ശുഭവാർത്തകൾ വരുന്നുണ്ട്

ഈ വർഷം തുടങ്ങുമ്പോൾ ലോകക്രമത്തിന്റെ സ്വഭാവം പൊതുവിൽ നിരാശപ്പെടുത്തുന്നതായിരുന്നു. വൻകിട രാഷ്ട്രങ്ങൾ പലതിന്റെയും തല​പ്പത്ത് തീവ്ര വലതുപക്ഷക്കാരും നവനാസികളും അപ്രമാദിത്വത്തോടെ ഭരിക്കുന്നതായിരുന്നു ഒരു കാഴ്ച. മറ്റു ചില രാജ്യങ്ങളിൽ ഇതേ സംഘം അധികാരത്തിലേക്ക് എത്തുമെന്ന ഭയപ്പെടുത്തുന്ന സ്ഥിതിയും നിലനിന്നു. ഇന്ത്യയിലാകട്ടെ പ്രതിപക്ഷം ഇല്ലാത്ത പരിതാപകരമായ അവസ്ഥ.

വർഷത്തി​െന്റ മധ്യമാകുമ്പോൾ ചിത്രങ്ങൾ പലതും മാറി. ഇന്ത്യയിൽ ഹിന്ദുത്വവാദികളുടെ അധികാരഹുങ്കിന് ജനം തിരിച്ചടി നൽകി. അങ്ങനെ ശക്തമായ പ്രതിപക്ഷം യാഥാർഥ്യമായി. ഇപ്പോഴിതാ ബ്രിട്ടനിൽനിന്നും ഫ്രാൻസിൽനിന്നുമൊക്കെ ചില നല്ല വാർത്തകൾ വരുന്നു.

ബ്രിട്ടനിൽ അ​ഭ​യാ​ർ​ഥി​പ​ക്ഷ നി​ല​പാ​ടു​ള്ള ലേ​ബ​ർ പാ​ർ​ട്ടി​ അധികാരത്തിൽ വന്നു. ഋ​ഷി സു​ന​കി​ന്റെ നേ​തൃ​ത്വ​ത്തി​ലു​ള്ള ക​ൺ​സ​ർ​വേ​റ്റി​വ് പാ​ർ​ട്ടി​യെ പരാജയപ്പെടുത്തിയാണ് 14 വ​ർ​ഷ​ങ്ങ​ൾ​ക്കു​ശേ​ഷം ലേ​ബ​ർ പാ​ർ​ട്ടി അ​ധി​കാ​ര​ത്തി​ലെ​ത്തി​യത്.​ ഋ​ഷി സു​ന​കി​ന്റെ പാർട്ടിക്ക് മു​ൻ​ തെ​ര​ഞ്ഞെ​ടു​പ്പി​നെ​ക്കാ​ൾ 244 സീ​റ്റ് കു​റ​ഞ്ഞ് അം​ഗ​സം​ഖ്യ 121ലെ​ത്തി​. മാ​ത്ര​മ​ല്ല, പ​ല പ്ര​മു​ഖ​രും തോറ്റു. പാ​ർ​ല​​മെ​ന്റി​ന്റെ പൊ​തു​സ​ഭ​യി​ലെ 650 സീ​റ്റി​ൽ 412 എ​ണ്ണം നേ​ടി​യാ​ണ് സ്റ്റാ​ർ​മ​റും സം​ഘ​വും സ​ത്യ​പ്ര​തി​ജ്ഞ​ക്കൊ​രു​ങ്ങു​ന്ന​ത്. 2019ലെ ​തെ​ര​​ഞ്ഞെ​ടു​പ്പി​ൽ ബോ​റി​സ് ജോ​ൺ​സ​ൺ എ​ന്ന വം​ശീ​യ​വാ​ദി​യു​ടെ നേ​തൃ​ത്വ​ത്തി​ൽ ക​ൺ​സ​ർ​വേ​റ്റി​വു​ക​ൾ കേ​വ​ലഭൂ​രി​പ​ക്ഷം നേ​ടി ഭ​ര​ണം തു​ട​ർ​ന്ന​ത് ആ ​രാ​ജ്യം എ​ത്ര​മേ​ൽ തീ​വ്ര​വം​ശീ​യ​ത​യി​ലേ​ക്കും ഇ​സ്‍ലാ​മോ​ഫോ​ബി​യ​യി​ലേ​ക്കും മാ​റി എ​ന്ന​തി​ന്റെ നി​ദ​ർ​ശ​ന​മാ​യാ​ണ് വി​ല​യി​രു​ത്ത​പ്പെ​ട്ട​ത്.

ബ്രെ​ക്സി​റ്റി​ന് വ​ഴി​യൊ​രു​ക്കി ഒ​രു രാ​ജ്യ​ത്തെ നാ​ശ​ത്തി​ന്റെ പ​ടു​കു​ഴി​യി​ലെ​ത്തി​ച്ച ടോ​റി​ക​ളു​ടെ വ​ൻ​പ​ത​ന​മായി തെരഞ്ഞെടുപ്പ്. അ​ഭ​യാ​ർ​ഥി​പ​ക്ഷ നി​ല​പാ​ടു​ക​ളും ഇ​ട​തു​പ​ക്ഷ കാ​ഴ്ച​പ്പാ​ടു​മു​ള്ള ലേ​ബ​ർ പാ​ർ​ട്ടി അ​ധി​കാ​ര​ത്തി​ൽ​വ​ന്ന​ത് നിലവിലെ അവസ്ഥയിൽ വളരെ പുരോഗമനകരമാണ്. അതേസമയം, ലേബർ പാർട്ടിയിലും വം​ശീ​യ​വാ​ദി​ക​ളു​ടെ സാ​ന്നി​ധ്യമുണ്ട്. സ്റ്റാ​ർ​മ​റിന് ഇ​സ്രാ​യേ​ൽ അ​നു​കൂ​ല നി​ല​പാ​ടുമാണുള്ളത്. അതെന്തായാലും ബ്രിട്ടനിലെ ജനത ജനാധിപത്യവും സമാധാനവും ആഗ്രഹിക്കുന്നുവെന്നത് തന്നെ വലിയ കാര്യം.

സമാനമാണ് ഫ്രാൻസിലെയും കാര്യം. പാ​​ർ​​ല​​മെ​​ന്റ് തെ​​ര​​ഞ്ഞെ​​ടു​​പ്പി​​ൽ ആ​​ർ​​ക്കും ഭൂ​​രി​​പ​​ക്ഷ​​മി​​ല്ലാ​​ത്ത അവസ്ഥ അവിടെ സൃഷ്ടിക്കപ്പെട്ടു. കൂ​​ടു​​ത​​ൽ സീ​​റ്റ് ല​​ഭി​​ച്ച ഇ​​ട​​തു​​സ​​ഖ്യ​​മാ​​യ ന്യൂ ​​പോ​​പു​​ല​​ർ ​ഫ്ര​​ണ്ട് സ​​ർ​​ക്കാ​​റു​​ണ്ടാ​​ക്കാൻ ശ്രമിക്കുന്നതായാണ് വിവരം. ഇതേ സഖ്യത്തിലാണ് ഫ്രാ​​ൻ​​സ് അ​​ൺ​​ബൗ​​ഡ്, സോ​​ഷ്യ​​ലി​​സ്റ്റു​​ക​​ൾ, ​ഗ്രീ​​ൻ പാ​​ർ​​ട്ടി എ​​ന്നി​​വ​​രുള്ളത്. ഈ സഖ്യത്തിൽ തീവ്ര ഇടതുപക്ഷ നിലപാടുകാർ മുതൽ മധ്യപ​​ക്ഷ നി​​ല​​പാ​​ടുള്ളവർ വരെയുണ്ട്. എന്തായാലും ഇവിടെയും പലരും പ്രവചിച്ചതുപോലെ പ്രതിപക്ഷമില്ലാത്ത, ഏകപക്ഷീയ വലതുപക്ഷ ഭരണമുണ്ടായില്ല. വലതുപക്ഷക്കാരുടെ നില മൊത്തത്തിൽ പരുങ്ങലിലാണ്.

ജനാധിപത്യത്തിൽ പ്രധാനം പ്രതിപക്ഷമുണ്ടായിരിക്കുക എന്നതാണ്. വംശീയവാദികളും തീവ്ര വലതുപക്ഷക്കാരും നവനാസികളും അധികാരം കൈപ്പിടിയിൽ ഒതുക്കുന്ന കാലത്ത് ജനം ജനാധിപത്യം ആഗ്രഹിക്കുന്നുവെന്നതും വലതു തീവ്രവാദത്തിനെതിരെ മറിച്ചു ചിന്തിക്കുന്നുവെന്നതും നിസ്സാര കാര്യമല്ല. ഇനിയും കൂടുതൽ നല്ല വാർത്തകൾ ഉണ്ടാകട്ടെ എന്ന് നമുക്ക് ആഗ്രഹിക്കാം.