ച​വ​റു​കൂ​ന​യി​ൽ ന​മ്മു​ടെ ജീ​വി​തം

​കേ​ര​ള​ത്തി​ൽ ആ​ല​പ്പു​ഴ​യി​ലും തി​രു​വ​ന​ന്ത​പു​ര​ത്തും ന​ട​ന്ന മാ​ലി​ന്യ സം​സ്ക​ര​ണ പ​രീ​ക്ഷ​ണം കേ​ര​ളം മു​ഴു​വ​ൻ വ്യാ​പി​ക്കും എ​ന്ന് ക​രു​തി​യി​രു​ന്നെ​ങ്കി​ലും അ​തു​ണ്ടാ​യി​ല്ലെ​ന്ന് മു​തി​ർ​ന്ന മാ​ധ്യ​മ​പ്ര​വ​ർ​ത്ത​ക​നാ​യ ലേ​ഖ​ക​ൻ എ​ഴു​തു​ന്നു. പു​തി​യൊ​രു സ​മീ​പ​നം സൃ​ഷ്ടി​ക്കാ​നു​ള്ള അ​വ​സ​രം ന​മ്മ​ൾ ന​ഷ്ട​മാ​ക്കു​ക​യാ​യി​രു​ന്നോ? എ​ന്താ​ണ് കു​മി​ഞ്ഞു​കൂ​ടു​ന്ന മാ​ലി​ന്യ​ത്തി​ൽ​നി​ന്ന് സം​സ്ഥാ​ന​ത്തെ ര​ക്ഷി​ക്കാ​നു​ള്ള മാ​ർ​ഗം, ബ​ദ​ൽ? - വി​ശ​ക​ല​നം.

ചിത്രം: ബൈജു കൊടുവള്ളി

‘‘പാ​തി വ​ലി​ച്ചു​ക​ള​ഞ്ഞൊ​രു ബീ​ഡി-

തു​ണ്ടു പെ​റു​ക്കു​മ്പോ​ൾ

നീ​റി​പ്പു​ക​യും ജീ​വി​ത​മ​വ​ളു​ടെ

കൈ​പൊ​ള്ളി​ക്കു​ന്നു’’

‘ബ​സ് സ്റ്റാ​ൻ​ഡി​ലെ തൂ​പ്പു​കാ​രി’ എ​ന്നൊ​രു ക​വി​ത​യി​ൽ പി.പി. രാ​മ​ച​ന്ദ്ര​ൻ എ​ഴു​തു​ന്നു.

ചു​റ്റു​പാ​ടു​മു​ള്ള വാ​ഹ​ന​ഗ​ർ​ജ​ന​ത്തി​ന്റെ ഇ​ര​മ്പ​ൽ കേ​ൾ​ക്കു​ന്നി​ല്ലെ​ങ്കി​ലും താ​ഴെ ത​രി​മ​ണ​ൽ ത​മ്മി​ൽ ത​മ്മി​ൽ പേ​ശു​ന്ന കു​ശ​ല​ങ്ങ​ൾ അ​വ​ൾ കേ​ൾ​ക്കു​ന്നു​ണ്ടെ​ന്ന് ക​വി പ​റ​യു​ന്നു.

അ​വ​ൾ പെ​റു​ക്കി​യെ​ടു​ക്കു​ന്ന ഓ​രോ ച​വ​റി​ന്റെ തു​ണ്ടി​ലും അ​വ​ൾ ജീ​വി​ത​ത്തി​ന്റെ അ​പാ​ര​മാ​യ വൈ​വി​ധ്യ​ങ്ങ​ൾ കാ​ണു​ന്നു.

‘‘കാ​ലി​ക്കൂ​ടു​ക​ൾ വാ​രു​മ്പോ​ൾ അ​തി-

ലാ​രോ ക​ര​യു​ന്നു

വീ​ടി​ന​ക​ത്തെ തു​ണി​യൂ​ഞ്ഞാ​ലി​ൽ

തൂ​ങ്ങും ത​ൻ ജീ​വ​ൻ

മി​ന്നും മി​ഠാ​യി​ക്ക​ട​ലാ​സൊ-

ന്നി​ള​കീ പൊ​ടി​മ​ണ്ണി​ൽ

മു​ങ്ങി​പ്പോ​യ മ​ഹാ​ബ​ലി ത​ന്നു​ടെ

പൊ​ൻ​മു​ടി​യോ ക​ണ്ടൂ’’

ച​വ​റി​നെ ജീ​വി​ത​ം ദു​ഷ്ക​ര​മാ​ക്കു​ന്ന മാ​ലി​ന്യ​മാ​യി കാ​ണാം. അ​ല്ലെ​ങ്കി​ൽ ജീ​വി​ത​ത്തെ​ക്കു​റി​ച്ചു പു​തി​യ പാ​ഠ​ങ്ങ​ൾ പ​ഠി​പ്പി​ക്കു​ന്ന അ​റി​വാ​ക്കി മാ​റ്റാം. ഇ​തി​ലൂ​ടെ പു​തി​യൊ​രു വി​ക​സ​ന പ​രി​പ്രേ​ക്ഷ്യ​വും വ്യ​ത്യ​സ്ത​മാ​യ ജീ​വി​ത​വീ​ക്ഷ​ണ​വും നേ​ടാം.

കോ​വി​ഡ് കാ​ല​മ​ട​ക്കം അ​ഞ്ചു വ​ർ​ഷം ഞ​ങ്ങ​ൾ ജീ​വി​ച്ചി​രു​ന്ന​ത് ഡ​ൽ​ഹി​യി​ലാ​യി​രു​ന്നു. പു​റം​ലോ​ക​വു​മാ​യി ഒ​രു ബ​ന്ധ​വു​മി​ല്ലാ​തെ ക​ഴി​ഞ്ഞ ആ ​ര​ണ്ടു വ​ർ​ഷ​വും ഞ​ങ്ങ​ളു​ടെ വീ​ട്ടി​ൽ സ്ഥി​ര​മാ​യി വ​ന്നി​രു​ന്ന​ത് പ​ത്തു വ​യ​സ്സു​ള്ള ഒ​രു പെ​ൺ​കു​ട്ടി മാ​ത്ര​മാ​ണ്. ഞ​ങ്ങ​ൾ താ​മ​സി​ക്കു​ന്ന ഹൗ​സി​ങ് കോം​പ്ല​ക്സി​ൽ​നി​ന്നും വേ​സ്റ്റ് ശേ​ഖ​രി​ക്കാ​ൻ വ​രു​ന്ന​താ​ണ് ഈ ​പെ​ൺ​കു​ട്ടി. പാ​യ​ൽ എ​ന്നാ​ണ് അ​വ​ളു​ടെ പേ​ര്. പാ​യ​ൽ എ​ന്നാ​ൽ ചി​ല​ങ്ക എ​ന്നാ​ണ​ർ​ഥം. ഹ​രി​യാ​ന​യി​ലെ ഒ​രു ഗ്രാ​മ​ത്തി​ൽ​നി​ന്ന് വ​ന്നു ഡ​ൽ​ഹി​യി​ൽ താ​മ​സി​ക്കു​ക​യാ​ണ് ഈ ​കു​ടും​ബം. അ​വ​ളു​ടെ അ​ച്ഛ​നാ​ണ് വേ​സ്റ്റ് സം​ഭ​ര​ണ​ത്തി​ന്റെ ചു​മ​ത​ല. അ​യാ​ളെ ഞ​ങ്ങ​ൾ ഒ​രി​ക്ക​ലും ക​ണ്ടി​ട്ടി​ല്ല. ഇ​ട​ക്ക് അ​വ​ൾ​ക്കൊ​പ്പം അ​വ​ളു​ടെ അ​മ്മാ​യി വ​രും. ചി​ല​പ്പോ​ൾ മു​ത്ത​ശ്ശി​യും. മു​ത്ത​ശ്ശി​യെ ക​ണ്ടാ​ൽ നൂ​റു വ​യ​സ്സെ​ങ്കി​ലും പ്രാ​യം തോ​ന്നും. ത​ല മു​ട്ടി​ൽ തൊ​ടും​വി​ധം കൂ​നി​യാ​ണ് അ​വ​ർ ന​ട​ക്കു​ന്ന​ത്. ജൈ​വ​വും അ​ജൈ​വ​വു​മാ​യ എ​ല്ലാ മാ​ലി​ന്യ​വും ഒ​രു പ്ലാ​സ്റ്റി​ക് കൂ​ട​യി​ൽ പൊ​തി​ഞ്ഞാ​ണ് ഇ​വി​ടെ​യു​ള്ള കു​ടും​ബ​ങ്ങ​ൾ ഇ​വ​ർ​ക്ക് ന​ൽ​കു​ന്ന​ത്. ഏ​തെ​ങ്കി​ലും ഒ​രു​ദി​വ​സം ഇ​വ​ർ വേ​സ്റ്റ് ശേ​ഖ​രി​ക്കാ​ൻ വ​രാ​തി​രു​ന്നാ​ൽ ഹൗ​സി​ങ് കോം​പ്ല​ക്സ് പ്ര​ക്ഷു​ബ്ധ​മാ​കും. ത​ങ്ങ​ൾ സൃ​ഷ്ടി​ച്ച ഈ ​വേ​സ്റ്റ് എ​ന്തു​ചെ​യ്യ​ണം എ​ന്ന് ഇ​വി​ടെ ജീ​വി​ക്കു​ന്ന​വ​ർ​ക്ക് ഒ​രു ധാ​ര​ണ​യു​മി​ല്ല. ഇ​ങ്ങ​നെ ശേ​ഖ​രി​ക്കു​ന്ന മാ​ലി​ന്യം കു​ന്നു​കൂ​ടി ഡ​ൽ​ഹി​യു​ടെ ന​ഗ​രാ​തി​ർ​ത്തി​യി​ൽ വ​ലി​യൊ​രു മാ​ലി​ന്യ​മ​ല രൂ​പം​കൊ​ണ്ടി​ട്ടു​ണ്ട്.

കൊ​റോ​ണ​ക്കാ​ല​ത്ത് പ്ര​ശ​സ്ത​മാ​യി മാ​റി​യ ഒ​രു പ്ര​സം​ഗ​മു​ണ്ട്. ബ്രി​ട്ടീ​ഷ് ലേ​ബ​ർ പാ​ർ​ട്ടി നേ​താ​വ് ജെ​റ​മി കോ​ർ​ബി​ന്റെ പ്ര​സം​ഗം. അ​തി​ൽ അ​ദ്ദേ​ഹം ചോ​ദി​ക്കു​ന്നു. ഈ ​കൊ​റോ​ണ​ക്കാ​ലം നി​ങ്ങ​ളെ എ​ന്ത് പ​ഠി​പ്പി​ച്ചു? നി​ങ്ങ​ളു​ടെ ജീ​വി​ത​ത്തി​ൽ ആ​ർ​ക്കാ​ണ് ഏ​റെ പ്രാ​ധാ​ന്യം? നി​ങ്ങ​ളു​ടെ ച​വ​റു പെ​റു​ക്കാ​ൻ വ​രു​ന്ന തൊ​ഴി​ലാ​ളി​യോ അ​തോ ഹെ​ഡ്‌​ജ്‌ ഫ​ണ്ട് മാ​നേ​ജ​ർ ആ​യ കോ​ടീ​ശ്വ​ര​നോ? അ​ക്കാ​ല​ത്താ​ണ് മാ​ലി​ന്യ​ങ്ങ​ൾ ഉ​റ​വി​ട​ത്തി​ൽ​ത​ന്നെ വേ​ർ​തി​രി​ക്കു​ക​യും ജൈ​വ​മാ​ലി​ന്യം ക​മ്പോ​സ്റ്റാ​ക്കി മാ​റ്റു​ക​യും ചെ​യ്യു​ന്ന ആ​ല​പ്പു​ഴ പ​രീ​ക്ഷ​ണ​ത്തെ​ക്കു​റി​ച്ചു ഞ​ങ്ങ​ൾ കേ​ൾ​ക്കു​ന്ന​ത്. മാ​ലി​ന്യം ഉ​റ​വി​ട​ത്തി​ൽ വേ​ർ​തി​രി​ക്കു​ന്ന​തോ​ടെ അ​ത് ശേ​ഖ​രി​ക്കാ​ൻ വ​രു​ന്ന തൊ​ഴി​ലാ​ളി​യു​ടെ ജീ​വി​ത​ത്തി​ൽ ചെ​റി​യ ഒ​രു മാ​റ്റം വ​രും. അ​ഴു​കി​യ​തും ദു​ർ​ഗ​ന്ധം വ​മി​ക്കു​ന്ന​തു​മാ​യ മാ​ലി​ന്യം അ​വ​ർ​ക്ക് പേ​റേ​ണ്ടി വ​രി​ല്ല. ഇ​താ​ണ​ല്ലോ ശ​രി​യാ​യ മാ​ർ​ഗം എ​ന്നൊ​രു തോ​ന്ന​ൽ അ​ന്നു​ത​ന്നെ ഞ​ങ്ങ​ൾ​ക്കു​ണ്ടാ​യി. എ​ന്നാ​ൽ, കേ​ര​ള​ത്തി​ൽ ആ​ല​പ്പു​ഴ​യി​ലും തി​രു​വ​ന​ന്ത​പു​ര​ത്തും ന​ട​ന്ന ആ ​പ​രീ​ക്ഷ​ണം കേ​ര​ളം മു​ഴു​വ​ൻ വ്യാ​പി​ക്കും എ​ന്ന് ക​രു​തി​യി​രു​ന്നെ​ങ്കി​ലും അ​തു​ണ്ടാ​യി​ല്ല. പു​തി​യൊ​രു സ​മീ​പ​നം സൃ​ഷ്ടി​ക്കാ​നു​ള്ള അ​വ​സ​രം ന​മ്മ​ൾ ന​ഷ്ട​മാ​ക്കു​ക​യാ​യി​രു​ന്നു.

 ആലപ്പുഴ

ബ്ര​ഹ്മ​പു​രം ക​ത്തി​പ്പി​ടി​ച്ച​തോ​ടെ കേ​ര​ള​ത്തി​ൽ മാ​ലി​ന്യ നി​ർ​മാ​ർ​ജ​നം വീ​ണ്ടും പ്ര​ധാ​ന ച​ർ​ച്ച​യാ​യി മാ​റി. അ​ന്യോ​ന്യം കു​റ്റ​പ്പെ​ടു​ത്തു​ന്ന വാ​ക്ക്പോ​രു​ക​ൾ അ​ന്ത​രീ​ക്ഷം കൂ​ടു​ത​ൽ മ​ലീ​മ​സ​മാ​ക്കി. മാ​ലി​ന്യ​നി​ർ​മാ​ർ​ജ​ന രം​ഗ​ത്ത് ഒ​രു അ​ടി​യ​ന്ത​ര​മാ​യ ആ​ക്ഷ​ൻ പ്ലാ​ൻ ഉ​ണ്ടാ​ക​ണം എ​ന്ന് പൊ​തു​വെ ആ​വ​ശ്യ​മു​യ​ർ​ന്നു. കേ​ര​ള​ത്തി​ലെ മാ​ലി​ന്യ​നി​ർ​മാ​ർ​ജ​ന രം​ഗ​ത്തെ​ക്കു​റി​ച്ച് സ​മൂ​ഹ​മാ​ധ്യ​മ​ങ്ങ​ളി​ൽ വ​ലി​യ വാ​ദ​പ്ര​തി​വാ​ദ​മു​ണ്ടാ​യി. എ​ന്താ​ണ് ചെ​യ്യേ​ണ്ട​ത് എ​ന്ന​തി​നെ​പ്പ​റ്റി ഒ​രു സ​മ​വാ​യം ഉ​ണ്ടാ​ക്കു​ക എ​ളു​പ്പ​മാ​യി​രു​ന്നി​ല്ല. ഇ​തി​ന​ർ​ഥം ഈ ​രം​ഗ​ത്ത് ഇ​തേ​വ​രെ ഒ​ന്നും ന​ട​ന്നി​രു​ന്നി​ല്ല എ​ന്ന​ല്ല. ക​ഴി​ഞ്ഞ കു​റെ വ​ർ​ഷ​മാ​യി ഇ​തേ പ്ര​ശ്ന​ങ്ങ​ൾ പ​രി​ഹ​രി​ക്കു​ന്ന​തി​നു​ള്ള സ​ജീ​വ​മാ​യ ശ്ര​മം ന​ട​ക്കു​ന്നു​ണ്ടാ​യി​രു​ന്നു.

ഇ​തി​ൽ തു​ട​ക്ക​ത്തി​ൽ​ത​ന്നെ അ​നു​ഭ​വ​പ്പെ​ട്ട ഒ​രു പ്ര​ശ്നം മാ​ലി​ന്യ​ത്തോ​ടു​ള്ള സ​മീ​പ​നമാ​യി​രു​ന്നു. മാ​ലി​ന്യ നി​ർ​മാ​ർ​ജ​നം ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ പ്ര​ധാ​ന ക​ട​മ​ക​ളി​ൽ ഒ​ന്നാ​യി അം​ഗീ​ക​രി​ക്ക​പ്പെ​ട്ടി​രു​ന്നു. എ​ന്നാ​ൽ, അ​തി​ന​ർ​ഥം വ്യ​ക്തി​ക​ൾ​ക്ക് ഇ​തി​ൽ ഒ​രു പ​ങ്കു​മി​ല്ല എ​ന്ന​ല്ല. എ​ന്നാ​ൽ വ്യ​ക്തി​ക​ൾ​ക്ക് തു​ല്യ പ്രാ​ധാ​ന്യ​മു​ള്ള വി​കേ​ന്ദ്രീ​കൃ​ത സ​മീ​പ​നം വ​ന്ന​പ്പോ​ൾ ഇ​തെ​ല്ലാം ത​ദ്ദേ​ശ സ്ഥാ​പ​ന​ങ്ങ​ളു​ടെ മാ​ത്രം ചു​മ​ത​ല​യാ​ണ് എ​ന്ന് വാ​ദി​ക്കാ​നും ആ​ളു​ണ്ടാ​യി.

എ​ന്താ​യാ​ലും തു​ട​ക്ക​ത്തി​ൽ കേ​ന്ദ്രീ​കൃ​ത​മാ​യ പ​രി​ഹാ​ര​ങ്ങ​ളാ​ണ് നി​ർ​ദേ​ശി​ക്ക​പ്പെ​ട്ട​ത്. അ​ങ്ങ​നെ കേ​ര​ള​ത്തി​ന്റെ വി​വി​ധ ഭാ​ഗ​ങ്ങ​ളി​ൽ തി​രു​വ​ന​ന്ത​പു​ര​ത്തെ വി​ള​പ്പി​ൽശാ​ല​യി​ലും എ​റ​ണാ​കു​ള​ത്തെ ബ്ര​ഹ്മ​പു​ര​ത്തും ആ​ല​പ്പു​ഴ​യി​ലെ സ​ർ​വോ​ദ​യ​പു​ര​ത്തു​മെ​ല്ലാം കേ​ന്ദ്രീ​കൃ​ത സം​വി​ധാ​ന​ങ്ങ​ളു​ണ്ടാ​യി. ഇ​വി​ടെ​യൊ​ക്കെ പി​ൽ​ക്കാ​ല​ത്ത് മാ​ലി​ന്യ​ത്തി​ൽ​നി​ന്ന് ഊ​ർ​ജ​മു​ണ്ടാ​ക്കു​ന്ന വ​ലി​യ സം​വി​ധാ​ന​ങ്ങ​ൾ ഉ​ണ്ടാ​വും എ​ന്ന പ്ര​തീ​ക്ഷ​യു​മു​ണ്ടാ​യി. എ​ന്നാ​ൽ, വ​ലി​യ താ​മ​സ​മി​ല്ലാ​തെ വി​ള​പ്പി​ൽ​ശാ​ല​യി​ലും സ​ർ​വോ​ദ​യ​പു​ര​ത്തും വ​ലി​യ ജ​ന​കീ​യ പ്ര​ക്ഷോ​ഭ​ങ്ങ​ളു​ണ്ടാ​യി. ന​ഗ​ര​മാ​ലി​ന്യ​ങ്ങ​ൾ ഇ​വി​ടെ നി​ക്ഷേ​പി​ക്കാ​ൻ പാ​ടി​ല്ല എ​ന്ന ആ​വ​ശ്യ​വു​മാ​യി നാ​ട്ടു​കാ​ർ മാ​ലി​ന്യം കൊ​ണ്ടു​വ​രു​ന്ന വാ​ഹ​ന​ങ്ങ​ൾ ത​ട​ഞ്ഞു. ന​ഗ​ര​ങ്ങ​ൾ വീ​ണ്ടും മാ​ലി​ന്യ കൂ​മ്പാ​ര​മാ​യി മാ​റി. മാ​ലി​ന്യ നി​ർ​മാ​ർ​ജ​ന രം​ഗ​ത്ത് ലോ​ക​മെ​മ്പാ​ടും ഉ​ള്ള ഒ​രു മ​നോ​ഭാ​വ​മാ​ണ് Not in My Backyard NIMBY എ​ന്ന​ത്. ന​ഗ​ര​ങ്ങ​ളു​ടെ മാ​ലി​ന്യ​ങ്ങ​ൾ ത​ള്ളാ​നു​ള്ള കു​പ്പ​ത്തൊ​ട്ടി​യ​ല്ല എ​ന്റെ വീ​ട്ടു​മു​റ്റം എ​ന്നൊ​രാ​ൾ പ​റ​ഞ്ഞാ​ൽ അ​തി​ൽ ഒ​രു തെ​റ്റും പ​റ​യാ​നി​ല്ല.

പു​തി​യൊ​രു സാ​ങ്കേ​തി​ക വി​ദ്യ​യാ​യി അ​വ​ത​രി​പ്പി​ക്ക​പ്പെ​ട്ട ‘വേ​സ്റ്റ് ടു ​എ​ന​ർ​ജി’ സം​രം​ഭ​ങ്ങ​ളും ഇ​തേ​വ​രെ കേ​ര​ള​ത്തി​ൽ വി​ജ​യ​ക​ര​മാ​യി യാ​ഥാ​ർ​ഥ്യ​മാ​യി​ട്ടി​ല്ല. കൂ​ടു​ത​ൽ മാ​ലി​ന്യ​മു​ണ്ടെ​ങ്കി​ൽമാ​ത്രം വി​ജ​യി​ക്കാ​ൻ ക​ഴി​യു​ന്ന സം​രം​ഭം എ​ന്ന​നി​ല​ക്ക് മാ​ലി​ന്യ​ത്തി​ന്റെ അ​ള​വ് കു​റ​ക്കു​ക എ​ന്ന അ​ടി​സ്ഥാ​ന ആ​ശ​യ​ത്തി​ന് വി​പ​രീ​ത​മാ​ണ് ഈ ​മാ​ർ​ഗമെ​ന്ന് പ​ല​രും ചൂ​ണ്ടി​ക്കാ​ട്ടു​ക​യും ചെ​യ്തു. കേ​ര​ള​ത്തി​ലെ ജ​ലാം​ശം കൂ​ടു​ത​ൽ ക​ല​ർ​ന്ന മാ​ലി​ന്യ​ത്തി​ൽനി​ന്ന് ലാ​ഭ​ക​ര​മാ​യി ഊ​ർ​ജം ഉ​ണ്ടാ​ക്കാ​ൻ ക​ഴി​യി​ല്ല എ​ന്ന് ഈ ​രം​ഗ​ത്ത് ഏ​റെ​ക്കാ​ല​മാ​യി പ്ര​വ​ർ​ത്തി​ക്കു​ന്ന കെ.​എ​ൻ. ഷി​ബു​വി​നെ​പ്പോ​ലു​ള്ള വി​ദ​ഗ്ധ​ർ ചൂ​ണ്ടി​ക്കാ​ട്ടു​ക​യും ചെ​യ്തു.

അ​ങ്ങ​നെ കേ​ന്ദ്രീ​കൃ​ത സം​വി​ധാ​ന​ങ്ങ​ൾ മു​ന്നോ​ട്ടുപോ​കാ​ത്ത സ​മ​യ​ത്താ​ണ് ആ​ല​പ്പു​ഴ ന​ഗ​രം അ​ന്ന് ധ​ന​മ​ന്ത്രി ആ​യി​രു​ന്ന ഡോ. ​തോ​മ​സ് ഐ​സ​ക്കി​ന്റെ നേ​തൃ​ത്വ​ത്തി​ൽ ‘നി​ർ​മ​ല ന​ഗ​രം നി​ർ​മ​ല ഭ​വ​നം’ എ​ന്നൊ​രു പ​രി​പാ​ടി​ക്ക് നേ​തൃ​ത്വം ന​ൽ​കി​യ​ത്. അ​തേ​വ​രെ നി​ല​നി​ന്നി​രു​ന്ന കേ​ന്ദ്രീ​കൃ​ത മാ​ലി​ന്യ നി​ർ​മാ​ർ​ജ​ന​ത്തി​ന് പ​ക​രം വി​കേ​ന്ദ്രീ​കൃ​ത സം​വി​ധാ​ന​ങ്ങ​ൾ​ക്ക് മു​ൻ‌​തൂ​ക്കം ന​ൽ​കു​ന്ന ഒ​രു രീ​തി​യാ​ണ് ഇ​വി​ടെ പ്ര​യോ​ഗി​ക്കാ​ൻ ശ്ര​മി​ച്ച​ത്.​ ഇ​തേ പ​രീ​ക്ഷ​ണം പി​ന്നീ​ട് തി​രു​വ​ന​ന്ത​പു​രം ന​ഗ​ര​ത്തി​ൽ വി.​കെ. പ്ര​ശാ​ന്ത് മേ​യ​ർ ആ​യി​രി​ക്കു​മ്പോ​ഴും ആ​രം​ഭി​ച്ചു. ഇ​പ്പോ​ൾ ന​മ്മു​ടെ മു​ന്നി​ൽ ഈ ​ര​ണ്ടു പ​രീ​ക്ഷ​ണ​ങ്ങ​ളു​ണ്ട്. ഇ​വ​യു​ടെ സാ​ധ്യ​ത​ക​ളും പ​രി​മി​തി​ക​ളും ന​മു​ക്ക് ഇ​വി​ടെ​നി​ന്ന് പ​ഠി​ച്ചെ​ടു​ക്കാം. ഇ​തേ​ക്കു​റി​ച്ച് തോ​മ​സ് ഐ​സ​ക്കും എം. ​ഗോ​പ​കു​മാ​റും എ​ഴു​തി​യ ‘മാ​റു​ന്ന മ​ന​സ്സു​ക​ൾ മാ​ലി​ന്യ​മ​ക​ലു​ന്ന തെ​രു​വു​ക​ൾ’ എ​ന്ന പു​സ്ത​കം ഈ ​രം​ഗ​ത്തെ വി​ശ​ദ​മാ​യി വി​ശ​ക​ല​നം​ചെ​യ്യു​ന്ന​താ​ണ്.

തോ​മ​സ് ഐ​സ​ക്

എ​ന്നാ​ൽ, വി​കേ​ന്ദ്രീ​കൃ​തം, കേ​ന്ദ്രീ​കൃ​തം എ​ന്നീ ദ്വ​ന്ദ്വ​ങ്ങ​ളി​ൽ മാ​ത്ര​മാ​യി മാ​ലി​ന്യ നി​ർ​മാ​ർ​ജ​ന​ത്തെ കാ​ണു​ന്ന​ത് ശ​രി​യ​ല്ല. വി​കേ​ന്ദ്രീ​കൃ​തം എ​ന്ന​ത് ഒ​രു ബ​ദ​ൽ വി​ക​സ​ന ആ​ശ​യ​മാ​യി ക​രു​താം. എ​ന്താ​ണ് ഈ ​ആ​ശ​യ​ത്തി​ന്റെ കാ​ത​ൽ?

വി​കേ​ന്ദ്രീ​കൃ​തം എ​ന്നുപ​റ​ഞ്ഞാ​ൽ എ​ല്ലാ മാ​ലി​ന്യ​വും ഉ​റ​വി​ട​ത്തി​ൽ​ത​ന്നെ സം​സ്ക​രി​ക്കാം എ​ന്ന​ല്ല അ​ർ​ഥം. വി​കേ​ന്ദ്രീ​ക​ര​ണ​ത്തെ​ക്കു​റി​ച്ചു​ള്ള ച​ർ​ച്ച​ക​ളി​ൽ എ​ന്നെ ഏ​റ്റ​വും ആ​ക​ർ​ഷി​ക്കു​ന്ന​ത് Principle of Subsidiarity എ​ന്ന ആ​ശ​യ​മാ​ണ്. അ​താ​യ​ത് ഒ​രു ത​ല​ത്തി​ൽ ചെ​യ്യാ​വു​ന്ന​ത് മു​ഴു​വ​നും അ​വി​ടെ ചെ​യ്യു​ക, വ്യ​ക്തി​ക്ക് ചെ​യ്യാ​വു​ന്ന​ത് വ്യ​ക്തി , കു​ടും​ബ​ത്തി​ൽ ചെ​യ്യാ​വു​ന്ന​ത് അ​വി​ടെ, തു​ട​ർ​ന്ന് വാ​ർ​ഡി​ലും പ​ഞ്ചാ​യ​ത്തി​ലും ​േബ്ലാ​ക്കി​ലും ജി​ല്ല​യി​ലും ചെ​യ്യു​ന്ന​ത് അ​വി​ടെത​ന്നെ. അ​ത് ക​ഴി​ഞ്ഞു​ള്ള​ത് മാ​ത്രം സം​സ്ഥാ​ന ത​ല​ത്തി​ൽ. ഉ​റ​വി​ട​ത്തി​ൽ​ത​ന്നെ ത​രം​തി​രി​ക്കു​ക​യും ക​ഴി​യു​ന്ന​ത്ര അ​വി​ടെ ത​ന്നെ സം​സ്ക​രി​ക്കു​ക​യും ചെ​യ്താ​ൽ കേ​ന്ദ്രീ​കൃ​ത​മാ​യി സം​സ്ക​രി​ക്കേ​ണ്ട മാ​ലി​ന്യ​ത്തി​ന്റെ അ​ള​വ് ന​ന്നാ​യി കു​റ​യു​ന്നു, ഓ​രോ ത​ല​ത്തി​ലും കൃ​ത്യ​മാ​യ ശ്ര​ദ്ധ​യും പ്ര​വ​ർ​ത്ത​ന​വും വേ​ണ്ടി​വ​രും എ​ന്നു​മാ​ത്രം.

ഏ​ത് ത​ല​ത്തി​ൽ എ​ന്തൊ​ക്കെ ചെ​യ്യ​ണം എ​ന്ന് തീ​രു​മാ​നി​ക്കു​ന്ന​താ​ണ് വി​കേ​ന്ദ്രീ​ക​ര​ണ​ത്തി​ന്റെ അ​ടി​സ്ഥാ​ന ഫി​ലോ​സ​ഫി.​ ഇ​വി​ടെ ഒ​രു ത​ല​ത്തെ​യും നി​രാ​ക​രി​ക്കു​ന്നി​ല്ല. ഇ​ത് എ​ങ്ങ​നെ​യാ​ണ് പ്രാ​വ​ർ​ത്തി​ക​മാ​ക്കു​ന്ന​ത്?

വീ​ട്ടി​ലും സ്ഥാ​പ​ന​ങ്ങ​ളി​ലും ഉ​ണ്ടാ​വു​ന്ന മാ​ലി​ന്യ​ത്തെ ജൈ​വം-​അ​ജൈ​വം എ​ന്ന് ത​രം​തി​രി​ക്കു​ന്നു. വീ​ടു​ക​ളി​ൽ സ്ഥ​ല​മി​ല്ലാ​ത്ത​വ​ർ​ക്ക് പൊ​തു​സ്ഥ​ല​ങ്ങ​ളി​ൽ തു​മ്പൂ​ർ​മു​ഴി മാ​തൃ​ക​യി​ലു​ള്ള ജൈ​വ സം​സ്ക​ര​ണ സം​വി​ധാ​ന​ങ്ങ​ൾ ഉ​ണ്ടാ​ക്ക​ണം. അ​ങ്ങ​നെ ത​രം​തി​രി​ച്ച ജൈ​വ​മാ​ലി​ന്യ​ത്തെ ക​ഴി​യു​ന്ന​ത്ര സ്ഥ​ല​ങ്ങ​ളി​ൽ ക​മ്പോ​സ്റ്റാ​ക്കി മാ​റ്റു​ന്നു. ഇ​തി​ന് സ​ഹാ​യ​ക​ര​മാ​യ സാ​ങ്കേ​തി​കവി​ദ്യ​ക​ൾ ഇ​പ്പോ​ൾ ല​ഭ്യ​മാ​ണ്. ഇ​പ്പോ​ൾ വി​ക​സി​പ്പി​ച്ചെ​ടു​ത്തി​രി​ക്കു​ന്ന കി​ച്ച​ൻ ബി​ൻ വ​ള​രെ കു​റ​ച്ചു സ്ഥ​ലം മാ​ത്രം ആ​വ​ശ്യ​മു​ള്ള ല​ളി​ത​മാ​യ ഒ​രു സാ​ങ്കേ​തി​കവി​ദ്യ​യാ​ണ്. ഇ​തി​ൽ ഉ​പ​യോ​ഗി​ക്കാ​വു​ന്ന ഇ​നോ​കു​ലം ഇ​പ്പോ​ൾ ല​ഭ്യ​മാ​ണ്. ഈ ​രീ​തി​യി​ൽ ല​ഭി​ക്കു​ന്ന ക​മ്പോ​സ്റ്റ് കി​ച്ച​ൻ ഗാ​ർ​ഡ​നി​ൽ ഉ​പ​യോ​ഗി​ക്കു​ന്നു, ഇ​ങ്ങ​നെ കി​ട്ടു​ന്ന ക​മ്പോ​സ്റ്റ് മ​ണ്ണി​ന്റെ പോ​ഷ​ണം സം​ര​ക്ഷി​ക്കു​ന്ന​തി​ന് വ​ലി​യ സ​ഹാ​യ​മാ​കും. അ​ജൈ​വ മാ​ലി​ന്യ​ങ്ങ​ൾ ത​രം​തി​രി​ച്ചു ക​ഴി​ഞ്ഞാ​ൽ വി​വി​ധ ത​ല​ങ്ങ​ളി​ൽ വി​വി​ധ രീ​തി​ക​ളി​ൽ സം​സ്ക​രി​ക്കു​ന്നു.

വി​കേ​ന്ദ്രീ​കൃ​തം എ​ന്ന​ത് ഒ​രു തു​ട​ക്കം മാ​ത്ര​മാ​ണ്

മൊ​ത്തം ച​വ​റി​ന്റെ അ​ള​വു​കു​റ​ഞ്ഞാ​ൽ ബാ​ക്കി​വ​രു​ന്ന ച​വ​റു​ക​ൾ സം​സ്ക​രി​ക്കാ​ൻ എ​ളു​പ്പ​മാ​വും എ​ന്ന​താ​ണ് ഇ​തി​ൽ​നി​ന്ന് ല​ഭി​ക്കു​ന്ന ഏ​റ്റ​വും പ്ര​ധാ​ന നേ​ട്ടം. ഇ​വി​ടെ​യാ​ണ് പ​ല​ത​ല​ങ്ങ​ളി​ൽ പ​ല​ത​രം മാ​ലി​ന്യ​ങ്ങ​ൾ സം​സ്ക​രി​ക്കാ​നു​ള്ള സ​ജ്ജീ​ക​ര​ണ​ങ്ങ​ൾ ഉ​ണ്ടാ​ക്കാ​നു​ള്ള ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ ഉ​ത്ത​ര​വാ​ദി​ത്തം വ​രു​ന്ന​ത്. ഇ​പ്പോ​ൾ​ത​ന്നെ മെ​ഡി​ക്ക​ൽ വേ​സ്റ്റ് മാ​നേ​ജ് ചെ​യ്യാ​ൻ IMAGE എ​ന്ന കേ​ന്ദ്രീ​കൃ​ത സം​വി​ധാ​ന​മു​ണ്ട്. ഇ​ല​ക്ട്രോ​ണി​ക് hazardous വേ​സ്റ്റ് പ്ര​ത്യേ​കം സം​ഭ​രി​ക്കാ​നു​ള്ള സം​വി​ധാ​നം തി​രു​വ​ന​ന്ത​പു​ര​ത്തു ചി​ല പ്ര​ത്യേ​ക ദി​വ​സ​ങ്ങ​ളി​ൽ ല​ഭ്യ​മാ​ണ്.

മാ​ലി​ന്യ​ം ഇ​രു​പ​ത്തി​യ​ഞ്ചോ​ളം തരത്തിലണ്ട് എ​ന്നാണ് ക​ണ​ക്ക്. ഇ​തി​നൊ​ക്കെ പ്ര​ത്യേ​ക​ത​രം സ​ജ്ജീ​ക​ര​ണ​ങ്ങ​ൾ ഉ​ണ്ടാ​വ​ണം. ഇ​തൊ​ക്കെ എ​പ്പോ​ൾ ന​ട​ക്കുമെ​ന്ന് ചോ​ദി​ക്കു​ന്ന​വ​രു​ണ്ട്. സീ​റോ വേ​സ്റ്റ് എ​ന്ന ആ​ശ​യം ഏ​റെ​ക്കാ​ല​മാ​യി ന​ട​പ്പാ​ക്കാ​ൻ ശ്ര​മി​ക്കു​ന്ന ധാ​രാ​ളം ത​ദ്ദേ​ശ സ്ഥാ​പ​ന​ങ്ങ​ൾ കേ​ര​ള​ത്തി​ലു​ണ്ട്. കേ​ര​ള​ത്തി​ൽ 60 ല​ക്ഷ​ത്തോ​ളം വീ​ടു​ക​ളും അ​ഞ്ചു ല​ക്ഷ​ത്തോ​ളം ക​ട​ക​ളും ഉ​ണ്ട് എ​ന്നി​രി​ക്ക​ട്ടെ. കേ​ര​ള​ത്തി​ലു​ണ്ടാ​വു​ന്ന മാ​ലി​ന്യ​ത്തി​ന്റെ 70 ശ​ത​മാ​ന​ത്തോ​ളം ജൈ​വ​മാ​ലി​ന്യ​മാ​ണ്. ഒ​രു പ​രി​ധി​വ​രെ ഇ​തി​നെ മാ​നേ​ജ് ചെ​യ്യാ​ൻ ക​ഴി​ഞ്ഞാ​ൽ പി​ന്നീ​ടു​ള്ള അ​ജൈ​വ മാ​ലി​ന്യ​ങ്ങ​ളു​ടെ സം​സ്ക​ര​ണം കൂ​ടു​ത​ൽ എ​ളു​പ്പ​വും പ്രാ​യോ​ഗി​ക​വു​മാ​കും. ഒ​രു മാ​സം ഏ​ക​ദേ​ശം 600 ട​ൺ പ്ലാ​സ്റ്റി​ക് മാ​ലി​ന്യ​മു​ണ്ടാ​വു​ന്നു എ​ന്നും ക​ണ​ക്കു​ണ്ട്.

ഇ​വ​യു​ടെ സം​സ്ക​ര​ണ​ത്തി​നാ​യി ഇ​പ്പോ​ൾ​ത​ന്നെ 173 Resource Recovery Facility, 1152 Material Conversion Facility (MCF), 7722 മി​നി MCF, 3810 ക​മ്യൂ​ണി​റ്റി ക​മ്പോ​സ്റ്റി​ങ് യൂ​നി​റ്റ് എ​ന്നി​വ സം​സ്ഥാ​ന​ത്തു​​െണ്ട​ന്ന് ഈ ​രം​ഗ​ത്ത് ഏ​റെ​ക്കാ​ല​മാ​യി പ്ര​വ​ർ​ത്തി​ക്കു​ന്ന എ​ൻ. ജ​ഗ​ജീ​വ​ൻ ചൂ​ണ്ടി​ക്കാ​ണി​ക്കു​ന്നു. 12 ല​ക്ഷം വീ​ടു​ക​ളി​ൽ ഗാ​ർ​ഹി​ക ക​മ്പോ​സ്റ്റി​ങ് സം​വി​ധാ​ന​മു​ണ്ട്. ചി​ക്ക​ൻ വേ​സ്റ്റ് സം​സ്ക​രി​ക്കാ​നു​ള്ള സം​വി​ധാ​ന​ങ്ങ​ളു​ണ്ട്. 1750 ബ​ദ​ൽ ഉ​ൽ​പ​ന്ന യൂ​നി​റ്റു​ക​ളു​ണ്ട്. 30,000 അം​ഗ​ങ്ങ​ളു​ള്ള ഹ​രി​ത ക​ർ​മ​സേ​ന​യും ഈ ​രം​ഗ​ത്തു​ണ്ട്. എ​ന്നാ​ൽ, ഇ​തൊ​ന്നും പോ​രാ. കൂ​ടു​ത​ൽ സം​വി​ധാ​ന​ങ്ങ​ൾ ഉ​ണ്ടാ​വ​ണം. സ​മൂ​ഹ​ത്തി​ന്റെ മ​നോ​ഭാ​വ​ത്തി​ൽ വ​ലി​യ മാ​റ്റ​മു​ണ്ടാ​ക​ണം. അ​തി​നു സ​ഹാ​യ​ക​ര​മാ​യ വി​ധ​ത്തി​ൽ വ​ലി​യ ജ​ന​കീ​യ മാ​ലി​ന്യ സാ​ക്ഷ​ര​താ യ​ജ്ഞം ഉ​ണ്ടാ​വ​ണം. ഒ​രു പ്ര​ധാ​ന​പ്പെ​ട്ട കാ​ര്യം ചൂ​ണ്ടി​ക്കാ​ട്ടാം. ഉ​റ​വി​ട​ത്തി​ൽ വേ​ർ​തി​രി​ക്കു​മ്പോ​ൾ അ​ത് ഹ​രി​ത ക​ർ​മ​സേ​ന​ക്ക് കൈ​മാ​റു​ന്ന​തി​ന് മു​മ്പ് പ്ലാ​സ്റ്റി​ക് ന​ന്നാ​യി ക​ഴു​കി ഉ​ണ​ക്കി മാ​ത്ര​മേ കൊ​ടു​ക്കാ​വൂ. ഇ​തി​ന് കു​റ​ച്ചു സ​മ​യം ഉ​പ​ഭോ​ക്താ​വ് ചി​ല​വി​ടേ​ണ്ടി വ​രും. താ​നു​ണ്ടാ​ക്കു​ന്ന മാ​ലി​ന്യം ത​ന്റെ കൂ​ടി ഉ​ത്ത​ര​വാ​ദി​ത്ത​മാ​ണ് എ​ന്ന തി​രി​ച്ച​റി​വി​ൽ​നി​ന്നേ ഈ ​മ​നോ​ഭാ​വം സൃ​ഷ്ടി​ക്ക​പ്പെ​ടൂ.

ഒ​രു​കാ​ല​ത്ത് ന​മ്മു​ടെ ക​ക്കൂ​സ് മാ​ലി​ന്യ​ങ്ങ​ൾ കോ​രി​ക്ക​ള​യു​ന്ന​ത് തോ​ട്ടി​ക​ൾ എ​ന്ന് വി​ശേ​ഷി​പ്പി​ക്ക​പ്പെ​ടു​ന്ന ചി​ല​രായി​രു​ന്നു. ഇ​വ​രു​ടെ ദാ​രു​ണ​മാ​യ അ​വ​സ്ഥ​യെ​ക്കു​റി​ച്ചാ​ണ് ത​ക​ഴി ‘തോ​ട്ടി​യു​ടെ മ​ക​ൻ’ എ​ന്ന നോ​വ​ൽ എ​ഴു​തി​യ​ത്. ഇ​പ്പോ​ൾ ക​ക്കൂ​സ് മാ​ലി​ന്യം ന​മ്മ​ൾ ഉ​റ​വി​ട​ത്തി​ൽ സം​സ്ക​രി​ക്കു​ക​യാ​ണ​ല്ലോ. അ​തേ​പോ​ലെ ത​ന്നെ ന​മ്മ​ൾ സൃ​ഷ്ടി​ക്കു​ന്ന ജൈ​വ​മാ​ലി​ന്യ​വും ക​ഴി​യു​ന്ന​ത്ര ഉ​റ​വി​ട​ത്തി​ൽ സം​സ്ക​രി​ക്കു​ന്ന​തി​നു​ള്ള സം​വി​ധാ​ന​വും സം​സ്കാ​ര​വും ന​മു​ക്ക് സൃ​ഷ്ടി​ക്കാ​വു​ന്ന​ത​ല്ലേ.

വി​വാ​ഹ​മ​ട​ക്ക​മു​ള്ള വ​ലി​യ ച​ട​ങ്ങു​ക​ൾ​ക്ക് ഗ്രീ​ൻ പ്രോ​ട്ടോ​കോ​ൾ നി​ർ​ബ​ന്ധ​മാ​ക്ക​ണം. ഉ​ത്സ​വ​ങ്ങ​ൾ​ക്കും വ​ലി​യ ആ​ൾ​ക്കൂ​ട്ട​മു​ണ്ടാ​വു​ന്ന ഏ​തു സം​രം​ഭ​ത്തി​നും ഗ്രീ​ൻ പ്രോ​ട്ടോ​കോ​ൾ കൊ​ണ്ടു​വ​ര​ണം. തി​രു​വ​ന​ന്ത​പു​രം പൊ​ങ്കാ​ല ഉ​ത്സ​വം ഇ​തി​നൊ​രു മാ​തൃ​ക എ​പ്പോ​ഴേ സൃ​ഷ്ടി​ച്ചു​ക​ഴി​ഞ്ഞു.

ഇ​തോ​ടൊ​പ്പം ന​ട​പ്പാ​ക്കേ​ണ്ട ചി​ല നി​യ​മ​ന​ട​പ​ടി​ക​ളു​മു​ണ്ട്. പ്ലാ​സ്റ്റി​ക് കു​പ്പി​ക​ളി​ലും മ​റ്റും വ​രു​ന്ന ഉ​ൽ​പ​ന്ന​ങ്ങ​ൾ ഉ​പ​യോ​ഗം ക​ഴി​ഞ്ഞാ​ൽ ഉ​ൽ​പാ​ദ​ക​ർത​ന്നെ തി​രി​ച്ചുവാ​ങ്ങു​ന്ന​തി​നു​ള്ള പ്രൊ​ഡ്യൂ​സ​ർ റെ​സ്പോ​ൺ​സി​ബി​ലി​റ്റി. ഒ​രു പ്ര​ത്യേ​ക ക​ന​ത്തി​ൽ കു​റ​വു​ള്ള പ്ലാ​സ്റ്റി​ക്കി​ന്റെ നി​രോ​ധ​നം. കേ​ര​ള​ത്തി​ന്റെ പ്ര​ത്യേ​ക സാ​ഹ​ച​ര്യ​ത്തി​ൽ ഈ ​പ്ര​ശ്ന​ത്തി​ന് ന​മ്മ​ൾ ന​മ്മു​ടേ​താ​യ ഉ​ത്ത​രം ക​ണ്ടെ​ത്തി​യേ പ​റ്റൂ. എ​ന്തൊ​ക്കെ​യാ​ണ് കേ​ര​ള​ത്തി​ന്റെ പ്ര​ത്യേ​ക സാ​ഹ​ച​ര്യ​ങ്ങ​ൾ? ഒ​ന്ന്, ന​മ്മു​ടെ ഉ​യ​ർ​ന്ന ജ​ന​സാ​ന്ദ്ര​ത​യാ​ണ്. പ​ശ്ചി​മ​ഘ​ട്ടം മാ​റ്റി​നി​ർ​ത്തി​യാ​ൽ ഒ​രു ച​തു​ര​ശ്ര കി​ലോ​മീ​റ്റ​റി​ൽ ആ​യി​ര​ത്തി​ലേ​റെ ജ​ന​ങ്ങ​ൾ തി​ങ്ങി​പ്പാ​ർ​ക്കു​ന്ന സ്ഥ​ലം. ര​ണ്ട്, ഇ​വി​ട​ത്തെ ഉ​യ​ർ​ന്ന മ​ഴ​യു​ടെ അ​ള​വാ​ണ്. മൂ​ന്നാ​മ​ത്, ഉ​യ​ർ​ന്ന ന​ഗ​ര​വ​ത്ക​ര​ണം. ഇ​പ്പോ​ൾ 60 ശ​ത​മാ​ന​ത്തി​ലേ​റെ ജ​ന​ങ്ങ​ൾ നാ​ഗ​രി​ക പ​ശ്ചാ​ത്ത​ല​ത്തി​ലാ​ണ് താ​മ​സി​ക്കു​ന്ന​ത്. ഇ​തോ​ടൊ​പ്പം​ത​ന്നെ ന​മ്മ​ൾ വ​ലി​യൊ​രു ഉ​പ​ഭോ​ക്തൃ സ​മൂ​ഹ​മാ​യി വ​ള​രു​ന്ന സാ​ഹ​ച​ര്യ​വും പ​രി​ഗ​ണി​ക്ക​ണം. ഇ​ത്ത​ര​ത്തി​ൽ വ​ലി​യ മ​ധ്യവ​ർ​ഗ സം​സ്കാ​ര​മു​ള്ള ഒ​രു സ​മൂ​ഹ​ത്തി​ൽ മാ​ലി​ന്യനി​ർ​മാ​ർ​ജ​ന​ത്തി​ന് ന​മ്മു​ടേ​താ​യ പ്ര​തി​വി​ധി ക​ണ്ടെ​ത്തി​യേ തീ​രൂ.

ഈ ​പ്ര​ശ്ന​ത്തി​ന്റെ രൂ​ക്ഷ​ത അ​റി​യു​ന്ന​വ​ർ എ​ല്ലാ​വ​രുംത​ന്നെ സ്വ​യം ചോ​ദി​ക്കേ​ണ്ട ഒ​രു ചോ​ദ്യ​മു​ണ്ട്. ഞാ​ൻ ഇ​ക്കാ​ര്യ​ത്തി​ൽ എ​ന്താ​ണ് ചെ​യ്യു​ന്ന​ത്. ഇ​തി​ന് എ​ന്റെ ഉ​ത്ത​രം​കൂ​ടി പ​റ​യാം.

തി​രു​വ​ന​ന്ത​പു​ര​ത്തു​ള്ള ഞ​ങ്ങ​ളു​ടെ വീ​ട്ടി​ൽ ഒ​രു കി​ച്ച​ൻ ബി​ൻ ഉ​ണ്ട്. തി​രു​വ​ന​ന്ത​പു​രം കോ​ർ​പ​റേ​ഷ​നി​ൽ​നി​ന്ന് ഞ​ങ്ങ​ൾ​ക്ക് കി​ട്ടി​യ​താ​ണി​ത്. വീ​ട്ടി​ൽ ഉ​ണ്ടാ​വു​ന്ന എ​ല്ലാ ജൈ​വ​മാ​ലി​ന്യ​വും ഞ​ങ്ങ​ൾ ഇ​തി​ലൂ​ടെ ക​മ്പോ​സ്റ്റ് ആ​ക്കി മാ​റ്റു​ന്നു. ബാ​ക്കി​വ​രു​ന്ന അ​ജൈ​വ മാ​ലി​ന്യ​ങ്ങ​ൾ ശേ​ഖ​രി​ക്കാ​ൻ മാ​സ​ത്തി​ൽ ര​ണ്ടു​ത​വ​ണ ഹ​രി​ത ക​ർ​മ​സേ​ന​യു​ടെ അം​ഗ​ങ്ങ​ൾ വ​രും. അ​വ​ർ​ക്ക് മാ​സം നൂ​റു രൂ​പ​യാ​ണ് കൊ​ടു​ക്കേ​ണ്ട​ത്. ഇ​ങ്ങ​നെ ഹ​രി​ത ക​ർ​മ​സേ​ന​ക്ക് ഫീ​സ് കൊ​ടു​ക്കു​ന്ന​തി​നെ​തി​രെ ചി​ല​യാ​ളു​ക​ൾ വ​ലി​യ എ​തി​ർ​പ്പു​യ​ർ​ത്തി​യ​താ​യി ക​ണ്ടി​ട്ടു​ണ്ട്. എ​ന്നാ​ൽ, ഇ​തൊ​രു പ്രാ​ഥ​മി​ക ക​ട​മ​യാ​ണ് എ​ന്ന കാ​ര്യം പ​ല​രും വി​സ്മ​രി​ക്കു​ക​യും ചെ​യ്യു​ന്നു.

ഇ​വ​ർ ഇ​ങ്ങ​നെ ക​ല​ക്ട് ചെ​യ്യു​ന്ന പ്ലാ​സ്റ്റി​ക് അ​ട​ക്ക​മു​ള്ള മാ​ലി​ന്യ​ത്തി​ന് എ​ന്ത് സം​ഭ​വി​ക്കു​ന്നു എ​ന്നൊ​രു ചോ​ദ്യം സ്വാ​ഭാ​വി​ക​മാ​യും ഉ​യ​രും. ഇ​ത് സം​ഭ​രി​ക്കാ​നാ​യാ​ണ് ക്ലീ​ൻ കേ​ര​ള ക​മ്പ​നി​ക്ക് രൂ​പംന​ൽ​കി​യി​രി​ക്കു​ന്ന​ത്. എ​ന്നാ​ൽ, കേ​ര​ള​ത്തി​ൽ ഉ​ണ്ടാ​വു​ന്ന എ​ല്ലാ പ്ലാ​സ്റ്റി​ക് വേ​സ്റ്റും സം​സ്ക​രി​ക്കാ​ൻ സാ​ധി​ക്കു​ന്ന ത​ര​ത്തി​ൽ സം​വി​ധാ​ന​ങ്ങ​ൾ വി​ക​സി​ച്ചി​ട്ടി​ല്ല. കേ​ര​ള​ത്തി​ൽ ഇ​തി​നു പ​റ്റി​യ ലാ​ൻ​ഡ്‌ ഫി​ല്ലു​ക​ൾ​ക്ക് ല​ഭ്യ​ത​യും കു​റ​വാ​ണ്. ഇ​തൊ​രു സാ​ങ്കേ​തി​ക വെ​ല്ലു​വി​ളി​യാ​യി തു​ട​രുമെ​ന്ന് തീ​ർ​ച്ച.

മാ​ലി​ന്യ​നി​ർ​മാ​ർ​ജ​നം വ​ലി​യൊ​രു രാ​ഷ്ട്രീ​യ വി​ദ്യാ​ഭ്യാ​സ സാ​ധ്യ​തകൂ​ടി​യാ​ണ്. നാം ​പെ​റു​ക്കി​യെ​ടു​ക്കു​ന്ന ഓ​രോ ച​വ​റി​ലും വ​ലി​യൊ​രു രാ​ഷ്ട്രീ​യ വി​ദ്യാ​ഭ്യാ​സ​ത്തി​ന്റെ സാ​ധ്യ​ത ഒ​ളി​ഞ്ഞു കി​ട​പ്പു​ണ്ട്. പൗ​ര​ൻ എ​ന്ന​നി​ല​ക്കും ഉ​പ​ഭോ​ക്താ​വ് എ​ന്ന​നി​ല​ക്കും വ്യ​ക്തി​യു​ടെ സ്ഥാ​നം അ​ട​യാ​ള​പ്പെ​ടു​ത്താ​ൻ നാം ​സൃ​ഷ്ടി​ക്കു​ന്ന ച​വ​റു​ക​ളെ​ക്കു​റി​ച്ചു​ള്ള അ​റി​വ് ന​മ്മെ സ​ഹാ​യി​ക്കും, പ്ര​കൃ​തി​യി​ൽ ച​വ​റു​ക​ൾ സൃ​ഷ്ടി​ക്കു​ന്ന ഏ​ക​ജീ​വി മ​നു​ഷ്യ​നാ​ണ് എ​ന്ന യാ​ഥാ​ർ​ഥ്യം ന​മ്മെ അ​മ്പ​ര​പ്പി​ക്കും. ന​മ്മു​ടെ ഉ​പ​ഭോ​ഗ​ത്തി​നാ​യി നാം ​ചെല​വ​ഴി​ക്കു​ന്ന അ​ഞ്ചു മി​നി​റ്റി​നാ​യി നാം ​സൃ​ഷ്ടി​ക്കു​ന്ന ച​വ​റു​ക​ൾ അ​ഞ്ഞൂ​റ് വ​ർ​ഷം ഈ ​പ്ര​കൃ​തി​യി​ൽ ഉ​ണ്ടാ​വും എ​ന്ന അ​റി​വ് ന​മ്മെ ഞെ​ട്ടി​ക്കും.

നാം ​ഭ​ക്ഷി​ക്കു​ന്ന ഓ​രോ വ​സ്തു​വും എ​ത്ര കലോറി മൈ​ൽ സൃ​ഷ്ടി​ക്കു​ന്നു എ​ന്ന് നോ​ക്കു​ന്ന​തു​പോ​ലെ നാ​മു​ണ്ടാ​ക്കു​ന്ന ഓ​രോ പാ​ഴ് വ​സ്തു​വും എ​ത്ര കാ​ർ​ബ​ൺ ഫു​ട്പ്രി​ന്റ് സൃ​ഷ്ടി​ക്കു​മെ​ന്ന ആ​ലോ​ച​ന കാ​ലാ​വ​സ്ഥാ മാ​റ്റ​ത്തി​ന്റെ ആ​ഗോ​ള രാ​ഷ്ട്രീ​യ​ത്തെ​ക്കു​റി​ച്ചു ചി​ന്തി​ക്കാ​ൻ ന​മ്മെ പ്രേ​രി​പ്പി​ക്കും. ഉ​റ​വി​ട​ത്തി​ൽ മാ​ലി​ന്യ​ത്തെ വേ​ർ​തി​രി​ക്ക​ണമെന്ന് പ​റ​യു​മ്പോ​ൾ ഉ​പ​ഭോ​ക്താ​വി​നും ഉ​ത്ത​ര​വാ​ദി​ത്ത​മു​ണ്ട് എ​ന്ന പാ​ഠം ന​മ്മ​ൾ പ​ഠി​ക്കും.​ അ​ല​ക്ഷ്യ​മാ​യി എ​റി​യു​ന്ന മാ​ലി​ന്യ​ങ്ങ​ളി​ൽ​നി​ന്നാ​ണ് ഡെ​ങ്കിയും ചി​കു​ൻ​ഗു​നി​യ​യും കോ​ള​റ​യു​മ​ട​ക്ക​മു​ള്ള രോ​ഗ​ങ്ങ​ൾ വ​രു​ന്ന​ത് എ​ന്ന​റി​യു​മ്പോ​ൾ നാം ​ആ​രോ​ഗ്യ​ത്തി​ന്റെ ബാ​ല​പാ​ഠ​ങ്ങ​ൾ മ​ന​സ്സി​ലാ​ക്കും.

ജൈ​വ​മാ​ലി​ന്യ​ത്തി​ൽ​നി​ന്ന് ബ​യോ​ഗ്യാ​സ് ഉ​ണ്ടാ​ക്കു​മ്പോ​ൾ ഊ​ർ​ജ ആ​സൂ​ത്ര​ണ​ത്തെ​ക്കു​റി​ച്ച് പ​ഠി​ക്കും. ക​മ്പോ​സ്റ്റി​ങ് ചെ​യ്തു കി​ട്ടു​ന്ന വ​ളം അ​ടു​ക്ക​ള​ത്തോ​ട്ട​ത്തി​ലെ ഗ്രോ ​ബാ​ഗു​ക​ളി​ൽ നി​ക്ഷേ​പി​ക്കു​മ്പോ​ൾ നാം ​കൃ​ഷി​രീ​തി​ക​ൾ പ​രി​ശീ​ലി​ക്കും. സ്കൂ​ളു​ക​ളി​ൽ ക​മ്പോ​സ്റ്റ് പി​റ്റ് ഉ​ണ്ടാ​ക്കു​മ്പോ​ൾ വി​ദ്യാ​ഭ്യാ​സ പ്ര​ക്രി​യ​യി​ൽ നാം ​ഈ അ​റി​വി​നെ സ​ന്നി​വേ​ശി​പ്പി​ക്കും. റെ​ഡ്യൂ​സ് അ​ഥ​വാ ഉ​പ​യോ​ഗം കു​റ​ക്കു​ക എ​ന്ന പാ​ഠ​ത്തി​ലൂ​ടെ ന​മ്മ​ൾ ഷു​മാ​ക്ക​റി​ന്റെ Small is Beautiful എ​ന്ന സി​ദ്ധാ​ന്തം കേ​ൾ​ക്കും. ഗാ​ന്ധി​യെ​ക്കു​റി​ച്ചും മാ​ർ​ക്സി​നെക്കു​റി​ച്ചും ഓ​ർ​ക്കും. Reuse അ​ഥ​വാ പു​ന​രു​പ​യോ​ഗി​ക്കൂ എ​ന്ന പാ​ഠ​ത്തി​ലൂ​ടെ വ​ള​ർ​ച്ച​യു​ടെ പ​രി​മി​തി ക​ണ്ടെ​ത്തും.

റീ​സൈ​ക്കി​ൾ അ​ഥ​വാ പു​നഃ​ചം​ക്ര​മ​ണം ന​ട​ത്തു​മ്പോ​ൾ പ്ര​കൃ​തി​യു​ടെ ഭ​ക്ഷ്യ​ശൃം​ഖ​ല​യെ​ക്കു​റി​ച്ചു മ​ന​സ്സി​ലാ​ക്കും. ഒ​രു മ​നു​ഷ്യ​ൻ സൃ​ഷ്ടി​ക്കു​ന്ന മാ​ലി​ന്യം മ​റ്റൊ​രു മ​നു​ഷ്യ​ൻ ത​ന്റെ വെ​റും കൈ​ക​ൾ​കൊ​ണ്ട് വാ​രു​ന്ന മാ​ന്വ​ൽ scavengingന്റെ ​തു​ട​ക്കം വാ​യി​ക്കു​മ്പോ​ൾ മ​നു​ഷ്യ​ബ​ന്ധ​ങ്ങ​ളു​ടെ ച​രി​ത്രം പ​ഠി​ക്കും. അ​ങ്ങ​നെ മാ​ലി​ന്യ നി​ർ​മാ​ർ​ജ​ന​ത്തി​ലൂ​ടെ ന​മ്മ​ൾ ആ​രോ​ഗ്യം, വി​ദ്യാ​ഭ്യാ​സം, ഊ​ർ​ജ​സം​ര​ക്ഷ​ണം, പ​രി​സ്ഥി​തി, പൗ​ര​ധ​ർ​മം, ച​രി​ത്രം, സാ​മ്പ​ത്തി​ക ശാ​സ്ത്രം എ​ന്നി​വ​യെ​ക്കു​റി​ച്ചെ​ല്ലാം വ്യ​ത്യ​സ്ത​മാ​യി ചി​ന്തി​ക്കാ​ൻ ശീ​ലി​ക്കും. ഈ ​പാ​ഠ​ങ്ങ​ളെ സ്കൂ​ൾ സി​ല​ബ​സു​മാ​യി സ​ന്നി​വേ​ശി​പ്പി​ക്ക​ണം. അ​ങ്ങ​നെ പു​തി​യ ത​ല​മു​റ​യെ പു​തി​യൊ​രു ഉ​പ​ഭോ​ക്തൃ സം​സ്കാ​ര​ത്തി​ന്റെ തു​ട​ക്ക​ക്കാ​രാ​ക്ക​ണം. എ​ത്ര കാ​ല​മാ​യി ന​മ്മ​ൾ ഈ ​പ്ര​ശ്നം കേ​ൾ​ക്കു​ന്നു. പ​രി​ഹാ​രം ഇ​നി​യും ഏ​റെ അ​ക​ലെ​യാ​ണ്. എ​ന്നാ​ൽ, ഇ​ന്നെ​ടു​ക്കു​ന്ന ആ​ദ്യ ചു​വ​ട് എ​ങ്ങോ​ട്ടാ​ണ് എ​ന്ന​താ​യി​രി​ക്കും ഭാ​വി​യെ നി​യ​ന്ത്രി​ക്കാ​ൻ പോ​കു​ന്ന പ്ര​ധാ​ന ചോ​ദ്യം.

♦