റഷ്യയുടെ കോവിഡ്​ വാക്​സിനെതിരായ ആരോപണങ്ങൾ അടിസ്ഥാന രഹിതമെന്ന്​ ആരോഗ്യമ​ന്ത്രി മുറാഷ്കോ

മോസ്കോ: റഷ്യ വികസിപ്പിച്ചെടുത്ത കോവിഡ് 19 വാക്സിൻ സുരക്ഷിതമല്ലെന്ന ആരോപണം അടിസ്ഥാനരഹിതമെന്ന്​ റഷ്യൻ ആരോഗ്യമന്ത്രി മിഖായേൽ മുറാഷ്കോ. വാക്​സിൻ സുരക്ഷിതവും ഫലപ്രദവുമല്ലാത്തതിനാൽ അതിനോട്​ മത്സരിക്കേണ്ടതില്ലെന്ന വാദമാണ്​ ഉയരുന്നത്​. ഇത്​ തികച്ചും അടിസ്ഥാന രഹിതമാണ്​. മനുഷ്യരിൽ പരീക്ഷണം നടത്തിയ ശേഷമാണ്​ പൊതുഉപയോഗത്തിന്​ നിയമപരമായ അനുമതി നൽകിയതെന്നും മുറാഷ്​കോ പറഞ്ഞു.

രണ്ട് മാസത്തോളം മനുഷ്യരിൽ പരീക്ഷിച്ച ശേഷം റെഗുലേറ്ററി അംഗീകാരം നൽകുന്ന കോവിഡ് -19 വാക്സിൻ കണ്ടെത്തിയ ആദ്യ രാജ്യമായി റഷ്യ മാറിയെന്ന് പ്രസിഡൻറ്​ വ്‌ളാദിമിർ പുടിൻ ചൊവ്വാഴ്ച അറിയിച്ചിരുന്നു. ഇതിന് അനുമതി നൽകാനുള്ള തീരുമാനത്തിനെതിരെ വൻ വിമർശനമാണുയരുന്നത്​. ഇത്​ 10 ശതമാനം മാത്രമേ വിജയിക്കൂയെന്നും സുരക്ഷക്ക്​ മുമ്പിൽ ദേശീയ അന്തസുയർത്താനുള്ള ശ്രമം ഭയപ്പെടുത്തുന്നതാണെന്നും മോസ്​കോയിലെ ശാസ്​ത്രഞ്​ജൻമാർ അഭിപ്രായപ്പെട്ടു.

കോവിഡ് -19 നെതിരെ വികസിപ്പിച്ചെടുത്ത വാക്സിൻ സുസ്ഥിര പ്രതിരോധശേഷി നൽകുമെന്ന്​ റഷ്യൻ പ്രസിഡൻറ്​ വ്​ളാദമിർ പുടിൻ അറിയിച്ചിരുന്നു. സ്വന്തം പെൺമക്കളിൽ ഒരാൾക്ക് കുത്തിവെപ്പ്​ നൽകിതായും അതിനുശേഷം അവർ സുഖംപ്രാപിച്ചതായും അദ്ദേഹം വിശദീകരിച്ചിര​ുന്നു.

സോവിയറ്റ് യൂണിയൻ വിക്ഷേപിച്ച, ലോകത്തിലെ ആദ്യത്തെ ഉപഗ്രഹമായ സ്​പുട്​നികി​െൻറ സ്​മരണാർഥം വാക്​സിന്​ 'സ്പുട്നിക് 5' എന്ന പേരാണ്​ നൽകിയിരിക്കുന്നത്​. എന്നാൽ വാക്സി​െൻറ അന്തിമ പരീക്ഷണങ്ങൾ പൂർത്തിയാക്കിയിട്ടില്ലെന്നാണ്​ ലോകാരോഗ്യ സംഘടനയിൽ ഉൾപ്പെടെയുള്ള ശാസ്​ത്രജ്ഞർ പറയുന്നത്​.