അമേരിക്കക്കാർക്ക്​ തിങ്കളാഴ്​ച്ച മുതൽ ഫൈസർ വാക്​സിൻ നൽകിത്തുടങ്ങും

വാഷിങ്​ടൺ: തിങ്കളാഴ്​ച്ച മുതൽ അമേരിക്കക്കാർക്ക്​ ഫൈസർ കോവിഡ്​ 19 വാക്​സിൻ കുത്തിവെപ്പ്​ തുടങ്ങുമെന്ന്​ വിതരണപ്രവർത്തനത്തി​െൻറ ചുമതലയുള്ള ഉദ്യോഗസ്ഥൻ അറിയിച്ചു. ആദ്യ ഡോസുകൾ ഞായറാഴ്ച അയക്കുമെന്ന് യു.എസ്​ ആർമി​ ജനറൽ ഗുസ്​താവ്​ പെർന മാധ്യമപ്രവർത്തകരോടായി പറഞ്ഞു. തിങ്കളാഴ്ച രാവിലെ മുതൽ "അമേരിക്കയിലെ ജനങ്ങൾക്ക് വാക്സിനുകൾ ലഭിക്കുമെന്ന് ഞങ്ങൾക്ക് 100% ആത്മവിശ്വാസമുണ്ട്. -അദ്ദേഹം വ്യക്​തമാക്കി.

യു.എസിലെ എല്ലാ സ്​റ്റേറുകളിലുമുള്ള 145 സൈറ്റുകൾക്ക്​ തിങ്കളാഴ്ച വാക്സിൻ ലഭിച്ചേക്കും, ചൊവ്വാഴ്ച 425 സൈറ്റുകളിലേക്കും എത്തിക്കും. അവശേഷിക്കുന്ന 66 സൈറ്റുകളിൽ ബുധനാഴ്ചയും ആരംഭിക്കും. അതോടെ ഫൈസർ-ബയോ ടെക് വാക്സി​െൻറ പ്രാഥമിക ഡെലിവറി പൂർത്തിയാകുമെന്നും " അദ്ദേഹം പറഞ്ഞു.

ആദ്യത്തെ വാക്​സിൻ ഷിപ്പിങ്ങിലൂടെ 30 ലക്ഷം പേർക്കാണ്​ കുത്തിവെപ്പ്​ നടക്കാൻ പോകുന്നത്​. ഫൈസർ വാക്​സി​െൻറ അടിയന്തര ഉപയോഗത്തിന്​ ഫുഡ് ആൻഡ് ഡ്രഗ്സ് അഡ്മിനിസ്ട്രേഷനാണ് അനുമതി നൽകിയിരിക്കുന്നത്​. 16 വയസിന്​ മുകളിൽ പ്രായമുള്ളവർക്ക്​ വാക്​സിൻ നൽകാനാണ്​ യു.എസ്​ അനുമതി നൽകിയിരിക്കുന്നത്​.

ഫൈസർ വാക്‌സിൻ 95 ശതമാനവും ഫലപ്രദമാണെന്നാണ് വിലയിരുത്തപ്പെടുന്നത്​. യു.കെ, സൗദി അറേബ്യ, ബഹ്‌റിൻ, കാനഡ എന്നീ രാജ്യങ്ങൾ നേരത്തെ വാക്‌സി​െൻറ അടിയന്തര ഉപയോഗത്തിന് അനുമതി നൽകിയിരുന്നു. അതേസമയം, ഇന്ത്യയിൽ ഫൈസർ അധികൃതർ നൽകിയ അപേക്ഷ ഡ്രഗ്‌സ് കൺട്രോളർ ജനറലി​െൻറ പരിഗണനയിലാണ്. ബ്രിട്ടനിൽ ഫൈസർ വാക്‌സിൻ സ്വീകരിച്ച ചിലർക്ക് ആരോഗ്യപ്രശ്നങ്ങൾ ഉണ്ടായതായി നേരത്തെ റിപ്പോർട്ടുകൾ വന്നിരുന്നു. ഗുരുതര അലർജിയും മറ്റ്​ ബുദ്ധിമുട്ടുകളുമായിരുന്ന റിപ്പോർട്ട്​ ചെയ്യപ്പെട്ടത്​.