40ലെ​ത്തു​ന്ന കൗ​മാ​രം

2024 ജൂ​ൺ ആ​റി​ന് സു​നി​ൽ ഛേത്രി​യെ​ന്ന ഫു​ട്ബാ​ള​റു​ടെ അ​ന്താ​രാ​ഷ്ട്ര ക​രി​യ​റി​ന് ഫൈ​ന​ൽ വി​സി​ലൂ​തു​മ്പോ​ൾ അ​ദ്ദേ​ഹ​ത്തി​ന് 40 വ​യ​സ്സ് തി​ക​യാ​ൻ 50ൽ​പ​രം ദി​വ​സ​ങ്ങ​ളേ ബാ​ക്കി​യു​ണ്ടാ​വൂ. ഫു​ട്ബാ​ൾ താ​ര​ങ്ങ​ൾ ബ​ഹു​ഭൂ​രി​ഭാ​ഗ​വും 34-37 വ​യ​സ്സി​ൽ ക​ളം​വി​ടു​ന്ന​വ​രാ​ണ്. 39 വ​യ​സ്സ് പി​ന്നി​ട്ടി​ട്ടും അ​ന്താ​രാ​ഷ്ട്ര ജ​ഴ്സി​യി​ൽ തു​ട​രു​ന്ന ക​ളി​ക്കാ​ർ തു​ലോ​ം തു​ച്ഛം. ഇ​തി​ഹാ​സ​ങ്ങ​ൾ മാ​ത്ര​മേ പ്രാ​യ​ത്തെ​യും കാ​ല​ത്തെ​യും അ​തി​ജീ​വി​ക്കൂ​വെ​ന്ന​തി​ന് ച​രി​ത്രം സാ​ക്ഷി. ഇ​പ്പോ​ഴും കൗ​മാ​ര​ക്കാ​ര​ന്റെ ചു​റു​ചു​റു​ക്കോ​ടെ ക​ളി​ക്കു​ക​യും ഗോ​ള​ടി​ച്ചു​കൂ​ട്ടു​ക​യും ചെ​യ്യു​ന്ന അ​ഞ്ച​ടി ഏ​ഴി​ഞ്ചു​കാ​ര​ൻ ഛേത്രി​യു​ടെ വി​ജ​യ​ത്തി​ന് പി​ന്നി​ൽ അ​ച്ച​ട​ക്ക​മു​ള്ള ജീ​വി​ത​ശൈ​ലി ത​ന്നെ​യാ​ണ്. ഫി​റ്റ്ന​സ് നി​ല​നി​ർ​ത്താ​ൻ കൃ​ത്യ​മാ‍യ വ്യാ​യാ​മ​വും ക​ർ​ശ​ന​മാ​യ ഭ​ക്ഷ​ണ​ശീ​ല​വും മാ​ത്രം പോ​രെ​ന്നും ജീ​വി​ത​ത്തി​ന്റെ സ​ക​ല മേ​ഖ​ല​ക​ളി​ലും വേ​ണം അ​ച്ച​ട​ക്ക​മെ​ന്നും ഛേത്രി ​തെ​ളി​യി​ച്ചി​ട്ടു​ണ്ട്.

ജീ​വി​ത​ത്തെ പോ​സി​റ്റിവാ​യി കാ​ണു​ക, സ​ഹ​താ​ര​ങ്ങ​ൾ​ക്കും കൂ​ട്ടു​കാ​ർ​ക്കും ഛേത്രി ​ആ​ദ്യം ന​ൽ​കു​ന്ന ഉ​പ​ദേ​ശ​മി​താ​ണ്. തോ​ൽ​ക്കും അ​ല്ലെ​ങ്കി​ൽ ജ​യി​ക്കും. ചി​ല​പ്പോ​ൾ ര​ണ്ടു​മു​ണ്ടാ​വി​ല്ല. ക​ഠി​നാ​ധ്വാ​ന​മാ​ണ് പ്ര​ധാ​നം. ജീ​വി​ത​ത്തെ ഒ​രു മാ​ര​ത്ത​ണാ​യി കാ​ണ​ണ​മെ​ന്ന പ​ക്ഷ​ക്കാ​ര​നാ​ണ് ഛേത്രി. ​സെ​ക്ക​ൻ​ഡു​ക​ൾ​കൊ​ണ്ട് അ​വ​സാ​നി​ക്കു​ന്ന സ്പ്രി​ന്റ് അ​ല്ല. അ​ടു​ത്ത മ​ത്സ​ര​ത്തെ​ക്കു​റി​ച്ച് ചി​ന്തി​ക്കു​ന്നപോ​ലെ വ​രാ​നി​രി​ക്കു​ന്ന കാ​ര്യ​ങ്ങ​ളെ​ക്കു​റി​ച്ച് മാ​ത്രം ആ​ലോ​ചി​ക്കു​ക. മി​ത​മാ​യ ഭ​ക്ഷ​ണ​വും അ​ച്ച​ട​ക്ക​മു​ള്ള ജീ​വി​ത​രീ​തി​യും കൈ​ക്കൊ​ള്ളു​ക​യാ​ണെ​ങ്കി​ൽ ഫി​റ്റ്ന​സ് ഒ​രി​ക്ക​ലും ന​ഷ്ട​പ്പെ​ടി​ല്ലെ​ന്ന് ഛേത്രി ​പ​ല​കു​റി പ​റ​ഞ്ഞു​വെ​ച്ച​താ​ണ്.

ഇ​ഷ്ട​മു​ള്ള കാ​ര്യ​ങ്ങ​ൾ ചെ​യ്യു​ക. അ​തി​ൽനി​ന്ന് പി​ന്തി​രി​പ്പി​ക്കാ​ൻ ആ​രു വി​ചാ​രി​ച്ചാ​ലും ക​ഴി‍യി​ല്ല. ഫു​ട്ബാ​ൾ ശാ​രീ​രി​ക ക​രു​ത്ത് മാ​ത്ര​മ​ല്ല ക്ഷ​മ​യും സ​ഹി​ഷ്ണു​ത​യു​മൊ​ക്കെ ആ​വ​ശ്യ​മു​ള്ള ഗെ​യി​മാ​ണ്. അ​ത് ജീ​വി​ത​ത്തി​ലേ​ക്കും പ​ക​ർ​ത്ത​ണം. ഓ​രോ ദി​വ​സ​വും ന​ന്നാ​യി ആ​രം​ഭി​ക്കു​ക. എ​ന്തെ​ങ്കി​ലും പ്ര​ശ്നം മ​ന​സ്സി​നെ അ​ല​ട്ടു​ന്നു​ണ്ടെ​ങ്കി​ൽ ന​ട​ക്കാ​നോ ജോ​ഗി​ങ്ങി​നോ പു​റ​ത്തു​പോ​വു​ക. കാ​ഴ്ച​ക​ൾ മ​ന​സ്സി​നെ ത​ണു​പ്പി​ച്ചേ​ക്കാം. ഇ​ട​ക്ക് പ്രി​യ​പ്പെ​ട്ട​വ​രു​മാ​യി സം​സാ​രി​ക്കു​ക. ലോ​ക​ത്തി​ന്റെ ഏ​ത് മൂ​ല​യി​ലാ​ണെ​ങ്കി​ലും കു​ടും​ബ​വും സു​ഹൃ​ത്തു​ക്ക​ളും വ​ലി​യ ശ​ക്തി​യാ​ണ്. ഒ​രു വ്യാ​യാ​മ​ത്തി​ൽനി​ന്നും കി​ട്ടാ​ത്ത പ്ര​ത്യേ​ക​ത​രം ഉ​ന്മേ​ഷം അ​തി​ലു​ണ്ട്.

കു​റ​ഞ്ഞ​ത് ഏ​ഴ് മ​ണി​ക്കൂ​ർ ഉ​റ​ക്കം. ഗാ​ഢ​വും സ​മ​യ​നിഷ്ഠ​പ്ര​കാ​ര​വു​മു​ള്ള ഉ​റ​ക്കം ശ​രീ​ര​ത്തിന്റെയും മ​ന​സ്സി​ന്റെയും ആ​രോ​ഗ്യ​ത്തി​ന് അ​ത്യാ​വ​ശ്യ​മാ​ണ്. വൈ​കി​യു​റ​ങ്ങി വൈ​കി​യു​ണ​ർ​ന്നാ​ൽ ആ ​ദി​വ​സം മു​ഴു​വ​ൻ പോ​യപോ​ലെ. രാ​വി​ലെ നേ​ര​ത്തേ​യു​ണ​ര​ൽ. ത​ലേ​ന്ന​ത്തെ കാ​ര്യ​ങ്ങ​ളെ​യെ​ല്ലാം മ​റ​വി​യു​ടെ ഫോ​ൾ​ഡ​റി​ലേ​ക്ക് മാ​റ്റ​ണം. പു​തി​യ ദി​വ​സം തു​ട​ങ്ങു​ക​യാ​ണ്. കി​ട​ക്ക​യി​ൽനി​ന്നെ​ണീ​റ്റി​രു​ന്ന് ആ​ഗ​ത​മാ​യ ദി​വ​സ​ത്തെ​ക്കു​റി​ച്ചോ​ർ​ത്ത് ഒ​രു മി​നി​റ്റ് മൗ​നം. സ​ന്തോ​ഷ​ക​രവും വി​ജ​യ​ക​ര​വു​മാ​യ പു​തി​യൊ​രു ദി​ന​ത്തി​ലേ​ക്കു​ള്ള ആ​ദ്യ​പ​ടി. മ​ന​സ്സി​നെ തീ​ർ​ത്തും ശാ​ന്ത​മാ​ക്കാ​നാ​ണീ ധ്യാ​നം.

ആ​ഴ്ച​യി​ലൊ​രു ദി​വ​സം ശ​രീ​ര​ത്തി​ന് വി​ശ്ര​മം വേ​ണം. അ​ത് എ​ന്നാ​ണ് വേ​ണ്ട​തെ​ന്ന് സാ​ഹ​ച​ര്യ​ത്തി​ന​നു​സ​രി​ച്ച് തീ​രു​മാ​നി​ക്കാ​റാ​ണ് ഛേത്രി. ​പേ​ശി​ക​ൾ ത​ണു​പ്പി​ക്കേ​ണ്ട​ത് അ​ത്യാ​വ​ശ്യ​മാ​ണ്. ഉ​ണ​രാ​ൻ കു​റ​ച്ച് വൈ​കും. അ​ന്ന് ചെ​റി​യ വ്യാ​യാ​മം മാ​ത്രം. രാ​വി​ലെ ബൈ​ക്കി​ലോ കാ​റി​ലോ പു​റ​ത്തു​പോ​വും. സ്പോ​ർ​ട്സ് ഷൂ​സാ​യി​രി​ക്കും ധ​രി​ക്കു​ക. തോ​ളി​ൽ ചി​ല​പ്പോ​ൾ ഷാ​ളു​ണ്ടാ​വും. ഉ​ച്ചഭ​ക്ഷ​ണ​ത്തി​ന് കൂ​ടെ സു​ഹൃ​ത്തു​ക്ക​ളെ കൂ​ട്ടാ​റു​ണ്ട്. വൈ​കു​ന്നേ​രം ഷോ​പ്പി​ങ്. വീ​ട്ടി​ലാ​വു​മ്പോ​ൾ കു​ടും​ബ​ത്തി​നൊ​പ്പം പ​ര​മാ​വ​ധി സ​മ​യം ചെ​ല​വ​ഴി​ക്കാ​നാ​ണ് താ​ൽ​പര്യം. കാ​രം​സ്, ചെ​സ്, അ​മ്പെ​യ്ത്ത് തു​ട​ങ്ങി​യ​വ​യാ​ണ് ഛേത്രി​യു​ടെ മ​റ്റു വി​നോ​ദ​ങ്ങ​ൾ. ടി.​വി പ​രി​പാ​ടി​ക​ൾ കാ​ണും. സ​യ​ൻ​സ്-​ഫി​ക്ഷ​ൻ സി​നി​മ​ക​ളോ​ടാ​ണ് ക​മ്പം കൂ​ടു​ത​ൽ. വ​ലി​യ ശ​ബ്ദ​ത്തി​ലു​ള്ള പാ​ട്ടും നൃ​ത്ത​വു​മ​ട​ങ്ങി​യ പാ​ർ​ട്ടി​ക​ളി​ൽനി​ന്ന് മാ​റി​നി​ൽ​ക്കാ​റാ​ണ് പ​തി​വ്. എ​ന്നാ​ൽ, വീ​ട്ടി​ലെ കൂ​ട്ടാ​യ്മ​ക​ൾ ഇ​ഷ്ടം. നീ​ന്തി​ക്കു​ളി ഏ​റെ ഉ​ന്മേ​ഷ​മേ​കു​ന്ന​താ​ണ്. ജ​യി​ച്ച ക​ളി​യു​ടെ ആ​വേ​ശ​മു​ണ്ടാ​വാം ചി​ല​പ്പോ​ൾ. അ​ല്ലെ​ങ്കി​ൽ തോ​റ്റ​തി​ന്റെ ക്ഷീ​ണം ക​ഴു​കി​ക്ക​ള​യ​ലാ​വു​മ​ത്.