ഗസ്സയി​ലെ സ്കൂളിൽ വ്യോമാക്രമണം; എട്ട് മരണം

ജ​റൂ​സ​ലം: ഉ​ത്ത​ര ഗ​സ്സ​യി​ലെ ജ​ബ​ലി​യ അ​ഭ​യാ​ർ​ഥി ക്യാ​മ്പി​ൽ ഇ​സ്രാ​യേ​ൽ സേ​ന ന​ട​ത്തി​യ വ്യോ​മാ​ക്ര​മ​ണ​ത്തി​ൽ എ​ട്ടു​പേ​ർ കൊ​ല്ല​പ്പെ​ട്ടു. ര​ണ്ട് സ്ത്രീ​ക​ളും ര​ണ്ട് കു​ട്ടി​ക​ളും അ​ട​ക്ക​മാ​ണ് കൊ​ല്ല​പ്പെ​ട്ട​ത്. ക​മ​ൽ അ​ദ്‍വാ​ൻ ആ​ശു​പ​ത്രി​യു​ടെ സ​മീ​പം അ​ൽ അ​ലാ​മി​യി​ലെ ഫ​ല​സ്തീ​നി​ക​ൾ അ​ഭ​യം തേ​ടി​യ സ്കൂ​ളി​ന് നേ​രെ ഞാ​യ​റാ​ഴ്ച പു​ല​ർ​ച്ച​യാ​യി​രു​ന്നു ആ​ക്ര​മ​ണം. സി​വി​ൽ ഡി​ഫ​ൻ​സ് ഉ​ത്ത​ര ഗ​സ്സ ഡ​യ​റ​ക്ട​ർ മു​ഹ​മ്മ​ദ് മോ​ർ​സി​യു​ടെ വീ​ട് ല​ക്ഷ്യ​മി​ട്ടും അ​ധി​നി​വേ​ശ​സേ​ന ആ​ക്ര​മ​ണം ന​ട​ത്തി​യ​താ​യി ഉ​ദ്യോ​ഗ​സ്ഥ​ർ അ​റി​യി​ച്ചു. നി​ര​വ​ധി വീ​ടു​ക​ൾ ത​ക​ർ​ന്നു. മി​സൈ​ലു​ക​ൾ പ​തി​ച്ച് പ​ല​രും കെ​ട്ടി​ട​ങ്ങ​ൾ​ക്ക​ടി​യി​ൽ കു​ടു​ങ്ങി. ആ​ക്ര​മ​ണ​ങ്ങ​ളെ​ക്കു​റി​ച്ച് സൈ​ന്യം പ്ര​തി​ക​രി​ച്ചി​ട്ടി​ല്ല. 11 മാ​സ​മാ​യി ഗ​സ്സ​യി​ൽ തു​ട​രു​ന്ന ഇ​സ്രാ​യേ​ൽ ന​ര​ഹ​ത്യ​യി​ൽ 40,972 പേ​ർ​ക്ക് ജീ​വ​ൻ ന​ഷ്ട​പ്പെ​ട്ടു. 94,761 പേ​ർ​ക്ക് പ​രി​ക്കേ​റ്റ​താ​യും ഫ​ല​സ്തീ​ൻ ആ​രോ​ഗ്യ മ​ന്ത്രാ​ല​യം അ​റി​യി​ച്ചു.

അ​തി​നി​ടെ, ജോ​ർ​ഡ​ൻ-​വെ​സ്റ്റ് ബാ​ങ്ക് അ​തി​ർ​ത്തി​യി​ലു​ണ്ടാ​യ വെ​ടി​വെ​പ്പി​ൽ മൂ​ന്ന് ഇ​സ്രാ​യേ​ലി​ക​ൾ കൊ​ല്ല​പ്പെ​ട്ടു. ജോ​ർ​ഡ​ൻ ഭാ​ഗ​ത്തു​നി​ന്ന് ട്ര​ക്കി​ൽ എ​ത്തി​യ തോ​ക്കു​ധാ​രി അ​ല​ൻ​ബി പാ​ല​ത്തി​ൽ സു​ര​ക്ഷ സേ​ന​​ക്കു​നേ​രെ വെ​ടി​യു​തി​ർ​ക്കു​ക​യാ​യി​രു​ന്നെ​ന്ന് ഇ​സ്രാ​യേ​ൽ സൈ​ന്യം അ​റി​യി​ച്ചു. സ്വ​കാ​ര്യ സു​ര​ക്ഷ ഗാ​ർ​ഡു​ക​ളാ​ണ് കൊ​ല്ല​പ്പെ​ട്ട​ത്. വെ​ടി​വെ​പ്പ് സം​ബ​ന്ധി​ച്ച് ​ജോ​ർ​ഡ​ൻ പ്ര​തി​ക​രി​ച്ചി​ട്ടി​ല്ല. ഇ​സ്രാ​യേ​ലി​ക​ളും ഫ​ല​സ്തീ​നി​ക​ളും അ​ന്താ​രാ​ഷ്ട്ര യാ​ത്ര​ക്കാ​രും ഉ​പ​യോ​ഗി​ക്കു​ന്ന​താ​ണ് ജോ​ർ​ഡ​ൻ ന​ദി​ക്ക് കു​റു​കെ​യു​ള്ള അ​ല​ൻ​ബി പാ​ലം. അ​ധി​നി​വി​ഷ്ട വെ​സ്റ്റ് ബാ​ങ്കി​ലെ ജെ​റി​ക്കോ​യു​മാ​യും ജോ​ർ​ഡ​നി​ലെ അ​ൽ ക​രാ​മെ പ​ട്ട​ണ​വു​മാ​യും ബ​ന്ധി​പ്പി​ക്കു​ന്ന പാ​ല​മാ​ണി​ത്. സം​ഭ​വ​ത്തെ​തു​ട​ർ​ന്ന് ജോ​ർ​ഡ​ൻ അ​തി​ർ​ത്തി ഇ​സ്രാ​യേ​ൽ അ​ട​ച്ചു. ര​ണ്ട് ദി​വ​സ​ത്തി​​നി​ടെ വെ​സ്റ്റ് ബാ​ങ്കി​ൽ 35 ഫ​ല​സ്തീ​നി​ക​ളെ ഇ​സ്രാ​യേ​ൽ സേ​ന അ​റ​സ്റ്റ് ചെ​യ്തു. അ​റ​സ്റ്റ് ചെ​യ്യ​പ്പെ​ട്ട​വ​രി​ൽ ചോ​ദ്യം ചെ​യ്യാ​ൻ വി​ളി​പ്പി​ച്ച ഒ​രു സ്ത്രീ​യും ഉ​ൾ​പ്പെ​​ടും.

അ​തി​നി​ടെ, ​ബ​ന്ദി മോ​ച​നം ആ​വ​ശ്യ​പ്പെ​ട്ട് ത​ല​സ്ഥാ​ന​മാ​യ ​തെ​ൽ അ​വീ​വി​ല​ട​ക്കം ഇ​സ്രാ​യേ​ലി​ന്റെ വി​വി​ധ ഭാ​ഗ​ങ്ങ​ളി​ൽ വ​ൻ പ്ര​തി​ഷേ​ധ പ്ര​ക​ട​ന​ങ്ങ​ൾ ന​ട​ന്നു. 7.50 ല​ക്ഷം പേ​ർ പ്ര​തി​ഷേ​ധ​ത്തി​ൽ പ​​ങ്കെ​ടു​ത്ത​താ​യി പ്രാ​ദേ​ശി​ക മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്തു. ബ​ന്ദി​ക​ളെ ജീ​വ​നോ​ടെ തി​രി​ച്ചെ​ത്തി​ക്കാ​ൻ ഇ​സ്രാ​യേ​ൽ വെ​ടി​നി​ർ​ത്ത​ൽ ക​രാ​റി​ൽ ഒ​പ്പി​ട​ണ​മെ​ന്ന് പ്ര​തി​ഷേ​ധ​ക്കാ​ർ ആ​വ​ശ്യ​പ്പെ​ട്ടു.