ആമസോൺ ജീവനക്കാരന്​ കൊറോണ വൈറസ്​ ബാധ

വാഷിങ്​ടൺ: ഓൺലൈൻ റീ​ട്ടെയ്​ലർ ശൃംഖലയായ ആമസോൺ ഡോട്ട്​ കോമിലെ യു.എസിലെ ജീവനക്കാരന്​ കൊറോണ വൈറസ്​ ബാധ സ്​ഥിരീകരിച്ചു. വീട്ടിലെ നീരീക്ഷണത്തിലാണ്​ ജീവനക്കാരനെന്ന്​ ആമസോൺ അറിയിച്ചു.

വൈറസ്​ ബാധ സ്​ഥിരീകരിച്ച ജീവനക്കാരനൊപ്പം ​ജോലി ചെയ്​തവർക്കും മുൻകരുതൽ നിർദേശം നൽകിയിട്ടുണ്ട്​. വാഷിങ്​ടണിലെ നഗരമായ സീറ്റിലിലെ സൗത്ത്​ ലേക്ക്​ യൂനിയൻ ഓഫിസിലാണ്​ ഇയാൾ ജോലി ചെയ്​തിരുന്നത്​.

വൈറസ്​ ബാധിത പ്രദേശമായ മിലാനിലെ രണ്ടു ജീവനക്കാരോടും ഇറ്റലിയിലെ ജീവനക്കാരോടും വീട്ടുനിരീക്ഷണത്തിൽ കഴിയാൻ ആ​മസോൺ കമ്പനി നിർദേശം നൽകി.