ദേ​ശീ​യ​പു​ര​സ്കാ​രം നേ​ടി​യ ‘എ​ഴു​താ​ത്ത ക​ഥ’

‘നാ​ഴി​ക​ക്ക​ല്ല്​’, ‘ക്രോ​സ്​​ബെ​ൽ​റ്റ്​’, ‘എ​ഴു​താ​ത്ത ക​ഥ’ തു​ട​ങ്ങി​യ സി​നി​മ​ക​ളെ​യും അ​തി​ലെ പാ​ട്ടു​ക​ളെ​യും കു​റി​ച്ച്​ എ​ഴു​തു​ന്നു.

1970 മേ​യ് ഒ​ന്നി​ന് പു​റ​ത്തു​വ​ന്ന മ​റ്റൊ​രു സി​നി​മ​യാ​ണ്, ‘മൂ​ട​ൽ​മ​ഞ്ഞ്​’ നി​ർ​മി​ച്ച വി.​എ​സ്. പി​ക്‌​ചേ​ഴ്‌​സി​ന്റെ ര​ണ്ടാ​മ​ത്തെ​ചി​ത്ര​മാ​യ ‘നാ​ഴി​ക​ക്ക​ല്ല്’. ബോം​ബെ സി​നി​മാ​ലോ​ക​വു​മാ​യി ബ​ന്ധ​മു​ള്ള ഛായാ​ഗ്രാ​ഹ​ക​ൻ വി.​എ​സ്. നാ​യ​രും സം​വി​ധാ​യ​ക​ൻ സു​ദി​ൻ മേ​നോ​നും ചേ​ർ​ന്നു നി​ർ​മി​ച്ച ‘നാ​ഴി​ക​ക്ക​ല്ലി’​ന്റെ ക​ഥ​യും തി​ര​ക്ക​ഥ​യും സം​വി​ധാ​യ​ക​നാ​യ സു​ദി​ൻ മേ​നോ​ൻ ര​ചി​ച്ചു. ഗാ​ന​ങ്ങ​ളോ​ടൊ​പ്പം സം​ഭാ​ഷ​ണ​വും ശ്രീ​കു​മാ​ര​ൻ ത​മ്പി എ​ഴു​തി. പ്രേം​ന​സീ​ർ, ഷീ​ല, ജി.​കെ. പി​ള്ള, ശ​ങ്ക​രാ​ടി, എ​സ്.​പി.​ പി​ള്ള, ബ​ഹ​ദൂ​ർ, ടി.​ആ​ർ. ഓ​മ​ന, നെ​ല്ലി​ക്കോ​ട് ഭാ​സ്ക​ര​ൻ, സ​ര​സ്വ​തി, ക​ടു​വാ​ക്കു​ളം ആ​ന്റ​ണി തു​ട​ങ്ങി​യ​വ​ർ അ​ഭി​ന​യി​ച്ച ഈ ​സി​നി​മ​യി​ൽ അ​ഞ്ചു പാ​ട്ടു​ക​ൾ ഉ​ണ്ടാ​യി​രു​ന്നു. ‘മൂ​ട​ൽ​മ​ഞ്ഞി’​ലൂ​ടെ സം​ഗീ​ത​സം​വി​ധാ​യി​ക​യാ​യി ഉ​ഷാ​ ഖ​ന്ന​യെ മ​ല​യാ​ള​ത്തി​ൽ അ​വ​ത​രി​പ്പി​ച്ച വി.​എ​സ് പി​ക്‌​ചേ​ഴ്‌​സ് അ​വ​രു​ടെ ര​ണ്ടാ​മ​ത്തെ ചി​ത്ര​ത്തി​ന് സം​ഗീ​ത​മൊ​രു​ക്കാ​ൻ ബം​ഗാ​ളി​യാ​യ കാ​നു​ ഘോ​ഷി​നെ​യാ​ണ് കൊ​ണ്ടു​വ​ന്ന​ത്. ഹി​ന്ദി​ സി​നി​മ​ക​ളി​ലും ബം​ഗാ​ളി സി​നി​മ​ക​ളി​ലും സം​ഗീ​തം പ​ക​ർ​ന്നി​ട്ടു​ള്ള കാ​നു​ ഘോ​ഷ് ചി​ല സി​നി​മ​ക​ളി​ൽ സ​ലി​ൽ ചൗ​ധ​രി​യു​ടെ പ്ര​ധാ​ന സ​ഹാ​യി​യാ​യും പ്ര​വ​ർ​ത്തി​ച്ചി​ട്ടു​ണ്ട്. കാ​നു​ ഘോ​ഷ് ന​ൽ​കി​യ ഈ​ണ​ങ്ങ​ൾ​ക്ക​നു​സ​രി​ച്ചാ​ണ് ഈ ​ലേ​ഖ​ക​ൻ പാ​ട്ടു​ക​ൾ എ​ഴു​തി​യ​ത്.

സം​ഗീ​ത​സം​വി​ധാ​യ​ക​ൻ ന​ൽ​കി​യ ഈ​ണ​ങ്ങ​ൾ​ക്ക​നു​സ​രി​ച്ച് ശ്രീ​കു​മാ​ര​ൻ ത​മ്പി ഗാ​ന​ങ്ങ​ൾ ര​ചി​ച്ച ആ​ദ്യ സി​നി​മ​യാ​ണ് ‘നാ​ഴി​ക​ക്ക​ല്ല്’ എ​ന്ന വി​വ​ര​വും അ​റി​ഞ്ഞി​രി​ക്കേ​ണ്ട​താ​ണ്. അ​തു​വ​രെ പാ​ട്ടു​ക​ൾ എ​ഴു​തി​യ​തി​നു​ശേ​ഷ​മാ​ണ് സം​ഗീ​ത സം​വി​ധാ​യ​ക​ർ ആ ​വ​രി​ക​ൾ​ക്ക് അ​നു​യോ​ജ്യ​മാ​യ ഈ​ണം ക​ണ്ടു​പി​ടി​ച്ചി​രു​ന്ന​ത്. ‘നാ​ഴി​ക​ക്ക​ല്ലി’​ലെ പാ​ട്ടു​ക​ൾ പാ​ടി​യ​ത് ജ​യ​ച​ന്ദ്ര​ൻ, എ​സ്. ജാ​ന​കി, ക​മു​ക​റ പു​രു​ഷോ​ത്ത​മ​ൻ എ​ന്നീ മൂ​ന്നുപേ​രാ​ണ്. എ​ന്തു​കൊ​ണ്ടോ യേ​ശു​ദാ​സി​ന്റെ ശ​ബ്ദം ചി​ത്ര​ത്തി​ൽ ഉ​പ​യോ​ഗി​ക്ക​പ്പെ​ട്ടി​ല്ല. ജ​യ​ച​ന്ദ്ര​ൻ പാ​ടി​യ ‘‘നി​ൻ പ​ദ​ങ്ങ​ളി​ൽ നൃ​ത്ത​മാ​ടി​ടും എ​ന്റെ സ്വ​പ്‍ന​ജാ​ലം/ നീ​യൊ​രു മ​ല​ർ​വാ​ടി^​ മ​ധു​മ​ല​ർ​മൊ​ട്ടു​ക​ൾ പോ​രാ​ടി മി​ഴി​ക​ളാ​ടി’’ എ​ന്ന ഗാ​ന​ത്തി​നി​ട​യി​ൽ അ​ക​ലെ​യെ​ങ്ങോ കേ​ൾ​ക്കു​ന്ന ‘‘ഹ​യ്യാ ഓ ​ഹ​യ്യ...’’ എ​ന്ന നാ​ട​ൻപാ​ട്ടു​കാ​ര​ന്റെ ശ​ബ്ദം കൊ​ണ്ടു​വ​ന്ന​തി​ൽ പു​തു​മ​യു​ണ്ടാ​യി​രു​ന്നു. ഈ ​ഗാ​നം വ​ലി​യ ഹി​റ്റാ​യി മാ​റി. നാ​യ​ക​ൻ ക​ളി​യാ​ക്കി പാ​ടു​മ്പോ​ൾ പ്ര​തി​ഷേ​ധി​ക്കു​ന്ന നാ​യി​ക​യു​ടെ വാ​ക്കു​ക​ൾ സം​സാ​രി​ച്ച​ത് ടി.​ആ​ർ. ഓ​മ​ന എ​ന്ന ന​ടി​യാ​ണ്. പ്രേം​ന​സീ​റും ഷീ​ല​യു​മാ​ണ് ഈ ​ഗാ​ന​രം​ഗ​ത്ത് അ​ഭി​ന​യി​ച്ചി​രി​ക്കു​ന്ന​ത്. ജ​യ​ച​ന്ദ്ര​ൻ പാ​ടി​യ മ​റ്റൊ​രു പ്രേ​മ​ഗാ​നം ഇ​താ​ണ്.

‘‘ചെ​മ്പ​വി​ഴ​ച്ചു​ണ്ടി​ൽ ചെ​ത്തി​പ്പ​ഴ​ക്ക​വി​ളി​ൽ/ ചും​ബ​ന​മു​ന്തി​രി​പ്പൂ​വു​ണ്ടോ/ പൂ​വൊ​ന്നു നു​ള്ളാ​ൻ പൂ​മ്പൊ​ടി കി​ള്ളാ​ൻ പൂ​ങ്ക​ര​ൾ​ത്തു​മ്പി​ക്കു മോ​ഹം/ മോ​ഹ​ത്തി​ൽ നീ​ന്തി പ്രാ​ണ​സ​ഖീ ഞാ​ൻ / യാ​ചി​ച്ചു വ​ന്നു നി​ൻ മു​ന്നി​ൽ’’ എ​ന്ന പാ​ട്ടും പ്ര​സി​ദ്ധി നേ​ടി.

ത​ത്ത്വ​ചി​ന്താ​പ​ര​മാ​യ ശീ​ർ​ഷ​ക​ഗാ​നം ക​മു​ക​റ പു​രു​ഷോ​ത്ത​മ​ൻ ആ​ല​പി​ച്ചു. വ​രി​ക​ൾ വ​ള​രെ കു​റ​വാ​യ പാ​ട്ടാ​ണി​ത്. ‘‘ക​ണ്ണീ​രി​ല​ല്ലേ/ ജ​ന​നം ക​ണ്ണീ​രി​ല​ല്ലേ മ​ര​ണം -ഈ ​മ​ണ്ണി​ൽ/ ക​ണ്ണീ​രി​ല​ല്ലേ ജ​ന​നം’’ എ​ന്ന പ​ല്ല​വി​യെ തു​ട​ർ​ന്നു​വ​രു​ന്ന ര​ണ്ടു ച​ര​ണ​ങ്ങ​ളി​ലും മൂ​ന്നു​ വ​രി​ക​ൾ വീ​ത​മേ​യു​ള്ളൂ. ഈ​ണ​ത്തി​ന​നു​സ​രി​ച്ച് എ​ഴു​തു​മ്പോ​ഴാ​ണ് ഇ​ങ്ങ​നെ സം​ഭ​വി​ക്കു​ന്ന​ത്. ചി​ല പാ​ട്ടു​ക​ളി​ൽ വ​രി​ക​ളു​ടെ എ​ണ്ണം വ​ള​രെ കൂ​ടു​ക​യും ചെ​യ്യും. ക​വി​ക​ൾ ആ​ദ്യം എ​ഴു​തു​മ്പോ​ൾ വ​രി​ക​ൾ​ക്ക് ഒ​രു നി​ശ്ചി​ത​മാ​യ അ​ള​വും രൂ​പ​വും ഉ​ണ്ടാ​യി​രി​ക്കും.

‘‘വി​ട​രു​ന്നു മോ​ഹ​ങ്ങ​ളി​വി​ടെ/ പ​ട​രു​ന്നു സ​ങ്ക​ൽ​പ​മി​വി​ടെ/ പാ​റു​ന്നു ക​ര​ളി​ൻ പ​രാ​ഗ​ങ്ങ​ൾ നോ​വി​ൽ...’’ എ​ന്നും വ​ള​രു​ന്ന വ്യാ​മോ​ഹ​ന​ട​യി​ൽ/ ത​ള​രു​ന്നു പാ​ദ​ങ്ങ​ളൊ​ടു​വി​ൽ/ ചേ​രു​ന്നു പ്രാ​ണ​ൻ വി​തു​മ്പു​ന്ന​ കാ​റ്റി​ൽ...’’ എ​ന്നും വ​രി​ക​ൾ തു​ട​രു​ന്നു. ക​മു​ക​റ​യു​ടെ ശ​ബ്ദം ഈ ​ഗാ​ന​ത്തി​ന് തി​ക​ച്ചും അ​നു​യോ​ജ്യ​മാ​യി​രു​ന്നു.

എ​സ്. ജാ​ന​കി പാ​ടി​യ ര​ണ്ടു പാ​ട്ടു​ക​ളു​ടെ​യും ഈ​ണം മി​ക​ച്ച​താ​യി. ‘‘ച​ന്ദ​ന​ത്തൊ​ട്ടി​ൽ ഇ​ല്ലാ ചാ​മ​ര​ത്തൊ​ട്ടി​ൽ ഇ​ല്ലാ/ ചെ​ന്താ​മ​ര​ക്ക​ണ്ണ​നു​ണ്ണി വാ ​വാ വോ.../ ​രാ​രീ​രം പാ​ടി രാ​ക്കി​ളി​ക​ൾ പൂ​വാ​ടി​യി​ൽ/ താ​ര​ക​ങ്ങ​ൾ വീ​ണു​റ​ങ്ങി മേ​ഘ​ങ്ങ​ളി​ൽ/ ച​ന്ദ്രി​ക​പ്പൊ​ൻ​വി​ള​ക്കി​ല്ലാ താ​മ​ര​പ്പൊ​ൻ​മെ​ത്ത​യി​ല്ലാ/ ചെ​ന്താ​മ​ര​ക്ക​ണ്ണ​നു​ണ്ണി വാ​വാ​വോ...’’ എ​ന്നി​ങ്ങ​നെ തു​ട​രു​ന്ന താ​രാ​ട്ടും ചി​ത്ര​ത്തി​ൽ നാ​യി​ക പാ​ടു​ന്ന ദുഃഖ​ഗാ​ന​വും ജ​ന​പ്രീ​തി നേ​ടി. ആ ​ശോ​ക​ഗാ​നം ഇ​താ​ണ്: ‘‘ഏ​തോ രാ​വി​ൽ ജീ​വ​ന്റെ തം​ബു​രു പാ​ടി/ പാ​ടി​യ രാ​ഗം ഗ​ദ്ഗ​ദ​മാ​യി...’’ പാ​ട്ടി​ലെ വ​രി​ക​ൾ ഇ​ങ്ങ​നെ തു​ട​രു​ന്നു: ‘‘തേ​ങ്ങും തേ​നൂ​റും പൂ​വി​ന്റെ ദാ​ഹം/ കാ​ണാ​തെ തെ​ന്ന​ൽ തേ​രു​ക​ൾ മാ​ഞ്ഞു/ പൂ​നി​ലാ​വി​ൻ പാ​ല​രു​വി​യും മാ​ഞ്ഞു...’’

ഗാ​ന​ത്തി​ലെ ര​ണ്ടാ​മ​ത്തെ ച​ര​ണം ഇ​ങ്ങ​നെ: ‘‘തേ​ടും വീ​ഥി​യി​ൽ വീ​ഴു​ന്നു മോ​ഹം/ പാ​ടാ​തെ നെ​ഞ്ചി​ൽ വി​ങ്ങു​ന്നു ഗാ​നം/ പാ​ഴ്സ്വ​രം ഞാ​ൻ/ പാ​ട്ടു​കാ​ര​നെ തേ​ടി/ ഏ​തോ​ രാ​വി​ൽ…’’ ‘നാ​ഴി​ക​ക്ക​ല്ലി’​ലെ എ​ല്ലാ പാ​ട്ടു​ക​ളും ന​ന്നാ​യി. എ​ന്നി​ട്ടും പി​ന്നീ​ട് ഒ​രു മ​ല​യാ​ള ചി​ത്ര​ത്തി​ലും കാ​നു​ ഘോ​ഷിന്റെ ഈ​ണ​ങ്ങ​ൾ കേ​ൾ​ക്കാ​ൻ കേ​ര​ള​ത്തി​ലെ സി​നി​മാ​പ്രേ​ക്ഷ​ക​ർ​ക്കു ഭാ​ഗ്യ​മു​ണ്ടാ​യി​ല്ല.

അ​ക്കാ​ല​ത്ത് സി​നി​മ​ക​ളി​ൽ ദു​ഷ്ട​ക​ഥാ​പാ​ത്ര​മാ​യി മാ​ത്രം പ്ര​ത്യ​ക്ഷ​പ്പെ​ട്ടി​രു​ന്ന ജി.​കെ. പി​ള്ള ‘നാ​ഴി​ക​ക്ക​ല്ല്’ എ​ന്ന ചി​ത്ര​ത്തി​ൽ നാ​യി​ക ഷീ​ല​യു​ടെ പി​താ​വി​ന്റെ വേ​ഷ​ത്തി​ലാ​ണ് അ​ഭി​ന​യി​ച്ച​ത്. അ​ത് ന​ന്മ​ക​ൾ​മാ​ത്രം ചെ​യ്യു​ന്ന ഒ​രു സ​ദ് ​കഥാ​പാ​ത്ര​മാ​യി​രു​ന്നു. ത​ര​ക്കേ​ടി​ല്ലാ​ത്ത ക​ഥ​യും മി​ക​ച്ച സം​ഗീ​ത​വും ഉ​ണ്ടാ​യി​ട്ടും ‘നാ​ഴി​ക​ക്ക​ല്ല്’ എ​ന്ന സി​നി​മ സാ​മ്പ​ത്തി​ക​വി​ജ​യം നേ​ടി​യി​ല്ല. പി. ​ഭാ​സ്ക​ര​ന്റെ ‘അ​മ്പ​ല​പ്രാ​വ്’ എ​ന്ന ചി​ത്ര​വു​മാ​യി​ട്ടാ​ണ് ‘നാ​ഴി​ക​ക്ക​ല്ല്’ തി​യ​റ്റ​റു​ക​ളി​ൽ മ​ത്സ​രി​ച്ച​ത്.

‘മി​ടു​മി​ടു​ക്കി’ എ​ന്ന സി​നി​മ നി​ർ​മി​ച്ച എ. ​പൊ​ന്ന​പ്പ​ൻ ദീ​പ്തി ഫി​ലിം​സി​ന്റെ പേ​രി​ൽ നി​ർ​മി​ച്ച അ​ടു​ത്ത ചി​ത്രം ‘ക്രോ​സ് ബെ​ൽ​റ്റ്’ ആ​യി​രു​ന്നു. എ​ൻ.​എ​ൻ. പി​ള്ള​യു​ടെ പ്ര​ശ​സ്ത​ നാ​ട​ക​ത്തെ അ​ടി​സ്ഥാ​ന​മാ​ക്കി നി​ർ​മി​ച്ച ഈ ​ചി​ത്രം സം​വി​ധാ​നംചെ​യ്ത​തും ‘മി​ടു​മി​ടു​ക്കി’​യു​ടെ സം​വി​ധാ​യ​ക​നാ​യ മ​ണി എ​ന്ന വേ​ലാ​യു​ധ​ൻ നാ​യ​ർ ആ​യി​രു​ന്നു. ‘ക്രോ​സ്ബെ​ൽ​റ്റ്’ എ​ന്ന സി​നി​മ പു​റ​ത്തുവ​ന്ന​തോ​ടെ അ​ദ്ദേ​ഹം ‘ക്രോ​സ്ബെ​ൽ​റ്റ്’ മ​ണി എ​ന്ന പേ​ര് സ്വീ​ക​രി​ച്ചു. എ​ൻ.​എ​ൻ. പി​ള്ള ത​ന്നെ ചി​ത്ര​ത്തി​ന് തി​ര​ക്ക​ഥ​യും സം​ഭാ​ഷ​ണ​വും ര​ചി​ച്ചു. സ​ത്യ​ൻ, ശാ​ര​ദ, ഉ​ഷാ​കു​മാ​രി, തി​ക്കു​റി​ശ്ശി, കൊ​ട്ടാ​ര​ക്ക​ര ശ്രീ​ധ​ര​ൻ നാ​യ​ർ, പി.​ജെ. ആ​ന്റ​ണി, ക​വി​യൂ​ർ പൊ​ന്ന​മ്മ, ആ​റ​ന്മു​ള പൊ​ന്ന​മ്മ, അ​ടൂ​ർ ഭാ​സി, ബ​ഹ​ദൂ​ർ, കോ​ട്ട​യം ചെ​ല്ല​പ്പ​ൻ, എ​ൻ. ഗോ​വി​ന്ദ​ൻ​കു​ട്ടി, പ​റ​വൂ​ർ ഭ​ര​ത​ൻ തു​ട​ങ്ങി​യ​വരാ​ണ് ‘ക്രോ​സ് ​ബെൽ​റ്റി’​ലെ ന​ടീ​ന​ട​ന്മാ​ർ. ചി​ത്ര​ത്തി​ൽ ര​ണ്ടു ഗാ​ന​ങ്ങ​ൾ മാ​ത്ര​മേ ഉ​ണ്ടാ​യി​രു​ന്നു​ള്ളൂ.

ശ്രീ​കു​മാ​ര​ൻ ത​മ്പി​യും എം.​എ​സ്. ബാ​ബു​രാ​ജും ചേ​ർ​ന്ന് ഈ ​പാ​ട്ടു​ക​ളൊ​രു​ക്കി. ര​ണ്ടു പാ​ട്ടു​ക​ളും യേ​ശു​ദാ​സാ​ണ് പാ​ടി​യ​ത്. ‘‘കാ​ലം മാ​റി വ​രും കാ​റ്റി​ൻ ഗ​തി മാ​റും ക​ട​ൽ വ​റ്റി ക​ര​യാ​കും ക​ര പി​ന്നെ ക​ട​ലാ​കും ക​ഥ​യി​തു തു​ട​ർ​ന്നു വ​രും -ജീ​വി​ത ക​ഥ​യി​തു തു​ട​ർ​ന്നു വ​രും...’’ കേ​ര​ള​ത്തി​ൽ സൂ​നാ​മി​യും വെ​ള്ള​പ്പൊ​ക്ക​വും മ​റ്റും വ​ന്ന​പ്പോ​ൾ പ​ല​രും ഈ ​പാ​ട്ട്‌ ച​ർ​ച്ചാ​വി​ഷ​യ​മാ​ക്കു​ക​യു​ണ്ടാ​യി. ഈ ​പാ​ട്ടി​ലെ തു​ട​ർ​ന്നു​ള്ള വ​രി​ക​ൾ​ക്ക് ഒ​രു വി​പ്ല​വ​ഗാ​ന​ത്തി​ന്റെ ഛായ​യാ​ണു​ള്ള​ത്. പ്ര​ത്യേ​കി​ച്ചും പാ​ട്ടി​ന്റെ ര​ണ്ടാ​മ​ത്തെ ച​ര​ണം... ‘‘അ​ഭ​യാ​ർ​ഥി​സം​ഘ​ങ്ങ​ൾ അ​ജ​യ്യ​രാ​യു​യ​രും അ​ര​മ​ന​ക്കോ​ട്ട​ക​ൾ ത​ക​രും! അ​ടി​മ​ത​ൻ ക​ണ്ണി​ലി​ന്നെ​രി​യു​ന്ന നൊ​മ്പ​രം അ​ഗ്നി​ന​ക്ഷ​ത്ര​മാ​യ് വി​ട​രും -നാ​ളെ അ​ഗ്നി​ന​ക്ഷ​ത്ര​മാ​യ്‌ വി​ട​രും.’’

സി​നി​മ​യി​ലെ ര​ണ്ടാ​മ​ത്തെ ഗാ​നം ശ​രി​ക്കും ഒ​രു വി​പ്ല​വ​ഗാ​നം ത​ന്നെ​യാ​ണ്. തൊ​ഴി​ലാ​ളി​ക​ളു​ടെ ഘോ​ഷ​യാ​ത്ര​യി​ൽ പാ​ടു​ന്ന പാ​ട്ട്‌. ‘‘സി​ന്ദാ​ബാ​ദ് സി​ന്ദാ​ബാ​ദ്... തൊ​ഴി​ലാ​ളി ഐ​ക്യം സി​ന്ദാ​ബാ​ദ്... ര​ക്ത​സാ​ക്ഷി​ക​ൾ സി​ന്ദാ​ബാ​ദ്... ഉ​യ​ര​ട്ടെ... ഉ​യ​ര​ട്ടെ...​ ഉ​ദ​യ ര​ക്ത​താ​ര​ക​ങ്ങ​ൾ ഉ​യ​ര​ട്ടെ... ത​ക​ര​ട്ടെ... ത​ക​ര​ട്ടെ... ത​ങ്ക​ദ​ന്ത​ഗോ​പു​ര​ങ്ങ​ൾ ത​ക​ര​ട്ടെ...​ ഉ​യ​ര​ട്ടെ ഉ​യ​ര​ട്ടെ ഉ​യ​ര​ട്ടെ...’’ പ​ല്ല​വി​യും മു​ദ്രാ​വാ​ക്യ​ങ്ങ​ളും ക​ഴി​ഞ്ഞാ​ൽ പാ​ട്ട്‌ ഇ​ങ്ങ​നെ തു​ട​രു​ന്നു: ‘‘തൊ​ണ്ടു ത​ല്ലി വേ​ർ​പ്പ​ണി​ഞ്ഞ കൈ​ക​ളേ​ പ​ണ്ട് മ​ഞ്ച​ൽ ഏ​റ്റി നൊ​ന്ത കൈ​ക​ളേ ക​യ​ർ​പി​രി​ച്ചു വി​ര​ലൊ​ടി​ഞ്ഞ കൈ​ക​ളേ ക​ര​ളു ന​ൽ​കി നേ​ടു​ക​യീ ചെ​ങ്കൊ​ടി.’’

അ​ടു​ത്ത ച​ര​ണ​ത്തി​ലെ വ​രി​ക​ൾ ഇ​ങ്ങ​നെ: ‘‘ചെ​ഞ്ചോ​ര​പ്പു​ഴ​യൊ​ഴു​കി​യ വ​യ​ലാ​റി​ൽ വ​ഞ്ച​ന​ത​ൻ കെ​ണി ത​ക​ർ​ത്ത വ​യ​ലാ​റി​ൽ അ​ല​യ​ടി​ച്ച സ്വാ​ത​ന്ത്ര്യ ഗാ​ന​വു​മാ​യ് അ​ണി​യ​ണി​യാ​യ് ഏ​ന്തു​ക​യീ ചെ​ങ്കൊ​ടി... ചെ​ങ്കൊ​ടി... ചെ​ങ്കൊ​ടി... ചെ​ങ്കൊ​ടി...’’

‘ക്രോ​സ്ബെ​ൽ​റ്റി’​ലെ ര​ണ്ടു പാ​ട്ടു​ക​ളും ഹി​റ്റു​ക​ളാ​യി. 1970 മേ​യ് 14ന് ​പ്ര​ദ​ർ​ശ​ന​മാ​രം​ഭി​ച്ച ‘ക്രോ​സ്ബെ​ൽ​റ്റ്’ എ​ന്ന സി​നി​മ വ​മ്പി​ച്ച വി​ജ​യം നേ​ടി.

മി​ക​ച്ച മ​ല​യാ​ള ചി​ത്ര​ത്തി​നു​ള്ള ദേ​ശീ​യ​പു​ര​സ്കാ​രം നേ​ടി​യ ‘എ​ഴു​താ​ത്ത ക​ഥ’​യും 1970ലാ​ണ് പു​റ​ത്തി​റ​ങ്ങി​യ​ത്. ‘ജ​യ് മാ​രു​തി’ പി​ക്‌​ചേ​ഴ്‌​സി​നു വേ​ണ്ടി ടി.​ഇ. വാ​സു​ദേ​വ​ൻ നി​ർ​മി​ച്ച ‘എ​ഴു​താ​ത്ത ക​ഥ’ എ.​ബി. രാ​ജ് സം​വി​ധാ​നംചെ​യ്തു. കോ​ട്ട​യം ഇ.​പി.​ കു​ര്യ​ൻ എ​ഴു​തി​യ ക​ഥ​ക്ക് വി. ​ദേ​വ​ൻ തി​ര​ക്ക​ഥ​യും ജ​ഗ​തി എ​ൻ.​കെ. ആ​ചാ​രി സം​ഭാ​ഷ​ണ​വും ര​ചി​ച്ചു.

മ​ല​യാ​ള നാ​ട​ക​വേ​ദി​യി​ൽ ര​ണ്ടു മൂ​ന്നു വ്യാ​ഴ​വ​ട്ട​ക്കാ​ലം പ്ര​ശ​സ്ത നാ​യി​കാ​ന​ടി​യാ​യി വി​രാ​ജി​ച്ച കാ​യം​കു​ളം ക​മ​ല​മ്മ എ​ന്ന നാ​ട​ക​ന​ടി​യു​ടെ​യും അ​വ​രു​ടെ ഗാ​യി​ക​യാ​യ മ​ക​ളു​ടെ​യും ക​ഥ​യാ​ണ് ഈ ​ചി​ത്രം പ​റ​യു​ന്ന​ത്. കാ​ല​ച​ക്ര​ത്തി​ന്റെ തി​രി​ച്ചി​ലി​ൽ ഓ​ജ​സ്സും തേ​ജ​സ്സും ന​ഷ്ട​പ്പെ​ട്ട ക​മ​ല​മ്മ തീ​രാ​ത്ത ദുഃ​ഖ​ത്തി​ലും ദു​രി​ത​ത്തി​ലു​മാ​ണ് ക​ഴി​ഞ്ഞു​പോ​കു​ന്ന​ത്. ഗാ​യി​ക​യാ​യ മ​ക​ൾ മീ​ന ഗാ​ന​മേ​ള​ക​ൾ​ക്കു പോ​യി കി​ട്ടു​ന്ന ചെ​റി​യ വ​രു​മാ​നം​കൊ​ണ്ടാ​ണ് അ​വ​ർ ഇ​പ്പോ​ൾ ക​ഴി​ഞ്ഞു​കൂ​ടു​ന്ന​ത്. ‘ധ​ർ​മ​യു​ദ്ധം’ വാ​രി​ക​യു​ടെ പ​ത്രാ​ധി​പ​രാ​യ പ്ര​താ​പ​ൻ ഈ ​കു​ടും​ബ​വു​മാ​യി ബ​ന്ധ​പ്പെ​ടു​ന്ന​തും കാ​യം​കു​ളം ക​മ​ല​മ്മ​യു​ടെ ആ​ത്മ​ക​ഥ ത​ന്റെ വാ​രി​ക​യി​ൽ പ്ര​സി​ദ്ധീ​ക​രി​ക്കാ​ൻ ശ്ര​മി​ക്കു​ന്ന​തും തു​ട​ർ​ന്നു​ണ്ടാ​കു​ന്ന സം​ഭ​വ​പ​ര​മ്പ​ര​ക​ളു​മാ​ണ് ‘എ​ഴു​താ​ത്ത ക​ഥ’ എ​ന്ന ചി​ത്രം പ​റ​യു​ന്ന​ത്.

കാ​യം​കു​ളം ക​മ​ല​മ്മ​യാ​യി ഷീ​ല​യും മ​ക​ൾ മീ​ന​യാ​യി ക​ന്ന​ട ന​ടി ച​ന്ദ്ര​ക​ല​യും അ​ഭി​ന​യി​ച്ചു. (എം.​ജി.​ആ​ർ നാ​യ​ക​നും നി​ർ​മാ​താ​വും സം​വി​ധാ​യ​ക​നു​മാ​യ ‘ഉ​ല​കം ചു​റ്റും​ വാ​ലി​ബ​ൻ’ എ​ന്ന പ്ര​ശ​സ്ത ത​മി​ഴ് സി​നി​മ​യി​ലെ മൂ​ന്നു​ നാ​യി​ക​മാ​രി​ൽ ഒ​രാ​ൾ ഈ ​ച​ന്ദ്ര​ക​ല​യാ​ണ്.) പ്രേം​ന​സീ​ർ പ​ത്രാ​ധി​പ​ർ പ്ര​താ​പ​ന്റെ വേ​ഷ​ത്തി​ൽ വ​ന്നു. കെ.​പി. ഉ​മ്മ​ർ, തി​ക്കു​റി​ശ്ശി, അ​ടൂ​ർ ഭാ​സി, ജി.​കെ. പി​ള്ള, ശ​ങ്ക​രാ​ടി, ടി.​ആ​ർ. ഓ​മ​ന, നെ​ല്ലി​ക്കോ​ട്ട് ഭാ​സ്ക​ര​ൻ, മു​തു​കു​ളം രാ​ഘ​വ​ൻ പി​ള്ള, പ​റ​വൂ​ർ ഭ​ര​ത​ൻ തു​ട​ങ്ങി​യ​വ​രും അ​ഭി​നേ​താ​ക്ക​ളാ​യി ഉ​ണ്ടാ​യി​രു​ന്നു. അ​തി​ഥി​താ​ര​മാ​യി ടി.​കെ. ബാ​ല​ച​ന്ദ്ര​നും പ്ര​ത്യ​ക്ഷ​പ്പെ​ട്ടു.

ശ്രീ​കു​മാ​ര​ൻ ത​മ്പി എ​ഴു​തി​യ ആ​റു ഗാ​ന​ങ്ങ​ൾ​ക്ക് വി. ​ദ​ക്ഷി​ണാ​മൂ​ർ​ത്തി സം​ഗീ​തം പ​ക​ർ​ന്നു. ജ​യ​ച​ന്ദ്ര​നും ബി. ​വ​സ​ന്ത​യും പാ​ടി​യ ‘‘പ്രാ​ണ​വീ​ണ​ത​ൻ ലോ​ല​ത​ന്ത്രി​യി​ൽ/ ഗാ​ന​മാ​യി വി​ട​ർ​ന്നു നീ/ ​രാ​ജ​മ​ല്ലി​ക​ൾ താ​ല​മേ​ന്തി​യ/ രാ​ഗ​ഹേ​മ​ന്ത സ​ന്ധ്യ​യി​ൽ’’ എ​ന്നു തു​ട​ങ്ങു​ന്ന ക​വി​ത ഇ​ങ്ങ​നെ തു​ട​രു​ന്നു: ‘‘സാ​ന്ധ്യ​താ​ര​ക സം​ഗ​മ​ത്തി​ന്റെ/ ശാ​ശ്വ​ത സ്‌​മൃ​തി​യാ​ക​വേ/ വാ​ന​ദ​ർ​പ്പ​ണ വ​ർ​ണ​രാ​ജി​ക​ൾ/ യാ​മി​നി​യെ പു​ണ​ര​വെ/ പ്രാ​ണ​സി​ന്ധു​വി​ൽ പ്രേ​മലോ​ല​യാം/ വേ​ണി​യാ​യി ല​യി​ച്ചു നീ/ ​ഇ​ന്ദ്രി​യ​ങ്ങ​ളി​ലാ​ത്മ പൂ​ജ​യാ​ൽ/ ഇ​ന്ദ്ര​ജാ​ല​ങ്ങ​ൾ കാ​ട്ടി നീ/ ​മാ​മ​ല​ക​ളി​ൽ പൊ​ൻ​പു​ല​രി​യി​ൽ/ മ​ഞ്ഞ​ല​യെ​ന്ന പോ​ല​വേ/ വാ​സ​ര​ക്കു​ളി​ർ തെ​ന്ന​ലി​ൽ പൂ​വി​ൻ/ വാ​സ​ന​യെ​ന്ന പോ​ല​വേ/ നി​ദ്ര​യി​ൽ സ്വ​പ്ന​മെ​ന്ന​പോ​ല​വേ/ നി​ർ​വൃ​തി​യെ​ന്ന പോ​ല​വേ/ എ​ന്നി​ലെ​യെ​ന്നി​ൽ, എ​ന്റെ വേ​ണു​വി​ൽ/ ഇ​ന്ന​ലി​ഞ്ഞു​ക​ഴി​ഞ്ഞു​ നീ...’’

ക​വി​ത​യി​ൽ ഏ​താ​നും വ​രി​ക​ൾ കൂ​ടി​യു​ണ്ട്. ജ​യ​ച​ന്ദ്ര​നും വ​സ​ന്ത​യും ഈ ​ക​വി​ത ന​ന്നാ​യി പാ​ടി​യി​ട്ടു​ണ്ട്. വ​ള​രെ കു​റ​ച്ചു സം​ഗീ​തോ​പ​ക​ര​ണ​ങ്ങ​ൾ മാ​ത്ര​മേ ഈ ​ക​വി​ത​യു​ടെ റെ​ക്കോ​ഡി​ങ്ങി​ൽ ഉ​പ​യോ​ഗി​ച്ചി​ട്ടു​ള്ളൂ. യേ​ശു​ദാ​സ് പാ​ടി​യ ര​ണ്ടു ഗാ​ന​ങ്ങ​ൾ ഈ ​ചി​ത്ര​ത്തി​ലു​ണ്ട്.

‘‘മ​ന​സ്സെ​ന്ന മ​ര​ത​ക​ദ്വീ​പി​ൽ/ മാ​യാ​ജാ​ല​ത്തി​ൻ നാ​ട്ടി​ൽ/ മ​ല​രാ​യ്‌ വി​ട​ർ​ന്ന​തു മു​ള്ളാ​യ് മാ​റും/ മ​ധു​വാ​യ് നു​ക​ർ​ന്ന​തു വി​ഷ​മാ​യ് മാ​റും’’ എ​ന്ന ഗാ​ന​മാ​ണ് ആ​ദ്യ​ത്തേ​ത്. അ​തി​ന്റെ തു​ട​ർ​ന്നു​ള്ള വ​രി​ക​ൾ ഇ​ങ്ങ​നെ: ‘‘ചി​ത്ര​മ​നോ​ഹ​ര സ​ന്ധ്യാ​ശി​ൽ​പി​ക​ൾ/ ചി​ത്രം വ​ര​യ്ക്കാ​റു​ണ്ട​വി​ടെ/ സ്വ​പ്ന​സു​ധാ​ക​ര ശോ​ഭ​ക​ൾ മാ​യ്ക്കാ​ൻ/ ദുഃ​ഖ​ത്തി​ൻ മേ​ഘ​വു​മു​ണ്ട​വി​ടെ/ അ​വ​ർ​ണ​നീ​യം അ​നി​ർ​വ​ച​നീ​യം/ ആ ​നി​ഴ​ൽ​നാ​ട​ക​ലോ​കം...’’ ഇ​തേ ഭാ​വ​ത്തി​ലു​ള്ള ഒ​രു ച​ര​ണംകൂ​ടി ഈ ​ഗാ​ന​ത്തി​ലു​ണ്ട്. യേ​ശു​ദാ​സ് പാ​ടി​യ മ​റ്റൊ​രു ഗാ​നം: ‘‘ക​ണ്ണു​ണ്ടെ​ങ്കി​ലും ക​ണ്ണാ​ടി​യി​ല്ലെ​ങ്കി​ൽ കാ​ണു​ന്ന​തെ​ങ്ങ​നെ നി​ൻ രൂ​പം?’’ എ​ന്ന​ാരം​ഭി​ക്കു​ന്നു.

‘‘ക​ണ്ണു​ണ്ടെ​ങ്കി​ലും ക​ണ്ണാ​ടി​യി​ല്ലെ​ങ്കി​ൽ/ കാ​ണു​ന്ന​തെ​ങ്ങ​നെ നി​ൻ രൂ​പം –നീ/ ​കാ​ണു​ന്ന​തെ​ങ്ങ​നെ നി​ൻ രൂ​പം/ നി​ന്നി​ലെ സ​ത്യ​ങ്ങ​ൾ നേ​രി​ട്ട​റി​യാ​ത്ത/ നി​സ്സാ​ര​ജീ​വി​യ​ല്ലോ -നീ​യൊ​രു/ നി​സ്സാ​ര​ജീ​വി​യ​ല്ലോ’’ എ​ന്ന പ​ല്ല​വി​യും തു​ട​ർ​ന്നു​ള്ള ച​ര​ണ​ങ്ങ​ളും വ​ള​രെ വ്യ​ത്യ​സ്ത​മാ​യ ഒ​രു ക​ഥ​യു​മാ​യി ല​യി​ച്ചു​ചേ​രാ​ൻ പാ​ക​ത്തി​ൽ എ​ഴു​ത​പ്പെ​ട്ട​വ​യാ​ണ്: ‘‘സ്വ​പ്‌​ന​ങ്ങ​ൾ പോ​ലെ അ​ന​ന്ത​മാം വാ​നം/ സ്വ​ർ​ഗ​ത്തെ നോ​ക്കി ത​ള​രു​ന്ന ഭൂ​മി/ മു​ന്നി​ൽ നീ​ളു​ന്നു വി​ള​റി​യ വീ​ഥി/ മൂ​ന്നു​ല​കും ക​ണ്ടു​വെ​ന്നാ​ണ് ഭാ​വം/ കൂ​രി​രു​ൾ വ​ന്നാ​ൽ കു​രു​ട​നാ​യ് തീ​രും/ കൂ​വ​ള​പ്പൂ​വി​ത​ൾ ക​ണ്ണു​ള്ള നീ​യും/ മ​ന​സ്സി​ൽ വെ​ളി​ച്ചം വി​ട​രു​കി​ല്ലെ​ങ്കി​ൽ/ മി​ഴി​യു​ള്ള നീ​യും അ​ന്ധ​നു തു​ല്യം!’’

യേ​ശു​ദാ​സ് പാ​ടി​യി​ട്ടും ഈ ​ര​ണ്ടു ഗാ​ന​ങ്ങ​ളും ഹി​റ്റു​ക​ളാ​യി​ല്ല. ചി​ത്ര​ത്തി​ൽ എ​സ്. ജാ​ന​കി പാ​ടി​യ ഗാ​ന​വും പി. ​ലീ​ല പാ​ടി​യ ഗാ​ന​വും ശ്ര​ദ്ധി​ക്ക​പ്പെ​ട്ടു. ‘‘ഉ​ദ​യ​താ​ര​മേ, ശു​ഭ​താ​ര​മേ/ ഉ​ണ​രാ​ൻ വൈ​കു​വ​തെ​ന്തേ/ ഉ​ദ​യ​പ​ർ​വ​തം നി​ന​ക്കാ​യ്/ ഉ​ദ്യാ​ന​വി​രു​ന്നൊ​രു​ക്കി’’ എ​ന്നു തു​ട​ങ്ങു​ന്ന ഗാ​ന​മാ​ണ് എ​സ്. ജാ​ന​കി പാ​ടി​യ​ത്. ആ ​ഗാ​നം ഇ​ങ്ങ​നെ തു​ട​രു​ന്നു: ‘‘മം​ഗ​ള മ​ധു​മൊ​ഴി പാ​ടി വ​രു​ന്നു/ മ​ന്ദാ​നി​ല​നാം ഗാ​യ​ക​ൻ/ ച​ന്ദ്രി​ക​ചൂ​ടി​യ ചൂ​ഡാ​മ​ണി പോ​ൽ/ ച​ന്ദ്രോ​പ​ലം തി​ള​ങ്ങു​ന്നു/ പൂ​വ​ൻ ക​ദ​ളി​ക​ൾ പു​ള​ക​മൊ​രു​ക്കി/ പൂ​ജാ​മ​ണ്ഡ​പ​വാ​തി​ലി​ൽ/ ഇ​ള​മ​ഞ്ഞു​തി​രും ഹൃ​ദ​യ​വു​മാ​യി/ ഈ ​കാ​ട്ടു​പൂ​വും വി​ട​രു​ന്നു.’’

പി. ​ലീ​ല പാ​ടി​യ ഗാ​നം ഇ​നി പ​റ​യു​ന്ന​താ​ണ്: ‘‘അ​മ്പ​ല​മ​ണി​ക​ൾ മു​ഴ​ങ്ങി/ ആ​ത്മാ​വി​ലാ​നാ​ദ​മ​ലി​ഞ്ഞി​റ​ങ്ങി/ പ​ന്തീ​ര​ടി​പ്പൂ​ജ തൊ​ഴു​തു ഞാ​ൻ നി​ന്നു/ ചി​ന്ത​യി​ൽ ക​ർ​പ്പൂ​ര​മെ​രി​ഞ്ഞു നി​ന്നു/ ആ​ലോ​ല​മാ​ടു​ന്ന തൂ​ക്കു​വി​ള​ക്കു​ക​ൾ/ ആ​ശ​ക​ൾ​പോ​ലെ കൈ ​കൂ​പ്പി നി​ന്നു/ ആ​ഷാ​ഢ​മേ​ഘ​ത്തി​ൽ മാ​രി​വി​ല്ലെ​ന്ന​പോ​ൽ/ ആ​ശ്വാ​സ പു​ഷ്പ​മെ​ന്നി​ൽ വി​ട​ർ​ന്നു വ​ന്നു’’ എ​ന്നി​ങ്ങ​നെ തു​ട​രു​ന്ന ഈ ​ഗാ​നം സാ​മാ​ന്യം പ്ര​ശ​സ്തി നേ​ടി​യി​ട്ടു​ണ്ട്. പി. ​ലീ​ല​യും സം​ഘ​വും പാ​ടി​യ ഒ​രു സം​ഘ​ഗാ​നം കൂ​ടി ‘എ​ഴു​താ​ത്ത​ ക​ഥ’ എ​ന്ന സി​നി​മ​യി​ലു​ണ്ട്. ‘‘വെ​ൺ​കൊ​റ്റ​ക്കു​ട​ക്കീ​ഴി​ൽ എ​ഴു​ന്ന​ള്ളു​ന്നു/ വെ​ൺ​ചാ​മ​ര​നി​ഴ​ലി​ൽ എ​ഴു​ന്ന​ള്ളു​ന്നു/ താ​രു​ണ്യ​ക്കു​ടം​പോ​ലെ എ​ഴു​ന്ന​ള്ളു​ന്നു/ താ​ര​മ്പ​ൻ കൊ​തി​ക്കു​ന്ന ത​മ്പു​രാ​ട്ടി...’’ എ​ന്നു തു​ട​ങ്ങു​ന്ന ഈ ​ഗാ​നം കാ​യം​കു​ളം ക​മ​ല​മ്മ എ​ന്ന നാ​ട​ക​ന​ടി​യു​ടെ ജീ​വി​ത​ത്തി​ലെ സു​വ​ർ​ണ​കാ​ലം ഓ​ർ​മി​പ്പി​ക്കു​ന്ന രം​ഗ​ത്ത് വ​രു​ന്ന​താ​ണ്‌.

ആ​ക്ഷ​ൻ സി​നി​മ​ക​ൾ മാ​ത്ര​മ​ല്ല, ല​ക്ഷ്യ​ബോ​ധ​മു​ള്ള ചി​ത്ര​ങ്ങ​ളും സം​വി​ധാ​നംചെ​യ്യാ​ൻ ത​നി​ക്കു ക​ഴി​യു​മെ​ന്ന് എ.​ബി. രാ​ജ് എ​ന്ന സം​വി​ധാ​യ​ക​ൻ ‘എ​ഴു​താ​ത്ത ​ക​ഥ’ എ​ന്ന സി​നി​മ​യി​ലൂ​ടെ തെ​ളി​യി​ച്ചു. 1970ലെ ​മി​ക​ച്ച പ്രാ​ദേ​ശി​ക ചി​ത്ര​ത്തി​നു​ള്ള ദേ​ശീ​യ അ​വാ​ർ​ഡ് മ​ല​യാ​ള​ത്തി​ൽ ‘എ​ഴു​താ​ത്ത​ ക​ഥ’​ക്കാ​ണ് കി​ട്ടി​യ​ത്. പാ​ടി​ന​ട​ക്കാ​ൻ ലോ​ബി​ക​ളി​ല്ലാ​ത്ത​തി​നാ​ൽ ഈ ​വി​വ​രം പ​ല​ർ​ക്കു​മ​റി​യി​ല്ല. 1970 മേ​യ് 21ന് ‘​എ​ഴു​താ​ത്ത ​ക​ഥ’ പ്ര​ദ​ർ​ശ​നം തു​ട​ങ്ങി.

(തു​ട​രും)