മാതൻ

മനഃസാക്ഷിയുള്ള ഏവരെയും പലരീതിയിൽ പിടിച്ചുകുലുക്കുന്നതാണ്​ വയനാട്ടിൽനിന്ന്​ കഴിഞ്ഞയാഴ്ച വന്ന രണ്ട്​ വാർത്തകൾ. പുരോഗമനം, പ്രബുദ്ധം എന്നിങ്ങനെയുള്ള കേരളീയരുടെ അവകാശവാദങ്ങളെ മുഴുവൻ തച്ചുതകർക്കുന്നതാണ്​ രണ്ട്​ വാർത്തകളും. രണ്ടും മലയാളിയുടെ സങ്കുചിത വംശീയബോധത്തെയും സവർണവെറിയെയും വെളിപ്പെടുത്തി​. രണ്ടും ഒറ്റപ്പെട്ട സംഭവങ്ങളല്ല. അങ്ങനെ ചുരുക്കിക്കാണാനും പാടില്ല.

ഡിസംബർ 15നാണ്​ രണ്ട്​ സംഭവവും നടന്നത്​. ആദ്യത്തേത്​ വ​ഴി​യോ​ര​ത്ത് കാ​ർ യാ​ത്ര​ക്കാ​രു​ടെ ത​ർ​ക്ക​ത്തി​ൽ ഇ​ട​പെ​ട്ട, ആ​ദി​വാ​സി​യായ മാതനെ കാ​റി​ൽ അ​ര​ കി​ലോ​മീ​റ്റ​ർ റോ​ഡി​ലൂ​ടെ വ​ലി​ച്ചി​ഴ​ച്ചതാണ്​​. ഒ​ടു​വി​ൽ മാതനെ വ​ഴി​യി​ൽ ഉ​പേ​ക്ഷി​ച്ച് കാ​ർ​യാ​ത്ര​ക്കാ​ർ ര​ക്ഷ​പ്പെ​ട്ടു. മാ​ന​ന്ത​വാ​ടി പ​യ്യ​മ്പ​ള്ളി കൂ​ട​ൽ​ക്ക​ട​വ് ചെ​മ്മാ​ട് കോ​ള​നി​ക്കാരനാണ്​ അമ്പതു വയസ്സുകാരനായ മാ​ത​ൻ. മാ​ന​ന്ത​വാ​ടി​യി​ൽ​നി​ന്ന് 12 കി​ലോ​മീ​റ്റ​ർ അ​ക​ലെ കൂ​ട​ൽ​ക്കട​വ് ജ​ങ്ഷ​നി​ൽ വൈ​കീ​ട്ടാ​ണ് സം​ഭ​വം. കൂ​ട​ൽ​ക്ക​ട​വ് ചെ​ക്ക് ഡാം ​സ​ന്ദ​ർ​ശി​ക്കാ​നെ​ത്തി​യ​ രണ്ടു കാറിലുള്ളവർ തമ്മിൽ തർക്കമായി. കൈയാങ്കളിയിലെത്തിയ സംഭവം അനുനയിപ്പിക്കാനാണ്​ മാതൻ ശ്രമിച്ചത്​. എ​റി​യാ​ൻ ശ്ര​മി​ച്ച​യാ​ളി​ൽ​നി​ന്ന് ക​ല്ല് പി​ടി​ച്ചു​വാ​ങ്ങാ​ൻ ശ്ര​മി​ച്ച മാ​ത​ന്റെ വ​ല​തു​കൈ കാ​റി​ന്റെ വാ​തി​ലി​നി​ട​യി​ൽ​പെ​ട്ടു. ഈ ​കാ​ർ മു​ന്നോ​ട്ടെ​ടു​ത്തു.

കാ​റി​ലു​ള്ള​യാ​ൾ മാ​ത​ന്റെ കൈ ​കൂ​ട്ടി​പ്പി​ടി​ച്ചു. ഇ​തോ​ടെ മാ​ത​നെ വ​ലി​ച്ചി​ഴ​ച്ച് കാ​ർ മു​ന്നോ​ട്ടു​നീ​ങ്ങി. നാ​ട്ടു​കാ​ർ ഒ​ച്ച​വെ​ച്ചി​ട്ടും ശ്ര​ദ്ധി​ക്കാ​തെ അ​ര​ കി​ലോ​മീ​റ്റ​ർ പോ​യ കാ​ർ മാ​ത​നെ ദാ​സ​ന​ക്ക​ര ജ​ങ്ഷ​നി​ൽ ഉ​പേ​ക്ഷി​ച്ച് ക​ട​ന്നു​ക​ള​ഞ്ഞു. അ​ര​ക്ക് താ​ഴെ​യും കൈ​കാ​ലു​ക​ൾ​ക്കും ഗു​രു​ത​ര​മാ​യി പ​രി​ക്കേ​റ്റ മാ​ത​നെ പി​ന്നാ​ലെ എ​ത്തി​യ നാ​ട്ടു​കാ​രാ​ണ് മാ​ന​ന്ത​വാ​ടി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ എ​ത്തി​ച്ച​ത്.

വ​ലി​ച്ചി​ഴ​ച്ച കാ​റി​ന് പിറ​കി​ൽ വ​ന്ന കാ​റി​ലു​ണ്ടാ​യി​രു​ന്ന​വ​ർ പകർത്തിയ വി​ഡി​യോ സമൂഹമാധ്യമങ്ങളിൽ പടർന്നു. ഇത്​ ഒരാളെ കാറിൽ വലിച്ചിഴച്ചുവെന്ന അപകടകരമായ കൃത്യം മാത്രമല്ല. തുറന്ന രീതിയിലുള്ള വംശീയ കടന്നാക്രമണംകൂടിയാണ്​. വിനോദസഞ്ചാരത്തിന്​ വന്ന ആളുകൾ ‘മാതനായിരുന്നില്ല’ അവിടെ എങ്കിൽ ഇൗ കൃത്യം ചെയ്യില്ല. ആദിവാസി, ദലിത്​ വിഭാഗങ്ങളോട്​ എന്തുമാവാം എന്ന വിഷലിപ്​തമായ ചിന്ത തന്നെയാണ്​ ഇൗ കൃത്യത്തി​ന്റെ അടിസ്ഥാനം.

അടുത്തത്​ പ​ട്ടി​ക​ജാ​തി-പ​ട്ടി​ക​വ​ർ​ഗ മ​ന്ത്രി ഒ.​ആ​ർ. കേ​ളു​വി​ന്റെ മ​ണ്ഡ​ല​മാ​യ മാ​ന​ന്ത​വാ​ടി​യി​ലാ​ണ് നടന്നത്​. പ​ട്ടി​ക​വ​ർ​ഗ വ​കു​പ്പ് ആം​ബു​ല​ൻ​സ് ഏ​ർ​പ്പെ​ടു​ത്താ​ത്ത​തി​നാ​ൽ ആ​ദി​വാ​സി വ​യോ​ധി​ക​യു​ടെ മൃ​ത​ദേ​ഹം സം​സ്ക​രി​ക്കാ​ൻ കൊ​ണ്ടു​പോ​യ​ത് ഓ​ട്ടോ​റി​ക്ഷ​യി​ലായിരുന്നു. എ​ട​വ​ക വീ​ട്ടി​ച്ചാ​ൽ നാ​ലു സെ​ന്റ് കോ​ള​നി​യി​ലെ പ​രേ​ത​നാ​യ ക​യ​മ​യു​ടെ ഭാ​ര്യ ചു​ണ്ടക്കാ​ണ് (98) ഈ ​ദു​ർ​ഗ​തി വന്നത്​. 15ാം തീയതി രാ​ത്രി​യാ​ണ് വാ​ർ​ധ​ക്യ​സ​ഹ​ജ​ അ​സു​ഖ​ത്തെ​ തു​ട​ർ​ന്ന് ചു​ണ്ട മ​രി​ച്ച​ത്.

അ​പ്പോ​ൾ​ മു​ത​ൽ ജ​ന​പ്ര​തി​നി​ധി​ക​ൾ ഉ​ൾ​പ്പെ​ടെ​യു​ള്ള​വ​ർ പ​ട്ടി​ക​വ​ർ​ഗ വ​കു​പ്പ് ഉ​ദ്യോ​ഗ​സ്ഥ​രും ട്രൈ​ബ​ൽ പ്ര​മോ​ട്ട​റു​മാ​യി ബ​ന്ധ​പ്പെ​ട്ട് ആം​ബു​ല​ൻ​സ് ആ​വ​ശ്യ​പ്പെ​ട്ടി​രു​ന്നു. എ​ന്നാ​ൽ, ട്രൈ​ബ​ൽ പ്ര​മോ​ട്ട​ർ തി​രി​ഞ്ഞു​നോ​ക്കു​കപോ​ലും ചെ​യ്തി​ല്ല. അടുത്തദിവസം ഉ​ച്ച​യോ​ടെ ഓ​ട്ടോ​റി​ക്ഷ വി​ളി​ച്ച് ര​ണ്ട് കി.​മീ​റ്റ​ർ ദൂ​ര​ത്തെ എ​ള്ളു​മ​ന്ദം സ​മു​ദാ​യ ശ്മ​ശാ​ന​ത്തി​ൽ മൃ​ത​ദേ​ഹം എ​ത്തി​ച്ച് സം​സ്ക​രി​ച്ചു. ആം​ബു​ല​ൻ​സ് സ്ഥ​ല​ത്തി​ല്ലാ​ത്ത​തി​നാ​ലാ​ണ് ന​ൽ​കാ​ൻ ക​ഴി​യാ​ത്ത​തെ​ന്നാ​ണ് ട്രൈ​ബ​ൽ അ​ധി​കൃ​ത​ർ ന​ൽ​കു​ന്ന വി​ശ​ദീ​ക​ര​ണം.

ഒരു സമൂഹത്തി​ന്റെ മുന്നേറ്റം, പുരോഗമനം എന്നിവയുടെ അടയാളം ആ സമൂഹം പൊതുവിൽ അതിലെ ദുർബല, ന്യൂനപക്ഷ വിഭാഗങ്ങളോട്​ എങ്ങനെ പെരുമാറുന്നുവെന്നതിലാണ്​ വ്യക്തമാവുക. സമത്വത്തോടെ, തങ്ങൾക്ക്​ തുല്യരായ ഒരു ജനവിഭാഗമായി സമൂഹത്തിലെ മറ്റു വിഭാഗങ്ങളെയും ഭൂരിപക്ഷസമുദായത്തിന്​ പരിഗണിക്കാൻ കഴിയുന്നില്ലെങ്കിൽ ആ സമൂഹത്തിന്​ ഗുരുതരമായ കുഴപ്പം ബാധിച്ചുവെന്നാണർ​ഥം.

ആദിവാസി സമൂഹത്തിലെ ഒരംഗത്തി​ന്റെ അന്ത്യകർമത്തിന്​ ആംബുലൻസ്​ വിട്ടുനൽകാൻ ‘മുഖ്യധാര’ക്ക്​ കഴിയുന്നില്ലെങ്കിൽ ആ സമൂഹം ഒട്ടും പുരോഗമിച്ചിട്ടില്ല, മനുഷ്യരെ മനുഷ്യരായി കാണാൻ കഴിയുന്നില്ല എന്ന്​ തന്നെയാണർഥം. ഗുരുതരമായ ഇൗ അവസ്ഥയുമായി കേരളീയ സമൂഹം മുന്നോട്ടുപോകുന്നതിൽ അർഥമില്ല. ശരിയായ, ശാസ്​ത്രീയ ചികിത്സ ‘പ്രബുദ്ധകേരള’ത്തിന്​ ആവശ്യമാണ്​ എന്ന്​ ചുരുക്കം. അത്​ ഇനിയും വൈകിക്കൂടാ.