ജോ​ഷി​മ​ഠ് എന്ന പാഠം

മ​നോ​ഹ​ര​മാ​യ, പേ​രു കേ​ൾ​ക്കു​മ്പോ​ൾ​ത​ന്നെ കു​ളി​ര് പ​ക​രു​ന്ന നാ​ടാ​ണ് ഉ​ത്ത​രാ​ഖ​ണ്ഡ്. സ​ന്ദ​ർ​ശ​ക​രു​ടെ പ്രി​യ ഇ​ടം. ഹി​മ​വാ​ന്റെ മ​ടി​ത്ത​ട്ടി​ലെ, ആ സുന്ദ​​​ര​ദേ​ശ​ത്തി​ലെ ജോ​ഷി​മ​ഠ് എ​ന്നി​ട​ത്തു​നി​ന്ന് വ​രു​ന്ന വാ​ർ​ത്ത​ക​ൾ​ക്ക് പ​ക്ഷേ, കു​ളി​ര​ല്ല, ഗ്രീഷ്മത്തിന്റെ കൊ​ടും​ചൂ​ടാ​ണു​ള്ള​ത്.

ഹി​​​ന്ദു​​​മ​​​ത വി​​​ശ്വാ​​​സി​​​ക​​​ളു​​​ടെ​​​യും പ്ര​​​കൃ​​​തി​​​സ്നേ​​​ഹി​​​ക​​​ളു​​​ടെ​​​യും പ​​​ർ​​​വ​​​താ​​​രോ​​​ഹ​​​ക​​​രു​​​ടെ​​​യും ഇ​​​ഷ്ട​​​ന​​​ഗ​​​ര​​​മാ​​​ണ് ജോ​​​ഷി​​​മ​​​ഠ്. ഋ​​​ഷി​​​കേ​​​ശ്-​​​ബ​​​ദ​​​രീ​​​നാ​​​ഥ് ദേ​​​ശീ​​​യ​​​പാ​​​ത​​​യി​​​ൽ, ഏ​​​താ​​​ണ്ട് 1890 മീ​​​റ്റ​​​ർ ഉ​​​യ​​​ര​​​ത്തി​​​ൽ സ്ഥി​​​തി​​​ചെ​​​യ്യു​​​ന്നു. ബ​​​ദ​​​രീ​​​നാ​​​ഥ്, ഹേം​​​കു​​​ണ്ഡ് സാ​​​ഹി​​​ബ് തു​​​ട​​​ങ്ങി​​​യ പു​​​ണ്യ​​​സ്ഥ​​​ല​​​ങ്ങ​​​ൾ സ​​​ന്ദ​​​ർ​​​ശി​​​ക്കു​​​ന്ന​​​വ​​​ർ, ട്ര​​​ക്കി​​​ങ് ന​​​ട​​​ത്താ​​​ൻ പോ​​​കു​​​ന്ന​​​വ​​​ർ തു​​​ട​​​ങ്ങി​​​യ​​​വ​​​രു​​​ടെ​​​യെ​​​ല്ലാം ഇ​​​ട​​​ത്താ​​​വ​​​ളം. പ​ക്ഷേ, ജോ​ഷി​മ​ഠ് ഇ​ടി​ഞ്ഞു താ​ഴ്ന്നു​കൊ​ണ്ടി​രി​ക്കു​ക​യാ​ണ്. 678ല​​​ധി​​​കം വീ​​​ടു​​​ക​​​ൾ​​​ക്ക് വി​​​ള്ള​​​ൽ വീ​​​ണ​​ു. പ​​​ല സ്ഥ​​​ല​​​ങ്ങ​​​ളി​​​ലും റോ​​​ഡു​​​ക​​​ൾ ത​​​ക​​​ർ​​​ന്നു. പ​​​ല​​​യി​​​ട​​​ങ്ങ​​​ളി​​​ലും ഭൂ​​​മി​​​ക്ക​​​ടി​​​യി​​​ൽ​​​നി​​​ന്ന് വെ​​​ള്ളം ഒ​​​ഴു​​​കി​​​ക്കൊ​​​ണ്ടി​​​രി​​​ക്കു​​​ക​​​യാ​ണ്. അ​വി​ടെ അ​പ​ക​ടാ​വ​സ്ഥ​യി​ലാ​യ കെ​ട്ടി​ട​ങ്ങ​ൾ ക​ഴി​ഞ്ഞ തി​ങ്ക​ളാ​ഴ്ച മു​ത​ൽ പൊ​ളി​ച്ചു​തു​ട​ങ്ങി. ഭീ​​​തി​​​യി​​​ൽ ക​​​ഴി​​​യു​​​ന്ന അ​​​നേ​​​കം കു​​​ടും​​​ബ​​​ങ്ങ​​​ളെ അ​​​വി​​​ടെ​​​നി​​​ന്നു മാ​​​റ്റി​​​പ്പാ​​​ർ​​​പ്പി​​​ച്ചി​​​ട്ടു​ണ്ട്.

അ​ശാ​സ്ത്രീ​യ​മാ​യ നി​ർ​മാ​ണ​ങ്ങ​ളും കൈ​യേ​റ്റ​ങ്ങ​ളും കു​ന്നി​ടി​ക്ക​ലു​മെ​ല്ലാ​മാ​ണ്​ ജോ​ഷി​മ​ഠി​ന് വി​ന​യാ​യ​ത്. 25,000ത്തി​​​ല​​​ധി​​​കം ജ​​​ന​​​ങ്ങ​​​ൾ താ​മ​സി​ക്കു​ന്ന ആ ​സ്ഥ​ല​ത്ത് പ​​​രി​​​ധി​​​ക​​​ൾ അ​​​വ​​​ഗ​​​ണി​​​ച്ച് മു​​​ന്നോ​​​ട്ടു​​​പോ​​​യ ടൂ​​​റി​​​സ​​​വും റോ​​​ഡ് നി​​​ർ​​​മാ​​​ണ​​​വു​​​മെ​​​ല്ലാം പ്ര​തി​കൂ​ല​മാ​യി. ചാ​​​ർ​​​ധാം റോ​​​ഡ് നി​​​ർ​​​മാ​​​ണ​മാ​ണ് ഏ​റ്റ​വു​ം വ​ലി​യ തി​രി​ച്ച​ടി​യാ​യ​ത്. ബ​​​ദ​​​രീ​​​നാ​​​ഥ്, കേ​​​ദാ​​​ർ​​​നാ​​​ഥ്, ഗം​​​ഗോ​​​ത്രി, യ​​​മു​​​നോ​​​ത്രി എ​​​ന്നീ പു​​​ണ്യ​​​സ്ഥ​​​ല​​​ങ്ങ​​​ളെ ബ​​​ന്ധി​​​പ്പി​​​ക്കു​​​ന്ന 900 കി​​​ലോ​​​മീ​​​റ്റ​​​ർ ദൈ​​​ർ​​​ഘ്യം വ​​​രു​​​ന്ന പാ​ത എ​ല്ലാ ശാ​സ്ത്രീ​യ മാ​ന​ദ​ണ്ഡ​ങ്ങ​ളും ലം​ഘി​ച്ചാ​ണ് പ​ണി​യു​ന്ന​ത്. 291 കി​​​ലോ​​​മീ​​​റ്റ​​​ർ ദൂ​​​രം ഇ​​​പ്പോ​​​ൾ പൂ​​​ർ​​​ത്തി​​​യാ​​​യി​​​ട്ടു​​​ണ്ട്. ഈ ​റോ​ഡ് നി​ർ​മാ​ണ​ത്തി​നെ​തി​രെ സ​മ​ർ​പ്പി​ച്ച കേ​സ് സു​പ്രീം​കോ​ട​തി ത​ള്ളി. സു​​​പ്രീം​​​കോ​​​ട​​​തി നി​​​യോ​​​ഗി​​​ച്ച ക​​​മ്മി​​​റ്റി​​​യു​​​ടെ ചെ​​​യ​​​ർ​​​മാ​​​നാ​​​യി​​​രു​​​ന്ന പ​​​രി​​​സ്ഥി​​​തി പ്ര​​​വ​​​ർ​​​ത്ത​​​ക​​​ൻ ര​​​വി ചോ​​​പ്ര സ​ർ​ക്കാ​റി​ന്റെ പ​രി​സ്ഥി​തി വി​രു​ദ്ധ സ​മീ​പ​ന​ത്തി​ൽ പ്ര​തി​ഷേ​ധി​ച്ച് രാ​ജി​വെ​ച്ച​തും വാ​ർ​ത്ത​യാ​യി.

മ​ല​യി​ടി​ച്ചി​ൽ പ​തി​വാ​യ മേ​ഖ​ല​യാ​ണി​ത്. അ​വി​ടെ 10 വ​​​ർ​​​ഷ​​​ത്തി​​​നു​​​ള്ളി​​​ൽ, ഉ​​​ത്ത​​​രാ​​​ഖ​​​ണ്ഡി​​​ൽ 66 ഭൂ​​​ഗ​​​ർ​​​ഭ​​ പാ​​​ത​​​ക​​​ൾ നി​​​ർ​​​മി​​​ക്കാ​​​നാ​​​ണ് സ​​​ർ​​​ക്കാ​​​ർ നീ​ക്കം. 18 പാ​​​ത​​​ക​​​ൾ ഇ​​​പ്പോ​​​ൾ ഉ​​പ​യോ​ഗ​ത്തി​ലു​ണ്ട്. ഇ​തെ​ല്ലാം ചേ​ർ​ന്ന് ഉ​ണ്ടാ​ക്കി​യ ത​ക​ർ​ച്ച​യാ​ണ് ഇ​പ്പോ​ൾ ജോ​ഷി​മ​ഠി​ലേ​ത്. ഈ ​​​പ്ര​​​ദേ​​​ശ​​​ത്തുത​ന്നെ ത​​​പോ​​​വ​​​ൻ-​​​വി​​​ഷ്ണു​​​ഗ​​​ഢ് ജ​​​ല​​​വൈ​​​ദ്യു​​​തി പ​​​ദ്ധ​​​തി​യും ന​ട​ക്കു​ന്നു​ണ്ട്. ഇ​​​തി​​​ന്റെ ഭാ​​​ഗ​​​മാ​​​യി തു​​​ര​​​ങ്കം ജോ​​​ഷി​​​മ​​​ഠി​​​ന​​​ടി​​​യി​​​ലൂ​​​ടെ​​​യാ​​​ണ് ക​​​ട​​​ന്നു​​​പോ​​​കു​​​ന്ന​​​ത്. തു​​​ര​​​ങ്ക​​​ത്തി​​​ന്റെ നി​​​ർ​​​മാ​​​ണ​​​ങ്ങ​​​ൾ​​​ക്കി​​​ട​​​യി​​​ൽ ഭൂ​​​ഗ​​​ർ​​​ഭ ജ​​​ല​​​സ്രോ​​​ത​​​സ്സ് ത​ക​ർ​ന്നു. അ​​​തേ​​​ത്തു​​​ട​​​ർ​​​ന്ന് ഏ​​​താ​​​ണ്ട് 70 ദ​​​ശ​​​ല​​​ക്ഷം ലി​​​റ്റ​​​ർ ജ​​​ല​​​മാ​​​ണ് ദി​​​വ​​​സേ​​​ന പു​​​റ​​​ത്തേ​​​ക്കൊ​​​ഴു​​​കി​​​യ​​​ത്.

ജോ​​​ഷി​​​മ​​​ഠി​​​ൽ ഭൂ​​​മി താ​​​ഴു​​​ന്ന​​​തെ​​​ന്തു​​​കൊ​​​ണ്ടാ​​​ണെ​​​ന്ന് പ​​​ഠി​​​ക്കാ​​​ൻ ഉ​​​ന്ന​​​ത​​​ത​​​ല സം​​​ഘ​​​ങ്ങ​​​ൾ അ​​​ങ്ങോ​​​ട്ടു തി​​​രി​​​ച്ചി​ട്ടു​ണ്ട്. ​​പ​ഠ​ന​ങ്ങ​ളു​ടെ ഫ​ല​ങ്ങ​ൾ ന​മു​ക്ക​റി​യാ​വു​ന്ന​ത് ത​ന്നെ​യാ​യി​രി​ക്കും. പ​രി​സ്ഥി​തി ലോ​ല​മാ​യ മേ​ഖ​ല​ക​ളി​ലെ അ​ശാ​സ്ത്രീ​യ നി​ർ​മാ​ണ​വും ക​ട​ന്നു​ക​യ​റ്റ​വും ഉ​ത്ത​ര​മാ​യി ല​ഭി​ക്കും. പ​ക്ഷേ, അ​തൊ​രി​ക്ക​ലും പു​റം​ലോ​കം അ​റി​യി​ല്ല. വി​ക​സ​ന ഭ്രാ​ന്തി​ൽ പ​രി​സ്ഥി​തി​യെ കാ​ണാ​ൻ സ​ർ​ക്കാ​റും ഭ​ര​ണ​കൂ​ട​വും മ​ടി​ക്കും. ഫ​ലം കൊ​ടി​യ ദു​ര​ന്ത​മാ​കും.

ജോ​ഷി​മ​ഠ് ഗൗ​ര​വ​മാ​യ പാ​ഠ​ങ്ങ​ൾ കേ​ര​ള​ത്തി​നും ലോ​ക​ത്തി​നു​മെ​ല്ലാം ന​ൽ​കു​ന്നു​ണ്ട്. പ്ര​കൃ​തി​ക്കു​മേ​ലു​ള്ള ദു​ര​ക്കെ​തി​രെ സം​സാ​രി​ക്കു​ന്ന​വ​ർ ആ​ക്ര​മി​ക്ക​പ്പെ​ടു​ന്ന കാ​ലം കൂ​ടി​യാ​ണി​ത്. വി​ക​സ​ന​ത്തി​ന് ത​ട​സ്സം പ​രി​സ്ഥി​തി​വാ​ദി​ക​ളും ക​വി​ക​ളു​മാ​ണെ​ന്ന് ‘ക​ണ്ടെ​ത്ത​പ്പെ​ട്ട’ കാ​ലം കൂ​ടി​യാ​ണി​ത്. അ​വ​ർ​ക്കു​ള്ള ഉ​ത്ത​ര​മാ​ണ് ജോ​ഷി​മ​ഠ്. ഇ​നി​യെ​ങ്കി​ലും ക​ണ്ണ് തു​റ​ന്ന്, കാ​ത് തു​റ​ന്നു ചു​റ്റു​പാ​ടി​നെ അ​റി​യൂ.