ഈജിപ്​ത്​ തടവിലിട്ട മാധ്യമപ്രവർത്തകന്​ മോചനം

കൈറോ: നാലുവർഷത്തിലേറെയായി ഈജിപ്​ഷ്യൻ ജയിലിൽ കഴിയുന്ന അൽജസീറ മാധ്യമപ്രവർത്തകൻ മഹ്​മൂദ്​ ഹുസൈന്​ മോചനം. 2016 ഡിസംബർ മുതലാണ്​ 54കാരനായ ഹുസൈനെ ഈജിപ്​ത്​ ഭരണകൂടം കരുതൽ തടങ്കലിലാക്കിയത്​.

അവധിദിനത്തിൽ കുടുംബത്തെ സന്ദർശിച്ചു മടങ്ങു​േമ്പാഴായിരുന്നു അറസ്​റ്റ്​. അഭിഭാഷകനെ അനുവദിക്കാതെ കോടതിയിൽ 15 മണിക്കൂർ വരെ ഇദ്ദേഹത്തെ ചോദ്യം ചെയ്​തിരുന്നു.

രാജ്യത്തി​െൻറ പ്രതിഛായ കളങ്കപ്പെടുത്തുന്ന വാർത്തകളെഴുതാൻ വിദേശ അധികൃതരിൽനിന്ന്​ പണം കൈപ്പറ്റിയെന്ന്​ ആരോപിച്ചായിരുന്നു അറസ്​റ്റ്​. എന്നാൽ, ഇതുവരെ ഒരു കുറ്റവും ചുമത്തിയിരുന്നില്ല. വിചാരണ പോലും നിഷേധിച്ച്​ നിരവധി തവണ തടങ്കൽ നീട്ടുകയും ചെയ്​തു.