ഒരു വ്യാഴവട്ടക്കാലം തൂ​പ്പു​കാ​രി​യാ​യി​രു​ന്ന അതേ സ്​കൂളിൽ ലി​ൻ​സ ഇന്ന്​ ഇം​ഗ്ലീ​ഷ് അ​ധ്യാ​പി​ക​യാ​ണ്

ഒരു വ്യാഴവട്ടക്കാലം സ്​കൂ​ളി​ലെ തൂ​പ്പു​കാ​രി​യാ​യി​രു​ന്ന ലി​ൻ​സ ഇ​ന്ന് അ​തേ സ്‌​കൂ​ളി​ല്‍ ഇം​ഗ്ലീ​ഷ് അ​ധ്യാ​പി​ക​യാ​ണ്. ദു​രി​ത​പൂ​ർ​ണ​മാ​യ ജീ​വി​ത​ത്തി​നുമു​ന്നി​ൽ അ​ടി​യ​റ​വു​പ​റ​യാ​തെ വി​ജ​യ​തീ​രം കൈവരിച്ച ടീ​ച്ച​റുടെ ജീവിതത്തിന് തിളക്കമേറെയാണ്...

എ​ത്തി​ച്ചേ​രാ​ൻ ക​ഴി​യാ​തെ തോ​റ്റു​പോ​കു​മെ​ന്നു പ​റ​ഞ്ഞ് മ​ന​സ്സും സാ​ഹ​ച​ര്യ​വും ഒ​ന്ന​ട​ങ്കം പി​ന്തി​രി​പ്പി​ച്ചാ​ലും ത​ള​രാ​തെ ന​ട​ന്നു​ക​യ​റി ല​ക്ഷ്യ​ത്തി​ലെ​ത്തി ആ​ത്മ​വി​ശ്വാ​സ​ത്തോ​ടെ പി​ന്നി​ട്ട വ​ഴി​ക​ളെ നോ​ക്കി പു​ഞ്ചി​രി​ച്ച ചി​ല​രു​ണ്ട്, അ​പൂ​ർ​വം ചി​ല​ർ. ഇ​ത് അ​ങ്ങ​നെ​യൊ​രു ടീ​ച്ച​റു​ടെ ജീ​വി​ത​മാ​ണ്. കു​ട്ടി​ക​ളു​ടെ 'തൂ​പ്പു​കാ​രി ചേ​ച്ചി'​യി​ൽ​നി​ന്ന് ഒ​രു വ്യാ​ഴ​വ​ട്ട​ത്തെ അ​ശ്രാ​ന്ത പ്ര​യ​ത്ന​ത്തി​നൊ​ടു​വി​ൽ അ​തേ സ്കൂ​ളി​ലെ അ​ധ്യാ​പി​ക​യാ​യി മാ​റി​യ ലി​ൻ​സ ടീ​ച്ച​റു​ടെ ജീ​വി​ത​ക​ഥ​. ദു​രി​ത​പൂ​ർ​ണ​മാ​യ ജീ​വി​ത​ത്തി​നു മു​ന്നി​ൽ അ​ടി​യ​റ​വു​പ​റ​യാ​തെ സാ​ഹ​ച​ര്യ​ങ്ങ​ളെ മ​റി​ക​ട​ന്ന്​ വി​ജ​യ​തീ​രം ക​ട​ന്ന ലിൻസ ടീ​ച്ച​ർ ത​ന്നെ​യാ​ണ് കാ​ഞ്ഞ​ങ്ങാ​ട് അ​ജാ​നൂ​ർ ഇ​ഖ്ബാ​ൽ ഹ​യ​ർ സെ​ക്ക​ൻ​ഡ​റി സ്കൂ​ളി​ലെ വി​ദ്യാ​ർ​ഥി​ക​ൾക്കിന്ന് മാ​തൃ​ക​യും വ​ഴി​കാ​ട്ടി​യും. 2018 വ​രെ സ്കൂ​ളി​ലെ തൂ​പ്പു​കാ​രി​യാ​യി​രു​ന്ന ലി​ൻ​സ ഇ​ന്ന് അ​തേ സ്‌​കൂ​ളി​ല്‍ ഇം​ഗ്ലീ​ഷ് അ​ധ്യാ​പി​ക​യാ​ണ്.

പ്രാ​ര​ബ്​​ധം സ​മ്മാ​നി​ച്ച തൂപ്പു​ജോ​ലി

ഇ​ഖ്ബാ​ൽ ഹ​യ​ർ ​സെ​ക്ക​ൻ​ഡ​റി സ്കൂ​ളി​ലെ സം​സ‌്കൃ​താ​ധ്യാ​പ​ക​നാ​യി​രു​ന്ന രാ​ജ​ൻ മാ​ഷി​ന്‍റെ ര​ണ്ടു​ മ​ക്ക‌​ള‌ി​ൽ മൂ​ത്ത​വ​ളാ​ണ‌് ലി​ൻ​സ. കോ​ഴി​ക്കോ​ട് ജി​ല്ല​യി​ലെ പേ​രാ​മ്പ്ര​ക്കാരനാണ് അദ്ദേഹം. 1978ൽ ​ജോ​ലി ആ​വ​ശ്യാ​ർ​ഥ​മാ​ണ് രാ​ജ​ൻ മാ​ഷ് കാ​ഞ്ഞ​ങ്ങാ​ട്ട് എ​ത്തി​യ​ത്. 2001ൽ ​സ​ർ​വി​സി​ലി​രി​ക്കെ ഹൃ​ദ​യാ​ഘാ​ത​ത്തെ തു​ട​ർ​ന്ന് രാ​ജ​ൻ മാ​ഷ് മ​രി​ച്ച​തോ​ടെ​യാ​ണ് ലി​ൻ​സ​യു​ടെ ജീ​വി​ത​വും മാ​റി​മ​റി​യു​ന്ന​ത്. 47ാം വ​യ​സ്സി​ലാ​യി​രു​ന്നു അ​ച്ഛ​ന്‍റെ മ​ര​ണം. മ​ക്ക​ളു​ടെ ഉ​ന്ന​ത​വി​ദ്യാ​ഭ്യാ​സ​വും മി​ക​ച്ച ജോ​ലി​യും സ്വ​പ്നം ക​ണ്ട മാ​ഷ് പ​ക്ഷേ, അ​തു പു​ല​രു​ന്ന​ത് കാ​ത്തു​നി​ൽ​ക്കാ​തെ​യാ​യി​രു​ന്നു പോ​യ​ത്. ഇ​തി​നി​ടെ​യാ​ണ് മാ​ഷി​നോ​ടു​ള്ള ആ​ദ​ര​വി​ന്‍റെ സൂ​ച​ക​മാ​യി കു​ടും​ബ​ത്തി​ന് താ​ങ്ങാ​വാ​ൻ സ്കൂ​ൾ മാ​നേ​ജ്മെ​ന്‍റ്് ലി​ൻ​സ​ക്ക് താ​ൽ​ക്കാ​ലി​ക തൂ​പ്പു​ജോ​ലി വാ​ഗ്ദാ​നം ചെ​യ്ത​ത്. സ്വീ​പ്പ​റു​ടെ അ​വ​ധി വ​ന്ന​പ്പോ​ഴു​ള്ള ഒ​ഴി​വി​ലേ​ക്ക് ലി​ൻ​സ​യു​ടെ വി​ദ്യാ​ഭ്യാ​സ യോ​ഗ്യ​ത​ക്ക് അ​നു​സ​രി​ച്ച് ന​ൽ​കി​യ​താ​യി​രു​ന്നു ആ ​ജോ​ലി. അ​മ്മ​ക്കും സ​ഹോ​ദ​ര​നും ക​രു​ത്താ​വാ​നും ജീ​വി​ത പ​രി​തഃ​സ്ഥി​തി​യെ അ​തി​ജീ​വി​ക്കാ​നും ജോ​ലി സ്വീ​ക​രി​ക്കു​ക​യ​ല്ലാ​തെ മ​റ്റു മാ​ർ​ഗ​മി​ല്ലാ​യി​രു​ന്നു. ബി.​എ അ​വ​സാ​ന വ​ർ​ഷ വി​ദ്യാ​ർ​ഥി​യാ​യി​രി​ക്കെ​ ജോ​ലി​ക്ക് ക​യ​റി​യ​തിനാൽ പ​ഠ​നം പാ​തിവ​ഴി​യി​ൽ ത​ട​സ്സ​പ്പെ​ട്ടു.

മ​ക്ക​ളെ ഉ​റ​ക്കി​യശേ​ഷം രാ​ത്രി 12 മ​ണി വ​രെ​യൊ​ക്കെ പ​ഠി​ച്ചി​രു​ന്നു. ഇ​നി അ​ച്ഛ​ന്‍റെ ആ​ഗ്ര​ഹം പോ​ലെ ഡോ​ക്ട​റാ​വ​ണ​മെ​ന്ന സ്വ​പ്നം സാ​ക്ഷാ​ത്ക​രി​ക്ക​ണം

പൊ​ടി​പി​ടി​ക്കാ​തെ കാ​ത്ത പ​ഠ​നം

കാ​ല​ത്ത‌് എ​ട്ടു​മ​ണി​ക്കെ​ത്തി തൂ​പ്പു​ജോ​ലി​ക​ൾ പൂ​ർ​ത്തി​യാ​ക്കി​യാ​ൽ വൈ​കു​ന്നേ​രം വ​രെ ധാ​രാ​ളം സ​മ​യ​മു​ണ്ടാ​യി​രു​ന്നു. പാ​ഴാ​യി​പ്പോ​കു​ന്ന സ​മ​യം പി​ന്നീ​ട് തി​രി​ച്ചു​കി​ട്ടി​ല്ലെ​ന്ന തി​രി​ച്ച​റി​വും അ​ന്ന​ത്തെ പ്രി​ൻ​സി​പ്പ​ൽ പ്ര​വീ​ണ ടീ​ച്ച​റു​ടെ ഉ​പ​ദേ​ശ​വുമാ​ണ് പ​ഠി​ക്ക​ണ​മെ​ന്ന തോ​ന്ന​ലി​ലേ​ക്ക് മ​ന​സ്സി​നെ വ​ഴി​തി​രി​ച്ചു​വി​ട്ട​ത്.

''പ്ര​വീ​ണ ടീ​ച്ച​റോ​ടു​ള്ള ക​ട​പ്പാ​ട് തീ​ർ​ത്താ​ൽ തീ​രാ​ത്ത​താ​ണ്. രാ​ജ​ൻ മാ​ഷി​ന്‍റെ മ​ക​ളെ​ന്ന സ്നേ​ഹ​വും പ​രി​ഗ​ണ​ന​യും വെ​ച്ച് ഒ​രു ദി​വ​സം ടീ​ച്ച​റെ​ന്നെ സ്​​റ്റാ​ഫ് റൂ​മി​ലേ​ക്ക് വി​ളി​പ്പി​ച്ചു. 'ലി​ൻ​സ ദേ​ഷ്യ​പ്പെ​ട​രു​ത്, ഒ​രു അ​മ്മ പ​റ​യു​ന്ന​തു​പോ​ലെ ക​രു​തി​യാ​ൽ മ​തി. നീ ​ചെ​റു​പ്പ​മാ​ണ്. നി​ന്‍റെ കൂ​ടെ ജോ​ലി ചെ​യ്യു​ന്ന​വ​രെപ്പോ​ലെ അ​ല്ല നീ. ​നി​ന​ക്ക് ഇ​നി​യും പ​ഠി​ക്കാ​ൻ അ​വ​സ​ര​മു​ണ്ട്. അ​ത് ഉ​പ​യോ​ഗ​പ്പെ​ടു​ത്താ​ൻ നീ ​പ​രി​ശ്ര​മി​ക്ക​ണം. സ​മ​യം വെ​റു​തെ ക​ള​യ​രു​ത്'' -ഇ​താ​യി​രു​ന്നു ടീ​ച്ച​റു​ടെ ഉ​പ​ദേ​ശം. ''മ​ന​സ്സി​ൽ ത​റ​ച്ച ആ ​വാ​ക്കു​ക​ൾ എ​ന്നെ വ​ല്ലാ​തെ സ്വാ​ധീ​നി​ച്ചി​രു​ന്നു. ആ വാ​ക്കു​ക​ളാ​ണ് എ​ന്നെ ഇ​വി​ടെ എ​ത്തി​ച്ച​ത്.

മ​ക്ക​ളെ ഉ​റ​ക്കി​യശേ​ഷം രാ​ത്രി 12 മ​ണി വ​രെ​യൊ​ക്കെ പ​ഠി​ച്ചി​രു​ന്നു. ഒ​ഴി​വു​സ​മ​യ​ങ്ങ​ളും പ​ര​മാ​വ​ധി ഉ​പ​യോ​ഗ​പ്പെ​ടു​ത്തി. തു​ട​ർ​ന്ന് മു​റി​ഞ്ഞു​പോ​യ ബി​രു​ദപ​ഠ​നം പൂ​ർ​ത്തി​യാ​ക്കി. പി​ന്നാ​ലെ തു​ട​ർ​പ​ഠ​ന​വും മു​ന്നോ​ട്ടു​കൊ​ണ്ടു​പോ​യി. അ​ണ്ണാ​മ​ലൈ സ​ര്‍വ​ക​ലാ​ശാ​ല​യു​ടെ വി​ദൂ​ര​വി​ദ്യാ​ഭ്യാ​സ പ​ദ്ധ​തി​ക്കു കീ​ഴി​ല്‍ ഇം​ഗ്ലീ​ഷി​ൽ ബി​രു​ദാ​ന​ന്ത​ര ബി​രു​ദ​വും പൂ​ർ​ത്തി​യാ​ക്കി. കാ​ലി​ക്ക​റ്റ് സ​ർ​വ​ക​ലാ​ശാ​ല​യി​ൽ​നി​ന്ന്‌ ലൈ​ബ്ര​റി സ​യ​ൻ​സി​ൽ ബി​രു​ദം, ക​മ്പ്യൂ​ട്ട​ർ പ​രി​ജ‌്ഞാ​നം എ​ന്നി​വ​യും നേ​ടി. അ​ഞ്ചു വ​ർ​ഷ​ത്തെ ലീ​വ് വേ​ക്ക​ൻ​സി​യി​ലാ​യി​രു​ന്നു ജോ​ലി എ​ന്ന​തി​നാ​ൽ 2006ൽ ​സ്ഥി​രം ജീ​വ​ന​ക്കാ​രി അ​വ​ധി ക​ഴി​ഞ്ഞ് എ​ത്തി​യ​തോ​ടെ ലി​ൻ​സ​യു​ടെ ജോ​ലി ന​ഷ്​​ട​പ്പെ​ട്ടു. ജോ​ലി ന​ഷ്​​ട​പ്പെ​ട്ട​ത് പ്ര​യാ​സ​ത്തി​ലാ​ക്കി​യെ​ങ്കി​ലും നി​രാ​ശ​യോ​ടെ വെ​റു​തെ​യി​രു​ന്നി​ല്ല.

ഇ​തി​നി​ടെ അ​ധ്യാ​പി​ക എ​ന്ന സ്വ​പ്ന​ത്തി​ലേ​ക്ക് ടീ​ച്ച​ർ അ​റി​യാ​തെ വ​ഴു​തി​വീ​ണി​രു​ന്നു. പി​ന്നീ​ട് അ​തി​നാ​യു​ള്ള പ​രി​ശ്ര​മ​മാ​യി. ഇം​ഗ്ലീ​ഷി​ൽ ബി.​എ​ഡ് പൂ​ർ​ത്തി​യാ​ക്കി. പ്ര​വീ​ണ​യു​ടെ തന്നെ നി​ര്‍ദേ​ശ​പ്ര​കാ​രം പ​ഠി​ച്ച്‌ ടെ​റ്റും സെ​റ്റും നേ​ടി. യോ​ഗ്യ​ത നേ​ടി​യ​തോ​ടെ അ​ൺ എ​യ്​​ഡ​ഡ്, ഗ​വ. സ്കൂ​ളു​ക​ളി​ൽ താ​ൽ​ക്കാ​ലി​ക ഇം​ഗ്ലീ​ഷ് അ​ധ്യാ​പി​ക​യാ​യും വീ​ട്ടി​ൽ​വെ​ച്ചും മ​റ്റും ട്യൂ​ഷ​ൻ എ​ടു​ത്തും മു​ന്നോ​ട്ടു​പോ​യി.

2013ലാ​ണ് ഇ​ഖ്ബാ​ല്‍ സ്‌​കൂ​ള്‍ തൂ​പ്പു​ജോ​ലി​ക്കാ​യി ലി​ന്‍സ​യെ വീ​ണ്ടും തി​രി​ച്ചു​വി​ളി​ച്ച​ത്. നി​ല​വി​ലെ ജീ​വ​ന​ക്കാ​രി വി​ര​മി​ച്ച ഒ​ഴി​വി​ലേ​ക്ക് ഇ​ത്ത​വ​ണ സ്ഥി​രം​നി​യ​മ​ന​മാ​ണ്. അ​ഞ്ചു വ​ര്‍ഷ​ത്തെ അ​ധ്യാ​പി​ക​യു​ടെ റോ​ളി​ല്‍നി​ന്ന് വീ​ണ്ടും തൂ​പ്പു​ജോ​ലി​യി​ലേ​ക്ക്. അ​ധ്യാ​പി​ക​യു​ടെ മു​ഴു​വ​ൻ യോ​ഗ്യ​ത​ക​ള്‍ ഉ​ണ്ടാ​യി​ട്ടും തൂ​പ്പു​കാ​രി​യാ​യി ജോ​ലി​ചെ​യ്യു​ന്ന​തി​ന് മ​ടി​യോ നി​രാ​ശ​യോ നാ​ണ​ക്കേ​ടോ ഇ​ല്ലാ​യി​രു​ന്നു. ല​ക്ഷ്യ​ത്തി​ലേ​ക്കു​ള്ള പ​രി​ശ്ര​മം അ​വ​ർ തു​ട​ർ​ന്നുകൊ​ണ്ടേ​യി​രു​ന്നു. കാ​ല​മേ​റെ ക​ഴി​ഞ്ഞി​ല്ല. സ്‌​കൂ​ളി​ൽ അ​ധ്യാ​പി​ക​യു​ടെ ഒ​ഴി​വു​വ​ന്നു. സ്‌​കൂ​ൾ അ​ധി​കൃ​ത​ർ​ക്ക് മ​റ്റൊ​ന്നും ആ​ലോ​ചി​ക്കേ​ണ്ടി​വ​ന്നി​ല്ല. 2018 ജൂ​ണി​ൽ പ്ര​മോ​ഷ​ൻ കൊ​ടു​ത്ത് ലി​ൻ​സ​ക്കു​ത​ന്നെ ആ ​ജോ​ലി ന​ൽ​കി.

കോ​ള​ജ് ജീ​വി​തം സ്വ​പ്നം ക​ണ്ട്..

'ഞാ​നും സ​ഹോ​ദ​ര​ൻ ഷ​ന​ത്ത് ക​ലോ​ണും പ​ഠി​ക്കാ​ന്‍ മി​ടു​ക്ക​രാ​യി​രു​ന്നു. ഞ​ങ്ങ​ളെ എ​ത്ര​വേ​ണ​മെ​ങ്കി​ലും പ​ഠി​പ്പി​ക്കാ​ന്‍ അ​ച്ഛ​ൻ ത​യാ​റാ​യി​രു​ന്നു. കു​ട്ടി​ക്കാ​ലം തൊ​ട്ടേ അ​ച്ഛ​നാ​യി​രു​ന്നു മാ​തൃ​ക പു​രു​ഷ​ൻ. 'മ​ക്ക​ളെ അ​വ​ര്‍ക്ക് ഇ​ഷ്​​ട​മു​ള്ള​ത്ര​യും പ​ഠി​പ്പി​ക്ക​ണം, അ​വ​ര്‍ ന​ല്ല ജോ​ലി സ​മ്പാ​ദി​ക്കു​ന്ന​ത് കാ​ണ​ണം' -ഇ​തൊ​ക്കെ​യാ​യി​രു​ന്നു അ​ച്ഛ​ന്‍റെ ആ​ഗ്ര​ഹ​ങ്ങ​ൾ. അ​ച്ഛ​ന്‍ അ​ധ്യാ​പ​ക​നാ​യി​രു​ന്നു എ​ങ്കി​ലും ഒ​രി​ക്ക​ലും ഒ​രു അ​ധ്യാ​പി​ക​യാ​കാ​ന്‍ ഞാ​ൻ ആ​ഗ്ര​ഹി​ച്ചി​രു​ന്നി​ല്ല. ഡോ​ക്ട​റാ​കു​ക എ​ന്ന​താ​യി​രു​ന്നു ആ​ഗ്ര​ഹം. പ​ക്ഷേ, ന​ട​ന്നി​ല്ല. അ​ന്ന് ഞ​ങ്ങ​ൾ​ക്ക് ജീ​വി​ക്കാ​ൻ ഒ​രു ജോ​ലി അ​ത്യാ​വ​ശ്യ​മാ​യി​രു​ന്നു. പ​ക്ഷേ, സ്കൂ​ളും കു​ട്ടി​ക​ളെ​യും കാ​ണു​മ്പോ​ൾ ഭ​യ​ങ്ക​ര സ​ങ്ക​ടമുണ്ടാ​യി​രു​ന്നു, സ​ഹ​പാ​ഠി​ക​ള്‍ എ​ല്ലാ​വ​രും കോ​ള​ജ് ജീ​വി​തം ആ​സ്വ​ദി​ക്കു​മ്പോ​ള്‍ ഞാ​ന്‍ നി​ല​നി​ൽ​പി​നാ​യി സ്‌​കൂ​ളും പ​രി​സ​ര​വും അ​ടി​ച്ചു​വാ​രു​ക​യാ​ണ്, എ​ന്തു ചെ​യ്യാ​ൻ; വീ​ഴ്ച​ക​ള്‍ക്ക് ന​ടു​വി​ല്‍ കി​ട്ടി​യ പി​ടി​വ​ള്ളി​യാ​യി​രു​ന്നു ആ ​ജോ​ലി'.

'തൂ​പ്പു​ജോ​ലി അ​ന്ന് എ​നി​ക്ക് ഒ​ട്ടും യോ​ജി​ക്കി​ല്ലാ​യി​രു​ന്നു. പ്രാ​യ​ത്തി​ന്‍റെ പ​ക്വ​ത​ക്കു​റ​വു​മൂ​ലം ജോ​ലി​ചെ​യ്യു​ന്ന​തി​ൽ വ​ലി​യ സ​ങ്ക​ട​മാ​യി​രു​ന്നു. പ​രാ​തി പ​റ​ഞ്ഞു ക​ര​യു​മ്പോ​ള്‍ അ​മ്മ ആ​ശ്വ​സി​പ്പി​ക്കും. എ​ന്തു ജോ​ലി​യാ​ണെ​ങ്കി​ലും അ​ഭി​മാ​ന​ത്തോ​ടെ ഏ​റ്റെ​ടു​ക്ക​ണ​മെ​ന്ന് ഉ​പ​ദേ​ശി​ക്കും. ജോ​ലി​ക്കു ക​യ​റി​യ​പ്പോ​ഴും പ്ര​തി​സ​ന്ധി​ക​ളാ​യി​രു​ന്നു. അ​ച്ഛ​ന്‍റെ പെ​ൻ​ഷ​ൻ ഒ​ന്നി​നും തി​ക​യു​മാ​യി​രു​ന്നി​ല്ല. മ​റ്റൊ​രാ​ളു​ടെ ഒ​ഴി​വി​ൽ ജോ​ലി​യി​ൽ പ്ര​വേ​ശി​ച്ച​തി​നാ​ൽ ശ​മ്പ​ളം ല​ഭി​ച്ച​തു​മി​ല്ല. ഒ​ടു​വി​ൽ മാ​സ​ങ്ങ​ൾ കാ​ത്തി​രു​ന്നാ​ണ് ശ​മ്പ​ളം ല​ഭി​ച്ച​ത്. ത​ട്ടി​യും മു​ട്ടി​യും ജീ​വി​ച്ചു​തീ​ർ​ത്ത കാ​ലം. സ​ങ്ക​ട​ങ്ങ​ൾ ആ​രും കാ​ണാ​തെ ഒ​റ്റ​ക്കി​രു​ന്ന് ക​ര​ഞ്ഞു​തീ​ർ​ക്ക​ലാ​യി​രു​ന്നു. പി​ന്നെ സാ​വ​കാ​ശം അ​തെ​ല്ലാം മ​റ​ന്നു. നി​ല​നി​ൽ​പാ​ണ​ല്ലോ പ്ര​ധാ​നം. വീ​ട്ടുചെ​ല​വു​ക​ള്‍, ഒ​മ്പ​താം ക്ലാ​സി​ല്‍ പ​ഠി​ക്കു​ന്ന സ​ഹോ​ദ​ര​ന്‍റെ പ​ഠ​നം… ​പ്ര​യാ​സ​ങ്ങ​ളും ജീ​വി​തപ്രാ​ര​ബ്​​ധ​ങ്ങ​ളും ഞെ​രി​ച്ച​തോ​ടെ ഞാ​ന്‍ ജോ​ലി​യെ​യും സ്‌​നേ​ഹി​ച്ചുതു​ട​ങ്ങി. ജീ​വി​ത​ത്തി​ല്‍ മു​ന്നേ​റ​ണം എ​ന്ന വാ​ശി​യാ​യി. സ​ഹപ്ര​വ​ർ​ത്ത​ക​ന്‍റെ മ​ക​ൾ എ​ന്ന പ​രി​ഗ​ണ​ന​യും സ്കൂ​ളി​ൽ​ നി​ന്ന് ല​ഭി​ച്ചു' -​പി​ന്നി​ട്ട വ​ഴി​ക​ളോ​രോ​ന്നും ടീ​ച്ച​ർ ഓ​ർ​ത്തെ​ടു​ത്തു.

പ​രി​ശ്ര​മി​ച്ചാ​ൽ കി​ട്ടാ​ത്ത​തൊ​ന്നു​മി​ല്ല

അ​ർ​പ്പ​ണ​ബോ​ധ​വും ആ​ത്മാ​ർ​ഥ​ത​യും ജീ​വി​തം മാ​റ്റി​മ​റി​ക്കു​മെ​ന്ന് ടീ​ച്ച​റു​ടെ അ​നു​ഭ​വ സാ​ക്ഷ്യം.''​ ജീ​വി​ത​ത്തെ നോ​ക്കി നി​രാ​ശ​യോ​ടെ നെ​ടു​വീ​ർ​പ്പി​ടാ​തെ വി​ജ​യി​ച്ചുകാ​ണി​ക്കലാ​ണ് ശ​രി​ക്കു​മു​ള്ള ഹീ​റോ​യി​സം. ആ​ഗ്ര​ഹി​ച്ച​തെ​ല്ലാം നേ​ടാ​ന്‍ പ​റ്റി​യി​ല്ലെ​ങ്കി​ലും ഉ​ള്ളി​ലെ ആ​ഗ്ര​ഹം തീ​വ്ര​മാ​ണെ​ങ്കി​ല്‍ അ​തി​ല്‍ ന​ന്മ​യു​ടെ അം​ശ​മു​ണ്ടെ​ങ്കി​ല്‍ ഒ​രി​ക്ക​ലും വി​ധി ന​മ്മെ തോ​ൽ​പി​ക്കി​ല്ല. അ​തു​കൊ​ണ്ടാ​ണ​ല്ലോ, അ​ച്ഛ​ന്‍റെ മ​ര​ണ​ശേ​ഷം എ​വി​ടെ​യോ ജീ​വി​തം നി​ല​ച്ചു​പോ​കേ​ണ്ട നി​ല​യി​ല്‍നി​ന്ന്​ ഒ​രു അ​ധ്യാ​പി​ക​യു​ടെ കു​പ്പാ​യ​ത്തി​ലേ​ക്ക് ഞാ​ന്‍ എ​ത്തി​യ​ത്. എ​ന്‍റെ ജീ​വി​ത​ത്തി​ല്‍ എ​നി​ക്ക് കി​ട്ടി​യ​തെ​ല്ലാം ഞാ​ന്‍ ആ​ഗ്ര​ഹി​ച്ചു നേ​ടി​യ​ത​ല്ല. എ​ന്റെ ന​ന്മ​യാ​ഗ്ര​ഹി​ക്കു​ന്ന​വ​ര്‍ കാ​ണി​ച്ചു​ത​ന്ന വ​ഴി​ലൂ​ടെ ഞാ​ന്‍ ന​ട​ന്നു. ഉ​ള്ളി​ലെ ല​ക്ഷ്യം ന​ല്ല​താ​ണെ​ങ്കി​ല്‍ വി​ജ​യം ന​മ്മെ തേ​ടി വ​രും. അ​തു മാ​ത്ര​മാ​ണ് എ​ന്റെ വി​ജ​യ​ത്തി​നാ​ധാ​രം'' -ടീ​ച്ച​റു​ടെ വാ​ക്കു​ക​ളി​ൽ ആ​ത്മ​വി​ശ്വാ​സ​ത്തി​ന്‍റെ തി​ള​ക്കം.

രാ​വി​ലെ ചൂ​ല്, ഉ​ച്ച​ക്കു​ശേ​ഷം ചോ​ക്ക്

സു​ധീ​ര​ൻ മ​യ്യി​ച്ച ജീ​വി​ത​ത്തി​ലേ​ക്ക് ക​ട​ന്നു​വ​ന്ന​തോ​ടെ​യാ​ണ് ലി​ൻ​സ​യു​ടെ ജീ​വി​തഗ​തി മാ​റി​യൊ​ഴു​കി​ത്തു​ട​ങ്ങി​യ​ത്. അ​ഞ്ചു വ​ർ​ഷ​ത്തെ താ​ൽ​ക്കാ​ലി​ക ജോ​ലി ന​ഷ്​​ട​പ്പെ​ട്ട കാ​ല​മാ​യി​രു​ന്നു അ​ത്. ബി.​എ​ഡി​ന് പ​ഠി​ക്കാ​ൻ നി​ർ​ബ​ന്ധി​ച്ച​ത് ഭ​ർ​ത്താ​വാ​ണ്. പ​ഠ​നം പൂ​ർ​ത്തി​യാ​യ​പ്പോ​ൾ കാ​ഞ്ഞ​ങ്ങാ​ട്ടും പ​രി​സ​ര​ത്തു​മു​ള്ള ഒ​ട്ടേ​റെ സ്‌​കൂ​ളു​ക​ളി​ൽ അ​ധ്യാ​പി​ക​യാ​യി. ലൈ​ബ്ര​റി സ​യ​ൻ​സി​ൽ ബി​രു​ദ​മു​ള്ള​തി​നാ​ൽ ക്ര​സ​ൻ​റ്​ ബി.​എ​ഡ് കോ​ള​ജി​ൽ ലൈ​ബ്ര​റി അ​സി​സ്​​റ്റ​ൻ​റായും ജോലി നോക്കി.

നി​യ​മ​നം ല​ഭി​ച്ച​പ്പോൾ കു​ട്ടി​ക​ള്‍ അ​ധ്യാ​പി​ക​യാ​യി സ്വീ​ക​രി​ക്കു​മോ​യെ​ന്ന ഭ​യം ആ​ദ്യ നാ​ളു​ക​ളി​ൽ ടീ​ച്ച​ർ​ക്കു​ണ്ടാ​യി​രു​ന്നു. യു.​പി അ​ധ്യാ​പി​ക​യാ​യി​ട്ടാ​യി​രു​ന്നു നി​യ​മ​നം. വ​ർ​ഷ​ങ്ങ​ളോ​ളം തൂ​പ്പു​കാ​രി​യാ​യ സ്‌​കൂ​ളി​ൽ അ​ധ്യാ​പി​ക​യാ​യി കു​ട്ടി​ക​ൾ​ക്ക് മു​ന്നി​ലെ​ത്തി​യ​പ്പോ​ൾ നി​റ​ഞ്ഞ കൈ​യ​ടി​ക​ളോ​ടെ​യാ​ണ് അ​വ​ർ ടീ​ച്ച​റെ എ​തി​രേ​റ്റ​ത്. ലി​ൻ​സ ചേ​ച്ചി​യി​ൽ​നി​ന്ന് അ​വ​രു​ടെ പ്രി​യ​പ്പെ​ട്ട ലി​ൻ​സ ടീ​ച്ച​റാ​വാ​ൻ അ​ധി​കം താ​മ​സ​മു​ണ്ടാ​യി​രു​ന്നി​ല്ല.

ഏ​ഴാം ക്ലാ​സ് ബി​യി​ൽ അ​ധ്യാ​പി​ക​യാ​യി കു​ട്ടി​ക​ൾ​ക്കു മു​ന്നി​ൽ ആ​ദ്യ ദി​വ​സം നി​ന്ന​പ്പോ​ൾ അ​സാ​ധ്യ​മാ​യ​തെ​ന്തോ വെ​ട്ടി​പ്പി​ടി​ച്ച സം​തൃ​പ്തി​യാ​യി​രു​ന്നു മ​ന​സ്സു നി​റ​യെ. നീ​ണ്ട​കാ​ല​ത്തെ മോ​ഹ​സാ​ഫ​ല്യ​മാ​യി​രു​ന്നു അ​ത്.

കു​ട്ടി​ക​ൾ​ക്ക് പ​ഠ​ന​ത്തി​ൽ മാ​ത്ര​മ​ല്ല, പാ​ഠ്യേ​ത​ര വി​ഷ​യ​ങ്ങ​ളി​ലും പ​രി​ശീ​ല​നം ന​ൽ​കാ​നും മു​ൻ​പ​ന്തി​യി​ലു​ണ്ട് ടീച്ചറിന്ന്. സ്‌​കൂ​ളി​ൽ ആ​ദ്യ​മാ​യി സ്‌​കൗ​ട്ട് ആ​ൻ​ഡ്​ ഗൈ​ഡ് യൂ​നി​റ്റ് തു​ട​ങ്ങി​യ​ത് ടീ​ച്ച​റു​ടെ നേ​തൃ​ത്വ​ത്തി​ലാ​ണ്. ബേ​ക്ക​ൽ ഉ​പ​ജി​ല്ല​യു​ടെ ഗൈ​ഡ്‌​സി​ന്റെ ട്രെ​യി​നി​ങ്​ കൗ​ൺ​സ​ല​ർ കൂ​ടി​യാ​യ ടീ​ച്ച​ർ ഗൈ​ഡ്‌​സ് വി​ദ്യാ​ർ​ഥി​ക​ളു​ടെ സ​ഹ​ക​ര​ണ​ത്തോ​ടെ കോ​വി​ഡി​ന്‍റെ തു​ട​ക്ക​ത്തി​ൽ ഹ്ര​സ്വ​ചി​ത്ര​വും ഒ​രു​ക്കി​യി​രു​ന്നു. 'ക​രു​ത​ലി​ന് ക​നി​വാ​യ്' എ​ന്ന ചി​ത്ര​ത്തി​ന്റെ തി​ര​ക്ക​ഥ​യൊ​രു​ക്കി​യ​തും ടീ​ച്ച​ർത​ന്നെ​യാ​ണ്. ഡോ​ക്ട​റാ​വ​ണ​മെ​ന്ന അ​ച്ഛ​ന്‍റെ സ്വ​പ്നം സാ​ക്ഷാ​ത്ക​രി​ക്കാ​ൻ ഇനി പി​എ​ച്ച്​.ഡി ചെ​യ്യ​ണമെന്നാണ് ടീച്ചറുടെ ആഗ്രഹം.

ഗ​വ​ർ​ണ​റു​ടെ സ​ല്യൂ​ട്ട്

ടീച്ചറുടെ ജീ​വി​ത വി​ജ​യ​ക​ഥ വാ​ർ​ത്ത​ക​ളി​ലൂ​ടെ അ​റി​ഞ്ഞ ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​ൻ ടീ​ച്ച​ർ​ക്കും കു​ടും​ബ​ത്തി​നും രാ​ജ്ഭ​വ​നി​ൽ ചാ​യ​സ​ൽ​ക്കാ​രം ഒ​രു​ക്കി​യി​രു​ന്നു. അ​ത് ത​നി​ക്ക് ല​ഭി​ച്ച ഏ​റ്റ​വും വ​ലി​യ അം​ഗീ​കാ​ര​മാ​ണെ​ന്ന് ടീ​ച്ച​ർ പ​റ​യു​ന്നു. ഒ​രു മ​ണി​ക്കൂ​റോ​ളം രാ​ജ്ഭ​വ​നി​ൽ ചെ​ല​വ​ഴി​ച്ച അ​വ​രെ സ​മ്മാ​ന​ങ്ങ​ൾ ന​ൽ​കി​യാ​ണ് ഗ​വ​ർ​ണ​റും ഭാ​ര്യ​യും യാ​ത്ര​യാ​ക്കി​യ​ത്.

കാ​ഞ്ഞ​ങ്ങാ​ട് പ​ട​ന്ന​ക്കാ​ട് നെ​ഹ്​​റു കോ​ള​ജി​ൽ എ​ല്‍.​ഡി ക്ല​ർ​ക്കാ​ണ് ഭർത്താവ് സു​ധീ​ര​ൻ മ​യ്യി​ച്ച. സോ​നി​ൽ, സം​ഘ​മി​ത്ര എ​ന്നി​വ​ർ മ​ക്ക​ളാ​ണ്.