മാ​ലി​ന്യ സം​സ്​​ക​ര​ണ​ത്തി​ൽ ന​മു​ക്ക്​ ഇ​നി എ​ന്താ​ണ്​ ചെ​യ്യാ​നു​ള്ള​ത്​?

​ബ്ര​ഹ്മ​പു​രം​പോ​ലു​ള്ള ലാ​ൻ​ഡ്​ ഫി​ല്ലി​ങ്ങു​ക​ൾ ഒ​രു ബ​ദ​ലേ​യ​ല്ല എ​ന്ന്​ വ്യ​ക്ത​മാ​യി​ക്ക​ഴി​ഞ്ഞു.  എ​ന്താ​ണ്​ ന​മു​ക്ക്​ മാ​ലി​ന്യ സം​സ്​​ക​ര​ണ​ത്തി​ൽ ഇ​നി ചെ​യ്യാ​നു​ള്ള​ത്​? എ​ന്താ​ണ്​ സാ​ധ്യ​ത​ക​ൾ, വെ​ല്ലു​വി​ളി​ക​ൾ? -ഗ​വേ​ഷ​ക​യാ​യ ലേ​ഖി​ക മാ​ലി​ന്യവി​ഷ​യ​ത്തി​ന്റെ അ​ധി​കം ശ്ര​ദ്ധി​ക്ക​പ്പെ​ടാ​ത്തവി​ഷ​യ​ങ്ങ​ളും പ്ര​ശ്​​ന​ങ്ങ​ളും ബ​ദ​ലു​ക​ളും അ​വ​ത​രി​പ്പി​ക്കു​ന്നു.

ബ്ര​ഹ്മ​പു​രം ഒ​രു ഒ​റ്റ​പ്പെ​ട്ട സം​ഭ​വ​മ​ല്ല. ഇ​ന്ത്യ​യി​ൽ എ​മ്പാ​ടു​മു​ള്ള പ​ല ലാ​ൻ​ഡ്ഫി​ല്ലു​ക​ളി​ലും ഇ​തു​പോ​ലെ പ​ല​ത​വ​ണ​യാ​യി തീ​പി​ടി​ത്തം സം​ഭ​വി​ക്കു​ന്നു​ണ്ട്. ഉ​ദാ​ഹ​ര​ണ​ത്തി​ന് 2016ൽ ​മും​ബൈ​യി​ലെ ഡി​യോ​നാ​ർ ലാ​ൻ​ഡ് ഫി​ല്ലി​ൽ ഉ​ണ്ടാ​യ തീ ​അ​ണ​ച്ച​ത് ആ​ഴ്ച​ക​ളെ​ടു​ത്താ​ണ്. 2018ൽ ​വീ​ണ്ടും അ​ഗ്നി​ബാ​ധ ആ​വ​ർ​ത്തി​ച്ചു. ഡ​ൽ​ഹി​യി​ലെ ഭ​ൽ​സ്വ ലാ​ൻ​ഡ്ഫി​ല്ലി​ൽ മി​ക്ക​വാ​റും എ​ല്ലാ വ​ർ​ഷ​വും തീ ​പി​ടി​ക്കു​ന്നു​ണ്ട്. ഇ​ത് സ​മീ​പ​ത്ത് താ​മ​സി​ക്കു​ന്ന ആ​ൾ​ക്കാ​രു​ടെ ജീ​വ​നും ഉ​പ​ജീ​വ​ന​മാ​ർ​ഗ​വും അ​പ​ക​ട​ത്തി​ലാ​ക്കു​ന്നു​ണ്ട്. പ​റ​ഞ്ഞു​വ​രു​ന്ന​ത് മാ​ലി​ന്യ​സം​സ്ക​ര​ണം വ​ള​രെ​യ​ധി​കം ശ്ര​ദ്ധകേ​ന്ദ്രീ​ക​രി​ക്കേ​ണ്ട ഒ​രു വി​ഷ​യ​മാ​യി ഇ​ന്ത്യ​യി​ൽ മാ​റി​യി​ട്ട് വ​ർ​ഷ​ങ്ങ​ളാ​യി എ​ന്നു ത​ന്നെ​യാ​ണ്.

എ​ന്തു​കൊ​ണ്ടാ​ണ്  ലാ​ൻ​ഡ് ഫില്ലു​ക​ൾ​ക്ക് തീ ​പി​ടി​ക്കു​ന്ന​ത്?

ബ്ര​ഹ്മ​പു​രം ഉ​ൾ​പ്പെ​ടെ ഇ​ന്ത്യ​യി​ലു​ള്ള മി​ക്ക ലാ​ൻ​ഡ്ഫി​ല്ലു​ക​ളും ശാ​സ്ത്രീ​യ​മാ​യി ഡി​സൈ​ൻ ചെ​യ്ത​വ​യ​ല്ല. 2007ലാ​ണ് ഹൈ​കോ​ട​തി വി​ധി​പ്ര​കാ​രം ബ്ര​ഹ്മ​പു​ര​ത്ത് മാ​ലി​ന്യം നി​ക്ഷേ​പി​ക്കാംമെ​ന്ന തീ​രു​മാ​ന​ത്തി​ൽ എ​ത്തു​ന്ന​ത്. ഒ​രു മാ​ലി​ന്യ​പ്ലാ​ന്റ് വ​രു​ന്ന​തു​വ​രെ​യു​ള്ള താ​ൽ​ക്കാ​ലി​ക​ പ​രി​ഹാ​രം മാ​ത്ര​മാ​യി​രു​ന്നു അ​ത്. കൊ​ച്ചി ന​ഗ​ര​പ​രി​ധി​യി​ൽ ഉ​ൽ​പാ​ദി​പ്പി​ക്ക​പ്പെ​ടു​ന്ന മാ​ലി​ന്യം ​കൂ​ടാ​തെ ചു​റ്റു​മു​ള്ള അ​ഞ്ച് മു​നി​സി​പ്പാ​ലി​റ്റി​ക​ളു​ടെ​യും മൂ​ന്നു ഗ്രാ​മ​പ​ഞ്ചാ​യ​ത്തു​ക​ളു​ടെ​യും മാ​ലി​ന്യം കൂ​ടി ബ്ര​ഹ്മ​പു​ര​ത്താ​ണ് നി​ക്ഷേ​പി​ക്കു​ന്ന​ത്.

കൃ​ത്യ​മാ​യി വേ​ർ​തി​രി​ക്കാ​തെ നി​ക്ഷേ​പി​ക്കു​ന്ന ഈ ​മാ​ലി​ന്യം വി​ഘ​ടി​ക്കു​മ്പോ​ൾ താ​പ​വും മീ​ഥേ​ൻ വാ​ത​ക​വും സൃ​ഷ്ടി​ക്കു​ന്നു. ഇ​ത് തീ​പി​ടി​ത്ത​ത്തി​ന് കാ​ര​ണ​മാ​കു​ന്നു. പെ​ട്ടെ​ന്നു​ണ്ടാ​കു​ന്ന ഈ ​തീ​ക്ക്​ ആ​ഴ്ച​ക​ളോ​ളം ക​ത്താ​നു​ള്ള ശേ​ഷി​യു​ണ്ട്. കൂ​ടെ വി​ഷ​പ്പു​ക​യും വാ​ത​ക​ങ്ങ​ളും അ​ന്ത​രീ​ക്ഷ​ത്തി​ലേ​ക്ക് വി​ടു​ക​യും ചെ​യ്യും. ലാ​ൻ​ഡ്ഫി​ൽ തീ​യി​ൽ​നി​ന്നു​ള്ള പു​ക​യി​ൽ കാ​ർ​ബ​ൺ മോ​ണോ​ക്സൈ​ഡ്, ഡ​യോ​ക്സി​ൻ, ഫ്യൂ​റാ​ൻ തു​ട​ങ്ങി​യ ഹാ​നി​ക​ര​മാ​യ രാ​സ​വ​സ്തു​ക്ക​ൾ അ​ട​ങ്ങി​യി​ട്ടു​ണ്ട്. ഇ​ത് ശ്വാ​സ​കോ​ശ സം​ബ​ന്ധ​മാ​യ പ്ര​ശ്ന​ങ്ങ​ൾ, നേ​ത്ര​രോ​ഗ​ങ്ങ​ൾ തു​ട​ങ്ങി​യ ആ​രോ​ഗ്യ​പ്ര​ശ്ന​ങ്ങ​ൾ​ക്ക് കാ​ര​ണ​മാ​കും.

ലാ​ൻ​ഡ്ഫി​ല്ലു​ക​ൾ ക​ത്തി​യാ​ൽ മാ​ത്ര​മാ​ണ് പ്ര​ശ്നമെ​ന്ന് ധ​രി​ക്ക​രു​ത്. ലാ​ൻ​ഡ്ഫി​ല്ലു​ക​ളി​ൽ​നി​ന്ന് ഒ​ലി​ച്ചു​വ​രു​ന്ന ലീ​ച്ചേ​റ്റ്സ് ചു​റ്റു​മു​ള്ള ജ​ല​സ്രോ​ത​സ്സു​ക​ളെ മ​ലി​ന​മാ​ക്കും. പ​രി​സ്ഥി​തി മ​ലി​നീ​ക​ര​ണം കൂ​ടാ​തെ ഇ​വ കു​ടി​വെ​ള്ള​ത്തി​ലൂ​ടെ​യും മ​ത്സ്യ​ങ്ങ​ളി​ലൂ​ടെ​യും മ​നു​ഷ്യ​ശ​രീ​ര​ത്തി​ൽ പ്ര​വേ​ശി​ച്ചാൽ പ​ല അ​സു​ഖ​ങ്ങ​ൾ​ക്കും വ​ഴി​വെ​ക്കും. ഇ​ക്കാ​ര​ണ​ങ്ങ​ൾ​കൊ​ണ്ടൊ​ക്കെ​യാ​ണ് യൂ​റോ​പ്യ​ൻ രാ​ജ്യ​ങ്ങ​ളി​ൽ 2020ക​ളോ​ടെ ലാ​ൻ​ഡ്ഫി​ൽ സം​വി​ധാ​നം പൂ​ർ​ണ​മാ​യും നി​രോ​ധി​ക്ക​പ്പെ​ടു​ന്ന​ത്.

ബ്രഹ്മപുരം പ്ലാന്റിലെ തീപിടുത്തം അണക്കാനുള്ള ശ്രമം

ലാ​ൻ​ഡ്ഫി​ല്ലി​ങ് അ​ല്ലാ​തെ മ​റ്റെ​ന്തെ​ല്ലാം സാ​ങ്കേ​തി​ക​വി​ദ്യ​ക​ളാ​ണ് നി​ല​വി​ലു​ള്ള​ത്? യൂ​റോ​പ്യ​ൻ രാ​ജ്യ​ങ്ങ​ളി​ൽ ഏ​റ്റ​വും അ​ധി​കം ഉ​പ​യോ​ഗി​ച്ചു​വ​രു​ന്ന​തും ഇ​ന്ത്യ​യി​ലെ നി​ല​വി​ലെ ന​യ​ങ്ങ​ൾ ഏ​റ്റ​വു​മ​ധി​കം പ്രോ​ത്സാ​ഹി​പ്പി​ക്കു​ന്ന​തു​മാ​യ ഒ​രു സാ​ങ്കേ​തി​ക വി​ദ്യ​യാ​ണ് ഇ​ൻ​സി​ന​റേ​ഷ​ൻ (incineration). ഒ​രു ഫ​ർ​ന​സി​ൽ മാ​ലി​ന്യ​ങ്ങ​ൾ ഉ​യ​ർ​ന്ന താ​പ​നി​ല​യി​ൽ (സാ​ധാ​ര​ണ​നി​ല​യി​ൽ 800 തൊ​ട്ട് 1000 ഡി​ഗ്രി സെ​ൽ​ഷ്യ​സ് വ​രെ) ക​ത്തി​ക്കു​ന്ന​തി​നെ​യാ​ണ് ഇ​ൻ​സി​ന​റേ​ഷ​ൻ എ​ന്ന് പ​റ​യു​ന്ന​ത്. ഈ ​പ്ര​ക്രി​യ​ക്കി​ടെ ഉ​ണ്ടാ​കു​ന്ന താ​പം​കൊ​ണ്ട് നീ​രാ​വി ഉ​ൽ​പാ​ദി​പ്പി​ക്കു​ക​യും അ​തി​ൽ​നി​ന്ന് വൈ​ദ്യു​തി ഉ​ൽ​പാ​ദി​പ്പി​ക്കു​ക​യും ചെ​യ്യാം. അ​ത് കൂ​ടാ​തെ പ​ടി​ഞ്ഞാ​റ​ൻ രാ​ജ്യ​ങ്ങ​ളി​ൽ ഈ ​ചൂ​ട് കെ​ട്ടി​ട​ങ്ങ​ൾ ചൂ​ടാ​ക്കാ​നോ ചൂ​ടു​വെ​ള്ളം ഉ​ൽ​പാ​ദി​പ്പി​ക്കാ​നോ പോ​ലു​ള്ള മ​റ്റ് ആ​വ​ശ്യ​ങ്ങ​ൾ​ക്കും ഉ​പ​യോ​ഗി​ക്കു​ന്നു​ണ്ട്. അ​വി​ട​ത്തെ ത​ണു​ത്ത കാ​ലാ​വ​സ്ഥ​യി​ൽ ഇ​ത് പ്ര​ത്യേ​കി​ച്ചും ഉ​പ​യോ​ഗ​പ്ര​ദ​മാ​കും. ഇ​തി​നെ​യാ​ണ് വേ​സ്റ്റ് ടു ​എ​ന​ർ​ജി എ​ന്ന് വി​ളി​ക്കു​ന്ന​ത്.

നി​ല​വി​ലെ രീ​തി​യ​നു​സ​രി​ച്ച് മൂ​ന്നാം ലോ​ക രാ​ജ്യ​ങ്ങ​ളി​ലേ​ക്ക് ഈ ​ടെ​ക്നോ​ള​ജി​ക​ൾ ഇ​ംപോ​ർ​ട്ട് ചെ​യ്ത് ഇ​തി​നെ ഒ​രു ‘quick fix solution’ ആ​യി​ട്ടാ​ണ് ക​ണ്ടു​വ​രു​ന്ന​ത്. എ​ന്നാ​ൽ, ഇ​ന്ത്യ​യി​ൽ തു​ട​ങ്ങി​െ​വ​ച്ചി​ട്ടു​ള്ള വേ​സ്റ്റ് ടു ​എ​ന​ർ​ജി പ്ലാ​ന്റു​ക​ളി​ൽ പ​കു​തി​യ​ി​േലറെ പ്ര​വ​ർ​ത്ത​ന​ര​ഹി​ത​മാ​യി കി​ട​ക്കു​ക​യാ​ണ്. കാ​ര​ണം എ​ന്തെ​ന്നാ​ൽ,

1. ന​മ്മു​ടെ ഭ​ക്ഷ​ണ​രീ​തി​ക്കും ജീ​വി​ത​ശൈ​ലി​ക്കും അ​നു​സ​രി​ച്ച് ഉ​ൽ​പാ​ദി​പ്പി​ക്ക​പ്പെ​ടു​ന്ന മാ​ലി​ന്യ​ത്തി​ന്റെ ക​ലോ​റി​ഫി​ക് വാ​ല്യൂ, അ​താ​യ​ത് ക​ത്താ​നു​ള്ള ശേ​ഷി, പ​ടി​ഞ്ഞാ​റ​ൻ രാ​ജ്യ​ങ്ങ​ളെ അ​പേ​ക്ഷി​ച്ചു നോ​ക്കു​മ്പോ​ൾ വ​ള​രെ ചെ​റു​താ​ണ്. കൃ​ത്യ​മാ​യി പ​റ​ഞ്ഞാ​ൽ വെ​റും മൂ​ന്നി​ൽ ഒ​ന്ന് മാ​ത്ര​മാ​ണ്. അ​ങ്ങ​നെ​യു​ള്ള മാ​ലി​ന്യം പൂ​ർ​ണ​മാ​യി ക​ത്തി​ക്ക​ണ​മെ​ങ്കി​ൽ ഇ​ര​ട്ട ഊ​ർ​ജം ആ​വ​ശ്യ​മാ​ണ്. അ​തി​ന് ഇ​ര​ട്ടി ​െച​ല​വും വ​രും. പൂ​ർ​ണ​മാ​യി ക​ത്താ​ത്ത മാ​ലി​ന്യ​ത്തി​ൽ​നി​ന്ന് വി​ഷ​വാ​ത​ക​ങ്ങ​ൾ പു​റ​ത്തു​വ​രും. ഇ​തു പി​ന്നീ​ട് പാ​രി​സ്ഥി​തി​ക​വും ആ​രോ​ഗ്യ​പ​ര​വു​മാ​യ പ്ര​ശ്ന​ങ്ങ​ൾ​ക്കു വ​ഴി​വെ​ക്കും. ഭ​ക്ഷ​ണ​മാ​ലി​ന്യം വേ​ർ​തി​രി​ച്ച് അ​തി​െ​ന ക​മ്പോ​സ്റ്റി​ങ് ചെ​യ്യുക എ​ന്ന​താ​ണ് ന​മു​ക്ക് ഉ​ചി​തം എ​ന്ന് പ​ല പ​ഠ​ന​ങ്ങ​ളും ഇ​തി​ന​കം ക​ണ്ടെ​ത്തി​യി​ട്ടു​ണ്ട്.

2. എ​ല്ലാ മാ​ലി​ന്യ​ങ്ങ​ളും ഊ​ർ​ജ​മാ​ക്കിമാ​റ്റാ​ൻ പ​റ്റു​ക​യി​ല്ല. ഉ​ദാ​ഹ​ര​ണ​ത്തി​ന് മൊ​ബൈ​ൽ ഫോ​ൺ, ക​മ്പ്യൂ​ട്ട​റു​ക​ൾ അ​ട​ങ്ങു​ന്ന ഇ​ല​ക്ട്രോ​ണി​ക് മാ​ലി​ന്യ​ങ്ങ​ൾ, ബാ​റ്റ​റി​ക​ൾ ഉ​ൾ​പ്പെ​ടു​ന്ന അ​പ​ക​ട​ക​ര​മാ​യ മാ​ലി​ന്യ​ങ്ങ​ൾ എ​ന്നി​വ ക​ത്തി​ക്കാ​നാ​വി​ല്ല. വേ​ർ​തി​രി​ച്ച​തി​നു​ശേ​ഷം റീ​സൈ​ക്കി​ൾ ചെ​യ്യാ​നാ​വാ​ത്ത ‘reject waste’ക​ളേ ക​ത്തി​ക്കേ​ണ്ട​താ​യു​ള്ളൂ. ഉ​ദാ​ഹ​ര​ണ​ത്തി​ന് ഭ​ക്ഷ്യ​മാ​ലി​ന്യം, പേ​പ്പ​ർ, കാ​ർ​ഡ്ബോ​ർ​ഡ്, പ്ലാ​സ്റ്റി​ക്, ഗ്ലാ​സ്, മെ​റ്റ​ൽ, തു​ണി​ക​ൾ എ​ന്നീ മാ​ലി​ന്യ​ങ്ങ​ൾ ഒ​രു പ​രി​ധി​വ​രെ റീ​സൈ​ക്കി​ൾ ചെ​യ്യാ​വു​ന്ന​വ​യാ​ണ്. എ​ന്നാ​ൽ, ഇ​വ​യി​ൽ​ത​ന്നെ​യു​ള്ള ചി​ല വ​ക​ഭേ​ദ​ങ്ങ​ൾ ഉ​ദ്ദേ​ശി​ച്ച ക്വാ​ളി​റ്റി​യി​ൽ റീ​സൈ​ക്കി​ൾ ചെ​യ്യാ​ൻ ആ​വു​ക​യി​ല്ല. ഉ​ദാ​ഹ​ര​ണ​ത്തി​ന് polysterene foam എ​ന്ന പ്ലാ​സ്റ്റി​ക് വ​ക​ഭേ​ദം, ഫോ​ൺ സ്ക്രീ​നി​ൽ ഉ​പ​യോ​ഗി​ക്കു​ന്ന tampered ഗ്ലാ​സ്, പ്ര​ത്യേ​ക ഡൈ​ക​ൾ ഉ​പ​യോ​ഗി​ച്ചു​ണ്ടാ​ക്കു​ന്ന തു​ണി​ക​ൾ എ​ന്നി​വ റീ​സൈ​ക്കി​ൾ ചെ​യ്യാ​നാ​വി​ല്ല. അ​തു​പോ​ലെ സാ​നി​റ്റ​റി പാ​ഡു​ക​ൾ, ഉ​പ​യോ​ഗി​ച്ച മാ​സ്കു​ക​ൾ, സി​റി​ഞ്ച് എ​ന്നി​ങ്ങ​നെ​യു​ള്ള മെ​ഡി​ക്ക​ൽ വെ​സ്റ്റ​റു​ക​ൾ ക​ത്തി​ക്ക​ല​ല്ലാ​തെ വേ​റെ വ​ഴിയി​ല്ല. ആ​ദ്യം ചെ​യ്യേ​ണ്ട​ത് ഇ​തു​പോ​ലെ പ​ല​ത​രം മാ​ലി​ന്യ​ങ്ങ​ളെ പ​ല​താ​യി വി​ഭ​ജി​ച്ചു വേ​ർ​തി​രി​ച്ച് ക​ത്തി​ക്കാ​നു​ള്ള​തുമാ​ത്രം ക​ത്തി​ക്കു​ക എ​ന്ന​താ​ണ്. അ​തി​നു​പ​ക​രം വേ​ർ​തി​രി​ക്കാ​ത്ത മാ​ലി​ന്യ​ങ്ങ​ൾ ഇ​ൻ​സി​ന​റേ​റ്റ​റി​ലേ​ക്ക് പോ​കു​മ്പോ​ൾ അ​ത് പ്ര​തീ​ക്ഷി​ച്ച രീ​തി​യി​ൽ പ്ര​വ​ർ​ത്തി​പ്പി​ക്കാ​നാ​വി​ല്ല.

3. മാ​ലി​ന്യ​ത്തി​ൽ​നി​ന്നും വൈ​ദ്യു​തി ഉ​ണ്ടാ​ക്കു​ക എ​ന്ന​ത് വ​ള​രെ​യ​ധി​കം ചെ​ല​വേ​റി​യ ഒ​രു പ്ര​ക്രി​യ​യാ​ണ്. അ​തി​നു​ള്ള സാ​മ്പ​ത്തി​ക​ശേ​ഷി ന​മ്മു​ടെ ഗ​വ​ൺമെ​ന്റു​ക​ൾ​ക്കി​ല്ല. പ്ര​ത്യേ​കി​ച്ചും ലോ​ക്ക​ൽ ഗ​വ​ൺ​മെ​ന്റു​ക​ൾ​ക്ക്. ഈ ​ഒ​രു സാ​ഹ​ച​ര്യ​ത്തി​ൽ ‘വേ​സ്റ്റ് ടു ​എ​ന​ർ​ജി’ എ​ന്ന സാ​ങ്കേ​തി​ക​വി​ദ്യ​ക്ക് ഒ​രു​പാ​ട് പ​രി​മി​തി​ക​ൾ മൂ​ന്നാം ലോ​ക രാ​ജ്യ​ങ്ങ​ളി​ലു​ണ്ട്.

കേ​ന്ദ്രീ​കൃ​ത മാ​ലി​ന്യ​സം​സ്ക​ര​ണ​ത്തി​ന്റെ പ​രി​മി​തി​ക​ൾ

മേ​ൽ​പ​റ​ഞ്ഞ ലാ​ൻ​ഡ്ഫി​ല്ലി​ങ് വേ​സ്റ്റ് ടു ​എ​ന​ർ​ജി എ​ന്നീ സാ​ങ്കേ​തി​ക​വി​ദ്യ​ക​ൾ കേ​ന്ദ്രീ​കൃ​ത​മാ​യ രീ​തി​യി​ലാ​ണ് പ്ര​വ​ർ​ത്തി​ക്കു​ക. എ​ന്നു​െ​വ​ച്ചാ​ൽ ദൂ​രെ​യു​ള്ള സ്ഥ​ല​ങ്ങ​ളി​ൽ​നി​ന്നും മാ​ലി​ന്യം ശേ​ഖ​രി​ച്ച് ഒ​രു സ്ഥ​ല​ത്തു കൊ​ണ്ടു​വ​ന്ന് അ​തി​നെ നി​ർ​മാ​ർ​ജ​നം ചെ​യ്യു​ക. ഇ​ത് ന​ല്ലരീ​തി​യി​ൽ ന​ട​ക്കാ​തെ വ​രു​മ്പോ​ൾ ഇ​തി​ന്റെ ഭ​വി​ഷ്യ​ത്ത് അ​നു​ഭ​വി​ക്കു​ന്ന​ത് മാ​ലി​ന്യപ്ലാ​ന്റി​ന് അ​ഥ​വാ ലാ​ൻ​ഡ്ഫി​ല്ലി​ന് സ​മീ​പ​പ്ര​ദേ​ശ​ത്ത് താ​മ​സി​ക്കു​ന്ന ആ​ൾ​ക്കാ​ർ മാ​ത്ര​മാ​ണ്. ഇ​തി​ൽ ഒ​രു സാ​മൂ​ഹി​ക അ​സ​മ​ത്വം നി​ല​നി​ൽ​ക്കു​ന്നു​ണ്ട്. ന​ഗ​ര​ത്തി​ന്റെ മു​ഴു​വ​ൻ, പ​ല​പ്പോ​ഴും മ​റ്റു ന​ഗ​ര​ങ്ങ​ളു​ടെ​യും മാ​ലി​ന്യ​ഭാ​രം യ​ഥാ​ർ​ഥ​ത്തി​ൽ ചു​മ​ക്കു​ന്ന​ത് ഈ ​കു​റ​ച്ച് ആ​ൾ​ക്കാ​രാ​ണ്. ആ​രോ​ഗ്യ​പ്ര​ശ്ന​ങ്ങ​ൾ​ക്കു പു​റ​െ​മ അ​വ​ർ​ക്ക് സാ​മൂ​ഹി​ക​വും സാ​മ്പ​ത്തി​ക​വു​മാ​യ വെ​ല്ലു​വി​ളി​ക​ൾ നേ​രി​ടേ​ണ്ടി​വ​രു​ന്നു.

ഭൂ​മി​യു​ടെ മൂ​ല്യം കു​റ​യു​ക, വീ​ടു​ക​ളി​ൽ സ​ന്ദ​ർ​ശ​ക​രു​ടെ എ​ണ്ണം കു​റ​യു​ക, സ്ത്രീ​ക​ളു​ടെ ജോ​ലി​ഭാ​രം വ​ർ​ധി​ക്കു​ക, കു​ട്ടി​ക​ൾ​ക്ക് പു​റ​ത്തു​പോ​യി ക​ളി​ക്കാ​നു​ള്ള അ​വ​സ​ര​ങ്ങ​ൾ പ​രി​മി​ത​പ്പെ​ടു​ക എ​ന്നി​ങ്ങ​നെ തു​ട​രു​ന്നു അ​വ​ർ അ​നു​ഭ​വി​ക്കു​ന്ന പ്ര​ശ്ന​ങ്ങ​ൾ. എ​ന്നാ​ൽ, ഇ​തി​ൽ​നി​ന്നും ദൂ​രെ മാ​റി താ​മ​സി​ക്കു​ന്ന​വ​ർ​ക്ക് പൊ​തു​വെ ഒ​രു ‘Out of sight, out of mind’ മ​നോ​ഭാ​വ​മാ​ണ് ക​ണ്ടു​വ​രു​ന്ന​ത്. മാ​ലി​ന്യം ന​മ്മു​ടെ ക​ൺ​വെ​ട്ട​ത്തു​നി​ന്ന് മാ​റു​ന്ന​തുവ​രെ മാ​ത്ര​മാ​ണ് ന​മ്മ​ൾ​ക്ക് ആ​ശ​ങ്ക. ന​മ്മ​ൾ ഉ​ൽ​പാ​ദി​പ്പി​ക്കു​ന്ന മാ​ലി​ന്യം ഇ​വി​ടെ പോ​കു​ന്നു എ​ങ്ങ​നെ നി​ർ​മാ​ർ​ജ​നം ചെ​യ്യ​പ്പെ​ടു​ന്നു എ​ന്ന​തി​ൽ ഒ​രു​ത്ത​ര​വാ​ദി​ത്ത​വും ന​മ്മ​ൾ കേ​ന്ദ്രീ​കൃ​ത സം​വി​ധാ​ന​ത്തി​ൽ ഏ​റ്റെ​ടു​ക്കു​ന്നി​ല്ല. ഈ ​സാ​ഹ​ച​ര്യ​ത്തി​ൽ ഒ​രു പ​രി​ഹാ​ര​വ​ഴി​യാ​ണ് വി​കേ​ന്ദ്രീ​കൃ​ത മാ​ലി​ന്യ​സം​സ്ക​ര​ണം.

വി​കേ​ന്ദ്രീ​കൃ​ത മാ​ലി​ന്യ​സം​സ്ക​ര​ണം

വി​കേ​ന്ദ്രീ​കൃ​ത മാ​ലി​ന്യ​സം​സ്ക​ര​ണം ഊ​ന്ന​ൽകൊ​ടു​ക്കു​ന്ന​ത് ഉ​റ​വി​ട​ത്തി​ൽ​ത​ന്നെ മാ​ലി​ന്യം വേ​ർ​തി​രി​ച്ച് പ​ര​മാ​വ​ധി അ​ടു​ത്തുത​ന്നെ അ​തി​നെ നി​ർ​മാ​ർ​ജ​നം ചെ​യ്യു​ക എ​ന്ന​താ​ണ്. ഉ​ദാ​ഹ​ര​ണ​ത്തി​ന്, വീ​ടു​ക​ളി​ൽ ഉ​ൽ​പാ​ദി​പ്പി​ക്ക​പ്പെ​ടു​ന്ന ഭ​ക്ഷ​ണ​മാ​ലി​ന്യ​ങ്ങ​ൾ ന​മു​ക്ക് വീ​ടി​ന്റെ ചു​റ്റ​ള​വി​ൽ അ​ഥ​വാ സ​മീ​പ​പ്ര​ദേ​ശ​ത്തുത​ന്നെ ശാ​സ്ത്രീ​യ​മാ​യി നി​ർ​മാ​ർ​ജ​നം ചെ​യ്യാ​ൻ ഒ​രു പ​രി​ധി​വ​രെ സാ​ധി​ക്കും. ന​മ്മ​ൾ ഉ​ൽ​പാ​ദി​പ്പി​ക്കു​ന്ന മാ​ലി​ന്യ​ത്തി​ന്റെ ഉ​ത്ത​ര​വാ​ദി​ത്തം ന​മ്മ​ൾ​ത​ന്നെ ഏ​റ്റെ​ടു​ക്കു​ക എ​ന്ന ഒ​രു രാ​ഷ്ട്രീ​യം കൂ​ടെ വി​കേ​ന്ദ്രീ​കൃ​ത മാ​ലി​ന്യ​സം​സ്ക​ര​ണം മു​ന്നോ​ട്ട് വെ​ക്കു​ന്നു​ണ്ട്.

മ​റ്റു സം​സ്ഥാ​ന​ങ്ങ​ളെ അ​പേ​ക്ഷി​ച്ച് വി​കേ​ന്ദ്രീ​കൃ​ത മാ​ലി​ന്യ​സം​സ്ക​ര​ണ​ത്തി​ൽ മു​ന്നി​ൽ നി​ൽ​ക്കു​ന്ന ഒ​രു സം​സ്ഥാ​നംത​ന്നെ​യാ​ണ് കേ​ര​ളം. 2012 കാ​ല​ഘ​ട്ട​ത്തി​ൽ ഡോ. ​തോ​മ​സ് ഐ​സ​ക്കി​ന്റെ നേ​തൃ​ത്വ​ത്തി​ൽ ആ​ല​പ്പു​ഴ മു​നി​സി​പ്പാ​ലി​റ്റി വി​കേ​ന്ദ്രീ​കൃ​ത​മാ​യ മാ​ലി​ന്യം സം​സ്ക​രി​ക്കു​ന്ന​തി​ൽ ന​ട​ത്തി​യ മു​ന്നേ​റ്റം രാ​ജ്യ​ത്തെ​മ്പാ​ടും അ​ന്താ​രാ​ഷ്ട്രത​ല​ത്തി​ലും ശ്ര​ദ്ധനേ​ടി​യി​രു​ന്നു. അ​ത് പി​ന്നീ​ട് പ​ല മു​നി​സി​പ്പാ​ലി​റ്റി​ക​ളും ഏ​റ്റെ​ടു​ക്കു​ക​യും ചെ​യ്തി​ട്ടു​ണ്ട്. കേ​ര​ള​ത്തി​ന്റെ 2018 ഖ​ര​മാ​ലി​ന്യ ന​യ​ത്തി​ൽ വി​കേ​ന്ദ്രീ​കൃ​ത ഖ​ര​മാ​ലി​ന്യ സം​സ്ക​ര​ണ​ത്തി​ന് വ​ള​രെ​യ​ധി​കം ഊ​ന്ന​ൽ കൊ​ടു​ക്കു​ന്നു​ണ്ട്. എ​ന്നാ​ലും നി​ല​വി​ലെ വി​കേ​ന്ദ്രീ​കൃ​ത മാ​ലി​ന്യ​സം​സ്ക​ര​ണ രീ​തി​ക​ളി​ൽ ഒ​രു​പാ​ട് പോ​രാ​യ്മ​ക​ളുണ്ട്.

സാ​ങ്കേ​തി​ക​മാ​യ പോ​രാ​യ്മ​ക​ൾ

നി​ല​വി​ലെ രീ​തി​യി​ൽ ഉ​റ​വി​ട​ത്തി​ൽ​ത​ന്നെ മാ​ലി​ന്യം സം​സ്ക​രി​ക്കു​ന്ന​തി​ന് ചെ​റു​കി​ട ബ​യോ​ഗ്യാ​സ് പ്ലാ​ന്റു​ക​ൾ, ബ​യോ ബി​ന്നു​ക​ൾ, പൈ​പ്പ് ക​മ്പോ​സ്റ്റി​ങ്, ഏ​റോ​ബി​ക് ബി​ന്നു​ക​ൾ എ​ന്നി​ങ്ങ​നെ​യു​ള്ള സാ​ങ്കേ​തി​കവി​ദ്യ​ക​ളാ​ണ് ന​മ്മു​ടെ നാ​ട്ടി​ൽ ഉ​പ​യോ​ഗി​ച്ചുവ​രു​ന്ന​ത്. ബൈ​ക്കോ​ബി​ന്നു​ക​ൾ​ക്കും പൈ​പ്പ് ക​മ്പോ​സ്റ്റി​ങ്ങി​നും അ​ധി​കം സ്ഥ​ലം ആ​വ​ശ്യം ഇ​ല്ലാ​ത്ത​തി​നാ​ൽ വീ​ടു​ക​ളി​ലും അ​പ്പാ​ർ​ട്മെ​ന്റു​ക​ളി​ലും വ​ള​രെ എ​ളു​പ്പ​മാ​യി ഉ​പ​യോ​ഗി​ക്കാ​വു​ന്ന​താ​ണ്. ഏ​റോ​ബി​ക് ബി​ന്നു​ക​ൾ​ക്ക് കു​റ​ച്ചു​കൂ​ടി സ്ഥ​ലം ആ​വ​ശ്യ​മാ​ണ്. ഒ​രു ക​മ്യൂ​ണി​റ്റി ലെ​വ​ലി​ൽ അ​താ​യ​ത് കു​റ​ച്ച് വീ​ടു​ക​ൾ അ​ഥ​വാ അ​പ്പാ​ർ​ട്മെ​ന്റു​ക​ൾ ചേ​ർ​ന്ന് പ​രി​പാ​ലി​ക്കു​ക​യാ​ണെ​ങ്കി​ൽ ഏ​റോ​ബി​ക് ബി​ൻ യൂ​നി​റ്റു​ക​ളാ​ണ് ഉ​ചി​തം. എ​ന്നാ​ൽ, ഇ​വ ഉ​പ​യോ​ഗി​ക്കു​മ്പോ​ൾ ക​രു​തേ​ണ്ട കു​റ​ച്ചുകാ​ര്യ​ങ്ങ​ൾ കൂ​ടെ​യു​ണ്ട്. ഈ ​പ​റ​ഞ്ഞ ബി​ന്നു​ക​ളി​ൽ മാ​ലി​ന്യം സം​സ്ക​രി​ക്കു​ന്ന പ്ര​വ​ർ​ത്ത​നം ന​ട​ത്തു​ന്ന​ത് ബാ​ക്ടീ​രി​യ​ക​ളും മ​ണ്ണി​ര​ക​ളും ഒ​ക്കെ​യാ​ണ്. അ​വ​ർ​ക്ക് വ​ള​രാ​നു​ള്ള സാ​ഹ​ച​ര്യം ഉ​ണ്ടാ​ക്കി​ക്കൊ​ടു​ക്കു​ക എ​ന്ന​ത് അ​തി​ന്റെ പ​രി​പാ​ല​ന​ത്തി​ന്റെ ഭാ​ഗ​മാ​ണ്. അ​ധി​കം അ​മ്ല​മോ ക്ഷാ​ര​മോ ഉ​ൾ​പ്പെ​ടു​ന്ന മാ​ലി​ന്യ​ങ്ങ​ൾ ഉ​ദാ​ഹ​ര​ണ​ത്തി​ന് മു​ട്ട​ത്തോ​ട്, നാ​ര​ങ്ങ, വി​നാ​ഗി​രി അ​ട​ങ്ങി​യ ഭ​ക്ഷ്യ​വ​സ്തു​ക്ക​ൾ ബാ​ക്ടീ​രി​യ​ക​ളെ ന​ശി​പ്പി​ക്കും. ബാ​ക്ടീ​രി​യ വ​ള​രു​ന്ന​തി​ന് ഇ​ട​ക്കി​ടെ ഇ​നോ​ക്കു​ല​വും ഉ​ണ​ങ്ങി​യ ഇ​ല​ക​ളും ചേ​ർ​ത്തു​കൊ​ടു​ക്കു​ക​യും വേ​ണം.

ബ​യോ​ഗ്യാ​സ് പ്ലാ​ന്റ് കു​റ​ച്ചു​കൂ​ടെ സെ​ൻ​സി​റ്റി​വാ​യ സാ​ങ്കേ​തി​ക​വി​ദ്യ​യാ​ണ്. അ​തി​ന്റെ പ​രി​പാ​ല​നം ബി​ന്നു​ക​ളെ അ​പേ​ക്ഷി​ച്ചു താ​ര​ത​മ്യേ​ന ബു​ദ്ധി​മു​ട്ടു​ള്ള​താ​ണ്. ന​മ്മു​ടെ നാ​ട്ടി​ലെ ഭൂ​രി​ഭാ​ഗം ബ​യോ​ഗ്യാ​സ് പ്ലാ​ന്റു​ക​ളും പ്ര​വ​ർ​ത്ത​ന​ര​ഹി​ത​മാ​ണ്. കാ​ര​ണം എ​ന്തെ​ന്നാ​ൽ:

1. അ​പ​ര്യാ​പ്ത​മാ​യ ഫീ​ഡ്സ്റ്റോ​ക്ക്: ബ​യോ​ഗ്യാ​സ് പ്ലാ​ന്റ് പ്ര​വ​ർ​ത്ത​ന​ക്ഷ​മ​മാ​ക​ണ​മെ​ങ്കി​ൽ അ​തി​ന്റെ ലോ​ഡി​ങ് ക​പ്പാ​സി​റ്റി​ക്ക് പ​ര്യാ​പ്ത​മാ​യ മാ​ലി​ന്യം തു​ട​ർ​ച്ച​യാ​യി കൊ​ടു​ത്തു​കൊ​ണ്ടി​രി​ക്ക​ണം. അ​തി​ൽ മു​ട​ക്കു​വ​രു​ന്ന​ത് അ​ഥ​വാ അ​ത് കൂ​ടു​ന്ന​ത്, ര​ണ്ടും അ​തി​ന്റെ പ്ര​വ​ർ​ത്ത​ന​ത്തെ സാ​ര​മാ​യി ബാ​ധി​ക്കും.

2. പോ​ഷ​ക​ങ്ങ​ളു​ടെ അ​സ​ന്തു​ലി​താ​വ​സ്ഥ: ഭ​ക്ഷ്യ​വ​സ്തു​ക്ക​ളി​ലെ കാ​ർ​ബ​ണി​ന്റെ​യും നൈ​ട്ര​ജ​ന്റെ​യും അ​നു​പാ​തം ഒ​രു ബ​യോ​ഗ്യാ​സ് പ്ലാ​ന്റി​ന്റെ പ്ര​വ​ർ​ത്ത​ന​ത്തി​ന് നി​ർ​ണാ​യ​ക​മാ​ണ്. അ​നു​പാ​തം വ​ള​രെ ഉ​യ​ർ​ന്ന​തോ കു​റ​വോ ആ​ണെ​ങ്കി​ൽ, ബ​യോ​ഗ്യാ​സ് ഉ​ൽ​പാ​ദ​ന​ത്തി​ന് ഉ​ത്ത​ര​വാ​ദി​ക​ളാ​യ സൂ​ക്ഷ്മാ​ണു​ക്ക​ൾ ത​ഴ​ച്ചു​വ​ള​രി​ല്ല, കൂ​ടാ​തെ ബ​യോ​ഗ്യാ​സ് ഉ​ൽ​പാ​ദ​നം കു​റ​യു​ക​യും ചെ​യ്യാം.

3. പി.​എ​ച്ച് അ​സ​ന്തു​ലി​താ​വ​സ്ഥ: ബ​യോ​ഗ്യാ​സ് പ്ലാ​ന്റി​ന്റെ പി.​എ​ച്ച് 6.5 മു​ത​ൽ 7.5 വ​രെ നി​ല​നി​ർ​ത്ത​ണം. പി.​എ​ച്ച് വ​ള​രെ കു​റ​വോ വ​ള​രെ കൂ​ടു​ത​ലോ ആ​ണെ​ങ്കി​ൽ, അ​ത് സൂ​ക്ഷ്മ​ജീ​വി​ക​ളു​ടെ പ്ര​വ​ർ​ത്ത​ന​ത്തെ ബാ​ധി​ക്കു​ക​യും ബ​യോ​ഗ്യാ​സ് ഉ​ൽ​പാ​ദ​നം കു​റ​യു​ക​യും ചെ​യ്യും.

4. അ​നു​ചി​ത​മാ​യ മി​ശ്രി​തം: സൂ​ക്ഷ്മ​ജീ​വി​ക​ളു​ടെ​യും പോ​ഷ​ക​ങ്ങ​ളു​ടെ​യും ഏ​കീ​കൃ​ത വി​ത​ര​ണം ഉ​റ​പ്പാ​ക്കാ​ൻ ഫീ​ഡ്സ്റ്റോ​ക്ക് ശ​രി​യാ​യി മി​ശ്രി​ത​മാ​ക്കേ​ണ്ട​തു​ണ്ട്.

5. താ​പ​നി​ല നി​യ​ന്ത്ര​ണ​ത്തി​ലെ അ​പ​ര്യാ​പ്ത​ത: താ​പ​നി​ല വ​ള​രെ കു​റ​വാ​ണെ​ങ്കി​ൽ, സൂ​ക്ഷ്മ​ജീ​വി​ക​ളു​ടെ പ്ര​വ​ർ​ത്ത​നം മ​ന്ദ​ഗ​തി​യി​ലാ​കും, അ​ത് വ​ള​രെ ഉ​യ​ർ​ന്ന​താ​ണെ​ങ്കി​ൽ സൂ​ക്ഷ്മാ​ണു​ക്ക​ൾ മ​രി​ക്കും. അ​തി​നാ​ൽ, ശ​രി​യാ​യ താ​പ​നി​ല നി​യ​ന്ത്ര​ണം അ​ത്യാ​വ​ശ്യ​മാ​ണ്.

6. ബ​യോ​ഗ്യാ​സ് പ്ലാ​ന്റി​നു​ള്ളി​ലെ പൈ​പ്പു​ക​ളോ ഫി​ൽ​ട്ട​റു​ക​ളോ അ​ട​ഞ്ഞു​പോ​യാ​ൽ, അ​ത് ഒ​ഴു​ക്ക് കു​റ​യാ​നും ബ​യോ​ഗ്യാ​സ് ഉ​ൽ​പാ​ദ​നം കു​റ​യാ​നും ഇ​ട​യാ​ക്കും.

ന​മ്മു​ടെ നാ​ട്ടി​ലെ ബ​ഹു​ഭൂ​രി​പ​ക്ഷം ബ​യോ​ഗ്യാ​സ് പ്ലാ​ന്റു​ക​ളും പ്ര​വ​ർ​ത്ത​ന​ര​ഹി​ത​മാ​കു​ന്ന​തി​നു കാ​ര​ണം മേ​ൽ​പ​റ​ഞ്ഞ കാ​ര്യ​ങ്ങ​ളെ പ​റ്റി സാ​ധാ​ര​ണ​ക്കാ​ർ​ക്ക് പ​രി​ജ്ഞാ​ന​മി​ല്ല എ​ന്ന​തു​കൊ​ണ്ടാ​ണ്. ഇ​നി അ​ഥ​വാ ഇ​ത്ര സ​ങ്കീ​ർ​ണ​മാ​യ കാ​ര്യ​ങ്ങ​ൾ പ​ഠി​ച്ചെ​ടു​ത്തു എ​ന്നു​ത​ന്നെ ഇ​രി​ക്ക​ട്ടെ, അ​തി​ന​നു​സ​രി​ച്ചു​ള്ള പ​രി​പാ​ല​നം ന​ട​ത്താ​നു​ള്ള സ​മ​യം ആ​രു​ടെ പ​ക്ക​ലും ഇ​ല്ല. എ​ന്നാ​ൽ ഇ​വ പ്ര​വ​ർ​ത്ത​നം മു​ട​ക്കു​മ്പോ​ൾ ആ​രെ​യെ​ങ്കി​ലും സ​മീ​പി​ക്കാം എ​ന്നു​െ​വ​ച്ചാ​ൽ അ​തി​നു​ള്ള ആ​ൾ​ക്കാ​രു​ടെ ല​ഭ്യ​ത​യും കു​റ​വാ​ണ്.

ഇ​തി​നു വേ​ണ്ടി​യു​ള്ള ഒ​രു ഡെ​ഡി​ക്കേ​റ്റ​ഡ് workforce എ​ന്ന​നി​ല​ക്കും അ​തു​പോ​ലെ റീ​സൈ​ക്കി​ൾ ചെ​യ്യാ​ൻ പ​റ്റു​ന്ന മാ​ലി​ന്യ​ങ്ങ​ൾ വീ​ണ്ടും വേ​ർ​തി​രി​ച്ച് വാ​ല്യൂ ചെ​യി​നി​ലേ​ക്ക് ക​ട​ത്താ​നും വേ​ണ്ടി​യാ​ണ് 2017ൽ ​കേ​ര​ള ഗ​വ​ണ്മെ​ന്റ് ഹ​രി​ത ക​ർ​മ​സേ​ന​ക്ക് രൂ​പം​കൊ​ടു​ത്ത​ത്. എ​ന്നാ​ൽ, ചി​ല മു​നി​സി​പ്പാ​ലി​റ്റി​ക​ളി​ലും ഗ്രാ​മ​പ​ഞ്ചാ​യ​ത്തു​ക​ളി​ലും ഒ​ഴി​കെ മി​ക്ക സ്ഥ​ല​ങ്ങ​ളി​ലും ഹ​രി​ത ക​ർ​മ​സേ​ന​ക്ക് അ​വ​രു​ടെ പ്ര​വ​ർ​ത്ത​നം മാ​ലി​ന്യം ത​രം​തി​രി​ക്ക​ലി​ന​പ്പു​റം വി​പു​ലീ​ക​രി​ക്കാ​നാ​യി​ട്ടി​ല്ല. മാ​ത്ര​മ​ല്ല തു​ച്ഛ​മാ​യ വ​രു​മാ​ന​ത്തി​ലും പ​ല​പ്പോ​ഴും മോ​ശ​മാ​യ തൊ​ഴി​ൽ സാ​ഹ​ച​ര്യ​ങ്ങ​ളി​ലുമാ​ണ് അ​വ​ർ പ​ണി​യെ​ടു​ക്കു​ന്ന​ത്. ആ​ളു​ക​ളു​ടെ സ​ഹ​ക​ര​ണ​ക്കു​റ​വും യൂ​സ​ർ​ഫീ കൊ​ടു​ക്കു​ന്ന​തി​ലു​ള്ള അ​ഭാ​വ​വും അ​വ​ർ​ക്ക് മു​ന്നി​ൽ വ​ലി​യ വെ​ല്ലു​വി​ളി​ക​ളാ​യി തു​ട​രു​ന്നു.

വ്യ​ക്തി​ഗ​ത ശേ​ഷി​യി​ൽ, മി​നി​മം ചെ​യ്യേ​ണ്ട ചി​ല കാ​ര്യ​ങ്ങ​ൾ

1. പ​ര​മാ​വ​ധി മാ​ലി​ന്യം ഉ​ൽ​പാ​ദി​പ്പി​ക്കു​ന്ന​ത് കു​റ​ക്കു​ക.

2. പു​ന​രു​പ​യോ​ഗ​ശേ​ഷി​യു​ള്ള വ​സ്തു​ക്ക​ൾ പ​ര​മാ​വ​ധി പു​ന​രു​പ​യോ​ഗി​ക്കു​ക.

3. ഉ​റ​വി​ട മാ​ലി​ന്യ​സം​സ്ക​ര​ണ​ത്തി​ൽ മേ​ൽ​പ​റ​ഞ്ഞ കാ​ര്യ​ങ്ങ​ൾ മ​ന​സ്സി​ലാ​ക്കി സാ​ങ്കേ​തി​ക​വി​ദ്യ​ക​ളെ പ​രി​പാ​ല​നം​ചെ​യ്യു​ക.

4. ഹ​രി​ത ക​ർ​മ​സേ​ന​യോ​ട് സ​ഹ​ക​രി​ച്ച് മാ​ലി​ന്യം ഉ​റ​വി​ട​ത്തി​ൽ വേ​ർ​തി​രി​ച്ചു കൊ​ടു​ക്കു​ക​യും കൃ​ത്യ​മാ​യി യൂ​സ​ർ​ഫീ കൊ​ടു​ക്കു​ക​യും ചെ​യ്യു​ക.

വി​കേ​ന്ദ്രീ​കൃ​ത മാ​ലി​ന്യ​സം​സ്ക​ര​ണ​ത്തി​ലെ മേ​ൽ​പ​റ​ഞ്ഞ പോ​രാ​യ്മ​ക​ൾ എ​ല്ലാം നി​ക​ത്തി​യാ​ലും ചി​ല മാ​ലി​ന്യ​ങ്ങ​ൾ നി​ർ​മാ​ർ​ജ​നം ചെ​യ്യാ​ൻ കേ​ന്ദ്രീ​കൃ​ത സം​വി​ധാ​ന​ങ്ങ​ൾ​ത​ന്നെ വേ​ണം. അ​തി​ന്റെ സ്കെ​യി​ൽ ഇ​ക്ക​​ണോ​മി മാ​ലി​ന്യ​ത്തി​ന്റെ അ​ള​വ് അ​നു​സ​രി​ച്ച് മാ​റും. ഉ​ദാ​ഹ​ര​ണ​ത്തി​ന് ഇ​ല​ക്ട്രോ​ണി​ക് വേ​സ്റ്റ് റീ​സൈ​ക്കി​ൾ ചെ​യ്യാ​നു​ള്ള സം​വി​ധാ​നം ഓ​രോ പ​ഞ്ചാ​യ​ത്തി​ലും തു​ട​ങ്ങേ​ണ്ട കാ​ര്യ​മി​ല്ല. ചി​ല​പ്പോ​ൾ സം​സ്ഥാ​ന​ത്തുത​ന്നെ ഒ​ന്നു മ​തി​യാ​വും. ഇ​തെ​ല്ലാം കൃ​ത്യ​മാ​യി പ്ലാ​ൻചെ​യ്ത് ചെ​യ്യേ​ണ്ട കാ​ര്യ​ങ്ങ​ളാ​ണ്.

ആ​രു ചെ​യ്യും പ്ലാ​നി​ങ്?

നി​ല​വി​ൽ ത​ങ്ങ​ളു​ടെ ഭ​ര​ണ​പ​രി​ധി​യി​ൽ വ​രു​ന്ന ഖ​ര​മാ​ലി​ന്യ​ങ്ങ​ൾ കൈ​കാ​ര്യം ചെ​യ്യേ​ണ്ട പ്രാ​ഥ​മി​ക ഉ​ത്ത​ര​വാ​ദി​ത്തം അ​ത​തു ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ൾ​ക്കാ​ണ്. എ​ന്നാ​ൽ, ഭൂ​രി​ഭാ​ഗം വ​രു​ന്ന ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ൾ​ക്കും ഇ​പ്പ​റ​ഞ്ഞ പ്ലാ​നി​ങ്ങി​നു​ള്ള കാ​ര്യ​ശേ​ഷിയുണ്ടോ എ​ന്ന് ചോ​ദി​ച്ചാ​ൽ ഇ​ല്ല എ​ന്നുത​ന്നെ പ​റ​യേ​ണ്ടി​വ​രും. എ​ന്നാ​ൽ, മ​റ്റു സം​സ്ഥാ​ന​ങ്ങ​ളെ അ​പേ​ക്ഷി​ച്ച് ഈ ​കാ​ര്യ​ശേ​ഷി ഉ​ണ്ടാ​ക്കി​യെ​ടു​ക്കാ​ൻ കേ​ര​ളം​പോ​ലൊ​രു സം​സ്ഥാ​ന​ത്തി​ന് കു​റ​ച്ചു​കൂ​ടി എ​ളു​പ്പ​മാ​ണ്. അ​ധി​കാ​ര വി​കേ​ന്ദ്രീ​ക​ര​ണ​ത്തി​ലും ജ​ന​കീ​യാ​സൂ​ത്ര​ണ​ത്തി​ലും മ​റ്റു സം​സ്ഥാ​ന​ങ്ങ​ളേ​ക്കാ​ൾ മു​ന്നി​ട്ടുനി​ൽ​ക്കു​ന്ന ഒ​രു സം​സ്ഥാ​നം എ​ന്ന നി​ല​യി​ൽ. അ​ത്ത​രം നേ​ട്ട​ങ്ങ​ൾ നാം ​മാ​ലി​ന്യ​സം​സ്ക​ര​ണ​ രം​ഗ​ത്തും പ്ര​യോ​ജ​ന​പ്പെ​ടു​ത്തേ​ണ്ട​തു​ണ്ട്.

ഇ​തി​നൊ​രു ഉ​ത്ത​മ ഉ​ദാ​ഹ​ര​ണ​മാ​ണ് canalpy എ​ന്ന പേ​രി​ൽ ആ​ല​പ്പു​ഴ​യി​ൽ ആ​രം​ഭി​ച്ച ടെ​ക്നോ​ള​ജി ആ​ൻ​ഡ് ഗ​വേ​ർ​ണ​ൻ​സ് (TAGS) ഫോ​റം എ​ന്ന സം​രം​ഭം. 2017ൽ ​ആ​ല​പ്പു​ഴ​യു​ടെ ക​നാ​ൽ ന​വീ​ക​ര​ണ​ത്തി​നാ​യി ഐ.​ഐ.​ടി ബോം​ബെ​യും കേ​ര​ള ഇ​ൻ​സ്റ്റി​റ്റ്യൂ​ട്ട് ഓ​ഫ് ലോ​ക്ക​ൽ അ​ഡ്മി​നി​സ്ട്രേ​ഷ​നും (KILA) ചേ​ർ​ന്നാ​ണ് canalpyക്ക് ​രൂ​പം​കൊ​ടു​ക്കു​ന്ന​ത്. വി​കേ​ന്ദ്രീ​കൃ​ത​മാ​യി പ്ലാ​നി​ങ് ആ​ൻ​ഡ് ഇം​പ്ലി​മെ​ന്റേ​ഷ​ൻ ന​ട​ത്താ​ൻ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളെ സ​ഹാ​യി​ക്കാ​ൻ​വേ​ണ്ടി ലോ​ക്ക​ൽ എ​ൻ​ജി​നീ​യ​റി​ങ് വി​ദ്യാ​ർ​ഥി​ക​ളെ കാ​ര്യ​ക്ഷ​മ​ത ഉ​ള്ള​വ​രാ​ക്കു​ക എ​ന്ന ല​ക്ഷ്യ​മാ​യി​രു​ന്നു ഈ ​സം​രം​ഭ​ത്തി​ന്. മാ​ലി​ന്യ​നി​ർ​മാ​ർ​ജ​ന​ത്തി​നാ​വ​ശ്യ​മാ​യ ഡേ​റ്റ ജ​ന​റേ​ഷ​ൻ, സി​റ്റു​വേ​ഷ​ൻ അ​സ​സ് മെ​ന്റ് പ​ഠ​ന​ങ്ങ​ൾ, ശു​ചി​ത്വ പ്ര​ചാ​ര​ണ പ​രി​പാ​ടി​ക​ൾ സം​ഘ​ടി​പ്പി​ക്കാ​ൻ ന​ഗ​ര​സ​ഭ​യെ സ​ഹാ​യി​ക്കു​ക എ​ന്നി​ങ്ങ​നെ സാ​ങ്കേ​തി​ക​മാ​യും ഭ​ര​ണ​പ​ര​മാ​യും സ്ഥി​തി മെ​ച്ച​പ്പെ​ടു​ത്തു​ന്ന​തി​ൽ TAGS ഒ​രു വ​ലി​യ പ​ങ്കുത​ന്നെ വ​ഹി​ച്ചി​ട്ടു​ണ്ട്.

യൂ​നി​വേ​ഴ്സി​റ്റി​ക​ളി​ൽ ഒ​തു​ങ്ങി​പ്പോ​കു​ന്ന അ​ക്കാ​ദ​മി​ക് അ​റി​വു​ക​ളും ക​ഴി​വു​ക​ളും ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ത്തി​ന്റെ പ്ര​വ​ർ​ത്ത​ന​മി​ക​വി​നുവേ​ണ്ടി ഉ​പ​യോ​ഗി​ക്കു​ക എ​ന്ന നൂ​ത​ന ആ​ശ​യ​മാ​ണ് TAGSനെ ​ന​യി​ക്കു​ന്ന​ത്. ഇ​തു​പോ​ലെ എ​ല്ലാ പ​ഞ്ചാ​യ​ത്തി​ലും മു​നി​സി​പ്പാ​ലി​റ്റി​ക​ളി​ലും പ്ലാ​ൻ ചെ​യ്യാ​ൻ ക​ഴി​വു​ള്ള സാ​ങ്കേ​തി​ക​വി​ദ​ഗ്ധ​രു​ടെ ല​ഭ്യ​ത വി​കേ​ന്ദ്രീ​കൃ​ത ആ​സൂ​ത്ര​ണ​ങ്ങ​ളു​ടെ​യും തീ​രു​മാ​ന​ങ്ങ​ളു​ടെ​യും കാ​ര്യ​ക്ഷ​മ​ത ഒ​രു പ​രി​ധി​വ​രെ മെ​ച്ച​പ്പെ​ടു​ത്താ​ൻ സ​ഹാ​യ​ക​ര​മാ​കും.

ഇ​തു​പോ​ലു​ള്ള ച​ർ​ച്ച​ക​ൾ ബ്ര​ഹ്മ​പു​ര​ത്തെ തീ ​അ​ണ​യു​ന്ന​തോ​ടൊ​പ്പം അ​ണ​യാ​നു​ള്ള​ത​ല്ല. മാ​ലി​ന്യ​ര​ഹി​ത കേ​ര​ള​ത്തി​ലേ​ക്ക് ന​മു​ക്ക് ഇ​നി​യും അ​ധി​ക​ദൂ​രം മു​ന്നോ​ട്ടുപോ​വേ​ണ്ട​തു​ണ്ട്. പൊ​തു​ജ​ന​ങ്ങ​ളു​ടെ സ​ഹ​ക​ര​ണം ഇ​തി​ൽ അ​ത്യ​ന്താ​പേ​ക്ഷി​ത​മാ​ണ്. അ​തി​നാ​യു​ള്ള ബോ​ധ​വ​ത്ക​ര​ണ പ്ര​ചാ​ര​ണ​ങ്ങ​ൾ വ​രുംദി​ന​ങ്ങ​ളി​ൽ ന​മു​ക്ക് പ്ര​തീ​ക്ഷി​ക്കാം.

(െഎ.​െ​എ.​ടി ബോം​ബെ​യി​ലെ അ​ശാ​ങ്ക്​ ദേ​ശാ​യി സെ​ന്റ​ർ ഫോ​ർ പോ​ളി​സി സ്​​റ്റ​ഡീ​സി​ൽ ഗ​വേ​ഷ​ക​യാ​ണ്​ ലേ​ഖി​ക)