ഗ​സ്സ​യി​ൽ 24 മ​ണി​ക്കൂ​റി​നി​ടെ 60 ഫ​ല​സ്തീനി​ക​ൾ കൊ​ല്ല​പ്പെ​ട്ടു

ഗ​സ്സ: ഗ​സ്സ​യി​ൽ ഇ​സ്രാ​യേ​ൽ ആ​ക്ര​മ​ണ​ത്തി​ൽ 24 മ​ണി​ക്കൂ​റി​നി​ടെ 60 ഫ​ല​സ്തീ​നി​ക​ൾ കൊ​ല്ല​പ്പെ​ട്ടു. 162 പേ​ർ​ക്ക് പ​രി​ക്കേ​റ്റു. വെ​ടി​നി​ർ​ത്ത​ൽ ക​രാ​ർ ലം​ഘി​ച്ച് മാ​ർ​ച്ച് 18ന് ​ഇ​സ്രാ​യേ​ൽ ആ​ക്ര​മ​ണം പു​ന​രാ​രം​ഭി​ച്ച​തി​ന് ശേ​ഷം 1309 ഫ​ല​സ്തീ​നി​ക​ൾ കൊ​ല്ല​പ്പെ​ട്ടു. 3022 പേ​ർ​ക്ക് പ​രി​ക്കേ​റ്റു. ഗ​സ്സ യു​ദ്ധം ആ​രം​ഭി​ച്ച​ശേ​ഷം 50,669 ഫ​ല​സ്തീ​നി​ക​ളാ​ണ് കൊ​ല്ല​പ്പെ​ട്ട​ത്.

1,15,225 പേ​ർ​ക്ക് പ​രി​ക്കേ​റ്റു. ഖാ​ൻ യൂ​നി​സി​ലെ സ​ന്ന​ദ്ധ സം​ഘ​ട​ന​യു​ടെ പൊ​തു അ​ടു​ക്ക​ള​യി​ൽ ഇ​സ്രാ​യേ​ൽ ഡ്രോ​ൺ ആ​ക്ര​മ​ണം ന​ട​ത്തി. യു.​എ​ൻ സ​ന്ന​ദ്ധ പ്ര​വ​ർ​ത്ത​ക​ർ​ക്കും റെ​ഡ്ക്രോ​സ്, റെ​ഡ് ക്രെ​സ​ന്റ് വ​ള​ണ്ടി​യ​ർ​മാ​ർ​ക്കും നേ​രെ ഇ​സ്രാ​യേ​ൽ ആ​ക്ര​മ​ണം തു​ട​രു​ന്ന​തി​ൽ ശ​ക്ത​മാ​യ പ്ര​തി​ഷേ​ധം ഉ​യ​രു​ന്നു. ആ​രോ​ഗ്യ​പ്ര​വ​ർ​ത്ത​ക​രെ കൊ​ല്ലു​ന്ന​ത് ഇ​​​സ്രാ​യേ​ൽ സാ​ധാ​ര​ണ സം​ഭ​വ​മാ​ക്കി​യി​രി​ക്കു​ക​യാ​ണെ​ന്നും ഇ​ത് ദാ​രു​ണ​വും അം​ഗീ​ക​രി​ക്കാ​നാ​വാ​ത്ത തെ​റ്റു​മാ​ണെ​ന്നും ഇ​ന്റ​ർ​നാ​ഷ​ന​ൽ ഫെ​ഡ​റേ​ഷ​ൻ ഓ​ഫ് റെ​ഡ് ക്രോ​സ് ആ​ൻ​ഡ് റെ​ഡ് ക്ര​സ​ന്റ് സൊ​സൈ​റ്റീ​സ് സെ​ക്ര​ട്ട​റി ജ​ന​റ​ൽ ജ​ഗ​ൻ ച​പ​ഗൈ​ൻ പ​റ​ഞ്ഞു. വെ​സ്റ്റ് ബാ​ങ്കി​ൽ അ​ഞ്ച് ഫ​ല​സ്തീ​നി​ക​ളെ ഇ​സ്രാ​യേ​ൽ സൈ​ന്യം അ​റ​സ്റ്റ് ചെ​യ്തു. തു​ട​ർ​ച്ച​യാ​യ 75ാം ദി​വ​സം വെ​സ്റ്റ് ബാ​ങ്കി​ലെ തു​ൽ​ക​റം, ജെ​നി​ൻ അ​ഭ​യാ​ർ​ഥി ക്യാ​മ്പു​ക​ളി​ൽ ഇ​സ്രാ​​യേ​ൽ അ​തി​ക്ര​മം ന​ട​ത്തി.

ഏ​പ്രി​ൽ അ​ഞ്ചി​ന് ഫ​ല​സ്തീ​ൻ കു​ട്ടി​ക​ളു​ടെ ദി​നം ആ​ച​രി​ക്കു​ന്ന​തി​നി​ട​യി​ലും ഇ​സ്രാ​യേ​ൽ സൈ​ന്യം കു​ട്ടി​ക​ൾ​ക്കു​നേ​രെ ഉ​ൾ​പ്പെ​ടെ ആ​ക്ര​മ​ണം ന​ട​ത്തി. ‘ഗ​സ്സ യു​ദ്ധ​ത്തി​ൽ 19000 കു​ട്ടി​ക​ളാ​ണ് കൊ​ല്ല​പ്പെ​ട്ട​ത്. 39000ത്തി​ലേ​റെ കു​ട്ടി​ക​ൾ അ​നാ​ഥ​രാ​യി. അ​ന്താ​രാ​ഷ്ട്ര സ​മൂ​ഹ​ത്തി​ന്റെ നി​സ്സം​ഗ​ത മു​ത​ലെ​ടു​ത്ത് ഇ​സ്രാ​യേ​ൽ സൈ​ന്യം കു​ട്ടി​ക​ളെ കൊ​ല്ലു​ക​യാ​ണ്. ഫ​ല​സ്തീ​ൻ കു​ട്ടി​ക​ളെ സം​ര​ക്ഷി​ക്കാ​നും അ​വ​ർ​ക്കെ​തി​രാ​യ കു​റ്റ​കൃ​ത്യ​ങ്ങ​ൾ തു​റ​ന്നു​കാ​ട്ടാ​നും മ​നു​ഷ്യാ​വ​കാ​ശ സം​ഘ​ട​ന​ക​ൾ മു​ന്നോ​ട്ടു​വ​ര​ണം’ ദി​നാ​ച​ര​ണ​ത്തോ​ട​നു​ബ​ന്ധി​ച്ച് ഹ​മാ​സ് പ്ര​സ്താ​വ​ന​യി​ൽ പ​റ​ഞ്ഞു. അ​ന്ത​രി​ച്ച ഫ​ല​സ്തീ​ൻ നേ​താ​വ് യാ​സ​ർ അ​റ​ഫാ​ത് മു​ൻ​കൈ​യെ​ടു​ത്താ​ണ് ഏ​പ്രി​ൽ അ​ഞ്ച് ഫ​ല​സ്തീ​ൻ കു​ട്ടി​ക​ളു​ടെ ദി​നാ​ച​ര​ണം ആ​രം​ഭി​ച്ച​ത്.