മഴ

നമുക്ക്​ മഴയെപ്പറ്റി എഴുതേണ്ടിവരുന്നത്​, ചിന്തിക്കേണ്ടിവരുന്നത്​ ഇത്​ മഴക്കാലമായതുകൊണ്ടു മാത്രമല്ല; ഒരു ‘മഴപ്പേടി’ പലതരത്തിൽ, രൂപത്തിൽ പലരിലും നിലകൊള്ളുന്നതുകൊണ്ടുകൂടിയാണ്. രണ്ട്​ വലിയ പ്രളയം ​േ​കരളീയരെ ഒരുതരം ഭയാകുലതകളിൽ ആഴ്​ത്തിയിട്ടുണ്ട്​. തുടർച്ചയായി മഴപെയ്യു​േമ്പാൾ പ്രളയത്തി​ന്റെ തുടക്കമാണോ എന്നു പലരും ആശങ്കപ്പെടുന്നു. കൊച്ചു കേരളത്തിന്​ ഇനിയൊരു പ്രളയത്തെ താങ്ങാനുള്ള കരുത്തില്ലെന്ന്​ നമ്മൾ ഭയക്ക​ുന്നു. ഇൗ ‘തുടക്ക’മെഴുതു​േമ്പാൾ പുറത്ത്​, കാലവർഷം തിമിർക്കുകയാണ്​.

മഴ കാൽപനികമായാണ്​ കവിതകളിലും കഥകളിലുമെല്ലാം നിറഞ്ഞിട്ടുള്ളത്​. മഴ കാൽപനികവത്കരിക്കപ്പെടുന്നതിൽ തെറ്റില്ല. പക്ഷേ, എല്ലാവർക്കും ഇൗ കാൽപനികത ഇ​ല്ലെന്ന ബോധമെങ്കിലും നമുക്കുണ്ടാവണം എന്നുമാത്രം. മഴ വന്നാൽ കൂര നിലംപൊത്തുമോയെന്നും, വീട്ടിൽ വെള്ളം കയറുമോയെന്നും ഭയപ്പെടുന്നവരുണ്ട്​. ചോർ​െന്നാലിക്കുന്ന വീട്ടിൽ എങ്ങനെ കഴിയുമെന്ന്​ അമാന്തിക്കുന്നവർ. മലയിടിഞ്ഞ്​ തങ്ങൾക്ക്​ മേലേക്ക്​ പതിക്കുമോയെന്ന ചിന്തയിൽ ഉറക്കം നഷ്​ടപ്പെടുന്നവർ. അവർക്കൊരിക്കലും മഴയെ കാൽപനിക ‘ദേവ വർഷ’മാ​െയാന്നും കാണാനാവില്ല. അത്തരമൊരു അവസ്​ഥയിൽ പ്രളയാനന്തരം കേരളവും പൊതുവിൽ എത്തിയിട്ടുണ്ട്​.

മുമ്പ്​ ജൂൺ ഒന്നിനുതന്നെ മഴ എത്തിയിരുന്നു. ഇത്തവണ വൈകി. ചിലപ്പോൾ പതിവിലും കൂടുതൽ മഴ, ചിലപ്പോൾ മഴയേയില്ലാത്ത അവസ്​ഥ. മേയ്​ മാസത്തിൽ കി​േട്ടണ്ട വേനൽമഴ ഇത്തവണ നന്നേ കുറവ്​. അതെന്തുകൊണ്ടാണ്​? മഴ മാറിയോ?, എന്തുകൊണ്ട്​ മഴക്ക്​ മാറ്റം സംഭവിച്ചു? ലോകമെങ്ങുമുള്ള കാലാവസ്​ഥാ വ്യതിയാനം നമ്മുടെ നാടിനെ എങ്ങനെയാണ്​ ബാധിക്കുന്നത്​? ഏതൊക്കെ സ്​ഥലങ്ങളെ എങ്ങനെയൊക്കെയാണ്​ ബാധിച്ചിട്ടുള്ളത്​, അല്ലെങ്കിൽ ഇനി ബാധിക്കുക? വൈപ്പിൻപോലുള്ള മേഖലകൾ ഗുരുതരമായ കാലാവസ്​ഥാ വ്യതിയാനത്തി​ന്റെ പ്രത്യാഘാതം അനുഭവിച്ചുകൊണ്ടിരിക്കുകയാണെന്ന്​ തെളിഞ്ഞുകഴിഞ്ഞിട്ടുണ്ട്​. ഇൗ മഴക്കാലം ചില ഗൗരവമായ ചിന്തകളിലേക്കും പുനരാലോചനകളിലേക്കും നമ്മളെ നയിക്കേണ്ടതുണ്ട്​. നമ്മുടെ പരിസ്​ഥിതിക്ക്​ എന്തുമാറ്റമാണ്​ നമ്മുടെ ദുരയും അത്യാ​ർത്തിയും വരുത്തിയത്​ എന്നുകൂടി ഇൗ ആലോചനകളുടെ തുടർച്ചയായി പരിശോധിക്കേണ്ടതുണ്ട്​.

മഴയെപ്പറ്റി മാ​ത്രമല്ല, മഴ എന്തുകൊണ്ട്​ വെള്ളപ്പൊക്കം സൃഷ്​ടിക്കുന്നുവെന്നുകൂടി ആലോചിക്കേണ്ടേ? തോടുകളും പുഴകളും കൈയേറി സൃഷ്ടിച്ച നിർമിതികൾ, നീരൊഴുക്ക​ി​ന്റെ സ്വാഭാവികതയെ തകർക്കുന്ന ഇടപെടലുകൾ, അശാസ്​ത്രീയമായ കാന, കനാൽ നിർമാണങ്ങൾ എന്നിവകൂടി പരി​േശാധിക്കപ്പെടണം. ജലാശയങ്ങളെ എങ്ങനെയൊക്കെയാണ്​ നമ്മൾ മാറ്റിമറിച്ചത്​ എന്നും പര്യാലോചിക്കണം.

മഴയെയും മഴ സൃഷ്​ടിക്കാനിടയുള്ള അപായങ്ങളെയും പറ്റി ഇപ്പോഴെങ്കിലും നമ്മൾ ശാസ്​​ത്രീയമായി ചിന്തിക്കുകയും പ്രവർത്തിക്കുകയും ചെയ്​തില്ലെങ്കിൽ ദുരന്തങ്ങൾ ആവർത്തിക്കും. മഴപ്പേടിയിൽതന്നെ ഒടുങ്ങാനാവും നമ്മുടെ ‘വിധി’; അല്ലെങ്കിൽ ഭാവി.