കാടിറങ്ങു​ന്ന മൃഗങ്ങളും കാടു കയറുന്ന മനുഷ്യരും

വയനാടും ഇടുക്കിയുമുൾ​െപ്പടെ വനമേഖലാ പരിസരങ്ങളിൽ പതിവായി മൃഗശല്യത്തെയും ആൾനാശത്തെയും പറ്റി വാർത്തകൾ വരുന്നു. ഇതിൽ ജനരോഷം ശക്തമാണ്​. ശാസ്​ത്രീയമായി ഇൗ വിഷയത്തെ പരിശോധിക്കേണ്ടത്​ എങ്ങനെയാണ്​? എന്താണ്​ പ്രതിവിധി? പ​രി​സ്ഥി​തി-വ​നം-കാ​ലാ​വ​സ്ഥ മാ​റ്റം വ​കു​പ്പി​ന്റെ നേ​തൃ​ത്വ​ത്തി​ല്‍ ദീ​ർ​ഘ​കാ​ല വീ​ക്ഷ​ണ​ത്തോ​ടെ രാ​ജ്യ​ത്താ​കെ ഭാ​വി​യി​ലെ ആ​ക്ഷ​ൻ പ്ലാ​നാ​യി (2026-30) പുറത്തിറക്കിയ രേഖയുടെ പശ്ചാത്തലത്തിൽ മ​നു​ഷ്യ-വ​ന്യ​ജീ​വി സം​ഘ​ർ​ഷത്തെക്കുറിച്ച്​ എഴുതുന്നു. ഇൗ ചർച്ചയിലൂടെ ആഴ്ചപ്പതിപ്പ്​ മറ്റൊരു സംവാദത്തിനുകൂടി വേദിയാവുകയാണ്​.

ദി​വ​സ​വും മ​നു​ഷ്യ​ർ വ​ന്യ​ജീ​വി​ക​ളാ​ൽ ആ​ക്ര​മി​ക്ക​പ്പെ​ട്ട വാ​ർ​ത്ത​ക​ൾ നി​ര​ന്ത​രം വന്നുകൊ​ണ്ടി​രി​ക്കു​ക​യാ​ണ്. ഈ ​പ്ര​ശ്​നത്തിന്​ ഒ​രു ഒ​റ്റ​മൂ​ലി ല​ഭ്യ​മ​ല്ലാ​ത്ത​തി​നാ​ല്‍ ഇ​ത് ഇ​നിമു​ത​ല്‍ ഒ​രു നി​ത്യവാ​ര്‍ത്ത ആ​കാ​നാ​ണ് സാ​ധ്യ​ത​. കു​റ​ച്ചു വ​ർ​ഷ​ങ്ങ​ളാ​യി മ​നു​ഷ്യ​രും വ​ന്യ​മൃ​ഗ​ങ്ങ​ളും ത​മ്മി​ലു​ള്ള സം​ഘ​ർ​ഷം (Human –wild life conflict) കൂ​ടിവ​രുക​യാ​ണ്. പ്ര​ധാ​ന​മാ​യും ആന, ക​ടു​വ തു​ട​ങ്ങി​യ വ​ന്യ​മൃ​ഗ​ങ്ങ​ളാ​ണ് ഇ​തി​ല്‍ പ്ര​തി​സ്ഥാ​ന​ത്തുള്ള​ത്.

വ​ന്യ​മൃ​ഗ​ങ്ങ​ളു​ടെ ആ​ക്ര​മ​ണ​ത്തെ തു​ട​ർ​ന്ന് രാ​ജ്യ​ത്ത് റി​പ്പോ​ർ​ട്ട് ചെ​യ്യ​പ്പെ​ട്ട മ​നു​ഷ്യമ​ര​ണ​ങ്ങ​ളി​ൽ 2019-20 , 2020-21, 2021-22 വ​ർ​ഷ​ങ്ങ​ളി​ൽ ആ​ന​യു​ടെ ആ​ക്ര​മ​ണംമൂ​ലം യ​ഥാ​ക്ര​മം 585, 461, 533 പേ​രും ക​ടു​വ​യു​ടെ ആ​ക്ര​മ​ണംമൂ​ലം 50, 44, 31 പേ​രും മ​ര​ണ​പ്പെ​ട്ടു. ഇ​ന്ത്യ​യി​ല്‍ വ​ർ​ഷ​ത്തി​ൽ ആ​ന​ക​ളു​ടെ ആ​ക്ര​മണംമൂ​ലം ശ​രാ​ശ​രി 500 പേ​ർ മ​ര​ിക്കുന്നു. തി​രി​ച്ച് 100 ആ​ന​ക​ളും ചാകുന്നു. 1997ലെ ​‘മൈ​ക്’ ക​രാ​റി​ൽ (Monitoring Illegal Killing of Elephants) ഒ​പ്പുവെ​ച്ച ഒ​രു രാ​ജ്യ​മാ​ണ് ഇ​ന്ത്യ.

കേ​ര​ളത്തിൽ 10 വ​ർ​ഷ​ത്തി​നു​ള്ളി​ൽ വ​ന്യ​മൃ​ഗ​ങ്ങ​ളു​ടെ ആ​ക്ര​മ​ണം മൂ​ലം 1310 പേ​ർ മ​ര​ിച്ചിട്ടുണ്ട്. എ​ട്ടു വ​ർ​ഷ​ത്തി​നു​ള്ളി​ൽ 70 കോ​ടി​യു​ടെ കൃ​ഷി​നാ​ശം ഉ​ണ്ടാ​യി​ട്ടു​ണ്ട്. 2022-23 വ​ർ​ഷ​ത്തി​ൽ കേ​ര​ള​ത്തി​ൽ റി​പ്പോ​ർ​ട്ട് ചെ​യ്യ​പ്പെ​ട്ട 8873 വ​ന്യ​ജീ​വി ആ​ക്ര​മ​ണ​ങ്ങ​ളി​ൽ 4193 എ​ണ്ണം ആ​നമൂ​ല​വും 244 എ​ണ്ണം ക​ടു​വ​ക​ളും 1524 എ​ണ്ണം കാ​ട്ടു​പ​ന്നി​ക​ളും 32 എ​ണ്ണം കാ​ട്ടുപോ​ത്ത് മൂ​ല​വും ആ​യി​രു​ന്നു. ഫോ​റ​സ്റ്റ് ഡി​പ്പാ​ർ​ട്മെന്റ്​ പു​റ​ത്തുവി​ട്ട റി​പ്പോ​ർ​ട്ടു​ക​ൾപ്ര​കാ​രം കേ​ര​ള​ത്തി​ൽ 1004 പ്ര​ദേ​ശ​ങ്ങ​ൾ സം​ഘ​ർ​ഷസാ​ധ്യ​ത ഉ​ള്ള​താ​യി രേ​ഖ​പ്പെ​ടു​ത്തി​യി​ട്ടു​ണ്ട്. വ​യ​നാ​ട്, ക​ണ്ണൂ​ർ, ഇ​ടു​ക്കി, തൃ​ശൂ​ർ, പാ​ല​ക്കാ​ട് ജി​ല്ല​ക​ളി​ലാ​ണ് ഈ ​പ്ര​ദേ​ശ​ങ്ങ​ൾ ഉ​ള്ള​ത്.

വ​ന്യ​ജീ​വി സം​ഘ​ർ​ഷ​ങ്ങ​ൾമൂ​ലം വ​ന​മേ​ഖ​ല​യി​ൽ താ​മ​സി​ക്കു​ന്ന ജ​ന​ങ്ങ​ൾ​ക്ക് അ​വ​രു​ടെ​യും വ​ള​ർ​ത്ത​ുമൃഗ​ങ്ങ​ളു​ടെ​യും ജീ​വ​നു​ക​ളും സ്വ​ത്തും വി​ള​യും ന​ശി​പ്പി​ക്ക​പ്പെ​ടു​ന്ന​തി​നാ​ൽ കോ​ടി​ക​ളു​ടെ ന​ഷ്ടം സം​ഭ​വി​ച്ചുകൊ​ണ്ടി​രി​ക്കു​ന്ന​ത് വ​ര്‍ഷ​ങ്ങ​ളാ​യി കൂ​ടി​വ​രുക​യാ​ണ്. വ​ന്യ​മൃ​ഗ​ങ്ങ​ളു​ടെ ആ​ക്ര​മ​ണം ഭ​യ​ന്ന് ജ​ന​ങ്ങ​ൾ വീ​ട്ടി​ൽനി​ന്ന് പു​റ​ത്തി​റ​ങ്ങാ​ൻപോ​ലും മ​ടി​ച്ചി​രി​ക്ക​യാ​ണ്. ഇ​ത് ജ​ന​ങ്ങ​ളി​ൽ വ​ന​ങ്ങ​ള്‍ക്കും വ​ന​ജീ​വി​ക​ൾക്കുമെ​തി​രെ ശ​ത്രു​ക്ക​ൾ​ക്കെ​തി​രെയെ​ന്നപോ​ലെ അ​സ​ഹി​ഷ്ണു​ത കൂ​ട്ടുന്നു. പ​ണ്ടു​ണ്ടാ​യി​രു​ന്ന സ​ഹ​വ​ർ​ത്തി​ത്വ​ത്തിന്റെ ​വ​ഴി​ തു​റ​ന്ന സം​ഘ​ർ​ഷ​ത്തി​ലേ​ക്ക് നീ​ളുകയും ചെ​യ്യുന്നു.

ഭൂ​മി​യി​ല്‍ ​മനു​ഷ്യ​​ന്റെ അ​തി​ജീ​വ​ന​ത്തി​നും ഉ​പ​ജീ​വ​ന​ത്തി​നും സ​ന്തു​ഷ്ട​ത​ക്കും അ​ടി​സ്ഥാ​ന​മാ​യ ആ​വാ​സ​വ്യ​വ​സ്ഥ​യു​ടെ നി​ല​നി​ൽ​പ്പി​ന് വ​ന​ങ്ങ​ളും ജ​ന്തു​ജാ​ല​ങ്ങ​ളും ചേ​ർ​ന്ന ജൈ​വ​വൈ​വി​ധ്യം അ​ടി​സ്ഥാ​ന​മാ​ണ്. മ​നു​ഷ്യ​രു​ടെ​യും മൃ​ഗ​ങ്ങ​ളു​ടെ​യും എ​ണ്ണം കൂ​ടു​ന്ന​തി​ന​നു​സ​രി​ച്ചും, മാ​റി​ക്കൊ​ണ്ടി​രി​ക്കു​ന്ന കൃ​ഷി ആ​വ​ശ്യ​ങ്ങ​ൾ​ക്കും അ​വ​യു​ടെ സ്വ​ഭാ​വ​ത്തി​ന് അ​നു​സ​രി​ച്ചും നി​ര​ന്ത​രം വ്യാ​പി​പ്പി​ക്കു​ന്ന ഖ​ന​ന-വ്യ​വ​സാ​യ ആ​വ​ശ്യ​ങ്ങ​ൾ​ക്കും മ​നു​ഷ്യ​ർ കൂ​ടു​ത​ൽ കൂ​ടു​ത​ൽ ക​ട​ന്ന് കയറി വനത്തി​െൻറ വി​സ്തൃ​തി​യും വൈ​വി​ധ്യ​വും കു​റ​ച്ചുകൊ​ണ്ടി​രി​ക്ക​യാ​ണ്. ഈ ​അ​വ​സ്ഥ​യി​ൽ ര​ണ്ട് വി​ഭാ​ഗ​ങ്ങ​ളും ത​ങ്ങ​ളു​ടെ നി​ല​നി​ൽ​പി​ന് ആ​ത്യാ​വ​ശ്യ​മാ​യ ജൈ​വ​പ​ര​മോ സാ​മ്പ​ത്തി​കപ​ര​മോ ആ​യ പ​രി​മി​ത​മാ​യ ഒ​രേ ഇ​ട​ത്തി​ലെ പ്ര​കൃ​തിവി​ഭ​വ​ങ്ങ​ള്‍ക്കാ​യി പ​ര​സ്പ​രം മ​ത്സ​രം ഉ​ണ്ടാ​കു​ന്ന​താ​ണ് സം​ഘ​ർ​ഷ​ത്തി​​ന്റെ അ​ടി​സ്ഥാ​ന​ കാ​ര​ണം.

സം​ഘ​ർ​ഷ​ഭ​രി​ത​മാ​യ അ​വ​സ്ഥ​യി​ൽ മ​നു​ഷ്യ​രും വി​വേ​ച​ന ശേ​ഷിയി​ല്ലെ​ന്ന് ക​രു​തു​ന്ന മി​ണ്ടാ​പ്രാ​ണി​ക​ളാ​യ വ​ന്യ​ജീ​വി​ക​ളും ര​ണ്ടുചേ​രി​യാ​യി തി​രി​ഞ്ഞു പ​ര​സ്പ​ര​വി​രു​ദ്ധ​മാ​യ ആ​വ​ശ്യ​ങ്ങ​ൾ​ക്കും താ​ൽ​പ​ര്യ​ങ്ങ​ൾ​ക്കും വേ​ണ്ടി ഒ​രി​ട​ത്ത് നി​ല​നി​ൽ​ക്കുന്നു. ഇൗ അവസ്​ഥയിൽ മ​നു​ഷ്യ​രെയും വ​ന്യ​ജീ​വി​ക​ളെ​യും സം​ഘ​ർ​ഷ​ങ്ങ​ളി​ൽനി​ന്ന് ര​ക്ഷ​പ്പെ​ടു​ത്തു​ന്ന​തി​ന് കൈ​യ​ടി​ക​ള്‍ കി​ട്ടു​ന്ന താ​ൽക്കാ​ലി​ക എ​ടു​ത്തുചാ​ട്ട​ങ്ങ​ള്‍ക്ക്‌ അ​പ്പു​റം ശാ​സ്ത്രീ​യ​മാ​യ സ​മ​വാ​യ നി​ല​പാ​ടു​ക​ൾത​ന്നെ വേ​ണ്ടിവ​രും.

മ​നു​ഷ്യ​രും വ​ന്യ​ജീ​വി​ക​ളും ത​മ്മി​ലു​ള്ള സം​ഘ​ര്‍ഷ​ങ്ങ​ള്‍ക്ക് പ്ര​ധാ​ന​മാ​യും കാ​ര​ണ​മാ​കു​ന്ന​ത് കാ​ല​ങ്ങ​ളാ​യി​ട്ടു​ള്ള, തി​ക​ച്ചും ആ​ന്ത്രോ​പോ​ജ​നി​ക്കുമായ (മ​നു​ഷ്യനി​ർ​മിത​ം) ആവാ​സ​വ്യ​വ​സ്ഥ​യു​ടെ സ​മ്മ​ർ​ദങ്ങ​ളും ഭൂ​പ്ര​കൃ​തി​യി​ൽ ഉ​ണ്ടാ​ക്കു​ന്ന മാ​റ്റങ്ങ​ളു​മാണ്. ഇ​തി​ന് രോ​ഗ​ല​ക്ഷ​ണ​ങ്ങ​ളെമാ​ത്രം ക​ണ്ട് ചി​കി​ത്സി​ക്കാ​തെ അ​ടി​സ്ഥാ​ന കാ​ര​ണ​ങ്ങ​ൾ ക​ണ്ടെ​ത്തി പ​രി​ഹാ​ര​ം തേടണം.

അ​തി​നാ​ൽത​ന്നെ ഇ​പ്പോ​ൾ ന​ട​ത്ത​പ്പെ​ടു​ന്ന വി​ക​സ​ന​ത്തി​ന്റെ​യും, ജൈ​വ​വൈ​വി​ധ്യം നി​ല​നി​ർ​ത്തു​ന്ന ഏ​തു​ത​രം ച​ർ​ച്ച​ക​ളി​ലും ഈ ​വ​ന്യ​ജീ​വിസം​ഘ​ർഷ പ്ര​ശ്നം ല​ഘൂ​ക​രി​ക്കു​ന്ന​ത് ഒ​രു പ്ര​ധാ​ന വി​ഷ​യ​മാ​യി വ​രേ​ണ്ടതു​ണ്ട്. ഇ​ന്ത്യ​യി​ലാ​കെ ഇ​ത്ത​രം വ​ന്യ​ജീ​വി സം​ഘ​ർ​ഷ​ങ്ങ​ൾ ല​ഘൂക​രിക്കു​ന്ന​തി​ന് ബ​ന്ധ​പ്പെ​ട്ട വി​ഷ​യ​ങ്ങ​ളി​ലെ വി​ദ​ഗ്ധ​ർ ചേ​ർ​ന്ന് പ​രി​സ്ഥി​തി-വ​നം-കാ​ലാ​വ​സ്ഥ മാ​റ്റം വ​കു​പ്പി​ന്റെ നേ​തൃ​ത്വ​ത്തി​ല്‍ ദീ​ർ​ഘ​കാ​ല വീ​ക്ഷ​ണ​ത്തോ​ടെ ആ​ക്ഷ​ൻ പ്ലാ​നാ​യി (2026 -30) ഒ​രു രേ​ഖ ത​യാ​റാ​ക്കി​യി​ട്ടു​ണ്ട്. പു​റ​മെ അ​ധി​കം ച​ർ​ച്ചചെ​യ്യ​പ്പെ​ടാ​ത്ത ഈ ​രേ​ഖ​യു​ടെ വാ​യ​ന​യി​ൽ വി​ദ​ഗ്ധ​ർ മു​ന്നോ​ട്ടുവെ​ച്ച അ​ടി​സ്ഥാ​ന വി​വ​ര​ങ്ങ​ളും അ​നു​ബ​ന്ധ ചി​ന്ത​ക​ളു​മാ​ണ് ഈ ​ലേ​ഖ​ന​ത്തി​​ന്റെ ആ​ധാ​രം.

വ​ന്യജീ​വി സം​ഘ​ർ​ഷ​ങ്ങ​ൾ ല​ഘൂ​ക​രി​ക്കാ​ൻ മൂ​ന്ന് രീതി​യി​ലു​ള്ള സ​മീ​പ​ന​മാ​ണ് രേ​ഖ​യി​ൽ വി​ദ​ഗ്ധ​ർ സ്വീ​ക​രി​ച്ചി​ട്ടു​ള്ള​ത്. ഒ​ന്നാ​മ​താ​യി, മ​നു​ഷ്യ​രും വ​ന്യ​ജീ​വി​ക​ളു​മാ​യി ഇ​ട​പെ​ടു​മ്പോ​ഴു​ള്ള പ്ര​തി​കൂ​ല പ്ര​ത്യാ​ഘാ​ത​ങ്ങ​ൾ കു​റ​ക്കാ​നാ​യി താ​ല്‍ക്കാ​ലി​ക ‘ബാ​ന്‍ഡ് എ​യ്​ഡ്’ ചി​കി​ത്സ​ക​ള്‍ക്കു പ​ക​രം അ​വ​യു​ടെ അ​ടി​സ്ഥാ​ന കാ​ര​ണ​ങ്ങ​ളെ ക​ണ്ടെ​ത്തു​ക​യും ഇ​വ​യി​ൽ ഉ​ൾ​പ്പെ​ടു​ന്ന വി​വി​ധ മേ​ഖ​ല​ക​ളി​ലെ (വ​നം, മൃ​ഗസം​ര​ക്ഷ​ണം, പ​രി​സ്ഥി​തി, കാ​ലാ​വ​സ്ഥ മാ​റ്റം, കൃ​ഷി, ആ​രോ​ഗ്യം തു​ട​ങ്ങി​യ) വൈ​ദ​ഗ​്ധ്യ സ​ഹാ​യ​ത്തോ​ടെ പ​രി​ഹാ​ര​ത്തി​ന് ശ്ര​മി​ക്കുക​യും വേ​ണം.

ര​ണ്ടാ​മ​തായി, ​ഇ​തി​നാ​യി ഇ​പ്പോ​ള്‍ ലോ​ക​ത്ത് ല​ഭ്യ​മാ​യി​ട്ടു​ള്ള ആ​ധു​നി​ക​മാ​യ സാ​ങ്കേ​തി​കവി​ദ്യ​ക​ൾ​ക്ക് ഒ​പ്പംത​ന്നെ വ​നപ്ര​ദേ​ശ​ത്ത് ത​ല​മു​റ​ക​ളാ​യി ജീ​വി​ച്ചുവ​രു​ന്ന വന​വാ​സി-ഗോ​ത്ര വി​ഭാ​ഗ​ങ്ങ​ളി​ലു​ള്ള​വ​രു​ടെ പാ​ര​മ്പ​ര്യ​മാ​യ അ​റി​വു​ക​ളും നാ​ട​ന്‍ സാ​ങ്കേ​തി​ക​വി​ദ്യ​ക​ളും ഉ​പ​യോ​ഗി​ക്ക​ണം. മൂ​ന്നാ​മ​താ​യി, മ​നു​ഷ്യ​രു​ടെ മാ​ത്രം താ​ൽപ​ര്യ​ങ്ങ​ള്‍ പ​രി​ഗ​ണി​ച്ച് വ​ന്യജീ​വി​ക​ളുടെ നി​ല​നി​ൽപ് അ​വ​ഗ​ണി​ച്ച് ഏ​ക​പ​ക്ഷീയ​മ​ല്ലാ​തെ ര​ണ്ട് ഭാ​ഗ​ത്തും ആ​ഘാ​ത​ങ്ങ​ൾ കു​റ​ക്കു​ന്ന​ത് പ​രി​ഗ​ണി​ച്ചാ​യി​രി​ക്ക​ണം പ്ര​വ​ർ​ത്ത​ന​ം.

ഇ​തി​നാ​യി വി​വി​ധത​ല​ത്തി​ല്‍ ജ​ന​ങ്ങ​ളു​ടെ ഭാ​ഗ​ത്ത് തു​ട​ർ​ച്ച​യാ​യ ബോ​ധ​വ​ത്ക​ര​ണ പ​രി​പാ​ടി​ക​ളും അ​ക്ര​മ​ങ്ങ​ള്‍ കു​റ​ക്കാ​നു​ള്ള സു​ര​ക്ഷ, പ്ര​തി​രോ​ധ ന​ട​പ​ടി​ക​ളും ഉ​ണ്ടാ​കു​ന്ന ആ​ഘാ​ത​ങ്ങ​ൾ​ക്ക് ത​ക്ക​താ​യ ന​ഷ്ട​പ​രി​ഹാ​രവും വേ​ണ്ട​തു​ണ്ട് എ​ന്നൊ​ക്കെ​യാ​ണ് ഇ​തി​ലെ പ്ര​ശ്ന സ​മീ​പ​ന രീ​തി​ക​ള്‍.

അ​ടി​സ്ഥാ​നപ​ര​മാ​യി ചി​ല മാ​ർ​ഗ​നി​ർ​ദേ​ശ​ക (ഗൈ​ഡി​ങ്) ത​ത്ത്വങ്ങ​ൾ ആ​ദ്യ​മേ മു​ന്നി​ല്‍വെ​ച്ച് അ​തി​നെ അ​വ​ലം​ബി​ച്ചാ​ണ് പി​ന്നി​ടു​ള്ള പ്ര​വ​ർത്ത​ന​ങ്ങ​ള്‍ നി​ര്‍ദേ​ശി​ക്കു​ന്ന​ത്. ഇ​ത് പ്ര​കാ​രം ആ​ദ്യംത​ന്നെ ഉ​ദ്ദേ​ശി​ക്കു​ന്ന​ത് മ​നു​ഷ്യ​രും വ​ന്യ​ജീ​വി​ക​ളും ത​മ്മി​ൽ ഒ​രു പ്ര​ദേ​ശ​ത്ത് പ​ര​സ്പ​രം യോ​ജി​ച്ചു​ള്ള സ​ഹ​വ​ർ​ത്തി​ത്വ​മാ​ണ്. അ​തി​നാ​ല്‍ത​ന്നെ ഇ​ത് പ്ര​കൃ​തി​യി​ൽ മ​നു​ഷ്യ​രു​ടെ​യും വ​ന്യ​ജീ​വി​ക​ളു​ടെ​യും അ​ടി​സ്ഥാ​ന ആ​വ​ശ്യ​ങ്ങ​ൾ ഒ​രു​പോ​ലെ തു​ല​നംചെ​യ്ത് പ​രി​ഗ​ണി​ക്കു​ന്ന​വി​ധ​ത്തി​ലാ​യി​രി​ക്ക​ണം പ​രി​ഹാ​ര​ങ്ങ​ൾ എ​ന്ന ആ​ശ​യ​ത്തെ​യും മു​ന്നോ​ട്ടുവെ​ക്കു​ന്നു​ണ്ട്.

പ്ര​ശ്ന​പ​രി​ഹാ​ര​ത്തി​നാ​യി എ​ടു​ക്കു​ന്ന ന​ട​പ​ടി​കൾ ​ഏ​തു ത​ര​ത്തി​ലു​ള്ള​താ​യാ​ലും അ​ത് പ്ര​ശ്ന​ത്തി​ന്റെ, ഇ​രു​വി​ഭാ​ഗ​ത്തി​ന്റെ​യും എ​ല്ലാ വ​ശ​വും പ​രി​ശോ​ധി​ച്ച് ഹോ​ളി​സ്റ്റി​ക് സ​മ​ഗ്ര സ​മീ​പ​ന​ത്തി​ലു​ള്ളതാ​യി​രി​ക്ക​ണം എ​ന്നാ​ണ് ഇ​തി​ലെ കാ​ഴ്ച​പ്പാ​ട്. ഒ​രു ഭാ​ഗ​ത്ത് വ​ന​ത്തെ​യും വ​ന്യജീ​വി​ക​ളെ​യും പ​രിര​ക്ഷി​ക്കു​മ്പോ​ഴും മ​റു​ഭാ​ഗ​ത്ത്‌ ഇ​വ​യൊ​ക്കെ ഏതു വി​ധേ​നയും മ​നു​ഷ്യ​രു​ടെ ജീ​വ​നും സ്വ​ത്തി​നും നാ​ശ​ന​ഷ്ട​ങ്ങ​ൾ കു​റ​ക്കാ​ൻ ഏ​റ്റ​വും ന​ന്നാ​യി ഉ​പ​ക​രി​ക്കു​ന്ന​തുമാ​ക​ണം.

വ​ന്യജീ​വി​ക​ളു​ടെ സ്വ​ഭാ​വ​രീ​തിപ്ര​കാ​രം ആ​ന, ക​ടു​വ തു​ട​ങ്ങി​യവ ഒ​രു ഭൂ​പ്ര​ദേ​ശ​ത്ത് വി​ശാ​ല​മാ​യി പ​ര​ന്നുകി​ട​ക്കു​ന്ന​തി​നാ​ലും പ്ര​കൃ​തി​യി​ൽ അ​വ​ർ​ക്ക് മ​നു​ഷ്യ​രെപ്പോ​ലെ ഭ​ര​ണപ​ര​മാ​യ​തോ രാ​ഷ്ട്രീ​യ​പ​ര​മാ​യ​തോ ആ​യ അ​തി​ർ​ത്തി​ക​ൾ ബാ​ധ​ക​മ​ല്ലാ​ത്ത​തി​നാ​ലും നി​ല​വി​ലു​ള്ള ഭ​ര​ണ​പ​ര​മാ​യ റ​വ​ന്യൂ അ​തി​ർ​ത്തി​ക​ൾ​ക്കു​മ​പ്പു​റം ഭൂ​പ്ര​കൃ​തിക്ക​നു​സ​രി​ച്ച് (Landscape) സ​മീ​പ​ന​രീ​തി​യി​ല്‍ രൂ​പ​പ്പെ​ടു​ത്തി​യതാ​യി​രി​ക്ക​ണം ഇ​തോ​ട​നു​ബ​ന്ധി​ച്ച ഭാ​വി​യി​ലെ നി​യ​ന്ത്ര​ണ പ്ര​വ​ർ​ത്ത​ന​ങ്ങ​ളും ന​ട​പ​ടി​ക്ര​മ​ങ്ങ​ളും. ഇ​തി​ന​ർഥം വി​വി​ധ സം​സ്ഥാ​ന​ങ്ങ​ളും അ​തി​ലെ ജി​ല്ല അ​ധി​കാ​രി​ക​ളും വി​വി​ധ വ​കു​പ്പു​ക​ളി​ലെ ഉ​ദ്യോഗ​സ്ഥ​രും യോ​ജി​ച്ചുവേ​ണം ഇ​തി​ല്‍ പ്ര​വ​ർത്തി​ക്കേ​ണ്ടത് എ​ന്ന​താ​ണ്.

സ​ര്‍ക്ക​ാറിന്റെയും ഉ​ദ്യോ​ഗ​സ്ഥ​​രു​ടെ​യും പ​തി​വ് പ്ര​വ​ർ​ത്ത​ന​രീ​തിപോ​ലെ മു​ക​ളി​ൽനി​ന്ന് താ​ഴേ​ക്ക് അ​ടി​ച്ചേ​ൽ​പി​ക്കുന്നത് അ​ല്ലാ​ത്ത​വ​യും, താ​ഴെ​യു​ള്ള​വ​രെ​യും പ്ര​ാദേ​ശി​കവാ​സി​ക​ളെ​യും ഉ​ൾ​പ്പെ​ടു​ത്തി​ പ​ങ്കാ​ളി​ത്ത സ​മീ​പ​ന​ത്തി​ലൂ​ടെ​യുമായി​രി​ക്ക​ണം ഇ​വ വി​ഭാ​വ​നം ചെ​യ്യ​പ്പെ​ടേ​ണ്ട​ത്. പ്രാ​ദേ​ശി​ക സ​ര്‍ക്കാ​റുക​ളും ജ​ന​പ്ര​തി​നി​ധി​ക​ളും ഊ​രു​കൂ​ട്ട​ങ്ങ​ളും വ​ന​പാ​ല​ക​രും കാ​ടി​നെ ആ​ശ്ര​യി​ച്ചു ക​ഴി​യു​ന്ന​വ​രും ഇ​തി​ല്‍ ഒ​രു​പോ​ലെ പ​ങ്കാ​ളി​ക​ളാക​ണം. ഇ​തി​നാ​യി ആ​ദി​വാ​സി മേ​ഖ​ല​ക​ളി​ല്‍ പ​ല​യി​ട​ത്തും ന​ട​പ്പാക്കാ​ന്‍ മ​റ​ന്നുപോ​യ വ​നാ​വ​കാ​ശ നി​യ​മം (Forest right act 2006) ഇ​വി​ടെ സ​ജീ​വ​മാ​കേ​ണ്ടതു​ണ്ട്.

ഇ​തോ​ടൊ​പ്പംത​ന്നെ സാ​ധ​ാര​ണ ജ​ന​ങ്ങ​ളി​ലും സ​ർ​ക്കാ​ർ വി​ഭാ​ഗ​ങ്ങ​ളി​ലെ ജീ​വ​ന​ക്കാ​രി​ലും (വ​നം, മൃ​ഗ​സം​ര​ക്ഷ​ണം, പ​രി​സ്ഥി​തി, ആ​ദി​വാ​സി, പ്രാ​ദേ​ശി​ക സ​ർ​ക്കാ​റു​ക​ൾ തു​ട​ങ്ങി​യ) എ​ല്ലാ​ത​ല​ത്തി​ലും ഇ​തി​നാ​യി ബോ​ധ​വ​ത്ക​ര​ണം, കാ​ര്യ​ശേ​ഷി വ​ർ​ധ​ന​ക്കുള്ള ടൂ​ളു​ക​ളും വി​ക​സി​പ്പി​ക്ക​ണം. ഇ​തി​നാ​യി വി​വി​ധ ത​ല​ങ്ങ​ളി​ല്‍ തു​ട​ര്‍ പ​രി​ശീ​ല​ന​ങ്ങ​ള്‍ വേ​ണ്ട​തു​ണ്ട്. ഇ​തൊ​ക്കെ​യാ​ണ് ഇ​തി​ന്റെ പ്ര​ധാ​ന മാ​ർ​ഗ​നി​ർ​ദേശ​ക(ഗൈ​ഡി​ങ് ) ത​ത്ത്വങ്ങ​ൾ.

ചാ​ല​കശ​ക്തി​ക​ൾ

പ്ര​ശ്ന​ത്തി​​ന്റെ പ​രി​ഹാ​ര​ങ്ങ​ൾ തേ​ടു​മ്പോ​ൾ ഒ​ന്നാ​മ​താ​യി കാ​ലാ​കാ​ല​മാ​യി മ​നു​ഷ്യ​ർ തു​ട​രു​ന്ന പ്ര​വൃ​ത്തി​ക​ളും അ​വ പ്ര​കൃ​തി​യി​ലും കാ​ലാ​വ​സ്ഥ​യി​ലും ആ​വാ​സ​വ്യ​വ​സ്ഥ​യി​ലും ഉ​ണ്ടാ​ക്കു​ന്ന മാ​റ്റ​ങ്ങ​ളുമാണ് ഈ ​സം​ഘ​ർ​ഷ​ങ്ങ​ളു​ടെ കാ​ര​ണ​മാ​യ ചാ​ല​കശ​ക്തി​ക​ൾ (Driving force) എ​ന്നു കാ​ണാം. ഇ​വ​യെ തി​രി​ച്ച​റി​ഞ്ഞു മു​ന്‍ഗ​ണ​ന​ക​ള്‍ ന​ല്‍കി പ​രി​ഹാ​ര ന​ട​പ​ടി​ക​ള്‍ എ​ടു​ക്ക​ണം. ര​ണ്ടാ​മ​താ​യി, ഈ ​ചാ​ല​ക​ശ​ക്തി​ക​ൾ ആ​വാ​സ​വ്യ​വ​സ്ഥ​യി​ൽ ഉ​ണ്ടാ​ക്കു​ന്ന ചി​ല സ​മ്മ​ർ​ദങ്ങ​ളാണ് (Pressure) സം​ഘ​ർ​ഷ​ങ്ങ​ളി​ലേ​ക്ക് ന​യി​ക്കു​ന്ന​തെന്നും കാ​ണാം. അ​തി​നാ​ൽ, ഈ ​സ​മ്മ​ർദ​ങ്ങ​ൾ കൂ​ടിവ​ന്നു മ​നു​ഷ്യ​ർ​ക്കി​ട​യി​ലും വ​ന്യ​ജീ​വി​ക​ളി​ലും തു​ട​ര്‍ സം​ഘ​ർ​ഷ​ങ്ങ​ളി​ലേ​ക്ക് എ​ത്ത​പ്പെ​ടു​ന്ന ചി​ല അ​വ​സ്ഥ (State) ക​ളി​ലേ​ക്ക് ന​യി​ക്കു​ന്നു.

ഇ​ത്ത​രം അ​വ​സ്ഥ​ക​ൾ സം​ഘ​ർ​ഷ​ങ്ങൾ ഉ​ണ്ടാ​കാ​നു​ള്ള സാ​ധ്യ​ത​ക​ൾ (Vulnerability) കൂ​ട്ടു​ക​യും ചെ​യ്യു​ന്നു​ണ്ട്. ഇ​ത് ആ​ന്ത്രോ​പോ​ജെ​നി​ക് ആ​യി ന​ട​ന്നുകൊ​ണ്ടി​രി​ക്കു​ന്ന ചാ​ക്രി​കമാ​യ പ്ര​ക്രി​യയാ​ണ്. വ​ന​മേ​ഖ​ല​ക​ളി​ൽ ആ​വാ​സ​വ്യ​വ​സ്ഥ​യി​ൽ ഉ​ണ്ടാ​ക്കു​ന്ന സ​മ്മ​ർ​ദ​ങ്ങ​ൾ കു​റ​ക്കാനും, അ​നു​കൂ​ല​മാ​യ അ​വ​സ്ഥ​ക​ൾ നി​ര​ന്ത​രം മോ​ണി​റ്റ​ർ ചെ​യ്ത് സം​ഘ​ര്‍ഷസാ​ധ്യ​ത​ക​ൾ ഉ​ണ്ടാ​കു​ന്ന​ത് കു​റ​ക്കാ​നും നി​ര​ന്ത​രം ശ്ര​മ​ങ്ങൾ ​വേ​ണ്ട​തു​ണ്ട്.

വി​ദ​ഗ്ധ​സ​മി​തി സം​ഘ​ർ​ഷ​ങ്ങ​ൾ ഉ​ണ്ടാ​കാ​നു​ള്ള ചാ​ല​ക​ശ​ക്തി കാ​ര​ണ​ങ്ങ​ളാ​യി ലി​സ്റ്റ് ചെ​യ്യപ്പെ​ട്ടി​​ട്ടു​ള്ള​വയി​ല്‍ പ്ര​ധാ​ന​മാ​യി​ട്ടു​ള്ള​ത് ഇ​വ​യൊ​ക്കെ​യാ​ണ്: വ​ര്‍ഷ​ങ്ങ​ള്‍ ക​ഴി​യും​തോ​റും മ​നു​ഷ്യ​രി​ൽ ഉ​ണ്ടാ​കു​ന്ന ജ​ന​സം​ഖ്യ വ​ർ​ധ​ന​യും വി​വി​ധ ഭൂ​പ്ര​ദേ​ശ​ങ്ങ​ളി​ൽ ആ​ളു​ക​ളു​ടെ സാ​ന്ദ്ര​ത​യി​ലും വി​ന്യാ​സ​ത്തി​ലും ഡി​സ്പേ​ഴ്‌​സ​ലി​ലും (വി​ത​ര​ണ​ം) ഉ​ണ്ടാ​യിക്കൊ​ണ്ടി​രി​ക്കു​ന്ന വ്യ​ത്യാ​സ​ങ്ങ​ൾ. ഫു​ഡ് ചെ​യി​നി​ലെ വ്യ​ത്യാ​സ​ങ്ങ​ള്‍ അ​നു​സ​രി​ച്ച് വ​ന​ങ്ങ​ളി​ലെ മൃ​ഗ​ങ്ങ​ളി​ലും ഇ​തു​പോ​ലെ എ​ണ്ണം​ കൂ​ടു​ത​ലും സാ​ന്ദ്ര​ത കൂ​ടു​ത​ലും ഉ​ണ്ടാ​കാം. മാ​റു​ന്നകാ​ല​ത്തെ ജ​ന​ങ്ങ​ളി​ലെ ജീ​വി​ത​ശൈ​ലി​ക​ളി​ലെ​യും തൊ​ഴി​ലു​ക​ളി​ലെ​യും മാ​റ്റ​ങ്ങ​ൾ, ഒ​പ്പം ഇ​വ​യെ സ്വാ​ധീനി​ക്കു​ന്ന സാ​മ്പ​ത്തി​ക​മാ​യി ജ​ന​ങ്ങ​ളി​ലെ ഉ​യ​ർ​ന്ന അ​ഭി​ലാ​ഷ​ങ്ങ​ൾ ഇ​വ​യൊ​ക്കെ കൂ​ടു​ത​ൽ ഭൂ​പ്ര​ദേ​ശ​ങ്ങൾ വെ​ട്ടി​പ്പിടി​ക്കാ​നും വ​ന​ങ്ങ​ളെ ന​ശി​പ്പി​ക്കാ​നും മ​നു​ഷ്യ​ര്‍ക്ക്‌ പ്രേ​ര​ക​മാ​കു​ന്നു​ണ്ട്.

മു​ത​ലാ​ളിത്ത വ്യ​വ​സ്ഥ​യി​ല്‍ പു​തി​യ വി​ക​സ​ന പ​രി​പ്രേ​ക്ഷ്യ​ത്തി​ൽ ജ​ന​ങ്ങ​ളി​ൽ പൊ​തു​ബോ​ധ​മാ​യി സൃ​ഷ്ടി​ച്ചെ​ടു​ത്തി​ട്ടു​ള്ള വ​ന്യ​ജീ​വി​ക​ൾ, വ​ന​ങ്ങ​ൾ, കാ​ലാ​വ​സ്ഥ മാ​റ്റം, ദു​ര​ന്ത​ങ്ങ​ൾ ഇ​വ​യെ​ക്കു​റി​ച്ചു​ള്ള ല​ഘൂ​ക​രി​ക്ക​പ്പെ​ട്ട മ​നോ​ഭാ​വ​ങ്ങൾ മേ​ൽപ​റ​ഞ്ഞ അ​വ​സ്ഥ​ക​ളെ വ​ര്‍ത്ത​മാ​നകാ​ല​ത്ത് പോ​ഷി​പ്പി​ക്കു​ന്നു​ണ്ട്. ഇ​തി​നോ​ടൊ​പ്പംത​ന്നെ ത്വ​രി​ത​മാ​യി ന​ട​ത്ത​പ്പെ​ടു​ന്ന ഭൂ​വി​നി​യോ​ഗ​ത്തി​ലെ മാ​റ്റ​ങ്ങ​ൾ, ന​ഗ​ര​വി​ക​സ​നം, നി​ർ​മാ​ണ പ്ര​വ​ർ​ത്ത​ന​ങ്ങ​ൾ, ഖ​ന​ന/ വ്യ​വ​സാ​യ പ്ര​വ​ൃ​ത്തി​ക​ൾ, ടൂ​റി​സം എ​ല്ലാം ആ​വാ​സ​വ്യ​വ​സ്ഥ​ക​ളെ ബാ​ധി​ക്കുന്ന​താ​ണ്.

ത്വ​രി​തസാ​മ്പ​ത്തി​ക വി​ക​സ​ന​മെ​ന്ന ല​ക്ഷ്യ​ത്തി​ൽ ഊ​ന്നി​യ ഈ ​മേ​ഖ​ല​ക​ളുമാ​യി ബ​ന്ധ​പ്പെ​ട്ട ഭ​ര​ണ​പ​ര​മാ​യ എ​ല്ലാ ന​യ​മാ​റ്റ​ങ്ങ​ളും നി​യ​മഭേ​ദ​ഗ​തി​ക​ളും നി​ല​വി​ല്‍ ഒ​രു സ്ഥ​ല​ത്തെ വ​ന​മേ​ഖ​ല​ക​ളു​ടെ വി​സ്തൃ​തി​യോ ഗു​ണ​മോ കു​റ​ക്കു​ന്ന​താ​ണ്. ഇ​തി​നെ തു​ട​ർ​ന്നു​ണ്ടാ​യി​ട്ടു​ള്ള വ​ന​മേ​ഖ​ല​ക​ളി​ലെ ആ​വ​സ​വ്യ​വ​സ്ഥ​ക​ളു​ടെ ത​ക​ർ​ച്ച​ക​ളും ഭാ​ഗി​ക​മാ​യ മു​റി​പ്പെ​ട​ലു​ക​ളും ന​ഷ്ട​പ്പെ​ടലു​ക​ളും ഈ ​സം​ഘ​ർ​ഷ​ങ്ങ​ളു​ടെ ചാ​ല​ക​ശ​ക്തി​ക​ളാ​ണ്. ഈ ​ചാ​ല​ക​ശ​ക്തി​ക​ളു​ടെ തീ​വ്ര​ത കു​റ​ക്കാ​ൻ താ​ഴെ പ​റ​യു​ന്ന ല​ക്ഷ്യ​ങ്ങ​ൾ വെ​ച്ച് വി​വി​ധ പ്ര​വ​ർ​ത്ത​ന​ങ്ങ​ൾ ന​ട​ത്തേ​ണ്ട​തു​ണ്ട്.

ഇ​നിമു​ത​ൽ വ​ന​മേ​ഖ​ല​ക​ളി​ല​ല്ലെ​ങ്കി​ലും നാ​ട്ടി​ൽ എ​വി​ടെ​യും ന​ട​പ്പാക്കു​ന്ന കൃ​ഷി, തോ​ട്ടം, ഇ​ൻ​ഫ്രാ​സ്ട​ക്ച​ർ –റോ​ഡു​ക​ൾ, പാ​ല​ങ്ങ​ൾ, റെ​യി​ൽ, ഗ്രാ​മ​വി​ക​സ​നം, ടൂ​റി​സം, വൈ​ദ്യു​തി, ഊ​ർ​ജം, ഖ​ന​നം ഈ ​മേ​ഖ​ല​ക​ളി​ലൊ​ക്കെ എ​ല്ലാ പ്ര​വ​ർ​ത്ത​ന​ങ്ങ​ളി​ലും ആ​സൂ​ത്ര​ണംതൊ​ട്ട് ത​ന്ത്ര​പ​ര​മാ​യ പ​രി​സ്ഥിതി ​ആ​ഘാ​ത വി​ല​യി​രു​ത്ത​ലു​ക​ൾ വേ​ണ്ട​തു​ണ്ട്. അ​തു​പോ​ലെ ഇ​നിമു​ത​ല്‍ ഗ്രാ​മ-ന​ഗ​ര​ വ്യ​ത്യാ​സമി​ല്ലാ​തെ ന​ട​പ്പാക്ക​പ്പെ​ടു​ന്ന എ​ല്ലാ സ​ര്‍ക്കാ​ര്‍-സ്വ​കാ​ര്യ വി​ക​സ​ന പ്ര​വ​ർ​ത്ത​ന​ങ്ങ​ളും വ​ന്യ​ജീ​വി​സം​ഘ​ർ​ഷങ്ങ​ൾ​ക്ക് നേ​രി​ട്ടോ അ​ല്ലാ​തെ​യോ കാ​ര​ണ​മാ​യേ​ക്കാമെ​ന്ന സാ​ധ്യ​ത മു​ന്നി​ൽ കാ​ണേ​ണ്ട​തു​ണ്ട്.

പ്ര​ത്യേ​കി​ച്ച് തോ​ട്ടമേ​ഖ​ല​ക​ളി​ലും ഗ്രാ​മീ​ണ-വ​ന മേ​ഖ​ല​ക​ളി​ലും വി​ക​സ​ന പ്ര​വ​ർ​ത്ത​ന​ങ്ങ​ൾ ന​ട​പ്പാ​ക്കു​മ്പോ​ൾ ഭ​ര​ണ​ഘ​ട​ന ആ​ർ​ട്ടി​ക്ൾ 480 പ്ര​കാ​രം പ​രി​സ്ഥി​തി​, വ​ന-​വ​ന്യ​ജീ​വി​ സു​ര​ക്ഷ​യും സം​ര​ക്ഷ​ണ​വും ഉ​റ​പ്പുവ​രു​ത്തു​ന്നതിന് ക​ർ​ശ​നപ​രി​ശോ​ധ​ന​ക​ൾ ന​ട​ത്തേ​ണ്ട​തു​ണ്ട്. വ​ന്യജീ​വി​ക​ളു​ടെ സ​ഞ്ചാ​ര​പ​ഥം ത​ട​സ്സ​പ്പെ​ടു​ത്തു​കയോ അ​വ​യു​ടെ സ​ഞ്ചാ​ര​പ​ഥ​ത്തി​​ന്റെ വി​സ്തൃ​തി കു​റ​ക്കു​കയോ ചെ​യ്യു​ന്ന ഏ​തൊ​രു ചെ​റി​യ ഇ​ട​പെ​ട​ലു​ം അ​വ​യെ വേ​റെ സ്ഥ​ല​ങ്ങളി​ലേ​ക്ക് മാ​റാ​ൻ പ്രേ​രി​പ്പി​ക്കു​ക​യും അ​ത് ജ​ന​വാ​സ മേ​ഖ​ല​യുംകൂ​ടിയാ​കു​മ്പോ​ള്‍ അ​തു​വ​ഴി സം​ഘ​ർ​ഷ​ങ്ങ​ൾ ഉ​ണ്ടാ​ക്കു​ക​യും ചെ​യ്യും. അ​തി​നാ​ൽ ഇ​ത്ത​രം പ്ര​വ​ൃത്തി​ക​ൾ ആ​സൂത്ര​ണ ഘ​ട്ട​ത്തി​ല്‍ത​ന്നെ ആ​ദ്യ​മേ ക​ണ്ടെ​ത്തി മു​ള​യി​ലേ നു​ള്ളി​ക്കള​യ​ണം.

ജ​ന​സം​ഖ്യാ വ​ർ​ധ​ന​ക്കും വി​വി​ധ ആ​വ​ശ്യ​ങ്ങ​ൾ​ക്കാ​യി​ട്ടു​ള്ള ആ​ളു​ക​ളു​ടെ മൈ​ഗ്രേ​ഷ​നു​ക​ൾ​ക്കു​മൊ​പ്പം പ്ര​ദേ​ശ​ത്തെ പ്ര​കൃ​തി​വി​ഭ​വ​ങ്ങളു​ടെ ഉ​പ​യോ​ഗ​വും ആ​വ​ശ്യ​വും കൂ​ടി​വ​ന്നുകൊ​ണ്ടി​രി​ക്കുക​യാ​ണ്. ഇ​തി​ന​നു​പാ​ത​മാ​യി കാ​ട്​ മ​നു​ഷ്യ​വാ​സ പ്ര​ദേ​ശ​ങ്ങ​ളോ കൃ​ഷി​യി​ട​ങ്ങ​ളോ ത​രി​ശോ ആ​യി​ക്കൊ​ണ്ടി​രി​ക്കു​ന്നു​ണ്ട്. ഇ​വ അ​വി​ട​ങ്ങ​ളി​ലു​ള്ള വ​ന്യ​ജീ​വി​ക​ളു​ടെ അ​തി​ജീ​വ​നം സാ​ധ്യ​മ​ല്ലാ​താ​ക്കു​ന്നു​. അ​തി​നാ​ൽ സം​ഘ​ർ​ഷ​ങ്ങ​ൾ കു​റ​ക്കാ​ൻ വ​ന​ഭൂ​മി​ക്ക് പു​റ​മേ അ​വ​ക്ക് ചു​റ്റു​മു​ള്ള ഇ​ട​ങ്ങ​ളി​ൽകൂ​ടി ഭ്ര​വി​നി​യോ​ഗ​വും ജ​ല​ല​ഭ്യ​ത​യും സ​സ്യ​ജാ​ല​ങ്ങ​ളു​ടെ മാ​റ്റ​ങ്ങ​ളും നി​ര​ന്ത​രം കൃ​ത്യ​മാ​യി മോ​ണി​റ്റ​ർ ചെ​യ്യ​പ്പെ​ടേ​ണ്ട​തു​ണ്ട്.

സം​ഘ​ർ​ഷ​ം സാ​ധ്യ​ത​ മു​ൻ​കൂ​ട്ടി അ​റി​ഞ്ഞ്​ ആക്ര​മ​ണ​ം/അ​പ​ക​ട​ത്തി​ൽനി​ന്ന് ര​ക്ഷ​​െപ്പ​ടാ​നും സു​ര​ക്ഷാമാ​ർ​ഗ​ം അ​വ​ലം​ബി​ക്കാ​നും ജ​നത്തെ പ്രാ​പ്ത​രാ​ക്ക​ണം. അ​പ​ക​ട​സാ​ധ്യ​ത​ മ​ന​സ്സി​ലാ​ക്കാ​നും മു​ൻ​കൂ​ട്ടി അ​റി​യാ​നും സം​വി​ധാ​ന​ങ്ങ​ൾ ഉ​ണ്ടാ​യി​രി​ക്ക​ണം.സം​ഘ​ർ​ഷ​ങ്ങൾ ഉ​ണ്ടാ​കു​മ്പോ​ൾ അ​വ​യു​ടെ അ​തി​ജീ​വ​ന​ം സാധ്യമാക്കുകയും ചി​കി​ത്സ, സാ​മ്പ​ത്തി​ക സ​ഹാ​യ​ങ്ങ​ൾ എന്നിവ സ​മ​യ​ത്തി​ന് ല​ഭ്യ​മാക്കുകയും ചെയ്യേണ്ടതു​ണ്ട്. ഇ​തി​നാ​യി ഈ ​പ്ര​ദേ​ശ​ങ്ങ​ളി​ല്‍ ആം​ബു​ല​ന്‍സ്, ആ​ശു​പ​ത്രി സൗ​ക​ര്യ​ങ്ങ​ള്‍ കൂ​ട്ട​ണം. ഇ​വ​യെ കു​റി​ച്ചൊ​ക്കെ പൊ​തു​ജ​ന​ങ്ങ​ളി​ൽ ധാ​ര​ണ ഉ​ണ്ടാ​ക്കാ​നു​ള്ള ബോ​ധ​പൂ​ർ​വമാ​യ ശ്ര​മ​ങ്ങ​ൾ ഉ​ണ്ടാ​കേ​ണ്ട​തു​ണ്ട്.

വ​ന​മേ​ഖ​ല​യി​ൽ ജീ​വി​ക്കു​ന്ന​വ​ർ​ക്ക് വ​ന​ജീ​വി​ക​ളോ​ടൊ​പ്പം സ​ഹ​വ​ർ​ത്ത​ിത്വ​ത്തോടെ ഒ​ന്നി​ച്ച് പു​ല​രാ​നു​ള്ള/ സ​ഹ​വ​സി​ക്കാ​നു​ള്ള ശേ​ഷി ഉ​ണ്ടാ​ക്ക​ണം. കാ​ടു​ക​ളു​മാ​യി അ​ടു​ത്ത് ജീ​വി​ക്കു​ന്ന പ​ല ആ​ദി​വാ​സി/ഗോ​ത്ര വി​ഭാ​ഗ​ങ്ങ​ളി​ലും ഇ​വ​യൊ​ക്കെ നാ​ട്ട​റി​വു​ക​ളാ​യി കൂ​ടെയു​ണ്ട്​. മൃ​ഗ​ങ്ങ​ളു​ടെ പെ​രു​മാ​റ്റം, സ്വ​ഭാ​വം ,ജീവികളടെ മാ​റ്റം തി​രി​ച്ച​റി​യ​ൽ, അ​തി​ന​നു​സ​രി​ച്ചു​ള്ള പ്ര​തി​ക​ര​ണ​ങ്ങ​ൾ ഇ​തി​ലൊ​ക്കെ നൈ​പു​ണ്യ​മു​ണ്ടാ​കു​ന്ന​ത് പ്ര​ശ്ന​പ​രി​ഹാ​ര​ത്തി​നു​ള്ള വി​വേ​കപൂ​ർണ​മാ​യ ചി​ല പ്രാ​ദേ​ശി​ക ഉ​ത്ത​ര​ങ്ങ​ളാ​ണ്. കാ​ടു​ക​ളെ​യും വ​ന്യ​മൃ​ഗ​ങ്ങ​ളെ​യും അ​വ​യു​ടെ പെ​രു​മാ​റ്റ​രീ​തി​ക​ളെയും ​സം​ബ​ന്ധിച്ച ​ശ​രി​യാ​യ വി​വ​ര​ങ്ങ​ൾ അ​റി​യാനും കൈകാ​ര്യംചെ​യ്യാ​നും പൊ​തുജന​ങ്ങ​ൾ​ക്ക് പ്രാ​പ്തി ഉ​ണ്ടാ​ക്കി​യെ​ടു​ക്ക​ണം.

ഇ​ത് ഇ​വ​യെ സം​ബ​ന്ധിച്ച തെ​റ്റാ​യ വാ​ർ​ത്ത​ക​ൾ പ്ര​ച​രി​ക്കു​ന്ന​ത് കു​റ​ക്കാ​നും പൊ​തുജ​ന​ത്തി​ലെ ഭീ​തി കു​റ​ക്കാ​നും സ​ഹാ​യി​ക്കു​ന്ന​തുമാ​യി​രി​ക്ക​ണം. ഇ​തി​നാ​യി പ​ത്ര-ഇ​ലക്ട്രോ​ണി​ക് മീ​ഡി​യ പ്ര​വ​ർ​ത്ത​ക​രെ​യും മീ​ഡി​യക​ളെ​യും സ​ജ്ജ​മാ​ക്ക​ണം. വ​ന്യ​മൃ​ഗ​ങ്ങ​ളെക്കു​റി​ച്ചു​ള്ള നെ​ഗ​റ്റി​വ് ഇ​മേ​ജ് ഉ​ണ്ടാ​ക്കു​ന്ന വാ​ർ​ത്ത​ക​ൾ ജ​ന​ങ്ങ​ളെ അ​വ​ര്‍ക്കെ​തി​രെ ‘തോ​ക്കെ​ടു​ത്ത്’ തി​രി​ക്കു​വാ​ന്‍ കാ​ര​ണ​മാ​കു​ന്നു​ണ്ട്. അ​തി​നാ​ല്‍ ഇ​ത്ത​രം വി​വ​ര​ങ്ങ​ള്‍ ന​ൽ​കു​ന്ന​ത് നി​രു​ത്സാ​ഹപ്പെ​ടു​ത്തി അ​വ​യു​മാ​യി സ​ഹ​വ​സി​ക്കാ​നു​ള്ള അ​റി​വു​ക​ൾ കൂ​ടു​ത​ല്‍ ന​ൽ​ക​ണം.

വ​ന്യജീ​വി സം​ഘ​ർ​ഷ​ങ്ങ​ൾ കു​റ​ക്കാ​നു​ള്ള മെ​സേ​ജു​ക​ൾ ശാ​സ്ത്രീ​യമാ​യി വി​വി​ധ​ ഭാ​ഷ​ക​ളി​ൽ നി​ർ​മി​ക്കു​ക​യും അ​വ​യൊ​ക്കെ മീ​ഡി​യ​ക​ളി​ൽ തു​ട​ർ​ച്ച​യാ​യി ന​ൽ​കു​ക​യും പ്ര​ച​രി​പ്പി​ക്കു​ക​യും വേ​ണം. 2022ൽ ഓ​സ്കർ അ​വാ​ർ​ഡ് കി​ട്ടി​യ ‘എ​ലി​ഫന്റ് വി​സ്പേ​ഴ്സ്’ എ​ന്ന ഡോ​ക്യുമെ​ന്റ​റി ഇ​ത്ത​ര​ത്തി​ൽ ഒ​രു ഉ​ദാ​ഹ​ര​ണ​മാ​ണ്. മ​റി​ച്ച് പ​ട​യ​പ്പ എ​ന്ന, മു​മ്പ് ആ​ളു​ക​ളോ​ട് സൗ​ഹൃ​ദ​മാ​യി പെ​രു​മാ​റി​യി​രു​ന്ന ഇ​ടു​ക്കി​യി​ലെ ആ​നയെ​ക്കു​റി​ച്ച് ഇ​പ്പോ​ൾ വ​രു​ന്ന മീ​ഡി​യ വാ​ർ​ത്ത​ക​ൾ ആ​ളു​ക​ളെ ആ​ന​ക​ൾ​ക്ക് എ​തി​രാ​യിത്തീർ​ക്കാ​നാ​ണ് സാ​ധ്യ​ത​ക​ൾ.

ചെ​റു​പ്പ​ത്തി​ലേ പി​ടി​കൂ​ടു​ക: വി​ദ്യാ​ർ​ഥിക​ളി​ൽ പ്ര​കൃ​തിസം​ര​ക്ഷ​ണത്തെ​യും സു​സ്ഥി​ര വി​ക​സ​ന​ത്തെ​യും കു​റി​ച്ച് അ​വ​ബോ​ധം സൃ​ഷ്ടി​ക്കാ​ൻ സ്കൂ​ളു​ക​ളി​ൽ ആ​രം​ഭി​ച്ച നാ​ഷ​ന​ൽ ഗ്രീ​ൻ ക്രോ​പ്സ് പ്ര​വ​ർ​ത്ത​ന​ം മാ​തൃ​കാ​പ​ര​മാ​യി രാ​ജ്യ​ത്താ​കെ വ്യാ​പി​പ്പി​ച്ച് കാ​ര്യ​ക്ഷ​മ​മാ​ക്കു​ന്ന​ത് വ​ന്യ​മൃ​ഗ​ങ്ങ​ളോ​ടു​ള്ള സ​മീ​പ​നം ശ​രി​യാ​യ ദി​ശ​യി​ലാകാ​ൻ സ​ഹാ​യ​ക​ര​മാ​യി​രി​ക്കും. ചെ​റു​പ്രാ​യ​ത്തി​ലേ നാ​ഷ​ന​ൽ ഗ്രീ​ൻ കോർ​പ്‌​സ് കാ​ഡ​റ്റു​ക​ൾ ഇ​ത്ത​രം സ​ന്ദേ​ശ​ങ്ങ​ൾ സ്വാ​യ​ത്ത​മാ​ക്കി ജീ​വി​ത​ത്തി​ൽ പ​ക​ർ​ത്തു​ക​യും മ​റ്റുള്ളവരിലേക്ക​്​ എത്തിക്കയും വോണം. ഇവരെ ‘ഗ്രീ​ൻ ക​മ്യൂ​ണി​റ്റി അം​ബാ​സഡ​ർ’മാരാ​യി മാറ്റാം.

ചാ​ല​കശ​ക്തി​ക​ൾ ഉ​ണ്ടാ​ക്കു​ന്ന സ​മ്മ​ർ​ദങ്ങ​ള്‍

ലേ​ഖ​ന​ത്തി​ന്റെ ആ​ദ്യഭാ​ഗ​ത്ത് സൂ​ചി​പ്പി​ച്ച ചാ​ല​കശ​ക്തി​ക​ൾ ആവാ​സ​വ്യ​വ​സ്ഥ​യി​ൽ ഉ​ണ്ടാ​ക്കു​ന്ന സ​മ്മ​ർ​ദങ്ങ​ളെ കു​റ​ക്കാ​നു​ള്ള പ്ര​വ​ർ​ത്ത​ന​ങ്ങ​ളാ​ണ് ഇ​നി വേ​ണ്ട​ത്. ഇ​വ ഉ​ണ്ടാ​കു​ന്ന​ത് മി​ക്ക​തും വി​ശ​ക്കു​മ്പോ​ള്‍മാ​ത്രം ഇ​രതേ​ടു​ന്ന, ആ​വാ​സവ്യ​വ​സ്ഥ​യി​ല്‍ മാ​റ്റംവ​രു​ത്താ​ത്ത വ​ന്യജീ​വി​ക​ളെ അ​പേ​ക്ഷി​ച്ച് പ​രി​സ​ര​ങ്ങ​ളെ മാ​റ്റിത്തീര്‍ക്കു​ന്ന ‘ആ​ന്ത്രോ​പോജ​നി​ക്’ ആ​യ​തി​നാ​ൽ മ​നു​ഷ്യ​രു​ടെ പ​ക്ഷ​ത്തുനി​ന്നുത​ന്നെയാ​ണ് ഇ​ട​പെ​ട​ലു​ക​ളും വേ​ണ്ട​ത്.

മ​നു​ഷ്യ​രു​ടെ അ​തി​ജീ​വ​ന പ്ര​വൃ​ത്തി​ക​ൾ പ​ല​തും വ​ന​വി​ഭ​വ​ങ്ങ​ൾ ന​ശി​പ്പി​ച്ചോ വ​ന്യജീ​വി​ക​ളു​ടെ ആ​വ​ാസ​വ്യ​വ​സ്ഥയു​ടെ വി​സ്തൃ​തി കു​റ​ച്ചോ ആ​വാ​സ​വ്യ​വ​സ്ഥ അ​വ​ക്ക് അ​തിജീ​വി​ക്കാ​ൻ പ​റ്റാ​ത്ത വി​ധ​ത്തി​ൽ മാ​റ്റിത്തീ​ർ​ത്തോ ആ​യി​രി​ക്കും സാ​ധ്യ​മാ​കു​ന്ന​ത്. ഇ​ങ്ങ​നെ ജൈവവൈവിധ്യം (Bio diversity), ഭ​ക്ഷ്യശൃംഖ​ല (Food chain break) എന്നിവ നശിക്കുന്നു. ഇ​തി​നെ തു​ട​ർ​ന്ന് വ​ന്യ​മൃ​ഗ​ങ്ങ​ൾ നി​ല​നി​ൽ​പി​നാ​യി മ​നു​ഷ്യ​വാ​സ പ്ര​ദേ​ശ​ങ്ങ​ളി​ലേ​ക്ക് കൂ​ടു​ത​ൽ ക​ട​ന്നുക​യ​റുന്നു. അ​പ്പോ​ൾ മ​നു​ഷ്യ​രു​ടെ ജീ​വ​നോ​പാ​ധി​ക​ളാ​യ വ​ള​ർ​ത്തു മൃ​ഗ​ങ്ങ​ളോ കാ​ർ​ഷി​കവി​ള​ക​ളോ അ​ല്ലെ​ങ്കി​ല്‍ മ​നു​ഷ്യജീ​വ​ന്‍ത​ന്നെ​യോ ഇ​വ​യു​ടെ ഇ​ര​ക​ളാ​കുക​യും ചെ​യ്യു​ന്നു.

വ​ന്യജീ​വി​ക​ളു​ടെ ആ​ഹാ​രല​ഭ്യ​ത​ക്കും വെ​ള്ളല​ഭ്യ​ത​ക്കും ഉ​ണ്ടാ​കു​ന്ന പ്ര​ധാ​ന​മാ​യ സ​മ്മ​ർദങ്ങ​ള്‍ക്ക് പു​റ​മെ സ​ഞ്ചാ​ര ഇ​ട​നാ​ഴി​ക​ൾ​ക്ക് ഉണ്ടാകുന്ന ത​ട​സ്സ​ങ്ങ​ളാണ്​ മ​റ്റൊ​ന്ന്. ജൈ​വ​പ​ര​മാ​യ ആ​വ​ശ്യ​ങ്ങ​ള്‍ നി​റ​വേ​റ്റാ​ന്‍ ഇ​ര​തേ​ടി​യോ ഇ​ണതേ​ടി​യോ ആ​ണ് മി​ക്ക​വാ​റും വ​ന്യജീ​വി​ക​ൾ ഇ​ങ്ങ​നെ സ​ഞ്ച​രി​ക്കു​ന്ന​ത്. ഈ ​സ​ഞ്ചാ​ര പാ​ത​ക​ൾ പ​ല​തും ജ​നി​ത​ക​മാ​യ ‘ത​ലവ​ര​ക​ൾ’പോ​ലെ വ​ർ​ഷ​ങ്ങ​ളാ​യി നി​ല​നി​ൽ​ക്കു​ന്ന​തു​മാ​യി​രി​ക്കും. ഇ​ത് പ​ല​പ്പോ​ഴും ഓ​രോ വ​ന്യ​ജീ​വി​ക്കും വെ​വ്വേറെ ആ​യി​രി​ക്കും.

ഇ​വ​യു​ടെ ത​ട​സ്സം അ​വ​യെ വ​ഴി​മാ​റ്റി ചി​ല​പ്പോ​ൾ മ​നു​ഷ്യ​വാ​സ​സ്ഥ​ല​ങ്ങ​ളി​ലൂ​ടെ ‘മാ​ർ​ഗത്തെ സാ​ധൂ​ക​രി​ക്കാ​ത്ത ല​ക്ഷ്യ​ത്തി​ലെ​ത്താ​ൻ’ പ്രേ​രി​പ്പി​ക്കു​ന്ന​താ​ണ്. ഭ​ക്ഷ​ണം, വെ​ള്ളം, സു​ര​ക്ഷ, പു​ന​രു​ൽപാ​ദ​നം തുടങ്ങിയ ​ആ​വ​ശ്യ​ങ്ങ​ൾ​ക്ക് വേ​ണ്ടി​യാ​ണ് ഇ​ങ്ങനെസ​ഞ്ച​രി​ക്കു​ന്ന​ത്. ഇ​വ​യൊ​ക്കെ ഇ​വ​രു​ടെ ഭൂമി​യി​ലെ നി​ല​നി​ൽ​പിനാ​വ​ശ്യ​വു​മാ​ണ്. അ​തുപോ​ലെ ത​ന്നെ​യാ​ണ് ഇ​വ​യി​ൽ ചി​ല​തി​​ന്റെ ദേ​ശാ​ട​ന സ്വ​ഭാ​വ​ങ്ങ​ളും. ഇ​തി​​ന്റെ താ​ര​ക​ളും ദി​ക്കു​ക​ളും സ്ഥ​ല​കാ​ല സ്വ​ഭാ​വ​ങ്ങ​ളും തി​രി​ച്ച​റി​യ​ണം.

ഇ​ത് ത​ട​യപ്പെ​ടു​മ്പോ​ഴാ​ണ് സാ​ധാ​ര​ണ വ​ഴി വി​ട്ട ഇ​വ മ​നു​ഷ്യ​വാ​സ പ്ര​ദേ​ശ​ങ്ങ​ളി​ലെ​ത്തി പ്ര​ശ്ന​മുണ്ടാ​ക്കു​ന്ന​ത്. ഇ​തി​നാ​യി ഈ ​മേ​ഖ​ല​ക​ളി​ൽ ത​ട​സ്സ​ങ്ങ​ൾ ഇ​ല്ലാ​ത്ത ക​ണ​ക്ടി​വി​റ്റി​യു​ള്ള ഭൂ​പ്ര​ദേ​ശ​ങ്ങ​ൾ ആ​വ​ശ്യ​മു​ണ്ട്. റോ​ഡ്, റെ​യി​ൽ, കൃ​ഷി, പു​ഴ​ക​ൾ, കു​ന്നു​ക​ൾ, ഇ​വ​യൊ​ക്കെ ഇ​വ​ക്ക് ത​ട​സ്സ​ങ്ങ​ളാ​ണ്. മേ​ൽപ​റ​ഞ്ഞ​വ​യെ നി​യ​ന്ത്രി​ക്കാ​നാ​യി വ​ന​മേ​ഖ​ല​ക​ളി​ൽ പ്ര​ധാ​ന കോ​റി​ഡോ​റു​ക​ൾ, മൈ​ഗ്രേ​ഷ​ൻ റൂ​ട്ടു​ക​ൾ, തി​രി​ച്ച​റി​യണം. ഇ​വ​യി​ൽ സം​ഘ​ർ​ഷ​മേ​ഖ​ല​യി​ൽ ഉ​ള്ള​വ​യെ സ​ർ​ക്കാ​ർത​ല​ത്തി​ൽ ഏ​റ്റെ​ടു​ത്ത് ശ​രി​യാ​യി സം​ര​ക്ഷി​ക്കണം.

അ​തി​നാ​ൽ, ഇ​വ​യു​ടെ റൂ​ട്ടു​ക​ളുടെ സം​ര​ക്ഷ​ണം വി​മാ​ന​ങ്ങ​ളു​ടെ ആ​കാ​ശ​പാ​തപോലെ പ്ര​ധാ​ന​ വി​ഷ​യ​മാ​ണ്. സ​ഞ്ചാ​രപ​ഥ​ങ്ങ​ൾ മോ​ണി​റ്റ​ർ ചെ​യ്തുകൊ​ണ്ടി​രി​ക്ക​ണം.

കാ​ടു​ക​ൾ​ക്ക് പു​റ​ത്ത് സ്വ​കാ​ര്യഭൂ​മി​ക​ളി​ൽ ഇ​വ​യു​ടെ താ​ര​ക​ൾ ഉ​ണ്ടെ​ങ്കി​ൽ വേ​ണ്ട ന​ഷ്ട​പ​രി​ഹാ​ര​ങ്ങ​ൾ ന​ൽ​കി അ​തി​​ന്റെ യ​ഥാ​ർ​ഥ ഭൂവു​ട​മ​ക​ളു​മാ​യി സ​ർ​ക്കാ​ർ ധാ​ര​ണ​യി​ലെ​ത്ത​ണം. റോ​ഡുക​ൾ, റെ​യി​ലു​ക​ൾ, തു​ര​ങ്ക​ങ്ങ​ൾ, അ​ണ​ക്കെ​ട്ടു​ക​ൾ തു​ട​ങ്ങി​യ നി​ർ​മാ​ണ പ്ര​വ​ർ​ത്ത​ന​ങ്ങ​ൾമൂ​ലം ഇ​വ​ക്ക് മ​റ്റു ത​ട​സ്സ​ങ്ങൾ ഉ​ണ്ടാ​കു​മ്പോ​ൾ ഇ​തി​നാ​യി ഏ​റ്റ​വും എ​ളു​പ്പ​വ​ഴി​യി​ൽ ക്രോ​സ് ചെ​യ്യാ​വു​ന്ന, എ​ത്താ​വു​ന്ന അ​ണ്ട​ർപാ​സു​ക​ളോ ഓ​വ​ർ പാ​സു​ക​ളോ നി​ർ​മിക്ക​ണം.

മൂ​ന്നു സം​സ്ഥാ​ന​ങ്ങ​ളി​ലാ​യി പ​ര​ന്നുക​ിട​ക്കു​ന്ന നീ​ല​ഗി​രി ബ​യോ​സ്ഫി​യ​റി​ല്‍ മു​തു​മ​ലൈ, സ​ത്യ​മം​ഗ​ലം, ബ​ന്ദിപ്പൂർ മേ​ഖ​ല​യി​ല്‍ വേ​ന​ല്‍ക്കാ​ല​ത്ത് വ​ര​ള്‍ച്ച ഉ​ണ്ടാ​കു​ന്ന​തുകൊ​ണ്ടാണ് സ്വ​ത​വേ ഇ​തി​ല്‍ മൂ​ന്നി​ല്‍ ഒ​ന്ന് വി​സ്തൃ​തി ഉ​ള്‍ക്കൊ​ള്ളു​ന്ന, വെ​ള്ളം ല​ഭ്യ​മാ​കു​ന്ന കേ​ര​ള​ത്തി​ലെ വ​യ​നാ​ട്ടി​ലേ​ക്ക് ആ​ന​ക​ള​ട​ക്കം ആ​ക​ര്‍ഷി​ക്ക​പ്പെ​ടു​ന്ന​ത്.

സ്വാ​ഭാ​വി​ക ജീ​വ​ജാ​ല​ങ്ങ​ളെ മാ​റ്റി ഈ ​പ്ര​ദേ​ശ​ത്ത് അ​ധി​നി​വേ​ശ സ​സ്യ​ങ്ങ​ളോ മ​റ്റ് മൃ​ഗ​ങ്ങ​ളോ എ​ത്തിപ്പെ​ടു​മ്പോ​ൾ ഇ​വി​ടെ​യു​ള്ള വ​ന്യജീ​വി​ക​ൾ​ക്ക് ആ​വ​ശ്യ​മു​ള്ള തീ​റ്റ ല​ഭി​ക്കാ​തെയാകു​ന്നു. ചി​ല​പ്പോ​ള്‍ ഏ​കവി​ള കൃ​ഷിരീ​തി​ക​ളും അ​വ​യു​ടെ തീ​റ്റ ഇ​ല്ലാ​തെയാക്കു​ം. അ​പ്പോ​ഴും ഇ​വ​ിട​ങ്ങ​ളി​ലെ വ​ന്യ​ജീ​വി​ക​ൾ​ക്ക് ഇ​രതേ​ടി കാ​ടി​ന് പു​റ​ത്തു പോ​കേ​ണ്ടിവ​രു​ം. കേ​ര​ള​ത്തി​ൽ അ​റി​യ​പ്പെ​ടു​ന്ന 80 ത​രം അ​ധി​നി​വേ​ശ സ​സ്യ​ങ്ങ​ളി​ൽ 30 എ​ണ്ണം വ​ന​ങ്ങ​ള്‍ക്കു ഭീ​ഷ​ണി​യാ​ണ്.

ആ​ന​തൊ​ട്ടാ​വാ​ടി, കൊ​ങ്ങി​ണി പൂ​വ്, പാ​വാ​ട പൂ​വ്, തോ​ട്ടപ്പയ​ർ, ചു​ഴ​ലി പാ​റ​കം, മ​ഞ്ഞക്കൊ​ന്ന, മി​ക്കാ​നി​യ, ല​ന്റാ​നാ... തുടങ്ങിയവയാ​ണി​വ. കേ​ര​ള​ത്തി​ൽ 30,000 ഹെ​ക്ട​ർ അ​ക്കേ​ഷ്യാ, യൂ​ക്കാ​ലി​പ്റ്റ്സ് മ​ര​ങ്ങ​ളു​ണ്ട് എ​ന്നാ​ണ് ക​ണ​ക്ക്. അ​ടി​ക്കാ​ടു​ക​ള്‍ വ​ള​രു​ന്ന​ത്‌ ഇ​ല്ലാ​താ​ക്കു​ന്ന​തി​ന് പു​റ​മെ ഇ​വ മ​ണ്ണി​ലെ ജ​ല​സ്രോ​ത​സ്സു​ക​ളും വ​ലി​ച്ചെ​ടു​ത്ത് വ​റ്റി​ക്കും. വ​യ​നാ​ട് മു​ത്ത​ങ്ങ​ മേ​ഖ​ല​യി​ൽ മ​ഞ്ഞക്കൊ​ന്ന മു​ത​ലാ​യ അ​ധി​നി​വേ​ശ സ​സ്യ​ങ്ങ​ളും വ​നം വ​കു​പ്പ് ത​ന്നെ വ്യാ​പ​ക​മാ​യി പ്ര​ച​രി​പ്പി​ച്ച യൂ​ക്കാ​ലി​പ്റ്റസ്, അ​ക്കേ​ഷ്യ തു​ട​ങ്ങി​യ മ​ര​ങ്ങ​ളും ആ​ന​ക​ൾ​ക്ക് കി​ട്ടേ​ണ്ടു​ന്ന മ​റ്റ് തീ​റ്റ സസ്യ​ങ്ങ​ൾ ന​ശി​പ്പി​ച്ച​തിന് കാ​ര​ണ​മാ​യി​ട്ടു​ണ്ട്.

സം​ഘ​ർ​ഷ​ങ്ങ​ൾ ഉ​ണ്ടാ​കു​ന്ന ഹോ​ട്ട് സ്പോ​ട്ടുക​ളി​ല്‍ ആ​വ​ാസ​വ്യ​വ​സ്ഥ​യു​ടെ മാ​റ്റ​ങ്ങ​ളും അ​വ​യു​ടെ ന​ശീ​ക​ര​ണ​വും ജ​ല​ദൗ​ർ​ല​ഭ്യ​വും പ്രാ​ദേ​ശി​ക സ​സ്യ​ങ്ങ​ളു​ടെ നാ​ശ​വും അ​ധി​നി​വേ​ശ​സ​സ്യ​ങ്ങ​ളു​ടെ ക​ട​ന്നു​ക​യ​റ്റ​വും സ്ഥി​ര​മാ​യി മോ​ണി​റ്റ​ർ ചെ​യ്തുകൊ​ണ്ടി​രി​ക്ക​ണം. അ​ധി​നി​വേ​ശ സ​സ്യ​ങ്ങ​ള്‍, ഏ​ക​വി​ള​ക​ള്‍ എന്നിവ സം​ഘ​ർ​ഷ​ങ്ങ​ൾ കൂ​ട്ടു​ന്ന​താ​ണ്. കാ​ട്ടില്‍ പ​ച്ചപ്പുല്ലു കി​ട്ടാ​ത്ത​തി​നാ​ല്‍ ആ​ന മാ​ത്ര​മ​ല്ല പ​ന്നി, മാ​ന്‍, മ​യി​ല്‍, കു​ര​ങ്ങു​ക​ള്‍, മു​ള്ള​ന്‍പ​ന്നി തു​ട​ങ്ങി​യ​വ നാ​ട്ടി​ലി​റ​ങ്ങു​ന്നു​ണ്ട്. ഈ ​അ​വ​സ​ര​ത്തി​ല്‍ ത​മി​ഴ്നാ​ട്ടി​ല്‍ വ​ന​ങ്ങ​ളി​ല്‍നി​ന്നു മു​ഴു​വ​ന്‍ മ​ഞ്ഞക്കൊ​ന്നയും മു​റി​ച്ചുമാ​റ്റു​ന്ന​തും കേ​ര​ള​ത്തി​ല്‍ 4141 ഹെ​ക്ട​ര്‍ സ്ഥ​ലം അ​ധി​നി​വേ​ശ സ​സ്യ​ങ്ങ​ള്‍ മു​റി​ച്ചുമാ​റ്റി സ്വാ​ഭാ​വി​ക വ​നമാ​ക്കു​ന്ന​തും ഒ​ടു​വി​ല്‍ ല​ഭിക്കു​ന്ന ന​ല്ല വാ​ര്‍ത്ത​ക​ളാ​ണ്.

ഇ​പ്പോ​ള്‍ പ​ല സ്ഥ​ല​ത്തും വ​ന​പ്ര​ദേ​ശ​ങ്ങ​ള്‍ മാ​ലി​ന്യം നി​ക്ഷേ​പി​ക്കാ​നു​ള്ള ഇ​ട​ങ്ങ​ളായി മാ​റി​യി​ട്ടു​ണ്ട്. ഇൗ മാ​ലി​ന്യ നി​ക്ഷേ​പ​ങ്ങ​ൾ വ​ന്യമൃ​ഗ​ങ്ങ​ളെ ഇ​ര​തേ​ടി അ​വി​ടെ എ​ത്തി​ക്കു​ം. കൂ​ടാ​തെ ഗ്രാ​മ-ന​ഗ​ര വ്യ​ത്യാ​സ​മി​ല്ലാ​തെ വ​ന​ങ്ങ​ളു​ടെ ചു​റ്റു​മു​ള്ള സ​മീ​പ​ ജ​ന​വാ​സ പ്ര​ദേ​ശ​ങ്ങളി​ലെ മാ​ലി​ന്യ പ്ര​ശ്ന​ം വ​ന്യ​ജീ​വി​ക​ളെ ഇ​രതേ​ടാ​നാ​യി അ​വി​ടേ​ക്ക് ആ​ക​ര്‍ഷി​ക്കു​ന്നു​മു​ണ്ട്. ഇ​ങ്ങ​നെ ഭ​ക്ഷ്യാ​വ​ശി​ഷ്ട​ങ്ങ​ൾ, മാം​സാ​വ​ശി​ഷ്ട​ങ്ങ​ൾ ഇ​ടു​ന്ന സ്ഥ​ല​ങ്ങ​ളി​ൽ നാ​യ​്ക്ക​ളും പ​ന്നി​ക​ളും ക​ര​ടി​ക​ളും എ​ത്തു​ം. അ​വ​യെ ഇ​ര​യാ​ക്കാ​ൻ ക​ടു​വ​ക​ൾ ആ​ര്‍ത്തി​യോ​ടെ എ​ത്തു​ന്ന​തും പതിവാണ്​. കാ​ടു​ക​ളി​ല്‍ തീ​റ്റ​ക​ള്‍ ല​ഭി​ക്കാ​തെ സ​സ്യാ​ഹാ​രി​ക​ളാ​യ മൃ​ഗ​ങ്ങ​ള്‍ നാ​ട്ടി​ലി​റ​ങ്ങു​മ്പോ​ള്‍ അ​വ​യെ ഇ​ര​യാ​ക്കു​ന്ന മാം​സഭോ​ജി​ക​ള്‍ പിന്നാലെ വരും.

വ​ന്യ​ജീ​വി സം​ഘ​ർ​ഷ​ങ്ങ​ൾ ഉ​ണ്ടാ​കു​ന്ന ഹോ​ട്ട് സ്പോ​ട്ടു​ക​ളി​ൽ ഖ​ര​മാ​ലി​ന്യ സം​സ്ക​ര​ണ സം​വി​ധാ​ന​ങ്ങ​ൾ പ്ര​ത്യേ​കി​ച്ച് പ​ച്ച​ക്ക​റി/അ​റ​വു​ശാ​ല/​ഭ​ക്ഷ്യമാ​ലി​ന്യ സം​വി​ധാ​ന​ങ്ങ​ൾ ശാ​സ്ത്രീ​യ​മാ​കേ​ണ്ട​തു​ണ്ട്. അ​തി​നോ​ടൊ​പ്പം ഇ​ത്ത​രം പ്ര​ദേ​ശ​ങ്ങ​ളി​ലും സ​മീ​പപ്ര​ദേശ​ങ്ങ​ളി​ലും പ​ഴം-പ​ച്ച​ക്ക​റി-ധാ​ന്യ​ങ്ങ​ൾ അ​ട​ക്ക​മു​ള്ള ഭ​ക്ഷ്യ​വ​സ്തു​ക്ക​ളു​ടെ സൂ​ക്ഷി​പ്പും (സ്റ്റോ​റേ​ജ്) ഗോ​ഡൗ​ണു​ക​ളും സു​ര​ക്ഷി​ത​മാ​യി​രി​ക്കണം. ജ​ന​വാ​സപ്ര​ദേ​ശ​ങ്ങ​ളി​ലുള്ള ചീ​ഞ്ഞുപോ​കു​ന്ന പ​ഴ​ങ്ങ​ളും പ​ച്ച​ക്ക​റി​ക​ളും അ​ടു​ക്ക​ള മാ​ലി​ന്യ​ങ്ങ​ളും സ​സ്യഭു​ക്കു​ക​ളാ​യ വ​ന്യ​ജീ​വി​ക​ളെ അ​ങ്ങോ​ട്ടേ​ക്ക് ആ​ക​ർ​ഷി​ക്കാം.

വ​ന്യ​ജീ​വി​ക​ളു​ടെ അ​നാ​രോ​ഗ്യ അ​വ​സ്ഥ, പ​രി​ക്ക് പ​റ്റി​യി​ട്ടു​ള്ള​വ, കൂ​ടി​യ പ്രാ​യം, ആ​യാ​സ​പ്പെ​ടാ​തെ അ​വ​ിട​ങ്ങ​ളി​ൽ എ​ളു​പ്പ​ത്തി​ൽ ല​ഭ്യ​മാ​കു​ന്ന ആ​ഹാ​രം ഇ​വ​യൊ​ക്കെ ഇ​തി​നെ സാ​ധ്യ​മാ​ക്കു​ന്ന ഘ​ട​ക​ങ്ങ​ളാ​ണ്. പ്ര​ത്യേ​കി​ച്ച് ഇ​ര​ക​ളെ ആക്ര​മി​ച്ച് കീ​ഴ്പ്പെ​ടു​ത്താ​ൻ പ​റ്റാ​ത്ത മൃ​ഗ​ങ്ങ​ളു​ടെ ഇ​ര​തേ​ടാ​നു​ള്ള എ​ളു​പ്പ​വ​ഴി​യു​മാ​ണി​ത്. പ്രാ​യാ​ധി​ക്യ​മു​ള്ള​തോ പ​രി​ക്കുപ​റ്റുന്ന​തോ ആ​യ വ​ന്യ​ജീ​വി​ക​ളാ​ണ് പൊ​തു​വേ ജ​ന​മേ​ഖ​ല​യി​ൽ എ​ത്തപ്പെ​ടു​ത്തു​ന്ന​തെ​ന്നു അ​നു​ഭ​വ​ങ്ങ​ളി​ൽനി​ന്ന് മ​ന​സ്സി​ലാ​ക്കാം.

വ​യ​നാ​ട​ൻ ചു​ര​ത്തി​ൽ താ​ഴെ വ​രെ കു​ര​ങ്ങു​ക​ൾ എ​ത്തു​ന്ന​തും, പാ​ല​ക്കാ​ട് പ്ര​ദേ​ശ​ത്ത് ക​ര​ടി എ​ത്തി​യ​തും കേ​ര​ള​ത്തി​ൽനി​ന്ന് നാ​ട് ക​ട​ത്ത​പ്പെ​ട്ട അ​രി​ക്കൊ​മ്പ​ൻ റേ​ഷ​ൻഷാ​പ്പി​ലും വീ​ടു​ക​ളു​ടെ അ​ടു​ക്ക​ള​ക​ളി​ലും എ​ത്ത​പ്പെ​ട്ടു കൊ​ണ്ടി​രു​ന്ന​തും ഇ​ത്ത​ര​ത്തി​ലാ​ണ്. മാ​ലി​ന്യ നി​ക്ഷേ​പ ഇ​ട​ങ്ങ​ളി​ൽ പ​ന്നി​ക​ളെ​യും നാ​യ​്ക്കളെ​യും ഉ​ര​ഗ​ങ്ങ​ളെ​യും ഇ​ര​യാ​ക്കാ​ൻ ക​ടു​വ​ക​ൾ എ​ത്താ​ം. വ​ന​ത്തി​ലെ കു​ര​ങ്ങു​ക​ൾ, ആ​ന​ക​ൾ ഇ​വ വ​നമേ​ഖ​ല​ക​ളി​ലെ റി​സോ​ർ​ട്ടു​ക​ളി​ലെ ഭ​ക്ഷ​ണ​മാ​ലി​ന്യ​ങ്ങ​ൾ തേ​ടി പു​റ​ത്തെ​ത്തു​ന്നു​ണ്ട്. ഒ​രി​ക്ക​ൽ ഉ​പ്പി​​ന്റെ രു​ചി അ​റി​ഞ്ഞുക​ഴി​ഞ്ഞാ​ൽ മൃ​ഗ​ങ്ങ​ൾ​ക്ക് അ​വ ഉ​പേ​ക്ഷി​ക്കാ​ൻ വി​ഷ​മ​മാ​ണ്​.

ഇക്കോ ടൂറി​സം എ​ന്ന പേ​രി​ല്‍ പ്രോ​ത്സാ​ഹി​പ്പിക്കപ്പെ​ടു​ന്ന അ​ധി​ക പ​ദ്ധ​തി​ക​ളും അ​വി​ടേ​ക്ക് താ​ങ്ങാ​ന്‍ പ​റ്റു​ന്ന​തി​ലു​മ​ധി​കം എ​ണ്ണം കൂ​ടു​ത​ലാ​യി എ​ത്ത​പ്പെ​ടു​ന്ന ടൂ​റിസ്റ്റു​ക​ളും സ​മീ​പപ്ര​ദേ​ശ​ങ്ങ​ളി​ലെ വ​ന്യജീ​വി​ക​ള്‍ക്ക് വി​ഷ​മ​ക​ര​മാ​യി മാ​റി​യി​ട്ടു​ണ്ട്. ഇ​വി​ട​ങ്ങ​ളി​ലേ​ക്കു​ള്ള മോ​ട്ടോ​ര്‍ റോ​ഡു​ക​ള്‍ മി​ക്ക​തും വ​ന്യ​ജീ​വി​ക​ളു​ടെ സ​ഞ്ചാ​ര​ത്തി​നു ഭം​ഗം വ​രു​ത്തു​ന്ന​താ​ണ്.

കൂ​ടാ​തെ കാ​ടു​ക​ൾ​ക്ക് ന​ടു​വി​ൽ പ​ണി​തു​യ​ർ​ത്തി​യി​ട്ടു​ള്ള റി​സോ​ർ​ട്ടു​ക​ളി​ൽ രാ​ത്രി​യി​ൽ ആ​ളു​ക​ൾ​ക്ക് ആ​ർ​ത്തു​ല്ല​സി​ക്കാ​നാ​യി കാ​ട്ടാ​ന​ക​ളെ​ത്താ​ൻ ക​മ്പിവേ​ലി​ക​ൾ​ക്ക് പു​റ​ത്ത് ഉ​പ്പി​​ന്റെ രു​ചി​യു​ള്ള ഭ​ക്ഷ​ണ​ങ്ങ​ൾ ഇ​ട്ട് കൊ​ടു​ക്കു​ന്ന​തും വാ​ർ​ത്ത​ക​ളാ​ണ് – റി​സോ​ർ​ട്ടു​ക​ളി​ൽ രാ​ത്രി​യി​ൽ ന​ട​ത്ത​പ്പെ​ടു​ന്ന ഹൈ ​ഡെ​സിബെ​ല്‍ പാ​ട്ട് മേ​ള​വും വ​ർണവെ​ളി​ച്ച​ങ്ങ​ളും അ​സ​ഹ​നീ​യ​തമൂ​ലം മൃ​ഗ​ങ്ങ​ളെ ക​ാട്ടി​ല്‍നി​ന്ന് ആ​ട്ടി​യോ​ടി​ക്കു​ന്നു​മു​ണ്ട്.

സ​മീ​പ​കാ​ല​ത്ത് കൂ​ടിവ​ന്നി​ട്ടു​ള്ള ആ​ഗോ​ള​താ​പ​ന​ത്തെ തു​ട​ർ​ന്നു​ള്ള കാ​ലാ​വ​സ്ഥ മാ​റ്റ​വും വ​ന്യ​ജീ​വി​ക​ളു​ടെ മൈ​ഗ്രേ​ഷ​ന് പ്ര​ധാ​ന​ കാ​ര​ണ​മാ​യി ചൂ​ണ്ടിക്കാണി​ക്ക​പ്പെ​ടു​ന്നു​ണ്ട്. ഇ​തോ​ടൊ​പ്പം രോ​ഗാ​ണു​ക്ക​ളും സ​ഞ്ച​രി​ച്ച് ‘സ്പി​ല്‍ ഓ​വ​ര്‍’ ചെ​യ്തു മൃ​ഗജ​​ന്യ രോ​ഗ​ങ്ങ​ള്‍ ഉ​ണ്ടാ​ക്കാം. അ​വ മ​നു​ഷ്യ​രി​ലേ​ക്ക് പ​ക​രു​ക​യും ചെ​യ്യും. എ​ബോ​ള, മേ​ർസ്, ആ​ന്ത്രാ​ക്സ് എ​ന്നി​വ​യൊ​ക്കെ ഇ​തി​ന്റെ മെ​ഡി​ക്ക​ൽ തെ​ളി​വാ​ണ്.

കോവിഡുപോ​ലും ഇ​ങ്ങ​നെ വ​വ്വാ​ലു​ക​ള്‍ വ​ഴി ഒ​രുതരം ഇ​ൗനാ​മ്പേ​ച്ചി വ​ഴി മ​നു​ഷ്യരി​ല്‍ എ​ത്തി​യ​താ​ണ് എ​ന്നാ​ണ് ക​രു​തു​ന്ന​ത്. ദ​ക്ഷി​ണ ക​ര്‍ണാ​ട​ക​യി​ല്‍ മാ​ത്രം റി​പ്പോ​ർട്ട് ചെ​യ്യ​പ്പെ​ട്ടി​രു​ന്ന കു​ര​ങ്ങു​പ​നി വ​യ​നാ​ട്ടി​ലെ വ​ന​മേ​ഖ​ല​യി​ല്‍ എ​ത്തി പ​ക​രു​ന്ന​ത് ഇ​തി​ന്റെ ഒ​രു പ്രാ​ദേ​ശി​ക തെ​ളി​വാ​ണ്. വ​ന്യ​മൃ​ഗ​ങ്ങ​ള്‍ നാ​ട്ടി​ലി​റ​ങ്ങി വീ​ട്ടു​മൃ​ഗ​ങ്ങ​ളുമാ​യി ഇ​ട​പെ​ടലു​ക​ൾ ഉ​ണ്ടാ​കു​ന്ന​ത് പ​ല മൃ​ഗ​ജ​ന്യ​രോ​ഗ​ങ്ങ​ളും അ​വ​യി​ലേ​ക്ക് എ​ത്തിച്ചേരാ​നും സാ​ധ്യ​ത​ക​ളു​മു​ണ്ട്. ഇ​തി​ന് ഏ​കാ​രോ​ഗ്യം കാ​ഴ്ച​പ്പാ​ടി​ല്‍ (One Health) പ​രി​പാ​ടി​ക​ള്‍ ആ​സൂ​ത്ര​ണംചെ​യ്യ​ണം.

മു​മ്പ​ത്തെ രീ​തി​യി​ല്‍നി​ന്ന് മാ​റി കൂ​ടു​ത​ല്‍ ജ​ന​ങ്ങ​ൾ ഉ​പ​ജീ​വ​ന​ത്തി​നു​മു​പ​രി വാ​ണി​ജ്യ ആ​വ​ശ്യ​ങ്ങ​ൾ​ക്കാ​യി വ​ർ​ധി​ച്ച തോ​തി​ൽ വ​ന​വി​ഭ​വ​ങ്ങ​ളെ അ​തി​രു ക​വി​ഞ്ഞു ആ​ശ്ര​യി​ക്കു​ന്ന​തും ഈ ​പ്ര​ദേ​ശ​ങ്ങ​ളി​ല്‍ അ​വ​ക്ക് വീ​ണ്ടെ​ടു​ക്കാ​നാ​കാ​തെ ക്ഷ​യം സം​ഭ​വി​ച്ച് സ്വാ​ഭാ​വി​ക ആ​വാ​സ​വ്യ​വ​സ്ഥ​ക്ക് ത​ക​രാ​റു​ക​ൾ ഉ​ണ്ടാ​ക്കു​ന്നു​ണ്ട്. മ​നു​ഷ്യ-വ​ന്യ​ജീ​വി സം​ഘ​ർ​ഷ​ങ്ങ​ൾ അ​വി​ടെ ജീ​വി​ക്കു​ന്ന​വ​രു​ടെ ഉ​പ​ജീ​വ​നം ത​ന്നെ​യാ​ണ് പ​ല​പ്പോ​ഴും വ​ഴി​യാ​ധാ​ര​മാ​ക്കു​ന്ന​ത്. അ​തി​നാ​ൽ സം​ഘ​ർ​ഷ​ങ്ങളെ തു​ട​ർ​ന്നു​ണ്ടാ​കു​ന്ന സാ​മ്പ​ത്തി​ക ആ​ഘാ​ത​ങ്ങ​ൾ കു​റ​ക്കാ​നും ഉ​ചി​ത ന​ട​പ​ടി​ക​ൾ വേ​ണ്ട​തു​ണ്ട്.

ഇ​തി​നാ​യി പ​ക​രംവെ​ക്കാ​വു​ന്ന സ്വീ​ക​ാര്യ​മാ​യ ഉ​പ​ജീ​വ​ന മാ​ർ​ഗങ്ങ​ളും തൊ​ഴി​ൽ മാ​ർ​ഗ​ങ്ങ​ളും ദ​ാരി​ദ്ര്യല​ഘൂ​ക​ര​ണ സ്കീ​മു​ക​ളും ഇ​വി​ട​ങ്ങ​ളി​ൽ വ്യാ​പ​ക​മാ​ക്ക​ണം. വന ഉ​ൽപന്നങ്ങ​ളെ ആ​ശ്ര​യി​​ച്ച് ജീ​വി​ക്കു​ന്ന​വ​ർ​ക്ക് വ​ന​ന​ശീ​ക​ര​ണം കു​റ​ക്കു​ന്ന​തി​ന് സ​ഹാ​യ​ക​ര​മാ​യ​തും വ​രു​മാ​നം ല​ഭി​ക്കു​ന്ന​തു​മാ​യ മൂ​ല്യ​വ​ർ​ധി​ത ഉ​ൽപന്ന​ങ്ങ​ൾ നി​ർ​മിക്കു​ന്ന കൂ​ടു​ത​ൽ വ​ന​വി​ഭ​വ, ചെ​റു​കി​ട സം​ര​ംഭ​ങ്ങ​ൾ ക​ണ്ടെ​ത്ത​ണം. മാ​നു​ക​ള്‍ക്കും മ​യി​ലു​ക​ള്‍ക്കും മു​യ​ലു​ക​ള്‍ക്കും ആ​ന​ക​ള്‍ക്കും തീ​റ്റ ആ​വ​ശ്യ​ങ്ങ​ള്‍ക്കാ​യി വ​ന​ങ്ങ​ളി​ലെ സ്വാ​ഭാ​വി​ക പു​ൽ​മേ​ടു​ക​ൾ സം​ര​ക്ഷി​ക്കു​ന്ന​തി​നും നി​ലനി​ര്‍ത്തു​ന്ന​തി​നും മൃ​ഗ​സം​ര​ക്ഷ​ണ വ​കു​പ്പ് കു​റ​ഞ്ഞ തീ​റ്റ​പ്പുല്ലു​ക​ള്‍ മാ​ത്രം തി​ന്നു കൂ​ടു​ത​ൽ പാ​ൽ ഉ​ൽപാ​ദി​പ്പി​ക്കു​ന്ന ക​ന്നു​കാ​ലി​ക​ളെ വി​ത​ര​ണംചെ​യ്യേ​ണ്ട​തു​ണ്ട്.

വ​ന​മേ​ഖ​ല​യി​ൽ വീ​ടു​ക​ളി​ൽ പാ​ച​ക​ത്തി​നാ​യി വി​റ​കി​​ന്റെ ആ​വ​ശ്യ​ത്തി​നാ​യി മ​ര​ങ്ങ​ൾ ന​ശി​പ്പി​ക്കു​ന്ന​ത് കു​റ​ക്കാ​ൻ എ​ൽ.പി.ജി സി​ലി​ണ്ട​റു​ക​ളും അ​ടു​പ്പു​ക​ളും മ​ണ്ണെ​ണ്ണ​യും സ​ബ്സി​ഡി​യോടെ വി​ത​ര​ണം ചെ​യ്യ​ണം. ഒ​രു പ്ര​ദേ​ശ​ത്തെ ഭ​ക്ഷ്യ സു​ര​ക്ഷ​യും ഇ​ന്ധ​ന​ക്ഷാ​മ​വും അ​വി​ടെ​യു​ള്ള സ്ത്രീ​ക​ളെ​യാ​യി​രി​ക്കും പ്ര​ധാ​ന​മാ​യും ബാ​ധി​ക്കു​ക. അ​തി​നാ​ൽ ഈ ​വി​ഷ​യ​ത്തി​ൽ തീ​രു​മാ​ന​ങ്ങ​ൾ എ​ടു​ക്കു​മ്പോ​ൾ സ്ത്രീ​പ​ദ​വി പ​ഠ​നം പ്ര​ത്യേ​കം പ​രി​ഗ​ണി​ക്ക​ണം.

വ​രു​മാ​ന​ത്തി​നാ​യി കാ​ടു​ക​ളെ ആ​ശ്ര​യി​ക്കു​ന്ന​ത് കു​റ​ക്കാ​ൻ ഈ ​പ്ര​ദേ​ശ​ങ്ങ​ളി​ൽ ഗ്രാ​മീ​ണ തൊ​ഴി​ലു​റ​പ്പ് പ​ദ്ധ​തി​ക​ൾ, ചെ​റു​കി​ട​ വ്യ​വ​സാ​യ യൂ​നി​റ്റു​ക​ൾ, മൈ​ക്രോ ഫി​നാ​ൻ​സ് യൂ​നി​റ്റു​ക​ൾ, മ​റ്റ് ത​ര​ത്തി​ലു​ള്ള കൃ​ഷി വി​ള​ക​ൾ (crop diversification) തു​ട​ങ്ങണം. ഇ​ത്ത​രം മേ​ഖ​ല​ക​ളി​ൽ കാ​ർ​ഷി​ക​വി​ള​ക​ൾ​ക്കും വ​ള​ർ​ത്തുമൃ​ഗ​ങ്ങ​ൾ​ക്കും ഇ​ൻ​ഷുറ​ൻ​സ് പ​ദ്ധ​തി​ക​ൾ വ്യാ​പ​ക​മാ​ക്കി എ​ല്ലാ​വ​രെ​യും എ​ൻറോ​ള്‍ ചെ​യ്ത് ന​ട​പ്പാക്ക​ണം. നി​ല​വി​ലു​ള്ള പ്ര​ധാ​ൻ​മ​ന്ത്രി ഫ​സ​ൽ ബീ​മാ യോ​ജ​ന പ​ദ്ധ​തി​യി​ൽ ഇ​ത് ഉ​ൾ​പ്പെ​ടു​ത്താ​വു​ന്ന​താ​ണ്.

അ​ണ​ക്കെ​ട്ടു​ക​ള്‍, മ​റ്റു വ​ന്‍കി​ട നി​ർമാ​ണ പ്ര​വ​ൃത്തി​ക​ള്‍മൂ​ലം പു​റ​ത്താ​ക്ക​പ്പെ​ടു​ന്ന​വർക്കും അ​രി​കുവ​ത്ക​രി​ക്ക​പ്പെ​ട്ട​വ​ര്‍ക്കും ആ​ദി​വാ​സി​ക​ള്‍ക്കും ന​ട​പ്പാ​ക്കി​വ​രു​ന്ന റീസെ​റ്റി​ൽ​മെ​ന്റ് സ്കീ​മു​ക​ൾ ഇ​തുപോ​ലു​ള്ള സം​ഘ​ർ​ഷ​മേ​ഖ​ല​ക​ളി​ൽ, വ​ന്യ​ജീ​വി​ക​ളും മ​നു​ഷ്യ​രും ഇ​ട​ക​ല​ർ​ന്ന് വ​രാ​തി​രി​ക്കാ​ൻ അ​ധി​കാ​രി​ക​ൾ പ്ര​ത്യേ​കം ശ്ര​ദ്ധ​ ന​ൽ​ക​ണം.

അ​ടു​ത്ത​താ​യി വ​ന്യമൃ​ഗ​ങ്ങ​ൾ മ​നു​ഷ്യ​വാ​സ​മേ​ഖ​ല​യി​ൽ അ​തി​ക്ര​മി​ച്ച് ക​ട​ക്കു​ന്ന​ത് ഏ​തുവി​ധേ​ന​യും ത​ട​യേ​ണ്ട​തു​ണ്ട്. ഇ​തി​നാ​യി അ​വ​യു​ടെ സ​ഞ്ചാ​ര​ങ്ങ​ള്‍/ നീ​ക്ക​ങ്ങ​ള്‍ മ​ന​സ്സി​ലാ​ക്കാ​ന്‍ പ​റ്റു​ന്ന, നേ​ര​ത്തേയു​ള്ള അ​പ​ക​ട സൂ​ച​ന​ക​ൾ തി​രി​ച്ച​റി​യു​ന്ന രീ​തി​ക​ളും അ​തി​നോ​ടൊ​പ്പം ‘വാ​ണി​ങ്’ ന​ൽ​കു​ന്ന രീ​തി​ക​ളും വേ​ണ്ട​തു​ണ്ട്. ഇ​ങ്ങ​നെ​യു​ള്ള ഒ​രു ‘അ​ല​ർ​ട്ട് യ​ന്ത്രം’ തൃ​ശൂ​ർ വെ​റ്ററിന​റി കോ​ളജി​ൽ വി​ക​സി​പ്പി​ച്ച​താ​യി വാ​ർ​ത്ത​ക​ൾ ക​ണ്ടു. ഇ​തി​നാ​യി സാ​റ്റലൈ​റ്റ്, ടെ​ലി​മെ​ട്രി, സാ​ങ്കേ​തി​ക വി​ദ്യ​ക​ളും ഡ്രോ​ണു​ക​ളും ഇ​ൻ​ഫ്രാ​റെ​ഡ് ടെ​ക്നോ​ളജിക​ളും ക​മ്യൂ​ണി​റ്റി റേ​ഡി​യോ സം​വി​ധാ​ന​ങ്ങ​ളും വാ​ട്സ്ആ​പ് ഗ്രൂപ്പു​ക​ളും വ്യാ​പ​ക​മാ​യി ഉ​പ​യോ​ഗ​പ്പെ​ടു​ത്തേ​ണ്ട​തു​ണ്ട്.

മൃ​ഗ​ങ്ങ​ളെ അ​ക​റ്റാ​നും ജ​ന​വാ​സ​മേ​ഖ​ല​ക​ളി​ലേ​ക്കും കൃ​ഷി​സ്ഥ​ല​ങ്ങ​ളിലേക്കും ക​ട​ന്നുവ​രു​ന്ന​ത് തടയാനും വേ​ലി​ക​ളോ കി​ട​ങ്ങു​ക​ളോ പ​ണി​യേ​ണ്ട​തു​ണ്ട്. ഇ​ങ്ങ​നെ ഉ​ണ്ടാ​ക്കു​ന്ന കി​ട​ങ്ങു​ക​ൾ/വേ​ലി​ക​ൾ അ​വ​യു​ടെ നി​ല​വി​ലു​ള്ള സ​ഞ്ചാ​രപ​ഥ​ങ്ങ​ൾ ത​ട​യു​ന്ന​തോ ക​ണ​ക്ടി​വി​റ്റി മു​റി​യ​പ്പെ​ടു​ന്ന​തോ ആ​കാ​തി​രി​ക്കാ​ൻ ശ്ര​ദ്ധി​ക്കേ​ണ്ട​തു​ണ്ട്്. ഇ​വ പ​ണി​യു​ന്ന​ത് ലേ​ഖ​ന​ത്തി​ന്റെ ആ​ദ്യഭാ​ഗ​ത്ത് വി​ശ​ദീ​ക​രി​ച്ച​തുപോ​ലെ സം​സ്ഥാ​ന-ജി​ല്ല-ഭ​ര​ണ​പ​ര​മാ​യ അ​തി​ർ​ത്തി​ക​ൾ ക​ണ​ക്കാ​ക്കാ​തെ മൃ​ഗ​ങ്ങ​ളു​ടെ ത​രംതി​രി​ച്ചും, അ​വ​യു​ടെ വാ​ർ​ഷി​ക​മോ സീ​സ​ണലോ ​ആ​യ മൈ​ഗ്രേ​ഷ​നും ഭൂ​പ്ര​കൃ​തി​ക്കും അനു​സ​രി​ച്ചാ​യി​രി​ക്ക​ണമെ​ന്ന കാ​ര്യം പ്ര​ത്യേ​കം ശ്ര​ദ്ധി​ക്കേ​ണ്ട​തു​ണ്ട്.

ഇ​തി​നാ​യി നി​ല​വി​ലെ സോ​ളാ​ര്‍ ഇലക്ട്രിക് വേ​ലിക​ള്‍ക്ക് ഒ​പ്പം അ​തി​ര്‍ത്തി​ക​ളി​ല്‍ മു​ള്ളു​ക​ളു​ള്ള നാ​ര​ങ്ങ ചെ​ടി​ക​ളു​ടെ വേ​ലി​ക​ളും തേ​നീ​ച്ച കൂ​ടു​ക​ള്‍ ഇ​ട​ക്കിടെ സ്ഥാ​പി​ക്കു​ന്ന ബീ ​ഹൈ​വ് ഫെ​ന്‍സിങ് രീ​തി​ക​ളും ന​ട​പ്പാക്കാ​ം. ഇ​ത് ആ​ഫ്രിക്ക​യി​ലെ കെ​നി​യ​യി​ല്‍ ഡോ. ​ലു​സി കിങ് വി​ജ​യ​ക​ര​മാ​യി തെ​ളി​യി​ച്ച രീ​തി​യാ​ണ്. കേ​ര​ളം ക​ഴി​ഞ്ഞവ​ര്‍ഷ​ം 158.4 കി.​മീ. ട്രെ​ഞ്ചു​ക​ൾ സ്ഥാ​പി​ച്ചി​ട്ടു​ണ്ട്. 237 മീ​റ്റ​ർ കോ​മ്പൗ​ണ്ട് മ​തി​ൽ, 42.6 കി.മീ. സോ​ളാ​ർ വേ​ലി​യും കെ​ട്ടി​.

വ​യ​നാ​ട്ടിൽ 341, ഇ​ടു​ക്കി​യി​ൽ 249 വീ​തം കു​ള​ങ്ങളും ​ഉ​ണ്ടാ​ക്കി​യി​ട്ടു​ണ്ട്. അ​തുപോ​ലെ വ​ന​മേ​ഖ​ല​ക​ൾ അ​വ​യു​ടെ വ​ഹി​ക്കാ​നു​ള്ള ശേ​ഷി -carrying capacity- ക്ക​പ്പു​റം വ​ന്യ​മൃ​ഗ​ങ്ങ​ൾ വ​ർ​ധി​ക്കു​മ്പോ​ൾ, മ​നു​ഷ്യവാ​സ പ്ര​ദേ​ശ​ങ്ങ​ൾ സം​ഘ​ർ​ഷ​മേ​ഖ​ല​ക​ളാ​യി മാ​റു​മ്പോ​ൾ ശാ​സ്ത്രീ​യ സം​വി​ധാ​ന​ങ്ങ​ളും വേ​ണം. ഇ​തി​നാ​യി പ​രി​ജ്ഞാ​ന​വും പ​രി​ശീ​ല​ന​വും കി​ട്ടി​യ മൃ​ഗ​സം​ര​ക്ഷ​ക​ർ വേ​ണ്ട​തു​ണ്ട്. ഇ​വ​ർ​ക്ക് മൃ​ഗ​ങ്ങ​ളെ ഉ​പ​ദ്ര​വി​ക്കാ​തെ/​പ​രിക്കുപ​റ്റാ​തെ പി​ടി​ക്കാ​നും സൂ​ക്ഷി​ക്കാ​നും (റെ​സ്ക്യൂ സെ​ന്റ​ര്‍) മാ​റ്റാ​നും സാ​ധി​ക്കു​ന്ന ഉ​പ​ക​ര​ണ​ങ്ങ​ളും വാ​ഹ​ന​ങ്ങ​ളും വേ​ണം. ഇ​പ്പോ​ള്‍ ന​ട​പ്പാക്കി വ​രു​ന്ന ‘ട്രാ​ന്‍സ് ലൊ​ക്കേ​ഷ​ന്‍’ രീ​തി അ​ത്ര വി​ജ​യ​ക​ര​മ​ല്ല എ​ന്നാ​ണ് ശാ​സ്ത്രീ​യ അ​ഭി​പ്രാ​യം.

സം​ഘ​ര്‍ഷ മേ​ഖ​ല​ക​ളി​ൽ വ​നം-മൃ​ഗ​ സം​ര​ക്ഷ​ണ വ​കു​പ്പുക​ൾ​ക്ക് പ്രാ​ദേ​ശി​ക​മാ​യ ആ​ളു​ക​ളു​ടെ സ​ഹ​ക​ര​ണ​ത്തോ​ടെ പ​ട്രോ​ളിങ് ന​ട​ത്താ​ം. ഇ​തി​നാ​യി പ​ര​മ്പ​രാ​ഗ​ത​മാ​യി പാ​പ്പാ​ൻ​മാ​രാ​യ യു​വാ​ക്ക​ളെ​യും ദി​വ​സ​തൊ​ഴി​ലാ​ളി​ക​ളെ​യും ആ​വ​ശ്യ​മു​ള്ള ട്രെ​യി​നിങ് ന​ൽ​കി അ​പ്ര​ന്റീസു​മാ​രാ​യി ഏ​ർ​പ്പാ​ടാക്കാ​ം. മ​നു​ഷ്യ​രും വ​ന്യ​ജീ​വി​ക​ളും ഒ​രേ സ്പേസി​ൽത​ന്നെ ഇ​ട​ക​ല​ർ​ന്ന് ജീ​വി​ക്കു​മ്പോ​ൾ അ​വ​യു​ടെ നെ​ഗ​റ്റി​വ് ഇം​പാ​ക്ടു​ക​ളും ഉ​ണ്ടാ​വും.

ഇ​തു ത​ട​യാ​ൻ ഇ​വി​ട​ങ്ങ​ളി​ൽ റാ​പി​ഡ് റെ​സ്‌​പോൺ​സ് ടീം ​ ഉ​ണ്ടാ​ക​ണം. തി​രി​ച്ച​റി​യ​പ്പെ​ട്ട ഹോ​ട്ട് സ്പോ​ട്ടു​ക​ളി​ലൊ​ക്കെ പ്രാ​ഥ​മി​ക പ്ര​തി​പ്ര​വ​ർ​ത്ത​ന​ങ്ങ​ൾക്കാ​യി വി​ല്ലേ​ജ് ക്ല സ്റ്റ​റു​ക​ൾ ഉ​ണ്ടാ​ക​ണം. ഹ​ബ്ബു​ക​ൾ കേ​ന്ദ്രീ​ക​രി​ച്ച് ക​ൺ​ട്രോ​ൾ മു​റി​ക​ൾ ഉ​ണ്ടാ​ക്ക​ണം. ഇ​വി​ടെ പ്ര​വ​ർ​ത്തി​ക്കു​ന്ന​വ​ർ​ക്ക് ഫ​സ്റ്റ് എ​യ്ഡ്, ബേ​സി​ക് ലൈ​ഫ് സ​പ്പോ​ർ​ട്ട് ചി​കി​ത്സ ഇ​വ​യൊ​ക്കെ അ​റി​ഞ്ഞി​രി​ക്കണം. പ്ര​ദേ​ശ​ത്തു​ള്ള ആ​രോ​ഗ്യ കേ​ന്ദ്ര​ങ്ങ​ളു​മാ​യി ന​ല്ല ലെ​യ്സ​ന്‍ ബ​ന്ധ​ങ്ങ​ളും വേ​ണം. വി​വ​ര​വി​നി​മ​യ​ത്തി​നും പ്ര​വ​ർ​ത്ത​ന​ങ്ങ​ള്‍ക്കും ഗൈ​ഡ് ലൈ​നു​ക​ളും വേ​ണ്ട സം​സ്ഥാ​ന-കേ​ന്ദ്ര ഫ​ണ്ടു​ക​ളും വേ​ണം. ഇ​തി​നാ​യി ദേ​ശീ​യത​ല​ത്തി​ൽ നാ​ഷ​ന​ൽ ക​ൺ​സോ​ർ​ട്യം സ്ഥാ​പി​ത​മാ​കേ​ണ്ട​തു​ണ്ട്.

വ​ന്യ​മൃ​ഗ​ങ്ങ​ളു​ടെ ച​ല​ന​ം നി​രീ​ക്ഷി​ച്ച് നാ​ട്ടു​കാ​രെ അ​റി​യി​ക്കാ​ൻ പ്രാ​ദേ​ശി​ക സ​മൂ​ഹ​ത്തി​ലെ തി​ര​ഞ്ഞെ​ടു​ക്ക​പ്പെ​ട്ട​വ​രെ/സ​ന്ന​ദ്ധപ്ര​വ​ര്‍ത്ത​ക​രെ ഏ​ൽ​പിക്കാ​വു​ന്ന​താ​ണ്. ഹോം​ഗാ​ർ​ഡ് സ​മ്പ്ര​ദാ​യംപോ​ലെ​യു​ള്ള ഇ​വ​ർ​ക്ക് ബ​ൾ​ക്ക് മെ​സേ​ജി​ങ്, പ്രാ​ദേ​ശി​ക ടി.​വി ചാ​ന​ലു​ക​ൾ, എ​ഫ്.​എം റേ​ഡി​യോ ഇ​വ​യു​ടെ സാ​ധ്യ​ത ഉ​പ​യോ​ഗ​പ്പെ​ടു​ത്താ​വു​ന്ന​താ​ണ്. കൂടാ​തെ കൃ​ഷി, ടൂറി​സം, വ്യ​വ​സ്യാ​യ വ​കു​പ്പുകൾ എന്നി​വ​യൊ​ക്കെ സം​യു​ക്ത​മാ​യി ഒ​ാരോ ഭൂ​പ്ര​ദേ​ശ​ത്തും അ​തി​ന​നു​സ​രി​ച്ച് അ​വ​രു​ടെ ന​യ​ങ്ങ​ൾ പ​ര​സ്പ​രം ബ​ന്ധ​പ്പെ​ടു​ത്തി രൂ​പ​പ്പെ​ടു​ത്തി​യായി​രി​ക്ക​ണം മു​ന്നോ​ട്ടുപോ​കു​ന്ന​ത്.

വ​നംവ​കു​പ്പി​ലെ ഉ​ദ്യോ​ഗ​സ്ഥ​ർ​ക്കും വ​ന​പാ​ല​ക​രാ​യ വ​ള​ന്റി​യ​ർ​മാ​ർ​ക്കും വ​ന്യ​മൃ​ഗ​ങ്ങ​ളു​മാ​യി ഇ​ട​പെ​ടാ​നു​ള്ള​ സു​ര​ക്ഷാ പ​രി​ശീ​ല​ന​ങ്ങ​ളും ന​ൽ​കേ​ണ്ട​തു​ണ്ട്. വ​ന്യ​മൃ​ഗ​ങ്ങ​ളു​ടെ ആക്ര​മ​ണ​ങ്ങ​ളി​ൽനി​ന്ന് ര​ക്ഷ​നേ​ടാ​നു​ള്ള സു​ര​ക്ഷാ സം​വി​ധാ​ന​ങ്ങ​ളും ഉ​പ​ക​ര​ണ​ങ്ങ​ളും അ​വ​ർ​ക്ക് ന​ൽ​കേ​ണ്ട​തു​ണ്ട്. മൃ​ഗ​ങ്ങ​ളെ പ​രി​ച​യ​മു​ള്ള ആ​ന പാ​പ്പാ​ന്മാ​ർ, ഇ​ട​യ​ന്മാ​ർ, മൃ​ഗ​സം​ക്ഷ​ക​ർ, നാ​ട്ട​റി​വു​ക​ളു​ടെ ക​ല​വ​റ​ക​ളാ​യ വ​ന​വാ​സി​ക​ളി​ലെ മു​ൻ​നി​ര പ്ര​വ​ർ​ത്ത​ക​ർ ഇ​വ​രെ​യൊ​ക്കെ ശാ​ക്തീ​ക​രി​ച്ച് വ​ന്യജീ​വി സം​ഘ​ർ​ഷ​ങ്ങ​ൾ ല​ഘൂക​രി​ക്കാ​നു​ള്ള പ്ര​വ​ർ​ത്ത​ന​ങ്ങ​ളി​ൽ ക​ണ്ണിചേ​ർ​ക്കേ​ണ്ട​തു​ണ്ട്. ഇ​തി​നാ​യി പാ​ര​മ്പ​ര്യ​വും പ്രാ​ദേ​ശി​ക​വു​മാ​യ അ​റി​വു​ക​ളും ആ​ധു​നി​ക സാ​ങ്കേ​തി​ക​വി​ദ്യ​ക​ളു​മാ​യി വി​ള​ക്കിച്ചേർ​ക്കേ​ണ്ട​തു​ണ്ട്.

ആ​ദ്യ​മേ പ​രാ​മ​ർ​ശി​ക്ക​പ്പെ​ട്ട ചാ​ല​കശ​ക്തി​ക​ളും അ​തി​​ന്റെ ഫ​ല​മാ​യി ഉ​ണ്ടാ​കു​ന്ന സ​മ്മ​ർ​ദ​ങ്ങ​ളും ഒ​രു ഭൂ​പ്ര​ദേ​ശ​ത്ത് സ്വാ​ഭാ​വി​ക​ ആ​വാ​സ​വ്യ​വ​സ്ഥ​യു​ടെ ഭാ​ഗ​മാ​യി നി​ല​വി​ലു​ള്ള മ​നു​ഷ്യ​രെ​യും വ​ന്യ​ജീ​വി​ക​ളെ​യും വ​ഹി​ക്കാ​നു​ള്ള കാരി​യിങ് ക​പ്പാ​സി​റ്റി കു​റ​ക്കു​ം. ആ ​മേ​ഖ​ല​യി​ൽ അ​വ​ർ​ക്ക് അ​തി​ജീ​വ​ിത​ത്തി​നാ​വ​ശ്യ​മാ​യ വി​ഭ​വ​ല​ഭ്യ​ത​യു​ടെ ഗു​ണ​ങ്ങ​ളും വ്യാ​പ്തി​യും കു​റ​ക്കു​ന്ന അ​വ​സ്ഥ​ ഉ​ണ്ടാ​കും. ഇ​ത് ഇ​വ​ർ​ക്കി​ട​യി​ൽ പ​ര​സ്പ​രം മ​ത്സ​രം ഉ​ണ്ടാ​ക്കി അ​തു​വ​ഴി മ​നു​ഷ്യ​രു​ടെ അ​ധി​വാ​സ സ്ഥ​ല​ങ്ങ​ളി​ലേ​ക്ക് ക​ട​ന്നുക​യ​റ്റം ഉ​ണ്ടാ​കും.

ഇ​ത് തു​ട​ർ​ച്ച​യാ​യി ഉ​ണ്ടാ​കു​മ്പോ​ൾ ത​ങ്ങ​ളു​ടെ ജീ​വ​നും സ്വ​ത്തി​നും ഭീ​ഷ​ണിയാ​വു​മ്പോ​ൾ ജ​ന​ങ്ങ​ളു​ടെ ചി​ന്താ​രീ​തി അ​പ്പാ​ടെത​ന്നെ വ​ന്യജീ​വി​ക​ൾ​ക്കെ​തി​രായി മാ​റിയെന്നും​ വ​രാം. തു​ട​ർ​ന്ന് ജ​ന​ം ഒ​ന്ന​ട​ങ്കം വ​ന്യ​ജീ​വി​ക​ളെ ന​ശി​പ്പി​ക്ക​ണ​മെ​ന്നാ​വ​ശ്യ​പ്പെ​ടു​ന്ന ഘ​ട്ട​ത്തി​ലെ​ത്താം. പ​ല​യി​ട​ത്താ​യി ഇ​ട​ക്കി​ടെ ഇ​ങ്ങ​നെ സം​ഘ​ട്ട​ന​ം ഉ​ണ്ടാ​കു​മ്പോ​ൾ സ്വാ​ഭാ​വി​ക​മാ​യും ജ​ന​ങ്ങ​ൾ ഇ​തി​നെ​തി​രെ എ​ടു​ക്കു​ന്ന ന​ട​പ​ടി​ക​ളു​ടെ ഫ​ലപ്രാ​പ്തി​യി​ലും സം​ശ​യാ​ലു​ക്ക​ളായി​ മാറും.

ഇ​തി​ന്റെ ഉ​ദാ​ഹ​ര​ണ​മാ​ണ് പ​ല​യി​ട​ത്തും ജ​ന​ം വ​നംവ​കു​പ്പ് ജീ​വ​ന​ക്കാ​ര്‍ക്ക് എ​തി​രെ തി​രി​യു​ന്ന​ത്. ഇ​ങ്ങ​നെ വി​ള​നാ​ശം, വ​ള​ർ​ത്തു​മൃ​ഗ​ങ്ങ​ളു​ടെ നാ​ശം, ജീ​വ​ൻ സു​ര​ക്ഷാ പ്ര​ശ്ന​ങ്ങ​ൾമൂ​ലം മ​നു​ഷ്യ​രു​ടെ പ​ക്ഷ​ത്തുനി​ന്നു​ള്ള പ്ര​ത്യാ​ക്ര​മ​ണ​ങ്ങ​ൾ ‘ഷൂ​ട്ട്‌ അ​റ്റ്‌ സൈറ്റ്’ എ​ന്ന നി​ല​യി​ല്‍ കൊ​ന്നുതീ​ർ​ക്കു​ക എ​ന്ന ഉ​ത്ത​ര​ത്തി​ൽത​ന്നെ ചെ​ന്നുനി​ൽ​ക്കു​മ്പോ​ൾ വ​ന്യ​ജീ​വി​ക​ളു​ടെ അ​തി​ജീ​വ​നംത​ന്നെ വി​ഷ​മ​ക​ര​മാ​യി മാ​റും. അ​തി​നാ​ൽ, വ​ന്യ​ജീ​വി​ക​ളി​ൽനി​ന്നും എ​ല്ലാ​ത​ര​ത്തി​ലു​മുള്ള ആക്ര​മ​ണസാ​ധ്യ​ത​ പ​ര​മാ​വ​ധി കു​റ​ക്കാ​നു​ള്ള ശ്ര​മ​ങ്ങ​ളാ​ണ് സ​ർ​ക്കാ​റി​ന്റെയും ജ​ന​ങ്ങ​ളു​ടെ​യും ഭാ​ഗ​ത്തുനി​ന്ന് വേ​ണ്ട​ത്.

ഇ​ത് ഭാ​വി​യി​ൽ ത​ട​യാ​നാ​യി ദീ​ർ​ഘ​വീ​ക്ഷ​ണ​ത്തോ​ടെ​യു​ള്ള പ്ര​വ​ർ​ത്ത​ന​ങ്ങ​ൾ വി​വി​ധ വ​കു​പ്പു​ക​ളു​ടെ, ജ​ന​വി​ഭാ​ഗ​ങ്ങ​ളു​ടെ സ​ഹ​ക​ര​ണ​ത്തോ​ടെ ന​ട​പ്പാ​ക്കേ​ണ്ട​തു​ണ്ട്. ‘ഷൂ​ട്ട്‌ അ​റ്റ്‌ സൈ​റ്റ്’ രീ​തി​യി​ല്‍ മൃ​ഗവേ​ട്ട​യ​ല്ല ഇതിനുള്ള ഉ​ത്ത​രം. ഏകാ​രോ​ഗ്യ​ത്തി​ന്റെ (One Health) കാ​ഴ്ച​പ്പാ​ടി​ല്‍ മ​നു​ഷ്യ​രും വ​ന്യജീ​വി​ക​ളും വ​ന​ങ്ങ​ളും ആ​വാ​സ​വ്യ​വ​സ്ഥ​യും ഉ​ള്‍പ്പെ​ടു​ന്ന വ​ന്യ​ജീ​വി സം​ഘ​ര്‍ഷ​ങ്ങ​ള്‍ ഉ​യ​ര്‍ന്ന പ​രി​ഗ​ണ​ന​ വേ​ണ്ടു​ന്ന പൊ​തുജ​നാ​രോ​ഗ്യ​ വി​ഷ​യ​വുംകൂ​ടി​യാ​ണ്.

പ്ര​കൃ​തിദു​ര​ന്ത​ങ്ങ​ള്‍പോ​ലെ കാ​ലാ​വ​സ്ഥാ മാ​റ്റ​ത്തി​ന്റെ മ​റ്റൊ​രു പ​രി​ണി​തഫ​ല​ങ്ങ​ളുംകൂ​ടി​യാ​ണ് ഈ ​മ​നു​ഷ്യമൃ​ഗ സം​ഘ​ര്‍ഷ​ങ്ങ​ള്‍. ഈ ​വി​ഷ​യം രാ​ഷ്ട്രീ​യ പാ​ര്‍ട്ടി​ക​ളു​ടെ അ​ജ​ണ്ട​ക​ളി​ല്‍ ഉ​ൾപ്പെ​ടു​ത്താ​നും ഭ​ര​ണ​ത്തി​ല്‍ വ​രു​ന്ന​വ​ര്‍ മു​ന്‍ഗ​ണ​ന​ ന​ല്‍കി ന​ട​പ​ടി​ക​ളെ​ടു​ക്കാ​നുംജ​ന​ങ്ങ​ളു​ടെ ഭാ​ഗ​ത്തുനി​ന്ന് സ​മ്മ​ർദ​ം വേ​ണ്ട​തു​ണ്ട്.