ഇസ്രായേലിന് നേരെ ലെബനാനിൽ നിന്ന് റോക്കറ്റാക്രമണം; ആറ് റോക്കറ്റുകൾ എത്തിയെന്ന് പ്രതിരോധസേന

വാഷിങ്ടൺ: ഇസ്രായേലിനെ ലക്ഷ്യമിട്ട് ലബനാനിൽ നിന്നും റോക്കറ്റാക്രമണം. ആറ് റോക്കറ്റുകൾ എത്തിയെന്ന് ഇസ്രായേൽ പ്രതിരോധസേന അറിയിച്ചു. സെൻട്രൽ ഇസ്രായേലിനെ ലക്ഷ്യമിട്ടായിരുന്നു ആക്രമണം. ഇതിൽ അഞ്ചെണ്ണം പ്രതിരോധിച്ചുവെന്നും ഒരെണ്ണം മൈതാനത്ത് പതിച്ചുവെന്നും പ്രതിരോധസേന അറിയിച്ചു.

അതേസമയം, ആക്രമണത്തിൽ ആർക്കെങ്കിലും പരിക്കേറ്റതായി വിവരമില്ല. റോക്കറ്റ് ആക്രമണത്തിൽ വടക്കൻ തെൽ അവീവിലെ നെതന്യ, ഹെർസിലിയ എന്നിവിടങ്ങളിൽ സൈറൺ മുഴങ്ങുകയും ചെയ്തു. നിരവധി ഡ്രോണുകളും ഇസ്രായേലിനെ ലക്ഷ്യമിട്ട് തൊടുത്തുവെന്നും റിപ്പോർട്ടുകളുണ്ട്.

ഗലീലി മേഖലയെ ലക്ഷ്യമിട്ടായിരുന്നു ഡ്രോണാക്രമണം. കൂടുതൽ ആക്രമണങ്ങൾ ഇസ്രായേലിന് നേരെ ഉണ്ടായിട്ടുണ്ടെന്നും റിപ്പോർട്ടുകളുണ്ട്.

വെ​ടി​നി​ർ​ത്ത​ൽ ച​ർ​ച്ച​ക​ൾ​ക്ക് ശ്ര​മം ന​ട​ക്കു​ന്ന​തി​നി​ടെ, ഹി​സ്ബു​ല്ല​യെ ല​ക്ഷ്യ​മി​ട്ട് ല​ബ​നാ​നി​ൽ ഇസ്രായേൽ ആക്രമണം ശക്തമാക്കിയിരുന്നു. ശ​നി​യാ​ഴ്ച ഇസ്രായേൽ വ്യോമാക്ര​മ​ണ​ത്തി​ൽ എ​ട്ടു​നി​ല കെ​ട്ടി​ടം പൂ​ർ​ണ​മാ​യും ത​ക​ർ​ന്നു. 11 ​പേ​ർ കൊ​ല്ല​പ്പെ​ടു​ക​യും 33 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്ത​താ​യി ആ​രോ​ഗ്യ വ​കു​പ്പ് ഉ​ദ്യോ​ഗ​സ്ഥ​രെ ഉ​ദ്ധ​രി​ച്ച് ഹി​സ്ബു​ല്ല​യു​ടെ അ​ൽ മ​നാ​ർ ചാ​ന​ൽ റി​​​പ്പോ​ർ​ട്ട് ചെ​യ്തു.

പു​ല​ർ​ച്ച നാ​ലി​ന് അ​ഞ്ച് മി​സൈ​ലു​ക​ൾ ഉ​പ​യോ​ഗി​ച്ച് ത​ല​സ്ഥാ​ന​മാ​യ ബൈ​റൂ​ത്തി​ലെ ബാ​സ്ത​യി​ലു​ള്ള അ​ൽ മാ​മൂ​ൻ തെ​രു​വി​ലാ​യി​രു​ന്നു ആ​ക്ര​മ​ണം. കെ​ട്ടി​ടം നി​ല​നി​ന്ന ഭാ​ഗ​ത്ത് ആ​ക്ര​മ​ണ​ത്തെ തു​ട​ർ​ന്ന് വ​ൻ ഗ​ർ​ത്തം രൂ​പ​പ്പെ​ട്ടു. തൊ​ട്ട​ടു​ത്ത കെ​ട്ടി​ട​ങ്ങ​ൾ​ക്ക് കാ​ര്യ​മാ​യ നാ​ശ​ന​ഷ്ട​മു​ണ്ടാ​യ​തി​ന്റെ ദൃ​ശ്യ​ങ്ങ​ൾ അ​ൽ ജ​ദീ​ദ് ചാ​ന​ൽ പു​റ​ത്തു​വി​ട്ടു. മു​ന്ന​റി​യി​പ്പി​ല്ലാ​തെ​യാ​യി​രു​ന്നു മി​സൈ​ൽ പ്ര​യോ​ഗം. മൂ​ന്ന് ക​ന​ത്ത സ്ഫോ​ട​ന​ങ്ങ​ളു​ടെ ശ​ബ്ദം കേ​ട്ട​താ​യി എ.​എ​ഫ്.​പി വാ​ർ​ത്ത ഏ​ജ​ൻ​സി റി​പ്പോ​ർ​ട്ട് ചെ​യ്തു.