ബ്രസീലിൽ 24 മണിക്കൂറിനിടെ 23,529 കോവിഡ്​ ബാധിതർ; 716 മരണം

റിയോ ഡി ജനീറോ: ബ്രസീലിൽ 24 മണിക്കൂറിനിടെ 23,529 പേർക്ക്​ കോവിഡ്​ ബാധിച്ചു. 716 പേർ മരിക്കുകയും ചെയ്​തു. രാജ്യത്ത്​ ആകെ കോവിഡ്​ സ്ഥിരീകരിച്ചവരുടെ എണ്ണം 20,98,389 ആയി ഉയർന്നു. ബ്രസീൽ ആരോഗ്യ മന്ത്രാലയം പുറത്തു വിട്ട കണക്കാണിത്​.

79,488 പേരാണ്​ കോവിഡ്​ ബാധിച്ച്​ മരിച്ചത്​. ശനിയാഴ്​ച രാജ്യത്ത്​ 28,532 കോവിഡ്​ കേസുകളും 900ത്തിലേറെ കോവിഡ്​ മരണങ്ങളും റിപ്പോർട്ട്​ ചെയ്​തിരുന്നു. 

ഒരാഴ്​ചക്കിടെ 7,000ത്തിലധികം കോവിഡ്​ ബാധിതരാണ്​ ബ്രസീലിൽ മരിച്ചത്​. 13 ലക്ഷത്തോളം ആളുകൾ ​ഇവിടെ രോഗമുക്തരായി.