റഷ്യയിൽ വിമാനം തകർന്ന്​ 16 മരണം

മോസ്​കോ: റഷ്യയിൽ പാരച്യൂട്ട്​ അഭ്യാസികളുമായി പറന്ന ചെറുവിമാനം തകർന്ന്​ 16 പേർ മരിച്ചു. ടട്ടർസ്​റ്റാനിലെ മെൻസെലിൻസ്​ക്​ നഗരത്തിന​ു​ സമീപമാണ്​ വിമാനം തകർന്നു വീണത്​. ഹ്രസ്വദൂര യാത്രകൾക്ക്​ ഉപയോഗിക്കുന്ന ഇരട്ട എൻജിൻ വിമാനമാണിത്​. എൽ- 410 വിമാനമാണ്​ പ്രാദേശിക സമയം രാവിലെ 9.23ന്​ തകർന്നത്​.

രണ്ട്​ ക്രൂ അംഗങ്ങളുൾപ്പെടെ 22 പേരാണ്​ വിമാനത്തിലുണ്ടായിരുന്നത്​. തകർന്ന വിമാനത്തി​െൻറ അവശിഷ്​ടങ്ങൾക്കിടയിൽനിന്ന്​ ആറുപേരെ രക്ഷപ്പെടുത്തി. 16 പേർ സംഭവസ്​ഥലത്തുവെച്ചുതന്നെ മരിച്ചു. അപകടത്തിൽപെട്ട വിമാനം രണ്ടായി പിളർന്നു. ചികിത്സയിൽ കഴിയുന്ന ഏഴുപേരിൽ ഒരാളുടെ നില ഗുരുതരമാണ്​. റഷ്യയിൽ ഈ വർഷം രണ്ട്​ എൽ 410 വിമാനങ്ങൾ അപകടത്തിൽപെട്ടിരുന്നു.