ഭാര്യമാരുടെ വോട്ട്​ ഒളിഞ്ഞു നോക്കി ട്രംപും മകനും

ന്യൂയോർക്ക്​: തെരഞ്ഞടുപ്പ്​ ദിനത്തിലും വിവാദങ്ങൾ സൃഷ്​ടിക്കുന്നതിൽ റിപബ്​ളിക്കൻ സ്​ഥാനാർഥി ടൊണാൾഡ്​ ട്രംപ്​ ഒട്ടും പിശുക്ക്​ കാട്ടിയില്ല. ഭാര്യ വോട്ട്​ ചെയ്യുന്നത്​ ഒളിഞ്ഞുനോക്കിയാണ്​ ട്രംപ്​ പുതിയ വിവാദത്തിന്​ തുടക്കമിട്ടത്​.

ട്രംപ്​ കുടുംബത്തോടപ്പം ഇൗസ്​റ്റ്​ മാൻഹട്ടണിലെ പോളിങ്​ സേറ്റഷനിലാണ്​ വോട്ട്​ രേഖപ്പെടുത്താൻ എത്തിയത്​. ഭാര്യ മെലാനിയ വോട്ട്​ ചെയ്യുന്ന സമയത്ത്​ ട്രംപ്​ ഒളിഞ്ഞ്​ നോക്കുകയായിരുന്നു. എന്തായാലും ട്രംപി​​െൻറ ഒളിഞ്ഞ്​ നോട്ടം സോഷ്യൽ മീഡയയിലും തരംഗമായി. ട്രെംപിനെ പരിഹസിച്ചു കൊണ്ടുള്ള നിരവധി പോസ്​റ്റുകൾ സോഷ്യൽ മീഡിയയിൽ വന്നു കഴിഞ്ഞു.

ഇതിനിടെ ഭാര്യ ലാറ യുസാൻക വോട്ട്​ ചെയ്യുന്നത്​ ഒളിഞ്ഞുനോക്കി മകൻ എറിക്​ ട്രംപും പിതാവ്​  ട്രംപി​​െൻറ പാത പിന്തുടർന്നു. വോട്ട്​ ചെയ്​തതിനു ശേഷം എറിക്​ ട്രംപ്​ട്വിറ്ററിൽ ബാലറ്റ്​ പേപ്പറി​​െൻറ ചിത്രം പ്രദർശിപ്പിച്ചതും വിവാദമായിട്ടുണ്ട്​.

ന്യൂയോർക്കിലെ നിയമമനുസരിച്ച്​ വോട്ട്​ രേഖപ്പെടുതിയ ബാലറ്റ്​ പേപ്പർ പ്രദർശിപ്പിക്കുന്നത്​ കുറ്റകരമാണ്​. സോഷ്യൽ മീഡിയ പോസ്​റ്റുകളും ഇതി​​െൻറ പരിധിയിൽ വരുമെന്ന്​ കഴിഞ്ഞ ആഴ്​ച അമേരിക്കൻ കോടതി വിധിച്ചിരുന്നു.