ഫിദൽകാസ്​ട്രോയുടെ മരണത്തിൽ അഹ്​ളാദം പ്രകടിപ്പിച്ച്​ ​അമേരിക്കയിൽ പ്രകടനം

മിയാമി: ക്യൂബൻ കമ്മ്യൂണിസ്​റ്റ്​ നേതാവ്​ ഫിദൽകാസ്​ട്രായുടെ മരണത്തിൽ അഹ്​ളാദം പ്രകടിപ്പിച്ച്​ അമേരിക്കയിലെ മിയാമിയിൽ പ്രകടനം. അമേരിക്കയിലെ ക്യൂബൻ വംശജരാണ്​​  മിയാമിയിലെ ലിറ്റിൽ ഹവാനയിൽ കാസ്​ട്രോയുടെ മരണവാർത്ത അറിഞ്ഞതിനു ശേഷം ആഹ​്​ളാദപ്രകടനം നടത്തിയത്​.

 കാസ്​​ട്രോയുടെ മരണവാർത്ത അറിഞ്ഞയുടൻ ശനിയാഴ്​ച രാവിലെ  ക്യൂബൻ പതാകകളുമായി പാത്രങ്ങൾ ഉപയോഗിച്ചുകൊണ്ട്​ ഉച്ചത്തിൽ ശബ്​ദമുണ്ടാക്കി ​ ജനങ്ങൾ ഹവാനയിൽ റോഡുകൾ കയ്യടക്കുകയായിരുന്ന. ചിലർ റോഡിൽ പടക്കം പൊട്ടിക്കുകയും ചെയ്​തു.

മിയാമിയിലെ ജനസംഖ്യയിൽ 70 ശതമാനത്തോളം വരുന്ന ജനത ഹിസ്​പാനിക്​, ലാറ്റനോ വിഭാഗത്തിൽ പെടുന്നവരാണ്​. അതിൽ തന്നെ ഭൂരിപക്ഷവും ക്യൂബൻ വംശത്തിലുള്ളവരാണ്​.ക്യൂബയിൽ ഫിദൽ കാസ്​​ട്രോയുടെ ഭരണകാലത്താണ്​ ഇവർ ഭൂരിഭാഗവും ​അമേരിക്കയിലേക്ക്​ കുടിയേറിയത്​​. ക്യൂബൻ വിപ്​ളവം ആരംഭിച്ച്​ 15 വർഷത്തിനുള്ളിൽ എകദേശം അഞ്ച്​ ലക്ഷം പൗരൻമാർ അമേരിക്കയിലെത്തി​െയന്നാണ്​ കണക്ക്​. ഫിദൽ കാസ്​ട്രോയുടെ നയങ്ങളോടും രാഷ്​ട്രീയത്തോടും വിയോജിപ്പുള്ളവരാണ്​ ഇത്തരത്തിൽ കുടിയേറിയത്​.