ലോക്​ഡൗൺ: ഫാഷിസ്​റ്റ്​ നടപടി; ജനാധിപത്യ വിരുദ്ധമെന്ന്​ ഇലോൺ മസ്​ക്​

സാൻ ഫ്രാൻസിസ്​കോ: കോവിഡ്​ വ്യാപനത്തെ തുടർന്ന്​ ലോക്​ഡൗൺ പ്രഖ്യപിച്ചത്​ ഫാഷിസ്​റ്റ്​ നടപടിയാണെന്ന്​ ടെസ ്​ല തലവൻ ഇലോൺ മസ്​ക്​. വ്യക്തിപരമായ സ്വാതന്ത്ര്യത്തെ ലംഘിക്കുന്നതും സമ്പദ്‌വ്യവസ്ഥയെ തകർക്കുന്നതുമാണിതെന് നും ​ഇലോൺ മസ്​ക്​ അഭിപ്രായപ്പെട്ടു. ലോക്​ഡൗൺ മൂലം കാ​ലിഫോണിയയിലെ ടെസ്​ല ഇലക്​ട്രിക്​ കാറുകളുടെ നിർമാണം നി ർത്തിവെച്ചത്​ സംബന്ധിച്ച്​ സംസാരിക്കുകയായിരുന്നു അദ്ദേഹം.

ലോക്​ഡൗൺ ജനങ്ങളുടെ ഭരണഘടനാപരമായ അവകാശങ്ങ​ൾക്ക്​ എതിരായി അവരെ നിർബന്ധപൂർവ്വം വീടുകളിൽ തടവിലാക്കുന്നു. ജനങ്ങളുടെ സ്വാതന്ത്ര്യത്തെ തകർക്കുന്ന നടപടിയാണിതെന്നും മസ്​ക്​ ചൂണ്ടിക്കാട്ടി.

ടെസ്​ല മാത്രമല്ല, ലോക്​ഡൗൺ എല്ലാ കമ്പനികൾക്കും വലിയ നഷ്ടമാണ് ഉണ്ടാക്കിയിരിക്കുന്നത്​. ആളുകൾ കോവിഡിനെ നേരിടു​േമ്പാഴേക്കും മിക്ക ചെറു കമ്പനികളും ഇല്ലാതാകു​മെന്നും അദ്ദേഹം പറഞ്ഞു.

ലോക്​ഡൗൺ ​നിയന്ത്രണങ്ങളിൽ ജനങ്ങൾ കോപാകുലരാണെന്നാണ്​ തനിക്ക്​ മനസിലാക്കാൻ കഴിഞ്ഞിട്ടുള്ളത്​. വീടിന്​ പുറത്തുപോകാൻ ആർക്കും അനുവാദമില്ല. അഥവാ പുറത്തിറങ്ങിയാൽ അറസ്​റ്റ്​ ചെയ്യപ്പെടുന്നു. ഇത്​ ഫാഷിസ്​റ്റ്​ നടപടിയാണെന്നും ജനാധിപത്യമെന്ന്​ പറയാൻ കഴിയില്ലെന്നും അദ്ദേഹം പറഞ്ഞു. ഇത്​ സ്വാതന്ത്ര്യമല്ല, ജനങ്ങളുടെ​ അവകാശമായ സ്വാതന്ത്ര്യം തിരിച്ചു നൽകണമെന്നും ഇലോൺ മസ്​ക്​ കൂട്ടിച്ചേർത്തു.