യു.എസിൽ അനധികൃത കുടിയേറ്റക്കാരിൽ നിന്ന്​ ഇനി കുട്ടികളെ അകറ്റില്ല

വാഷിങ്​ടൺ: കുടിയേറ്റക്കാരു​െട കുടംബാംഗങ്ങളെ അകറ്റുന്ന നിയമത്തിനെതിരെ രൂക്ഷമായ വിമർശനം ഉയർന്നതോടെ ഇൗ നടപടി അവസാനിപ്പിക്കാൻ അമേരിക്കൻ പ്രസിഡൻറ്​ ഡൊണാൾഡ്​ ട്രംപി​​​​​െൻറ ഉത്തരവ്​. യു.എസ്​-മെക്​സിക്കോ അതിർത്തിയിൽ കുടിയേറ്റം രൂക്ഷമായതിനെ തുടർന്നാണ്​ ഇവർക്കെതിരെ ശക്​തമായ നടപടി അ​േമരിക്ക സ്വീകരിച്ചത്​. കുട്ടികളെ കുടംബത്തിൽ നിന്ന്​ അകറ്റുകയായിരുന്നു കുടിയേറ്റത്തിനെതിരെ ട്രംപ്​ സ്വീകരിച്ച നടപടി. 

ഇതിനെതിരെ പ്രഥമ വനിത മെലാനിയ ട്രംപിൽ നിന്നുൾപ്പെടെ രൂക്ഷ വിമർശനം നേരിട്ടതോടെയാണ്​ കുടിയേറ്റക്കാരായ രക്ഷിതാക്കളിൽ നിന്ന്​ കുട്ടികളെ അകറ്റാനുള്ള നടപടിക്ക്​ അന്ത്യം കുറിച്ചത്​. രക്ഷിതാക്കളിൽ നിന്ന്​ അകറ്റിയ കുഞ്ഞ്​ കരയുന്ന ചിത്രങ്ങൾ കഴിഞ്ഞ ദിവസം പുറത്തു വരികയും ഇത് അന്താരാഷ്​ട്രതലത്തിൽ വിമർശനങ്ങൾക്കിടവെക്കുകയും ചെയ്​തിരുന്നു. ​ 

പുതിയ ഉത്തരവ്​ പ്രകാരം കുട്ടികളെ രക്ഷിതാക്കളിൽ നിന്ന്​ അകറ്റില്ല. എന്നാൽ കുടിയേറ്റക്കാരെ ഫെഡറൽ കസ്​റ്റഡിയിൽ സൂക്ഷിക്കുകയും അനധികൃതമായി കുടിയേറിയതിന്​ നിയമ നടപടികൾ സ്വീകരിക്കുകയും ചെയ്യും. ബുധനാഴ്​ചയാണ്​ ഉത്തരവിൽ ഒപ്പുവെച്ചത്​. അതിർത്തി സുരക്ഷ ശക്​തമാക്കുന്നതോടൊപ്പം കുടിയേറ്റക്കാരുടെ വികാരം കൂടി മാനിച്ച്​ കുടുംബത്തോടൊപ്പം ഒരുമിച്ച്​ നിൽക്കാൻ അവരെ അനുവദിക്കുമെന്നും ഉത്തരവിൽ ഒപ്പുവെച്ച ശേഷം ട്രംപ്​ വ്യക്​തമാക്കി.