പി​ന്ന​ണി ഗാ​യ​ക​ൻ സം​ഗീ​തം പ​ക​ർ​ന്ന​പ്പോ​ൾ

വ​യ​ലാ​റി​​ന്റെ പാ​ട്ടു​ക​ളി​ൽ ശാ​സ്​​ത്ര​വും വി​ശ്വാ​സ​വു​മെ​ല്ലാം പ​ല​വി​ധ​ത്തി​ൽ ഇ​ട​ക​ല​ർ​ന്നി​രു​ന്നു. ശാ​സ്​​ത്രവി​ജ​യ​ങ്ങ​ളെ​ക്കു​റി​ച്ച്​ എ​ഴു​തി​യ​യാ​ൾ പ്രാ​ർ​​ഥ​നാ​ഗീ​ത​ങ്ങ​ളും സി​നി​മ​ക​ൾ​ക്കാ​യി എ​ഴു​തി. അ​തേ​ക്കു​റി​ച്ചും പി​ന്ന​ണിഗാ​യ​ക​നാ​യ എ.​എം. രാ​ജ സം​ഗീ​ത  സം​വി​ധാ​യ​ക​നാ​യ​തി​നെ​ക്കു​റി​ച്ചും എ​ഴു​തു​ന്നു. 

ക​മ്യൂ​ണി​സ്റ്റ് ആ​ശ​യ​ങ്ങ​ളോ​ട് ആ​ഭി​മു​ഖ്യ​മു​ള്ള എ​ഴു​ത്തു​കാ​ർ ചേ​ർ​ന്ന് 1936ൽ​ത​ന്നെ അ​ഖി​ലേ​ന്ത്യാ​ത​ല​ത്തി​ൽ പു​രോ​ഗ​മ​ന സാ​ഹി​ത്യ​സം​ഘം എ​ന്ന സം​ഘ​ട​ന രൂ​പ​വ​ത്ക​രി​ക്കു​ക​യു​ണ്ടാ​യി. ഇ​തി​ന്റെ വെ​ളി​ച്ച​ത്തി​ൽ അ​ടു​ത്ത വ​ർ​ഷം ത​ന്നെ, അ​താ​യ​ത് 1937ൽ ​കേ​ര​ള​ത്തി​ൽ ജീ​വ​ൽ​സാ​ഹി​ത്യ സ​മി​തി രൂ​പം​കൊ​ണ്ടു. കേ​സ​രി ബാ​ല​കൃ​ഷ്ണ​പി​ള്ള​യു​ടെ ആ​ശ​യ​ങ്ങ​ൾ ഇ​തി​നു പ്ര​ചോ​ദ​ന​മാ​യി. നാ​ൽ​പ​തു​ക​ളി​ൽ പു​രോ​ഗ​മ​ന സാ​ഹി​ത്യ സം​ഘം കേ​ര​ള​ത്തി​ലും ശ​ക്തി നേ​ടി. പി. ​കൃ​ഷ്ണ​പി​ള്ള, ഇ.​എം.​എ​സ്. ന​മ്പൂ​തി​രി​പ്പാ​ട്, പി. ​ഗോ​വി​ന്ദ​പ്പി​ള്ള, പി. ​ഭാ​സ്ക​ര​ൻ, പൊ​ൻ​കു​ന്നം വ​ർ​ക്കി, പി. ​കേ​ശ​വ​ദേ​വ്, ത​ക​ഴി ശി​വ​ശ​ങ്ക​ര​പ്പി​ള്ള, എം.​എ​സ്. മേ​നോ​ൻ, താ​യാ​ട്ട് ശ​ങ്ക​ര​ൻ തു​ട​ങ്ങി​യ​വ​രെ​ല്ലാം ഈ ​സം​ഘ​ട​ന​യു​ടെ സ​ജീ​വ പ്ര​വ​ർ​ത്ത​ക​ർ ആ​യി​രു​ന്നു. ഈ ​സം​ഘ​ട​ന​യി​ൽ​നി​ന്ന് സി​നി​മ​യി​ൽ എ​ഴു​ത്തു​കാ​രാ​യി ആ​ദ്യം പ്ര​വേ​ശി​ച്ച​വ​ർ പി. ​ഭാ​സ്ക​ര​നും പൊ​ൻ​കു​ന്നം വ​ർ​ക്കി​യു​മാ​ണ്. മ​ല​യാ​ള സി​നി​മ​ക്കു​വേ​ണ്ടി തി​ര​ക്ക​ഥ​യും സം​ഭാ​ഷ​ണ​വും എ​ഴു​തി​യ ആ​ദ്യ​ത്തെ പു​രോ​ഗ​മ​ന സാ​ഹി​ത്യ​കാ​ര​നാ​ണ് പൊ​ൻ​കു​ന്നം വ​ർ​ക്കി. ‘ആ​ശാ​ദീ​പം’, ‘സ്നേ​ഹ​സീ​മ’ തു​ട​ങ്ങി​യ ചി​ത്ര​ങ്ങ​ൾ​ക്ക് മാ​ത്ര​മ​ല്ല, ക​ർ​ഷ​ക​സ​മ​രം വി​ഷ​യ​മാ​യ ‘ന​വ​ലോ​കം’ എ​ന്ന ചി​ത്ര​ത്തി​നും അ​ദ്ദേ​ഹ​മാ​ണ് ക​ഥ​യും സം​ഭാ​ഷ​ണ​വും ര​ചി​ച്ച​ത്.

തോ​പ്പി​ൽ ഭാ​സി, എ​സ്.​എ​ൽ. പു​രം സ​ദാ​ന​ന്ദ​ൻ, കെ.​ടി. മു​ഹ​മ്മ​ദ് തു​ട​ങ്ങി​യ എ​ഴു​ത്തു​കാ​ർ മ​ല​യാ​ള സി​നി​മ​യി​ൽ ഇ​ടം​പി​ടി​ക്കു​ക​യും അം​ഗീ​ക​രി​ക്ക​പ്പെ​ടു​ക​യും ചെ​യ്ത​തോ​ടെ പൊ​ൻ​കു​ന്നം വ​ർ​ക്കി​ക്ക് അ​വ​സ​ര​ങ്ങ​ൾ കു​റ​ഞ്ഞു (ഇ​വ​രും ക​മ്യൂ​ണി​സ്റ്റ് സ​ഹ​യാ​ത്രി​ക​ർ ആ​യി​രു​ന്നു എ​ന്നോ​ർ​ക്കു​ക). സാ​മാ​ന്യം ദീ​ർ​ഘ​മാ​യ ഇ​ട​വേ​ള​ക്കു​ശേ​ഷം അ​ദ്ദേ​ഹം വീ​ണ്ടും തി​ര​ക്ക​ഥാ​കൃ​ത്താ​യി പ്ര​ത്യ​ക്ഷ​പ്പെ​ട്ട​ത് എ​ക്സ​ൽ പ്രൊ​ഡ​ക്ഷ​ൻ​സി​നു വേ​ണ്ടി ഉ​ദ​യാ സ്റ്റു​ഡി​യോ​യി​ൽ കു​ഞ്ചാ​ക്കോ നി​ർ​മി​ച്ച ‘പേ​ൾ​വ്യൂ’ എ​ന്ന ചി​ത്ര​ത്തി​ലൂ​ടെ​യാ​ണ്. പ്രേം​ന​സീ​ർ, ശാ​ര​ദ, കൊ​ട്ടാ​ര​ക്ക​ര ശ്രീ​ധ​ര​ൻ നാ​യ​ർ, പി.​ജെ.​ ആ​ന്റ​ണി, കെ.​പി. ഉ​മ്മ​ർ, അ​ടൂ​ർ ഭാ​സി, അ​ടൂ​ർ ഭ​വാ​നി, എ​ൻ. ഗോ​വി​ന്ദ​ൻ​കു​ട്ടി, എ​സ്.​പി. പി​ള്ള, മ​ണ​വാ​ള​ൻ ജോ​സ​ഫ്, ആ​ലു​മ്മൂ​ട​ൻ തു​ട​ങ്ങി​യ​വ​ർ അ​ഭി​ന​യി​ച്ച ‘പേ​ൾ​വ്യൂ’ കു​ഞ്ചാ​ക്കോ​ത​ന്നെ​യാ​ണ് സം​വി​ധാ​നംചെ​യ്ത​ത്. വ​യ​ലാ​ർ-​ദേ​വ​രാ​ജ​ൻ ടീ​മി​ന്റെ അ​ഞ്ചു ഗാ​ന​ങ്ങ​ൾ ‘പേ​ൾ​വ്യൂ’ എ​ന്ന സി​നി​മ​യി​ൽ ഉ​ണ്ടാ​യി​രു​ന്നു. യേ​ശു​ദാ​സ്, പി. ​സു​ശീ​ല, ബി. ​വ​സ​ന്ത, മാ​ധു​രി എ​ന്നി​വ​രാ​യി​രു​ന്നു ഗാ​യ​ക​ർ. ചി​ത്ര​ത്തി​ലെ അ​ഞ്ചു പാ​ട്ടു​ക​ളി​ൽ മൂ​ന്നെ​ണ്ണം ഹി​റ്റു​ക​ളാ​യി.

യേ​ശു​ദാ​സ് പാ​ടി​യ ‘‘ത​ങ്ക​ത്താ​ഴി​ക​ക്കു​ട​മ​ല്ല’’ എ​ന്നാ​രം​ഭി​ക്കു​ന്ന ഗാ​നം ശാ​സ്ത്ര​പു​രോ​ഗ​തി​യി​ൽ ആ​ഹ്ലാ​ദി​ക്കു​ക​യും അ​ത് ത​ന്റെ ര​ച​ന​ക​ളി​ൽ സ​ന്നി​വേ​ശി​പ്പി​ക്കു​ക​യും ചെ​യ്യു​ന്ന വ​യ​ലാ​ർ രാ​മ​വ​ർ​മ​യു​ടെ പു​രോ​ഗ​മ​ന​ ചി​ന്താ​ഗ​തി​ക്കു മ​കു​ടോ​ദാ​ഹ​ര​ണ​മാ​യി വ​ർ​ത്തി​ക്കു​ന്നു. ‘‘ത​ങ്ക​ത്താ​ഴി​ക​ക്കു​ട​മ​ല്ല​/ താ​രാ​പ​ഥ​ത്തി​ലെ ര​ഥ​മ​ല്ല/ ച​ന്ദ്ര​ബിം​ബം ക​വി​ക​ൾ പു​ക​ഴ്ത്തി​യ സ്വ​ർ​ണ​മ​യൂ​ര​മ​ല്ല...’’ ച​ന്ദ്ര​നെ​ക്കു​റി​ച്ച് റ​ഷ്യ​യും അ​മേ​രി​ക്ക​യും ന​ട​ത്തി​യ ക​ണ്ടു​പി​ടി​ത്ത​ങ്ങ​ളാ​ണ് ഈ ​ഗാ​നം എ​ഴു​താ​ൻ വ​യ​ലാ​റി​നെ പ്രേ​രി​പ്പി​ച്ച​ത്. ഗാ​ന​ത്തി​ലെ തു​ട​ർ​ന്നു​ള്ള വ​രി​ക​ൾ ശ്ര​ദ്ധി​ക്കു​ക, ‘‘ക​സ്തൂരി​മാ​നി​ല്ല ക​ല്ലോ​ലി​നി​യി​ല്ല/ ക​ൽപ​ക​ത്ത​ളി​ർ​മ​ര​ത്ത​ണ​ലി​ല്ല/​ഏ​തോ വി​ര​ഹ​ത്തി​ൻ ഇ​രു​ൾ വ​ന്നു മൂ​ടു​ന്നൊ/-​രേ​കാ​ന്ത ശൂ​ന്യ​ത​യ​ല്ലോ -അ​വി​ടെ-/​ യൊ​രേ​കാ​ന്ത ശൂ​ന്യ​ത​യ​ല്ലോ...’’ ‘‘ഇ​ന്ദു​ലേ​ഖേ ഇ​ന്ദു​ലേ​ഖേ/ ഇ​ന്ദ്ര​സ​ദ​സ്സി​ലെ നൃ​ത്ത​ലോ​ലേ...’’ എ​ന്നെ​ഴു​തി​യ ക​വി​ ത​ന്നെ​യാ​ണ് കാ​ൽ​പ​നി​ക​ത​യി​ൽ​നി​ന്ന് ഇ​റ​ങ്ങിവ​ന്ന് ഈ ​ശാ​സ്ത്ര​ഭാ​ഷ പാ​ടു​ന്ന​തെ​ന്ന് ഓ​ർ​മി​ക്കു​ക. യേ​ശു​ദാ​സും ബി. ​വ​സ​ന്ത​യും ചേ​ർ​ന്ന് പാ​ടു​ന്ന ‘‘യ​വ​ന​സു​ന്ദ​രീ...’’ എ​ന്ന യു​ഗ്മ​ഗാ​ന​വും വ​ള​രെ പ്ര​ശ​സ്ത​മാ​ണ്. ‘‘യ​വ​ന​സു​ന്ദ​രീ സ്വീ​ക​രി​ക്കു​കീ/ പ​വി​ഴ​മ​ല്ലി​ക​പ്പൂ​വു​ക​ൾ’’ എ​ന്ന് ഗാ​യ​ക​ൻ പാ​ടു​മ്പോ​ൾ ‘‘ജ​നി​ച്ച​നാ​ൾ മു​ത​ൽ സ്വീ​ക​രി​ക്കു​വാ​ൻ/ ത​പ​സ്സി​രു​ന്ന​വ​ളാ​ണ് ഞാ​ൻ -പ്രേ​മ/ ത​പ​സ്സി​രു​ന്ന​വ​ളാ​ണ് ഞാ​ൻ’’ എ​ന്ന് നാ​യി​ക​യു​ടെ മ​റു​പ​ടി.

‘‘അ​ക​ലെ വീ​ന​സ്സി​ൻ ര​ഥ​ത്തി​ലും/ അ​മൃ​ത​വാ​ഹി​നീ ത​ട​ത്തി​ലും/ വി​രി​ഞ്ഞ പൂ​വി​ലും കൊ​ഴി​ഞ്ഞ പൂ​വി​ലും/ തി​ര​ഞ്ഞു നി​ന്നെ ഞാ​നി​തു വ​രെ...’’ എ​ന്നി​ങ്ങ​നെ തു​ട​ർ​ന്നു​പോ​കു​ന്നു ഈ ​മ​നോ​ഹ​രഗാ​നം. യേ​ശു​ദാ​സും പി. ​മാ​ധു​രി​യും പാ​ടു​ന്ന ‘‘കൈ​ത​പ്പൂ​വി​ശ​റി​യു​മാ​യ്‌ കാ​റ്റേ കൂ​ടെ വ​രൂ/ ക​ട​ലും മ​ല​യും കു​ളി​ർ കോ​രും​ കാ​റ്റേ കൂ​ടെ വ​രൂ...’’ എ​ന്ന് തു​ട​ങ്ങു​ന്ന യു​ഗ്മ​ഗാ​ന​വും വ​ള​രെ പ്ര​ശ​സ്ത​മാ​ണ്. ആ ​ഗാ​നം ഇ​ങ്ങ​നെ തു​ട​രു​ന്നു: ‘‘ഏ​ഴു സ​മു​ദ്ര​ത്തി​ന്ന​ക​ലെ ഏ​ഴാ​കാ​ശ​ത്തി​ന​ക​ലെ/ എ​ദ​ൻ​തോ​ട്ട​ത്തി​ലൊ​രു നാ​ളി​ൽ/ ആ​ദ​വും ഹ​വ്വ​യും ആ​ദ്യം ചൂ​ടി​യ/ പാ​തി​രാ​മ​ല​രി​റു​ത്തു ത​രൂ...’’

യേ​ശു​ദാ​സും വ​സ​ന്ത​യും സം​ഘ​വും പാ​ടി​യ പ്രാ​ർ​ഥാ​നാ​ഗാ​ന​വും ശ്ര​ദ്ധേ​യം. ‘‘വി​ശു​ദ്ധ​നാ​യ സെ​ബാ​സ്ത്യാ​നോ​സേ/ ഞ​ങ്ങ​ൾ​ക്കു വേ​ണ്ടി പ്രാ​ർ​ഥി​ക്കേ​ണ​മേ/ പാ​പി​ക​ൾ ഞ​ങ്ങ​ളെ പ​രി​ശു​ദ്ധ​രാ​ക്കു​വാ​ൻ/ പ​ണ്ട് ന​ർ​ദോ​ന​യി​ൽ ജ​നി​ച്ച​വ​നേ/ പാ​വ​ങ്ങ​ൾ ഞ​ങ്ങ​ൾ​ക്കു സ്വ​ർ​ഗ​രാ​ജ്യം ത​രാ​ൻ/ പീ​ഡ​ന​മേ​റ്റു ത​ള​ർ​ന്ന​വ​നേ...’’ യേ​ശു​വി​നെ​ക്കു​റി​ച്ചും മാ​താ​വി​നെ​ക്കു​റി​ച്ചു​മു​ള്ള പ്രാ​ർ​ഥ​നാ​ഗീ​ത​ങ്ങ​ൾ ന​മു​ക്ക് സു​പ​രി​ചി​ത​ങ്ങ​ളാ​ണ്. എ​ന്നാ​ൽ, സെ​ബാ​സ്‌​ത്യാ​നോ​സി​നെ​ക്കു​റി​ച്ചു​ള്ള ഗാ​നം സി​നി​മ​യി​ൽ അ​പൂ​ർ​വ​മാ​ണ്. 1970 ജ​നു​വ​രി 30ന് ​പു​റ​ത്തു​വ​ന്ന ‘പേ​ൾ​വ്യൂ’ എ​ന്ന ചി​ത്രം തി​യ​റ്റ​റു​ക​ളി​ൽ ഭേ​ദ​പ്പെ​ട്ട വി​ജ​യം നേ​ടി. ഉ​ദ​യാ ചി​ത്ര​ങ്ങ​ൾ പൊ​തു​വെ പു​ല​ർ​ത്തി​വ​ന്ന ഗാ​ന​ങ്ങ​ളു​ടെ ഉ​യ​ർ​ന്ന നി​ല​വാ​രം ‘പേ​ൾ​വ്യൂ’ എ​ന്ന സി​നി​മ​യും നി​ല​നി​ർ​ത്തി​യെ​ന്നു പ​റ​യാം.

ത​മി​ഴി​ൽ വ​മ്പി​ച്ച പ്ര​ദ​ർ​ശ​നവി​ജ​യം നേ​ടി​യ ‘പെ​ണ്ണി​ൻ പെ​രു​മൈ’ എ​ന്ന സി​നി​മ​യു​ടെ ക​ഥ അ​വ​ലം​ബ​മാ​ക്കി ത​മി​ഴ് നി​ർ​മാ​താ​വാ​യ എ.​എ​ൽ. ശ്രീ​നി​വാ​സ​ൻ മ​ല​യാ​ള​ത്തി​ൽ നി​ർ​മി​ച്ച സി​നി​മ​യാ​ണ് ‘സ​ര​സ്വ​തി’. ഈ ​ചി​ത്രം തി​ര​ക്ക​ഥ​യും സം​ഭാ​ഷ​ണ​വും ഗാ​ന​ങ്ങ​ളും എ​ഴു​തി സം​വി​ധാ​നംചെ​യ്ത​ത് തി​ക്കു​റി​ശ്ശി സു​കു​മാ​ര​ൻ നാ​യ​രാ​ണ്. വി​വാ​ഹ​ത്തി​നു​ശേ​ഷം സി​നി​മാ​രം​ഗം വി​ട്ട പ്ര​ശ​സ്ത​ ന​ടി രാ​ഗി​ണി വീ​ണ്ടും പ്ര​ധാ​ന​വേ​ഷ​ത്തി​ൽ മ​ല​യാ​ള​സി​നി​മ​യി​ൽ മ​ട​ങ്ങി​വ​ന്ന​ത് ഈ ​ചി​ത്ര​ത്തി​ലൂ​ടെ​യാ​ണ്. ദീ​ർ​ഘ​കാ​ലം സി​നി​മാ​രം​ഗം വി​ട്ടു​നി​ന്ന ത​ന്റെ മൂ​ത്ത സ​ഹോ​ദ​രി പ​ത്മി​നി ‘കു​മാ​ര​സം​ഭ​വം’ എ​ന്ന ചി​ത്ര​ത്തി​ലൂ​ടെ തി​രി​ച്ചു​വ​ന്ന​ത് രാ​ഗി​ണി​ക്ക് പ്ര​ചോ​ദ​ന​മാ​യി​ട്ടു​ണ്ടാ​വാം. പ്രേം​ന​സീ​ർ ആ​യി​രു​ന്നു ‘സ​ര​സ്വ​തി’​യി​ലെ നാ​യ​ക​ൻ. ചി​ത്ര​ത്തി​ലെ ഒ​രു പ്ര​ധാ​ന​വേ​ഷം അ​ഭി​ന​യി​ച്ച​തും സം​വി​ധാ​യ​ക​നാ​യ തി​ക്കു​റി​ശ്ശി​ത​ന്നെ​യാ​ണ്. കെ.​പി. ഉ​മ്മ​ർ, ടി.​എ​സ്. മു​ത്ത​യ്യ, അ​ടൂ​ർ ഭാ​സി, വി​ജ​യ ല​ളി​ത, മീ​ന, ബ​ഹ​ദൂ​ർ, മു​തു​കു​ളം രാ​ഘ​വ​ൻ​പി​ള്ള തു​ട​ങ്ങി​യ​വ​രാ​യി​രു​ന്നു ഇ​ത​ര​ താ​ര​ങ്ങ​ൾ. തി​ക്കു​റി​ശ്ശി എ​ഴു​തി എം.​എ​സ്. ബാ​ബു​രാ​ജ് ഈ​ണം പ​ക​ർ​ന്ന ഏ​ഴു പാ​ട്ടു​ക​ൾ ചി​ത്ര​ത്തി​ലു​ണ്ടാ​യി​രു​ന്നു (അ​തു​വ​രെ തി​ക്കു​റി​ശ്ശി എ​ഴു​തി​യ എ​ല്ലാ സി​നി​മാ​ഗാ​ന​ങ്ങ​ൾ​ക്കും സം​ഗീ​തസം​വി​ധാ​നം നി​ർ​വ​ഹി​ച്ച​ത് വി. ​ദ​ക്ഷി​ണാ​മൂ​ർ​ത്തി​യാ​യി​രു​ന്നു). യേ​ശു​ദാ​സ്, എ​സ്. ജാ​ന​കി, എ​ൽ.​ആ​ർ.​ ഈ​ശ്വ​രി, സി.​ഒ. ആ​ന്റോ, സീ​റോ ബാ​ബു എ​ന്നി​വ​ർ പി​ന്ന​ണി​യി​ൽ പാ​ടി. യേ​ശു​ദാ​സ് പാ​ടി​യ ഈ ​ഗാ​നം ഓം​കാ​ര​ത്തി​ലും സ്വ​രാ​ക്ഷ​ര​ങ്ങ​ളി​ലു​മാ​ണ് തു​ട​ങ്ങു​ന്ന​ത്.

‘‘ഓം ​ഓം ഓം

​ഹ​രിശ്രീ ​ഗ​ണ​പ​ത​യേ ന​മഃ

അ ​ആ ഇ ​ഈ ഉ ​ഊ എ ​ഏ ഐ ഒ ​ഓ ഔ ​അം അഃ

​ക ഖ ​ഗ ഘ ​ങ

ച ഛ ​ജ ഝ ​ഞ

ട ​ഠ ഡ ​ഢ ണ

​ത ഥ ​ദ ധ ​ന

പ ​ഫ ബ ​ഭ മ

​യ ര ​ല വ ​ശ ഷ

​സ ഹ ​ള ഴ ​റ

അ​മ്പ​ത്തൊ​ന്ന​ക്ഷ​ര സാ​ക്ഷാ​ൽ​ക്കാ​ര​മേ/ ആ​ശ​യ ഭ​ണ്ഡാ​ഗാ​ര​മേ/ സം​പൂ​ഷ്ടാ​ർ​ഥ സ്വ​രൂ​പ​മേ/ മ​ല​യാ​ള​മേ... ന​മ​സ്തേ/... ദ്രാ​വി​ഡ ഹി​മ​ഗി​രി​ഗ​ളി​തേ/ ദേ​വ​സം​സ്‌​കൃ​ത സം​ഗീ​തേ/ സു​കു​മാ​ര​ക​ലാ​ര​സി​കേ ഓം...​ഓം...’’

മ​ല​യാ​ള​ ഭാ​ഷ​യെ​ക്കു​റി​ച്ച് പി. ​ഭാ​സ്ക​ര​ൻ എ​ഴു​തി ദ​ക്ഷി​ണാ​മൂ​ർ​ത്തി ഈ​ണം പ​ക​ർ​ന്ന് എം.​എ​ൽ. വ​സ​ന്ത​കു​മാ​രി​യും പി. ​ലീ​ല​യും ചേ​ർ​ന്ന് ‘ആ​ശാ​ദീ​പം’ എ​ന്ന സി​നി​മ​യി​ൽ പാ​ടി​യ ‘‘ജ​ന​നി ജ​യി​ക്ക നീ​ണാ​ൾ മ​ല​യാ​ള​മേ’’ എ​ന്ന ഗാ​ന​ത്തി​നു ശേ​ഷം മ​ല​യാ​ള​ഭാ​ഷ​യെ പു​ക​ഴ്ത്തു​ന്ന മ​റ്റൊ​രു ഗാ​ന​മാ​ണ് തി​ക്കു​റി​ശ്ശി എ​ഴു​തി​യ​ത്. പ​ക്ഷേ, എ​ന്തു​കൊ​ണ്ടോ ഈ ​ഗാ​നം വേ​ണ്ട​വി​ധ​ത്തി​ൽ ശ്ര​ദ്ധി​ക്ക​പ്പെ​ടാ​തെ പോ​യി. പി. ​ലീ​ല പാ​ടി​യ ഗാ​നം ഇ​ങ്ങ​നെ തു​ട​ങ്ങു​ന്നു: ‘‘എ​ത്ര​ത​ന്നെ ചോ​ദി​ച്ചാ​ലും ഉ​ത്ത​രം പ​റ​യി​ല്ല ഞാ​ൻ/ ഉ​ത്പ​ല​ന​യ​ന​നെ​ന്നെ വി​ശ്വ​സി​ച്ചു ചൊ​ന്ന കാ​ര്യം....’’ പാ​ട്ട് ഇ​ങ്ങ​നെ തു​ട​രു​ന്നു: ‘‘നെ​ല്ലി​യാ​മ്പ​ൽ​കു​ള​ങ്ങ​രെ ക​ല്ലി​ൽ ഞ​ങ്ങ​ളി​രി​ക്കു​മ്പോ​ൾ/ മെ​ല്ല​വേ​യെ​ൻ കാ​തി​നു​ള്ളി​ൽ ചൊ​ല്ലി​നാ​നാ​കാ​ര്യം പ്രി​യ​ൻ...’’ നാ​ട​ൻ​പാ​ട്ടി​ന്റെ ശൈ​ലി​യി​ൽ തി​ക്കു​റി​ശ്ശി എ​ഴു​തി​യ ഈ ​പാ​ട്ട് ബാ​ബു​രാ​ജ് ല​ളി​ത​മാ​യ രീ​തി​യി​ൽ​ത​ന്നെ ചി​ട്ട​പ്പെ​ടു​ത്തി.

എ​സ്. ജാ​ന​കി പാ​ടി​യ ‘‘ആ​രു പ​റ​ഞ്ഞു ആ​രു പ​റ​ഞ്ഞു/ പ്രി​യ​മാ​ന​സ​നാ​യ ഭ​വാ​നൊ​രു/ ഭ്രാ​ന്ത​നാ​ണെ​ന്നാ​രു പ​റ​ഞ്ഞു…?’’ എ​ന്ന് തു​ട​ങ്ങു​ന്ന ഗാ​നം ഇ​ങ്ങ​നെ തു​ട​രു​ന്നു: ‘‘മ​ഞ്ഞ​ക്ക​ണ്ണാ​ടി വെ​ച്ച മ​നു​ഷ്യ​ർ​ക്ക്/ മ​റ്റു​ള്ള​തെ​ല്ലാം മ​ഞ്ഞ​യാ​യ് തോ​ന്നും/ ഓ​ടു​ന്ന വ​ണ്ടി​യി​ലൊ​രു​വ​നു ചു​റ്റും/ ഓ​ടു​ന്ന​താ​യ് തോ​ന്നും...’’ എ​സ്. ജാ​ന​കി ത​ന്നെ പാ​ടി​യ പ്രാ​ർ​ഥ​നാ​ഗാ​നം ഒ​ട്ടൊ​ക്കെ ശ്ര​ദ്ധേ​യ​മാ​യി. ‘‘മ​ര​ത​ക​മ​ണി​വ​ർ​ണാ ​മ​നംപോ​ലെ ത​രാം വെ​ണ്ണ/ ക​ണി കാ​ണാ​ൻ ക​മ​ല​ക്ക​ണ്ണാ വാ..​.വാ/ മ​മ മു​ന്നി​ൽ, ക​നി​വെ​ന്നി​ൽ ക​ല​ർ​ന്ന ക​ണ്ണാ/ നേ​രം പു​ല​ർ​ന്നു ക​ണ്ണാ...’’ എ​ന്നി​ങ്ങ​നെ തു​ട​ങ്ങു​ന്ന ഗാ​ന​ത്തി​ലെ തു​ട​ർ​ന്നു​ള്ള വ​രി​ക​ൾ ഇ​ങ്ങ​നെ: ‘‘നി​റ​യ​വേ ന​റു​പീ​ലി നി​ര​ത്തി​യ ത​ല​മു​ടി/ നെ​റു​ക​യി​ൽ ചെ​റു​താ​യി കെ​ട്ടി​വെ​ച്ചു/ കൂ​ട്ടി കെ​ട്ടി വെ​ച്ചു/ മ​ല​ർ​മാ​ല വ​ന​മാ​ല തി​രു​മാ​റി​ല​ണ​ിഞ്ഞു/ പൂ​മി​ഴി​ക​ളി​ൽ മ​യ്യെ​ഴു​തി വാ​വാ... മ​ണി​ചു​ണ്ടാ​ൽ മ​ധു​രി​ത മു​ര​ളി​യൂ​തി/ രാ​ഗ​മു​ര​ളി​യൂ​തി...’’ എ​ൽ.​ആ​ർ. ഈ​ശ്വ​രി പാ​ടി​യ ര​ണ്ടു പാ​ട്ടു​ക​ൾ ചി​ത്ര​ത്തി​ലു​ണ്ടാ​യി​രു​ന്നു. ‘‘മ​ധു​ര​പ്പ​തി​നേ​ഴ്​/ ക​യ്യി​ൽ ക​രി​യുംകൊ​ണ്ടു ന​ട​ക്കും/ കാ​ല​ത്തി​നു ക​ഴി​വി​ല്ലാ/ അ​റി​യാ​തെ​ൻ അ​ഴ​കി​ൽ/ ഒ​രു വി​ര​ല​ട​യാ​ളം പ​തി​ക്കു​വാ​ൻ’’ എ​ന്നു തു​ട​ങ്ങു​ന്ന പാ​ട്ടും ‘‘പെ​ണ്ണ് വ​രു​ന്നേ പെ​ണ്ണ് വ​രു​ന്നേ/ മ​യി​ലാ​ടും കു​ന്നി​ല് മ​ഞ്ചാ​ടി മ​ര​ത്തി​ല്/ മ​ഴ​വി​ല്ലും കൊ​ത്തി​ക്കൊ​ണ്ടൊ​രു/ ത​ത്ത​മ്മ​പെ​ണ്ണ് വ​രു​ന്നേ/ പെ​ണ്ണ് വ​രു​ന്നേ...​ പെ​ണ്ണ് വ​രു​ന്നേ’’ എ​ന്നു തു​ട​ങ്ങു​ന്ന​ പാ​ട്ടു​മാ​ണ് എ​ൽ.​ആ​ർ. ഈ​ശ്വ​രി ആ​ല​പി​ച്ച​ത്. സി.​ഒ. ആ​ന്റോ​യും സീ​റോ ബാ​ബു​വും ചേ​ർ​ന്നു പാ​ടി​യ ഒ​രു ഹാ​സ്യ​ഗാ​ന​വും ‘സ​ര​സ്വ​തി’​യി​ൽ ഉ​ണ്ടാ​യി​രു​ന്നു. പാ​ര​ഡി​പ്പാ​ട്ടു​ക​ൾ എ​ഴു​തി പാ​ടു​ന്ന​തി​ൽ പ്ര​ശ​സ്ത​നാ​യ തി​ക്കു​റി​ശ്ശി​യു​ടെ വി​ക​ട​സ​ര​സ്വ​തീ​പ്ര​ഭാ​വം ഈ ​ഗാ​ന​ത്തി​ലെ ചി​ല വ​രി​ക​ളി​ൽ പ്ര​സ​രി​ക്കു​ന്ന​തു കാ​ണാം.

‘‘രാ​ജാ​വ്... നീ​യൊ​രു രാ​ജാ​വ് ഞാ​നൊ​രു ഞ​ഞ്ഞാ​മി​ഞ്ഞാ മ​ന്ത്രി/ നീ​യൊ​രു രാ​ജാ​വ് ഞാ​ന​ല്ല, നീ/ ​ഞാ​ൻ, ഞാ​നൊ​രു​രാ​ജാ​വ് നീ​യൊ​രു ഞ​ഞ്ഞാ​മി​ഞ്ഞാ മ​ന്ത്രി.../ സിം​ഹാ​സ​ന​മെ​വി​ടെ ചെ​ങ്കോ​ലും കി​രീ​ട​വും എ​വി​ടെ/ സേ​ന​ക​ളെ​വി​ടെ ചേ​ടി​ക​ളെ​വി​ടെ സേ​വ​ക​ന്മാ​രെ​വി​ടെ’’ എ​ന്നി​ങ്ങ​നെ നീ​ണ്ടു​പോ​കു​ന്ന പാ​ട്ടി​ൽ ലേ​ശം സ​റ്റ​യ​ർ ക​ട​ന്നു​കൂ​ടി​യി​ട്ടു​ണ്ട്. ഈ ​വ​രി​ക​ൾ ശ്ര​ദ്ധി​ക്കു​ക: ‘‘യൂ​ണി​യ​നു​ണ്ടോ പ്ലീ​ന​മു​ണ്ടോ/ പി​ക്ക​റ്റി​ങ് ഉ​ണ്ടോ നി​ങ്ങ​ൾ​ക്ക്/ നെ​ല്ലും പ​ണ​വും കി​ട്ടു​ന്നു​ണ്ടോ/ നേ​രേ ചൊ​വ്വേ മ​ഴ​യു​ണ്ടോ/ അ​വി​ശ്വാ​സ​പ്ര​മേ​യ​മു​ണ്ടോ/ അ​ട്ടി​മ​റി​പ്പു​ണ്ടൊ -ഉ​ണ്ടോ...’’ എ​ന്നി​ങ്ങ​നെ അ​ൽ​പം സാ​മൂ​ഹി​ക വി​മ​ർ​ശ​ന​വും വ​ന്നു​പോ​കു​ന്നു​ണ്ട്. വ​ള​രെ പു​രാ​ത​ന​മാ​യ ഒ​രു സ​ര​സ്വ​തീ സ്തോ​ത്ര​ഭാ​ഗ​വും എ​സ്. ജാ​ന​കി പാ​ടി​യി​ട്ടു​ണ്ട് ‘‘യാ​കു​ന്ദേ​ന്ദു തു​ഷാ​ര​ഹാ​ര​ധ​വ​ളാ യാ​ശ്വേ​ത​പ​ത്മാ​സ​ന’’ എ​ന്നു തു​ട​ങ്ങു​ന്ന ശ്ലോ​കം. ഇ​തി​ന്റെ ര​ച​യി​താ​വും തി​ക്കു​റി​ശ്ശി​യാ​ണെ​ന്നു പാ​ട്ടു​പു​സ്ത​ക​ത്തി​ലും മ​റ്റും കൊ​ടു​ത്തി​ട്ടു​ണ്ട്. അ​ത് ശ​രി​യ​ല്ല. ആ ​ശ്ലോ​കം വ​ള​രെ പ്രാ​ചീ​ന​മാ​ണ്... ഇ​തി​ന്റെ ര​ച​യി​താ​വ് ‘‘അ​മ്പ​ത്തൊ​ന്ന​ക്ഷ​രാ​ളീ, ക​ലി​ത​ത​നു​ല​തേ, വേ​ദ​മാ​കു​ന്ന/ ശാ​ഖി--​ക്കൊ​മ്പ​ത്ത​ൻ​പോ​ടു പൂ​ക്കും/ കു​സു​മ​ത​തി​യി​ലേ​ന്തു​ന്ന പൂ​ന്തേ​ൻ​കു​ഴ​മ്പേ...’’​എ​ന്നു തു​ട​ങ്ങു​ന്ന ശ്ലോ​കം ര​ചി​ച്ച പ്ര​ശ​സ്ത ക​വി​യാ​യ മ​ഴ​മം​ഗ​ലം നാ​രാ​യ​ണ​ൻ ന​മ്പൂ​തി​രി​യാ​ണെ​ന്നാ​ണ് ഈ ​ലേ​ഖ​ക​ന്റെ വി​ശ്വാ​സം. തൃ​ശൂരി​ന​ടു​ത്തു​ള്ള ചേ​ർ​പ്പ് എ​ന്ന സ്ഥ​ല​ത്ത് ജീ​വി​ച്ചി​രു​ന്ന (A.D 1540-1610) ക​വി​യാ​ണ് മ​ഴ​മം​ഗ​ലം നാ​രാ​യ​ണ​ൻ ന​മ്പൂ​തി​രി.

‘സ​ര​സ്വ​തി’ എ​ന്ന ചി​ത്ര​ത്തി​നു വേ​ണ്ടി തി​ക്കു​റി​ശ്ശി എ​ഴു​തി​യ ഗാ​ന​ങ്ങ​ളും ആ ​പാ​ട്ടു​ക​ൾ​ക്കു ബാ​ബു​രാ​ജ് ന​ൽ​കി​യ ഈ​ണ​ങ്ങ​ളും വേ​ണ്ട​ത്ര പ്ര​ശ​സ്തി നേ​ടി​യി​ല്ല. 1970 ഏ​പ്രി​ൽ ആ​റി​ന്​ തി​യ​റ്റ​റു​ക​ളി​ൽ എ​ത്തി​യ ‘സ​ര​സ്വ​തി’ ഒ​രു ശ​രാ​ശ​രി സി​നി​മ മാ​ത്ര​മാ​യി​രു​ന്നു. പി​ന്നീ​ട് ത​മി​ഴ് നി​ർ​മാ​താ​വാ​യ എ.​എ​ൽ. ശ്രീ​നി​വാ​സ​ൻ മ​ല​യാ​ള​ത്തി​ൽ സി​നി​മ നി​ർ​മി​ച്ച​തു​മി​ല്ല.

മ​ഞ്ഞി​ലാ​സ് എ​ന്ന ബാ​ന​റി​ൽ എം.​ഒ. ജോ​സ​ഫ് നി​ർ​മി​ച്ച എ​ല്ലാ സി​നി​മ​ക​ളും സം​വി​ധാ​നംചെ​യ്തി​രു​ന്ന​ത് കെ.​എ​സ്. സേ​തു​മാ​ധ​വ​ൻ ആ​ണ്. ആ ​ചി​ത്ര​ങ്ങ​ളു​ടെ വി​ജ​യം ന​ൽ​കി​യ പ്ര​ചോ​ദ​ന​ത്താ​ലാ​കാം സേ​തു​മാ​ധ​വ​നും സ്വ​ന്ത​മാ​യി സി​നി​മ നി​ർ​മി​ക്കാ​ൻ തീ​രു​മാ​നി​ച്ചു. അ​ദ്ദേ​ഹം ത​ന്റെ അ​നു​ജ​ൻ കെ.​എ​സ്. രാ​മ​മൂ​ർ​ത്തി​യു​ടെ (കെ.​എ​സ്.​ആ​ർ. മൂ​ർ​ത്തി) പേ​രി​ൽ ആ​രം​ഭി​ച്ച നി​ർ​മാ​ണ​ക്ക​മ്പ​നി​യാ​ണ് ചി​ത്രാ​ഞ്ജ​ലി. ‘അ​മ്മ എ​ന്ന സ്ത്രീ’ ​ആ​ണ് ചി​ത്രാ​ഞ്ജ​ലി നി​ർ​മി​ച്ച പ്ര​ഥ​മ ചി​ത്രം. ജീ​വി​ത​സം​ഘ​ർ​ഷ​ങ്ങ​ളെ ധൈ​ര്യ​പൂ​ർ​വം നേ​രി​ട്ട ഒ​രു അ​മ്മ​യു​ടെ ക​ഥ പ​റ​യു​ന്ന ഈ ​സി​നി​മ​ക്ക് ക​ഥ​യും സം​ഭാ​ഷ​ണ​വും കെ.​ടി. മു​ഹ​മ്മ​ദ് എ​ഴു​തി. നാ​യി​ക​യാ​യി അ​ഭി​ന​യി​ച്ച​ത് കെ.​ആ​ർ. വി​ജ​യ​യാ​ണ്. സ​ത്യ​ൻ, പ്രേം​ന​സീ​ർ, തി​ക്കു​റി​ശ്ശി സു​കു​മാ​ര​ൻ​ നാ​യ​ർ, കെ.​പി. ഉ​മ്മ​ർ, രാ​ഘ​വ​ൻ, രാ​ഗി​ണി, ജ​യ​ഭാ​ര​തി, ക​വി​യൂ​ർ പൊ​ന്ന​മ്മ തു​ട​ങ്ങി​യ​വ​രാ​യി​രു​ന്നു മ​റ്റു ന​ടീ​ന​ട​ന്മാ​ർ.

സേ​തു​മാ​ധ​വ​ൻ ചി​ത്ര​ങ്ങ​ളി​ലെ സം​ഗീ​തം പ​തി​വാ​യി കൈ​കാ​ര്യം ചെ​യ്തു​വ​ന്ന വ​യ​ലാ​ർ-​ദേ​വ​രാ​ജ​ൻ ടീ​മി​ൽ​നി​ന്ന് ദേ​വ​രാ​ജ​ൻ മാ​സ്റ്റ​റെ ഒ​ഴി​വാ​ക്കു​ക​യും വ​യ​ലാ​റി​നെ നി​ല​നി​ർ​ത്തു​ക​യും ചെ​യ്തു. സ്വ​ന്തം അ​നു​ജ​ന്റെ പേ​രി​ൽ നി​ർ​മി​ക്കു​ന്ന ആ​ദ്യ​ചി​ത്ര​ത്തി​ന് സേ​തു​മാ​ധ​വ​ൻ സം​ഗീ​ത സം​വി​ധാ​യ​ക​നാ​യി ക​ണ്ടെ​ത്തി​യ​ത് പ്ര​ശ​സ്ത പി​ന്ന​ണി​ഗാ​യ​ക​നാ​യ എ.​എം. രാ​ജ​യെ​യാ​ണ്. ത​മി​ഴ് സി​നി​മ​യി​ൽ ആ​ദ്യ​മാ​യി മാ​റ്റ​ത്തി​ന്റെ ച​ല​ന​ങ്ങ​ൾ സൃ​ഷ്ടി​ച്ച പ്ര​ശ​സ്ത സം​വി​ധാ​യ​ക​നാ​യ ശ്രീ​ധ​ർ സം​വി​ധാ​നം ചെ​യ്ത ‘ക​ല്യാ​ണ​പ്പ​രി​ശ്’ എ​ന്ന സി​നി​മ​ക്ക് എ.​എം. രാ​ജ ന​ൽ​കി​യ സം​ഗീ​തം വ​ള​രെ മി​ക​ച്ച​താ​യി​രു​ന്നു. പ​ട്ടു​കോ​ട്ടൈ ക​ല്യാ​ണ​സു​ന്ദ​രം എ​ന്ന ക​വി​യാ​ണ് ‘ക​ല്യാ​ണ​പ്പ​രി​ശി’​ലെ അ​തി മ​നോ​ഹ​ര​ഗാ​ന​ങ്ങ​ൾ എ​ഴു​തി​യ​ത് (ത​മി​ഴ് സി​നി​മ​യു​ടെ ദൗ​ർ​ഭാ​ഗ്യം എ​ന്നു ത​ന്നെ പ​റ​യ​ട്ടെ, പ്ര​തി​ഭാ​ശാ​ലി​യാ​യ ആ ​ക​വി 28ാം വ​യ​സ്സി​ൽ അ​ന്ത​രി​ച്ചു. അ​തി​നു​ശേ​ഷ​മാ​ണ് ക​ണ്ണ​ദാ​സ​ൻ മു​ൻ​നി​ര​യി​ൽ എ​ത്തി​യ​ത്). സേ​തു​മാ​ധ​വ​ൻ ത​ന്നി​ൽ അ​ർ​പ്പി​ച്ച വി​ശ്വാ​സം എ.​എം. രാ​ജ ഉ​യ​ർ​ത്തി​പ്പി​ടി​ക്കു​ക ത​ന്നെ ചെ​യ്തു.

വ​യ​ലാ​ർ എ​ഴു​തി എ.​എം. രാ​ജ ഈ​ണം പ​ക​ർ​ന്ന ആ​റു പാ​ട്ടു​ക​ളും മോ​ശ​മാ​യി​ല്ല. എ.​എം. രാ​ജ പാ​ടി​യ ‘‘നാ​ളെ​യീ പ​ന്ത​ലി​ൽ ഒ​ഴു​കി​വ​രും/ നാ​ഗ​സ്വ​ര​ത്തി​ന്റെ നാ​ദം/ നാ​ദ​ത്തി​ൻ തീ​ര​ത്ത് വ​ള​കി​ലു​ക്കും/ ന​വ​വ​ധു​വി​ൻ നാ​ണം.../ വേ​ളി ക​ഴി​ഞ്ഞു നീ ​നാ​ളെ​യീ നേ​ര​ത്ത്/ വേ​റൊ​രു സ്വ​ർ​ഗ​ത്തി​ലാ​യി​രി​ക്കും/ ഏ​ഴ​ഴ​കു​ള്ളൊ​രു സ്നേ​ഹ​സ്വ​രൂ​പ​ന്റെ/ ലാ​ള​ന​യേ​ൽ​ക്കു​ക​യാ​യി​രി​ക്കും’’ എ​ന്ന ഗാ​നം കേ​ൾ​ക്കാ​ൻ വ​ള​രെ ഇ​മ്പ​മു​ള്ള​താ​യി​രു​ന്നു. യേ​ശു​ദാ​സ് പാ​ടി​യ ‘‘മ​ദ്യ​പാ​ത്രം മ​ധു​ര​കാ​വ്യം -മ​ൽ​സ​ഖി നി​ൻ അ​നു​രാ​ഗം/ എ​ല്ലാം അ​രി​കി​ൽ എ​നി​ക്കു​ള്ള​പ്പോ​ൾ/ എ​ന്തി​നു മ​റ്റൊ​രു സ്വ​ർ​ഗലോ​കം?’’ എ​ന്ന ഗാ​ന​വും വ്യ​ത്യ​സ്തം​ത​ന്നെ​യാ​യി​രു​ന്നു. അ​തി​ന്റെ ച​ര​ണം നോ​ക്കു​ക: ‘‘വെ​ണ്ണി​ലാ​വി​നെ ല​ജ്ജ​യി​ൽ മു​ക്കും/​ വൈ​ഡൂ​ര്യ മ​ല്ലി​ക​പ്പൂ​വേ/ നി​ന്റെ ചൊ​ടി​ക​ളി​ൽ മ​ഞ്ഞു​തു​ള്ളി​യോ/ നി​ന്നി​ലെ സ്വ​പ്ന​ത്തി​ൻ വീ​ഞ്ഞോ/ ഇ​രി​ക്കൂ അ​ടു​ത്തി​രി​ക്കൂ എ​നി​ക്ക് ദാ​ഹി​ക്കു​ന്നു...’’ പി. ​സു​ശീ​ല പാ​ടി​യ ‘‘ആ​ദി​ത്യ​ദേ​വ​ന്റെ ക​ണ്മ​ണി​യ​ല്ലോ’’ എ​ന്നാ​രം​ഭി​ക്കു​ന്ന പാ​ട്ടി​ന്റെ ഈ​ണ​ത്തി​ലും പു​തു​മ​യു​ണ്ടാ​യി​രു​ന്നു.

‘‘ആ​ദി​ത്യ​ദേ​വ​ന്റെ ക​ണ്മ​ണി​യ​ല്ലോ അ​ല്ലി​ത്താ​മ​ര/ അ​മ്പി​ളി​മാ​മ​ന്റെ ക​ണ്മ​ണി​യ​ല്ലോ അ​ല്ലി​യാ​മ്പ​ൽ/ ഹൃ​ദ​യം കു​ളി​രും പു​ഷ്പ​ത​ടാ​ക​ത്തി​നി​രു​വ​രും/ ഒ​രു​പോ​ലെ -ഇ​രു​വ​രും ഒ​രു​പോ​ലെ/ പ​നി​നീ​രി​ൽ കു​ളി​പ്പി​ക്കും പൊ​ന്നാ​ട ചാ​ർ​ത്തി​ക്കും/ പൂ​നെ​റ്റി​യി​ൽ പൊ​ട്ടു​കു​ത്തി പൂ​ണാ​രം ചൂ​ടി​ക്കും/ ചി​റ്റോ​ളം​ചി​ല​മ്പി​ലും നൃ​ത്തം പ​ഠി​പ്പി​ക്കും/ ചി​ങ്ങ​നി​ലാ​വ​ത്ത് തു​ള്ളി​ക്ക​ളി​ക്കും/ ഇ​രു​വ​രും ഒ​രു​പോ​ലെ...’’

എ.​എം. രാ​ജ​യു​ടെ ഭാ​ര്യ​യും പ്ര​ശ​സ്ത ഗാ​യി​ക​യു​മാ​യ ജി​ക്കി​യും (ജി. ​കൃ​ഷ്ണ​വേ​ണി) ഈ ​സി​നി​മ​യി​ൽ ഒ​രു ഗാ​നം പാ​ടി​യി​ട്ടു​ണ്ട്. ‘‘അ​മ്മ പെ​റ്റ​മ്മ...’’ എ​ന്നു തു​ട​ങ്ങു​ന്ന ഗാ​നം.

‘‘അ​മ്മ... പെ​റ്റ​മ്മ.../ ന​മ്മു​ടെ ത​റ​വാ​ട്ട​മ്മ.../ അ​മ്മ​ക്ക് മ​ക്ക​ൾ പ​തി​നാ​ല​വ​ർ/ ക്കാ​ചാ​ര​ങ്ങ​ൾ പ​തി​നാ​ല്/ അ​മ്മ​യെ ക​ണ്ടാ​ൽ അ​റി​യാ​ത്ത മ​ക്ക​ൾ/ അ​ക​ന്നു​പോ​യി -ത​ങ്ങ​ളി​ൽ/ അ​ക​ന്നു പോ​യി...’’ ക​ഥ​യു​ടെ ആ​ത്മാ​വു​മാ​യി ചേ​ർ​ന്നു നി​ൽ​ക്കു​ന്ന ഈ ​ഗാ​ന​ത്തി​ന്റെ ഈ​ണ​വും ഹൃ​ദ​യ​സ്പ​ർ​ശി​യാ​യി​രു​ന്നു. വ​യ​ലാ​റി​ന്റെ ക​ൽ​പ​ന​യും മ​നോ​ഹ​രം. ‘‘ഗം​ഗ യ​മു​ന ഗോ​ദാ​വ​രീ/ പ​മ്പ കൃ​ഷ്ണ കാ​വേ​രി/ അ​വ​ർ ഒ​ര​മ്മ​പെ​റ്റു​വ​ള​ർ​ത്തി​യ ന​ദി​ക​ൾ/ ഒ​രി​ക്ക​ലും കാ​ണാ​ത്ത അ​മ്മ​യും മ​ക്ക​ളും...’’

പി. ​സു​ശീ​ല പാ​ടി​യ ര​ണ്ടാ​മ​ത്തെ ഗാ​നം ‘‘ആ​ലി​മാ​ലി ആ​റ്റി​ൻ​ക​ര​യി​ൽ’’ എ​ന്നു തു​ട​ങ്ങു​ന്നു. ‘‘ആ​ലി​മാ​ലി ആ​റ്റി​ൻ​ക​ര​യി​ൽ/​ അ​മ്പ​ല​പ്രാ​വി​ൻ മു​ള​ങ്കൂ​ട്ടി​ൽ/ സ്വ​പ്ന​സ​ര​സ്സി​ൻ ക​ട​വി​ൽനി​ന്നൊ​രു/ സ്വ​ർ​ഗ​വാ​തി​ൽ​കി​ളി​ വ​ന്നു... ചെ​മ്പ​ക​പ്പൂ​മ​രം പൂ​ക്കും കാ​ലം/ ച​ന്ദ​നം പൂ​ക്കു​ന്ന കാ​ലം/-​അ​വ​ൾ അ​ന്ത​പ്പു​ര​ത്തി​ൽ/ അ​വ​നു വി​രി​ച്ചു അ​ന്ന​ത്തൂ​വ​ൽ പൂ​മെ​ത്ത/ തി​ങ്ക​ളു​റ​ങ്ങു​മ്പോ​ൾ -ഇ​ളം തെ​ന്ന​ലു​റ​ങ്ങു​മ്പോ​ൾ/ -അ​വ​ൻ മു​ന്തി​രി​ച്ചു​ണ്ടി​ൽ മൂ​ളി​പ്പാ​ട്ടു​മാ​യ്/ മി​ണ്ടാ​തെ എ​ങ്ങോ പോ​യ്!’’

‘അ​മ്മ എ​ന്ന സ്ത്രീ’ 1970 ​ഫെ​ബ്രു​വ​രി 19ന്​ ​റി​ലീ​സ് ചെ​യ്തു. ചി​ത്രം പ​ല​തു​കൊ​ണ്ടും ശ്ര​ദ്ധേ​യ​മാ​യി​രു​ന്നു. സം​ഗീ​തസം​വി​ധാ​യ​ക​ൻ എ​ന്ന നി​ല​യി​ലും എ.​എം. രാ​ജ എ​ന്ന ഗാ​യ​ക​ൻ വി​ജ​യി​ച്ചു.

(തു​ട​രും)