പാ​ട്ടു​ക​ൾ: സ്ഥാ​ന​ത്തും അ​സ്ഥാ​ന​ത്തും

‘‘പാ​ട്ടു​ക​ൾ സി​നി​മ​യു​ടെ വി​ജ​യ​ഘ​ട​ക​ങ്ങ​ളി​ൽ ഒ​ന്നാ​ണെ​ന്ന വി​ശ്വാ​സം നി​ല​നി​ന്നി​രു​ന്ന​തു​കൊ​ണ്ട് അ​സ്ഥാ​ന​ത്തും പാ​ട്ട് കു​ത്തി​ത്തി​രു​കാ​നു​ള്ള പ്ര​വ​ണ​ത അ​ക്കാ​ല​ത്ത് ഉ​ണ്ടാ​യി​രു​ന്നു’’ – ഗാ​ന​ര​ച​യി​താ​വും ക​വി​യും എ​ഴു​ത്തു​കാ​ര​നു​മാ​യ ലേ​ഖ​ക​ൻ അ​ക്കാ​ര്യം വി​വ​രി​ക്കു​ന്നു.

1955ൽ ​പു​റ​ത്തു​വ​ന്ന ‘The Desperate Hours’ എ​ന്ന പ്ര​ശ​സ്ത ഹോ​ളി​വു​ഡ് സി​നി​മ​യു​ടെ ക​ഥ അ​ൽ​പം ചി​ല മാ​റ്റ​ങ്ങ​ളോ​ടെ ‘നാ​ണ​ൽ’ എ​ന്ന​പേ​രി​ൽ ത​മി​ഴി​ൽ നി​ർ​മി​ക്ക​പ്പെ​ട്ടു. പി​ൽ​ക്കാ​ല​ത്ത് ത​മി​ഴ്സി​നി​മ​യി​ലെ ഹി​റ്റ്‌​മേ​ക്ക​റാ​യും പു​തി​യ ത​ല​മു​റ​യു​ടെ വ​ഴി​കാ​ട്ടി​യാ​യും മാ​റി​യ കെ. ​ബാ​ല​ച​ന്ദ​ർ ആ​ണ് ‘നാ​ണ​ൽ’ എ​ന്ന ചി​ത്രം സം​വി​ധാ​നം​ചെ​യ്ത​ത്. മൂ​ല​ക​ഥ​യി​ൽ സം​വി​ധാ​യ​ക​ൻ ന​ൽ​കി​യ മാ​റ്റ​ങ്ങ​ൾ ‘Desperate Hours’ എ​ന്ന ഹോ​ളി​വു​ഡ് സി​നി​മ​യോ​ട് ‘നാ​ണ​ലി’​നു​ള്ള ക​ട​പ്പാ​ട് മ​റ​ച്ചു​വെ​ക്കാ​ൻ പ​ര്യാ​പ്‌​ത​മാ​യി​രു​ന്നു. മു​ത്തു​രാ​മ​ൻ, കെ.​ആ​ർ. വി​ജ​യ, ഷൗ​ക്കാ​ർ​ജാ​ന​കി, നാ​ഗേ​ഷ് മേ​ജ​ർ സു​ന്ദ​ര​രാ​ജ​ൻ തു​ട​ങ്ങി​യ​വ​രാ​ണ് ഈ ​ചി​ത്ര​ത്തി​ൽ അ​ഭി​ന​യി​ച്ച​ത്. ഈ ​ത​മി​ഴ്സി​നി​മ​യു​ടെ ക​ഥ​യെ അ​ടി​സ്ഥാ​ന​മാ​ക്കി സാ​വി​ത്രി പി​ക്‌​ചേ​ഴ്‌​സ് എ​ന്ന നി​ർ​മാ​ണ​ക്ക​മ്പ​നി മ​ല​യാ​ള​ത്തി​ൽ ത​യാ​റാ​ക്കി​യ ചി​ത്ര​മാ​ണ് ‘ഭീ​ക​ര​നി​മി​ഷ​ങ്ങ​ൾ’. അ​രു​ണാ​ച​ല​വും ചി​ന്ന അ​ണ്ണാ​മ​ല​യും ആ​ണ് നി​ർ​മാ​താ​ക്ക​ൾ. എം. ​കൃ​ഷ്ണ​ൻ​നാ​യ​ർ ഈ ​ചി​ത്രം സം​വി​ധാ​നം​ചെ​യ്തു. തു​ട​ക്കം മു​ത​ൽ ഒ​ടു​ക്കം​വ​രെ സ​സ്പെ​ൻ​സ് നി​ല​നി​ർ​ത്തു​ന്ന ഈ​ സി​നി​മ​യി​ൽ പാ​ട്ടു​ക​ൾ​ക്ക് വ​ലി​യ പ്രാ​ധാ​ന്യ​മി​ല്ല. എ​ങ്കി​ലും സം​വി​ധാ​യ​ക​ൻ എം. ​കൃ​ഷ്ണ​ൻ നാ​യ​ർ​ക്ക് പ്രി​യ​ങ്ക​ര​രാ​യ വ​യ​ലാ​റും ബാ​ബു​രാ​ജും ചേ​ർ​ന്നൊ​രു​ക്കി​യ നാ​ല് ഗാ​ന​ങ്ങ​ൾ ഈ ​ചി​ത്ര​ത്തി​ൽ ഉ​ണ്ടാ​യി​രു​ന്നു.

പി. ​സു​ശീ​ല പാ​ടി​യ ര​ണ്ടു പാ​ട്ടു​ക​ൾ, എ​ൽ.​ആ​ർ. ഈ​ശ്വ​രി പാ​ടി​യ ഒ​രു പാ​ട്ട്, യേ​ശു​ദാ​സും എ​സ്. ജാ​ന​കി​യും ചേ​ർ​ന്നു പാ​ടി​യ ഒ​രു യു​ഗ്മ​ഗാ​നം – ഇ​ങ്ങ​നെ നാ​ല് പാ​ട്ടു​ക​ൾ. ചി​ത്ര​ത്തി​ലെ നാ​യി​ക ഷീ​ല അ​ത്ത​പ്പൂ​ക്ക​ളം ഒ​രു​ക്കു​ന്ന വേ​ള​യി​ൽ പാ​ടു​ന്ന ഗാ​ന​മാ​ണ് സു​ശീ​ല പാ​ടി​യ ആ​ദ്യ​ഗാ​നം. ഈ ​ഗാ​ന​ചി​ത്രീ​ക​ര​ണ​ത്തി​ൽ സം​വി​ധാ​യ​ക​ൻ ഷീ​ല​യോ​ടൊ​പ്പം ഉ​പ​നാ​യി​ക​യാ​യ ഉ​ഷാ​കു​മാ​രി​യെ​യും ഉ​ൾ​പ്പെ​ടു​ത്തി​യി​ട്ടു​ണ്ട്. ഗാ​നം ഇ​ങ്ങ​നെ തു​ട​ങ്ങു​ന്നു.

‘‘അ​ഞ്ജ​ലി​പ്പൂ... പൂ... ​പൂ... പൂ.../ ​അ​ത്ത​പ്പൂ പു​ഷ്‍ക​ര​മു​ല്ല​പ്പൂ/ പൂ​ക്ക​ളം വാ​ഴും ഭ​ഗ​വാ​നേ/ ഞാ​നി​താ ശ്രീ​പാ​ദം കൈ ​തൊ​ഴു​ന്നേ​ൻ...’’ ഗാ​നം ഇ​ങ്ങ​നെ തു​ട​രു​ന്നു: ‘‘പൈ​ങ്കി​ളി​പ്പാ​ട്ടു​ക​ൾ പ​ള്ളി​യു​ണ​ർ​ത്തി​യ/​സം​ക്ര​മ​പു​ല​ർ​കാ​ലം -ചി​ങ്ങ/ സം​ക്ര​മ​പു​ല​ർ​കാ​ലം/ തൃ​ക്കാ​ക്ക​ര​യ​പ്പ​ന് നേ​ദി​ക്കു​ന്നു/ തി​രു​മ​ധു​ര​ത്താ​ലം -പൊ​ന്നി​ൻ/ തി​രു​മ​ധു​ര​ത്താ​ലം...’’ ഈ ​ഗാ​ന​ത്തി​ലെ ഏ​റ്റ​വും സൗ​ന്ദ​ര്യ​മു​ള്ള വ​രി​ക​ൾ​കൂ​ടി ശ്ര​ദ്ധി​ക്കു​ക. ‘‘അ​ഞ്ജ​ന​ച്ചോ​ല​യി​ൽ നീ​രാ​ടി അ​ഴി​ഞ്ഞ മു​ടി​യി​ൽ പൂ​ചൂ​ടി ഉ​ണ്ണി​സ്സൂ​ര്യ​നെ എ​ളി​യി​ലെ​ടു​ത്തും​കൊ​ണ്ടു​ദ​യം പൂ​ജ​യ്ക്കെ​ത്തി -ഉ​ഷ​സ്സു​ദ​യം പൂ​ജ​യ്ക്കെ​ത്തി...’’

‘‘തു​ള​സീ​ദേ​വീ’’ എ​ന്നു തു​ട​ങ്ങു​ന്ന ഗാ​ന​മാ​ണ് പി. ​സു​ശീ​ല പാ​ടി​യ ര​ണ്ടാ​മ​ത്തെ ഗാ​നം. ‘‘തു​ള​സീ​ദേ​വീ തു​ള​സീ​ദേ​വീ/ ത​പ​സ്സി​ൽ​നി​ന്നു​ണ​രൂ/​കു​ളി​ച്ചു തൊ​ഴു​തു വ​ലം വെ​ക്കു​മെ​ന്നെ/ അ​നു​ഗ്ര​ഹി​ക്കൂ... അ​നു​ഗ്ര​ഹി​ക്കൂ/ ക​റു​ത്ത നി​ഴ​ലു​ക​ൾ പൊ​യ്മു​ഖ​ങ്ങ​ളു​മാ​യ്/ വി​രു​ന്നു കേ​റി​യ വീ​ട്ടി​ൽ/ കാ​റ്റ​ത്തു കൊ​ളു​ത്തി​യ ക​ളി​മ​ൺ​വി​ള​ക്കു​മാ​യ്/ കൈ​കൂ​പ്പി നി​ൽ​പ്പൂ ഞാ​ൻ -മു​ന്നി​ൽ/ കൈ ​കൂ​പ്പി നി​ൽ​പ്പൂ ഞാ​ൻ...’’ ത​ട​വ് ചാ​ടി​യ നാ​ല് ക്രി​മി​ന​ലു​ക​ൾ ഒ​രു വീ​ട്ടി​ൽ ക​യ​റി അ​വി​ടെ സ​േ​ന്താ​ഷ​ത്തോ​ടെ​യും സ​മാ​ധാ​ന​ത്തോ​ടെ​യും താ​മ​സി​ക്കു​ന്ന കു​ടും​ബ​ത്തി​ലെ അം​ഗ​ങ്ങ​ളെ ഭീ​ഷ​ണി​പ്പെ​ടു​ത്തി സ്വ​ന്തം വ​രു​തി​യി​ലാ​ക്കി അ​വി​ടെ താ​മ​സ​മാ​ക്കു​ന്നു. കു​ടും​ബം എ​ങ്ങ​നെ ആ ​ഭീ​ക​ര​രി​ൽ​നി​ന്ന് ര​ക്ഷ​പ്പെ​ടു​ന്നു, അ​തി​നി​ട​യി​ൽ ആ ​വീ​ട്ടി​ൽ എ​ന്തൊ​ക്കെ സം​ഭ​വി​ക്കു​ന്നു എ​ന്നൊ​ക്കെ​യാ​ണ് ‘ഭീ​ക​ര നി​മി​ഷ​ങ്ങ​ൾ’ എ​ന്ന സി​നി​മ പ​റ​യു​ന്ന​ത്. ക​ഥ​യു​ടെ മ​ർ​മ​മാ​ണ് ‘‘ക​റു​ത്ത നി​ഴ​ലു​ക​ൾ പൊ​യ്മു​ഖ​ങ്ങ​ളു​മാ​യ് വി​രു​ന്നു​കേ​റി​യ വീ​ട്ടി​ൽ’’ എ​ന്ന വ​രി​യി​ലൂ​ടെ വ​യ​ലാ​ർ സൂ​ചി​പ്പി​ക്കു​ന്ന​ത്.

എ​ൽ.​ആ​ർ. ഈ​ശ്വ​രി പാ​ടി​യ ഗാ​ന​മാ​ണ് മൂ​ന്നാ​മ​ത്തേ​ത്. ‘‘പി​റ​ന്നാ​ൾ -ഇ​ന്നു പി​റ​ന്നാ​ൾ’’ എ​ന്നാ​രം​ഭി​ക്കു​ന്ന ഗാ​നം. ‘‘പി​റ​ന്നാ​ൾ -ഇ​ന്നു പി​റ​ന്നാ​ൾ/ പ്രി​യ​ദ​ർ​ശി​നി​യാം പൗ​ർ​ണ​മി​പ്പെ​ണ്ണി​ന്/ പ​തി​നേ​ഴു തി​ക​യു​ന്ന പി​റ​ന്നാ​ൾ/ മ​ഞ്ജു​പീ​താം​ബ​രം ഞൊ​റി​ഞ്ഞു​ടു​ത്തു/ മൃ​ഗ​മ​ദം ചാ​ലി​ച്ചു തൊ​ട്ടു -നെ​റ്റി​യി​ൽ/ മൃ​ഗ​മ​ദം ചാ​ലി​ച്ചു തൊ​ട്ടു/ പൂ​മു​ഖ​പ്പ​ടി​യി​ൽ പൊ​ന്നും കി​ണ്ടി​യി​ൽ/ സോ​മ​ര​സം പ​ക​ർ​ന്നുവെ​ച്ചു...’’ എ​ന്നി​ങ്ങ​നെ ഈ ​ഗാ​നം തു​ട​ർ​ന്നു​പോ​കു​ന്നു.

യേ​ശു​ദാ​സും എ​സ്. ജാ​ന​കി​യും പാ​ടു​ന്ന യു​ഗ്മ​ഗാ​ന​മാ​ണ് ഇ​നി​യു​ള്ള​ത്. ആ ​ഗാ​നം ഇ​ങ്ങ​നെ ആ​രം​ഭി​ക്കു​ന്നു: ‘‘വൈ​ശാ​ഖ​പൂ​ജ​യ്ക്കു പൂ​വ​നം മു​ഴു​വ​ൻ/ വൈ​ഡൂ​ര്യ മ​ല്ലി​ക​ക​ൾ പു​ഷ്‌​പി​ച്ചു/ ഋ​തു​ക​ന്യ​ക​യെ പ്രി​യ​കാ​മു​ക​നൊ​രു/ തി​രു​വാ​ഭ​ര​ണം ചാ​ർ​ത്തി​ച്ചു...’’ ആ​രം​ഭം മു​ത​ൽ അ​വ​സാ​നം വ​രെ ‘ഇ​നി എ​ന്ത് സം​ഭ​വി​ക്കും?’ എ​ന്ന ഭ​യാ​ന​ക​മാ​യ സ​സ്പെ​ൻ​സ് നി​റ​ഞ്ഞു​നി​ൽ​ക്കു​ന്ന ഒ​രു സി​നി​മ​യി​ൽ പാ​ട്ടു​ക​ൾ​ക്ക് എ​ന്ത് സ്ഥാ​നം? എ​ങ്കി​ലും ത​ന്റെ സി​നി​മ​യി​ൽ നാ​ല് ഗാ​ന​സ​ന്ദ​ർ​ഭ​ങ്ങ​ൾ ക​ണ്ടു​പി​ടി​ക്കാ​ൻ സം​വി​ധാ​യ​ക​ൻ ന​ല്ല ശ്ര​മം ന​ട​ത്തി​യി​രി​ക്കു​ന്നു. അ​ദ്ദേ​ഹം അ​വ മ​നോ​ഹ​ര​മാ​യി ചി​ത്രീ​ക​രി​ക്കു​ക​യും ചെ​യ്തു. പാ​ട്ടു​ക​ളി​ല്ലാ​ത്ത ഒ​രു ക​മേ​ഴ്‌​സ്യ​ൽ സി​നി​മ​യെ​ക്കു​റി​ച്ചു ചി​ന്തി​ക്കാ​ൻ അ​ന്ന​ത്തെ സം​വി​ധാ​യ​ക​ർ​ക്കും നി​ർ​മാ​താ​ക്ക​ൾ​ക്കും സാ​ധി​ക്കു​മാ​യി​രു​ന്നി​ല്ല.

1970 മേ​യ് 21ാം തീ​യ​തി പു​റ​ത്തു​വ​ന്ന ‘ഭീ​ക​ര​നി​മി​ഷ​ങ്ങ​ൾ’ എ​ന്ന ചി​ത്ര​ത്തി​ന് ‘The Desperate Hours’ എ​ന്ന ഇം​ഗ്ലീ​ഷ് ചി​ത്ര​ത്തി​നും ‘നാ​ണ​ൽ’ എ​ന്ന ത​മി​ഴ് ചി​ത്ര​ത്തി​നും ല​ഭി​ച്ച വ്യ​വ​സാ​യി​ക​വി​ജ​യം നേ​ടാ​ൻ സാ​ധി​ച്ചി​ല്ല, എ​ങ്കി​ലും സി​നി​മ പ​രാ​ജ​യ​മാ​യി​ല്ല.

കു​ഞ്ചാ​ക്കോ​യു​ടെ എ​ക്സ​ൽ പ്രൊ​ഡ​ക്ഷ​ൻ​സ് ഉ​ദ​യാ സ്റ്റു​ഡി​യോ​യി​ൽ നി​ർ​മി​ച്ച ചി​ത്ര​മാ​ണ് ‘ദ​ത്തു​പു​ത്ര​ൻ’. കു​ഞ്ചാ​ക്കോത​ന്നെ​യാ​ണ് ഈ ​ചി​ത്രം സം​വി​ധാ​നം​ചെ​യ്ത​തും. കാ​നം ഇ.​ജെ ക​ഥ​യും സം​ഭാ​ഷ​ണ​വും എ​ഴു​തി. ഒ​രേസ​മ​യം ഇ​ത് ഒ​രു കു​ടും​ബ​ക​ഥ​യും പ്ര​ണ​യ​ക​ഥ​യു​മാ​ണ്. സ​ത്യ​ൻ, പ്രേം​ന​സീ​ർ, കെ.​പി.​ ഉ​മ്മ​ർ, ഷീ​ല, ജ​യ​ഭാ​ര​തി, ഉ​ഷാ​കു​മാ​രി, രാ​ജ​ശ്രീ, പി.​ജെ. ആ​ന്റ​ണി, അ​ടൂ​ർ ഭാ​സി, എ​സ്.​പി. പി​ള്ള, അ​ടൂ​ർ പ​ങ്ക​ജം, ആ​ലു​മ്മൂ​ട​ൻ തു​ട​ങ്ങി​യ​വർ ‘ദ​ത്തു​പു​ത്ര​നി’​ൽ അ​ഭി​ന​യി​ച്ചു.

വ​യ​ലാ​ർ-​ദേ​വ​രാ​ജ​ൻ ടീ​മി​ന്റെ അ​ഞ്ചു ഗാ​ന​ങ്ങ​ൾ യേ​ശു​ദാ​സ്, പി. ​സു​ശീ​ല, എ​ൽ.ആ​ർ. ഈ​ശ്വ​രി എ​ന്നി​വ​ർ പാ​ടി. ഹി​റ്റു​ക​ളാ​യ ചി​ല പാ​ട്ടു​ക​ൾ ഈ ​സി​നി​മ​യി​ലു​ണ്ട്. യേ​ശു​ദാ​സ് പാ​ടി​യ ‘‘സ്വ​ർ​ഗ​ത്തേ​ക്കാ​ൾ സു​ന്ദ​ര​മാ​ണീ സ്വ​പ്നം വി​ട​രും ഗ്രാ​മം’’ എ​ന്നാ​രം​ഭി​ക്കു​ന്ന ഗാ​നം വ​ള​രെ പ്ര​ശ​സ്ത​മാ​ണ്.

‘‘സ്വ​ർ​ഗ​ത്തേ​ക്കാ​ൾ സു​ന്ദ​ര​മാ​ണീ/ സ്വ​പ്നം വി​ട​രും ഗ്രാ​മം/ പ്രേ​മ​വ​തി​യാം എ​ൻ പ്രി​യ​കാ​മു​കി/ താ​മ​സി​ക്കും ഗ്രാ​മം...’’ ത​ന്റെ പ​തി​വു​ശൈ​ലി​യി​ൽ​നി​ന്ന് അ​ൽ​പം വ്യ​ത്യ​സ്ത​മാ​യ വി​ധ​ത്തി​ലാ​ണ് ദേ​വ​രാ​ജ​ൻ മാ​സ്റ്റ​ർ ഈ ​ഗാ​നം ചി​ട്ട​പ്പെ​ടു​ത്തി​യി​ട്ടു​ള്ള​ത്. ഗാ​ന​ത്തി​ലെ തു​ട​ർ​ന്നു​ള്ള വ​രി​ക​ൾ ഇ​ങ്ങ​നെ:

‘‘അ​വ​ൾ കു​ളി​ക്കും കു​ള​ക്ക​ട​വി​ൽ അ​ലഞൊ​റി​യും പൂ​ങ്കാ​റ്റേ/ പു​തി​യൊ​രു ല​ജ്ജ​യി​ൽ മു​ങ്ങി​പ്പൊ​ങ്ങും/ പൂ​മെ​യ് ക​ണ്ടി​ട്ടു​ണ്ടോ.../​അ​ഹ -ക​ണ്ടി​ട്ടു​ണ്ടോ..?’’ എ​ന്നി​ങ്ങ​നെ നീ​ണ്ട ഹ​മ്മി​ങ്ങു​ക​ളോ​ടെ ഈ ​ഗാ​നം മു​ന്നേ​റു​ന്നു. യേ​ശു​ദാ​സ് ത​ന്നെ പാ​ടി​യ ‘‘ആ​ഴി അ​ല​യാ​ഴി...’’ എ​ന്ന ഗാ​നം ര​ച​ന​യി​ലും ഈ​ണ​ത്തി​ലും മേ​ൽ​പ​റ​ഞ്ഞ ഗാ​ന​ത്തി​ൽ​നി​ന്ന് തു​ലോം വ്യ​ത്യ​സ്ത​മാ​ണ്. ‘‘ആ​ഴി അ​ല​യാ​ഴി.../ അ​പാ​ര​തേ നി​ൻ വി​ജ​ന​മാം ക​ര​യി​ൽ/ അ​ല​യു​ന്നു ഞാ​നാം പ​ഥി​ക​ൻ...’’ എ​ന്ന ഗാ​ന​ത്തി​ന്റെ തു​ട​ർ​ന്നു​ള്ള വ​രി​ക​ളും ന​ന്ന്.

‘‘ഒ​രു ക​പ്പ​ൽ​കൂ​ടി ത​ക​ർ​ത്തു ദൂ​രെ/ തി​ര​മാ​ല പൊ​ട്ടി​ച്ചി​രി​ച്ചു/ ത​ക​ർ​ന്ന ക​പ്പ​ലി​ൻ ജ​ഡ​ത്തി​ന​രി​കി​ൽ/ ചി​റ​ക​ടി​ച്ചെ​ത്തു​ന്നു ക​ഴു​ക​ൻ/ ചി​റ​ക​ടി​ച്ചെ​ത്തു​ന്നു ക​ഴു​ക​ൻ...’’ അ​ടു​ത്ത ച​ര​ണ​ത്തി​ൽ ‘‘ഒ​രു തീ​രം കൂ​ടി ത​ക​ർ​ത്തു -ചു​റ്റും പ്ര​ള​യാ​ന്ധ​കാ​രം പ​ട​ർ​ന്നു’’ എ​ന്നു തു​ട​ങ്ങി ‘‘ചെ​കു​ത്താ​നും ക​ട​ലി​നും ന​ടു​വി​ൽ നി​ൽ​ക്കു​ന്ന മ​നു​ഷ്യ​പു​ത്ര​ന് വെ​ളി​ച്ച​മി​ല്ലേ..?’’ എ​ന്നു ചോ​ദി​ക്കു​ന്നു. വ​രി​ക​ളി​ൽ തി​ള​ങ്ങു​ന്ന ആ​ശ​യ​ത്തി​ന​നു​സൃ​ത​മാ​യി സ്വ​ര​ങ്ങ​ൾ നി​ര​ത്താ​ൻ ദേ​വ​രാ​ജ​ൻ എ​ന്ന സം​ഗീ​ത​ജ്ഞ​നു​ള്ള പാ​ട​വം ഈ ​ഗാ​ന​ത്തി​ൽ നാം ​ഒ​രി​ക്ക​ൽ​കൂ​ടി കാ​ണു​ന്നു.

‘‘തീ​രാ​ത്ത ദുഃ​ഖ​ത്തി​ൻ തീ​രാ​ത്തൊ​രു​നാ​ൾ സ്ത്രീ​യാ​യ് ദൈ​വം ജ​നി​ക്കേ​ണം’’ എ​ന്ന പി. ​സു​ശീ​ല​യു​ടെ പ്ര​ശ​സ്ത ഗാ​ന​വും ഈ ​സി​നി​മ​യി​ലേ​താ​ണ്.

‘‘തീ​രാ​ത്ത ദുഃ​ഖ​ത്തി​ൻ തീ​രാ​ത്തൊ​രു നാ​ൾ/ സ്ത്രീ​യാ​യ് ദൈ​വം ജ​നി​ക്കേ​ണം/ ആ​ട്ടി​ൻ​തോ​ലി​ട്ട ചെ​ന്നാ​യ്ക്ക​ൾ മേ​വു​ന്ന/ നാ​ട്ടി​ൻ​പു​റ​ത്തു വ​ള​രേ​ണം.../ പ്രാ​ണ​സ​ർ​വ​സ്വ​മാ​യ് സ്നേ​ഹി​ച്ചൊ​രാ​ളി​നെ/ പ്ര​ണ​യ​വി​വാ​ഹം ക​ഴി​ക്കേ​ണം/ അ​വ​ൾ അ​വ​നു വി​ള​ക്കാ​യ് ഇ​രി​ക്കേ​ണം/ പെ​ണ്ണി​ന്റെ ദി​വ്യാ​നു​രാ​ഗ​വും ദാ​ഹ​വും/ അ​ന്നേ മ​ന​സ്സി​ലാ​കൂ... ദൈ​വ​ത്തി​ന​ന്നേ മ​ന​സ്സി​ലാ​കൂ...’’ പി. ​സു​ശീ​ല ആ​ഹ്ലാ​ദ​ത്തോ​ടെ പാ​ടു​ന്ന ഒ​രു പാ​ട്ടും ‘ദ​ത്തു​പു​ത്ര’​നി​ലു​ണ്ട്. ആ ​പാ​ട്ടും ശ്ര​ദ്ധി​ക്ക​പ്പെ​ട്ട ഒ​രു ഗാ​ന​മാ​ണ്. ‘‘തു​റ​ന്നി​ട്ട ജാ​ല​ക​ങ്ങ​ൾ അ​ട​ച്ചോ​ട്ടേ/ തൂ​വ​ൽ​ക്കി​ട​ക്ക വി​രി​ച്ചോ​ട്ടേ/ നാ​ണ​ത്തി​ൽ മു​ങ്ങു​മീ മു​ത്തു​വി​ള​ക്കി​ന്റെ/ മാ​ണി​ക്യ​ക്ക​ണ്ണൊ​ന്നു പൊ​ത്തി​ക്കോ​ട്ടേ...’’ എ​ന്നു തു​ട​ങ്ങു​ന്ന ഈ ​പാ​ട്ടി​ലെ എ​ല്ലാ വ​രി​ക​ളും അ​ർ​ഥം നി​റ​ഞ്ഞ​വ ത​ന്നെ. എ​ൽ.​ആ​ർ. ഈ​ശ്വ​രി പാ​ടി​യ ഒ​രു ഗാ​നം​കൂ​ടി ചി​ത്ര​ത്തി​ലു​ണ്ട്. വ​രി​ക​ൾ കേ​ൾ​ക്കു​മ്പോ​ൾ​ത​ന്നെ ആ ​ഗാ​നം ഏ​തു വ​കു​പ്പി​ൽ​പെ​ടു​ന്നു എ​ന്നു ഗാ​നാ​സ്വാ​ദ​ക​ർ​ക്കു മ​ന​സ്സി​ലാ​കും. ‘‘വൈ​ൻ ഗ്ലാ​സ് വൈ​ൻ ഗ്ലാ​സ്/ ആ​യി​ര​മാ​യി​രം അ​ധ​ര​ദ​ല​ങ്ങ​ളി​ൽ/ അ​മൃ​തു പ​ക​ർ​ന്ന വൈ​ൻ​ഗ്ലാ​സ്/ വ​രൂ... വാ​ങ്ങൂ... നി​റ​യ്‌​ക്കൂ... കു​ടി​ക്കൂ...’’ തു​ട​ർ​ന്നു​ള്ള വ​രി​ക​ൾ ശ്ര​ദ്ധി​ക്കു​ക.

‘‘പ​റ​ന്നു​പോ​കും നി​മി​ഷ​ങ്ങ​ളി​നി തി​രി​ച്ചു വ​രു​കി​ല്ലാ... ക​ര​ഞ്ഞു തേ​ടി ന​ട​ന്നാ​ല​വ​യെ ക​ണ്ടെ​ത്തു​ക​യി​ല്ല... ഈ ​മ​ദാ​ല​സ നി​മി​ഷ​ത്തി​ൽ ഈ ​മ​നോ​ജ്ഞ സ​ദ​ന​ത്തി​ൽ നി​റ​ഞ്ഞ ല​ഹ​രി​യി​ലെ​ന്നോ​ടൊ​ത്തൊ​രു നൃ​ത്തം വെ​ക്കൂ...’’

1970 ജൂ​ൺ 12ന് ​തി​യ​റ്റ​റു​ക​ളി​ൽ എ​ത്തി​യ ‘ദ​ത്തു​പു​ത്ര​ൻ’ പ്ര​ദ​ർ​ശ​ന​വി​ജ​യം നേ​ടി. ഗാ​ന​ങ്ങ​ളു​ടെ പി​ൻ​ബ​ലം അ​തി​നു സ​ഹാ​യ​ക​ര​മാ​യി​ത്തീ​ർ​ന്നു എ​ന്ന​തും വ്യ​ക്തം.

കെ.​പി. കൊ​ട്ടാ​ര​ക്ക​ര അ​ദ്ദേ​ഹ​ത്തി​ന്റെ സ്വ​ന്തം നി​ർ​മാ​ണ​സ്ഥാ​പ​ന​മാ​യ ഗ​ണേ​ഷ് പി​ക്ചേ​ഴ്സി​ന് വേ​ണ്ടി നി​ർ​മി​ച്ച ‘ര​ക്ത​പു​ഷ്പം’ എ​ന്ന ചി​ത്രം 1970 ജൂ​ലൈ 17ാം തീ​യ​തി കേ​ര​ള​ത്തി​ൽ പ്ര​ദ​ർ​ശ​നം ആ​രം​ഭി​ച്ചു. പ​തി​വു​പോ​ലെ നി​ർ​മാ​താ​വാ​യ കെ.​പി. കൊ​ട്ടാ​ര​ക്ക​ര ത​ന്നെ​യാ​ണ് ക​ഥ​യും സം​ഭാ​ഷ​ണ​വും ര​ചി​ച്ച​ത്. ശ​ശി​കു​മാ​ർ ചി​ത്രം സം​വി​ധാ​നം​ ചെ​യ്തു. അ​മ്മ​യു​ടെ ഉ​ദ​ര​ത്തി​ൽ കി​ട​ക്കു​മ്പോ​ൾ​ത​ന്നെ പി​താ​വി​നാ​ൽ ഉ​പേ​ക്ഷി​ക്ക​പ്പെ​ട്ട പു​ത്ര​നും പി​താ​വും ത​മ്മി​ൽ ഏ​റ്റു​മു​ട്ടു​ന്ന സം​ഭ​വ​ബ​ഹു​ല​മാ​യ ക​ഥ​യാ​ണെ​ങ്കി​ലും സം​ഘ​ട്ട​ന​ങ്ങ​ൾ​ക്കും സം​ഗീ​ത​ത്തി​നും തു​ല്യ​പ്രാ​ധാ​ന്യം ന​ൽ​കു​ന്ന ചി​ത്ര​മാ​ണ് ‘ര​ക്ത​പു​ഷ്പം’. പ്രേം​ന​സീ​ർ, വി​ജ​യ​ശ്രീ, കെ.​പി. ഉ​മ്മ​ർ, അ​ടൂ​ർ ഭാ​സി, എ​ൻ. ഗോ​വി​ന്ദ​ൻ​കു​ട്ടി, ശ​ങ്ക​രാ​ടി, മീ​ന, സാ​ധ​ന, ശ്രീ​ല​ത തു​ട​ങ്ങി​യ​വ​രാ​ണ് ന​ടീ​ന​ട​ന്മാ​ർ. താ​ൻ നി​ർ​മി​ച്ച ‘റെ​സ്റ്റ്ഹൗ​സ്’ എ​ന്ന ചി​ത്ര​ത്തി​ലെ ഹി​റ്റ് ഗാ​ന​ങ്ങ​ൾ സൃ​ഷ്ടി​ച്ച ശ്രീ​കു​മാ​ര​ൻ ത​മ്പി​യെ​യും എം.​കെ. അ​ർ​ജു​ന​നെ​യു​മാ​ണ് കൊ​ട്ടാ​ര​ക്ക​ര ഈ ​ചി​ത്ര​ത്തി​ന്റെ ഗാ​ന​ങ്ങ​ളൊ​രു​ക്കാ​ൻ ഏ​ൽ​പി​ച്ച​ത്. ‘ര​ക്ത​പു​ഷ്പ’​ത്തി​ൽ ആ​കെ ഏ​ഴു പാ​ട്ടു​ക​ൾ ഉ​ണ്ടാ​യി​രു​ന്നു.​ യേ​ശു​ദാ​സ്, ജ​യ​ച​ന്ദ്ര​ൻ, പി. ​ലീ​ല, എ​സ്. ജാ​ന​കി, മാ​ധു​രി, സി.​ഒ. ആ​ന്റോ എ​ന്നി​വ​രാ​യി​രു​ന്നു ഗാ​യ​ക​ർ. യേ​ശു​ദാ​സ് പാ​ടി​യ ‘‘ നീ​ല​ക്കു​ട​നി​വ​ർ​ത്തി വാ​നം...’’ എ​ന്ന പാ​ട്ടും ‘‘സി​ന്ദൂ​ര​പ്പൊ​ട്ടു തൊ​ട്ട് ശൃ​ഗാ​ര​ക്ക​യ്യും വീ​ശി...’’ എ​ന്ന പാ​ട്ടും മാ​ധു​രി​യോ​ടൊ​പ്പം പാ​ടി​യ ‘‘ത​ക്കാ​ളി​പ്പ​ഴ​ക്ക​വി​ളി​ൽ...’’ എ​ന്ന പാ​ട്ടും പി. ​ജ​യ​ച​ന്ദ്ര​നും എ​സ്.​ജാ​ന​കി​യും ചേ​ർ​ന്നു പാ​ടി​യ ‘‘മ​ല​ര​മ്പ​ന​റി​ഞ്ഞി​ല്ല...’’ എ​ന്ന ഗാ​ന​വും ഹി​റ്റു​ക​ളാ​യി.

‘‘നീ​ല​ക്കു​ട നി​വ​ർ​ത്തി വാ​നം എ​നി​ക്കു​വേ​ണ്ടി... നീ​ളെ പൂ ​നി​ര​ത്തി ഭൂ​മി എ​നി​ക്കു​വേ​ണ്ടി... രാ​ഗ​മാ​ലി​ക പാ​ടി​ത്ത​രു​ന്നു രാ​വാ​യാ​ൽ രാ​ക്കി​ളി​ക​ൾ... പ​ള്ളി​മ​ഞ്ച​ത്തേ​രു ത​രു​ന്നു പ​വി​ഴ​മ​ല്ലി​ത്തെ​ന്ന​ൽ... എ​ല്ലാം... എ​ല്ലാം... എ​നി​ക്കു വേ​ണ്ടി... എ​നി​ക്കു വേ​ണ്ടി...’’

യേ​ശു​ദാ​സ് ത​ന്നെ പാ​ടി​യ അ​ടു​ത്ത പാ​ട്ട് ഇ​ങ്ങ​നെ തു​ട​ങ്ങു​ന്നു: ‘‘സി​ന്ദൂ​ര​പ്പൊ​ട്ടു തൊ​ട്ട് ശൃം​ഗാ​ര​ക്ക​യ്യും വീ​ശി ഇ​ന്നെ​ന്റെ മു​ന്നി​ലൊ​രു പൂ​ക്കാ​ലം വി​രു​ന്നു വ​ന്നു... സി​ന്ദൂ​ര​പ്പൊ​ട്ടു തൊ​ട്ട്... പെ​ണ്ണ​വ​ൾ ചി​രി​ച്ച​പ്പോ​ൾ ക​ന്നി​നി​ലാ​പ്പാ​ലൊ​ഴു​കി... ചെ​ഞ്ചോ​രി​വാ​യ് തു​റ​ന്നു പ​ഞ്ചാ​ര​പ്പാ​ട്ടൊ​ഴു​കി... മ​ന​സ്സി​ൻ പ​ട​നി​ല​ത്ത് ഓ​ച്ചി​റ​ക്ക​ളി തു​ട​ങ്ങി... മ​ത്താ​പ്പൂ ക​ത്തി​യെ​രി​ഞ്ഞു, പൂ​ത്തി​രി പൂ​ത്ത​ണ​ഞ്ഞു...’’

യേ​ശു​ദാ​സും മ​ധു​രി​യും കൂ​ടി പാ​ടി​യ യു​ഗ്മ​ഗാ​ന​വും ഹി​റ്റാ​യെ​ന്നു പ​റ​യാം. ‘‘ത​ക്കാ​ളി​പ്പ​ഴ​ക്ക​വി​ളി​ൽ -ഒ​രു താ​മ​ര​മു​ത്തം മു​ത്ത​ണി​പ്പൊ​ൻ​ചു​ണ്ടി​ന​പ്പോ​ൾ ഇ​ത്തി​രി​കോ​പം ^ ഇ​ത്തി​രി​കോ​പം.’’

അ​ടു​ത്തവ​രി​ക​ൾ താ​ഴെ കൊ​ടു​ക്കു​ന്നു: ‘‘ഒ​ന്നു ക​ണ്ടു -ഉ​ള്ളി​ലാ​കെ പൂ ​വി​രി​ഞ്ഞു ഒ​ന്നു തൊ​ട്ടു -മേ​ലാ​കെ കു​ളി​ര​ണി​ഞ്ഞു ഉ​ള്ളി​ലു​ള്ള പൂ​വി​ലാ​കെ തേ​ൻ നി​റ​ഞ്ഞു... തു​ള്ളി​യാ​യി ചി​പ്പി​ക​ളി​ൽ ഊ​റി​നി​ന്നു ഓ... ​ഊ​റി​യൂ​റി നി​ന്നു...’’

യേ​ശു​ദാ​സ് ത​നി​ച്ചു പാ​ടു​ന്ന മ​റ്റൊ​രു ഗാ​നം ഇ​ങ്ങ​നെ ആ​രം​ഭി​ക്കു​ന്നു. ഇ​ത് മ​ഴ​യി​ൽ ചി​ത്രീ​ക​രി​ച്ച ഒ​രു സം​ഗ​മ​രം​ഗ​മാ​ണ്. ‘‘വ​രൂ...​വ​രൂ… പ​നി​നീ​രു ത​രൂ... കു​ളി​ർ​മാ​ല ത​രൂ വ​രൂ വ​രൂ ഹൃ​ദ​യം പ​ക​രൂ മ​ധു​രം നു​ക​രൂ... തു​ള്ളി​ക്കൊ​രു കു​ടം തു​ള്ളും മ​ല​ർ​ത്ത​ടം തൂ​വി​തു​ളു​മ്പു​ന്ന തേ​ൻ​കു​ടം വി​ണ്ണി​ൽ, വ​സ​ന്ത​മാ​ടും മ​ണ്ണി​ൽ മ​നോ​ഹ​രീ നി​ൻ നെ​ഞ്ചി​ൽ വി​തു​മ്പി​ടു​ന്നു യൗ​വ​നം...’’

ജ​യ​ച​ന്ദ്ര​നും എ​സ്. ജാ​ന​കി​യും പാ​ടു​ന്ന യു​ഗ്മ​ഗാ​നം ഇ​താ​ണ്: ‘‘മ​ല​ര​മ്പ​ന​റി​ഞ്ഞി​ല്ലാ മ​ധു​മാ​സ​മ​റി​ഞ്ഞി​ല്ലാ മ​ല​ർ ചൂ​ടി എ​ന്മ​ന​സ്സി​ൽ ഒ​രു മോ​ഹം അ​ധ​ര​മ​റി​ഞ്ഞി​ല്ല... ഹൃ​ദ​യ​മ​റി​ഞ്ഞി​ല്ല അ​റി​യാ​തെ മൂ​ളി​പ്പോ​യ് ഒ​രു രാ​ഗം’’ എ​ന്നി​ങ്ങ​നെ നാ​യ​ക​ൻ പാ​ടു​മ്പോ​ൾ നാ​യി​ക ഇ​ങ്ങ​നെ മ​റു​പ​ടി ന​ൽ​കു​ന്നു: ‘‘ഇ​ളം​കാ​റ്റ​റി​ഞ്ഞി​ല്ല... ഇ​ല​ക​ള​റി​ഞ്ഞി​ല്ല... ഇ​വി​ടൊ​രു പാ​ട്ടു​കാ​ര​ൻ മ​റ​ഞ്ഞു​നി​ന്നു... ചി​രി തൂ​കി​യൊ​ഴു​കു​ന്ന ധ​നു​മാ​സ​ച​ന്ദ്രി​ക വ​ന​മാ​കെ മ​ധു​മാ​രി ചൊ​രി​ഞ്ഞു​നി​ന്നു...’’

എ​സ്. ജാ​ന​കി പാ​ടി​യ ‘‘കാ​ശി​തെ​റ്റി​പ്പൂ​വി​നൊ​രു ക​ല്യാ​ണാ​ലോ​ച​ന കൈ​നാ​റി​പ്പൂ​വി​ന​പ്പോ​ൾ ക​ണ്ണു​ക​ടി​വേ​ദ​ന... ചെ​മ്പ​ട​താ​ളം കൊ​ട്ടി നെ​ഞ്ചി​ലി​ല​ത്താ​ളം കൊ​ട്ടി ക​ല്യാ​ണ​ദ​ല്ലാ​ളാ​യ് കാ​റ്റു വ​ന്നു വാ​ക്കു ചൊ​ന്നു ചെ​മ്പ​ക​പ്പൂ വി​രി​ഞ്ഞു... ചെ​മ്പ​ര​ത്തി​പ്പൂ വി​രി​ഞ്ഞു... ജേ​മ​ന്തി​ക്കാ​ടു​ക​ളും തോ​ര​ണ​ങ്ങ​ൾ ചാ​ർ​ത്തി​നി​ന്നു.’’

ശ്രീകുമാരൻ തമ്പി -പഴയ കാല ചിത്രം

ഈ ​ഗാ​ന​ത്തി​ൽ ഹ​മ്മി​ങ് പാ​ടി​യ ന​വാ​ഗ​ത ഗാ​യ​ക​നാ​യ ആ​ർ.​ സോ​മ​ശേ​ഖ​ര​ൻ ത​നി​ക്കു പ്ര​ധാ​ന ഗാ​യ​ക​നു​ള്ള സ്ഥാ​നം ന​ൽ​കാ​ത്ത​തി​ൽ ഈ ​ലേ​ഖ​ക​നോ​ട് പ​രി​ഭ​വി​ച്ച് ഗ​ൾ​ഫി​ൽ പോ​യി. വ​ർ​ഷ​ങ്ങ​ൾ​ക്കു ശേ​ഷം ധ​നി​ക​നാ​യി മ​ട​ങ്ങി​വ​ന്ന് അ​ദ്ദേ​ഹം സം​ഗീ​ത​സം​വി​ധാ​യ​ക​നാ​യി. സി​നി​മ​യി​ലും ടി.​വി സീ​രി​യ​ലു​ക​ളി​ലും പ്ര​വ​ർ​ത്തി​ച്ചു. ‘ജാ​ത​കം’ തു​ട​ങ്ങി​യ സി​നി​മ​ക​ളു​ടെ സം​ഗീ​ത​സം​വി​ധാ​യ​ക​ൻ ഇ​ദ്ദേ​ഹ​മാ​ണ്. പി. ​ലീ​ല​യും സി.​ഒ. ആ​ന്റോ​യും സം​ഘ​വും പാ​ടി​യ സം​ഘ​ഗാ​നം ഇ​താ​ണ്. ‘‘ഓ​രോ തു​ള്ളി ചോ​ര​ക്കും പ​ക​രം ഞ​ങ്ങ​ൾ ചോ​ദി​ക്കും... ഓ​രോ തീ​വെ​ടി​യു​ണ്ട​ക്കും പ​ക​രം ഞ​ങ്ങ​ൾ ചോ​ദി​ക്കും... പു​ത്ത​ൻ ത​ല​മു​റ​യു​ണ​രു​ക​യാ​യ്... പു​ത്ത​നു​ഷ​സ്സു​ക​ൾ ഉ​ണ​രു​ക​യാ​യ്... അ​ണി​യ​ണി​യാ​യ് നാ​മ​ണ​യു​ക​യാ​യ് അ​ടി​മ​ച്ച​ങ്ങ​ല​പൊ​ട്ടി​ക്കാ​ൻ...’’

ഈ ​ഗാ​ന​ത്തി​ലെ ‘‘ഓ​രോ തീ​വെ​ടി​യു​ണ്ട​ക്കും പ​ക​രം ഞ​ങ്ങ​ൾ ചോ​ദി​ക്കും’’ എ​ന്നു തു​ട​ങ്ങു​ന്ന വ​രി​ക​ൾ ചി​ത്ര​ത്തി​ൽ വീ​ണ്ടും വ​രു​ന്നു​ണ്ട്. അ​തി​ന് എ​ട്ടാ​മ​ത്തെ ഗാ​ന​ത്തി​ന്റെ സ്ഥാ​നം ന​ൽ​കേ​ണ്ട​തി​ല്ല. പാ​ട്ടു​ക​ൾ സി​നി​മ​യു​ടെ വി​ജ​യ​ഘ​ട​ക​ങ്ങ​ളി​ൽ ഒ​ന്നാ​ണെ​ന്ന വി​ശ്വാ​സം നി​ല​നി​ന്നി​രു​ന്ന​തു​കൊ​ണ്ട് അ​സ്ഥാ​ന​ത്തും പാ​ട്ട് കു​ത്തി​ത്തി​രു​കാ​നു​ള്ള പ്ര​വ​ണ​ത അ​ക്കാ​ല​ത്ത് ഉ​ണ്ടാ​യി​രു​ന്നു.

‘റ​സ്റ്റ്ഹൗ​സ്’ പോ​ലെ ‘ര​ക്ത​പു​ഷ്പ’​വും മ്യൂ​സി​ക്ക​ൽ ഹി​റ്റ് ആ​യ​തോ​ടെ മ​ല​യാ​ള സി​നി​മാ​സം​ഗീ​ത​ത്തി​ൽ ശ്രീ​കു​മാ​ര​ൻ ത​മ്പി-​അ​ർ​ജു​ന​ൻ കൂ​ട്ടു​കെ​ട്ടി​ന്റെ ല​ളി​ത​വും ശാ​ലീ​ന​വു​മാ​യ വി​ജ​യ​യാ​ത്ര തു​ട​ങ്ങി​യെ​ന്നു പ​റ​യാം. ‘ര​ക്ത​പു​ഷ്പം’ എ​ന്ന ചി​ത്ര​വും ഒ​രു ക​മേ​ഴ്‌​സ്യ​ൽ ഹി​റ്റാ​യി​രു​ന്നു. വി​ജ​യി​ക്കാ​ത്ത​വ​നെ സി​നി​മ​യി​ൽ ആ​ര് കൂ​ടെ കൂ​ട്ടും..?

(തു​ട​രും)