ഇ​തൊ​ക്കെ ഒ​രു ബി​സി​ന​സ് മൈ​ൻ​ഡോ​ടെ കാ​ണ​ണം. ജ​നം വ​ന്ന് തി​ങ്ങു​ന്ന​തോ​ടെ ഇ​പ്പോ​ഴു​ള്ള ന​ഷ്ട​ങ്ങ​ളെ​ല്ലാം തീ​രും. പ​ഴ​ഞ്ച​ൻ രീ​തി​യൊ​ക്കെ മാ​റ്റേ​ണ്ട കാ​ല​മാ​യി മ​ദ​റേ. മ​ഠം എ​ന്നോ​ടു സ​ഹ​ക​രി​ച്ചാ മ​തി. ഞാ​നെ​ല്ലാം ചെ​യ്തോ​ളാം.”

ആ​ബേ​ല​മ്മ​യു​ടെ പേ​രി​ൽ അ​ത്ഭു​ത​ങ്ങ​ൾ ന​ട​ക്കു​മെ​ന്ന് ക​രു​തി കാ​ത്തി​രി​ക്കാ​തെ ചി​ല​തെ​ല്ലാം ക്രി​യേ​റ്റ് ചെ​യ്യ​ണ​മെ​ന്നാ​ണ് ഓ​ട​ത്ത​ക്ക​ല​ച്ച​ൻ പ​റ​യു​ന്ന​ത്. വാ​റാ​ൻ ആ​ന്റ​ണി​യു​ടെ ഭാ​ര്യ​യു​ടെ സൗ​ഖ്യത്തെ​ക്കു​റി​ച്ച് പ​റ​ഞ്ഞ​പ്പോ​ൾ അ​ച്ച​ൻ പി​ന്നേം ദേ​ഷ്യ​പ്പെ​ട്ടു.

“ശ്ര​ദ്ധ​യി​ല്ലാ​തെ​യാ​ണ് മ​ഠം ആ ​രോ​ഗ​ശാ​ന്തി കൈ​കാ​ര്യംചെ​യ്ത​ത്. നാ​മ​ക​ര​ണ കോ​ട​തി​യു​ടെ തെ​ളി​വെ​ടു​പ്പി​ന് വ​രു​മ്പോ​ൾ അ​ത് ത​ള്ളി​പ്പോ​കും. മ​ഠ​ത്തി​ന്റെ ആ​ശു​പ​ത്രി​യി​ൽ ചി​കി​ത്സി​പ്പി​ച്ചെ​ന്ന് എ​ഴു​തി ചേ​ർ​ത്ത​താ​ണ് കു​ഴ​പ്പ​മാ​യ​ത്. വ​ത്തി​ക്കാ​നി​ൽ എ​ത്തു​മ്പോ​ൾ മ​ഠം ക്രി​യേ​റ്റ് ചെ​യ്ത ഒ​രു അ​ത്ഭു​ത​മാ​യി വ്യാ​ഖ്യാ​നി​ക്ക​പ്പെ​ടും.”

ഒ​ന്നോ ര​ണ്ടോ രോ​ഗ​ശാ​ന്തി​ക​ൾ എ​ന്താ​യാ​ലും ഉ​ട​നേ ഉ​ണ്ടാ​വ​ണം. ഉ​പ​കാ​ര​സ്മ​ര​ണ പു​സ്ത​ക​ത്തി​ൽ കു​റ​ച്ചു സൗ​ഖ്യ​ങ്ങ​ൾ ആ​രു​ടെ​യെ​ങ്കി​ലും പേ​രി​ൽ വെ​റു​തെ എ​ഴു​തി​യി​ടാ​ൻ നി​ർ​ദേ​ശം കൊ​ടു​ത്തി​ട്ട് മേ​ബി​ൾ എ​ഴു​തി​യ ആ​ബേ​ല​മ്മ​യു​ടെ ജീ​വ​ച​രി​ത്ര പു​സ്ത​ക​വു​മെ​ടു​ത്ത് അ​ച്ച​ൻ മ​ഠ​ത്തി​ൽ​നി​ന്നി​റ​ങ്ങി.

ഞാ​റ​ക്ക​ട​വി​ലെ ആ​ദ്യ​ത്തെ രോ​ഗ​ശാ​ന്തി ന​ടു​വു ത​ള​ർ​ന്ന ഒ​രാ​ളു​ടേ​താ​യി​രു​ന്നു. ഓ​ട​ത്ത​ക്ക​ല​ച്ച​ന്റെ നാ​ട്ടു​കാ​ര​നാ​യി​രു​ന്നു. ആ​ബേ​ല​മ്മ​യു​ടെ ക​ട്ടി​ലി​ൽ കി​ട​ത്തി​യ​തോ​ടെ​യാ​ണ് അ​യാ​ൾ​ക്ക് സൗ​ഖ്യം കി​ട്ടി​യ​ത്. വാ​ർ​ത്ത​യ​റി​ഞ്ഞ് ക​പ്പേ​ള​ക്കു മു​ന്നി​ൽ തി​ങ്ങി​ക്കൂ​ടി​യ ജ​ന​ത്തി​ന്റെ തി​ര​ക്കി​ൽ​പെ​ട്ട് മൂ​ന്നാ​ലു പേ​ർ​ക്ക് പ​രി​ക്കു പ​റ്റി.

“തി​ര​ക്ക് കൂ​ടു​വാ​ണ​ല്ലോ മ​ദ​റേ. സെ​ക്യൂ​രി​റ്റി​ക്കാ​രെ ഉ​ട​നെ നി​ർ​ത്ത​ണം.”

133

ഞാ​റ​ക്ക​ട​വി​ൽ വ​രു​ന്ന തീ​ർ​ഥാ​ട​ക​ർ​ക്ക് താ​മ​സി​ക്കാ​നാ​യി തീ​ണ്ടാ​ത്തു​രു​ത്തി​ൽ കെ​ട്ടി​ടം പ​ണി​യു​ന്ന​തി​ന് തീ​രു​മാ​ന​മെ​ടു​ത്ത മീ​റ്റി​ങ്ങി​ൽ​വെ​ച്ചാ​ണ് ഓ​ട​ത്ത​ക്ക​ല​ച്ച​ൻ സ​മ​ർ​പ്പ​ണ നേ​ർ​ച്ച​യെ​ക്കു​റി​ച്ച് സം​സാ​രി​ച്ചു തു​ട​ങ്ങി​യ​ത്.

“പ്രാ​ർ​ഥ​ന​ക്കും രോ​ഗ​ശാ​ന്തി​ക്കും ക​പ്പേ​ള​യി​ൽ വ​രു​ന്ന​വ​ർ ആ​ബേ​ല​മ്മ​യു​ടെ പേ​രി​ൽ ഒ​രു സ​മ​ർ​പ്പ​ണം എ​ടു​ക്ക​ണം. നൂ​റു​രൂ​പ അ​ട​ച്ചാ​ൽ ആ​ർ​ക്കും സ​മ​ർ​പ്പ​ണ​ത്തി​ൽ പ​ങ്കാ​ളി​യാ​വാം. സ​മ​ർ​പ്പ​ണ​ത്തി​ന്റെ കാ​ലാ​വ​ധി ആ​റു​മാ​സ​മാ​ണ്. അ​തു​ക​ഴി​ഞ്ഞാ​ൽ വീ​ണ്ടും പു​തു​ക്ക​ണം. ആ​ബേ​ല​മ്മ​യു​ടെ സ​ന്നി​ധി​യി​ലെ​ത്തി വീ​ണ്ടും പ​ണ​മ​ട​ച്ചു ര​സീ​ത് വാ​ങ്ങു​ന്ന​വ​ർ​ക്കേ സ​മ​ർ​പ്പ​ണം പു​തു​ക്കാ​ൻ പ​റ്റൂ.

സ​മ​ർ​പ്പ​ണ​ത്തി​ന്റെ വ്യ​വ​സ്ഥ​ക​ൾ നി​സ്സാ​ര​മാ​ണ്. ഇ​നി​മേ​ലി​ൽ പാ​പം ചെ​യ്യി​ല്ലെ​ന്ന​താ​ണ് ആ​ദ്യ വാ​ഗ്ദാ​നം. ര​ണ്ടാ​മ​ത്തേ​ത് ആ​ബേ​ല​മ്മ​യു​ടെ പേ​രി​ലു​ള്ള പ്ര​സി​ദ്ധീ​ക​ര​ണ​ങ്ങ​ൾ മു​ട​ങ്ങാ​തെ വാ​ങ്ങു​ക​യും പ്ര​ച​രി​പ്പി​ക്കു​ക​യും ചെ​യ്യ​ണം. പാ​പം ചെ​യ്താ​ൽ സ​മ​ർ​പ്പ​ണ​ത്തി​ലൂ​ടെ ല​ഭി​ക്കു​ന്ന സം​ര​ക്ഷ​ണം അ​വ​സാനി​ക്കും. അ​ങ്ങ​നെ സം​ഭ​വി​ച്ചാ​ൽ ആ​റു മാ​സ​ത്തെ കാ​ലാ​വ​ധി​ക്കു കാ​ത്തു​നി​ൽ​ക്കാ​തെ അ​പ്പോ​ൾ​ത​ന്നെ ആ​ബേ​ല​മ്മ​യു​ടെ സ​ന്നി​ധി​യി​ലെ​ത്തി വീ​ണ്ടും സ​മ​ർ​പ്പ​ണം പു​തു​ക്ക​ണം.

സ​മ​ർ​പ്പ​ണം പു​തു​ക്കി​ക്കൊ​ണ്ടി​രി​ക്കു​ന്ന​വ​ർ​ക്കു​മാ​ത്രം ജീ​വി​ത​കാ​ലം മു​ഴു​വ​ൻ നീ​ണ്ടു​നി​ൽ​ക്കു​ന്ന ആ​ബേ​ല​മ്മ​യു​ടെ സം​ര​ക്ഷ​ണ​വും അ​നു​ഗ്ര​ഹ​വും എ​ന്നു​മു​ണ്ടാ​കും. കൂ​ടാ​തെ, അ​സാ​ധ്യ​കാ​ര്യ​ങ്ങ​ളി​ലെ മ​ധ്യ​സ്ഥ സ​ഹാ​യ​വും. കേ​വ​ലം നൂ​റു രൂ​പ​ക്ക് ആ​റു​മാ​സ​ത്തേ​ക്കു​ള്ള പ​രി​പൂ​ർ​ണ സം​ര​ക്ഷ​ണം കി​ട്ടു​ന്ന ഏ​ർ​പ്പാ​ടാ​ണ്. ആ​രാ ഈ ​നേ​ർ​ച്ച​യി​ൽ വീ​ഴാ​ത്ത​ത്.”

അ​ച്ച​ന​തും പ​റ​ഞ്ഞ് സി​സ്റ്റേ​ഴ്സി​ന്റെ മു​ഖ​ത്തേ​ക്ക് നോ​ക്കി. മീ​റ്റി​ങ് ന​ട​ന്നു​കൊ​ണ്ടി​രു​ന്ന പാ​ർ​ല​റി​ൽ നി​ശ്ശ​ബ്ദ​ത നി​റ​ഞ്ഞു.

‘‘ആ​യി​രം പേ​ർ സ​മ​ർ​പ്പ​ണം എ​ടു​ത്താ​ൽ ആ​റു​മാ​സ​ത്തേ​ക്ക് ഒ​രു ല​ക്ഷം രൂ​പാ. ഒ​രു ല​ക്ഷം പേ​രാ​ണ് സ​മ​ർ​പ്പ​ണം എ​ടു​ക്കു​ന്ന​തെ​ങ്കി​ലോ.”

കാ​ൽ​ക്കു​ലേ​റ്റ​റി​ൽ തെ​ളി​ഞ്ഞ അ​ക്ക​ങ്ങ​ളി​ലേ​ക്ക് നോ​ക്കി അ​ച്ച​നൊ​ന്നു ചി​രി​ച്ചു.

“ആ​റു​മാ​സം പോ​യി​ട്ട് ആ​റു ദി​വ​സം​പോ​ലും പാ​പം ചെ​യ്യാ​തെ പി​ടി​ച്ചു​നി​ൽ​ക്കാ​ൻ ന​മു​ക്കു​പോ​ലും ക​ഴി​യി​ല്ല. ഒ​റ്റ ത​ട​സ്സ​മേ ഇ​ക്കാ​ര്യ​ത്തി​ലു​ള്ളൂ. അ​ര​മ​ന​യി​ൽ​നി​ന്നും പി​താ​വി​ന്റെ അ​നു​വാ​ദം വാ​ങ്ങ​ണം. മ​ദ​ർ വി​ചാ​രി​ച്ചാ​ൽ അ​ത് സാ​ധി​ക്കാ​വു​ന്ന​തേ​യു​ള്ളൂ.”

മാ​സാ​മാ​സം സ​മ​ർ​പ്പ​ണം പു​തു​ക്കേ​ണ്ടി​വ​രു​ന്ന​വ​രു​ടെ തി​ര​ക്കി​ൽ നേ​ർ​ച്ച​പ്പെ​ട്ടി നി​റ​ഞ്ഞു തു​ളു​മ്പു​ന്ന കാ​ഴ്ച.

ജ്വ​ര​ച്ചൂ​ട് കൂ​ടി മ​ദ​ർ ക​സേ​ര​യി​ൽ​നി​ന്ന് പി​ന്നാ​ക്കം മ​റി​ഞ്ഞു.

134

പു​തി​യ​താ​യി വ​ന്ന ര​ണ്ടു സി​സ്റ്റേ​ഴ്സി​നെ​യും കൂ​ട്ടി ‘സ​മ​ർ​പ്പ​ണ’ നേ​ർ​ച്ച​ക്കു​ള്ള അ​നു​വാ​ദം വാ​ങ്ങാ​ൻ മ​ദ​ർ അ​ര​മ​ന​യി​ൽ ചെ​ന്നു. മ​ഠ​ത്തി​ലെ നോ​വി​ഷ്യേ​റ്റു​ക​ളെ ദൈ​വ​ശാ​സ്ത്രം പ​ഠി​പ്പി​ക്കാ​ൻ വ​ന്നി​രു​ന്ന കാ​ലം തൊ​ട്ടേ ദീ​നാ​മ്മ മ​ദ​റി​ന് മേ​ന​ങ്കാ​ട് പി​താ​വി​നെ അ​റി​യാം.

അ​ര​മ​ന​യി​ലേ​ക്ക് മ​ദ​റും കൊ​ച്ചു സി​സ്റ്റേ​ഴ്സും ന​ട​ന്നു വ​രു​മ്പോ​ൾ, ചൌ​രോ​ക്കൊ​പ്പം പി​താ​വ് പാ​വ​ലി​നു പ​ട​രാ​നു​ള്ള ക​യ​റു പാ​കു​ക​യാ​യി​രു​ന്നു. പി​താ​വി​ന്റെ ന​ര​ച്ച ടീ ​ഷ​ർ​ട്ട് ക​ണ്ട​പ്പോ​ഴേ അ​ടു​ത്ത ഫീ​സ്റ്റി​ന് പു​ത്ത​നൊ​രെ​ണ്ണം വാ​ങ്ങ​ണ​മെ​ന്ന് മ​ദ​ർ മ​ന​സ്സി​ൽ ഉ​റ​പ്പി​ക്കു​ക​യും ചെ​യ്തു.

മ​ദ​റി​ന് സ്തു​തി​യും മ​ട​ക്കി, ബാ​ക്കി പ​ണി​ക​ൾ ചെ​യ്യാ​ൻ ചൌ​രോ​യോ​ടു ആം​ഗ്യം കാ​ട്ടി​യി​ട്ട് പി​താ​വ് തോ​ട്ട​ത്തി​ൽ​നി​ന്ന് ക​യ​റി.

“പാ​ർ​ല​റി​ലേ​ക്ക് ചെ​ന്നോ. ഞാ​നീ വേ​ഷ​മൊ​ന്നു മാ​റീ​ട്ട് വ​രാം.”

പാ​ർ​ല​റി​ലേ​ക്ക് ക​യ​റു​മ്പോ​ൾ ഓ​ട​ത്ത​ക്ക​ല​ച്ച​ന്റെ തീ​രു​മാ​ന​ങ്ങ​ൾ പി​താ​വി​നോ​ട് പ​റ​യ​ണ​മോ​യെ​ന്നൊ​രു ആ​ശ​ങ്ക. ചാ​യ കു​ടി​ച്ചു​കൊ​ണ്ടി​രി​ക്കു​മ്പോ​ൾ സ​ഭാ​വ​സ്ത്രം ധ​രി​ച്ച് പി​താ​വ് പാ​ർ​ല​റി​ൽ എ​ത്തി. പ​ച്ച​ക്ക​റി തോ​ട്ട​ത്തി​ലെ ദൈ​വം മെ​ത്രാ​ന​ച്ച​ന്റെ കു​പ്പാ​യ​മി​ട്ട​തു​പോ​ലെ മ​ദ​റി​ന് തോ​ന്നി.

“ര​ണ്ടു​പേ​രും ഇ​ട​പ്ലാം​തു​രു​ത്തു​കാ​രാ.”

പു​തി​യ സി​സ്റ്റേ​ഴ്സി​നെ പി​താ​വി​നു പ​രി​ച​യ​പ്പെ​ടു​ത്തി​യി​ട്ട് ര​ണ്ടാ​ളോ​ടും പു​റ​ത്തി​റ​ങ്ങി നി​ൽ​ക്കാ​ൻ മ​ദ​ർ പ​റ​ഞ്ഞു.

റോ​ഡി​നു സ്ഥ​ലം കൊ​ടു​ക്കാ​തി​രി​ക്കാ​ൻ മാ​മ്പ​ള്ളി​യ​ച്ച​ൻ ഇ​ട​പെ​ട്ട് ക​പ്പേ​ള പ​ണി​യി​ച്ച​തും, തു​ട​ർ​ന്ന് വി​ൻ​സ​ൺ ഓ​ട​ത്ത​ക്ക​ല​ച്ച​ൻ വ​ന്ന​തോ​ടെ ക​ർ​ത്താ​വി​നെ മ​റു​ത​ലി​ച്ച് ഓ​രോ​ന്നു ചെ​യ്യേ​ണ്ടി​വ​രു​ന്ന​തി​ന്റെ സ​ങ്ക​ട​വു​മൊ​ക്കെ പ​റ​യാ​ൻ തു​ട​ങ്ങി​യ​തും മ​ദ​റി​ന്റെ ക​ണ്ണ് നി​റ​ഞ്ഞു.

‘‘പ​ള്ളീ​ല​ച്ച​ൻ​മാ​രെ​പ്പോ​ലെ ഇ​നി​യും പ​ണം മു​ട​ക്കാ​ൻ ഞ​ങ്ങ​ൾ​ക്കു പ​രി​മി​തി​യു​ണ്ട് പി​താ​വേ. ഓ​ട​ത്ത​ക്ക​ല​ച്ച​ൻ ചെ​റു​പ്പ​മാ​ണ്, ഏ​റ്റെ​ടു​ക്കു​ന്ന കാ​ര്യ​ങ്ങ​ളൊ​ക്കെ ചെ​യ്യാ​നു​ള്ള മി​ടു​ക്കു​മു​ണ്ട്. എ​ത്ര വേ​ണ​മെ​ന്നു പ​റ​ഞ്ഞാ​ലും പ​ള്ളീ​ല​ച്ച​ൻ​മാ​ർ​ക്ക് ഇ​ട​വ​ക​ജ​നം പി​രി​ച്ചു​കൊ​ടു​ത്തോ​ളും. മ​ഠ​ത്തി​ന്റെ കാ​ര്യം അ​ങ്ങ​നെ​യ​ല്ല​ല്ലോ. ഞ​ങ്ങ​ളു​ടെ ശ​മ്പ​ളം മു​ഴു​വ​ൻ ഇ​തി​നാ​ണ് ചെ​ല​വ​ഴി​ക്കു​ന്ന​ത്. ഓ​രോ​ന്നി​നും ജ​ന​റ​ലൈ​റ്റി​ന്റെ അ​നു​വാ​ദ​വും വേ​ണം. പു​രോ​ഹി​ത​രെ​പ്പോ​ലെ​യ​ല്ല ഞ​ങ്ങ​ളു​ടെ ജീ​വി​തം. സ്വ​ന്ത​മാ​യി ഒ​രു ജോ​ലി​യു​ണ്ടെ​ങ്കി​ൽ​പോ​ലും മ​ദ​ർ​ ജ​ന​റ​ലി​ന്റെ അ​നു​വാ​ദ​മി​ല്ലാ​തെ അ​തീ​ന്നൊ​രു ചി​ല്ലി​ക്കാ​ശ് ചി​ല​വ​ഴി​ക്കാ​ൻ പ​റ്റി​ല്ല. വീ​ട്ടി​ലേ​ക്ക് വ​ല്ല​പ്പോ​ഴും ചെ​ല്ലു​മ്പോ​ൾ ചേ​ട്ടാ​യി​യു​ടെ പി​ള്ളാ​ർ​ക്ക് ഒ​രു മി​ഠാ​യി വാ​ങ്ങി​ക്കൊ​ടു​ക്കാ​ൻ​പോ​ലും കാ​ശി​ല്ലാ​തെ ഞാ​ൻ വി​ഷ​മി​ച്ചി​ട്ടു​ണ്ട്.

അ​ച്ച​ൻ​മാ​രെ​പ്പോ​ലെ കാ​ശി​ട്ടു കാ​ശു​വാ​രു​ന്ന പ​ണി​യൊ​ക്കെ ഞ​ങ്ങ​ൾ​ക്ക് പേ​ടി​യാ​ണ് പി​താ​വേ. ‘സ​മ​ർ​പ്പ​ണം’ തു​ട​ങ്ങി​യാ​ൽ അ​തൊ​രു മ​ണി​ച്ചെ​യി​ൻ​പോ​ലെ ആ​ളു​ക​ളെ ക​പ്പേ​ള​യോ​ടു ചേ​ർ​ത്തു​നി​ർ​ത്തു​മെ​ന്നും, പ​ണ​ത്തി​നു പി​ന്നെ ബു​ദ്ധി​മു​ട്ടാ​വി​ല്ലെ​ന്നു​മാ​ണ് ഓ​ട​ത്ത​ക്ക​ല​ച്ച​ൻ പ​റ​യു​ന്ന​ത്. പ​റ്റി​ക്ക​ലാ​ണെ​ങ്കി​ലും പാ​പം ചെ​യ്യു​ന്ന​തി​ൽ​നി​ന്ന് ആ​ളു​ക​ളെ ത​ട​യു​മെ​ന്ന​ത് മാ​ത്ര​മാ​ണ് ആ​കെ​യൊ​രു സ​മാ​ധാ​നം.’’

അ​ര​മ​ന​യു​ടെ മു​ന്നി​ലെ കൃ​ഷി​യി​ട​വും പ​ച്ച​പ്പി​നി​ട​യി​ൽ ന​ര​ച്ചൊ​രു മാ​ലാ​ഖ​യെ​പ്പോ​ലെ ഓ​ടി​ന​ട​ന്ന് ഓ​രോ​ന്നു ചെ​യ്യു​ന്ന ചൌ​രോ​യെ​യും നോ​ക്കി കു​റ​ച്ചു​നേ​രം മി​ണ്ടാ​തെ ഇ​രു​ന്നി​ട്ട് പി​താ​വ് സ്വ​രം താ​ഴ്ത്തി സം​സാ​രി​ച്ചു തു​ട​ങ്ങി.

“മ​ദ​ർ പ​റ​ഞ്ഞ​തൊ​ക്കെ ശ​രി​യാ​ണ്. എ​ന്നാ​ലും ബാം​ഗ്ലൂ​രി​ൽ പോ​യി എം.​ബി.​എ ക​ഴി​ഞ്ഞു വ​ന്ന ആ​ള​ല്ലേ ഓ​ട​ത്ത​ക്ക​ല​ച്ച​ൻ, കാ​ശു മു​ട​ക്കി​യാ​ൽ അ​ത് ഇ​ര​ട്ടി​യാ​ക്കാ​ൻ മി​ടു​ക്ക​നാ. മ​ഠ​ത്തി​നു കു​ഴ​പ്പ​മൊ​ന്നും വ​രാ​തെ അ​യാ​ൾ നോ​ക്കി​ക്കൊ​ള്ളും. ഇ​ത്തി​രി​യൊ​ക്കെ ക​ണ്ണ​ട​ച്ചാ​ലേ ഇ​ക്കാ​ല​ത്ത് സ​ഭ​യ്ക്കൊ​രു നി​ലനി​ൽ​പു​ള്ളൂ. കു​റേ​യാ​ളു​ക​ൾ​ക്ക് ന​ന്മ കി​ട്ടു​ന്ന കാ​ര്യ​വു​മ​ല്ലേ. അ​തി​ലു​ണ്ടാ​വു​ന്ന തെ​റ്റു​ക​ളെ​ല്ലാം ക​ർ​ത്താ​വു ക്ഷ​മി​ച്ചോ​ളും.’’

അ​ര​മ​ന​യി​ൽനി​ന്നി​റ​ങ്ങു​മ്പോ​ൾ പ​ച്ച​ക്ക​റി​ത്തോ​ട്ട​ത്തി​ലെ ബോ​ർ​ഡി​ലെ​ഴു​തി​യ വ​ച​നം ദീ​നാ​മ്മ മ​ദ​ർ ഒ​ന്നു​കൂ​ടി വാ​യി​ച്ചു. ഗേ​റ്റു ക​ട​ക്കു​മ്പോ​ൾ കൊ​ട്ട നി​റ​യെ ചാ​ര​വു​മാ​യെ​ത്തി​യ കു​ശി​നി​യി​ലെ പ​ണി​ക്കാ​ര​ൻ വാ​ഴ​യു​ടെ ചോ​ട്ടി​ലേ​ക്ക് അ​ത് ഇ​റ​ക്കിവെ​ച്ചി​ട്ട് ദീ​നാ​മ്മ മ​ദ​റി​ന് വീ​ണ്ടും സ്തു​തി പ​റ​ഞ്ഞു.

“മ​ദ​റേ വി​ത്തു​വെ​ല്ല​തും വേ​ണോ?”

“മ​ഠ​ത്തി​ലി​പ്പോ കൃ​ഷി​യൊ​ന്നു​മി​ല്ല ചൌ​രോ.”

“അ​തെ​ന്നാ പ​റ്റി മ​ദ​റേ. എ​ന്തോ​രം ന​ടീ​ലു​ണ്ടാ​യി​രു​ന്ന മ​ണ്ണാ​യി​രു​ന്ന​ത്.”

അ​യാ​ളു​ടെ ചോ​ദ്യ​ത്തി​നു മ​റു​പ​ടി പ​റ​യാ​തെ മെ​ത്രാ​സ​ന മ​ന്ദി​ര​ത്തി​ന്റെ ഗേ​റ്റു​ചാ​രി മ​ദ​ർ പു​റ​ത്തേ​ക്കി​റ​ങ്ങി. അ​വി​ടെ നി​ന്നൊ​രു പ​റ​വ​യെ​പ്പോ​ലെ മ​ര​ച്ചി​ല്ല​ക​ളി​ലേ​ക്ക് പ​റ​ന്നു​യ​ര​ണ​മെ​ന്ന് തോ​ന്നി​യെ​ങ്കി​ലും കാ​ല​ങ്ങ​ളാ​യി ത​ന്റെ ശ​രീ​ര​ത്തെ പൊ​തി​ഞ്ഞുപി​ടി​ച്ച സ​ഭാ​വ​സ്ത്ര​ത്തി​നു​ള്ളി​ലേ​ക്ക് ഒ​തു​ങ്ങി മ​ദ​ർ എ​ന്ന​ത്തേ​യും പോ​ലെ ത​ല കു​മ്പി​ട്ടു ന​ട​ന്നു.

(തു​ട​രും)