വെടിനിർത്തലിന് പിന്നാലെ ആശ്വാസമായി 630 സഹായ ട്രക്കുകൾ ഗസ്സയിലേക്ക്

വാഷിങ്ടൺ: ഇസ്രായേൽ-ഹമാസ് വെടിനിർത്തൽ കരാർ നിലവിൽ വന്ന ആദ്യ ദിനം 630 സഹായ ട്രക്കുകൾ ഗസ്സയിൽ പ്രവേശിച്ചതായി യു.എൻ സെക്രട്ടറി ജനറൽ അന്റോണിയോ ഗുട്ടെറസ്. വെടിനിർത്തൽ കരാറിന്റെ ആദ്യ ദിവസമാണ് ട്രക്കുകൾ ഗസ്സ മുനമ്പിലേക്ക് പ്രവേശിച്ചത്. സംഘർഷത്തിന്റെ കടുത്ത ആഘാതം അനുഭവിക്കുന്ന വടക്കൻ ഗസ്സയിലേക്ക് അവയിൽ 300 ട്രക്കുകളെങ്കിലും എത്തുമെന്ന് അദ്ദേഹം സുരക്ഷാ സമിതിയെ അറിയിച്ചു.

ഗസ്സയിൽ ഉപരോധം ഏർപ്പെടുത്തിയ ഇസ്രായേൽ, വെടിനിർത്തൽ കരാറിന്റെ അടിസ്ഥാനത്തിൽ ട്രക്കുകളുടെ പ്രവേശനം അനുവദിച്ചിട്ടുണ്ട്. ഇസ്രായേൽ വെടിനിർത്തലിന് ശേഷം ഗസ്സയിലെ റഫയിലെ തങ്ങളുടെ തകർന്ന വീടുകളിലേക്ക് മടങ്ങുകയാണ് ഫലസ്തീൻ ജനത.

മൂ​ന്ന് ഘ​ട്ട​ങ്ങ​ളി​ലാ​യാ​ണ് വെ​ടി​നി​ർ​ത്ത​ൽ കരാർ. ആ​ദ്യ ഘ​ട്ട​ത്തി​ൽ സ്ത്രീ​ക​ൾ, കു​ട്ടി​ക​ൾ, വൃ​ദ്ധ​ർ എ​ന്നി​ങ്ങ​നെ 33 ബ​ന്ദി​ക​ളെ​യാ​കും വി​ട്ട​യ​ക്കു​ക. പ​രി​ക്കേ​റ്റ​വ​ർ, രോ​ഗി​ക​ൾ എ​ന്നി​വ​രെ​യും മോ​ചി​പ്പി​ക്കും. ഏഴാം നാൾ നാലു പേരും 14ാം ദിനത്തിൽ മൂന്നുപേരും പുറ​ത്തെത്തും.

28, 35 ദിവസങ്ങളിൽ മൂന്നു പേർ വീതം മോചിതരാകും. കരാർ പ്രകാരം അവശേഷിച്ചവർ അവസാന ആഴ്ചയിലാകും പുറത്തെത്തുക. ഇ​സ്രാ​യേ​ൽ സേ​നാ പി​ന്മാ​റ്റ​വും അ​നു​ബ​ന്ധ​മാ​യി ആ​രം​ഭി​ക്കും. ര​ണ്ട്, മൂ​ന്ന് ഘ​ട്ട​ങ്ങ​ളു​ടെ വി​ശ​ദാം​ശ​ങ്ങ​ൾ വെ​ടി​നി​ർ​ത്ത​ലി​ന്റെ 16ാം നാ​ൾ ആ​രം​ഭി​ക്കും