പാക് സ്കൂളിൽ വെടിവെപ്പ്, ഏഴ് അധ്യാപകർ കൊല്ലപ്പെട്ടു

ഇസ്‌ലാമബാദ്: വടക്ക് പടിഞ്ഞാറൻ പാകിസ്താനിലെ സ്‌കൂളിലുണ്ടായ വെടിവെപ്പിൽ ഏഴ് അധ്യാപകർ കൊല്ലപ്പെട്ടു. അഫ്ഗാനുമായി അതിർത്തി പങ്കിടുന്ന കുർറം ഗോത്ര ജില്ലയിലെ പരചിനാർ മേഖലയിലാണ് സംഭവം.

നേരത്തെ ഇവിടെ മറ്റൊരു അധ്യാപകൻ വെടിയേറ്റ് മരിച്ചിരുന്നു. ഇതിന്‍റെ പ്രതികാരമാണ് പുതിയ സംഭവമെന്നാണ് പൊലീസ് കരുതുന്നത്.

കൂടുതൽ വിവരങ്ങൾ തേടുകയാണെന്നും അന്വേഷണം പുരോഗമിക്കുകയാണെന്നും പൊലീസ് പറഞ്ഞു.