'നാർകോ ഫുട്ബാൾ'; രണ്ടു എസ്കൊബാറുമാരും തമ്മിൽ എന്താണ് ബന്ധം? -കൊളംബിയയുടെ സോക്കർ ചരിത്രം

1993 സെ​പ്റ്റം​ബ​ർ അഞ്ച്​. ലാ​റ്റി​നമേ​രി​ക്ക​ൻ ലോ​ക​കപ്പ് യോ​ഗ്യ​ത​ മ​ത്സ​ര​ങ്ങ​ളു​ടെ അ​വ​സാ​ന ദി​നം. ​ബ്വേനസ്​ എയ്​റിസി​ലെ റി​വ​ർ പ്ലേ​റ്റ് സ്​റ്റേ​ഡി​യ​ത്തി​ൽ അ​ർജൻറീ​ന കൊ​ളം​ബി​യ​യെ നേ​രി​ടു​ക​യാ​ണ്.​ ആ മ​ത്സ​ര​ത്തി​നു മു​മ്പ്​ കൊ​ളം​ബി​യ​യെ​ക്കു​റി​ച്ച് ചോ​ദി​ച്ച​പ്പോ​ൾ ടെ​ലി​വി​ഷ​ൻ കാ​മ​റ​കൾക്കു മുന്നിൽ ഡീ​ഗോ മ​റ​ഡോ​ണ ത​​െൻറ ര​ണ്ടു കൈ​പ്പ​ത്തി​ക​ളും മൈ​താ​ന​ത്തി​നു സ​മാ​ന്ത​ര​മാ​യി ഒ​ന്നു താ​ഴെ​യും മ​റ്റൊ​ന്ന് മു​ക​ളി​ലു​മാ​യി പി​ടി​ച്ചു​കൊ​ണ്ട് പ​റ​ഞ്ഞു: '​'നി​ങ്ങൾക്കു ച​രി​ത്രം തി​രു​ത്താൻ​ ക​ഴി​യി​ല്ല.​ കൊ​ളം​ബി​യ താ​ഴെ​യും അ​ർജൻറീ​ന മു​ക​ളിലു​മാണ്‌.'' ഡീ​ഗോ അ​ഹ​ന്ത​യു​ടെ അ​വ​തീ​ർണ​മാ​യി മാ​റു​ക​യാ​യി​രു​ന്നു. അ​ർജൻറീ​ന​യു​ടെ മു​ന്നോ​ട്ടു​ള്ള യാ​ത്ര​ക്ക് വി​ജ​യ​ത്തി​ൽ കു​റ​ഞ്ഞ​തൊ​ന്നും അ​വ​ർ പ്ര​തീ​ക്ഷി​ച്ചി​രു​ന്നി​ല്ല. ക​ളി​യു​ടെ ആ​ദ്യ മി​നിറ്റുകളി​ൽ കൊ​ളം​ബി​യ​ൻ ഗോ​ൾ പോ​സ്​റ്റിലേ​ക്ക് ബാ​റ്റി​സ്​റ്റ്യൂ​ട്ട​യും സി​മി​യോ​ണി​യും നി​ര​ന്ത​രം ആ​ക്ര​മ​ണ​ങ്ങ​ൾ ന​ട​ത്തി​ക്കൊ​ണ്ടി​രു​ന്നു.​ ഏ​തു നി​മി​ഷ​വും ഗോ​ൾ പി​റ​ക്കാ​മെ​ന്ന പ്ര​തീ​ക്ഷ കാ​ണി​ക​ളി​ലും ഭീ​തി കൊ​ളം​ബി​യ​യി​ലും നി​റ​ഞ്ഞു.​ പ​ക്ഷേ, 41ാം മി​നിറ്റിൽ വാൾഡ​റാ​മ ന​ൽകി​യ പാ​സി​ൽനി​ന്ന്​ റി​ങ്കോ​ൺ കൊ​ളം​ബി​യ​യു​ടെ ആ​ദ്യ ഗോൾ നേ​ടി​യ​പ്പോ​ൾ കൊ​ളം​ബി​യ​ൻ ജ​ന​ത​യൊ​ന്നാ​കെ പൊ​ട്ടി​ത്തെ​റി​ച്ചു.​ അ​ർജൻറീ​ന​യു​ടെ ശ​വ​പ്പെ​ട്ടി​യി​ലെ ആ​ദ്യ ആ​ണി​യാ​യി​രു​ന്നു അ​ത്​.​ പി​ന്നീ​ട് നാ​ലു ത​വ​ണകൂ​ടി കൊ​ളം​ബി​യ​ൻ നി​ര റി​വ​ർപ്ലേ​റ്റി​ലെ അ​ര​ല​ക്ഷ​ത്തി​ൽപ്പ​രം കാ​ണി​ക​ളു​ടെ മു​ന്നിൽ വെ​ച്ച് അ​ർജൻറീ​ന​യു​ടെ ഗോ​ൾ പോ​സ്​റ്റിൽ അ​ടി​ച്ചു​ക​യ​റ്റി. ​ആ മ​ത്സ​ര​മവ​സാ​നി​ച്ച​പ്പോ​ൾ അ​വ​ർ കൊ​ളം​ബി​യ​ൻ ക​ളി​ക്കാ​ർക്ക് സ്​റ്റാ​ൻഡിങ്​ ഒ​വേ​ഷ​ൻ ന​ൽകി.​ ഡീ​ഗോ കൈ​യ​ടി​ച്ചു​കൊ​ണ്ടാ​ണ് അ​വ​ർക്ക് ആ​ദ​ര​മ​ർപ്പി​ച്ചത്.​ കൊ​ളം​ബി​യ​ൻ ഫു​ട്ബാ​ളി​ലെ ച​രി​ത്രനി​മി​ഷ​മാ​യി​രു​ന്നു അ​ത്​. ''ആ ​മ​ത്സ​ര​ത്തെ​ക്കു​റി​ച്ച് എ​നി​ക്കു ഇ​നി​യും ചി​ന്തി​ക്കാ​ൻ ക​ഴി​യി​ല്ല.​ അ​തു പ്ര​കൃ​തി​യോ​ടു​ള്ള ക്രൂ​ര​ത​യാ​ണ്.​ മൈ​താ​ന​ത്ത് ഒ​രു കു​ഴി കു​ത്തി എ​ന്നെ അ​തി​ലി​ട്ട് മൂ​ടാ​ൻ എ​നി​ക്കുത​ന്നെ തോ​ന്നി​യ ദി​വ​സം.'' ​ആ മ​ത്സ​ര​ത്തി​െൻറ മു​റി​വു​ക​ൾ അ​ന്ന​ത്തെ പ​രി​ശീ​ല​ക​നാ​യി​രു​ന്ന ആ​ൽഫി​യോ ബ​സീ​ലെ​യെ ഇ​നി​യും വി​ട്ടു​പോ​യി​ട്ടി​ല്ല. അ​ർജൻറീ​നി​യ​ൻ സ്പോ​ർട്സ് മാ​ഗ​സി​ൻ ആ​യ എ​ൽ ഗ്രാ​ഫി​കോ ത​ങ്ങ​ളു​ടെ ക​വ​ർ പേ​ജി​ൽ ഫോ​ട്ടോ​ പ​തി​ക്കാ​തെ ക​റു​ത്ത നി​റം മാ​ത്ര​മാ​ക്കി കൊ​ടു​ത്തു​കൊ​ണ്ട് അ​തി​ലെ​ഴു​തി: 'നാ​ണ​ക്കേ​ട്‌'. ച​രി​ത്ര​ത്തി​ൽ മൂ​ന്നാമ​ത്തെ ത​വ​ണ​യാ​യി​രു​ന്നു കൊ​ളം​ബി​യ ലോ​ക​ക​പ്പി​നു യോ​ഗ്യ​ത നേ​ടു​ന്ന​ത്.​ അ​തും മു​ൻപ​ത്തെ നാ​ലു ലോ​ക​ക​പ്പു​ക​ളി​ൽ മൂ​ന്നിലും ഫൈ​ന​ലി​ലെ​ത്തു​ക​യും ര​ണ്ടു ത​വ​ണ കി​രീ​ടം നേ​ടു​ക​യും ചെ​യ്ത അ​ർജൻറീ​ന​യെ നാ​ണം കെ​ടു​ത്തി​ക്കൊ​ണ്ട്.​ കൊ​ളം​ബി​യ ലോ​ക​ക​പ്പ് നേ​ടാ​ൻ സാ​ധ്യ​ത​യു​ള്ള ടീ​മാ​ണെ​ന്ന് പെ​ലെ വി​ല​യി​രു​ത്തി.​ കൊ​ളം​ബി​യ​ൻ പ്ര​സി​ഡൻറ്​ ക​ളി​ക്കാ​രെ വി​ളി​ച്ച്​ അ​ഭി​ന​ന്ദ​നം അ​ർപ്പി​ച്ചു. ​മ​ന്ത്രി​മാ​രും മ​റ്റു നേ​താ​ക്ക​ളും അ​വ​രെ അ​ഭി​ന​ന്ദി​ച്ച്​ രം​ഗ​ത്തെ​ത്തി.​ കൊ​ളം​ബി​യ​ൻ ജ​ന​ത​യു​ടെ അ​ഭി​മാ​നം വാ​ൾഡ​റാ​മ​യും കൂ​ട്ട​രും ഉ​യ​ർത്തി​പ്പി​ടി​ച്ചു.​ കൊ​ക്കെ​യ്ൻ മാ​ഫി​യ​ക​ളും അ​വ​രു​ടെ ത​മ്മി​ൽത​ല്ലും കൊ​ല​പാ​ത​ക​ങ്ങ​ളും മ​ര​വി​പ്പി​ച്ചുക​ള​ഞ്ഞ ഒ​രു രാ​ജ്യ​മൊന്നാ​കെ ഫു​ട്ബാ​ളി​ലൂ​ടെ ഒ​രു​മി​ക്കു​ക​യാ​യി​രു​ന്നു ആ ​നി​മി​ഷം. ​അ​പ്പോ​ൾ പാ​ബ്ലോ എ​സ്കൊ​ബാ​ർ ത​െൻറ ര​ക്ത​ത്തി​നാ​യി ന​ട​ക്കു​ന്ന പ​ട്ടാ​ള​ക്കാ​രു​ടെ ക​ണ്ണി​ൽനി​ന്ന്​ ഒ​ളി​ച്ചോ​ടി​ക്കൊ​ണ്ടി​രി​ക്കു​ക​യാ​യി​രു​ന്നു. ''അ​വ​ർ ഞ​ങ്ങ​ളു​ടെ അ​ടു​ത്തെ​ത്തി​ക്കൊ​ണ്ടി​രി​ക്കു​ക​യാ​ണ്.​ ര​ക്ഷ​പ്പെ​ടാ​ന​ായു​ള്ള അ​ടു​ത്ത നീ​ക്കം ന​ട​ത്തേ​ണ്ട​തി​നെ കു​റി​ച്ച്​ ആ​ലോ​ചി​ക്കു​ക​യാ​യി​രു​ന്നു ഞാ​ൻ.​ അ​പ്പോ​ൾ പാ​ബ്ലോ എ​ന്നെ വി​ളി​ച്ചു-'പോ​പേയ്.' '' റേ​ഡി​യോ​യി​ൽ ചെ​വി​കൂ​ർപ്പി​ച്ചു​കൊ​ണ്ട് അ​യാ​ൾ എ​ന്നോ​ടാ​യി പ​റ​ഞ്ഞു: ''കൊ​ളം​ബി​യ ഒ​രു ഗോൾ നേ​ടി​യി​രി​ക്കു​ന്നു!'' ഫു​ട്ബാ​ൾ ആ​യി​രു​ന്നു അ​യാ​ളു​ടെ പ​ര​മ​മാ​യ ആ​ന​ന്ദം.​ അ​തി​ലേ​ക്കാ​യി​രു​ന്നു അ​യാ​ളെ​ന്നും പ​ലാ​യ​നം ചെ​യ്തി​രു​ന്ന​ത്. പാ​ബ്ലോ​യു​ടെ വ​ലം​കൈയാ​യി​രു​ന്ന പോ​പേ​യ് ആ ​നി​മി​ഷ​ങ്ങ​ൾ ഇ​രു​ണ്ട ഭൂ​ത​കാ​ല​ത്തി​ൽനി​ന്നും ചി​ക​ഞ്ഞെ​ടു​ത്തു.​ കൊ​ളം​ബി​യ​യെ ലോ​ക ഫു​ട്ബാ​ൾ ഭൂ​പ​ട​ത്തി​ൽ ഒ​രു ശ​ക്തി​സ്രോ​ത​സ്സാക്കി മാ​റ്റു​ന്ന​തി​ൽ നി​ർണാ​യ​ക പ​ങ്കു​വ​ഹി​ച്ച പാ​ബ്ലോ എ​സ്​കൊ​ബാ​റിനു ഏ​റെ നാ​ൾ ഒ​ളി​ച്ചോ​ടാ​ൻ ക​ഴി​ഞ്ഞി​ല്ല.​ ആ മ​ത്സ​ര​ത്തി​നു ശേ​ഷം മൂ​ന്ന് മാ​സം തി​ക​യും മു​മ്പ്​ ലോ​സ് ഒ​ലി​വോ​സി​ൽ പ്ര​ത്യേ​ക ദൗ​ത്യ സം​ഘ​ത്തി​​െൻറ വെ​ടി​യേ​റ്റു അ​ദ്ദേ​ഹം മ​രി​ച്ചുവീ​ണു.

''നി​ര​ർഥക​മെ​ന്ന ചി​ന്ത ഒ​ഴി​വാ​ക്ക​പ്പെ​ടു​ന്ന​ത് ഫു​ട്ബാ​ളി​ലൂ​ടെ​യാ​ണ്.'' മാ​ജി​ക്ക​ൽ റി​യ​ലി​സ​മെ​ന്ന പ്ര​തി​ഭാ​സംകൊ​ണ്ട് വി​ശ്വ​സാ​ഹി​ത്യ​ത്തെ ത​െൻറ മാ​യി​ക​വ​ല​യ​ത്തി​ലാ​ഴ്ത്തി​യ ഗ​ബ്രി​യേ​ൽ ഗാ​ർസ്യാ മാ​ർകേ​സ് ക​ളി​യെ വി​ശേ​ഷി​പ്പി​ച്ച​തി​ങ്ങ​നെ​യാ​യി​രു​ന്നു.''ജീ​വി​ത​ത്തെ മ​റ്റൊ​രു വീ​ക്ഷ​ണ​കോ​ണി​ലൂ​ടെ നോ​ക്കി​ക്കാണാ​നും ഫു​ട്ബാ​ൾ പ്രേ​രി​പ്പി​ക്കു​ന്നു​ണ്ട്'', ​ഗാ​ബോ കൂ​ട്ടി​ച്ചേ​ർത്തു.​ പാ​ബ്ലോ​ക്കു മാ​ർകേ​സു​മാ​യി അ​ടു​ത്ത ബ​ന്ധ​മു​ണ്ടാ​യി​രു​ന്നു​വെ​ന്നു പ​റ​ഞ്ഞ​ത് പോ​പേ​യ് ആ​യി​രു​ന്നു.​ ഫി​ദൽ കാസ്​​ട്രോയു​മാ​യി പാ​ബ്ലോ ആ​ശ​യ​വി​നി​മ​യം ന​ട​ത്തി​യി​രു​ന്ന​ത് മാ​ർകേ​സി​ലൂ​ടെ​യാ​യി​രു​ന്നു എ​ന്നാ​ണ് പോ​പേ​യ് വെ​ളി​പ്പെ​ടു​ത്തി​യ​ത്.​ ആ​രാ​യി​രു​ന്നു പാ​ബ്ലോ എ​സ്കൊ​ബാ​ർ എ​ന്ന​തി​നു അ​ന​വ​ധി വി​വ​ര​ണ​ങ്ങ​ൾ ച​രി​ത്ര​ത്തി​ൽ കാ​ണാ​ൻ ക​ഴി​യും.​ അ​മേ​രി​ക്ക​യെ​യും കൊ​ളം​ബി​യ​ൻ ഗ​വൺമെൻറിനെ​യും സം​ബ​ന്ധി​ച്ച് അ​യാ​ൾ ച​രി​ത്ര​ത്തി​ലെ ഏ​റ്റ​വും വ​ലി​യ ക്രി​മി​ന​ൽ ആ​യി​രു​ന്നു.​ നി​യ​മ​ത്തി​​െൻറ ക​ണ്ണു​ക​ളി​ൽ പാ​ബ്ലോ ഒ​രു കൊ​ടുംകു​റ്റ​വാ​ളി​യാ​ണ്.​ ആ​യി​ര​ത്തോ​ളം ​​പൊലീസു​കാ​രെ​യും നൂ​റു​ക​ണ​ക്കി​ന് ജ​ഡ്ജി​മാ​രെ​യും കൊ​ളം​ബി​യ​ൻ പ്ര​സി​ഡ​ൻറ്​ സ്ഥാ​നാ​ർഥി​യെ​യും മ​ന്ത്രി​യെ​യും കൊ​ല​പ്പെ​ടു​ത്തി​യ​വ​ൻ.​ ലോ​ക​ച​രി​ത്ര​ത്തി​ലെ ഏ​റ്റ​വും വ​ലി​യ കൊ​ക്കെ​യ്ൻ ക​ള്ള​ക്ക​ട​ത്തു​കാ​ര​ൻ.​ പക്ഷേ, മെ​ഡ​ലി​നി​ലെ പ​തി​നാ​യി​ര​ക്ക​ണ​ക്കി​നു ജ​ന​ങ്ങ​ൾക്ക്​ പാ​ബ്ലോ വി​ശു​ദ്ധ​നാ​യി​രു​ന്നു.​ വീ​ടു​ക​ളും ഫു​ട്ബാ​ൾ മൈ​താ​ന​ങ്ങ​ളും കു​ട്ടി​ക​ളു​ടെ പ​ഠ​ന​ചെല​വു​മെ​ല്ലാം ന​ൽകി അ​വ​രു​ടെ ജീ​വി​ത സാ​ഹ​ച​ര്യം ഉ​യ​ർത്തിക്കൊ​ണ്ടു​വ​ന്ന​വ​ൻ.​ മെ​ഡ​ലി​നി​ലെ ബാ​രി​യോ​ക​ളു​ടെ ചു​വ​രു​ക​ളി​ൽ ഇ​ന്നും പാ​ബ്ലോ​യു​ടെ ചി​ത്ര​ങ്ങ​ളും എ​ഴു​ത്തു​ക​ളും കാ​ണാം; വീ​ടു​ക​ളു​ടെ മു​ക​ളി​ൽ അ​യാ​ളു​ടെ ചി​ത്രം പ​തി​ച്ച കൊ​ടി​ക​ൾ പാ​റി​ക്ക​ളി​ക്കു​ന്നു.​ ന​ല്ല​വ​ൻ-​ചീ​ത്ത​വ​ൻ, വി​ശു​ദ്ധം-​അ​വി​ശുദ്ധം തു​ട​ങ്ങി ഏ​തൊ​രു വ്യ​ക്തി​യു​ടെ​യും പ്ര​വൃ​ത്തി​യു​ടെ​യും ശ​രി​തെ​റ്റു​ക​ൾ അ​ള​ന്നുനോ​ക്കു​മ്പോ​ൾ താ​ഴ്ന്നു നി​ൽക്കു​ന്ന ത​ട്ടി​നെ ആ​ധാ​ര​മാ​ക്കി ന​മ്മ​ൾ അ​തി​നൊ​രു ചാ​പ്പ കു​ത്തു​ന്നു.​ പ​ല​പ്പോ​ഴും ഭൂ​രി​പ​ക്ഷ​ത്തി​​െൻറ അ​ഭി​പ്രാ​യ​ത്തി​ന​നു​സൃ​ത​മാ​യാ​ണ് ച​രി​ത്ര​ത്തി​ൽ അ​തി​​െൻറ വി​ല​യി​രു​ത്ത​ലു​കൾ ന​ട​ക്കു​ക.​ പാ​ബ്ലോ എ​സ്​കൊ​ബാ​ർ മെ​ഡ​ലി​നി​ലെ ചെ​റു ശ​ത​മാ​ന​ത്തെ അ​പേ​ക്ഷി​ച്ച് ആ​ഗോ​ള​ത​ല​ത്തി​ലെ വ​ലി​യൊ​രു വി​ഭാ​ഗ​ത്തി​​െൻറ കാ​ഴ്​ചപ്പാ​ടി​ൽ കൊ​ടും കു​റ്റ​വാ​ളി​യാ​യി ച​രി​ത്ര​ത്തി​ൽ രേ​ഖ​പ്പെ​ടു​ത്ത​പ്പെ​ട്ടു. ​ആ​രാ​ണ് പാ​ബ്ലോ എ​ന്ന ചോ​ദ്യ​ത്തി​ന് അ​നേ​ക​മ​നേ​കം പു​സ്ത​ക​ങ്ങ​ളും ച​ല​ച്ചി​ത്ര​ങ്ങ​ളും വെ​ളി​പ്പെ​ടു​ത്ത​ലു​ക​ളും നി​ര​വ​ധി വ്യാ​ഖ്യാ​ന​ങ്ങൾ ന​ൽകി. ​അ​യാ​ളു​ടെ ന​ന്മ തി​ന്മ​ക​ളു​ടെ ബ​ഹു​വ​ശ​ങ്ങ​ൾ തു​റ​ന്നുകാ​ണി​ക്കു​ന്ന​വ​യാ​യി​രു​ന്നു അ​വ​യെ​ല്ലാം.

ര​ണ്ടാം ലോ​ക ​യു​ദ്ധ കാ​ല​ത്തി​നു ശേ​ഷം ഏ​ക​ദേ​ശം ഒ​രു ദ​ശാ​ബ്​ദക്കാ​ല​ത്തോ​ളം നീ​ണ്ടുനി​ന്ന ആ​ഭ്യ​ന്ത​ര​യു​ദ്ധ​കാല​ത്താ​ണ് പാ​ബ്ലോ എ​സ്കൊ​ബാ​ർ ജ​നി​ക്കു​ന്ന​ത്.​ അ​ടി​സ്ഥാ​ന വ​ർഗ കു​ടും​ബ​ത്തി​ൽ ജ​നി​ച്ച പാ​ബ്ലോ മെ​ഡ​ലി​നി​ലെ ആ​ൻറി​യോ​ക്കി​യ യൂനിവേഴ്​സിറ്റിയിലെ ഡി​ഗ്രി പ​ഠ​നം ഫീ​സ്‌ ന​ൽകാ​ൻ പ​ണം തി​ക​യാ​ത്ത​തി​നാൽ പാ​തി​യി​ൽ ഉ​പേ​ക്ഷി​ച്ചു.​ ദാ​രി​ദ്ര്യം സ​മൂ​ഹ​ത്തെ ബാ​ധി​ച്ച ഏ​റ്റ​വും വ​ലി​യ രോ​ഗ​മാ​യി​രു​ന്നു.​ പ​ണ​മാ​ണ് വ​ലു​ത്​. ജീ​വി​ക്കാ​ൻ അ​വ​ശ്യം വേ​ണ്ട​ത് വാ​യു​വോ ഭ​ക്ഷ​ണ​മോ അ​ല്ല, പ​ണ​മാ​ണ് എ​ന്ന ചി​ന്ത​ക​ളി​ൽനി​ന്നാ​ണ് പ​ണം നേ​ടാ​നു​ള്ള യാ​ത്ര​ക​ൾക്കാ​യി പാ​ബ്ലോ ഇ​റ​ങ്ങി തി​രി​ക്കു​ന്ന​ത്. എ​ഴു​പ​തു​ക​ളി​ലാ​ണ് അ​മേ​രി​ക്ക​യി​ൽ കൊ​ക്കെ​യ്ൻ വ്യാ​പ​ക​മാ​വു​ന്ന​ത്.​ മ​ധ്യ​വ​ർഗ​ത്തി​നി​ട​യി​ലും ഉ​പ​രി​വർഗ​ത്തി​ലും അ​തി​നൊ​രു മോ​ടി അ​ക്കാ​ല​ത്ത് കൈ​വ​ന്നി​രു​ന്നു.​ ജോ​ലി ചെ​യ്​ത്​ പ​ണം സ​മ്പാ​ദി​ക്കു​ക​യെ​ന്ന​ത് നി​ര​ർഥ​ക​മാ​യി അ​നു​ഭ​വ​പ്പെ​ട്ട പാ​ബ്ലോ​യും സ​ഹോ​ദ​ര​നും കൊ​ക്കെ​യ്ൻ ക​ള്ള​ക്ക​ട​ത്തി​ലേക്ക് തി​രി​യു​ന്ന​ത് അ​ക്കാ​ല​ത്താ​ണ്. എ​ഴു​പ​തു​ക​ളു​ടെ മ​ധ്യ​ത്തോ​ടെ പാ​ബ്ലോ അ​മേ​രി​ക്ക​യി​ലേ​ക്ക് ത​​െൻറ ആ​ദ്യ നി​യ​മ വി​രു​ദ്ധ കൊ​ക്കെ​യ്ൻക​ട​ത്തു ന​ട​ത്തി. ​അ​തൊ​രു ചെ​റി​യ തു​ട​ക്ക​മാ​യി​രു​ന്നു.​ പി​ന്നീ​ടു​ള്ള വ​ർഷ​ങ്ങ​ളി​ൽ അ​യാ​ളു​ടെ കൊ​ക്കെ​യ്ൻ വ്യാ​പാ​രം അ​പ്ര​തീ​ക്ഷി​ത​മാ​യ വ​ർധ​ന​വാ​ണ് കൈ​വ​രി​ച്ച​ത്.​ ഒ​ന്ന​ര ദ​ശാ​ബ്​ദ​ക്കാ​ല​ത്തോ​ളം പി​ന്നീ​ട് പാ​ബ്ലോ​യു​ടെ നാ​ളു​ക​ളാ​യി​രു​ന്നു. ​സ്വ​കാ​ര്യ വി​മാ​ന​ങ്ങ​ളി​ലും മു​ങ്ങി​ക്കപ്പ​ലു​ക​ളി​ലും ട​ൺക​ണ​ക്കി​ന് മ​യ​ക്കു​മ​രുന്ന്​ അ​യാ​ൾ അ​മേ​രി​ക്ക​യി​ലേ​ക്ക് ക​ട​ത്തി​ക്കൊ​ണ്ടി​രു​ന്നു.​ അ​യാ​ളു​ടെ ഉ​ന്ന​തി​ക​ളി​ൽ അ​മേ​രി​ക്ക​യി​ൽനി​ന്ന്​ ലോ​ക​ത്തി​​െൻറ വി​വി​ധ ഭാ​ഗ​ങ്ങ​ളി​ലേ​ക്ക് അ​തു വ്യാ​പി​പ്പി​ച്ചു. എൺപതുക​ളി​ൽ ലോ​ക​ത്തി​ലെ കൊ​ക്കെ​യ്ൻ വ്യാ​പാ​ര​ത്തി​​െൻറ 80 ശ​ത​മാ​ന​വും പാ​ബ്ലോ​യു​ടെ കൈ​ക​ളി​ലാ​യി​രു​ന്നു. ​ഫോ​ബ്സ് മാ​സി​ക ലോ​ക​ത്തി​ലെ ഏ​റ്റ​വും വ​ലി​യ പ​ണ​ക്കാ​രു​ടെ ലി​സ്​റ്റിൽ പാ​ബ്ലോ​യെ ഉൾപ്പെ​ടു​ത്തി. ​കൊ​ളം​ബി​യ​യി​ൽ അ​യാ​ൾ ആ​ഡം​ബ​ര വി​ല്ല​ക​ളും കൊ​ട്ടാ​ര സ​മു​ച്ച​യ​ങ്ങ​ളും പ​ണി​തീ​ർത്തു. ഹാ​സി​യ​ൻഡ നാ​പോ​ളി​സി​ലെ എ​സ്​റ്റേ​റ്റി​ൽ അ​യാ​ൾക്ക്​ സ്വ​ന്ത​മാ​യി ഒ​രു മൃ​ഗ​ശാ​ലവ​രെ​യു​ണ്ടാ​യി​രു​ന്നു.​ പാ​ബ്ലോ​യു​ടെ വ​രു​മാ​ന​ത്തി​​െൻറ ക​ണ​ക്കു​ക​ളു​ടെ വ്യാ​പ്തി വെ​ളി​പ്പെ​ടു​ത്തു​ന്ന അ​ന​വ​ധി ഉ​പ​ക​ഥ​കൾ കൊ​ളം​ബി​യ​ൻ ച​രി​ത്ര​കെ​ട്ടു​ക​ളി​ൽനി​ന്ന്​ ക​ണ്ടെ​ടു​ക്കാം.​ പ​ണ​ക്കെ​ട്ടു​കൾ സൂ​ക്ഷി​ച്ചുവെ​ക്കാ​നാ​യി റ​ബ​ർ ബാ​ൻഡുക​ൾക്കാ​യി മാ​ത്രം ദ​ശ​ല​ക്ഷ​ക്ക​ണ​ക്കി​നു ഡോ​ള​റാ​യി​രു​ന്നു പാ​ബ്ലോ ഓ​രോ മാ​സ​വും ​െചല​വ​ഴി​ച്ചി​രു​ന്ന​ത് എ​ന്ന​താ​ണ് അ​തി​ലൊ​ന്ന്​. ​എ​ലി​ ക​ര​ണ്ടും തീ​പി​ടിത്ത​ത്തി​ലും അ​യാൾക്കു ന​ഷ്​ട​മാ​കു​ന്ന പ​ണ​ത്തി​​െൻറ ക​ണ​ക്കും വ​ള​രെ വ​ലു​താ​ണെ​ന്ന് അ​യാ​ളു​ടെ സ​ഹോ​ദ​ര​ൻത​ന്നെ പി​ന്നീ​ട് വെ​ളി​പ്പെ​ടു​ത്തി​യി​രു​ന്നു.

''കൊ​ളം​ബി​യ​യി​ലെ ചേ​രി​ക​ളി​ൽ ഫു​ട്ബാ​ൾ ടൂ​ർണ​മെ​ൻറുകൾ സം​ഘ​ടി​ക്ക​പ്പെ​ടു​മാ​യി​രു​ന്നു.​ ഒ​രു ജ​ന​ത​യൊന്നാ​കെ അ​വ​രു​ടെ ആ​കു​ല​ത​ക​ൾ മ​റ​ക്കു​ന്ന​ത് അ​പ്പോ​ഴാ​ണ്‌. ​ഞാ​നൊ​രു ദ​രി​ദ്ര​നാ​യി​രു​ന്നു.​ പ​ക്ഷേ, മൈ​താ​ന​ങ്ങ​ളി​ൽ ഞ​ങ്ങ​ൾ ഏ​റെ പ്രാ​ധാ​ന്യ​മു​ള്ള​വ​രാ​യി​രു​ന്നു.​ എ​ല്ലാം തി​ക​ഞ്ഞ​ത് ഫു​ട്ബാ​ളി​​െൻറ ലോ​ക​മാ​യി​രു​ന്നു, അ​തി​ലാ​ണ് ഞ​ങ്ങൾ ജീ​വി​ച്ച​ത്.'' കൊ​ളം​ബി​യ​ക്കാ​യി 61 മ​ത്സ​ര​ങ്ങ​ൾ ക​ളി​ച്ച ഹെ​രേ​ര ഒ​രു ജ​ന​ത​യു​ടെ സാ​മൂ​ഹി​ക ജീ​വി​ത​ത്തി​ൽ ഫു​ട്ബാ​ൾ ചെ​ലു​ത്തി​യ സ്വാ​ധീ​ന​ത്തെ വാ​ക്കു​ക​ളി​ൽ വ​ര​ച്ചി​ട്ടു.​ അ​ലെ​ക്സി​സ് ഗാ​ർസി​യ, ചി​ചോ സെ​ർന, റെ​നെ ഹി​ഗ്വി​റ്റ, പാ​ചോ മാ​തു​റാ​ന തു​ട​ങ്ങി കൊ​ളം​ബി​യ​ൻ സു​വ​ർണ ത​ല​മു​റ​യി​ലെ ഒ​രു​പ​റ്റം ക​ളി​ക്കാ​ർ ക​ളി​ച്ചുവ​ള​ർന്ന​ത് പാ​ബ്ലോ പ​ണി​ക​ഴി​പ്പി​ച്ച ഫു​ട്ബാ​ൾ ഗ്രൗ​ണ്ടുക​ളി​ലാ​യി​രു​ന്നു.​ അ​യാ​ളു​ടെ സി​ര​ക​ളി​ൽ അ​ട​ങ്ങാ​ത്ത പ​ണ​ക്കൊ​തി മാ​ത്ര​മ​ല്ല ഫു​ട്ബാ​ളും ത്ര​സി​ച്ചുനി​ന്നി​രു​ന്നു. ''പാ​ബ്ലോ ആ​ദ്യ​മാ​യി വാ​ങ്ങു​ന്ന​ത് ഒ​രു ഫു​ട്ബാ​ൾ ക്ലീ​ട്സ് ആ​യി​രു​ന്നു.​ മ​രി​ക്കു​മ്പോ​ഴും പാ​ബ്ലോ​യു​ടെ കാ​ലു​ക​ളി​ൽ ഉ​ണ്ടാ​യി​രു​ന്ന​ത് ഫു​ട്ബാ​ൾ ക്ലീ​ട്സാ​ണ്.'' ​ച​രി​ത്ര​ത്തി​ലെ ഏ​റ്റ​വും വ​ലി​യ കൊ​ക്കെ​യ്ൻ വ്യാ​പാ​രി​യു​ടെ ഫു​ട്ബാൾ ഭ്ര​മം അ​യാ​ളു​ടെ സ​ഹോ​ദ​രി ലു​സ് മ​രി​യ ഓ​ർത്തെ​ടു​ത്തു. ഹാ​സി​യ​ൻഡ നാ​പോ​ളി​സി​ലെ ഫു​ട്ബാ​ൾ ഗ്രൗ​ണ്ടി​ൽ കൊ​ളം​ബി​യ​യി​ലെ ഏ​റ്റ​വും മി​ക​ച്ച ക​ളി​ക്കാ​രെ കൊ​ണ്ടു​വ​ന്ന്​ അ​യാ​ൾ ക​ളി​പ്പി​ച്ചു.​ ആ മ​ത്സ​ര​ങ്ങ​ളി​ൽ മ​റ്റു മ​യ​ക്കു​മ​രു​ന്ന്​ രാ​ജാ​ക്ക​ന്മാ​രു​മാ​യി അ​യാ​ൾ വാ​തു​വെ​പ്പ് ന​ട​ത്തി.​ ഡീ​ഗോ മ​റ​ഡോ​ണ​യെ ഭീ​മ​മാ​യ തു​ക​ക്കാണ്​ ഒ​രു സൗ​ഹൃ​ദ മ​ത്സ​ര​ത്തി​നാ​യി അ​യാ​ൾ കൊ​ണ്ടു​വ​ന്ന​ത്.​ ഡീ​ഗോ​യു​ടെ ക​ളി അ​യാ​ൾ ഏ​റെ ഇ​ഷ്​ട​പ്പെ​ട്ടി​രു​ന്നു.​ ഫു​ട്ബാ​ൾ ഒ​രു വി​കാ​ര​മാ​യി നി​ൽക്കു​മ്പോ​ൾത​ന്നെ അ​തി​െൻറ മ​റ്റു സാ​ധ്യ​ത​കൾ പാ​ബ്ലോ ക​ണ്ടെ​ത്തി​യി​രു​ന്നു. ​കൊ​ക്കെ​യ്ൻ വ്യാ​പാ​ര​ത്തി​ലൂ​ടെ കൈ​വ​രു​ന്ന നി​യ​മാ​നു​സൃ​ത​മ​ല്ലാ​ത്ത പ​ണം വെ​ളു​പ്പി​ക്കാ​ൻ അ​യാ​ൾ തി​ര​ഞ്ഞെ​ടു​ത്ത​ത് കൊ​ളം​ബി​യ​ൻ ക്ല​ബ് ഫു​ട്ബാ​ൾ മേ​ഖ​ല​യാ​യി​രു​ന്നു. ​മെ​ഡ​ലി​നി​ലെ അ​ത്​ലറ്റി​കോ നാ​സി​യോ​ണ​ൽ ക്ല​ബ് പാ​ബ്ലോ സ്വ​ന്ത​മാ​ക്കി.​ അ​ന്ന്​ അത്​ലറ്റി​കോ​യു​ടെ പ​രി​ശീ​ല​ക​നാ​യി​രു​ന്ന ഫ്രാ​ൻസി​സ്കോ മാ​തു​റാ​ന പാ​ബ്ലോ​യു​ടെ പ​ണം ക്ല​ബ് ഫു​ട്ബാ​ൾ മേ​ഖ​ല​യെ കൂ​ടു​ത​ൽ പ​രി​പോ​ഷി​പ്പി​ച്ച​താ​യി സാ​ക്ഷ്യ​പ്പെ​ടു​ത്തു​ന്നു​ണ്ട്.​ പാ​ബ്ലോ​യു​ടെ നീ​ക്കം മ​റ്റു മ​യ​ക്കു​മ​രു​ന്ന്​ മാ​ഫി​യ​ക​ളെ ഫു​ട്ബാ​ളി​ലേ​ക്ക് അ​ടു​പ്പി​ച്ചു.​ ക്ല​ബ് ഫു​ട്ബാ​ൾ എ​ന്ന ക​ച്ച​വ​ട​ത്തി​ൽനി​ന്നും ല​ഭി​ക്കു​ന്ന വ​രു​മാ​ന​ത്തെ​ക്കാ​ളു​പ​രി അ​ഭി​മാ​നം ഉ​യ​ർത്തി​പ്പി​ടി​ക്കു​ന്ന​തി​നാ​യി മാ​ത്സ​ര്യ​ത്തോ​ടെ അ​വ​ർ കൊ​ളം​ബി​യ​ൻ ക്ല​ബ് ഫു​ട്ബാ​ളി​ൽ പ​ണ​മൊ​ഴു​ക്കി. ​ക്ല​ബുകൾക്ക്​ വി​ദേ​ശ​രാ​ജ്യ​ങ്ങ​ളി​ൽനി​ന്നും മി​ക​വു​റ്റ പ​രി​ശീ​ല​ക​രെ​യും ക​ളി​ക്കാ​രെ​യും കൊ​ണ്ടു​വ​രാ​ൻ സാ​ധി​ച്ചു. കൊ​ളം​ബി​യ​ൻ ക​ളി​ക്കാ​രെ മ​റ്റു ലീ​ഗു​ക​ളി​ലേക്ക്​ പോ​കാ​തെ സ്വ​ന്തം നാ​ട്ടി​ൽത​ന്നെ നി​ർത്താൻത​ക്ക​വ​ണ്ണം ക്ല​ബു​ക​ൾ പ്ര​തി​ഫ​ല​മു​യ​ർത്തി. കൊ​ളം​ബി​യ​ൻ ഫു​ട്ബാ​ളി​​െൻറ സു​വ​ർണകാ​ലം തു​ട​ങ്ങു​ന്ന​ത് അ​ങ്ങ​നെ​യാ​ണ്.​ മ​യ​ക്കു​മ​രുന്ന്​ ക​ച്ച​വ​ട​ക്കാ​രു​ടെ പ​ണ​ക്കൊ​ഴു​പ്പ് ക​ളി​യെ പ​ല​ത​ര​ത്തി​ൽ സ്വാ​ധീ​നി​ക്കാ​ൻ തു​ട​ങ്ങി​യി​രു​ന്നു അ​ക്കാ​ല​ത്ത്.​ റ​ഫ​റി​മാ​ർ പ​ല​പ്പോ​ഴും പ​ണ​ത്താ​ൽ സ്വാ​ധീ​നി​ക്ക​പ്പെ​ട്ടു. അ​തി​നു കൂ​ട്ടു​നി​ൽക്കാ​ത്ത​വ​ർ കൊ​ല്ല​പ്പെ​ടു​ക​യും ചെ​യ്തു. 1989​ൽ അ​ത്​ലറ്റിക്കോ നാ​സി​യോ​ണ​ൽ സൗ​ത്ത് അ​മേ​രി​ക്ക​ൻ ചാ​മ്പ്യ​ന്മാ​രാ​യി. ​പാ​ബ്ലോ ക​ളി​ക്കാ​ർക്ക്‌ വി​രു​ന്നും ബോ​ണ​സും ന​ൽകി. ​അ​യാ​ൾക്ക്​ അ​വ​ർ അ​ടു​ത്ത സു​ഹൃ​ത്തു​ക്ക​ളാ​യി​രു​ന്നു.​ അ​പ്പോ​ഴും ആ​പ​ത്ക​ര​മാ​യ അ​ള​വി​ൽ ഫു​ട്ബാ​ളും മ​യ​ക്കു​മ​രു​ന്നു മാ​ഫി​യ​ക​ളും കൂ​ട്ടി​ക്കു​ഴ​ക്ക​പ്പെ​ട്ടു.​ ലോ​ക​മ​തി​നെ 'നാ​ർകോ ഫു​ട്ബാ​ൾ' എ​ന്നു നാ​മ​ക​ര​ണം ചെ​യ്തു.

എ​ൺപ​തു​ക​ളു​ടെ പ​കു​തി മു​ത​ൽ തൊ​ണ്ണൂ​റു​ക​ളു​ടെ പ​കു​തിവ​രെ​യു​ള്ള​താ​ണ് കൊ​ളം​ബി​യ​ൻ ഫു​ട്ബാ​ളി​െൻറ സു​വ​ർണ കാ​ലം.​ ആ​ന്ദ്രെ എ​സ്​കൊ​ബാ​റും വാ​ൾഡ​റാ​മ​യും ഹി​ഗ്വി​റ്റ​യും കൊ​ളം​ബി​യ​യു​ടെ ഫു​ട്ബാ​ൾ സ്വ​ത്വ​ത്തെ ഉ​യ​ർത്തി​പ്പി​ടി​ച്ച ഇ​തി​ഹാ​സ​ങ്ങ​ളാ​യി​രു​ന്നു. 1962നു ​ശേ​ഷം ആ​ദ്യ​മാ​യി 1990ൽ ​കൊ​ളം​ബി​യ ലോ​ക​ക​പ്പി​നു യോ​ഗ്യ​ത നേ​ടി.​ വാ​ൾഡ​റാ​മ​യു​ടെ ഭാ​വ​നസ​മ്പൂ​ർണ​മാ​യ നീ​ക്ക​ങ്ങ​ൾ ലാ​റ്റി​നമേ​രി​ക്ക​ൻ ഫു​ട്ബാ​ൾ ഭൂ​പ​ട​ത്തി​ൽ കൊ​ളം​ബി​യ​ക്ക്​ ബ്ര​സീ​ലി​നും അ​ർജൻറീ​ന​ക്കു​മൊ​പ്പം ഇ​ടം നേ​ടി​ക്കൊ​ടു​ത്തു​വെ​ങ്കി​ൽ ഹി​ഗ്വി​റ്റ​യെ​ന്ന കി​റു​ക്ക​ൻ ഗോ​ളി​യി​ലൂ​ടെ ലോ​ക​മെ​ങ്ങും അ​വ​ർ ജ​ന​പ്രി​യ​രാ​യി.​ ഹി​ഗ്വി​റ്റ​യു​ടെ അ​സാ​ധാ​ര​ണ പ്ര​ക​ട​ന​ങ്ങ​ൾ ആ​ളു​ക​ളെ ര​സി​പ്പി​ക്കു​ന്ന​താ​യി​രു​ന്നു.​ ഫു​ട്ബാ​ളി​ൽ ലാ​റ്റി​ന​​മേ​രി​ക്ക​ൻ ഡ്രി​ബി​ള​ർമാ​രു​ടെ പ്ര​ദ​ർശ​ന​പ​ര​ത​ക്ക് നൂ​റു യാ​ർഡ്‌ മൈ​താ​ന​ങ്ങ​ളാ​യി​രു​ന്നു നീ​ക്കി​യി​രു​പ്പാ​യി കി​ട്ടി​യ​ത്.​ അ​തി​​െൻറ സ​ർവ​മൂ​ല​ക​ളും അ​വ​ർ ത​ങ്ങ​ളു​ടെ സ​ർഗ​ശേ​ഷി​യു​ടെ പ്ര​ക​ട​ന​ഭൂ​മി​ക​യാ​ക്കി മാ​റ്റി.​ പ​ക്ഷേ, ഓ​രോ ക​ളി​ക്കാ​ര​നും നി​ർവഹി​ക്കേ​ണ്ട ധ​ർമ​മ​നു​സ​രി​ച്ച്​ ഫു​ട്ബാ​ളി​ൽ ഒ​രു ഗോ​ൾകീ​പ്പ​ർക്കു ഇ​ത്ത​രം പ്ര​ദ​ർശ​ന​ങ്ങ​ൾക്ക്​ സാ​ധ്യ​ത ഒ​ട്ടുംത​ന്നെ​യി​ല്ല.​ പ​തി​നെ​ട്ടു വാര ബോ​ക്സി​നു​ള്ളി​ൽ ഇ​ര​യെ വേ​ട്ട​യാ​ടി​പ്പി​ടി​ക്കു​ന്ന ക​ണി​ശ​ത​യോ​ടെ ബാ​ളു​ക​ൾക്കുമേ​ൽ ചാ​ടിവീ​ഴു​ക​യും ചി​ല​പ്പോ​ൾ ത​ങ്ങ​ളു​ടെ ഗോ​ൾവ​ല​ക​ളി​ൽ അ​ധി​നി​വേ​ശം സ്ഥാ​പി​ക്കാ​നെ​ത്തു​ന്ന​വ​യെ പോ​രാ​ളി​യു​ടെ ര​ണവീ​ര്യ​ത്തോ​ടെ ത​ട്ടി​യ​ക​റ്റു​ക​യും ഗോ​ളു​ക​ളു​ടെ​യും നീ​ക്ക​ങ്ങ​ളു​ടെ​യും പി​റ​വി​ക​ൾക്ക്​ രൂ​പംന​ൽകു​ക​യും ചെ​യ്യു​ക എ​ന്ന​തി​ലു​പ​രി​യു​ള്ള പ്ര​ദ​ർശ​ന​പ​ര​ത അ​വ​രു​ടെ സ​ർഗ​വൈ​ഭ​വ കേ​ന്ദ്ര​ങ്ങ​ൾക്ക്​ അ​വ​ശ്യം വേ​ണ്ട ഒ​ന്ന​ല്ല എ​ന്നു​കൂ​ടി സോ​ക്ക​ർ ത​ത്ത്വശാ​സ്ത്ര​ങ്ങ​ൾ പ​റ​ഞ്ഞുവെ​ക്കു​ന്നു​ണ്ട്. ​അ​തി​നെ പു​നഃ​ക്ര​മീ​ക​രി​ച്ച ഗോ​ൾകീ​പ്പ​ർ ആ​യി​രു​ന്നു ഹി​ഗ്വി​റ്റ. ​അ​യാൾ യാ​ഷി​നെ​പോ​ലെ​യോ ഗോ​ർഡ​ൻ ബാ​ങ്ക്സി​നെ​പോ​ലെ​യോ ഘ്രാ​ണ​ശ​ക്തി​യോ​ടെ വ​ല കാ​ക്കു​ന്ന ഒ​രാ​ളാ​യി​രു​ന്നി​ല്ല.​ അ​തി​നെ​ക്കാ​ൾ ആ​ന​ന്ദം അ​യാ​ൾ ത​​െൻറ കി​റു​ക്കു​ക​ളി​ലാ​ണ് ക​ണ്ടെ​ത്തി​യ​ത്.​ അ​നാ​യാ​സ​മാ​യി കൈ​പ്പി​ടി​യി​ലൊ​തു​ക്കാ​വു​ന്ന പ​ന്തു​ക​ളെ അ​യാ​ൾ അ​പ​ക​ട​ക​ര​മാം​വി​ധ​ത്തി​ൽ ചാ​ടി പു​റം​കാ​ൽകൊ​ണ്ട് ത​ട്ടി​യ​ക​റ്റി.​ സ്കോ​ർപി​യോൺ കി​ക്ക് എ​ന്ന ഓ​മ​ന​പ്പേ​രി​ട്ട്​ ലോ​ക​മ​തി​നെ വി​ളി​ച്ചു.1990 ലോ​ക​ക​പ്പി​​െൻറ നോ​ക്ക് ഔ​ട്ട്‌ റൗ​ണ്ടി​ൽ കാ​മ​റൂ​ണി​നെ​തി​രെ ഹി​ഗ്വി​റ്റ​യു​ടെ കൈ​വി​ട്ട​ ക​ളി​കൾക്ക്​ കൊ​ളം​ബി​യ കൊ​ടു​ക്കേ​ണ്ടിവ​ന്ന വി​ല ആ ലോ​ക​ക​പ്പി​ൽനി​ന്ന്​ പു​റ​ത്തേ​ക്കു​ള്ള വാ​തി​ലാ​യി​രു​ന്നു.

യോ​ഗ്യ​താ മ​ത്സ​ര​ത്തി​ൽ ബ്വേനസ്​ എയ്​റിസിൽ അ​ർജൻറീ​ന​യെ 5-0 നു ​ത​ക​ർത്തെ​റി​ഞ്ഞുകൊ​ണ്ട് കൊ​ളം​ബി​യ ലോ​ക​ക​പ്പി​നു യോ​ഗ്യ​ത നേ​ടി​യ​പ്പോ​ൾ പെ​ലെ പ്ര​വ​ചി​ച്ച​ത് അ​വ​ർ സെ​മി ഫൈ​ന​ലി​ലെങ്കി​ലും എ​ത്തു​മെ​ന്നാ​യി​രു​ന്നു.​ ആ ഒ​രൊ​റ്റ വി​ജ​യ​ത്തെ ആ​ധാ​ര​മാ​ക്കി​യ​ല്ല പെ​ലെ അ​തു പ​റ​ഞ്ഞ​ത്. 1990 മു​ത​ൽ '94 വ​രെ​യു​ള്ള അ​വ​രു​ടെ പ്ര​ക​ട​ന​ങ്ങ​ൾ ക​ണ്ട​വ​ർക്ക് പെ​ലെ​യു​ടെ പ്ര​വ​ച​നം ക​ഴ​മ്പി​ല്ലാ​ത്ത​താ​യി അ​നു​ഭ​വ​പ്പെ​ട്ടി​ല്ല.​ ലോ​ക​ക​പ്പി​ലേ​ക്കു​ള്ള പാ​ത​യി​ൽ ന​ട​ന്ന 26 മ​ത്സ​ര​ങ്ങ​ളി​ൽ കൊ​ളം​ബി​യ പ​രാ​ജ​യ​പ്പെ​ട്ട​ത് ഒ​രേ​യൊ​രു ത​വ​ണ മാ​ത്ര​മാ​യി​രു​ന്നു.​ അ​ർജൻറീ​ന​യും പെ​റു​വും അ​ട​ങ്ങി​യ ഗ്രൂ​പ്പി​ൽ ഒ​ന്നാം സ്ഥാ​ന​ക്കാ​രാ​യാ​ണ് അ​വ​ർ യോ​ഗ്യ​ത നേ​ടു​ന്ന​ത്.​ തോ​ൽവി​യ​റി​യാ​തെ അ​ർജൻറീ​ന​യെ പ്ലേ ​ഓ​ഫി​ലേ​ക്ക്​ എ​റി​ഞ്ഞു​കൊ​ടു​ത്തു​കൊ​ണ്ട് അ​വ​ർ ലോ​ക​ക​പ്പി​ലേ​ക്ക് മാ​ർച്ച്​ ചെ​യ്തു.​ കൊ​ളം​ബി​യ​ൻ കോ​ച്ചാ​യി​രു​ന്ന ഫ്രാ​ൻസി​സ്കോ മാ​തു​റാ​ന പ​റ​ഞ്ഞ​ത് ത​​െൻറ ക​ളി​ക്കാ​ർക്ക് ഓ​രോ മ​ത്സ​ര​ങ്ങ​ളും ആ​ത്മാ​വി​ഷ്കാ​ര​ത്തി​​െൻറ വേ​ദി​ക​ളാ​യി​രു​ന്നു​വെ​ന്നാ​ണ്.

കൊ​ളം​ബി​യ​ൻ ടീം ​ലോ​ക​ക​പ്പി​നാ​യി യാ​ത്ര തി​രി​ക്കു​മ്പോ​ൾ മെ​ഡ​ലി​ൻ ക​ത്തു​ക​യാ​യി​രു​ന്നു.​ അ​രാ​ജ​ക​ത്വ​ത്തി​​െൻറ പ​ശി​മ​യു​ള്ള മ​ണ്ണാ​യി ആ ​കൊ​ളം​ബി​യ​ൻ ന​ഗ​രം മാ​റി​ക്ക​ഴി​ഞ്ഞി​രു​ന്നു അ​പ്പോ​ഴേ​ക്കും. ​അ​ർജൻറീ​ന​യു​മാ​യു​ള്ള അ​വ​സാ​ന ലോ​ക​ക​പ്പ് മ​ത്സ​രം ക​ഴി​ഞ്ഞ്​ മൂ​ന്ന് മാ​സം തി​ക​യു​ന്ന​തി​നു മു​മ്പ്​ പാ​ബ്ലോ എ​സ്കൊ​ബാ​ർ ഏ​റ്റു​മു​ട്ട​ലി​ൽ കൊ​ല്ല​പ്പെ​ട്ടു. ​പാ​ബ്ലോ​യു​ടെ മ​ര​ണ​ത്തോ​ടെ അ​യാ​ളു​ടെ സാ​മ്രാ​ജ്യം ശി​ഥി​ല​മാ​യി.​ ആ​ജ്ഞാ​ശ​ക്തി​യു​ള്ള നേ​താ​വി​​െൻറ അ​ഭാ​വ​ത്തി​ൽ അ​ണി​ക​ൾ ത​ങ്ങ​ളു​ടേ​താ​യ രീ​തി​യി​ൽ അ​ക്ര​മ​ങ്ങ​ളും ക​ള്ള​ക്ക​ട​ത്തും കൊ​ല​പാ​ത​ക​ങ്ങ​ളും ന​ട​ത്താ​നാ​രം​ഭി​ച്ചു.​ ഒ​രു നേ​താ​വി​ൽനി​ന്ന്​ പ​ല നേ​താ​ക്ക​ളാ​യി വ്യ​വ​സ്ഥി​തി വി​ഭ​ജി​ക്ക​പ്പെ​ട്ടു.​ പാ​ബ്ലോ ജീ​വി​ച്ചി​രു​ന്ന​പ്പോ​ൾ നി​യ​മ​പ്ര​കാ​ര​മ​ല്ലാ​ത്ത ​പ്ര​വ​ർത്ത​ന​ങ്ങൾക്ക്​ അ​യാ​ളു​ടെ അ​നു​മ​തി വേ​ണ​മാ​യി​രു​ന്നു.​ ത​ട്ടി​ക്കൊ​ണ്ടു​പോ​ക​ലു​ക​ൾ പാ​ബ്ലോ നി​രോ​ധി​ച്ചി​രു​ന്നു.​ പ​ക്ഷേ, അ​യാ​ളു​ടെ മ​ര​ണ​ത്തോ​ടെ എ​ല്ലാം താ​റു​മാ​റാ​യി.​ കാ​റു​ക​ളും ബ​സു​ക​ളും മെ​ഡ​ലി​​െൻറ തെ​രു​വു​ക​ളി​ൽ ക​ത്തി. ​ക​ല്ലു​ക​ളും ചി​ല്ലുകു​പ്പി​ക​ളും വഴിയോരങ്ങളിൽ നി​റ​ഞ്ഞുകി​ട​ന്നു.​ ബോം​ബിങ്ങിലും വെ​ടി​വെ​പ്പി​ലും മെ​ഡ​ലി​ൻ മ​ര​ിച്ചുകി​ട​ന്നു. ​കൊ​ല​പാ​ത​ക​ങ്ങ​ളും ത​ട്ടി​ക്കൊ​ണ്ടു​പോ​ക​ലു​ക​ളും നി​ത്യ​സം​ഭ​വ​മാ​യി മാ​റി. ​അ​ത്ത​ര​മൊ​ര​വ​സ്ഥ​യി​ൽ ക​ളി​യി​ൽ ശ്ര​ദ്ധ കേ​ന്ദ്രീ​ക​രി​ക്കാൻ ക​ഴി​യാ​ത്ത​തി​ൽ ആ​ന്ദ്രെ വി​ഷാ​ദ​പ്പെ​ട്ടു.​ അ​യാൾ ഇ​ട​വേ​ള​ക​ളി​ൽ ബൈ​ബി​ൾ വാ​യി​ച്ചു.​ അ​തി​​െൻറ ബു​ക്മാ​ർക്കിൽ മ​രി​ച്ചു​പോ​യ ത​െൻറ അ​മ്മ​യു​ടെ​യും പ്ര​ണ​യി​നി​യാ​യ പ​മേ​ല ക​സ്കാ​ർഡോ​യു​ടെ​യും ചി​ത്ര​ങ്ങ​ൾ അ​യാ​ൾ സൂ​ക്ഷി​ച്ചു. ലോ​ക​ക​പ്പി​നു പു​റ​പ്പെ​ട്ട ടീ​മി​ലെ ഒ​ട്ട​ന​വ​ധി​പേ​ർ ഇ​ത്ത​ര​മൊ​ര​വ​സ്ഥ​യി​ലൂ​ടെ​യാ​ണ് ക​ട​ന്നുപോ​യ​ത്. ​അ​വ​രു​ടെ ആ​ദ്യ മ​ത്സ​ര​ത്തി​ലെ പ്ര​ക​ട​ന​ത്തി​ൽ അ​തു പ്രതിഫലിക്കുകയും ചെ​യ്തു.

റു​മേ​നി​യ​ക്കെ​തി​രെ​യു​ള്ള മ​ത്സ​ര​ത്തി​ൽ കൊ​ളം​ബി​യ 3-1 നു ​തോ​ൽവി​യ​ണി​ഞ്ഞു.​ റു​മേ​നി​യ​യു​ടെ പ്ര​തി​രോ​ധ​പ്പൂ​ട്ടു​ക​ളെ പി​ള​ർക്കാൻ വാ​ൾഡ​റാ​മ​ക്കും കൂ​ട്ട​ർക്കും ക​ഴി​ഞ്ഞി​ല്ല.​ ആ മ​ത്സ​ര​ത്തി​ൽ കൊ​ളം​ബി​യ​യി​ലെ വാ​തു​വെ​പ്പു​കാ​ർക്ക് ന​ഷ്​ടപ്പെ​ട്ട​ത് കോ​ടി​ക്ക​ണ​ക്കി​നു ഡോ​ള​റാ​യി​രു​ന്നു. വ​ധ​ഭീ​ഷ​ണി മു​ഴ​ങ്ങു​ന്ന ഫോ​ൺകാ​ളു​ക​ളാ​ണ് മ​ത്സ​ര​ശേ​ഷം ഹോ​ട്ട​ലി​ൽ തി​രി​ച്ചെ​ത്തി​യ ടീ​മി​നെ കാ​ത്തി​രു​ന്ന​ത്. ​കൊ​ളം​ബി​യ​ൻ ഡി​ഫ​ൻഡ​ർ ഹെ​രേ​ര​യു​ടെ മാ​സ​ങ്ങ​ൾ മാ​ത്രം പ്രാ​യ​മു​ള്ള മ​ക​നെ ത​ട്ടി​ക്കൊ​ണ്ടു​പോ​യ സം​ഭ​വ​ങ്ങ​ൾവ​രെ അ​ര​ങ്ങേ​റി.​ ആ മ​ത്സ​രശേ​ഷം അ​യാ​ളു​ടെ സ​ഹോ​ദ​ര​ൻ കാ​റ​പ​ക​ട​ത്തി​ൽ കൊ​ല്ല​പ്പെ​ട്ടു.​ കൊ​ളം​ബി​യ​യു​ടെ സു​വ​ർണ ത​ല​മു​റ തീർത്തും ച​കി​ത​രാ​യി.​ എ​ല്ലാ​മു​പേ​ക്ഷി​ച്ച്​ നാ​ട്ടി​ലേ​ക്ക് പോ​കാ​ൻ നി​ന്ന ഹെ​രേ​ര​യോ​ട് ആ​ന്ദ്രെ പ​റ​ഞ്ഞു: "​രാ​ജ്യം ന​മ്മ​ളി​ലാ​ണ് പ്ര​തീ​ക്ഷ​യ​ർപ്പി​ച്ചി​രി​ക്കു​ന്ന​ത്.​ ഇ​നി​യൊ​രു​പ​ക്ഷേ ന​മു​ക്ക് ലോ​ക​ക​പ്പി​ൽ ഇ​തു​പോ​ലെ ഒ​ര​വ​സ​രം കൈ​വ​രി​ല്ല.'' അ​മേ​രി​ക്ക​യു​മാ​യു​ള്ള ര​ണ്ടാം ഗ്രൂ​പ്​ മ​ത്സ​ര​ത്തി​നു മു​മ്പ്​ മാ​തു​റാ​ന പ​ത്ര​ക്കാ​രു​ടെ മു​ന്നിൽ ക​ര​ഞ്ഞു. ​ഗ​ബ്രി​യേ​ൽ ബ​രാ​ബ​സ് ഗോ​മ​സ് എ​ന്ന കൊ​ളം​ബി​യ​യു​ടെ ഏ​റ്റ​വും മി​ക​ച്ച ക​ളി​ക്കാ​ര​നെ ഉ​ൾപ്പെ​ടു​ത്തി​യാ​ൽ ആ ​ടീം ഒ​ന്ന​ട​ങ്കം കൊ​ല്ല​പ്പെ​ടു​മെ​ന്നാ​യി​രു​ന്നു അ​യാ​ൾക്ക്​ ഭീ​ഷ​ണി ല​ഭി​ച്ച​ത്.​ ലോ​ക​ക​പ്പ് പോ​ലൊ​രു വേ​ദി​യി​ൽ ആ​രെ ക​ളി​പ്പി​ക്ക​ണം, ക​ളി​പ്പി​ക്ക​രു​ത് എ​ന്ന്​ അ​ധോ​ലോ​ക മാ​ഫി​യ​ക​ൾ ഉ​ത്ത​ര​വി​ട്ടു! ​ഭ​യം ത​ള​ർത്തി​യ മ​ന​സ്സും ശ​രീ​ര​ങ്ങ​ളുമാ​യി​ട്ടാ​യി​രു​ന്നു അ​വ​ർ ആ ​മ​ത്സ​ര​ത്തി​നി​റ​ങ്ങി​യ​ത്. ​തോ​ൽവി​യെ​ന്ന​ത് മ​ര​ണ​മാ​ണ്.​ ത​ങ്ങ​ളി​ൽ ആ​രെ​ല്ലാം ജീ​വ​നോ​ടെ ഉ​ണ്ടാ​കു​മെ​ന്ന് അ​വ​ർക്കു​റ​പ്പു​ണ്ടാ​യി​രു​ന്നി​ല്ല.​ ക​ളി​യു​ടെ ഇ​രു​പ​ത്തി​ര​ണ്ടാം മി​നിറ്റിൽ അ​മേ​രി​ക്ക​യു​ടെ ജോ​ൺ ഹാ​ർക്​സി​​െൻറ ക്രോ​സ് ത​ട്ടി​യ​ക​റ്റാ​ൻ ശ്ര​മി​ച്ച ആ​ന്ദ്രേ​ക്കു പി​ഴ​ച്ചു. ​പ​ന്തു ഗോ​ൾവ​ല​ക്കു​ള്ളി​ൽ ക​യ​റി.​ ആ​ന്ദ്രെ ത​ല​യി​ൽ കൈ​​െവ​ച്ച്​ പെ​നാ​ൽറ്റി ബോ​ക്സി​നു​ള്ളി​ൽ ഇ​രു​ന്നു. ''അ​വ​ർ ആ​ന്ദ്രെ​യേ കൊ​ല്ലും."​ മെ​ഡ​ലി​നി​ലെ വീ​ട്ടി​ൽ ആ​ന്ദ്രെ​യു​ടെ സ​ഹോ​ദ​രീ പു​ത്ര​ൻ മ​രി​യ​യോ​ട് പ​റ​ഞ്ഞു: ''ഇ​ല്ല.​ ആ​ളു​ക​ൾ അ​ബ​ദ്ധ​ങ്ങ​ൾക്ക്​ കൊ​ല്ല​പ്പെ​ടി​ല്ല. ​കൊ​ളം​ബി​യ​യി​ൽ എ​ല്ലാ​വ​രും ആ​ന്ദ്രെ​യേ സ്നേ​ഹി​ക്കു​ന്നു​ണ്ട്​.'' അ​തു പ​റ​യു​മ്പോ​ൾ മ​രി​യ​യു​ടെ തൊ​ണ്ട​യി​ട​റി. ​ടെ​ലി​വി​ഷ​ൻ സ്ക്രീ​നി​ൽ ആ​ന്ദ്രെ എ​ണീ​റ്റ്‌ സെ​ൻറ​ർ ലൈ​നി​ന​ടു​ത്തേ​ക്കു ന​ട​ന്നുപോ​യ​പ്പോ​ൾ മ​രി​യ​യു​ടെ മു​ഖ​ത്ത് ഭീ​തി​യു​ടെ നി​ഴ​ലു​ക​ൾ വീ​ണു.​ അ​തി​​െൻറ പ്ര​ത്യാ​ഘാ​ത​ങ്ങ​ൾ അ​പ്ര​വ​ച​നീ​യ​മാ​ണെ​ന്ന്​ മ​രി​യ​ക്ക്‌ ന​ന്നാ​യി​ട്ട​റി​യാ​മാ​യി​രു​ന്നു.​ കാ​ര​ണം, ആ​ന്ദ്രെ തി​രി​ച്ചുവ​രേ​ണ്ട​ത് കൊ​ളം​ബി​യ​യി​ലെ മ​യ​ക്കു​മ​രു​ന്നു മാ​ഫി​യ​ക​ൾ വാ​ഴു​ന്ന മെ​ഡ​ലി​നി​ലേ​ക്കാ​ണ്.

നാ​ട്ടി​ൽ തി​രി​ച്ചെ​ത്തി​യ ആ​ന്ദ്രെ മാ​ന​സി​ക​മാ​യി ത​ക​ർന്നി​രു​ന്നു.​ സു​ഹൃ​ത്തു​ക്ക​ളും ബ​ന്ധു​ക്ക​ളും അ​യാ​ളെ പ​ഴ​യ അ​വ​സ്ഥ​യി​ലേ​ക്ക് തി​രി​ച്ചുകൊ​ണ്ടു​വ​രാ​ൻ നി​ര​ന്ത​രം ശ്ര​മി​ച്ചു​കൊ​ണ്ടി​രു​ന്നു.​ ഏ​താ​നും ദി​വ​സ​ങ്ങ​ൾക്കുശേ​ഷം സു​ഹൃ​ത്തു​ക്ക​ളോ​ടൊ​പ്പം പു​റ​ത്തുപോ​കാ​ൻ ആ​ന്ദ്രെ തീ​രു​മാ​നി​ച്ചു. ​കൊ​ളം​ബി​യ​ൻ ജ​ന​ങ്ങ​ളി​ൽനി​ന്ന്​ ഒ​ളി​ച്ചോടാൻ അ​യാ​ൾ തയാ​റാ​യി​രു​ന്നി​ല്ല.​ അ​വ​ർക്കു ത​ന്നെ മ​ന​സ്സി​ലാ​ക്കാൻ ക​ഴി​യു​മെ​ന്ന് അ​യാ​ൾ ക​രു​തി​യി​രു​ന്നു.​ ഹെ​രേ​ര​യും മാ​തു​റാ​ന​യും അ​യാ​ളെ വി​ല​ക്കി.​ മെ​ഡ​ലി​ൻ ശാ​ന്ത​മാ​യി​ട്ടു പു​റ​ത്തി​റ​ങ്ങി​യാ​ൽ മ​തി​യെ​ന്ന് അ​വ​ർ താ​ക്കീ​തു ചെ​യ്തു.​ പു​റ​ത്തു പോ​കു​മെ​ന്ന് അ​റി​ഞ്ഞി​രു​ന്നെ​ങ്കി​ൽ ആ​ന്ദ്രെ​യേ താ​ൻ വീ​ട്ടി​ൽനി​ന്ന്​ വി​ടു​മാ​യി​രു​ന്നി​ല്ല എ​ന്നു പ്ര​ണ​യി​നി പി​ന്നീ​ടു പ​റ​യു​ക​യു​ണ്ടാ​യി.​ പ​ബ്ബി​ൽ വെ​ച്ച് കു​റ​ച്ചു​പേ​ർ സെ​ൽഫ് ഗോ​ളി​​െൻറ പേ​രി​ൽ ആ​ന്ദ്രെ​യേ അ​ധി​ക്ഷേ​പി​ച്ചു.​ അ​തി​നു മ​റു​പ​ടി പ​റ​യാ​തെ അ​യാൾ ഒ​ഴി​ഞ്ഞു​മാ​റി. ​അ​വ​ർ പ​ക്ഷേ, അ​യാ​ളെ പി​ന്തു​ട​ർന്നുകൊ​ണ്ട് വീ​ണ്ടും വീ​ണ്ടും അ​യാ​ളെ അ​വ​ഹേ​ളി​ച്ചു.​ സ​ഹി​കെ​ട്ട ഒ​രു നി​മി​ഷ​ത്തി​ൽ ആ​ന്ദ്രെ അ​വ​രോ​ട് പ​റ​ഞ്ഞു: ''അ​തൊ​രു സ​ത്യ​സ​ന്ധ​മാ​യ പി​ഴ​വാ​യി​രു​ന്നു.'' ആറ്​ ബു​ള്ള​റ്റു​ക​ൾ അ​യാ​ളു​ടെ മാം​സ​ത്തി​ൽ തു​ള​ഞ്ഞുക​യ​റി​പ്പോ​യി.​ ഓ​രോ ത​വ​ണ​യും വെ​ടി​യു​തി​ർക്കു​മ്പോ​ൾ അ​വ​ർ സൗ​ത്ത് അ​മേ​രി​ക്ക​ൻ ക​മ​േൻറ​റ്റ​ർമാ​ർ ഗോ​ളു​ക​ൾ ആ​ഘോ​ഷി​ക്കു​ന്ന​ത് പോ​ലെ 'gooooaal' എ​ന്നു​റ​ക്കെ വി​ളി​ച്ചു കൊ​ണ്ടി​രു​ന്നു.​ മു​പ്പ​തു മി​നിറ്റു​ക​ൾക്കു​ള്ളി​ൽ ആ​ന്ദ്രെ എ​സ്കൊ​ബാ​ർ ലോ​ക​ത്തോ​ടു വി​ട പ​റ​ഞ്ഞു.​ ഒ​രു​ല​ക്ഷ​ത്തോ​ളം പേ​ർ ആ​ന്ദ്രെ​യു​ടെ വി​ലാ​പ​യാ​ത്ര​യി​ൽ പ​ങ്കു​കൊ​ണ്ടു. ​അത്​ലറ്റി​കോ നാ​സി​യോ​ണ​ലി​​െൻറ പ​താ​ക പു​ത​പ്പി​ച്ച ശ​വ​മ​ഞ്ച​ത്തി​നു ചു​റ്റും നി​ന്നു​കൊ​ണ്ട​വ​ർ ഹം​സ​ഗാ​ന​ങ്ങൾ ആ​ല​പി​ച്ചു.

1994 ലോ​ക​ക​പ്പ് കൊ​ളം​ബി​യ​ൻ സു​വ​ർണ ത​ല​മു​റ​യു​ടെ അ​ന്ത്യ​ത്തി​നു തു​ട​ക്കംകു​റി​ച്ച​യി​ട​മാ​ണ്.​ ബ​രാ​ബ​സ് ഗോ​മ​സി​നെ​പോ​ലു​ള്ള നി​ര​വ​ധി പേ​ർ പ്രാ​ണ​ഭ​യ​ത്താ​ൽ കൊ​ളം​ബി​യ​ൻ ടീം ​വി​ട്ടു.​ കൊ​ളം​ബി​യ​ൻ ലീ​ഗി​ലേ​ക്കു​ള്ള പ​ണ​ത്തി​​െൻറ ഒ​ഴു​ക്ക് ക്ര​മേ​ണ ഇ​ല്ലാ​താ​യി. ​നാ​ർകോ യു​ഗ​ത്തി​ൽ പു​ഷ്പി​ച്ച കൊ​ളം​ബി​യ​ൻ ഫു​ട്ബാ​ൾ വീ​ണ്ടും ക്ഷ​യി​ച്ചു.​ ഫി​ഫ റാ​ങ്കിങ്ങിൽ നാ​ലാം സ്ഥാ​ന​ത്തുനി​ന്ന്​ അ​വ​ർ മു​പ്പ​ത്തി​നാ​ലാം സ്ഥാ​ന​ത്തേ​ക്ക് പ​തി​ച്ചു. ''​ജീ​വി​തം ഇ​വി​ടെ അ​വ​സാ​നി​ക്കു​ന്നി​ല്ല.​ ന​മു​ക്ക് മു​ന്നോ​ട്ടു പോ​യേ തീ​രൂ.​ ഇ​തി​വി​ടെ അ​വ​സാ​നി​ക്കാ​ൻ പാ​ടി​ല്ല.​ എ​ത്ര​ത​ന്നെ ബു​ദ്ധി​മു​ട്ടി​യാ​ണെ​ങ്കി​ലും നാം ​എ​ഴു​ന്നേ​റ്റു നി​ൽക്കു​ക.​ ന​മു​ക്ക് മു​ന്നിൽ ര​ണ്ടു വ​ഴി​ക​ളാ​ണുള്ള​ത്.​ ഒ​ന്നു​കി​ൽ കോ​പം ന​മ്മ​ളെ ത​ള​ർത്തു​ക​യും അ​ക്ര​മം തു​ട​രു​ക​യും ചെ​യ്യു​ക.​ അ​ല്ലെ​ങ്കി​ൽ നാം ​കോ​പ​ത്തെ കീ​ഴ്പ്പെ​ടു​ത്തു​ക​യും മ​റ്റു​ള്ള​വ​രെ സ​ഹാ​യി​ക്കാ​നാ​യി ശ്ര​മി​ക്കു​ക​യും ചെ​യ്യു​ക.​ തി​ര​ഞ്ഞെ​ടു​പ്പ് ന​മ്മു​ടേ​താ​ണ്‌.​ ന​മു​ക്ക് പ​ര​സ്പ​രം ബ​ഹു​മാ​നി​ക്കാം.​ എ​ല്ലാ​വ​ർക്കും എ​​െൻറ ആ​ശം​സ​ക​ൾ.​ ഇ​ത്​ അ​മ്പരപ്പി​ക്കു​ന്ന​തും ദു​ർല​ഭ​വു​മാ​യ അ​നു​ഭ​വ​മാ​ണ്. ​ന​മു​ക്ക് വീ​ണ്ടും ക​ണ്ടു​മു​ട്ടാം.​ കാ​ര​ണം, ജീ​വി​തം ഇ​വി​ടെ അ​വ​സാ​നി​ക്കു​ന്നി​ല്ല.'' ലോ​ക​ക​പ്പി​ലെ പു​റ​ത്താ​ക​ലി​ന് ശേ​ഷം കൊ​ളം​ബി​യ​ൻ പ​ത്ര​മാ​യ എ​ൽ ടി​യം​പെ​യി​ൽ ആ​ന്ദ്രെ എ​സ്​കൊ​ബാ​ർ എ​ഴു​തി.​ അ​റം​പ​റ്റി​യ വാ​ക്കു​ക​ളാ​യി​രു​ന്നു അ​ത്​.​ അ​തെ​ഴു​തു​മ്പോ​ൾ ജീ​വി​തം ഉ​ട​നെ അ​വ​സാ​നി​ക്കാൻ പോ​വു​ക​യാ​ണെ​ന്നു ആ​ന്ദ്രെ ക​രു​തി​യി​രി​ക്കി​ല്ല.​ അ​ടു​ത്ത സീ​സ​ണി​ൽ മി​ലാ​നു വേ​ണ്ടി ക​ളി​ക്കാ​ൻ അ​യാ​ൾ ത​യാ​റെ​ടു​ക്കു​ക​യാ​യി​രു​ന്നു.​ പാ​ബ്ലോ എ​സ്​കൊ​ബാ​ർ ഇ​ന്നും മെ​ഡ​ലി​നി​ലെ പ​ല​യി​ട​ങ്ങ​ളി​ലും ഏ​റെ ആ​രാ​ധി​ക്ക​പ്പെ​ടു​ന്ന വി​ശു​ദ്ധ​നാ​യ ഒ​രു വ്യ​ക്തി​യാ​യി തു​ട​രു​ന്നു​ണ്ട്.​ അ​യാ​ൾ കൊ​ളം​ബി​യ​ൻ ഫു​ട്ബാ​ളി​നു ന​ൽകി​യ സം​ഭാ​വ​ന​ക​ൾ വി​സ്മ​രി​ക്ക​രു​താ​ത്ത​താ​ണ്.​ ആ​ന്ദ്രെ മ​ര​ണ​ത്തി​നു മു​ന്നിൽ അ​ക​പ്പെ​ടു​മ്പോ​ള്‍ പാ​ബ്ലോ ജീ​വ​നോ​ടെ​യു​ണ്ടാ​യി​രു​ന്നി​ല്ല.​ പ​ക്ഷേ, ആ​ന്ദ്രെ​യു​ടെ മാം​സ​ത്തി​ൽ ബു​ള്ള​റ്റു​ക​ള്‍ തു​ള​ച്ചുക​യ​റു​മ്പോ​ൾ തെ​റി​ച്ച ര​ക്ത​ത്തി​െൻറ ക​റ​ക​ൾ പാ​ബ്ലോ​യു​ടെ കൈ​ക​ളി​ലും പു​ര​ണ്ടി​ട്ടു​ണ്ട്.​ പാ​ബ്ലോ വെ​ള്ള​വും വ​ള​വും ന​ൽകി പ​രി​പോ​ഷി​പ്പി​ച്ചെടു​ത്ത ഒ​രു വ്യ​വ​സ്ഥി​തി​യു​ടെ ഇ​ര​യാ​ണ് ആ​ന്ദ്രെ​യും.​ഒ​ര​ർഥ​ത്തി​ൽ പാ​ബ്ലോ ആ ​ഇ​രു​പ​ത്തി​യെ​ഴു​കാ​ര​​െൻറ മ​ര​ണ​ത്തി​നു ഹേ​തു​വാ​യി മാ​റു​ക​യാ​യി​രു​ന്നു.

മാധ്യമം ആഴ്ചപ്പതിപ്പ് ലക്കം 1058 പ്രസിദ്ധീകരിച്ചത്