കഥയുടെ ഇടവഴികൾ; പെരുംപാതകൾ

കഥകൾ ഇഷ്​ടപ്പെടാത്തവർ കാണില്ല. അനുദിനം നമ്മൾ കഥകളിലാണ്​ ജീവിക്കുന്നത്​. കെട്ടുകഥകളുടെയും പഴങ്കഥകളുടെയും കുറുങ്കഥകളുടെയും മിന്നൽക്കഥകളുടെയും ലോകത്താണ്​ നമ്മൾ ഒാരോരുത്തരും. കഥയും ജീവിതവും തമ്മിൽ തിരിച്ചറിയാൻപോലും ചിലപ്പോൾ ആകുന്നില്ല. ചില നല്ല കഥപറച്ചിലുകാർ കാലത്തെ തന്നെ കഥാപാത്രമാക്കി കശക്കും. നമ്മൾ ആ കഥകളുടെ ഉൗർജത്തിൽ മുന്നോട്ടു സഞ്ചരിക്കും.

മലയാളത്തിൽ ഇത്​ നല്ല കഥകളുടെ നല്ല കാലമാണ്​. കുറച്ചുനാളായുള്ള ആ പ്രവണതയിൽ മികച്ച രചനകൾ പലതുണ്ടാകുന്നു. അവ വായനക്കാരെ പലതരത്തിൽ പിടിച്ചുകുലുക്കുന്നു, ആകർഷിക്കുന്നു. നിലവിലെ ഭാവുകത്വത്തെയും സർഗാത്മകതയെയും വെല്ലുന്ന നിരവധി കഥകൾ വന്നുകഴിഞ്ഞു. ഇൗ കെട്ടകാലത്തും ആ കഥകളിൽ നല്ല പങ്കും അധികാര​േത്താട്​, ഫാഷിസത്തോട്​ പലവിധത്തിൽ കലഹിക്കുന്നു​ എന്നതാണ്​ അതിൽ ശുഭോദായക കാര്യം.​ അസാമാന്യ പ്രതിഭയുമായി പുതിയ തലമുറ സാഹിത്യത്തിലേക്ക്​ നിത്യവും ചുവടുവെക്കുന്നുണ്ട്​. നിരൂപകരും സാഹിത്യവിശാരദൻമാരും അത്​ എത്രമാത്രം ഉൾക്കൊള്ളുന്നു, അടയാളപ്പെടുത്തുന്നുവെന്നത്​ ​േ​വറെ കാര്യം.

മൂന്നു ദശകങ്ങളിൽ പുതിയ കാലത്തിനും ഭാവുകത്വത്തിനുമൊപ്പമാണ്​ ആഴ്​ചപ്പതിപ്പ്​ നിന്നത്. ഭൂതകാലക്കുളിരിലും പാരമ്പര്യത്തി​ന്റെ പഴമകളിലും അഭിരമിക്കാൻ നമ്മൾ തയാറായില്ല. ആഴ്​ചപ്പതിപ്പി​ന്റെ തുടക്കത്തിൽ ഒപ്പം സഞ്ചരിച്ച പുതുതലമുറ ഇപ്പോൾ മധ്യവയസ്സ്​ പിന്നിടുന്നു. അവരുടെ എഴുത്തുകളും അനുഭവങ്ങളും ഏറ്റുവാങ്ങി, പിന്നെയും പുതുതലമുറയു​െട ഭാവുകത്വത്തിന്​ ഒപ്പം നിന്ന്​ ആഴ്​ചപ്പതിപ്പ്​ ചെറുപ്പത്തിൽ തന്നെ തുടരുന്നു. അത്​ അഭിമാനമാണ്​. കഥയു​െട ഇടവഴികളിലൂടെയും പെരുംപാതകളിലൂടെയും നമ്മുടെ സഞ്ചാരം തുടരുന്നു. ഇതിനിടയിൽ സാംസ്​കാരിക ലോകത്തിന്​ ചെറുതല്ലാത്ത സംഭാവനകൾ ചെയ്യാനായി. ഇനിയും അതേ ദൗത്യത്തിൽ ആഴ്​ചപ്പതിപ്പ്​ തുടരും.

ഉൾക്കൊള്ളാൻ കഴിയാത്തയത്രയും കഥകളാണ്​ ആഴ്​ചപ്പതിപ്പിന് നിത്യവും ലഭിച്ചുകൊണ്ടിരിക്കുന്നത്​. തെരഞ്ഞെടുപ്പുപോലും പ്രയാസമാണ്. മുൻവിധികളില്ലാതെ കഥകളെ പരിശോധിക്കാനും സ്വീകരിക്കാനുമാണ്​ ശ്രമം. തീർത്തും വിജയമാണെന്ന്​ പറയാൻ വയ്യ. എങ്കിലും, മാറുന്ന ഭാവുകത്വത്തിനും പുതുനാമ്പുകൾക്കുമൊപ്പമാണ്​ ആഴ്​ചപ്പതിപ്പ്​.

കഥകളുടെ ഒരു പതിപ്പാണ്​ ഇത്തവണ. കഥകളിലൂടെ നമുക്ക്​ സഞ്ചരിക്കാം. പുതുവഴികൾ അറിയാം.