അക്രമിയെന്ന് കരുതി അമ്മ മകളെ വെടിവെച്ചുകൊന്നു

വാഷിങ്ടണ്‍: അക്രമിയെന്ന് കരുതി ഫ്ളോറിഡയില്‍ അമ്മ 27കാരിയായ മകളെ വെടിവെച്ചുകൊന്നു. ഉറങ്ങുകയായിരുന്ന സ്ത്രീ ബഹളംകേട്ട് ഞെട്ടിയുണര്‍ന്നപ്പോള്‍ വീട്ടില്‍ ആരോ അതിക്രമിച്ച് കയറിയതാണെന്ന് ധരിക്കുകയായിരുന്നു. വാതില്‍ക്കല്‍ നിഴല്‍ കണ്ടപ്പോള്‍ മറ്റൊന്നുമാലോചിച്ചില്ല. തോക്കെടുത്ത് വെടിവെച്ചു. വെടിയേറ്റുകിടന്നയാളെ പരിശോധിച്ചപ്പോഴാണ് മകളാണെന്ന് മനസ്സിലായത്. ഉടന്‍ ആശുപത്രിയിലത്തെിച്ചെങ്കിലും മരിച്ചു. ഇവരുടെ പേരുകള്‍ വെളിപ്പെടുത്താന്‍ പൊലീസ് തയാറായില്ല.