എ​ന്താ​യാ​ലും ‘മാലിക്’ വന്നപ്പോൾ ബീമാപള്ളിയെക്കുറിച്ച് സംസാരിക്കാൻ തുടങ്ങിയല്ലോ, അതിൽ സന്തോഷം - മഹേഷ് നാരായണൻ സംസാരിക്കുന്നു

മികച്ച സംവിധായകനുള്ള സംസ്​ഥാന ചലച്ചിത്ര പുരസ്​കാരം നേടിയ മഹേഷ്​ നാരായണൻ ത​ന്റെ ചലച്ചിത്രജീവിതവും സിനിമാ കാഴ്​ചപ്പാടുകളും തുറന്നുപറയുകയാണ്​ ഇൗ സംഭാഷണത്തിൽ. മാധ്യമം ആഴ്ചപ്പതിപ്പ് (ലക്കം: 1328) പ്രസിദ്ധീകരിച്ച അഭിമുഖത്തിൽ നിന്നുള്ള ഭാഗം

മു​സ്‍ലിം ഭാ​ഷ, വേ​ഷം തു​ട​ങ്ങി​യ​വ​യി​ൽ സ്റ്റീ​രി​യോ​ടൈ​പ്പു​ക​ൾ ‘ടേക്ക്ഓഫ്’ ത​ള്ളി​ക്ക​ള​യു​ന്നു​ണ്ട്. പ​ക്ഷേ, മെ​റീ​ന സ​മീ​റ​യാ​യ​തും ഐ​.എ​​സി​ലെ മ​ല​യാ​ളി സാ​ന്നി​ധ്യ​വും ഉ​ൾ​പ്പെ​ടെ യ​ഥാ​ർ​ഥ സം​ഭ​വ​ങ്ങ​ളു​മാ​യി വ​ലി​യ പൊ​രു​ത്ത​ക്കേ​ടു​ക​ൾ സി​നി​മ​യി​​ലി​​ല്ലേ...

ക​ഥ​യി​ലെ സ​മീ​റ​യും ജീ​വി​ത​ത്തി​ലെ മെ​റീ​ന​യും ത​മ്മി​ൽ ഒ​രു ബ​ന്ധ​വു​മി​ല്ല. സ​മീ​റ​യെ സി​നി​മ​ക്കുവേ​ണ്ടി സൃ​ഷ്ടി​ച്ച​താ​ണ്. ഞാ​ൻ നേ​ര​ത്തേ പ​റ​ഞ്ഞ ജേ​ണ​ലി​സ്റ്റ് സു​ഹൃ​ത്തി​ന്റെ അ​നു​ഭ​വവും സ​മീ​റ​യെ​ന്ന ക​ഥാ​പാ​ത്ര​ത്തി​ൽ ചേ​ർ​ത്തി​ട്ടു​ണ്ട്. സ​ത്യ​ത്തി​ൽ യ​ഥാ​ർ​ഥ സം​ഭ​വ​ത്തി​ൽ മു​സ്‍ലിം​ക​ളാ​യ ന​ഴ്സു​മാ​ർ ആരും ഇ​ല്ല. ആ ​വി​മ​ർ​ശ​നം സ​ത്യ​മാ​ണ്. പ​ക്ഷേ, നി​ങ്ങ​ളൊ​രു കാ​ര്യം മ​ന​സ്സി​ലാ​ക്ക​ണം. സി​നി​മ അ​ഡ്ര​സ് ചെ​യ്യു​ന്ന​ത് മു​സ്‍ലിം തീ​വ്ര​വാ​ദ​മാ​യ​തു​കൊ​ണ്ടു​ത​ന്നെ അ​തി​നെ കൗ​ണ്ട​ർ ചെ​യ്യാ​നും ആ ​വി​ഭാ​ഗ​ത്തി​ൽ ത​ന്നെ​യു​ള്ള​വ​രെ വേ​ണ​മെ​ന്ന് തീ​രു​മാ​നി​ക്കു​ക​യാ​യി​രു​ന്നു. ഏ​തൊ​രു ആ​ശ​യ​ത്തി​ലും വ്യ​ത്യ​സ്ത​മാ​യ വാ​യ​ന​ക​ൾ ഉ​ണ്ടാ​കു​മ​ല്ലോ? അ​തു​കൊ​ണ്ട് കൂ​ടി​യാ​ണ് അ​ങ്ങ​നെ ചെ​യ്ത​ത്. അ​ത​ല്ലെ​ങ്കി​ൽ മ​റ്റു​ പ​ല​രീ​തി​യി​ലും വ്യാ​ഖ്യാ​നി​ക്ക​പ്പെ​ടും. സി​നി​മ​യു​മാ​യി ബ​ന്ധ​പ്പെ​ട്ട് ഏ​റ്റ​വും വി​മ​ർ​ശ​ന​ങ്ങ​ൾ ഉ​യ​ർ​ന്ന​ത് സൗ​ദി അ​റേ​ബ്യ​യി​ൽനി​ന്നാ​ണ്. സൗ​ദി​യി​ൽ ജോ​ലിചെ​യ്യു​ന്ന ഒ​രു​പാ​ട് പേ​ർ വി​ളി​ച്ചി​രു​ന്നു. പ​ല​രും വൈ​കാ​രി​ക​മാ​യാ​ണ് പ്ര​തി​ക​രി​ച്ച​ത്. പ്ര​ത്യേ​കി​ച്ചും അ​വി​ടെ സ്വ​ദേ​ശി​വ​ത്കരണം ന​ട​ക്കു​ന്ന കാ​ല​മാ​യ​തി​നാ​ൽ​ത​ന്നെ ആ​ളു​ക​ൾ​ക്ക് പ​ല​ത​രം ആ​ശ​ങ്ക​ക​ളു​ണ്ടാ​യി. സൗ​ദി​യി​ൽനി​ന്നും എ​നി​ക്കെ​തി​രെ ഒ​രുസം​ഘം ഫ​ത്‍വ പു​റ​പ്പെ​ടു​വി​ക്കു​ന്ന സാ​ഹ​ച​ര്യ​മു​ണ്ടാ​യി. മി​ഡി​ലീ​സ്റ്റി​ൽ പ​ല​യി​ട​ത്തും സി​നി​മ​ക്ക് സെ​ൻ​സ​ർ ഏ​ർ​പ്പെ​ടു​ത്തി. പ​ല​യി​ട​ത്തും സി​നി​മ അ​വ​സാ​ന നി​മി​ഷം തി​യ​റ്റ​റി​ൽനി​ന്നും പി​ൻ​വ​ലി​ക്ക​പ്പെ​ട്ട സാ​ഹ​ച​ര്യ​മു​ണ്ടാ​യി. പ​ക്ഷേ മി​ഡി​ലീ​സ്റ്റി​ൽനി​ന്നും സി​നി​മ വ​ലി​യ ക​ലക്ഷ​ൻ നേ​ടി​യി​ട്ടു​ണ്ട്.

സി​നി​മ​യു​ടെ ഭാ​ഗ​മാ​യി ഒ​രുപാ​ട് ഗ​വേ​ഷ​ണ​ങ്ങ​ൾ ന​ട​ത്തി​യി​രു​ന്നു. എ​ൻ.​ഐ.​എ​യി​ൽനി​ന്നും പ​ല ഉ​ദ്യോ​ഗ​സ്ഥ​രും സ​ഹാ​യി​ച്ചു. പ​ല​തും പു​റ​ത്തു​പ​റ​യാ​ൻ ബു​ദ്ധി​മു​ട്ടു​ണ്ട്. സ​ത്യ​ത്തി​ൽ ആ ​സം​ഭ​വം ന​ട​ക്കു​മ്പോ​ൾ ഐ​.എ​സി​ൽ മ​ല​യാ​ളി സാ​ന്നി​ധ്യ​മു​ള്ള​താ​യി റി​പ്പോ​ർ​ട്ടു​ക​ൾ ഉ​ണ്ടാ​യി​രു​ന്നി​ല്ല. യു.​പി​യി​ലെ ക​ല്യാ​ണി​ൽനി​ന്നു​മു​ള്ള ഒ​രാ​ൾമാ​ത്ര​മാ​ണ് ഐ.​​എ​സി​ൽ ചേ​ർ​ന്നു എ​ന്ന് സ്ഥി​രീ​ക​രി​ച്ച റി​പ്പോ​ർ​ട്ടു​ണ്ടാ​യി​രു​ന്ന​ത്. പി​ന്നെ ന​ഴ്സു​മാ​രു​മാ​യി സം​സാ​രി​ച്ച​പ്പോ​ൾ മൂ​സിലി​ൽ ഇ​വ​ർ ട്രീ​റ്റ് ചെ​യ്ത​വ​രി​ൽ ഒ​രു ഇ​ന്ത്യ​ക്കാ​ര​ൻ ഉ​ണ്ടാ​യി​രു​ന്നു​വെ​ന്ന് പ​റ​ഞ്ഞു. അ​യാ​ൾ മ​ല​യാ​ളം സം​സാ​രി​ച്ചി​രു​ന്നോ എ​ന്ന സം​ശ​യ​വും അ​വ​ർ പ​ങ്കു​വെ​ച്ചു. സം​ശ​യം മാ​ത്ര​മാ​യി​രി​ക്കാം. ഈ ​സം​ഭ​വ​മാ​ണ് സി​നി​മ​യി​ൽ ചേ​ർ​ത്ത​ത്. ഇ​ത് ചേ​ർ​ക്ക​ണ​മോ എ​ന്ന കാ​ര്യ​ത്തി​ൽ വ​ലി​യ ച​ർ​ച്ച​ക​ൾ ന​ട​ത്തി. അ​തി​നുശേ​ഷം ത​ന്നെ​യാ​ണ് ഉ​ൾ​പ്പെ​ടു​ത്തു​ന്ന​ത്. പ​ക്ഷേ, ആ ​മ​ല​യാ​ളി​യെ കാ​ണി​ക്കു​മ്പോ​ൾ ത​ന്നെ അ​തി​നെ​തി​രെ​യു​ള്ള ഒ​രു കൗ​ണ്ട​ർ പോ​യ​ന്റും സി​നി​മ​യി​ൽ കാ​ണി​ക്കു​ന്നു​ണ്ട്. അ​ത് കാ​ണാ​തെ പോ​ക​രു​ത്.

‘മാ​ലി​ക്കും’ സ​മാ​ന​മാ​യ വി​മ​ർ​ശ​ന​ങ്ങ​ൾ കേ​ട്ടി​ല്ലേ... ബീ​മാ​പ​ള്ളി വെ​ടി​വെ​പ്പി​ൽനി​ന്നും ഒ​രു​പാ​ട് അ​ക​ലെ​യു​ള്ള കാ​ര്യ​ങ്ങ​​ള​ല്ലേ സി​നി​മ​യി​ൽ അ​വ​ത​രി​പ്പി​ച്ച​ത്...

നി​ങ്ങ​ൾ ബീ​മാ​പ​ള്ളി​യിലെ വെ​ടി​വെ​പ്പി​ലേ​ക്ക് സി​നി​മ​യെ ബ​ന്ധി​പ്പി​ക്കു​മ്പോ​ഴും ഞാ​ൻ അ​ങ്ങ​നെ പ​റ​യു​ന്നി​ല്ല. ബീ​മാ​പ​ള്ളി മാ​ത്ര​മ​ല്ല, കേ​ര​ള​ത്തി​ലെ ഒ​രു​പാ​ട് രാ​ഷ്ട്രീ​യ സാ​മൂ​ഹി​ക സാ​ഹ​ച​ര്യ​ങ്ങ​ൾ സി​നി​മ​യി​ലു​ണ്ട്. മാ​റാ​ടും പൂ​ന്തു​റ വെ​ടി​വെ​പ്പും എ​ല്ലാം സി​നി​മ​യി​ലു​ണ്ട്. സി​നി​മ റി​ലീ​സാ​യ സ​മ​യ​ത്ത് ഒ​രു​പാ​ട് ച​ർ​ച്ച​ക​ൾ​ക്ക് എ​ന്നെ വി​ളി​ച്ചി​രു​ന്നു. അ​വ​രോ​ട് ഞാ​ൻ പ​റ​ഞ്ഞ​ത് നി​ങ്ങ​ൾ​ക്ക് ബീ​മാ​പ​ള്ളി വെ​ടി​വെ​പ്പി​നെ​ക്കു​റി​ച്ചാ​ണ് ചോ​ദി​ക്കാ​നു​ള്ള​തെ​ങ്കി​ൽ അ​ന്ന​ത്തെ പാ​ർ​ട്ടി സെ​ക്ര​ട്ട​റി​യാ​യ പി​ണ​റാ​യി വി​ജ​യ​നെ​യോ ആ​ഭ്യ​ന്ത​ര മ​ന്ത്രി​യാ​യ കോ​ടി​യേ​രി ബാ​ല​കൃ​ഷ്ണ​നെ​യോ വി​ളി​ക്കൂ എ​ന്നാ​ണ്. എ​നി​ക്ക് സം​സാ​രി​ക്കാ​നു​ള്ള​ത് എ​ന്റെ സി​നി​മ​യെ​ക്കു​റി​ച്ച് മാ​ത്ര​മാ​ണ്.

പ​ക്ഷേ, ബീ​മാ​പ​ള്ളി വെ​ടി​വെ​പ്പി​നോ​ട് സി​നി​മ​ക്ക് വ​ലി​യ സാ​ദൃ​ശ്യ​മു​ണ്ട്. അ​ത് നി​ഷേ​ധി​ക്കാ​ൻ ക​ഴി​യി​ല്ല​ല്ലോ?

ഒ​രു ക​ലാ​കാ​ര​ൻ ചെ​യ്യു​ന്ന​ത് ചു​റ്റു​പാ​ടി​ൽനി​ന്നും ക​ഥ​യു​ണ്ടാ​ക്കു​ക​യാ​ണ്. അ​തി​നു​ള്ള സ്വാ​ത​ന്ത്ര്യം അ​യാ​ൾ​ക്കു​ണ്ട്. ഞാ​ൻ സ​ത്യ​മാ​ണ് പ​റ​യു​ന്ന​ത് എ​ന്നു​പ​റ​ഞ്ഞ​ല്ല സി​നി​മ ചെ​യ്യു​ന്ന​ത്. എ​ന്താ​യാ​ലും സി​നി​മ വ​ന്ന​പ്പോ​ൾ ജ​ന​ം ബീ​മാ​പ​ള്ളി​യെ​ക്കു​റി​ച്ചും അ​വി​ടെ ന​ട​ന്ന ഒ​രു വെ​ടി​വെ​പ്പി​നെ​ക്കു​റി​ച്ചും സം​സാ​രി​ക്കാ​ൻ തു​ട​ങ്ങി​യ​ല്ലോ. അ​തി​ൽ ഞാ​ൻ സ​ന്തോ​ഷി​ക്കു​ന്നു. പി​.ഡി.​പി​യുടെ നേതൃത്വത്തിൽ ബീ​മാ​പ​ള്ളി​യി​ൽ എ​ന്റെ കോ​ലം ക​ത്തി​ച്ചെ​ന്ന് കേ​ട്ടു. ബീ​മാ​പ​ള്ളി​യി​ൽ എ​നി​ക്ക് ഒ​രു​പാ​ട് സുഹൃത്തുക്കളുണ്ട്. അ​വ​രിപ്പോഴും സുഹൃത്തുക്കൾതന്നെയാണ്.

തി​രു​വ​ന​ന്ത​പു​ര​ത്ത് എം.​എ​ൽ.​എ ഉ​ള്ള മു​സ്‍ലിം പാ​ർ​ട്ടി​യെ സി​നി​മ​യി​ൽ േപ്ല​സ് ചെ​യ്ത​തി​ലും പ്ര​ശ്ന​മി​ല്ലേ? ല​ത്തീ​ൻ കത്തോലിക്ക വി​ഭാ​ഗ​ത്തെ ചി​ത്രീ​ക​രി​ച്ച​തി​ലും പ്ര​ശ്ന​മു​ണ്ടെ​ന്ന് വി​മ​ർ​ശ​ന​ങ്ങ​ളു​യ​ർ​ന്ന​ല്ലോ?

പ​ല​രും അ​ത് മു​സ്‍ലിം​ ലീ​ഗി​ന്റെ പ​ച്ച​ക്കൊ​ടി​യാ​ണെ​ന്ന് പ​റ​യു​ന്നു........... അഭിമുഖത്തിന്റെ പൂർണരൂപം madhyamam weekly webzine സബ്സ്ക്രൈബ് ചെയ്ത് വായിക്കാം - എൻഗേജ് ചെയ്യിക്കാത്ത സിനിമകൾ മോശമാണെന്ന് പറയരുത് -മഹേഷ്​ നാരായണൻ സംസാരിക്കുന്നു