വ്യാജ വിസ; യു.എസിൽ 129 ഇന്ത്യൻ വിദ്യാർഥികൾ അറസ്​റ്റിൽ

വാഷിങ്​ടൺ: വ്യാജ സർവകലാശലാ വിസ സംഘടിപ്പിച്ച്​ യു.എസിൽ എത്തിയ 129 ഇന്ത്യൻ വിദ്യാർഥികൾ അറസ്​റ്റിൽ. യു.എസിൽ തുടരുന്നതിനായി വ്യാജ സർവകലാശാലയിൽ പ്രവേശനം തേടിയവരാണ്​ അറസ്​റ്റിലായത്​.

അമേരിക്കൻ ആഭ്യന്തര സുരക്ഷാ വിഭാഗമാണ്​ ഡെട്രോയിറ്റ്​ ഫാർമിങ്​​ടൺ ഹിൽസിൽ വ്യാജ സർവകലാശാല തുറന്നത്​. സ്​റ്റുഡൻറ്​ വിസ തട്ടിപ്പ്​ തടത്തി യു.എസിൽ തുടരുന്നവരെ കണ്ടെത്തുന്നതിനു വേണ്ടിയായിരുന്നു ഇത്​. വിദ്യാർഥികളെ അറസ്​റ്റ്​ ചെയ്​തതിന്​ പിറ​െക സർവകലാശാല അടച്ചുപൂട്ടി.

സർവകലാശാലയിൽ അഡ്​മിഷൻ തേടിയ വിദ്യാർഥികൾക്ക്​ ഇത്​ നിയമപ്രകാരമല്ലെന്ന വിവരം അറിയാമായിരുന്നുവെന്ന്​ യു.എസ്​ ഇമിഗ്രേഷൻ ആൻറ്​ കസ്​റ്റംസ്​ എൻ​ഫോഴ്​സമ​​െൻറ്​ അധികൃതർ പറഞ്ഞു. ഇവ​ർക്കെതിരെ കുറ്റം ചുമത്തുമെന്നും എല്ലാവരെയും നാടുകടത്തു​െമന്നും അന്വേഷണ ഏജൻസി അറിയിച്ചു. വിദ്യാർഥികളെ നിലവിൽ വീട്ടു തടങ്കിലിൽ പാർപ്പിച്ചിരിക്കുകയാണ്​. വീട്​ വിട്ട്​ അവർക്ക്​ ​സഞ്ചരിക്കാനാകില്ല. അവരെ നിരീക്ഷിക്കാനുള്ള സംവിധാനമുണ്ടെന്നും അധികൃതർ അറിയിച്ചു.

ഇൗയാഴ്​ച ആദ്യം എട്ട്​ റിക്രൂട്ടർമാരെയും അറസ്​റ്റ്​ ചെയ്​തിരുന്നു. ഇവരെല്ലാം ഇന്ത്യക്കാരോ ഇന്ത്യൻ - അമേരിക്കക്കാരോ ആണെന്നും അന്വേഷണ ഉദ്യോഗസ്​ഥർ അറിയിച്ചു. നിരവധി വിദേശികൾ വിദ്യാർഥികൾ എന്ന പേരിൽ യു.എസിൽ അനധികൃതമായി തുടരുന്നുണ്ടെന്നും അധികൃതർ അറയിച്ചു.

129 ഇന്ത്യൻ വിദ്യാർഥികൾ അറസ്​റ്റിലായതിനു പിറകെ യു.എസിലെ ഇന്ത്യൻ എംബസ്സി 24 മണിക്കൂർ ഹെൽപ്​ലൈൻ തുറന്നിട്ടുണ്ട്​.