ഗസ്സയിൽ 1.26 ദശലക്ഷം ഡോസ് പോളിയോ വാക്സിൻ എത്തി; വിതരണം ഞായറാഴ്ച ആരംഭിക്കും

ഗ​സ്സ: ലോ​കാ​രോ​ഗ്യ സം​ഘ​ട​ന​യു​ടെ നേ​തൃ​ത്വ​ത്തി​ൽ ഗ​സ്സ​യി​ൽ പോ​ളി​യോ തു​ള്ളി​മ​രു​ന്ന് വി​ത​ര​ണം ഞാ​യ​റാ​ഴ്ച ആ​രം​ഭി​ക്കും. 2000ത്തോ​ളം ആ​രോ​ഗ്യ പ്ര​വ​ർ​ത്ത​ക​രു​ടെ നേ​തൃ​ത്വ​ത്തി​ലാ​ണ് ​വാ​ക്സി​നേ​ഷ​ൻ ന​ട​പ്പാ​ക്കു​ക. 10 വ​യ​സ്സി​ന് താ​ഴെ​യു​ള്ള 6.40 ല​ക്ഷം കു​ട്ടി​ക​ൾ​ക്കാ​ണ് തു​ള്ളി​മ​രു​ന്ന് ന​ൽ​കു​ക.

ഇ​തി​നാ​യി 1.26 ദ​ശ​ല​ക്ഷം ഡോ​സ് വാ​ക്സി​ൻ ഗ​സ്സ​യി​ൽ എ​ത്തി​ച്ചി​ട്ടു​ണ്ട്. നാ​ല് ല​ക്ഷം ഡോ​സ് വാ​ക്സി​ൻ​കൂ​ടി ഉ​ട​ൻ എ​ത്തും. 90 ശ​ത​മാ​നം കു​ട്ടി​ക​ൾ​ക്കും വാ​ക്സി​ൻ ന​ൽ​കാ​നാ​ണ് ലോ​കാ​രോ​ഗ്യ സം​ഘ​ട​ന ല​ക്ഷ്യ​മി​ടു​ന്ന​ത്. ര​ണ്ട് ഡോ​സ് തു​ള്ളി മ​രു​ന്നാ​ണ് ഓ​രോ കു​ട്ടി​ക്കും ന​ൽ​കു​ക. നാ​ല് ആ​ഴ്ച​ക്ക് ശേ​ഷം വീ​ണ്ടും വാ​ക്സി​ൻ ന​ൽ​ക​ണ​മെ​ന്നും ഗ​സ്സ​യി​ലെ യു.​എ​ൻ വ​ക്താ​വ് ലൂ​യി​സ് വാ​ട്ട​റി​ഡ്ജ് പ​റ​ഞ്ഞു.

25 വ​ർ​ഷ​ത്തി​നു ശേ​ഷം ആ​ദ്യ​മാ​യി ഗ​സ്സ​യി​ൽ വീ​ണ്ടും പോ​ളി​യോ രോ​ഗം സ്ഥി​രീ​ക​രി​ച്ച​തോ​ടെ​യാ​ണ് അ​ടി​യ​ന്ത​ര​മാ​യി വാ​ക്സി​നേ​ഷ​ൻ ന​ട​പ്പാ​ക്കാ​ൻ ​ഐ​ക്യ​രാ​ഷ്ട്ര സ​ഭ തീ​രു​മാ​നി​ച്ച​ത്. പോ​ളി​യോ ബാ​ധി​ച്ച 10 മാ​സം പ്രാ​യ​മാ​യ അ​ബ്ദു​ർ​റ​ഹ്മാ​ൻ അ​ബു അ​ൽ​ജി​ദ്‍യാ​ന്റെ ശ​രീ​രം ത​ള​ർ​ന്ന​നി​ല​യി​ലാ​ണ്.

ഗ​സ്സ​യി​ൽ ഏ​റ്റു​മു​ട്ട​ൽ തു​ട​ങ്ങു​ന്ന​തി​ന് മാ​സ​ങ്ങ​ൾ​ക്കു മു​മ്പ് ജ​നി​ച്ച ഈ ​കു​ട്ടി​ക്ക് വാ​ക്സി​ൻ ന​ൽ​കി​യി​രു​ന്നി​ല്ല. വാക്സിനേഷന് മൂ​ന്നു​ദി​വ​സം താ​ൽ​ക്കാ​ലി​ക​മാ​യി ആ​ക്ര​മ​ണം നി​ർ​ത്താ​മെ​ന്ന് ഇ​സ്രാ​യേ​ൽ സ​മ്മ​തി​ച്ചി​ട്ടു​ണ്ട്. ഇ​സ്രാ​യേ​ലി​ന്റെ തു​ട​ർ​ച്ച​യാ​യ ആ​ക്ര​മ​ണം​മൂ​ല​മാ​ണ് ഗ​സ്സ​യി​ൽ വാ​ക്സി​നേ​ഷ​ൻ മു​ട​ങ്ങി​യ​ത്. 10 മാ​സ​മാ​യി തു​ട​രു​ന്ന ആ​ക്ര​മ​ണ​ത്തി​ൽ ഗ​സ്സ​യി​ലെ മാ​ലി​ന്യ സം​സ്ക​ര​ണ സം​വി​ധാ​ന​ങ്ങ​ൾ പൂ​ർ​ണ​മാ​യി ന​ശി​ച്ച​തോ​ടെ​യാ​ണ് വീ​ണ്ടും പോ​ളി​യോ വൈ​റ​സ് ക​ണ്ടെ​ത്തി​യ​ത്.