വിജയമാവണം ലക്ഷ്യം

കറങ്ങുന്ന പക്ഷിയുടെ കണ്ണിലേക്ക്​ അ​െമ്പയ്യാൻ ഗുരു ശിഷ്യന്​ പകർന്നുനൽകുന്ന ഒ​​ര​ു പാഠമുണ്ട്​ ഇതിഹാസത്തിൽ. പക്ഷിയുടെ കണ്ണ്​ മാത്രമേ കാണാൻ പാടുള്ളൂ. അതായത്​ ലക്ഷ്യം മാത്രമാവണം കാഴ്​ച. ആ കഥയിൽ ഒരു പ്രശ്​നമുണ്ട്​. ഉന്നം മാത്രം കണ്ടിട്ട്​ കാര്യമില്ല. കുലക്കാൻ പാകത്തിൽ വില്ലും അത്​ ​പ്രയോഗിക്കാൻ പാടവവുംകൂടി ഇൗ ലക്ഷ്യസാധ്യത്തിന്​ വേണം. മാർക്സിസ്​റ്റ്​ വൈരുധ്യ ശാസ്​ത്രത്തിൽ പറയുന്നതുപോലെ ആത്മനിഷ്​ഠ ഘടകങ്ങൾകൂടി വേണം. വസ്​തുനിഷ്​ഠ സാഹചര്യം ഉണ്ടായതുകൊണ്ടു മാത്രം കാര്യമില്ല.

രാജ്യം വൈകാതെ പൊതു തെ​രഞ്ഞെടുപ്പിനെ നേരിടും. ഇൗ രാജ്യം അതി​ന്റെ മഹത്തായ ആശയങ്ങളുമായി നിലനിൽക്കണം എന്നാഗ്രഹിക്കുന്നവരെ സംബന്ധിച്ച്​ അതിപ്രധാനമാണ്​ വരാൻ പോകുന്ന ദിനങ്ങൾ. പിന്നിട്ട 10 വർഷങ്ങളിൽ വെറുപ്പി​ന്റെ വിതക്കലാണ്​ രാജ്യത്ത്​ നടന്നത്​. ഒാരോ മുക്കിലും മൂലയിലും വെറുപ്പി​ന്റെ വിത്തുകൾ വിതറിക്കഴിഞ്ഞു.

മതേതരത്വത്തി​ന്റെ അവസാന കല്ലുകളും പിഴുതുകൊണ്ടിരിക്കുന്നു. മതേതര രാജ്യത്തിലെ ഒൗദ്യോഗിക ഇടങ്ങളിലേക്കെല്ലാം ബോധപൂർവം ഹിന്ദുത്വ ബിംബങ്ങളും ദൈവങ്ങളും പ്രതിഷ്​ഠിക്കപ്പെട്ടുകൊണ്ടിരിക്കുന്നു. രാജ്യത്തി​ന്റെ പേര്​ തന്നെ മാറ്റാൻപോകുന്നു. ഭരണഘടനയിൽനിന്ന്​ സോഷ്യലിസവും മതേതരത്വവും നീക്കാൻ പോകുന്നു. ഫലത്തിൽ ഇന്ത്യയെന്ന രാജ്യത്തി​ന്​, മഹത്തായ ആശയത്തിന്​ നിലനിൽപ്​ ഇല്ലാതാവുന്ന നിമിഷങ്ങളാണ്​ വരാൻ പോകുന്നത്​.

ഫൈനലിന്​ മുമ്പുള്ള സെമി പോരാട്ടം എന്ന്​ വിശേഷിപ്പിക്ക​െപ്പട്ട അഞ്ചു സംസ്​ഥാനങ്ങളിലെ തെരഞ്ഞെടുപ്പ്​ ഫലം ഇൗ രാജ്യത്തി​ന്റെ ഭാവിയെപ്പറ്റി ആകുലപ്പെടുന്നവർക്ക്​ ഒട്ടും ആശ്വാസം നൽകുന്നതല്ല. രണ്ട്​ വലിയ സംസ്​ഥാനങ്ങളായ രാജസ്​ഥാനും മധ്യ​പ്രദേശും ബി.ജെ.പിയുടെ കൈയിലായി. ഛത്തിസ്​ഗഢിലും ഹിന്ദുത്വവാദികൾ ആധിപത്യം സ്​ഥാപിച്ചു. ആകെയുള്ള ​േനർത്ത ആശ്വാസം തെലങ്കാന ഹിന്ദുത്വ പാളയത്ത​ിലേക്ക്​ പോകാൻ വിസമ്മതിച്ചുവെന്നതാണ്​. തെലങ്കാന ഹിന്ദുത്വ കൂടാരത്തിൽ നിൽക്കാൻ വിസമ്മതിച്ചതോടെ ദക്ഷിണേന്ത്യ ഹിന്ദുത്വ ഭരണത്തിൽനിന്ന്​ മുക്തമായി. പക്ഷേ, ഉത്തരേന്ത്യയിൽ അധികാരം വ്യാപിപ്പിച്ചുകൊണ്ടിരിക്കുകയാണ്​ ഹിന്ദുത്വ ശക്തികൾ.

എന്തുകൊണ്ട്​ തിരിച്ചടി എന്ന്​ കോൺഗ്രസ്​ ചിന്തിക്കണം. തെറ്റുകൾ തിരുത്തണം. ഉൾ​പ്പോരുകൾ അവസാനിപ്പിച്ച്​ ഇൗ നിമിഷങ്ങളിലെ നേതൃശക്തിയായി മാറണം. ഇൻഡ്യ എന്ന സഖ്യത്തെ കൂടുതൽ വിശാലവും ഉറപ്പുള്ളതുമാക്കി വലിയ ചാലകവാഹനമായി മാറണം. നിലവിലെ സന്നാഹങ്ങൾ ഒട്ടും മതിയാവില്ല വൻ അധികാരത്തോട്​ എതിരിടാൻ. പുതിയ തന്ത്രങ്ങളും സഖ്യങ്ങളും ആവിഷ്​കരിക്കണം. ആത്മനിഷ്​ഠ ഘടകങ്ങൾ ശക്തമാക്കണം. എന്നിട്ട്​ വിജയത്തിൽ മനസ്സുറപ്പിക്കണം. പിന്നെ പക്ഷിയുടെ കണ്ണ്​ മാത്രമേ കാണാവൂ. ഇൗ ലക്ഷ്യത്തിൽ രാജ്യത്തെ പുരോഗമന ശക്തികൾ പരാജയപ്പെട്ടാൽ ഇന്ത്യക്ക്​ തന്നെ ഇനിയൊരു നിലനിൽപില്ലെന്ന്​ മനസ്സിൽ ഉറപ്പിക്കണം.