പൈലറ്റിൽ നിന്ന്​ വിമാനത്തിന്‍റെ നിയന്ത്രണം ഏറ്റെടുത്ത്​ 18കാരൻ; ഒടുവിൽ സുരക്ഷിത ലാൻഡിങ്​

അലാസ്​ക: പൈലറ്റിൽ നിന്ന്​ വിമാനത്തിന്‍റെ നിയ​ന്ത്രണം ഏറ്റെടുത്ത്​ 18കാരൻ. അലാസ്​കയിലാണ്​ സംഭവം. ബേത്തലിൽ നിന്ന്​ അനെകിലേക്കുള്ള വിമാനത്തിന്‍റെ നിയന്ത്രണമാണ്​ പൈലറ്റിൽ നിന്ന്​ 18കാരൻ ബലമായി ഏറ്റെടുത്തത്​.

ആറ്​ പേർക്ക്​ സഞ്ചരിക്കാവുന്ന ചെറുവിമാനമാണ്​ കൗമാരക്കാരൻ പറത്തിയത്​. പിന്നീട്​ യാത്രക്കാർ ഇയാളെ പൈലറ്റിന്‍റെ സീറ്റിൽ നിന്നും തള്ളിമാറ്റി. തുടർന്ന്​ പൈലറ്റ്​ തന്നെ വിമാനത്തിന്‍റെ നിയന്ത്രണം ഏറ്റെടുക്കുകയും സുരക്ഷിതമായി ലാൻഡ്​ ചെയ്യിക്കുകയും ചെയ്​തു.

അതേസമയം, സംഭവത്തിൽ അടിയന്തരമായി പ്രതികരിക്കാൻ അധികൃതർ തയാറായിട്ടില്ല. വിമാനം പറത്തിയ 18കാ​രനെതിരെ കേസെടുത്തിട്ടുണ്ടെന്ന്​ മാത്രം അധികൃതർ വ്യക്​തമാക്കി.