പാരിസ്​ ഒളിമ്പിക്സിലെ ഇന്ത്യൻ പ്രതീക്ഷകൾ

ജൂലൈ 26ന്​ പാരിസിൽ ഒളിമ്പിക്​സിന്​ തിരിതെളിയും. ഒളിമ്പിക്​സിൽ എന്താണ്​ ഇന്ത്യയുടെ സാധ്യതകൾ? പ്രതീക്ഷകൾ? മുൻ ഒളിമ്പിക്​സുകളേതിനേക്കാൾ മെച്ചപ്പെട്ട പ്രകടനം നടത്താൻ ഇന്ത്യക്ക്​ ആവുമോ? –മുതിർന്ന സ്​പോർട്​സ് ജേണലിസ്​റ്റ് കൂടിയായ ലേഖക​ന്റെ നിരീക്ഷണങ്ങൾ.

മൂന്നാമതും പാരിസ്​ ഗ്രീഷ്മകാല ഒളിമ്പിക്സിനു വേദിയാകുമ്പോൾ മത്സരരംഗത്ത് പുരുഷ-വനിത താരങ്ങളുടെ എണ്ണത്തിൽ തുല്യത. 1900ത്തിൽ പാരിസിൽ നടന്ന രണ്ടാം ആധുനിക ഒളിമ്പിക്സിലാണ് വനിതകൾ അരങ്ങേറിയത്. അന്ന് 2.2 ശതമാനമായിരുന്നു വനിതാ പ്രാതിനിധ്യം. 1924ൽ വീണ്ടും പാരിസ്​ ആതിഥേയരായപ്പോൾ വനിതാ പ്രാതിനിധ്യം തുടക്കത്തിലേതി​ന്റെ ഇരട്ടി മാത്രം. ഒരു നൂറ്റാണ്ടു പിന്നിടുമ്പോൾ ഒളിമ്പിക്സിൽ പുരുഷന്മാരുടെ അത്രതന്നെ സ്​ത്രീകളും മത്സരിക്കും. ഇതിനു മുമ്പ് ലണ്ടനു മാത്രമാണ് മൂന്നുതവണ ഒളിമ്പിക്സ്​ വേദിയാകാൻ കഴിഞ്ഞത് (1908ലും 48ലും 2012ലും).

േബ്രക്കിങ് അഥവാ േബ്രക് ഡാൻസ്​ എന്ന ഇനം പാരിസിൽ അരങ്ങേറും. ആകെ 34 സ്​പോർട്സിൽ 329 വിഭാഗങ്ങളിൽ മത്സരം നടക്കും. ഒളിമ്പിക്സിലെ 28 അടിസ്​ഥാന സ്​പോർട്സ്​ ഇനങ്ങൾക്കു പുറമെ ആതിഥേയർക്ക് ആറെണ്ണം ഉൾപ്പെടുത്താം. പക്ഷേ, േബ്രക്കിങ്, സർഫിങ്, സ്​കേറ്റ് ബോർഡിങ്, സ്​പോർട് ക്ലൈമ്പിങ് എന്നിങ്ങനെ നാല് ഇനങ്ങളാണ് പാരിസ്​ അധികമായി ചേർത്തത്. ഇതിൽ േബ്രക്കിങ് മാത്രമാണ് ഒളിമ്പിക്സിൽ പുതിയ ഇനം. കരാട്ടേ, സോഫ്റ്റ്ബാൾ, ബേസ്​ബാൾ എന്നിവ ഒഴിവാക്കപ്പെട്ടു.

യുക്രെയിനിൽആക്രമണം നടത്തിയതി​ന്റെ പേരിൽ റഷ്യയെയും ബെലറൂസിനെയും ഒളിമ്പിക്സിൽ മത്സരിക്കുന്നതിൽനിന്ന് വിലക്കിയിരിക്കുകയാണ്. പക്ഷേ, ഈ രാജ്യങ്ങളിൽനിന്നുള്ള കായികതാരങ്ങൾക്ക് വ്യക്തിപരമായി മത്സരിക്കാം. അഭയാർഥികളുടെ ടീമും ഉണ്ടാകും.

പക്ഷേ, ഒളിമ്പിക്സ്​ അട്ടിമറിക്കാൻ റഷ്യ ശ്രമിക്കുമെന്ന ആശങ്കയില്ലാതില്ല. രാജ്യാന്തര ഒളിമ്പിക് കമ്മിറ്റിയിൽനിന്നും (ഐ.ഒ.സി) ലോക ഉത്തേജക വിരുദ്ധ ഏജൻസിയിൽനിന്നും (വാഡ) കടുത്ത നടപടികൾ നേരിടുന്ന റഷ്യ ഒളിമ്പിക്സിനു സമാന്തരമായി പ്രഖ്യാപിച്ചിരിക്കുന്ന ‘ഫ്രണ്ട്ഷിപ് ഗെയിംസി’ൽ പങ്കെടുക്കരുതെന്ന് ഐ.ഒ.സി ദേശീയ ഒളിമ്പിക് കമ്മിറ്റികൾക്ക് മുന്നറിയിപ്പു നൽകിക്കഴിഞ്ഞു.

ആധുനിക ഒളിമ്പിക് ചരിത്രത്തിൽ ആദ്യമായി ഉദ്ഘാടന ചടങ്ങുകൾ ഇക്കുറി പൊതുവേദിയിലാണ്. പാരിസ്​ നഗരത്തിലൂടെ ഒഴുകുന്ന സെൻ നദിയിലൂടെ ബോട്ടിൽ താരങ്ങളുടെ മാർച്ച് പാസ്റ്റ് നടത്താനാണു തീരുമാനം. ഐഫൽ ടവറിനു മുന്നിലെ െട്രാക്കെഡറോ ഉദ്യാനത്തിൽ ഗെയിംസി​ന്റെ മണിമുഴങ്ങും. ഗെയിംസ്​ അട്ടിമറിക്കാൻ റഷ്യ ശ്രമിക്കുമെന്ന് ഫ്രഞ്ച് പ്രസിഡന്റ് തന്നെ പ്രഖ്യാപിച്ച സ്​ഥിതിക്ക് സുരക്ഷ മുൻനിർത്തി ഒരു പ്ലാൻ ‘ബി’ തീർച്ചയായും സംഘാടകർ തയാറാക്കിയിട്ടുണ്ടാകും.

ചരിത്രത്തിലെ ഏറ്റവും പ്രകൃതിസൗഹൃദ ഒളിമ്പിക്സായിരിക്കും പാരിസിലേത്. കാർബൺ ബഹിർഗമനം 17.5 ലക്ഷം ടൺ ആയി കുറയും. റിയോയിലും ടോക്യോയിലും ഉണ്ടായതി​ന്റെ പകുതി. ഫ്രഞ്ച് വിപ്ലവകാലത്ത് സ്വാതന്ത്ര്യത്തി​ന്റെ പ്രതീകമായി ധരിച്ചിരുന്ന ‘ഫീജ്’ തൊപ്പിയുടെ രൂപത്തിൽനിന്ന് വികസിപ്പിച്ചെടുത്ത ‘ഫീജ്’ ആണ് പാരിസ്​ ഒളിമ്പിക്സി​ന്റെ ഭാഗ്യചിഹ്നം. ഐഫൽ ടവറിലെ ഇരുമ്പുപാളികളിൽനിന്നുള്ള ഒരംശംകൂടി ചേർത്താണ് മെഡലുകൾ നിർമിച്ചിരിക്കുന്നത്.

മുപ്പത്തഞ്ച് വേദികളിലായിട്ടായിരിക്കും മത്സരങ്ങൾ നടക്കുക. അത്​ലറ്റിക്സും സമാപന ചടങ്ങുകളും പാരിസിലെ ‘സ്റ്റാദ് ദ് ഫ്രാൻസ്​’ സ്റ്റേഡിയത്തിലാണ്. 15,000 കിലോമീറ്റർ അകലെ വരെ വേദികൾ ഉണ്ട്. 1924ലെ പാരിസ്​ ഒളിമ്പിക്സ്​ നടത്തിയ, കൊളംബസിലെ സ്റ്റാദ് ഈവ് ദ് മനുവർ സ്റ്റേഡിയത്തിലും മത്സരങ്ങൾ നടക്കും. നവീകരിച്ച ഈ സ്റ്റേഡിയത്തിൽ (ഒളിമ്പിക് സ്റ്റേഡിയം) ആയിരിക്കും ഹോക്കി മത്സരങ്ങൾ.

മെഡൽ നേട്ടത്തിൽ രണ്ടക്കം പ്രതീക്ഷിച്ച് ഇന്ത്യ

ടോക്യോയിൽ ഏഴു മെഡൽ (ഒരു സ്വർണം, രണ്ടു വെള്ളി, നാലു വെങ്കലം) നേടി ഒളിമ്പിക് ചരിത്രത്തിൽ തങ്ങളുടെ ഏറ്റവും മികച്ച പ്രകടനം കാഴ്ച​െവച്ച ഇന്ത്യ ഇത്തവണ ഇരട്ടസംഖ്യ ലക്ഷ്യമിടുന്നു. 1992 വരെ, ഹോക്കിയിൽ നേടിയ എട്ടു സ്വർണവും ഒരു വെള്ളിയും രണ്ടു വെങ്കലവും ഒഴിച്ചാൽ 1952ൽ ഹെൽസിങ്കിയിൽ ഗുസ്​തിയിൽ കെ.ഡി. ജാദവ് നേടിയ വെങ്കലം മാത്രമായിരുന്നു ഒളിമ്പിക്സിലെ ഇന്ത്യൻ നേട്ടം. എന്നാൽ, 1996ൽ അറ്റ്​ലാന്റയിൽ ലിയാൻഡർ പേസ്​ ടെന്നിസിൽ വെങ്കലം നേടിയത് വലിയൊരു മാറ്റത്തി​ന്റെ തുടക്കമായി. 16 വർഷത്തിനുശേഷം ഇന്ത്യ മെഡൽ പട്ടികയിൽ സ്​ഥാനം വീണ്ടെടുത്തുവെന്നു മാത്രമല്ല, തുടർന്നു നടന്ന ഒളിമ്പിക്സിൽ ഇന്ത്യ മെഡൽ ഇല്ലാതെ മടങ്ങിയിട്ടില്ല.

2008ൽ ​ബെ​യ്ജി​ങ്ങി​ൽ ഷൂ​ട്ടി​ങ് താ​രം അ​ഭി​ന​വ് ബി​ന്ദ്ര​യി​ലൂ​ടെ ഒ​ളി​മ്പി​ക്സി​ലെ പ്ര​ഥ​മ വ്യ​ക്തി​ഗ​ത സ്വ​ർ​ണം നേ​ടി​യ ഇ​ന്ത്യ 2021ൽ (​ടോ​ക്യോ 2020) നീ​ര​ജ് ചോ​പ്ര​യി​ലൂ​ടെ അ​ത്​​ല​റ്റി​ക്സി​ൽ ആ​ദ്യ മെ​ഡ​ൽ (സ്വ​ർ​ണം) നേ​ടി. ബെ​യ്ജി​ങ്ങി​ൽ മൂ​ന്നും ല​ണ്ട​നി​ൽ ആ​റും റി​യോ​യി​ൽ ര​ണ്ടും മെ​ഡ​ൽ നേ​ടി​യ ഇ​ന്ത്യ ടോ​ക്യോ​യി​ൽ റെ​ക്കോ​ഡ് നേ​ട്ട​മു​ണ്ടാ​ക്കി. വെ​ങ്ക​ലം നേ​ടി​ക്കൊ​ണ്ട് ടോ​ക്യോ​യി​ൽ ഇ​ന്ത്യ​ൻ പു​രു​ഷ ഹോ​ക്കി ടീം ​തി​രി​ച്ചു​വ​ര​വ് ന​ട​ത്തി​യ​പ്പോ​ൾ വ​നി​ത​ക​ൾ നാ​ലാം സ്​​ഥാ​നം ക​ര​സ്​​ഥ​മാ​ക്കി.

ഇ​ക്കു​റി വ​നി​താ ഹോ​ക്കി ടീം ​യോ​ഗ്യ​ത നേ​ടി​യി​ല്ല എ​ന്ന​താ​ണ് ഏ​റ്റ​വും വ​ലി​യ തി​രി​ച്ച​ടി. അ​തു​പോ​ലെ ടോ​ക്യോ​യി​ൽ ഗു​സ്​​തി​യി​ൽ വെ​ള്ളി നേ​ടി​യ ര​വി​കു​മാ​ർ ദ​ഹി​യ​യും വെ​ങ്ക​ലം സ്വ​ന്ത​മാ​ക്കി​യ ബ​ജ്റ​ങ് പൂ​നി​യ​യും പാ​രി​സി​ൽ ഉ​ണ്ടാ​വി​ല്ല.

ക്വോ​ട്ട നേ​ടി​യ താ​ര​ങ്ങ​ളെ​ത്ത​ന്നെ മ​ത്സ​രി​പ്പി​ക്കാ​നും ഫൈ​ന​ൽ ട്ര​യ​ൽ​സ്​ ഒ​ഴി​വാ​ക്കാ​നും റെ​സ് ലിങ് ഫെ​ഡ​റേ​ഷ​ൻ ഓ​ഫ് ഇ​ന്ത്യ തീ​രു​മാ​നി​ച്ച​താ​ണ് ര​വി ദ​ഹി​യ​ക്കും ബ​ജ്റ​ങ് പൂ​നി​യ​ക്കും തി​രി​ച്ച​ടി​യാ​യ​ത്. ഇ​രു​വ​രും യോ​ഗ്യ​താ മ​ത്സ​ര​ങ്ങ​ൾ​ക്കു​ള്ള ട്ര​യ​ൽ​സി​ൽ പ​രാ​ജ​യ​പ്പെ​ട്ടി​രു​ന്നു. മാ​ത്ര​മ​ല്ല ഡോ​പ് ടെ​സ്റ്റി​ന് ഹാ​ജ​രാ​കാ​ഞ്ഞ​തി​​ന്റെ പേ​രി​ൽ ബ​ജ്റ​ങ് പൂ​നി​യ സ​സ്​​പെ​ൻ​ഷ​ൻ നേ​രി​ടു​ക​യു​മാ​ണ്. പ്ര​ണ​തി നാ​യ​ക് (ജിം​നാ​സ്റ്റി​ക്സ്), നി​തു ഗാ​ഞ്ച​സ്​ (ബോ​ക്സി​ങ്), പ​ർ​വീ​ൻ ഹൂ​ഡാ (ബോ​ക്സി​ങ്), എം. ​ശ്രീ​ശ​ങ്ക​ർ (അ​ത്​​ല​റ്റി​ക്സ്), ഭ​വാ​നി ദേ​വി (ഫെ​ൻ​സി​ങ്) എ​ന്നി​വ​രാ​ണ് പാ​രി​സി​ൽ ഇ​ല്ലാ​ത്ത മ​റ്റു പ്ര​മു​ഖ താ​ര​ങ്ങ​ൾ. ശ്രീ​ശ​ങ്ക​ർ ലോ​ങ് ജം​പി​ൽ യോ​ഗ്യ​ത നേ​ടി​യി​രു​ന്നെ​ങ്കി​ലും പ​രി​ക്ക് വി​ന​യാ​യി.

ഈ ​തി​രി​ച്ച​ടി​ക​ളി​ൽ ചി​ല​ത് ഇ​ന്ത്യ​ൻ സ്​​പോ​ർ​ട്സി​ലെ രാ​ഷ്ട്രീ​യ അ​തി​പ്ര​സ​ര​ത്തി​​ന്റെ ബാ​ക്കി​പ​ത്ര​മാ​ണ്. എ​ങ്കി​ലും ഇ​ന്ത്യ പ്ര​തീ​ക്ഷ​യി​ൽ​ത​ന്നെ. ജാ​വ​ലി​ൻ താ​രം, നി​ല​വി​ലെ ഒ​ളി​മ്പി​ക്, ലോ​ക, ഏ​ഷ്യ​ൻ ഗെ​യിം​സ്​ ചാ​മ്പ്യ​നാ​യ നീ​ര​ജ് ചോ​പ്ര​യി​ൽ​നി​ന്ന് പാ​രി​സി​ലും ഇ​ന്ത്യ മെ​ഡ​ൽ പ്ര​തീ​ക്ഷി​ക്കു​ന്നു. ര​ണ്ടുത​വ​ണ ലോ​ക വ​നി​താ ബോ​ക്സി​ങ് ചാ​മ്പ്യ​നാ​യ നി​ഖാ​ത് സ​രി​നും ടോ​ക്യോ​യി​ൽ വെ​ങ്ക​ലം നേ​ടി​യ ലൗ​ലീ​നാ ബോ​ർ​ഗോ​ഹെ​യ്നും മെ​ഡ​ൽ പ്ര​തീ​ക്ഷ​യാ​ണ്. ഗു​സ്​​തി​യി​ൽ മെ​ഡ​ൽ നേ​ട്ടം സാ​ധ്യ​മാ​യ ഒ​ന്നി​ൽ അ​ധി​കം താ​ര​ങ്ങ​ൾ ഉ​ണ്ടെ​ങ്കി​ലും ലൈം​ഗി​ക ആ​രോ​പ​ണ​ങ്ങ​ളും ഉ​ത്തേ​ജ​ക വി​വാ​ദ​വും ട്ര​യ​ൽ​സ്​ സം​ബ​ന്ധി​ച്ച് ഉ​യ​ർ​ന്ന പ്ര​ശ്ന​ങ്ങ​ളു​മൊ​ക്കെ താ​ര​ങ്ങ​ളു​ടെ പ്ര​ക​ട​ന​ത്തെ എ​ങ്ങ​നെ ബാ​ധി​ക്കു​മെ​ന്ന് അ​റി​യി​ല്ല.

ടോ​ക്യോ​യി​ൽ മെ​ഡ​ൽ നേ​ട്ട​ത്തി​നു തു​ട​ക്ക​മി​ട്ട ഭാ​രോ​ദ്വ​ഹ​ന താ​രം മീ​രാ​ബാ​യ് ചാ​നു പാ​രി​സി​ലും മ​ത്സ​രി​ക്കു​ന്നു. ടോ​ക്യോ​യി​ൽ നാ​ലാം സ്​​ഥാ​നം​കൊ​ണ്ടു തൃ​പ്തി​പ്പെ​ട്ട ഗോ​ൾ​ഫ് താ​രം അ​തി​ഥി അ​ശോ​ക് പാ​രി​സി​ൽ പോ​ഡി​യ​ത്തി​ൽ എ​ത്തു​മെ​ന്നു ക​രു​താം. പു​രു​ഷ ഹോ​ക്കി ടീം ​ഏ​ഷ്യ​ൻ ഗെ​യിം​സ്​ ചാ​മ്പ്യ​ൻ​മാ​രാ​ണ്; അ​തു​വ​ഴി യോ​ഗ്യ​താ മ​ത്സ​ര​ങ്ങ​ളി​ൽ പ​ങ്കെ​ടു​ക്കാ​തെ പാ​രി​സി​ൽ ബെ​ർ​ത്ത് നേ​ടി.

ബാ​ഡ്മി​ന്റ​ണി​ൽ മെ​ഡ​ൽ കി​ട്ടി​യാ​ൽ പി.​വി. സി​ന്ധു​വി​ന് ഹാ​ട്രി​ക് ആ​കും. ഒ​പ്പം എ​ച്ച്.എ​സ്. പ്ര​ണോ​യി​യും ല​ക്ഷ്യ സെ​ന്നും സിം​ഗ്ൾ​സി​ൽ ഉ​ണ്ട്. പ​ക്ഷേ, ഏ​റ്റ​വും വ​ലി​യ പ്ര​തീ​ക്ഷ പു​രു​ഷ ഡ​ബ്ൾ​സി​ൽ സ്വാ​തി​ക് സാ​യ് രാ​ജ് റാ​ങ്കി റെ​ഡ്ഡി-​ചി​രാ​ഗ് ഷെ​ട്ടി സ​ഖ്യ​ത്തി​ലാ​ണ്. ഷൂ​ട്ടി​ങ്ങി​ൽ ല​ഭ്യ​മാ​യ ക്വോ​ട്ട​ക​ളെ​ല്ലാം ഇ​ന്ത്യ​യു​ടെ പു​രു​ഷ–​വ​നി​ത താ​ര​ങ്ങ​ൾ സ്വ​ന്ത​മാ​ക്കി​യി​ട്ടു​ണ്ട്. പ​ക്ഷേ, വ​ലി​യ പ്ര​തീ​ക്ഷ​യോ​ടെ ഇ​റ​ങ്ങി നി​രാ​ശ​പ്പെ​ടു​ത്തി​യ അ​നു​ഭ​വ​മാ​യി​രു​ന്നു റി​യോ​യി​ലും ടോ​ക്യോ​യി​ലും സം​ഭ​വി​ച്ച​ത്. പാ​രി​സി​ൽ തി​രി​ച്ചു​വ​രു​മെ​ന്നു ക​രു​താം. ടെ​ന്നി​സ്​ ഡ​ബ്ൾ​സി​ൽ മെ​ഡ​ൽ നേ​ടി രം​ഗം വി​ടാ​ൻ രോ​ഹ​ൻ ബൊ​പ്പ​ണ്ണ​ക്ക് ശ്രീ​റാം ബാ​ലാ​ജി ഉ​റ​ച്ച പി​ന്തു​ണ ന​ൽ​കാ​ൻ ഇ​ട​യാ​ക​ട്ടെ. ആ​ർ​ച്ച​റി​യി​ൽ അ​ട്ടി​മ​റി​ക്കാ​യി കാ​ത്തി​രി​ക്കാം. ഷൂ​ട്ട​ർ​മാ​ർ തി​ള​ങ്ങി​യാ​ൽ ഇ​ന്ത്യ മെ​ഡ​ൽ നേ​ട്ട​ത്തി​ൽ ര​ണ്ട​ക്ക​ത്തി​ലെ​ത്തും.

ജാ​വ​ലി​നി​ൽ നീ​ര​ജ് ചോ​പ്ര​ക്കും കി​ഷോ​ർ​ കു​മാ​ർ ജെ​ന​ക്കു​മൊ​പ്പം മൂ​ന്നാ​മ​നാ​യി എ​ൻ​ട്രി ല​ഭി​ക്കു​മെ​ന്നു ക​രു​തി​യ ഡി.​പി. മ​നു ഉ​ത്തേ​ജ​ക​ത്തി​ൽ കു​ടു​ങ്ങി. ഒ​ളി​മ്പി​ക് യോ​ഗ്യ​ത നേ​ടി​യി​രു​ന്ന വ​നി​ത ബോ​ക്സ​ർ പ്ര​വീ​ൺ ഹൂ​ഡ​യും ഉ​ത്തേ​ജ​ക​ത്തി​നു സ​സ്​​പെ​ൻ​ഷ​ൻ നേ​രി​ടു​ന്നു. 28 അം​ഗ ട്രാ​ക്ക് ആ​ൻ​ഡ് ഫീ​ൽ​ഡ് ടീ​മി​ൽ അ​ഞ്ചു മ​ല​യാ​ളി താ​ര​ങ്ങ​ൾ ഉ​ണ്ട്. സം​ഘ​ത്തി​ൽ ഒ​ളി​മ്പി​ക് യോ​ഗ്യ​താ മാ​ർ​ക്ക് ക​ട​ന്ന​വ​രും ലോ​ക റാ​ങ്കി​ങ്ങി​​ന്റെ അ​ടി​സ്​​ഥാ​ന​ത്തി​ൽ ബെ​ർ​ത്ത് കി​ട്ടി​യ​വ​രും ഉ​ൾ​പ്പെ​ടും. 28 പേ​രി​ൽ 11 വ​നി​ത​ക​ളാ​ണ്. ട്രാ​ക്ക് ആ​ൻ​ഡ് ഫീ​ൽ​ഡ് മ​ത്സ​ര​ങ്ങ​ൾ ആ​ഗ​സ്റ്റ് ഒ​ന്നു മു​ത​ൽ 11 വ​രെ​യാ​ണ്.

ഇ​ത്ത​വ​ണ ഒ​ളി​മ്പി​ക്സി​ൽ മാ​ര​ത്ത​ൺ റേ​സ്​ വാ​ക്ക് മി​ക്സ്​​ഡ് ടീം ​ഇ​നം ഉ​ൾ​പ്പെ​ടു​ത്തി​യ​പ്പോ​ൾ പു​രു​ഷ​ന്മാ​രു​ടെ 50 കി.​മീ. ന​ട​ത്തം ഒ​ഴി​വാ​ക്കി. അ​ബ്ദു​ല്ല അ​ബൂ​ബ​ക്ക​ർ (ട്രി​പ്ൾ ജം​പ്), മു​ഹ​മ്മ​ദ് അ​ന​സ്​ യ​ഹി​യ, മു​ഹ​മ്മ​ദ് അ​ജ്മ​ൽ, അ​മോ​ജ് ജേ​ക്ക​ബ് (4 x 400 മീ​. റി​ലേ) മി​ജോ ചാ​ക്കോ കു​ര്യ​ൻ (4 x 400 റി​ലേ, 4 x 400 മി​ക്സ്​​ഡ് റി​ലേ) എ​ന്നി​വ​രാ​ണ് ഇ​ന്ത്യ​ൻ അ​ത്​​ല​റ്റി​ക് ടീ​മി​ൽ ഇ​ടം​നേ​ടി​യ മ​ല​യാ​ളി താ​ര​ങ്ങ​ൾ. ഇ​തി​ൽ അ​മോ​ജ് ജേ​ക്ക​ബും മി​ജോ ചാ​ക്കോ കു​ര്യ​നും മ​റു​നാ​ട​ൻ മ​ല​യാ​ളി​ക​ളാ​ണ്.

ഇ​വ​ർ​ക്കു പു​റ​മെ ഹോ​ക്കി​യി​ൽ പി.​ആ​ർ. ശ്രീ​ജേ​ഷും ബാ​ഡ്മി​ന്റ​ണി​ൽ എ​ച്ച്.​എ​സ്. പ്ര​ണോ​യി​യും മ​ല​യാ​ളി​ക​ളാ​യു​ണ്ട്. ശ്രീ​ജേ​ഷി​ന് ഇ​ത് നാ​ലാം ഒ​ളി​മ്പി​ക്സാ​ണ്. 2020ലെ ​ടോ​ക്യോ ഒ​ളി​മ്പി​ക്സി​​ന്റെ ആ​വ​ർ​ത്ത​നം​പോ​ലെ ഇ​ക്കു​റി​യും ഇ​ന്ത്യ​ൻ ടീ​മി​ൽ മ​ല​യാ​ളി വ​നി​താ താ​ര​ങ്ങ​ൾ ഇ​ല്ല. ടോ​ക്യോ​യി​ൽ ഒ​മ്പ​ത് മ​ല​യാ​ളി പു​രു​ഷ താ​ര​ങ്ങ​ൾ പ​ങ്കെ​ടു​ത്തു. ഇ​ക്കു​റി ഏ​ഴ് മ​ല​യാ​ളി പു​രു​ഷ​താ​ര​ങ്ങ​ളു​ണ്ട്.

ലോങ് ജംപിൽ കേരളത്തി​ന്റെ എം. ശ്രീശങ്കർ വളരെ നേരത്തേ ഒളിമ്പിക് യോഗ്യതാ മാർക്ക് കടന്നെങ്കിലും പരിശീലന വേളയിൽ പരിക്കേറ്റതിനാൽ പിൻവാങ്ങി. ഇതോടെ പുരുഷ-വനിത ലോങ് ജംപിൽ ഇന്ത്യക്ക് എൻട്രിയില്ല. ജസ്വിൻ ആൾഡ്രിൻ മുപ്പത്തിമൂന്നാം റാങ്കിൽ എത്തിയിരുന്നു. ഏഴാം റാങ്കിലുള്ള ശ്രീശങ്കർ പിൻവാങ്ങിയപ്പോൾ 32ാം റാങ്ക് എന്ന കട്ട് ഓഫ് മാർക്കിൽ ആൾഡ്രിൻ എത്തുമെന്നു പ്രതീക്ഷയുണ്ടായിരുന്നു. ഒരുപക്ഷേ അവസരം ഒരുങ്ങിയേക്കാം. വനിതകളുടെ ലോങ് ജംപിൽ മലയാളി താരം ആൻസി സോജനും, അഞ്ജു ബോബി അക്കാദമിയിലെ ഷൈലി സിങ്ങും പ്രതീക്ഷ പുലർത്തിയെങ്കിലും റാങ്കിങ്ങിൽ പിന്നിലായി. 1980ൽ മോസ്​കോ ഒളിമ്പിക്സിൽ പി.ടി. ഉഷ മത്സരിച്ച നാൾ മുതൽ 2016ൽ റി

യോയിൽ വരെ കേരളത്തിൽനിന്നുള്ള വനിതാ താരങ്ങൾ ഒളിമ്പിക്സിൽ തുടരെ മത്സരിച്ചിരുന്നു. ഒരുകാലത്ത് ഇന്ത്യൻ വനിതാ റിലേ ടീമിൽ നാലിൽ മൂന്നും മലയാളികളായിരുന്നു. കേരള വനിതകൾ കുത്തകയാക്കിയിരുന്ന ഒരു ലാപ് ഓട്ടത്തിൽ ഇപ്പോൾ അവർ പിന്നിലാണ്. റിസർവ് ലിസ്റ്റിൽപോലും ആരും എത്തുന്നില്ല.

ഒളിമ്പിക്സിൽ സംസ്​ഥാനത്തെക്കുറിച്ചു ചിന്തിക്കുന്നത് ശരിയല്ല. രാജ്യത്തെയാണ് കണക്കാക്കേണ്ടത്. അതിനാൽ ഇന്ത്യ മെഡൽ നേട്ടത്തിൽ ഇരട്ടസംഖ്യ തികക്കുമോ എന്നു നോക്കാം. ഹാങ്ചോ ഏഷ്യൻ ഗെയിംസിൽ ഇന്ത്യ ഏറ്റവുമധികം സ്വർണം നേടിയത് ഷൂട്ടിങ്ങിലാണ്. പക്ഷേ, മിക്സ്​ഡ് ഇനങ്ങൾ അല്ലാതെ ടീം ഇനങ്ങൾ ഒളിമ്പിക് ഷൂട്ടിങ്ങിൽ ഇല്ല. ഷൂട്ടിങ്ങും ആർച്ചറിയും ഭാഗ്യപരീക്ഷണംകൂടിയാണ്. ഭാഗ്യം ഇന്ത്യൻ താരങ്ങളെ തുണക്കട്ടെ.